လူကုန်ကူး ခံခဲ့ရသည့် မြန်မာအမျိုးသမီးနှစ်ဦး အသက်အန္တရာယ် စိုးရိမ်ရ

အတူတကွ လူကုန်ကူး ခံခဲ့ရသူများ အားလုံးကို ထိုင်းအစိုးရက မြန်မာနိုင်ငံသို့ ပြန်လည် ပို့ဆောင်ခဲ့ပြီး ဖြစ်သော်လည်း အကြောင်းပြချက် မယ်မယ်ရရ မသိရပဲ ဘန်ကောက်မြို့ IDC အချုပ်ခန်းထဲတွင် ကျန်နေခဲ့ရသည့် အမျိုးသမီး နှစ်ဦး၏ အသက် အန္တရာယ်အား စိုးရိမ်ရကြောင်း ၎င်းတို့အား အကူအညီ ပေးနေသည့် အဖွဲ့မှ တာဝန်ရှိသူ တစ်ဦးက ပြောသည်။

အလုပ်သမားအရေး ဆောင်ရွက်သည့် ဘန်ကောက် အခြေစိုက် ထိုင်းနိုင်ငံရောက် မြန်မာနိုင်ငံသားများ အဖွဲ့ BAT မှ ကိုစိုင်းအေးက “ကျနော်တို့ ကူညီထားတဲ့ အလုပ်သမား တွေထဲကIDC အချုပ်ခန်းထဲက အလုပ်သမား (၈)ယောက်ကို မပို့ပဲ ကြာနေလို့ ထိုင်းလူကုန်ကူးမှု တိုက်ဖျက်ရေး အဖွဲ့ကို အကူအညီ တောင်းနေတာ ကြာပြီ။ ဒီနေ့ (၆)ယောက် ပို့လိုက်တယ်။ မသွယ်နဲ့ မဇင်မာတို့ကို ဘာဖြစ်လို့ ချန်ထားလိုက်လဲ မသိဘူး။ သူတို့စိတ် ဓါတ်ကျပြီး ကိုယ့်ကိုကိုယ် သတ်သေမှာကို ကျနော် စိုးရိမ်နေတယ်’’ဟု ပြောသည်။

ယခု ကျန်ရှိနေခဲ့သူ မသွယ်က “ကျမတို့ အချုပ်ထဲ၊ ထောင်ထဲမှာ နေရတာ (၅)လ ပြည့်တော့မယ်။ ကျမတို့ IDC အချုပ်ခန်းမှာ အခင်းဖျာလည်း မရှိဘူး။ စောင်လည်း မရှိဘူး၊ ထမိန်ခြုံပြီး အိပ်ရတယ်။ ကျမတို့ တစ်ယောက်ပြီး တစ်ယောက် ဖျားနာ နေကြတယ်။ ဒီနေ့ (၆)ယောက်ကို ပို့လိုက်တယ်။ ကျမနဲ့ မဇင်မာကို ဘာဖြစ်လို့ ချန်ထားခဲ့တာလဲ။ ကိုယ့်ကိုကိုယ် သတ်သေချင် စိတ်ပေါက်နေတယ်”ဟု BAT သို့ ပြောဆိုခဲ့သည်။

ပြန်ပို့ခံရသည့် အလုပ်သမားအနက် နှစ်ဦးကို မိသားစုများက မြ၀တီမြို့ ကိုးသုံးလုံးဂိတ်မှ တစ်ဦးလျှင် ဘတ်ငွေ (၂၅၀၀)ဖြင့် ရွေးထုတ်ခဲ့သည်။ မရွေးနိုင်သည့် အလုပ်သမား (၄)ဦးတို့က  ဘန်ကောက် အခြေစိုက် ပင်လယ်ပျော်များ သမဂ္ဂ SUB နှင့် BAT တို့က ကုလသမဂ္ဂ လူကုန်ကူးမှု တိုက်ဖျက်ရေး UNIAPသို့ အကူအညီ တောင်းခံခဲ့ကြသည်။

နေ့လည်ပိုင်းက မြ၀တီမြို့ လူကုန်ကူးမှု ရဲတပ်ဖွဲ့က အမျိုးသမီး (၄)ဦးအား လာရောက် ခေါ်ယူခဲ့ကြောင်း ဘန်ကောက် UNIAP မှ မြန်မာ အရာရှိက ပြောသည်။

SUB မှ ဥက္ကဌ ဦးအောင်သူရက “ဒီအလုပ်သမတွေဟာ အခန်းပိတ်လှောင်ြပီး လပေါင်းများစွာ လုပ်အားခ မရပဲ အလုပ် လုပ်ခဲ့ကြရတယ်။ ကယ်ဆယ်ရေး စခန်းလို့ အမည်ခံထားတဲ့ အကျဉ်းထောင်တွေမှာ လပေါင်းများစွာ နေခဲ့ရတယ်။ သူတို့ကို နယ်စပ်ပြန်ပို့တော့ တစ်ယောက်ကို ဘတ် (၂၅၀၀)နဲ့ ရွေးရမယ်။ ဒီလောက် ဒုက္ခရောက်ခဲ့တဲ့ မြန်မာ အလုပ်သမားတွေကို မြ၀တီ ကိုးသုံးလုံးဂိတ်မှာ ဘာကြောင့် ငွေပေးပြီး ရွေးရတယ်ဆိုတာ ကျနော် လုံးဝနားမလည်ဘူး”ဟု ပြောသည်။

အဆိုပါ အလုပ်သမားများမှာ ပြီးခဲ့သည့် ဧပြီလ (၁၉)ရက်နေ့က ဘန်ကောက်မြို့ ဒင်းဒဲန် ရပ်ကွက် စက်ချုပ်ရုံ (၄)ရုံမှ နာရီပေါင်းများစွာ အခန်းပိတ်လှောင် ခိုင်းစေ ခံနေသဖြင့် BATနှင့် ထိုင်းအစိုးရ လူကုန်ကူးမှု တိုက်ဖျက်ရေး အဖွဲ့တို့ ပူးပေါင်း ကယ်ထုတ် ခဲ့သူများဖြစ်သည်။

