အစိုးရသစ် လက်ထက်တွင် ပြည်ထောင်စုဝန်ကြီး ဦးအောင်ကြည်နှင့် ဒေါ်အောင်ဆန်းစုကြည်တို့ စတုထ္ထအကြိမ်တွေ့ဆုံမည်

အစိုးရသစ် လက်ထက်တွင် ပြည်ထောင်စုဝန်ကြီး ဦးအောင်ကြည် နှင့် ဒေါ်အောင်ဆန်းစုကြည် တို့မှာ စတုထ္ထအကြိမ်မြောက် အဖြစ် အောက်တိုဘာလ ၃၀ရက်နေ့ မွန်းလွဲပိုင်းတွင် ရန်ကုန်မြို့ရှိ စိမ်းလဲ့ကန်သာ ဧည့်ဂေဟာတွင် တွေ့ဆုံဆွေးနွေးကြမည်ဖြစ်ကြောင်း သိရှိရပါသည်။

ဦးအောင်ကြည်နှင့်ဒေါ်အောင်ဆန်းစုကြည်တို့သည် စက်တင်ဘာလ ၃၀ရက်နေ့က တတိယအကြိမ်မြောက်အဖြစ်နောက်ဆုံးတွေ့ဆုံထားခဲ့ပြီး အဆိုပါဆွေးနွေးမှုတွင် နိုင်ငံတော်သမ္မတကြီးက လွတ်ငြိမ်းချမ်းသာခွင့်ပေးရန် စဉ်းစားဆောင်ရွက်နေသည့် ကိစ္စ၊ ဧရာဝတီ မြစ်ကြောင်း ထိန်းသိမ်းရေးအတွက် နှစ်ဖက်ပူးပေါင်း ဆောင်ရွက်နိုင်မည့် နည်းလမ်းများကိစ္စ၊ ဥပဒေပြင်ပတွင် လက်နက်ကိုင်ဆောင် ဆန့်ကျင်နေကြသူများကို ဥပဒေဘောင်အတွင်း ထာဝရငြိမ်းချမ်းရေး တည်ဆောက်ပေးရန် နိုင်ငံတော်အစိုးရက ကြိုးပမ်းဆောင်ရွက်နေသည့် ကိစ္စများနှင့် ပြည်တွင်း တည်ငြိမ်အေးချမ်းရေးနှင့် တရားဥပဒေ စိုးမိုးရေးအတွက် ပူးပေါင်းဆောင်ရွက်ရေး ကိစ္စများကို ဆွေးနွေးခဲ့ပါသည်။

အစိုးရသစ်လက်ထက်၌  ဦးအောင်ကြည်နှင့်ဒေါ်အောင်ဆန်းစုကြည်တို့သည်  ၂၀၁၁ခုနှစ် ဇူလိုင်လ ၂၅ရက်နေ့က ပထမဆုံးတွေ့ဆုံခဲ့ပြီး ၂၀၁၁ ခုနှစ် ဩဂုတ်လ ၁၂ ရက်နှင့် ၂၀၁၁ ခုနှစ် စက်တင်ဘာလ ၃၀ ရက်နေ့တို့တွင် ထပ်မံတွေ့ဆုံခဲ့ခြင်းဖြစ်ပါသည်။ ယခင်အစိုးရလက်ထက် တွင်မူ ဦးအောင်ကြည်နှင့်ဒေါ်အောင်ဆန်းစုကြည်တို့ (၉)ကြိမ် တွေ့ဆုံထားခဲ့ပါသည်။

ယခုတွေ့ဆုံမှုသည် အောက်တိုဘာလ ၂၄ရက်နေ့က မြန်မာနိုင်ငံသို့ နှစ်ရက်ကြာ လာရောက်ခဲ့သည့်  အမေရိကန် အထူးကိုယ်စားလှယ် စေ့စပ်ညှိနှိုင်းရေးမှူး ဒဲရက်မစ်ချယ်၏ ဒုတိယခရီးစဉ်အပြီး ရက်သတ္တပတ်အတွင်း တွေ့ဆုံခြင်းဖြစ်ပါသည်။

အချိန်နှစ်လအတွင်း မြန်မာနိုင်ငံသို့ ဒုတိယအကြိမ်လာရောက်ခဲ့သော ဒဲရက်မစ်ချယ်သည် နေပြည်တော်၌ အစိုးရအဖွဲ့ဝင်များနှင့်လည်းကောင်း၊ ရန်ကုန်မြို့၌ ဒေါ်အောင်ဆန်းစုကြည်နှင့်လည်းကောင်း သီခြားစီတွေ့ဆုံထားခဲ့ပါသည်။ ဒဲရက်မစ်ချယ်၏ ဒုတိယခရီးစဉ်အတွင်း ဆွေးနွေးမှုများ ပတ်သက်ပြီး အမေရိကန်အစိုးရမှသီးခြားသတင်းထုတ်ပြန်ချက်မထုတ်ပြန်ခဲ့သည့်နည်းတူ ဒေါ်အောင်ဆန်းစုကြည်ဘက်မှလည်း ထုတ်ဖော်ပြောကြားခဲ့ခြင်း မရှိကြောင်းသိရပါသည်။


ဒေါ်အောင်ဆန်းစုကြည်နှင့် ဦးအောင်ကြည်တို့ တွေ့ဆုံခဲ့မှုများ
၁။ ၂၀ဝ၇ ခုနှစ် အောက်တိုဘာလ ၂၅ ရက်
၂။ ၂၀ဝ၇ ခုနှစ် နိုဝင်ဘာလ ၉ ရက်
၃။ ၂၀ဝ၇ ခုနှစ် နိုဝင်ဘာလ ၁၉ ရက်
၎။ ၂၀ဝ၈ ခုနှစ် ဇန်နဝါရီလ ၁၁ ရက်
၅။ ၂၀ဝ၈ ခုနှစ် ဇန်နဝါရီလ ၃၀ ရက်
၆။ ၂၀ဝ၉ ခုနှစ် အောက်တိုဘာလ ၃ ရက်
၇။ ၂၀ဝ၉ ခုနှစ် အောက်တိုဘာလ ၇ ရက်
၈။ ၂၀ဝ၉ ခုနှစ် ဒီဇင်ဘာလ ၉ ရက်
၉။ ၂၀၁၀ ပြည့်နှစ် ဇန်နဝါရီလ ၁၅ ရက်
၁၀။  ၂၀၁၁ ခုနှစ် ဇူလိုင်လ ၂၅ ရက် (အစိုးရသစ် လက်ထက်)
၁၁။ ၂၀၁၁ ခုနှစ် ဩဂုတ်လ ၁၂ ရက်
(အစိုးရသစ် လက်ထက်)
၁၂။ ၂၀၁၁ ခုနှစ် စက်တင်ဘာလ ၃၀ ရက်
(အစိုးရသစ် လက်ထက်)

Ref: EMG

Read more »