ကယ်ထုတ်ခဲ့သည့် အလုပ်သမား (၄၃)ဦးအနက် လူကုန်ကူးမှု မမြောက်ဟုဆိုကာ အလုပ်သမား (၂၂)ဦးတို့အား ဇွန်လဆန်းက ထိုင်းမြန်မာ နယ်စပ်သို့ ပြန်လည် ပို့ဆောင်ပေးခဲ့သည်။ နယ်စပ်သို့ အသုတ်လိုက် ပြန်လည် ပို့ဆောင်ခဲ့ပြီးနောက် သြဂုတ်လ (၁၂)ရက်နေ့တွင် နွန်ထဘူရီ ကယ်ဆယ်ရေး စခန်းထဲမှ အလုပ်သမား (၁၅)ဦးကို  ဘန်ကောက်မြို့ IDC အချုပ်ခန်းသို့ ပို့ဆောင်ခဲ့သည်။

သြဂုတ်လ (၁၅)ရက်နေ့ ညက  (၇)ဦးအား နယ်စပ်သို့ ပြန်လည် ပို့ဆောင်ပေးခဲ့ပြီး (၈)ဦမှာ IDC အချုပ်ခန်းထဲ၌ ကျန်နေခဲ့သည်။ ထိုအထဲမှ (၆)ယောက်ကို ထိုင်းအာဏာပိုင်များက ယနေ့ မြ၀တီသို့ ပြန်လည်ပို့ ဆောင်ပေးခဲ့ခြင်း ဖြစ်သည်။

လူကုန်ကူး ခံခဲ့ရသည့် မြန်မာအလုပ်သမားများမှာ အစိုးရ သက်သေအဖြစ် (၅)လတိုင်တိုင်  အချုပ်ခန်းနှင့် အကျဉ်းထောင် တို့တွင် နေခဲ့ကြရသော်လည်း ဆုံးရှုံးခဲ့သည့် လုပ်အားခများနှင့် နစ်နာကြေး တစ်စုံတစ်ခုမှ မရရှိခဲ့ကြောင်း ပြန်လည် ပို့ဆောင် ခံခဲ့ရသူများက ပြောပြသည်။

မြတ်ညို     

Source: Grassroots Human Rights

Read more »

Posted in: ၀၁။ အလုပ်သမားများ သတင်း

ဆရာမျိုးဟန်ကို - 2011, September လ အတွက် ဗေဒင် ဟောစတမ်း

ဆရာမျိုးဟန်ကို - 2011, September လ အတွက် ဗေဒင် ဟောစတမ်း ...

၁။ တနင်္ဂနွေသားသမီးများ အတွက်

ဒီလတွင်း အလုပ်အကိုင် ကိစ္စများ အဆင်ပြေလာမည်။ အလုပ်သစ် နေရာအသစ် ရရှိလာမည်။ ကံကောင်းနေသော အချိန်လေး ဖြစ်ပါသည်။ အလုပ်ကိစ္စများ အတွက် ကူညီပေးသူ အကြံညဏ်ပေးသူများ ပေါ်လာမည်။ အထက်လူကြီးမှ အကူအညီရမည်။ အဆင်ပြေလာမည်။

ငွေကြေး ကံကောင်းလာမည်။ ငွေကြေးကိစ္စများ ကုန်ကျမှု များနေမည်။ သူတစ်ပါးအတွက် ရုတ်တစ်ရက် ငွေကုန်ကျနေမည်။ သူငယ်ချင်း နှင့် အဆက်အသွယ်ပြတ်နေမည်။ စက်ပစ္စည်းပျက်မည် အသစ်ဝင်မည်။ လူလိမ်ခံရကိန်း ရှိပါသည်။ ဂရုစိုက်ပါ။
ပညာရေး ကြိုးစားနေရသော အချိန်ကာလလေးပါ။ သင်တန်းကိစ္စများ အဆင်ပြေလာမည်။

ဒီလအတွင်း အချစ်ရေးကိစ္စများ အဆင်မပြေပဲ ဖြစ်နေမည်။ စိတ်သဘောထား မတိုက်ဆိုင်ပဲ ဖြစ်နေပြီး စကားများနေရမည်။ အိမ်ထောင်ရေးမှာ သာယာ အဆင်ပြေနေသော အချိန်လေးပါ။

ဒီလအတွက် ကျန်းမာရေး ခါးနာ ဒူးနာ ဖြစ်မည်။ ချောင်းဆိုးမည်။

ယတြာ = ကံကောင်းစေရန်အတွက် ကလေးတစ်ယောက်အား မုန့်ဝယ်ကျွေးရင်း လိုရာ ဆုတောင်းလိုက်ပါ။

ဒီလအတွက် အကျိုးပေးသောဂဏန်း ။ ။ 2 1 5 2

၂။ တနင်္လာ သားသမီးများ အတွက်

ဒီလအတွင်း အလုပ်အကိုင်ကိစ္စများ ထပ်မံတိုးချဲ့ရမည်။ အလုပ်အသစ်တွေ လုပ်ဆောင်ရမည်။ ယခုလအတွင်း ဘာပဲလုပ်လုပ် တိုးလိုး တန်းလန်း ဖြစ်နေမည်။ သေချာစီစဉ်ထားသော ကိစ္စများ လွဲနေမည်။

ငွေကြေးကိစ္စများ စီးပွားရေးများ အဆင်ပြေလာမည်။ ငွေဝင်သော်လည်း အဖတ်မတင်သေးပါ။ ရသမျှ ကုန်ကျမှု များနေမည်။ သူတစ်ပါး ကိစ္စများ အတွက်နဲ့ စိတ်ညစ်နေရမည်။

ယခုလအတွင်း စမ်တူ လုပ်ငန်းများ ပြုလုပ်ရမည်။ မိမိ မိသားစု အတွင်း စိတ်နေသဘောထား ကွဲလွဲနေမည်။ ခရီးယာယီသွားရမည်။ မိတ်ဆွေသစ် သူငယ်ချင်း အသစ် ရရှိမည်။

ပညာရေး ကံကောင်းနေသော အချိန်လေး ဖြစ်ပါသည်။ အကူအညီပေးသူ ပေါ်မည်။

ယခုလတွင်း အချစ်ရေးကိစ္စများ ကံကောင်းလာမည်။ ချစ်သူနှင့် အဆင်ပြေလာမည်။ အိမ်ထောင်ရေးကိစ္စများ မတည့်အတူနေ ဆိုသလို ပါပဲ စကားများ နေရသော အချိန်လေးဖြစ်ပါသည်။

ယခုလ အတွင်း ကျန်းမာရေးမှာ မျက်စိအားနည်းမည်။ အိပ်ရေးပျက်မည်။

ယတြာ = ကံကောင်းစေရန်အတွက် တနင်္လာနေ့ နံနက်တွင် ဌက်စာကျွေးပြီး လိုရာဆုတောင်းလိုက်ပါ။

ဒီလ အတွက် ကံကောင်း အကျိုးပေး သောဂဏန်းများ ။ ။ 8 2 0 3

၃။ အင်္ဂါ သားသမီးများ အတွက်

ယခုလ အတွင်း ကံကောင်းလာမည်။ အလုပ်အကိုင်များ အဆင်ပြေလာမည်။ စနေနံ ပစ္စည်းများဝင်လာမည်။
အဝတ်အထည် အသစ်ဝင်မည်။ အထက်လူကြီးများနှင့် စကားပြောဆို အဆင်မပြေပါ။

ယခုလအတွင်း ငွေကြေးကိစ္စများ အဆင်ပြေလာမည်။ ရုတ်တစ်ရက် ငွေဝင်ကိန်း ရှိပါသည်။ မိမိ မိသားစု အတွင်း
လူဝင်မည်။ အိမ်အနီးတွင် နာရေးကိစ္စများ ဖြစ်ပေါ်မည်။ ဘာသာရေး ကိစ္စများ ပြုလုပ်ရမည်။ သူငယ်ချင်းများ နှင့်
စိတ်သဘောထား မတိုက်ဆိုင်ပဲ ဖြစ်နေမည်။

ပညာရေး ရည်ရွှယ်ချက် အသစ်ပေါ်မည်။ ကြိုးစားနေရမည့် အချိန်လေးပါ။

ဒီလအတွင်း အချစ်ရေးမှာ ဝေးနေရသော အချိန် ၊ နေ့ရက်လေးတွေကို ဖြတ်သန်းနေရမည် ဒီလအတွင်း အိမ်ထောင်ရေး ကိစ္စများမှာ အဆင်ပြေပါသည်။

ဒီလအတွင်း ကျန်းမာရေးမှာ စိတ်ပင်ပန်း ၊ ကိုယ်ပင်ပန်း ဖြစ်မည်။

ယတြာ = ကံကောင်းစေရန်အတွက အင်္ဂါနေ့ နံနက်တွင် အင်္ဂါသားသမီး တစ်ဦးဦးအား သရက်သီး ၃ လုံး လက်ဆောင်ပေးရင်း လိုရာ ဆုတောင်းလိုက်ပါ။

ဒီလအတွက် အကျိုးပေးသော ဂဏန်းများမှာ ။ ။ 0 6 0 4

၎။ ဗုဒ္ဓ္ဓဟူး သားသမီးများ အတွက်

ယခုလအတွင်း အလုပ်အကိုင်ကိစ္စများ ပုံမှန်လည်ပတ်နေသော နေမည်။ လုပ်ငန်းများ တိုးချဲ့လုပ်ကိုင်ရမည်။ မိမိထင်လောက် အကျိုး မရှိ်ပါ။ အလုပ်အတွင်း စိတ်ညစ်မှု အနည်းငယ် ရှိနေသော်လည်း အဆင်ပြေပါသည်။ လူမျိုးကွဲများ နှင့် စကားပြောဆိုမှု ဂရုစိုက်ပါ။

ယခုလအတွင်း ငွေကြေးကိစ္စများ ထင်လောက် အဆင်မပြေသေးပါ။ ရသလောက် ကုန်နေမည်။ ငွေဝင်နေသော်လည်း မစုမိသေးပါ။ မိမိ မိသားစု အတွင်း လုပ်ငန်း အဆင်ပြေလာမည်။ လူမှုရေးကိစ္စများ ကူညီဖြေရှင်းပေးနေရမည်။ စက်ပစ္စည်း ဝင်မည်။ ထီ ကံစမ်းပါ။

ဆရာကောင်း နှင့် တွေ့ဆုံရမည်။ ပညာရေး အောင်မြင်လာမည်ဆက်လက် ကြိုးစားပါ။

အချစ်ရေးမှာ ပျော်ရွှင်သော နေ့ရက်လေးတွေကို ပိုင်ဆိုင်နေရမည်။ ချစ်သူ အသစ်တွေ့မည်။ အိမ်ထောင်ရေးမှာ အဆင်ပြေပါမည်။ စကားများနေရသော်လည်း အနည်းငယ်သာ ဖြစ်မည်။

ယခုလ ကျန်းမာရေးမှာ ချောင်းဆိုးခြင်း ၊ အအေးမိခြင်း ဖြစ်မည်။

ယတြာ = ကံကောင်းစေရန်အတွက် ဗုဒ္ဓ္ဓဟူးနေ့ နံနက်တွင် နေအိမ်တွင် သန့်ရှင်းရေး ပြုလုပ်ရင်း ကံကောင်းစေရန် အတွက် ဆုတောင်းလိုက်ပါ။

ဒီလအတွက် အကျိုးပေးသောဂဏန်းများမှာ ။ ။ 5 4 6 5

၅။ ကြာသပတေး သားသမီးများ အတွက်

ဒီလအတွင်း အလုပ်အကိုင်များ အဆင်ပြေလာမည်။ အကူညီပေးသူ ပေါ်လာမည်။ စိတ်ညစ်မှု များနေသော်လည်း အဆင်ပြေလာမည်။ အလုပ်တွင် ရန်အတိုက်အခံ ရှိနေပါသည်။ ဂရုစိုက်ပါ။ အထက်လူကြီးမှ အကြံညဏ်ပေးလာမည်။

ယခုလအတွင်း ငွေကြေးကိစ္စများ အဆင်မပြေသေးပါ။ မစုမိသလို အဖတ်မတင်သေးပါ။ သူတစ်ပါး အတွက် ငွေကုန်ကျမှုများနေမည်။ အင်္ဂါနံ စနေနံ ပစ္စည်းများ ဝင်လာမည်။ မိမိ မိသားစုအတွင်း အလှူအတန်းကိစ္စများ ပေါ်မည်။