Posted in: ၀၃။ မြန်မာ့ သတင်း

တရုတ်နားရွက် တံတွေးစွတ်လိုက်တဲ့ ဗီယက်နမ်

တရုတ်အစိုးရပိုင် Global Times သတင်းစာက ဗီယက်နမ်နဲ့ အိန္ဒိယ အစိုးရပိုင် ရေနံကုမ္ပဏီ (ONGC) တို့ မကြာခင်က စာချုပ်ချုပ်တဲ့အပေါ် ပြင်းပြင်းထန်ထန် ဝေဖန်ခဲ့သည်။
တရုတ်က သူ့ရေပိုင်နက်လို့ ကြေငြာထားတဲ့ တောင်တရုတ်ပင်လယ်က နေရာအချို့မှာ ဗီယက်နမ်နဲ့ အိန္ဒိယက သဘာဝဓာတ်ငွေ့ တူးဖော်ဖို့ စာချုပ်ချုပ်လိုက်တဲ့အတွက် ဒေါသထွက်နေခြင်း ဖြစ်သည်။ တစ်နည်းအားဖြင့် ဒီနှစ်နိုင်ငံစာချုပ်က တရုတ်ရဲ့ ပင်လယ်ပြင် အချုပ်အခြာကို ကန့်သတ်လိုက်တဲ့ သဘောပင်။
တရုတ်အစိုးရ ဒေါသထွက်မယ်ဆိုလည်း ထွက်စရာ။ ဒီလအစောပိုင်းမှာ ဗီယက်နမ် ကွန်မြူနစ်ပါတီခေါင်း ငုယင်ဖူကျောင်း ပေကျင်းမြို့ကို အလည်သွားရောက်ပြီး တရုတ်ခေါင်းဆောင်တွေနဲ့ ပင်လယ်ပြင်ပိုင်နက် အချင်းများမှုကို အဖြေရှာဖို့ ဆွေးနွေးစကားတွေ ပြောခဲ့သည်။ ပေကျင်းခရီးက ပြန်လာပြီး တစ်ရက်ပဲရှိသေး ဗီယက်နမ်က အိန္ဒိယနဲ့ စွမ်းအင်ပူးပေါင်းဆောင်ရွက်ဖို့ စာချုပ်ချုပ်လိုက်ခြင်း ဖြစ်သည်။
Global Times သတင်းစာက "ဗီယက်နမ်ခေါင်းဆောင်ပိုင်းက မလေးမခန့်နဲ့ ထိပ်တိုက်တိုး လုပ်ဆောင်မှုကို တရုတ်အစိုးရက အရေးယူဖို့ စဉ်းစားနေပြီ" ဟု အပြင်းအထန် ထိုးနှက်ရေးသားခဲ့သည်။
နောက် တရုတ်ကွန်မြူနစ်ပါတီထုတ် People's Daily သတင်းစာကလည်း အိန္ဒိယရဲ့ စွမ်းအင်မဟာဗျူဟာက အန္တရာယ်ဇုံအတွင်း ကျရောက်နေပြီဖြစ်ကြောင်း အိန္ဒိယကို သတိပေး ရေးသားခဲ့သည်။
အဲဒီ တရုတ်သတင်းစာတွေရဲ့ မာမာထန်ထန် ပြောဆိုမှုနောက်ကွယ်မှာ တရုတ်အစိုးရ ထိတ်လန့်မှု နှစ်ခု ရှိသည်။ ပထမတစ်ခုက တောင်တရုတ်ပင်လယ် ရေပိုင်နက်အပေါ် တရုတ်နဲ့ ဗီယက်နမ်၊ ဖိလစ်ပိုင်တို့ အငြင်းပွားနေမှုကို အခု အိန္ဒိယကပါ တိုက်ရိုက် ပါဝင်ပတ်သက်လာမှု ဖြစ်သည်။ ဒုတိယက အိန္ဒိယနဲ့ ဗီယက်နမ် နီးနီးကပ်ကပ် ဆက်ဆံမှု ရှိလာခြင်းဖြစ်သည်။
ဒီနှစ်နိုင်ငံ တပူးတွဲတွဲ ဖြစ်လာတဲ့ အကြောင်းက တရုတ်ကို ထိန်းချုပ်ဖို့ အမေရိကန်ရဲ့ နောက်ကွယ်မဟာဗျူဟာ အစီအစဉ်ဖြစ်သည်။ ဒီတော့ ဗီယက်နမ်နဲ့ အိန္ဒိယ လုံးနေပြီဆိုတဲ့ အသံကြားတာနဲ့ကို တရုတ်အဖို့ ပင်လယ်ပြင်ထိန်းချုပ်ရေးအတွက် စိုးရိမ်စိတ်အားကြီးလာခဲ့သည်။
နောက် ဗီယက်နမ်ကွန်မြူနစ် ပါတီခေါင်းဆောင် တရုတ်ပြည်ရောက်နေတဲ့အချိန်မှာ၊ ဗီယက်နမ် သမ္မတကလည်း အိန္ဒိယကို တပြိုင်နက်ထဲ ရောက်နေသည်။ ရည်ရွယ်ချက်ကတော့ အာရှနိုင်ငံကြီး နှစ်နိုင်ငံလုံးကို မဟာဗျူဟာမိတ်ဖက်အဖြစ် စည်းရုံးဖို့ဟု ဆိုသည်။
၁၉၈၈ ခုနှစ်မှာ တောင်တရုတ်ပင်လယ် စပရက်တလေကျွန်းကိစ္စအတွက် တရုတ်နဲ့ ဗီယက်နမ် ပစ်ခတ်မှုတွေ ဖြစ်ပြီး ဗီယက်နမ်စစ်သား ၇၀ ကျော် သေဆုံးခဲ့ရသည်။ အဲဒီကတည်းက တင်းမာမှုတွေ ဆက်ရှိနေပြီး၊ ဒီနှစ်အစောပိုင်း ဟနွိုင်းနဲ့ ဟိုချီမင်းမြို့တော်မှာ တရုတ်ဆန့်ကျင်ရေး ဆန္ဒပြမှုတွေအထိ ဖြစ်ခဲ့သည်။
ဒါကြောင့် ဗီယက်နမ်က အခု အိန္ဒိယရဲ့ ၀ိုင်းရံကူညီမှုကို ၀မ်းသာအယ်လဲ ကြိုဆိုခဲ့သည်။ နောက် အာစီယံ ပါတနာတွေဖြစ်တဲ့ ဘရူနိုင်း၊ မလေးရှား၊ ဖိလစ်ပိုင်တို့ကလည်း တောင်တရုတ်ပင်လယ်မှာ တရုတ်နဲ့ ကျွန်းလုနေကြရတာမို့၊ ဗီယက်နမ်က အဲဒီနိုင်ငံတွေနဲ့ပါ ညီညွတ်ရေးတပ်ဦး တည်ဆောက်ပြီး တရုတ်ကို ကျားကန်ဖို့ လုပ်ထားသည်။
အဲဒီဇာတ်လမ်းနောက်ကွယ်မှာ အိန္ဒိယက မဟာဗျူဟာ အခွင့်ရေးကောင်းကို ရယူခဲ့တာ ဖြစ်သည်။ တရုတ်က ပြိုင်ဖက် အိန္ဒိယကို ထိန်းချုပ်ဖို့ ပါကစ္စတန်ကို ကိုင်ထားသလို၊ အိန္ဒိယကလည်း တန်ပြန်အဖြစ် ဗီယက်နမ်ကို သစ္စာခံအဖြစ်ထားဖို့ ကြိုးစားလာသည်။ ယခု အိန္ဒိယ ဗီယက်နမ် ပါတနာဖွဲ့မှုနောက်ကွယ် ဇာတ်ဆရာက အမေရိကန် ဖြစ်သည်။
ဝင့်ထန်း
Ref: မောက္ခ

Read more »

Posted in: ၀၂။ နိုင်ငံတကာသတင်း

ထိုင်းရေကြီးမှု နောက်သီတင်းပတ်မှ စကျနိုင်

ဓာတ်ပုံ AP

ရေကြီးနေတဲ့ ထိုင်းနိုင်ငံ ဘန်ကောက်မြို့ထဲကနေ လူတွေအစုလိုက် အပြုံလိုက် ဘေးလွတ်ရာ ပြောင်းရွှေ့နေကြချိန်မှာပဲ ကြီးနေတဲ့ရေတွေ မကြာခင်မှာ ပြန်ကျသွားပါလိမ့်မယ်လို့ ထိုင်းဝန်ကြီးချုပ် ယင်းလပ်ရှင်နာဝပ် (YinLuck Shinawatra) က ပြောလိုက်ပါတယ်။ ကြီးနေတဲ့ ရေမျက်နှာပြင်ဟာ အမြင့်ဆုံးကိုရောက်နေပြီး ရှေ့သီတင်းပတ်ထဲမှာ ရေပြန်ကျပါလိမ့်မယ်လို့ ဝန်ကြီးချုပ်ယင်းလပ် က နိုင်ငံတော်ကို အပတ်စဉ်ပြောတဲ့ မိန့်ခွန်းထဲမှာ ပြောကြားထားတာပါ။

တချိန်တည်းမှာပဲ ဘန်ကောက်မြို့တော်ထဲမှာ နေထိုင်ကြသူတွေဟာ ရေဘေးလွတ်ရာ သွားနိုင်ကြဖို့ လေဆိပ်မှာစုပြုံနေကြသလို ရထားဂိတ်တွေ၊ ကားဂိတ်တွေမှာလည်း လူတွေ အပြည့်ဖြစ်နေပါတယ်။ အစိုးရက ရုံးပိတ်ရက် ၅ ရက် သတ်မှတ်ထားတဲ့အတွက် တချို့ကလည်း ကိုယ်တိုင်ကားမောင်းပြီး ဘန်ကောက်မြို့ထဲကနေ ထွက်ခွာနိုင်ဖို့ ကြိုးစားနေကြပါတယ်။

ကုန်းမြင့်ပိုင်းဖြစ်တဲ့ တောင်ပိုင်းဒေသတွေဘက်ကို အများအပြား သွားနေကြတာ ဖြစ်ပါတယ်။ လူတွေ သေဆုံးရတဲ့အထိဖြစ်နေတဲ့ ရေကြီးမှုကို အမေရိကန် ရဟတ်ယာဉ် ၂ စင်း သုံးပြီး ဆန်းစစ်နိုင်ဖို့ ထိုင်းနိုင်ငံအတွက် အဓိကကျတဲ့ဆိပ်ကမ်းမှာ အမေရိကန်ဖျက်သင်္ဘောတစ်စင်းကို ဆက်ပြီးနေပေးဖို့ ထိုင်းနိုင်ငံက တောင်းဆိုထားတယ်လို့ ပင်တဂွန် (Pentagon) စစ်ဌာနချုပ်က ပြောပါတယ်။

Ref: VOA

Read more »

Posted in: ၀၄။ ထိုင်းသတင်း

“နိုင်ငံတော်မှာ တို့မရှိတော့ …”

Ref: ဒေါက်တာလွမ်းဆွေ

Read more »

Posted in: ၀၇။ ကဗျာ

ဗိုလ်ချုပ်မှူကြီး သမီး ၂ယောက်က မြေဧက ၅၀ တောင်းခံ

နအဖ စစ်ခေါင်းဆောင် ဗိုလ်ချုပ်မှူးကြီး သန်းရွှေ၏ သမီး ၂ ဦးဖြစ်သူ အေးသောင်းရွှေနှင့် သိင်္ဂရွှေတို့က ရန်ကုန်မြို့ လှိုင်သာယာ စက်မှုဇုန်အနီး မြေဧက ၅၀ ရရှိရန် ရန်ကုန်မြို့တော်ဝန် ဦးလှမြင့်ထံ တောင်းခံထားကြောင်း ရန်ကုန်မြို့တော် စည်ပင်သာယာရေး ကော်မတီမှ အမည်မဖေါ်လိုသော အရာရှိတဦးက ပြောသည်။

ထိုသို့ တောင်းခံလာခြင်းအပေါ် မြို့တော်ဝန် ဦးလှမြင့် အနေဖြင့် မည်သို့ ဆုံးဖြတ်မည် မသိရသေးကြောင်း၊ မြို့တော်ဝန် ဦးလှမြင့်သည် ဗိုလ်ချုပ်မှူးကြီးက ရွေးချယ် ခန့်အပ်ထားသူအဖြစ် သိရှိထားကြပြီး ယခုနှစ်ဆန်း နအဖ အစိုးရ အာဏာလွှဲအပ်ခြင်း မပြုမီ မြို့တော်ဝန် ဦးအောင်သိန်းလင်းအစား လဲလှယ် ခန့်အပ်ခဲ့ခြင်း ဖြစ်သည်။