ယခုလအတွင်း ပညာရေး ကိစ္စများ အဆင်မပြေသေးပါ။ ကြီုးစားနေရသော အချိန်လေးပါ။

ဒီလအတွင်း အချစ်ရေး ကိစ္စများ အဆင်ပြေလာမည်။ ချစ်သူနဲ့ ပျော်ရွှင်နေရမည်။ အိမ်ထောင်ရေးကိစ္စများ အဆင်ပြေပါသည်။ အိမ်ထောင်ဖက် ခရီးထွက်ရမည်။

ဒီလအတွင်း ကျန်းမာရေးညံ့မည်။ ခေါင်းမူး ၊ ခေါင်းကိုက် ဖြစ်နေမည်။

ယတြာ = ကံကောင်းစေရန်အတွက် ကြာသပတေးနေ့ နံနက်တွင် ပန်းသီး ၃ လုံးကို အသက်ကြီးသူ တစ်ဦးအား လှူုဒါန်း၍ ဆုတောင်းလိုက်ပါ။

ဒီလအတွက် အကျိုးပေးသောဂဏန်းများမှာ ။ ။ 7 2 6 5

၆။ သောကြာသားသမီးများ အတွက်

ယခုလအတွင်း အလုပ်အကိုင်ကိစ္စများ အကူအညီပေးသူ ပေါ်မည်။ လုပ်ငန်းများ တိုးချဲ့လုပ်ကိုင်ရမည်။ စီးပွားရေး လုပ်ငန်းများ တိုးတက်လာမည်။ လုပ်ဖော်ကိုင်ဖက် များနှင့် စကားပြောဆိုမှု အဆင်မပြေပါ။

ယခုလအတွင်း ငွေကြေး ကိစ္စများ ကံကောင်းနေသော အချိန်လေးဖြစ်ပါသည်။ ငွေဝင်နေမည်။ အဆင်ပြေအောင် လုပ်ဆောင်လိုက်ပါ။ မိမိ မိသားစု အတွင်း စက်ပစ္စည်းများ ဝင်လာမည်။ နေအိမ် ပြုပြင်ရမည်။ သူငယ်ချင်းအသစ် ရရှိမည်။ ခရီးကိစ္စများ အဆင်ပြေပါသည်။

ယခုလအတွင်း ပညာရေးကိစ္စများ အဆင်ပြေနေသလို ကြိုးစားနေရမည်။ ပညာရေး ဆက်လက် ကံကောင်းနေမည်။

ယခုလအတွင်း အချစ်ရေး ချစ်သူနဲ့ ဝေးနေရသော်လည်း ချစ်သူဆီမှ ဆက်သွယ်မှု ရရှိလာမည်။ အဆင်ပြေလာမည်။ ယခုလအတွင်း အိမ်ထောင်ရေး ကိစ္စများ စိတ်ညစ်နေသော်လည်း အဆင်ပြေပါသည်။

ယခုလအတွင်း ကျန်းမာရေးမှာ သွေးအားနည်းမည် အိပ်ရေးပျက်နေမည်။

ယတြာ = ကံကောင်းစေရန်အတွက် သောကြာနေ့ နံနက်တွင် မိမိ သူငယ်ချင်း တစ်ဦးဦးအား လက်ကိုင်ပဝါ အစိမ်းရောင်တစ်ထည် လက်ဆောင်ပေးရင်း ဆုတောင်းလိုက်ပါ။

ဒီလအတွက် အကျိုးပေးသောဂဏန်း ။ ။ 4 3 2 2

၇။ စနေသားသမီးများ အတွက်

ယခုလအတွင်း အလုပ်ကိစ္စများ အနည်းငယ် လွဲချော်နေမည်။ သူတစ်ပါး ကိစ္စများအတွက် စိတ်ညစ်မှု အနည်းငယ် ရှိနေမည်။ အလုပ်အကိုင် ကိစ္စများ အဆင်မပြေပါ။ အကူညီပေးသူ ပေါ်လာမည်။

ယခုလအတွင်း ငွေကြေးကိစ္စများ ဝင်ငွေ များသလို ထွက်ငွေလည်း အဆင်ပြေနေမည်။ ရသလောက် ကုန်ကျမှုများ ရှိနေပါသည်။ မိမိ သုံးနေသော စက်ပစ္စည်းများ ပျက်မည်။ စက်စ္စည်း ဝင်ကိန်း ရှိသည်။ ခရီးယာယီများ မကြာခဏ ထွက်ရမည်။ မိသားစု ညီအစ်ကိုမောင်နှမ ကိစ္စများ အတွက်နဲ့ စိတ်ညစ်ရ စကားများရ ဖြစ်နေမည်။ သားသမီးများ ကျန်းမာရေးညံ့မည်။

ယခုလအတွင်း ပညာရေး ကံကောင်းလာမည်။ ပညာရေး ကြိုးစားနေရသော အချိန်လေးဖြစ်ပါသည်။

အချစ်ရေးမှာ ချစ်သူနဲ့ အဆင်ပြေနေသော အချိန်လေးပါ။ ယခုလ အိမ်ထောင်ရေး ကိစ္စများ စကားများ ရန်ဖြစ်နေမည်။ အခုလအတွင်း ကျန်းမာရေး အကြောတက်ခြင်း ၊ ခါးနာခြင်း ဖြစ်မည်။

ယတြာ = ကံကောင်းစေရန်အတွက် စနေနေ့ နံနက်တွင် မိတ်ဆွေ တစ်ဦးအား သကြားလုံး ၁၃ လုံး လှူ၍ ဆုတောင်းလိုက်ပါ။

ဒီလအတွက် အကျိုးပေးသော ကံကောင်းသော ဂဏန်းများ ။ ။ 0 5 9 6

2011, September လ တွင် မိမိရဲ့ဘဝလေး များလည်း (၁၁) မီးငြိမ်း၍ အေးချမ်းပါစေ။

စေတနာ မှန်၍ စိတ်ကောင်း ထားတတ် သူတိုင်း ကံကောင်း ကြပါစေ ......

ဆရာမျိုးဟန်ကို

September လ တွင် မိမိရဲ့ဘဝလေး များလည်း (၁၁) မီးငြိမ်း၍ အေးချမ်းပါစေ။ ဆက်သွယ်ရန် - ဆရာကြီး မင်းသိင်္ခ ၏ တပည့် - ဆရာမျိုးဟန်ကို - NO. 314 , Block P/B , Jin Cheras Taman Cheras ,56100 Kuala Lumpur Malaysia - http://www.myohanko.br.ms - myohankonew@gmail.com - Ph; 016 , 606 1917 , 017, 226 0715 ... စေတနာ မှန်၍ စိတ်ကောင်း ထားတတ် သူတိုင်း ကံကောင်း ကြပါစေ။

Source: ဆရာမျိုးဟန်ကို

Read more »

Posted in: ၁၅။ ဗေဒင်

ထိုင်းလူငယ်တွေ မူးယစ်ဆေးဝါးအလွဲသုံးစွဲမှု ဆိုးဝါးလာနေ

ထိုင်းလူငယ် ၁.၇ သန်းကျော်ဟာ တရားမ၀င်ဆေးဝါးသုံးစွဲနေပြီး ၇နှစ်ရွယ်ကလေးတွေဟာ မက်သာဖက်တမင်း လို့ခေါ် တဲ့ မြင်းဆေးကို သုံးစွဲနေကြတယ်လို့ စစ်တမ်းကောက်ယူမှုအသစ်တခုက နိဂုံးချုပ် တင်ပြထားပါတယ်။

ဒီလေ့လာမှုမှာ တိုင်းပြည်တနံတလျားက ပြည်နယ် ၁၇ ပြည်နယ်မှာနေတဲ့ အသက် ၁၂ နှစ်နဲ့ ၂၄ နှစ်အကြားရှိ လူငယ် ပေါင်း ၁၂,၂၅၃,၁၉၁ ယောက် ပါဝင်ပြီး ၂၀၁၁ ခုနှစ်၊ သြဂုတ်လ ၁၅ရက်ကနေ စက်တင်ဘာလ ၁၄ရက်နေ့ထိလုပ်ခဲ့တာ ဖြစ်တယ်လို့ Abac စစ်တမ်းကောက်ယူမှုအဖွဲ့ ညွှန်ကြားရေးမှူး နော့ပါဒိုးလ်ကန်နိကာ က ကြာသပတေးနေ့က ပြောပါ တယ်။ မေးမြန်းခံရတဲ့လူငယ် ၂၇၈၃ ယောက်ထဲမှာ ၂၀.၇% က သူတို့ဟာ အသက် ၁၅ နှစ်ကတည်းက စီးကရက်စ သောက်ခဲ့တယ်လို့ ၀န်ခံပြောဆိုကြပါတယ်။ ဒီအထဲမှာ အသက်အငယ်ဆုံးက ၅ နှစ်အရွယ် ဖြစ်ပါတယ်။ အသက် ၁၆ နှစ်မှာ အရက်စသောက်ကြပြီး၊ အငယ်ဆုံးသောက်သုံးသူက အသက် ၄ နှစ်ရွယ် ဖြစ်တယ်လို့ ၃၅% ကဖြေကြားခဲ့တယ်။ လို့ သူက ပြောပါတယ်။

ဆေးခြောက်က အများဆုံးအသုံးပြုလေ့ရှိတဲ့ မူးယစ်ဆေးဝါဖြစ်ပြီး လူငယ်ပေါင်း ၈၉၃,၄၈၃ က သုံးကြပြီး ဒုတိယအသုံး များတာက မက်သာဖက်တမင်း (ခေါ်) မြင်းဆေး ဖြစ်ပါတယ်။ သုံးစွဲသူပေါင်း ၆၄၉,၄၁၉ ယောက်ရှိပါတယ်။ နောက်ပြီး ပုံ ဆောင်ခဲပုံသဏ္ဌာန်ရှိတဲ့ မက်သာဖက်တမင်း (သို့မဟုတ်) ice လို့ခေါ်တဲ့ ရေခဲလိုအေးတဲ့ မက်သာဖက်တမင်း သုံးစွဲသူ ပေါင်း ၅၆၃,၆၄၇ ယောက်ရှိပါတယ်။ ဆေးသုံးစွဲသူတွေရဲ့ ပျမ်းမျှအသက် ၁၆ နှစ်နဲ့ ၁၇ နှစ်အရွယ်တွေ ဖြစ်ပါတယ်လို့ နော့ပါဒိုးလ် က ပြောပါတယ်။ မက်သာဖက်တမင်း သုံးတယ်လို့ ၀န်ခံတဲ့ အငယ်ဆုံးက အသက် ၇ နှစ်ပဲ ရှိသေးတယ်လို့ သူကပြောပါတယ်။

ဆေးလိပ်မသောက်သူ၊ အရက်မသောက်သူ လူငယ်တွေထက်စာရင် စီးကရက်သောက်တဲ့လူငယ်က မူးယစ်ဆေးသုံးတဲ့ ဖက်ကို ရောက်နိုင်တာ ၅ ဆ လောက်ရှိပြီး အရက်သောက်သူ လူငယ်တွေက ဆေးသုံးတဲ့ဖက်ရောက်တာ (၇) ဆ လောက်ရှိ နိုင်ပါတယ်။ ချို့ချို့ငဲ့ငဲ့ ပညာသင်ကြားရတာ၊ မိသားစုပြဿနာနဲ့ ငွေးရေးကြေးရေးပြဿနာ ကြုံနေရတဲ့ လူ ငယ်တွေဟာ စီးကရက်၊ အရက်နဲ့ မူးယစ်ဆေးသုံးတဲ့ဖက်ကို ပိုပြီးပြောင်းသွားနိုင်ပါတယ်လို့ Abac စစ်တမ်းကောက်ယူမှု အဖွဲ့ ဥက္ကဋ္ဌက ပြောပါတယ်။ ဒါပေမဲ့ အစိုးရိမ်ရဆုံးအစုကတော့ ဆေးစွဲတဲ့အဆင့်ဖြစ်လာတာကြောင့် သူတို့အပေါင်းအ သင်းတွေက ခွဲခွာသွားတဲ့ လူငယ်တွေပဲ ဖြစ်ပါတယ်။