အလားတူ ကြံ့ခိုင်ဖွံ့ဖြိုးရေး ပါတီကလည်း ပါတီရန်ပုံငွေအဖြစ် လုပ်ကိုင်ရန် ရန်ကုန်မြို့ သီရိမင်္ဂလာဈေးသစ်တွင် ဈေးရုံတရုံ တောင်းခံထားသည်ဟု ၎င်းအရာရှိကပင် ပြောသည်။ ကြံ့ခိုင်ရေး ပါတီအား ဈေးရုံတရုံ ရောင်းချပေးရန်ကိစ္စနှင့် ပတ်သက်၍ ၎င်းပါတီအားပေးလျင် အခြားသော နိုင်ငံရေးပါတီများကိုပါ ရောင်းချပေးရမည့် သဘောဖြစ်သဖြင့် ခေတ္တဆိုင်းငံ့ထားသည်ဟု စည်ပင် အရာရှိကပြောပြသည်။

လှိုင်သာယာ စက်မှုဇုန်သည် ရန်ကုန်မြို့ရှိ အခြားသော စက်မှုဇုန်များအနက် အကွာအဝေးအရ၊ လမ်းပန်းဆက်သွယ်ရေးအရပါ အဆင်ပြေဆုံး စက်မှုဇုန်တဇုန်ဖြစ်ပြီး စီးပွားရေး လုပ်ငန်းရှင်များ နှစ်သက်ဆုံး စက်မှုဇုန်ဖြစ်သည်။ လှိုင်သာယာ စက်မှုဇုန်မြေကွက် ၁ ဧက ဈေးနှုန်းမှာ သိန်း ထောင်ဂဏန်း ထိရှိသည်ဟု သိရှိရသည်။ အဆိုပါဈေးအရတွက်လျင် သန်းရွှေ၏ သမီး ၂ ယောက်က လက်ရှိနိုင်ငံတော်အစုိုးရထံက မြန်မာကျပ်ငွေ သိန်းထောင်ပေါင်း ၁၀၀ နီးပါးကို တောင်းခံသည့် သဘောဖြစ်နေသည်။

အစိုးရသစ်လက်ထက် ရင်းနှီးမြှုပ်နှံမှုနှင့် အခွန်အကောက်ဆိုင်ရာ ဖြေလျော့မှု လက္ခဏာများ မြင်တွေ့လာရခြင်းနှင့် အတူ ပြည်ပရင်းနှီးမြှုပ်နှံသူများ စိတ်ဝင်စားမှု ပိုမိုလာနိုင်သည့် အလားအလာရှိနေသဖြင့် လှိုင်သာယာ စက်မှုဇုန်၊ ရွှေပြည်သာ စက်မှုဇုန်နှင့် အခြားသောစက်မှုဇုန် မြေကွက်များအပေါ် လုပ်ငန်းရှင်ကြီးများ ပိုမို စိတ်ဝင်စားလာကြသည်။

ဧပြီလ ၃၀ ရက်နေ့ တွင် နအဖ အစိုးရဖျက်သိမ်းပြီးနောက် ဗိုလ်ချုပ်မှူးကြီး သန်းရွှေသည် တရားဝင်မည်သည့် ရာထူးမျှတာဝန်ယူမထားတော့ သော်လည်း တပ်မှ အနားယူ၊ မယူကိုမူ အတည်ပြုနိုင်ခြင်း မရှိပေ။ ထို့အတူ ယခုအစိုးရသစ်အား နောက်ကွယ်မှ ကြိုးကိုင်လျှက်ရှိသည်ဟု နိုင်ငံရေး အကဲခတ်သူ အများစုက ယုံကြည်လျက်ရှိကြသည်။

Ref: မိုးမခ

Read more »

Posted in: ၀၃။ မြန်မာ့ သတင်း

BA လူမှုသိပ္ဗံဘွဲ့အတွက် ပညာသင်ဆု

ချင်းမိုင်တက္ကသိုလ်၏ နှစ်စဉ် စကော်လားရှစ် အစီအစဉ်တွင် ပညာထူးချွန်သော မြန်မာကျောင်းသားများ အတွက် ပညာတော်သင်ဆုကို ချီးမြှင့်လျက်ရှိပါသည်။

ချင်းမိုင်တက္ကသိုလ် စာကြည့်တိုက်

ရမှတ်ကောင်းခြင်း၊ ပုံမှန်အတန်းအောင်မြင်ခြင်းစသည့် တက္ကသိုလ် စကော်လားရှစ်ရွေးချယ်ရေး ကော်မီတီက သတ်မှတ်ထားရှိသည့် စံနှုန်းများနှင့် ကိုက်ညီသော မြန်မာကျောင်းသားများကို လူမှုသိပ္ပံအထူးပြု ပညာတော်သင်ဆုကို ၂၀၁၂ အတွက် ချီးမြှင့်မည်ဖြစ်ကြောင်း သတင်းရရှိပါသည်။

အသေးစိတ်အချက်အလက်များနှင့် ဆက်သွယ်ရန်အတွက် ပညာတော်သင်ဆု ၀ဘ်ဆိုက်သို့ ၀င်ရောက်နိုင်ပါသည်။
http://ba-social-science.weebly.com/scholarships.html

Ref: မောက္ခ ပညာတော်သင်ဆုသတင်း

Read more »

Posted in: ၀၄။ ထိုင်းသတင်း

ဘီလ်ဂိတ်နဲ့ စတိဗ်ဂျော့စ်တို့ အင်တာဗျူးခဲ့ရင် ထုိုင်းဘွဲ့ရတွေ အလုပ်မရနိုင်

အောက်တိုဘာ ၁၇ ရက် ထိုင်းနေရှင်း သတင်းစာ အယ်ဒီတာ့အာဘော်က လက်ရှိ ထို်င်းပညာရေးစနစ်ကို ဝေဖန်သည်။ ဘီလ်ဂိတ်နဲ့ ကွယ်လွန်သွားတဲ့ စတိဗ် ဂျော့စ် တို့သာ ထိုင်းဘွဲ့ရတွေကို အင်တာဗျူးခဲ့ရင် တစ်ယောက်မှ အလုပ်ရမယ့်သူမရှိဟု ဆိုသည်။
မိုက်ခရိုဆော့ဖ် တည်ထောင်သူ ဘီလ်ဂိတ်က 'စီးပွားရေးကို မောင်းနှင်ဖို့ အလုပ်နဲ့ ဆက်စပ်နိုင်မယ့် ကျွမ်းကျင်မှုတွေရအောင် တက္ကသိုလ်ကျောင်းသားတွေကို လေ့ကျင့်ပေးထားရမည်' ဟု ဆိုသည်။ ကွယ်လွန်သူ Apple ရဲ့ ဂျော့စ် က 'နည်းပညာကို အနုပညာရပ်၊ ၀ိဇ္ဇာ ဘာသာရပ်တွေ (humanities) နဲ့ပေါင်းစပ်ပြီး၊ လူတွေရဲ့ နှလုံးသားက အသံကို နားထောင်နိုင်မှသာ ရလဒ်ကောင်းတွေ ထွက်မည်ဟု ဆိုသည်။
အဲဒီ ဂုရုနှစ်ပါးရဲ့ အဆင့်အတန်းသတ်မှတ်ချက်တွေအတိုင်းဆိုလျှင် ထိုင်းနိုင်ငံ ဘွဲ့ရတွေ တစ်ဦးမှ ပြည့်မှီမှု မရှိဟု အယ်ဒီတာက ဝေဖန်ထားသည်။ ဘီလ်ဂိတ်က ခေတ်သစ် စက်ရုံအလုပ်ရုံကိုတွေ ဖြည့်ဆည်းဖို့ သက်ဆိုင်ရာ ပညာရပ်မှာ စမတ်ကျကျ ကျွမ်းကျင်တဲ့ ဘွဲ့ရတွေရှိဖို့လိုသည်ဟု ဆိုသည်။
ဒါပေမဲ လက်ရှိ ထိုင်း ပညာရေး သင်ရိုးညွန်းတမ်းတွေက အရူးလွယ်အိတ်လိုဖြစ်နေပြီး၊ ဟိုစပ်စပ် ဒီစပ်စပ်နဲ့ ဘွဲ့ရတစ်ယောက်ကို ဘာကျွမ်းကျင်မှုမှ မပေးနိုင်ဟု ဝေဖန်သည်။
ဖြန့်ဖောက်တွေးခြင်း
နောက် ထိုင်းသင်ရိုးညွှန်းတမ်းက ကျောင်းသားတွေကို critical thinking မြှင့်တင်မပေးနိုင်။ အထူးသဖြင့် စတိဗ်ဂျော့စ် ပြောတဲ့ အဆင့်မြင့်ပညာရေးရဲ့ ရည်မှန်းချက်ကို ရောက်အောင်မပို့နိုင်။ ဂျော့စ် က ကျောင်းသားတွေကို ဘောင်ခတ်ထားတဲ့ box ရဲ့အပြင်ဖက် ဖောက်ထွက်တွေးရမှာ မကြောက်ကြဖို့နဲ့ အရာရာတိုင်းကို တုံ့ပြန့်ပြူမှုနိုင်တဲ့ စွမ်းရည်တွေ (be resilient) ရှိဖို့ ပြောထားသည်။
အဲဒီအရည်အချင်းနဲ့ ကျွမ်းကျင်မှုတွေ ကျောင်းသားတွေရအောင် ထိုင်းပညာရေးက ဆောင်ရွက်မပေးနိုင်။ ထိုင်း ကောလိပ်တွေက အကောင်းဆုံး လူသားရင်းမြစ်တွေ ပေါ်ထွန်းလာအောင် ပြင်ဆင်မပေးနိုင်။ ဒီအတိုင်းသွားရင် ဘုရင့်နိုင်ငံအနေနှင့် အနာဂတ် စီးပွားရေး ပြိုင်ဆိုင်မှုတွေမှာ နောက်ကောက်ကျဖို့ ရှိနေသည်ဟု ဆိုသည်။
ထိုင်းရဲ့ ပညာရေး ညံ့ဖျင်းမှုကို ကမ္ဘာ့ဘဏ်ကလည်း အတည်ပြုပေးသည်။ ထိုင်းနဲ့ အရှေ့တောင်အာရှ နိုင်ငံတွေရဲ့ ပညာရေးစနစ်က လိုအပ်တဲ့ လုပ်သားဈေးကွက်အတွက် အဆင့်မှီဘွဲ့ရပညာတတ် တောင်းဆိုမှုကို ဖြည့်ဆည်းမပေးနိုင်ဟု သုံးသပ်ထားသည်။
ကမ္ဘာ့ဘဏ်ရဲ့ ၂၁ ရာစု ပညာရေး သဘောထားက 'တက္ကသိုလ်ကောလိပ် ပညာရေးဆိုတာ ဂလိုဘယ်စီးပွားရေး ပြိုင်ဆိုင်မှုမှာ မိမိနိုင်ငံ တိုးတက်မှုရအောင် လုပ်ပေးနိုင်မယ့် စမတ်ကျတဲ့ လူငယ်အင်အားစုမွေးထုတ်ဖို့ ဖြစ်သည်။ ထုတ်ကုန်နဲ့ ဆန်းသစ်တီထွင်မှုတွေ ထွက်လာအောင်၊ သုတေသနလုပ်ငန်းနဲ့ ကျွမ်းကျင်မှုတွေ ဖြည့်ဆည်းဆောင်ရွက်ပေးဖို့ ဖြစ်သည်' ဟု ၄င်းရဲ့ နောက်ဆုံး အစီရင်ခံစာမှာ ဖော်ပြထားသည်။
ဂလိုဘယ် ပညာတတ်မရှိ
ကမ္ဘာ့ဘဏ်ရဲ့ ထိုင်းနိုင်ငံ ဒါရိုက်တာ Annette Dixon က "ပြီးခဲ့တဲ့ ဆယ်စုနှစ်တွေမှာ ထိုင်းဟာ တိုးတက်ခဲ့ပေမဲ့၊ အခု အဲဒီတိုးတက်နှုန်းကို ပုံမှန်ထိန်းထားဖို့ စိန်ခေါ်မှုတွေ ရှိနေတယ်။ အနာဂတ် ကုန်ထုတ်လုပ်မှုအတွက် လူငယ်တွေကို အသေချာပြင်ဆင်ပေးမှု မရှိဘူး" ဟု ပြောခဲ့သည်။ အမှန်တော့ ထိုင်းတွေ ကမ္ဘာ့အဆင့်မှီအောင် ပညာမတတ်ဘူးဟု ယဉ်ယဉ်ကျေးကျေး ပြောလိုက်ခြင်းဖြစ်သည်။
အဓိကလုပ်ငန်းက သင်ရိုးညွှန်းတမ်းတွေနဲ့ စာသင်ကြားမှုပုံစံတွေ ပြုပြင်ပြောင်းလဲဖို့ ဖြစ်သည်။ လက်ရှိ ပညာရေး စနစ်အတိုင်းဆိုရင်တော့ ဘီလ်ဂိတ်နဲ့ စတိဗ် ဂျော့စ် တို့လို စွန့်ဦးတီထွင်လုပ်ငန်းရှင်တွေ ထိုင်းမှာပေါ်ပေါက်ဖို့ နောင်ဆယ်သက်တောင် မဖြစ်နိုင်ဟု ဝေဖန်ထားသည်။
ဝင့်ထန်း
Ref: မောက္ခပညာရေးမဂ္ဂဇင်း

Read more »

Posted in: ၀၈။ ဆောင်းပါး

အာဆီယံဥက္ကဋ္ဌအရေး စိစစ်ရန် အင်ဒိုဝန်ကြီး မြန်မာပြည်ရောက်

အင်ဒိုနီးရှားနိုင်ငံခြားရေးဝန်ကြီး Mr. Marty Natalegawa သည် နိုင်ငံရေးဖြစ်ထွန်းမှုအခြေအနေများကို ၃ ရက်ကြာ လေ့လာရန်အတွက် ယနေ့မြန်မာနိုင်ငံသို့ ရောက်ရှိလာသည်။

၂၀၁၄ ခုနှစ် အာဆီယံဥက္ကဋ္ဌတာဝန်ပေးအပ်ရေး ကိစ္စအား ဆုံးဖြတ်ဖွယ်ရှိသည့် လာမည့်လ အာဆီယံညီလာခံမတိုင်မီ မြန်မာနိုင်ငံသို့ လာရောက်ခြင်းဖြစ်သည်။

အင်ဒိုနီးရှားနိုင်ငံခြားရေးဝန်ကြီး Mr. Marty Natalegawa (ဓာတ်ပုံ - AP)

ဝန်ကြီး Mr. Natalegawa သည် နိုင်ငံရေးဖြစ်ထွန်းမှုများအပြင် အသင်းဥက္ကဋ္ဌနိုင်ငံက လက်ခံကျင်းပရမည့် နှစ်ပတ်လည်ညီလာခံ ၃ ခုကို မြန်မာနိုင်ငံက တာဝန်ယူနိုင်ဖွယ်ရှိမရှိ ဟူသော အခြေအနေများကိုလည်း ခရီးစဉ်အတွင်း လေ့လာသွားမည်ဖြစ်သည်ဟု အမည်မဖော်လိုသူ အကြီးတန်း သံတမန်တဦးက ပြောသည်။

ထိုညီလာခံများတွင် ဥရောပသမဂ္ဂ နိုင်ငံများ နှင့် အမေရိကန်ပြည်ထောင်စုတို့လည်း တက်ရောက်လေ့ရှိရာ မြန်မာပြည်တွင် ညီလာခံများ ကျင်းပပါက ထိုအနောက်နိုင်ငံများ သပိတ်မှောက်ဖွယ်ရှိသည့် အခြေအနေကို အာဆီယံက စိုးရိမ်မကင်းဖြစ်နေသည်။

Mr. Natalegawa က ခရီးစဉ်အတွင်း သမ္မတဦးသိန်းစိန် အပါအ၀င် အစိုးရခေါင်းဆောင်များ၊ အစိုးရအဖွဲ့ဝင်ဝန်ကြီးများကို တွေ့ဆုံမည်ဖြစ်သည်။ ဒီမိုကရေစီ လှုပ်ရှားမှု ခေါင်းဆောင် ဒေါ်အောင်ဆန်းစုကြည် အပါအ၀င်နိုင်ငံရေးပါတီခေါင်းဆောင်များနှင့်လည်း တွေ့ဆုံမည်ဟု သိရသည်။

Mr. Natalegawa သည် မြန်မာပြည်အတွင်း အခြေအနေအသေးစိတ်ကို သိရှိလိုကြောင်း မကြာသေးမီက ပြောကြားခဲ့ပြီးဖြစ်သည်။ မြန်မာပြည်တွင် ရှိစဉ် လုပ်ငန်းရှင်များ၊ လူထုအခြေပြု လူမှုအဖွဲ့အစည်းများ၊ အမျိုးသား လူ့အခွင့်အရေး ကော်မရှင် စသည်တို့နှင့်လည်း တွေ့ဆုံရန် စီစဉ်ထားကြောင်း သိရသည်။

ရန်ကုန်မြို့တွင် စီးပွားရေးလုပ်ငန်းရှင်များ၊ NGO အဖွဲ့များနှင့် တွေ့ပြီး စီးပွားရေး၊ ပညာရေး၊ ကျန်းမာရေး၊ လူငယ်ရေးရာ ကဏ္ဍများနှင့် ပတ်သက်ပြီး လေ့လာမည်ဟု အကြီးတန်း အင်ဒိုနီးရှား သံတမန်တဦးက ပြောသည်။

“သူက (Mr. Natalegawa က) တိုင်းရင်းသား ပဋိပက္ခကို မြန်မာနိုင်ငံမှာ ဘယ်လို ဖြေရှင်းနေသလဲ ဆိုတာကိုလည်း သိချင်နေပါတယ်” ဟု ထို သံတမန်က ပြောသည်။

အရေးအကြီးဆုံး တွေ့ဆုံမှုများတွင် ဒေါ်အောင်ဆန်းစုကြည်နှင့် တွေ့ဆုံဆွေးနွေးခြင်းလည်း ပါဝင်သည်။ ဒေါ်အောင်ဆန်းစုကြည်၏အမြင်သည်  မြန်မာနိုင်ငံအား၂၀၁၄ ခုနှစ် အာဆီယံဥက္ကဋ္ဌတာဝန် ပေးအပ်ရေးအတွက် အင်ဒိုနီးရှားနိုင်ငံက ထောက်ခံသင့်မသင့် စဉ်းစားရာတွင် လွှမ်းမိုးဖွယ်ရှိကြောင်း သိရသည်။

အာဆီယံဥက္ကဋ္ဌတာဝန်ယူလိုသည့် မြန်မာအစိုးရအတွက် Mr. Natalegawa ၏ ခရီးစဉ်က အလွန် အရေးပါနေသည်။

ဦးသိန်းစိန်သည် သမ္မတဖြစ်လာပြီးနောက် အာဆီယံဥက္ကဋ္ဌတာဝန်အရေးအတွက် ဦးစားပေးလုပ်ဆောင်ခဲ့ပြီး ယခုနှစ်ဆန်းပိုင်း အာဆီယံညီလာခံဆုံးဖြတ်ချက်များကို စိတ်ပျက်လက်ပျက် ဖြစ်ခဲ့ကြောင်း ၀ါရင့် မြန်မာသံတမန်တို့က ပြောသည်။

“ဦးသိန်းစိန်က အာဆီယံကို အလေးထားတာက သံတမန်ရေး၊ စီးပွားရေးတို့အတွက်ပါ” ဟု အမည်မဖော်လိုသူ အငြိမ်းစား မြန်မာသံတမန်တဦးက ဧရာဝတီကို ပြောသည်။

တနင်္လာနေ့တွင် အမေရိကန်အစိုးရ၏ မြန်မာပြည်ဆိုင်ရာအထူးကိုယ်စားလှယ် Mr. Derek Mitchell က  မြန်မာပြည်သို့ သွားရောက်ခဲ့သေးသည်။ သူက နေပြည်တော်ရှိ အစိုးရ ထိပ်တန်း ခေါင်းဆောင်များ၊ ရန်ကုန်ရှိ ဒေါ်အောင်ဆန်းစုကြည်တို့နှင့် တွေ့ဆုံခဲ့သည်။