အစိုးရနဲ့လူကြီးတွေက ဘယ်လို အရေးယူမှုမျိုးတွေ လုပ်ပေးစေချင် သလဲလို့ စစ်တမ်း ကောက်ယူသူတွေက ဖြေကြားသူ တွေကို မေးကြည့်တော့ ၉၀.၅%က လူငယ်တွေရဲ့ဘ၀နေထိုင်မှု အရည်အသွေးကို မြှင့်ပေးသင့်တယ်လို့ ဖြေကြပါတယ်။ ၈၃.၆%က စီးပွားရေးပြုပြင်ပြောင်းလဲမှုတွေ စလုပ်ပေးသင့်တယ်လို့ ဖြေကြားပြီး၊ ၈၃.၃%က လူမှုပြုပြင်ပြောင်းလဲမှုတွေ ကို အလေးထားလုပ်သင့်တယ်လို့ ဖြေပါတယ်။ ၈၂.၆%က အာဏာပိုင်တွေအနေနဲ့ ဖျော်ဖြေရေးလမ်းမကြီးတွေနဲ့ လောင်းကစားရုံတွေလို လူငယ်တွေအတွက် အန္တရာယ်ရှိတဲ့နေရာတွေကို ဖျက်သိမ်းသင့်တယ်လို့ ဖြေပါတယ်။ ၇၃.၀% ကတော့ နိုင်ငံရေးပြုပြင်ပြောင်းလဲမှုတွေ လုပ်စေချင်ပါတယ်။

 စက်တင်ဘာ ၁၅၊ ၂၀၁၁ (ဘန်ကောက်ပို့စ်)

Source: နေ့သစ်

Read more »

Posted in: ၀၄။ ထိုင်းသတင်း

ပိတ်ထားတဲ့ ၀က်ဘ်ဆိုဒ်များ ပြန်ပွင့်

မြန်မာအစိုးရသစ်အဖွဲ့ဟာ ကာလကြာမြင့်စွာ တားမြစ် ပိတ်ပင်ထားတဲ့ ဗွီအိုအေ အမေရိကန်အသံ၊ ရိုက်တာစ်နဲ့ ဘီဘီစီ သတင်းဌာနတွေရဲ့ ၀က်ဘ်ဆိုဒ် စာမျက်နှာတွေကို ဖွင့်ပေးလိုက်ပြီ ဖြစ်ပါတယ်။

ပြည်ပအခြေစိုက် ဒီမိုကရက်တစ် မြန်မာ့အသံ (ဒီဗွီဘီ) အပါအ၀င် ဒေသတွင်း သတင်းဌာနကြီး အတော်များများရဲ့ ၀က်ဘ်ဆိုဒ် စာမျက်နှာတွေကိုပါ ဖွင့်ပေးခဲ့သလို ကွန်ပျူတာ အွန်လိုင်းမှာတင်တဲ့ YouTube ဗွီဒီယိုတွေကိုပါ ပြည်တွင်းမှာ ကြည့်လို့ရပြီ ဖြစ်ပါတယ်။

အခုလို ဖွင့်ပေးလိုက်တဲ့အတွက် လွန်ခဲ့တဲ့ ၁၀ နှစ်လောက်ကစပြီး တင်ခဲ့တဲ့ ဗွီအိုအေ မြန်မာပိုင်းရဲ့ ၀က်ဘ်ဆိုဒ် စာမျက်နှာတွေကိုလည်း ပထမဆုံး အကြိမ်အဖြစ် မြန်မာပြည်ထဲက ကြည့်ရှုလို့ ရတော့မှာ ဖြစ်ပါတယ်။

ရိုက်တာစ် အပါအ၀င် တခြား သတင်းဌာနကြီးတွေရဲ့ ၀က်ဘ်ဆိုဒ် စာမျက်နှာတွေဟာ ၂၀၀၇ ခုနှစ် သံဃာတော်တွေ ဦးဆောင်တဲ့ ဆန္ဒပြမှုကို ဒီနှစ်အစောပိုင်းကတည်းက နှုတ်ထွက်ပေးခဲ့တဲ့ စစ်အာဏာရှင်တွေက အပြင်းအထန် ချေမှုန်းနေချိန်မှာပဲ ပိတ်ပင်ပစ်တာ ခံခဲ့ရတာပါ။

အခုလို ကွန်ပျူတာ ၀က်ဘ်ဆိုဒ် စာမျက်နှာတွေကို ဖွင့်ပေးခဲ့ပေမဲ့ ရုပ်မြင်သံကြား ထုတ်လွှင့်ချက်တွေကို တင်းတင်းကျပ်ကျပ် ထိန်းချုပ်ထားဆဲ ဖြစ်တဲ့အပြင် ပြည်တွင်းမှာ နိုင်ငံခြား သတင်းထောက်တွေ သတင်းယူခွင့်ကိုလည်း ပြင်းပြင်းထန်ထန် တားမြစ်ထားဆဲ ဖြစ်ပါတယ်။

ကုလသမဂ္ဂက ချမှတ်ထားတဲ့ နိုင်ငံတကာ ဒီမိုကရေစီနေ့ဖြစ်တဲ့ စက်တင်ဘာ ၁၅ ရက်နေ့မှာ လူထုတရပ်လုံး ကျင်းပခွင့်ကို မြန်မာအစိုးရသစ်က ပထမဆုံး အကြိမ်အဖြစ် ခွင့်ပြုလိုက်တဲ့နေ့မှာပဲ အခုလို သတင်းစာမျက်နှာတွေကိုပါ တင်းကျပ်မှု လျှော့ချပေးလိုက်တာ ဖြစ်ပါတယ်။

နေအိမ်အကျယ်ချုပ် ၇ နှစ်ဆက်တိုက် ချထားတာကို ခံခဲ့ရပြီး မနှစ်ကမှ ပြန်လည် လွတ်မြောက်လာခဲ့တဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း အမျိုးသား ဒီမိုကရေစီ အဖွဲ့ချုပ် ဌာနချုပ်မှာ ကုလသမဂ္ဂရဲ့ နိုင်ငံတကာ ဒီမိုကရေစီနေ့အတွက် မိန့်ခွန်း ပြောကြားခဲ့ပါတယ်။

Source: DVB

Read more »

Posted in: ၀၃။ မြန်မာ့ သတင်း

နိုင်ငံရေးအကျဉ်းသားများလွတ်မြောက်တော့မည်ဟု မိသားစုများအကြား သတင်းထွက်

(၁၉၈၈ စက်တင်ဘာ ၁၈ ရက်နေ့) စစ်အစိုးရအာဏာသိမ်းနှစ်ပတ်လည် နီးလာသည်နှင့်အမျှ နိုင်ငံရေးအကျဉ်းသားများလွှတ်မြောက်လာမည်ဆိုတဲ့ သတင်းများ ၎င်းမိသားစုများအသိုင်းအ၀ိုင်းတွင် ပေါ်ပေါက်လျှက်ရှိကြောင်း သိရသည်။ ထိုသို့နိုင်ငံရေး အကျဉ်းသားများ လွတ်မြောက်မည်ဟု သတင်းများမှာ လွန်ခဲ့သောနှစ်ရက်ခန့်က စတင်ပေါ်ပေါက်ခဲ့ပြီး စစ်အစိုးရအာဏာလွှဲ လက်ရှိကြံဖွံ့အစိုးရ ဆင်နွှဲနေသည့် ဒီမိုကရေစီနေ့ ၁၅ ရက်နေ့နှင့် အာဏာသိမ်းနှစ်ပတ်လည် မတိုင်မီ ၁၈ ရက် အတွင်း ထူးခြားမည်ဟု သတင်းများ ပေါ်ထွက်လာခြင်းဖြစ်သည်။

“ ၁၅ရက်နေ့ ဆိုတာတော့ မကြားမိဘူး။ ကျွန်မထင်တာတော့ ၁၈ရက်နေ့လို့ ကြားတာ။ အာဏာသိမ်းနှစ်ပတ်လည်လဲ ဖြစ်တော့လေ”

လို့ နိုင်ငံရေး အကျဉ်းသူဟောင်း တစ်ဦးက ပြောပြသည်။

နိုင်ငံရေးအကျဉ်းသားများ လွတ်မြောက်မည့်သတင်းများ ထွက်ပေါ်လာသော်လည်း မိသားစုဝင်များကို ခေါ်ယူအကြောင်းကြားမှုများ မရှိသဖြင့် ဌင်းသတင်းမှာ အတည်ပြုရန်ခက်ခဲသည်ဟု မိသားစုဝင်တစ်ချိူ့က ဆိုသည်။

“ လွှတ်မယ်ဆိုတဲ့ အသံက ကြားနေရတာကြာပါပီ။ ဖြစ်ပါစေ ဆုတောင်းတယ်။ ဘုန်းကြီးတွေကိုလဲ လွတ်စေချင်လှပြီ။ ရဟန်းသဃာနဲ့ မအပ်စပ်တဲ့ နေရာကို ရောက်နေတော့ ကျွန်မတို့အနေနဲ့ မခံစားနိုင်ဘူး။”

လို့ ရွှေဝါရောင်အရေးအခင်းမှ ထောင်ဒဏ်ကျခံနေရသော ဘုန်းကြီးများကို ထောင်ဝင်စာပို့နေသူ ဒေါ်ရှုက ပြောပြသည်။

“ ဒီလိုပဲ မနေ့က သတင်းထွက်လာတယ်။ ဒါပေမဲ့ မဟုတ်ပါဘူး။ စောင့်တယ်ဆိုပေမဲ့ မမျှော်တော့ဘူး။ နှစ်ရှည်သမားတွေ လွှတ်မယ်မထင်ဘူး။ ”

လို့  ထောင်ဒဏ်နှစ်ရှည် အကျခံနေရသူနိုင်ငံရေးအကျဉ်းသားတစ်ဦး၏ မိခင်က ပြောပြသည်။

(Photos - File, Rangoon, Monthly Prayer Service for Political Prisoners by their family members, MoeMaKa, 2011) 

ခင်နှင်းလွင်၊ စက်တင်ဘာ ၁၆၊ ၂၀၁၁

မိုးမခ 

Read more »

Posted in: ၀၃။ မြန်မာ့ သတင်း

နိုင်ငံခြားသား မောင်းနှင်သည့်ကား တိုက်မိသဖြင့် မြန်မာ အလုပ်သမားတစ်ဦးသေဆုံး

ထိုင်းနိုင်ငံ တောင်ပိုင်း ဖူးခက်မြို့တွင် နိုင်ငံခြားသား တစ်ဦး မောင်းနှင်လာသည့် ကားတိုက်မိသဖြင့်လုပ်ငန်းခွင်သို့ လမ်လျှောက် သွားနေသော မြန်မာအလုပ်သမား တစ်ဦး သေဆုံးပြီး တစ်ဦးဒဏ်ရာ ရရှိသွားသည်။

ပြီးခဲ့သည့် စက်တင်ဘာလ (၁၂)ရက်နေ့က ဖူးခက်မြို့၊ ပါသောင် ကမ်းခြေရှိ ပန်းရံ လုပ်ငန်းခွင့်သို့ အလုပ်သမား ကိုကျော်လှထွန်း၊ ကိုထွန်မြင့်နှင့် ကိုမောင်ဝင်းတို့ (၃)ဦး လမ်းလျှောက်ပြီး အလုပ်ဆင်းလာကြစဉ် နိုင်ငံခြားသား တစ်ဦး မောင်နှင် လာသည့် အဖြူရောင် ကားတစ်စီမှ မျက်နှာချင်းဆိုင်မှ ၀င်တိုက်မိခြင်း ဖြစ်သည်။

ဆေးရုံသို့ ရောက်ပြီးမှ သေဆုံးသွားသည့် အသက် (၃၀)အရွယ် ကိုမောင်ဝင်းမှာ ရခိုင်ပြည်နယ် ကျောက်တော်မြို့နယ် သခွပ်ပင် ကျေးရွာမှ ဖြစ်သည်။

ကားတိုက်ခံခဲ့ရပြီး အတွင်းလူနာအဖြစ် နှစ်ရက်ကြာ ဆေးကုသခဲ့ရသူမှာ ရခိုင်ပြည်နယ် ပေါက်တောမြို့နယ် တောင်ပုတ်ကေ ကျေးရွာမှ ကိုသန်းမြင့် ဖြစ်သည်။

၎င်းက “ကျနော် နံရိုးနာသွားတယ်။ လက်တွေ ခေါင်းတွေလည်း နာသွားတယ်။ ကျနော့်သူငယ်ချင်း ကတော့ ကံမကောင်းဘူးဗျာ။ ဆုံးရှာပြီ’’ဟု ပြောသည်။