မြန်မာပြည်အား အာဆီယံဥက္ကဋ္ဌတာဝန်ပေးအပ်ရေးတွင် အမေရိကန်အစိုးရ၏ သဘောထားကိုလည်း ထည့်သွင်း စဉ်းစားမည်ဟု အာဆီယံအသင်း အတွင်းရေးမှူးချုပ် Mr. Surin Pitsuwan က ယခုနှစ်ဆန်းပိုင်းတွင် ဧရာဝတီကို ပြောကြားခဲ့သည်။

အမေရိကန်အစိုးရက နေပြည်တော်တွင်ပြုလုပ်မည့် အာဆီယံညီလာခံများကို သပိတ်မှောက်မည် ဆိုပါက ၂၀၁၅ ခုနှစ်တွင် ဒေသဆိုင်ရာ စီးပွားရေးဇုန် တည်ထောင်ရန် ကြိုးစားနေသည့် အာဆီယံအသင်းအတွက် အကြီးအကျယ် အခက်တွေ့မည်ဖြစ်သည်။

Ref: ဧရာဝတီ

Read more »

Posted in: ၀၃။ မြန်မာ့ သတင်း

October 28 ရက် ဘန်ကောက်ရေကြီးမှု မှတ်တမ်းဓာတ်ပုံအချို့

ထိုင်းနိုင်ငံရဲ့ နိုင်ငံတကာတက္ကသိုလ်တွေထဲက တစ်အခုအပါမ၀င်ဖြစ်တဲ့ မဟီဒေါ တက္ကသိုလ်ဟာ တက္ကသိုလ်အတွင်း ရေတွေဝင်လာပြီဖြစ်တဲ့အတွက် ကျောင်းသားတွေ တက္ကသိုလ်ဝန်ထမ်းတွေကို ရေလွတ်ရာတွေကို အမြန်ရွှေ့ပြောင်းကြဖို့ အရေးပေါ်သတင်းထုတ်ပြန်ထားပါတယ်။ တက္ကသိုလ်ရဲ့ ထောက်ပံ့ကယ်ဆယ်ရေးစခန်းကိုတော့ Kanchanaburi မှာ ပြင်ဆယ်ထားတယ်လုို့ဆိုပါတယ်။

ရေကြီးမှုကြောင့်ရပ်နားထားရသော မြေအောက်ဥမင်ဖောက်လုပ်ရေးလုပ်ငန်းတစ်ခုရဲ့မြင်ကွင်း ဖြစ်ပါတယ်။ ဘန်ကောက်မြို့တော်ရဲ့ မြောက်ပိုင်းနှင့် အနောက်ဘက်ပိုင်းရှိ အဓိကကျတဲ့ လမ်းမကြီး ၁၄ ခုရှိ မီးပွိုင့်တွေအားလုံးလည်းရပ်နားထားရပါတယ်။

ဖရဟိုယိုးထင်လမ်းပေါ်က ကစီကွန်ဘန်ရှေ့ သဲအိပ်တွေဆင့်ပြီး ရေကာတာလုပ်နေကြတဲ့ပုံ ဖြစ်ပါတယ်။

ကျောက်ဖရားမြစ်ရေဟာ ၂၀ စင်တီမီတာကနေ ၅၀ စင်တီမီတာအထိ မြင့်တက်လာတဲ့အတွက် သာဖရချန် မော်တော်ဆိပ်ကနေ စံနန်းမလွန်ကွင်း၊ မြဘုရားနှင့် ရှေးဟောင်းနန်းတော်တို့ဘက်ကို စီးဝင်လာရာလမ်းကို မြင်ရပုံဖြစ်ပါတယ်။

ထိုင်းဝန်ကြီးချုပ် ယင်လပ်ရှင်နာဝပ် ဘန်ကောက်မြို့တော်ရဲ့ မြောက်ဘက်ပိုင်းနှင့် အနောက်ဘက်ကို ဝေဟင်မှ ရေကြီးမှုအခြေမှုအခြေအနေကို လေ့လာနေပုံ ဖြစ်ပါတယ်။

ဒိုမောင်းလေဆိပ်ရဲ့ ၉၀ရာခိုင်နှုန်းဟာရေလွှမ်းမိုးခံခဲ့ရပြီး Vibhavadi Rangsit လမ်းမနှင့် ၁.၂ မီတာမြင့်တဲ့ လေယာဉ်ကွင်းဟာ ရေတစ်ညီတည်းဖြစ်သည်အထိလွှမ်းခဲ့တယ်လုို့သိပါသည်။

ရေကြီးမှုကြောင့် အောက်စီဂျင်ခက်ခဲ့လာတဲ့အတွက် အရေးပေါ်လူတာ ၅၂ ဦးကို ဘူမိဘော ဘုရင့်ဆေးရုံမှ တခြားဆေးရုံများသို့ ပြောင်းပေးနေပုံဖြစ်ပါတယ်

ဆူကုန်ဗစ် လမ်းသွယ် ၄၈ နှင့် ၅၀ အတွင်း ရေလွှမ်းနေပုံဖြစ်ပါတယ်

ရေဘေးကယ်ဆယ်ရေးအဖွဲ့ဟာ ကယ်ဆယ်ရေးစင်တာတွေကို ဒေသကိုးခုမှာ ဖွင့်လစ်ထားပါတယ် အဲဒီနေရာတွေကတော့ Kanchanaburi, Ratchaburi, Phetchaburi, Samut Sakhon, Chon Buri, Chachoengsao, Nakhon Ratchasima, Nakhon Nayok  နှင့် Samut Prakan တို့ဖြစ်ကြပါတယ်။ 

Ref: Bangkok Post

Read more »

Posted in: ၀၅။ ဓာတ်ပုံ

October 27 ရက် ဘန်ကောက်ရေကြီးမှု မှတ်တမ်းဓာတ်ပုံအချို့

အမျိုးသားဘောလုံးကွင်းမှာဖွင့်လစ်ထားတဲ့စခန်းတွင်းရှိ ရေဘေးဒုက္ခသည်တို့အတွက် ရေအစားထိုး အနုဇီဝအချိုရည်များပေးဝေရန် စေတနာ့ဝန်ထမ်း ထိုင်းစစ်သားများက လုပ်ပေးနေပုံဖြစ်သည်။ ထိုင်းတပ်မသုံးခှမှ စစ်သည်ပေါင်း ၅၀၀၀ လောက်သည် ဗဟိုအစိုးရကို အတည်ပြုထားသော ရေဘေးဒုက္ခသည်များကို ဘေးလွတ်ရာသို့ ကူညီရွှေ့ပြောင်းရေးအစီအစဉ်ကို ကူညီရန် အသင့်အနေအထားမှာရှိနေပြီဖြစ်သည်။

အလုံးအရင်းနဲ့ ၀င်လာတဲ့တွေဟာ အရေးပေါ်ရေကာတာတွေ တမံတွေကိုချိုးဖေါက်ပြီ Khlong Talat နယ်ထဲကိုဝင်လာပါတယ်၊ တလိပ်လိပ်တက်လာတဲ့ရေတွေဟာ ဒိုမောင်းလေဆိပ် ကားရပ်နားစခန်းတစ်ခုံးကိုပါ လွှမ်းမိုးသွားပြီး ၎င်းကားရပ်နားစခန်းဟာ ရေလွတ်နိုင်လိမ့်မယ် မျှောင်လင့်ချက်နဲ့ လာရောက်ရပ်နားထားတဲ့ကာတွေ များစွာရှိရာ နေရာလဲဖြစ်ပါတယ်။

Nonthaburi နယ် Bang Kruai-Jong Thanorm လမ်းပေါ်တစ်နေရာက ရေလွတ်ရာပြောင်းရွှေ့နေတဲ့ ဒေသခံပြည်သူတစ်ဦးဖြစ်ပါတယ်။ ၎င်းနေရာကို Khlong Maha Sawat နယ်ကနေ ရေတွေ အလုံးအရင်းနှင့်ဝင်စီးလာတာဖြစ်ပါတယ်။

ဘန်ကောက်ရဲ့အဓိက အထင်ကရနေရာဖြစ်တဲ့ မြဘုရားပတ်လမ်းတလျှောက် ရေတွေပြည့်လျှံနေတဲ့ပုံဖြစ်ပါတယ်။ ၎င်းနေရာဟာ ကျောက်ဘုရားမြစ်အနီးမှာရှိပြီး ကမ္ဘာလှည့်ခရီးသည်တို့ အဓိကလည်ပတ်လာရောက်ရာနေရာလည်းဖြစ်ပါတယ်။

 

မြဘုရားပတ်လမ်းတစ်နေရာပါ။ ကျောက်ဘုရားမြစ်အနီးမှာရှိတဲ့အတွက် မြစ်ရေတိုက်ရိုက်စီးဝင်လာတာဖြစ်ပါတယ်

အစိုးရအိမ်တော်ကို ရေမ၀င်အောင် သဲအိပ်တွေဖြင့်ရေတမံဆောက်နေကြတဲ့ စေတာနာ့ဝန်ထမ်းတွေဖြစ်ပါတယ်။ မြို့နေပြည်သူများအား ရေလွတ်ရာ နေရာများသို့ ရက်အတန်ကြာနေရွှေ့ပြောင်းနေထိုင်ကြရန် အစုိုးရမှ ကြေငြာချက်ထုပ်ပြီးလဲဖြစ်ပါတယ်။

ထိုင်းနိုင်တကာလေဆိပ်ဖြစ်တဲ့ စုဝဏ္ဏဘုံမိလေဆိပ်မှာ အိမ်ပြန်သူများနှင့်ပြည့်နှက်နေတဲ့ပုံဖြစ်ပါတယ်။ ဘန်ကောက်မြို့အပြင် ရေလွတ်ရာနယ်များကို ခရီးထွက်ကြတဲ့ခရီးသည်တွေဟာ တနေ့ကို ၂ သိန်းလောက်ရှိပြီး ဘတ်စကား အစီးရေ ၄ ထောင်လောက်နေ့စဉ်ပြေးဆွဲပေးနေရတယ်လို့သိရပါတယ်။

ဘန်ကောက်မြို့ရဲ့ Lak Si နယ်ထဲ ရေကြီးနေပုံဖြစ်ပါတယ်

ကျောက်ဖရားမြစ်မှလျှံကျလာသောရေထုကြောင့် ဖရချန် မော်တော်စိပ်အနီးရှိ နိဗ္ဗာန်ကုန်ဆိုင်အတွင်း၌ ရေနစ်မြုပ်နေသော ဗုဒ္ဓရုပ်ပွားတော်များ။

Ref: Bangkok Post

Read more »

Posted in: ၀၅။ ဓာတ်ပုံ

ပြင်ဆင်လိုက်သော ပါတီမှတ်ပုံတင် ဥပဒေ အောက်လွှတ်တော် အတည်ပြု

ချင်းမိုင်(မဇ္ဈိမ) ။       ။ ထောင်ကျဖူးသူကို နိုင်ငံရေးပါတီဝင်မဖြစ်ရဟု ကန့်သတ်ထားချက်ကို ပယ်ဖျက်ခြင်း အပါအဝင် အချက်သုံးချက်ကို ပြင်ဆင်ခဲ့သော "နိုင်ငံရေးပါတီများ မှတ်ပုံတင်ခြင်း" ဥပဒေမူကြမ်းကို
အောက်လွှတ်တော်တွင် ကြာသပတေးနေ့က အတည်ပြုလိုက်သည်။

၂ဝ၁ဝ ရွေးကောက်ပွဲ အတွက် ပြဋ္ဌာန်းခဲ့သော "နိုင်ငံရေးပါတီများ မှတ်ပုံတင်ခြင်း" ဥပဒေဟောင်းတွင် ပါတီဝင်များ သည် ထောင်ဒဏ် ကျခံရသူများ မဟုတ်ရဟု ကန့်သတ်ထားချက်ကို ပယ်ဖျက်လိုက်ပြီ ဖြစ်သလို ပါတီတခုသည်ရွေးကောက်ပွဲများ တွင် အနည်းဆုံးသုံးနေရာ ဝင်ပြိုင်ရမည်ဟု ကန့်သတ်ထားချက်ကိုလည်း ရွေးကောက်ပွဲ အပြီးပေါ်ပေါက်လာသော ပါတီသစ်များနှင့် သက်ဆိုင်မှုမရှိဟုလည်း ပြင်ဆင်လိုက်သည်။

ထို့အပြင် ဖွဲ့စည်းပုံ အခြေခံ ဥပဒေကို "ထိန်းသိမ်း စောင့်ရှောက်ရမည်" ဟူသော စကားရပ် အစား "လေးစား လိုက်နာရမည်" ဟုလည်း ပြင်ဆင်လိုက်သည်။

နိုင်ငံရေးပါတီ မှတ်ပုံတင် ဥပဒေနှင့် ၂ဝဝ၈ ခုနှစ်က အငြင်းပွားဖွယ်ရာ ဆန္ဒခံယူပွဲဖြင့် အတည်ပြုခဲ့သော အခြေခံ ဥပဒေပါ အချက်အချို့ကို သဘောမတူသဖြင့် နှစ် ၂၀ အတွင်း ပထမဆုံး လုပ်ခဲ့သော ရွေးကောက်ပွဲကို သပိတ်မှောက် ခဲ့သော အဓိက အတိုက်အခံ ပါတီကို ဦးတည်၍ ပြင်ဆင်သည်ဟု ယုံကြည်ရသော ပါတီ မှတ်ပုံတင် ဥပဒေကို
အောက်တိုဘာ ၅ ရက်နေ့က အထက်လွှတ်တော်တွင် ဆွေးနွေးခဲ့ပြီးနောက် အောက်လွှတ်တော်သို့ ပို့ခဲ့ခြင်းဖြစ်သည်။

အဆိုပါမူကြမ်းကို လွှတ်တော်ရုံးမှ သမ္မတရုံးသို့ ပေးပို့အပြီး သမ္မတ ဦးသိန်းစိန်မှ လက်မှတ်ရေးထိုးပြီးလျှင် ဥပဒေအဖြစ် ထွက်ရှိလာမှာ ဖြစ်သည်။

အန်အယ်ဒီပါတီ အနေဖြင့် ပြင်ဆင်လိုက်သော ပါတီမှတ်ပုံတင် ဥပဒေကို လေ့လာကာ တရားဝင် မှတ်ပုံတင်ရေး စဉ်းစားမည်ဖြစ်သည်ဟု ပါတီခေါင်းဆောင် ဒေါ်အောင်ဆန်းစုကြည်က မကြာသေးခင်က ဝေါ်လ်စထရိသတင်းစာနှင့် အင်တာဗျူးတွင် ပြောကြားခဲ့သည်။

"နိုင်ငံရေး ပါတီမှတ်ပုံတင်ခြင်း စည်းမျဉ်း စည်းကမ်းတွေနဲ့ အတော်ကိုပဲ တည်မှီနေပါတယ်။  တချို့ စည်းမျဉ်း စည်းကမ်းတွေကို ပြောင်းထားတဲ့ အထက်လွှတ်တော်က အတည်ပြုလိုက်တဲ့ မူကြမ်းကို အောက်လွှတ်တော်မှာ အခုဆွေးနွေးနေပါတယ်။ အဲဒါကိုအတည်ပြုလိုက်တာနဲ့ ကျမတို့အနေနဲ့ မှတ်ပုံတင်၊ မတင်ကို ဆုံးဖြတ်နိုင်မှာဖြစ်တယ်" ဟု ငြိမ်းချမ်းရေးနိုဘယ်လ်ဆုရှင်က ဝေါ်လ်စထိရိသတင်းထောက်ကို ပြောကြားထားသည်။

၂ဝ၁ဝ ရွေးကောက်ပွဲ မတိုင်မီ နိုင်ငံရေးပါတီများ မှတ်ပုံတင်ရန် ရက် ၆၀ အချိန်ပေးထားချိန်တွင် အန်အယ်ဒီ ဒုဥက္ကဋ္ဌ ဦးတင်ဦး၊ အတွင်းရေးမှူး ဒေါ်အောင်ဆန်းစုကြည်တို့မှာ နေအိမ်တွင် အချုပ်အနှောင်များဖြင့် ရှိနေခဲ့သည်။

ပါတီကို မှတ်ပုံတင်ရေး၊ မတင်ရေး ပါတီတွင်း၊ ပါတီပြင်ပင် ငြင်းခုံမှုများဖြစ်ပေါ်ခဲ့ပြီး ထောင်ကျနေသူ ပါတီဝင်များကို ထုတ်ပစ်ရမည့် အဖြစ်ကို မလိုလားကြောင်း ဆန္ဒပြုသူက များခဲ့သည်။ ပါတီထိပ်တန်း ခေါင်းဆောင် အချို့ကတော့နှုတ်ထွက်ကာ အမျိုးသား ဒီမိုကရေစီ အင်အားစုဟု ထူထောင်ပြီး ရွေးကောက်ပွဲဝင်ခဲ့သည်။

၂ဝဝ၈ ခုနှစ် မေလ လူပေါင်း တသိန်းလေးသောင်းကျော် သေဆုံးခဲ့ရသော နာဂစ် ဆိုင်ကလုံး မုန်တိုင်း တိုက်ပြီးကာစဖြစ်သော်လည်း ၁၄ နှစ်ကျော်ကြာ ရေးဆွဲခဲ့သော စစ်တပ်ကို နိုင်ငံအုပ်ချုပ်ရေးတွင် ပါဝင်ခွင့်ပေးထားသည့် အခြေခံ ဥပဒေကို ဆန္ဒခံယူရာ ၉ဝ ရာခိုင်နှုန်းကျော် ထောက်ခံချက်ဖြင့် အတည်ဖြစ်လာခဲ့သည်။

အတိုက်အခံများက ပြင်းပြင်းထန်ထန်ကန့်ကွက်ခဲ့သော အခြေခံဥပဒေကို လွှတ်တော်တွင် ပြင်ဆင်မှုနှင့်ပတ်သက်၍ "လေးစားလိုက်နာရမယ်ဆိုတာဟာ ဖွဲ့စည်းပုံအခြေခံဥပဒေတင် မကဘူး၊ ဘယ်ဥပဒေမဆို ထုတ်ပြန်ပြီးရင် ပြည်သူ လူထုက လေးစားလိုက်နာရမယ်။ ကာကွယ် စောင့်ရှောက်ဖို့ကျတော့ ဒါကြီးကို မထိရဘူး၊ ထိလို့မရဘူး ဆိုတော့ ဒါက မလိုအပ်ဘူးလေ။ အဲဒီလို အသုံးအနှုန်းနှစ်ခုက ကွာတယ်” ဟု အန်အယ်ဒီပြောခွင့်ရပုဂ္ဂိုလ် ဦးဉာဏ်ဝင်းက မဇ္ဈိမသို့
ပြောကြားခဲ့ဖူးသည်။

Ref: မစ္ဇျိမ

Read more »

Posted in: ၀၃။ မြန်မာ့ သတင်း

ဘန်ကောက်လူထု ကယ်ဆယ်ရေးစခန်းခိုလှုံဖို့ မြို့တော်ဝန်အမိန့်ထုတ်

ထိုင်းနိုင်ငံ၊ ဘန်ကောက်မြို့တော်ထဲက ရေကြီးနေတဲ့ မြေနိမ့်ပိုင်းနေရာ ၂ ခုမှာနေကြသူတွေကို အိမ်မှာမနေဘဲ အနီးအနားက ကယ်ဆယ်ရေးစခန်းတွေမှာ ပြောင်းနေကြဖို့ သက်ဆိုင်ရာက တိုက်တွန်းနေပါတယ်။

အဆောက်အဦးတွေ ရေအောက်ရောက်လုဖြစ်နေတဲ့ Don Muang နဲ့ Bang Phalad အရပ်မှာ နေကြသူတွေကို ဘေးလွတ်ရာ ပြောင်းနေကြဖို့ ဘန်ကောက်မြို့တော် အုပ်ချုပ်ရေးမှူး ဆူခွန်ဘန် ပရာဘတ် (Sukhumbhand Paribatra) က ဗုဒ္ဒဟူးနေ့ နှောင်းပိုင်းထဲက သတိပေးထားပါတယ်။

ဘန်ကောက်မြို့တော်ရဲ့ ဒုတိယအကြီးဆုံး Don Muang လေဆိပ်ကိုလဲ ပိတ်ထားပါတယ်။ ဒီသီတင်းပတ်မကုန်ခင်ဘန်ကောက်တမြို့လုံး ရေတွေကြီးနိုင်တဲ့အတွက် ဒေသခံတွေ ဘေးလွတ်ရာ ပြေးနိုင်ကြဖို့လည်း အစိုးရက ၅ ရက် ရုံးပိတ်တယ်လို့ ကြေညာထားပါတယ်။ Bus ကားဂိတ်တွေနဲ့ အဓိက နိုင်ငံတကာလေဆိပ်မှာ လူပေါင်း ထောင်ပေါင်းများစွာနဲ့ အပြည့်ဖြစ်နေပါတယ်။

မြို့ပြင်ထွက်တဲ့ အဝေးပြေးလမ်းမတွေပေါ်မှာလည်း စိုးရိမ်နေကြတဲ့ ခရီးသည်တွေနဲ့ ထောင်နဲ့ချီတဲ့ ကားတွေ ပြည့်ကြပ်နေပါတယ်။ ဒီရေကလည်း တက်နေတဲ့အတွက် ကျောက်ဖရားမြစ်ရေဟာ ကမ်းပါးကို ကျော်လုဆဲဆဲ ဖြစ်နေပါတယ်။

ဒီသတင်းပတ်မကုန်ခင်မှာ ဘန်ကောက်မြို့ထဲက ရေချိန်ဟာ ၅ ပေလောက်ရှိလိမ့်မယ်လို့ ဝန်ကြီးချုပ် Yingluck Shinawatra က ပြောပါတယ်၊ အရင်နှစ်တွေနဲ့ မတူအောင် မုတ်သုန်မိုးတွေရွာခဲ့လို့ ထိုင်းနိုင်ငံမှာ July လလယ်ထဲကစ ရေကြီးနေတာ ဖြစ်ပြီး သေဆုံးသူ ၃၇၃ ယောက် ကျော်သွားပါပြီ။

Ref: VOA

Read more »

Posted in: ၀၄။ ထိုင်းသတင်း

မြန်မာ ရေဘေး ဒုက္ခသည်များကို ထိုင်း လ၀က ငွေညှစ်

ထိုင်းနိုင်ငံ ရေကြီးမှုကြောင့် ဘန်ကောက်မြို့မှ ရာနှင့်ချီသည့် နေရပ်ပြန် မြန်မာ အလုပ်သမားများကို လူဝင်မှုကြီးကြပ်ရေး (လ၀က)နှင့် ထိုင်းအာဏာပိုင်များက လမ်းခရီးနှင့်မဲဆောက်မြို့ရှိ စစ်ဆေးရေးဂိတ်များတွင် ဖမ်းဆီး၍ငွေကြေးကောက်ခံနေကြ သည်။

ထိုင်းအာဏာပိုင်များက ဖမ်းဆီး၍ မဲဆောက်သို့ ပို့ဆောင်မည့် မြန်မာ အလုပ်သမားများကို အချုပ်ကား တစီးပေါ်တွင်တွေ့ရစဉ် (ဓာတ်ပုံ - စိုင်းစိုးဝင်းလတ်)

မြန်မာ အလုပ်သမား ၃၀၀၀ ခန့်ရှိ အပြည့်အကြပ်တင်ထားသော ဘတ်စ်ကား ၁၃ စီးနှင့် မီနီဗင်၂ စင်းတို့ကို အောက်တိုဘာ ၂၅ ရက်နေ့က ၁ နာရီ မှ ၄ နာရီအတွင်း ထိုင်းနိုင်ငံ မဲဆောက်မြို့မှ မြန်မာနိုင်ငံ မြ၀တီမြို့တဖက်ကမ်းသို့ ထိုင်းအာဏာပိုင်များက ပို့ဆောင်ခဲ့သည်ကို တွေ့မြင်ခဲ့ရကြောင်း စိုင်းစိုးဝင်းလတ်က ပြောပြသည်။

ယင်း ကားများပေါ်တွင် ကလေးငယ်များ နှင့် ဖျားနာနေသူများလည်း ပါဝင်သည်ဟုလည်း ၎င်းက ဆိုသည်။

“အဲဒီ အမျိုးသမီးတဦးက လမ်းဆိုတာ လျှောက်နိုင်ရုံလေးပါ၊ သူတို့ကို တိရစ္တာန်တွေ တင်တဲ့ ကားမျိုးထဲမှာ ပြည့်ကြပ်နေ အောင် ထည့် တင်သွားတာက လူ့အခွင့်အရေး ချိုးဖောက်မှု တခုပါ၊ ဂိတ်မှာ အလုပ်လုပ်နေသူတွေကလည်း သူတို့ကို ဖယ်ရီပေါ်ကို နွားတွေလို မောင်းတင်နေတယ်”ဟု စိုင်းစိုးဝင်းလတ်က ဆက်ပြောသည်။

ပြန်ပို့ခံရသော မြန်မာအလုပ်သမားများ လှေပေါ်သို့ တက်နေစဉ် (ဓာတ်ပုံ - စိုင်းစိုးဝင်းလတ်)

အဖမ်းခံရသည့် မြန်မာ အလုပ်သမား အများစုသည် ထိုင်းတွင် တရားဝင်နေထိုင် လုပ်ကိုင်ခွင့်လက်မှတ် ရရှိရန် မှတ်ပုံတင် ထားသူများ ဖြစ်ကြောင်း အလုပ်သမားအရေး ဆောင်ရွက်နေသည့် အဖွဲ့များက ဆိုသည်။

ထို မှတ်ပုံတင်ထားသူများတွင် သတ်မှတ်ထားသော အလုပ်နှင့် နယ်မြေကန့်သတ်ထားခြင်း ခံရသူများ ပါဝင်ကြောင်း သိရ သည်။

ထိုင်းအာဏာပိုင်များက ယင်းအလုပ်သမားများကိုဖမ်းဆီးရခြင်းမှာ ရေဘေးကြောင့်ထွက်ပြေးလာသော်လည်း နယ်ကျော်သော ကြောင့်ဖြစ်သည်ဟု အကြောင်း ပြခဲ့သည်။

သို့သော်လည်း အဖမ်းခံရသူများသည် ထိုင်း ဘတ်ငွေ ၂၈၀၀ ခန့် ပေးဆောင်ပါက ပြန်လည်လွှတ်ပေးကြောင်း မကြာသေးခင် ရက်ပိုင်းက မဲဆောက်တွင် အဖမ်းခံရပြီး ပြန်လွတ်လာသူ တဦးက ပြောသည်။

သောင်ရင်းမြစ်ကို လှေဖြင့်ဖြတ်၍ ပြန်ပို့ခံရသည့် မြန်မာအလုပ်သမားများ (ဓာတ်ပုံ - စိုင်းစိုးဝင်းလတ်)

“ကျနော်က ထိုင်း လ၀က ကို ပိုက်ဆံ ၂၈၀၀ ပေးပြီး ပြန်လွတ်လာတာ၊ အခု ဘယ်သွားသွား သွားလို့ရတယ်”ဟု ၎င်းက ဆို သည်။

ထိုသို့ ဖြစ်ပွားနေမှုများနှင့် ပတ်သက်ပြီး ဧရာဝတီ က မဲဆောက် လ၀က ဌာနကို ဆက်သွယ်မေးမြန်းသော်လည်း ပြန်လည်ဖြေ
ကြားခြင်း မရှိချေ။

မြ၀တီမြို့သို့ ပြန်ပို့ခံရသည့် တခြားသော အလုပ်သမား တဦးကလည်း“DKBA (တိုးတက်သော ဗုဒ္ဓဘာသာ ကရင်အမျိုးသား တပ်မတော်)ဂိတ်ကို ဘတ် ၂၅၀၀ ပေးလိုက်ရတယ်”ဟု ပြောပြသည်။

ယခုလလယ်ပိုင်းကလည်း ဘန်ကောက်မြို့မှ နေရပ်ပြန် မြန်မာအလုပ်သမားများကို မြ၀တီမြို့တွင် DKBA နှင့် လူပွဲစားများ ပူးပေါင်း၍ အဓမ္မ ငွေတောင်းခံမှု ပြုလုပ်ခဲ့သည်။

မြန်မာနိုင်ငံဘက်သို့ ပြန်မပို့မီ မဲဆောက် လ၀က ရုံးတွင် တွေ့ရသော မြန်မာနိုင်ငံသား အမျိုးသမီးများကို တင်ဆောင်ထား သည့် ကားတစီး (ဓာတ်ပုံ - စိုင်းစိုးဝင်းလတ်)

 

လူ့ အခွင့်အရေးနှင့် ဖွံ့ဖြိုးရေး ဖောင်ဒေးရှင်း(HRDF)မှ ညွှန်ကြားရေးမှူး အန်ဒီ ဟောလ်က အလုပ်သမားများအပေါ် ယင်းသို့ပြုလုပ်နေမှုများနှင့် ပတ်သက်၍ လက်ခံနိုင်ဖွယ် မရှိကြောင်း၊ ၂ နိုင်ငံ အစိုးရက အလျင်အမြန် အရေးယူဆောင်ရွက်သင့်ကြောင်း ဧရာဝတီသို့ ပြောသည်။
“ဒုက္ခရောက်လာသူတွေဆီကနေ အကျိုးအမြတ်ယူနေတဲ့ အရာရှိတွေရဲ့လုပ်ရပ်က ဆိုးဝါးလွန်းတယ်”ဟု ၎င်းက ဆိုသည်။

ယမန်နေ့က ပထုံဌာနီ ဒေသ လိုင်ခိုင် ဘုန်းကြီးကျောင်းရှိ ရေဘေး ကယ်ဆယ်ရေး စခန်းသို့ လာရောက်သည့် ထိုင်း ဒု ၀န်ကြီး ချုပ်နှင့် အလုပ်သမား ၀န်ကြီးတို့ကို တွေ့ဆုံခဲ့ပြီး အလုပ်သမားအရေး ဆွေးနွေးခဲ့ကြောင်း အန်ဒီ ဟောလ်က ဆက်ပြောသည်။

“မြန်မာသံရုံးနဲ့ လက်တွဲပြီး ပြဿနာတွေကို ဖြေရှင်းဖို့ပြောတော့ သူတို့က ဆောင်ရွက်နေပြီလို့ ပြောပါတယ်”ဟု ၎င်းက ရှင်းပြ သည်။

ထိုင်းရှေ့နေ စူလဖောင်ကလည်း“ဘန်ကောက်မှာ ရေကြီးလို့ ဒုက္ခရောက်ပြီး ပြန်လာတဲ့ လူတွေကို ကူညီသင့်တယ်၊ ထပ်ပြီး ဒုက္ခထပ်ရောက်အောင် မလုပ်သင့်ဘူး”ဟု ပြောသည်။

စူလဖောင် သည် ထိုင်းလွှတ်တော်၏ နိုင်ငံမဲ့များဆိုင်ရာ ဥပဒေပြဌာန်းရေး ဆပ်ကော်မတီဝင် လွှတ်တော် အမတ် တဦးဖြစ် သည်။

ထိုင်း ရေကြီးမှုကြောင့် မြန်မာအလုပ်သမားများ ရပ်တည်ရန် အခက်အခဲနှင့် ရင်ဆိုင်နေရပြီး ယခင်တပတ် စနေနေ့မှ စတင်၍ နေ့စဉ် လူ ထောင်နှင့်ချီ၍ နေရပ်သို့ ပြန်နေခဲ့ကြသည်။

ထိုင်းတွင်ရောက်ရှိနေကြသည့် မြန်မာ အလုပ်သမားများက နေရပ် ဒေသအသီးသီးသို့ ပြန်လျှင် မြ၀တီနယ်စပ် လမ်းကို အများဆုံး အသုံးပြုကြခြင်းမှာ မြ၀တီ-ရန်ကုန် ခရီး အကွာအဝေး၂၆၅ မိုင်ကို ကားဖြင့် ၁၄ နာရီခန့်သာ သွားရခြင်းကြောင့် ဖြစ်သည် ဟု သိရသည်။

ထိုင်းနိုင်ငံအတွင်း နေထိုင် အလုပ်လုပ်နေသော မြန်မာနိုင်ငံသား၂ သန်းမှ ၄ သန်းကြားရှိကြောင်း အလုပ်သမားအရေး ဆောင် ရွက်နေသူများက ပြောဆိုကြသည်။

Ref: ဧရာဝတီ

Read more »

Posted in: ၀၁။ အလုပ်သမားများ သတင်း

မလေးရှားနိုင်ငံ မြန်မာသံရုံးမှ နိုင်ငံကူး လက်မှတ် ပြုလုပ်ပေးနေ

ကျလွန်းထော - မလေးရှားနိုင်ငံတွင် 6P မှတ်ပုံတင် ထားသည့် မြန်မာအလုပ်သမားများ အတွက် ကွာလာလမ်ပူမြို့ရှိ မြန်မာသံရုံးတွင် နိုင်ငံကူးလက် မှတ် ပြုလုပ်ပေးနေပြီဖြစ်ကြောင်း ပတ်စပို့ရရှိပြီး သူများထံမှ သိရသည်။

6P အစီအစဉ်ဖြင့်ထုတ်ပေးနေသော မြန်မာနိုင်ငံကူးလက်မှတ် (ဓာတ်ပုံ - လွတ်လပ်သော မွန်သတင်းအေဂျင်စီ )

မလေးရှားအစိုးရ၏ 6P ဟုခေါ်သည့် လွတ်ငြိမ်းချမ်းသာခွင့်အစီအစဉ်တွင် မှတ်ပုံတင်ထားပြီး စာရွက်ရရှိ ထားသူ မြန်မာနိုင်ငံသား အလုပ်သမားများကို အောက်တိုဘာလ ပထမအပါတ်မှစတင်၍မြန်မာနိုင်ငံ အသိမှတ်ပြု ပတ်စပို့ ထုတ်ပေးနေခြင်းဖြစ်သည်။

“တစ်နေ့ကို အယောက် ၁၀၀ လောက်တန်းစီလုပ်နေကြပါတယ်၊ ကိုယ့်နိုင်ငံကပတ်စပို့ရဖို့ သွားလျှောက် ရတာပါ၊ မလေးရှားအစိုးရဘက်ကျတော့ အလုပ်လုပ်ခွင့်ပါမစ်တွေ ထုတ်မပေးသေးဘူး၊ လုပ်ပေးမယ် လို့လည်း သူတို့ကြေငြာထားပြီးသားပါ၊ အခုလောလောဆယ်တော့ ဒီနိုင်ငံမှာတရားမဝင်အလုပ်လုပ်နေတဲ့ နိုင်ငံသားခြားသားတိုင်းကို သက်ဆိုင်တဲ့သံရုံးတွေမှာ ပတ်စပို့သွားလုပ်လို့ရနေပြီ” ဟု မလေးရှားရောက် မွန်တိုင်းရင်းသားကူညီစောင့်ရှောက်ရေးအသင်းမှ နိုင်ကျဲထောက ပြောသည်။

နိုင်ငံကူးလက်မှတ်လျှောက်ထားလိုပါက မိမိဇာတိမြေမှ ရဲစခန်းထောက်ခံစာ၊ အိမ်ထောင်စုစာရင်း၊မှတ်ပုံ တင်မိတ္တူနှင့် ပတ်စပို့ဓါတ်ပုံ ၄ ပုံကို မြန်မာသံရုံးသို့ ပေးဆောင်ရပြီး ပတ်စပို့ (၃) နှစ်သက်တမ်း(၄၈၀) ရင်းဂစ်၊ (၅) နှစ်(၉၀၀) ရင်းဂစ်ခန့် ကုန်ကျသည်ဟု မြန်မာသံရုံးမှပတ်စပို့ရရှိပြီးသူ မင်းခိုင်ဝင်းထံမှသိရသည်။

“လွတ်ငြိမ်းချမ်းသာခွင့်ပေးထားတဲ့ ကာလအတွင်းမှာ ပတ်စပို့လုပ်ချင်ရင်လုပ်၊ ဒါမှမဟုတ်နေရပ်ကိုပြန်မယ်ဆို ရင်လည်း ပြန်လို့ရတယ်၊ လွတ်ငြိမ်းချမ်းသာခွင့် သက်တမ်းကုန်သွားလို့ ဘာမှလည်း မလုပ်ရသေးဘူးဆိုရင် အကုန်ဖမ်းမယ်လို့တော့ ကြေငြာထားတယ်” ဟု နိုင်ကျဲထောက ဆက်ပြောသည်။

မလေးရှားအစိုးရဘက်မှ အလုပ်လုပ်ကိုင်ခွင့်ပါမစ် မထုတ်ပေးသေးသော်လည်း 6P လွတ်ငြိမ်းချမ်းသာခွင့် မှတ်ပုံတင်ထားသည့် တရားမဝင်အလုပ်သမား ၁. ၃ သန်းကို ကဏ္ဍ(၅)ခုပါ ထုတ်လုပ်ရေး၊ ခြံလုပ်ငန်း၊ စိုတ်ပျိုးရေး၊ ဆောက်လုပ်ရေးနှင့် လုပ်ငန်း ၁၅ မျိုးခန့်ပါဝင်သည့် လုပ်ငန်းများတွင် တရားမဝင်လုပ်သား များအား ၄င်းလုပ်ငန်းကဏ္ဍများ၌ လုပ်ကိုင်စေမည်ဟု မလေးရှား ပြည်ထဲရေးဝန်ကြီး Hishammuddin Hussein ၏ပြောကြားချက်ကို မလေးရှားအခြေစိုက်သူရိယသတင်းဂျာနယ်အင်တာနက်သတင်းစာမျက်နှာ တွင် ရေးသားထားသည်။

တရားမ၀င် ရွှေ့ပြောင်းနေထိုင်သူများ အတွက် တရားဝင်မှတ်ပုံတင်နိုင်မည့် “6P” အစီအစဉ်ကို ပြည်ထဲရေး ၀န်ကြီးဌာနက ပြီးခဲ့သည့်သြဂုတ်လတစ်လတိတိအတောအတွင်း အကောင်ထည်ဖော်ဆောင်ခဲ့ရာတွင် မှတ်ပုံတင်ခြင်း၊ တရားဝင် အလုပ်လုပ်ခွင့်ပြုခြင်း၊ ခွင့်လွှတ်ခြင်း၊ စောင့်ကြည့်လေ့လာခြင်း၊ ဥပဒေစည်းကမ်း အတိုင်း လိုက်နာစေခြင်းနှင့် လျှောက်ထားမှု မပြုလုပ်သော တရားမ၀င် အလုပ်သမားများကိုနေရပ်ရင်းပြန်ပို့ ခြင်း လုပ်ငန်းများပါဝင်သည်။

မလေးရှားနိုင်ငံ မွန်ကယ်ဆယ်ရေးအသင်း၏ စာရင်းကောက်နှတ်ချက်အရ မလေးရှားနိုင်ငံအတွင်းမြန်မာ အလုပ်သမား ၂ သိန်းနီးပါးရှိပြီး ၄င်းတွင် ဒုက္ခသည်စာရင်းဝင် ၈၆၀၀၀ ဦး ရှိသည်ဟု မွန်ကယ်ဆယ်ရေး အသင်း မှ အတွင်းရေးမှု နိုင်ဥက္ကာက ပြောသည်။
Ref: BNI

Read more »

Posted in: ၀၂။ နိုင်ငံတကာသတင်း