အန္တရာယ် မဖြစ်ခဲ့သော မျက်မြင်သက်သေ ကိုကျော်လှထွန်းက “မျက်နှာချင်းဆိုင်က ၀င်တိုက်တာပါ။ ကျနော်တို့ လမ်းအောက်က ဆင်းပြီး သွားနေတာပါ။ ကျနော့်ကို ပွတ်သွားပါတယ်။ ဒုန်းဆို နောက်က နှစ်ယောက်ကို ၀င်တိုက် သွားပါတယ်။ တစ်ယောက်က ဆေးရုံရောက်မှ ဆုံးတာပါ’’ဟုပြောပြသည်။

တိုက်မိသည့် ကားမှာ ထိုနေရာတွင် ပြုတ်ကျ ကျန်နေခဲ့သည့် နံပတ်ပြားအရ ထိုင်းအက္ခရာ ကိုတို-8316 ဖြစ်သည်။

အဆိုပါ ယာဉ်တိုက် သေဆုံးမှုအတွက် ဖူးခက်အခြေစိုက် လေးဝတီ ရခိုင် လူမှုရေးအသင်း၊ ဘန်ကောက် အခြေစိုက် ထိုင်းနိုင်ငံရောက် မြန်မာ နိုင်ငံသားများ အဖွဲ့နှင့် ဖန်ငခရိုင် အခြေစိုက် ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း (FED) အဖွဲ့များက သေဆုံးသွားသည့် အလုပ်သမားနှင့် ထိခိုက်ဒဏ်ရာ ရရှိခဲ့သည့် အလုပ်သမား နှစ်ဦးအတွက် ရသင့် ရထိုက်သည့် အခွင့်အရေးများ ရရှိနိုင်ရန် ပူးပေါင်း ဆောင်ရွက်လျက်ရှိကြောင်း FEDမှ အမှုဆောင် ဒါရိုက်တာ ဦးထူးချစ်က ပြောသည်။

Source: Grassroots Human Rights

Read more »

Posted in: ၀၁။ အလုပ်သမားများ သတင်း

ပုသိမ်လယ်သမားများ ၀န်ကြီးရုံးသို့ ချီတက်

ပုသိမ်ခရိုင် ငွေဆောင်မြို့နယ် ပတ်ဝန်းကျင် ရွာများမှ လယ်သမား ၁၅၀ ကျော်သည် အသိမ်းခံထားရသော မြေဧက ၂၀၀၀ ကျော် အရေး ညှိနှိုင်းမှုရရန်အတွက် ယနေ့နံနက်က ဧရာဝတီတိုင်း အစိုးရအဖွဲ့ ၀န်ကြီးရုံးသို့ စီတန်းလမ်းလျှောက် တောင်းဆိုခဲ့ကြောင်း သတင်းရရှိသည်။

ပုသိမ်ခရိုင်၊ ဖုန်းမော်ကြိုင်ရွာမှ လယ်များ အသိမ်းခံရပြီးနောက် ပုဇွန်ကန်များ ဖြစ်သွားသည် (ဓာတ်ပုံ - HRWDN)

လုပ်ငန်းရှင်များနှင့် စစ်တပ်က သဇင်ရွာမ၊ ဂျိုင်လယ်၊ မျှင်တိုး၊ သဇင်မှော်၊ ဖုန်းမောင်ကြိုင် စသည့် ကျေးရွာအုပ်စုတို့မှ  လယ်၊ ယာ၊ ဥယျာဉ်ခြံမြေများကို သိမ်းဆည်းပြီး နောက်ပိုင်း  အလုပ်လက်မဲ့ဖြစ်သွားသည့် ၎င်းတို့၏ အခက်အခဲများ ဖြေရှင်းပေးရန် ရေးသား တောင်းဆိုထားသောစာကို ၀န်ကြီးရုံးသို့ ပေးအပ်ခဲ့သည်ဟု ဆိုသည်။

“တိုင်းဝန်ကြီးချုပ် ဦးသိန်းအောင်က ကောင်းကောင်းမွန်မွန်ပါပဲ။ လူချင်း ခေါ်တွေ့ပြီး ၃ ရက်အတွင်း ကွင်းဆင်းစစ်ပေးပါ့မယ်၊ ပြေလည်အောင်၊ အကောင်းဆုံးဖြစ်အောင် ညှိနှိုင်းဖြေရှင်းပေးပါ့မယ်ပဲလို့  ပြောတယ်။ ပြန်ရမလား၊ လျော်ကြေး ပေးမလားကတော့ သူတို့ ဘယ်လိုလုပ်ပေးမလဲဆိုတာ စောင့်ကြည့်ရမှာပေါ့” ဟု ဖုန်းမော်ကြိုင်ရွာမှ လယ်ပိုင်ရှင်တဦးက ပြောသည်။

၂၀၀၀ ပြည့်နှစ်နှောင်းပိုင်းတွင် ယုဇနကုမဏီက ထိုဒေသမှ လယ်မြေများ သိမ်းဆည်းခဲ့ပြီး၊ ကာလပေါက်ဈေးထက် လွန်စွာနည်းပါးသောငွေကိုသာ လျော်ကြေးအဖြစ် ပေးခဲ့သည်ဟု ဆိုသည်။

“အဲ့ဒီတုန်းက စက်နဲ့ထိုးပစ်မယ် ဘာညာနဲ့ ခြိမ်းခြောက် မောင်းထုတ်တော့ ကြောက်တာရော၊ နားမလည်တာရောနဲ့ သူတို့ပေးသလိုပဲ ယူခဲ့တာ။ လယ်တွေတော့ ပြန်လိုချင်တာပေါ့။ ဒါပေမယ့် သူတို့က ငါးကန်၊ ပုစွန်ကန်ကြီးတွေ တူးထားတော့ ဘယ်လိုလုပ်ရမလဲ မသိဘူး” ဟု လယ်ပိုင်ရှင်က ပြောသည်။

၂၀၀၆ ခုနှစ်တွင် အမှတ် (၁) လေကြောင်းရန်ကာကွယ်ရေးတပ်က သဇင်မှော်ရွာမှ ဒေသခံ ၂၅ ဦးတို၏ ခြံမြေဧက ၁၀၀ ကျော်ကို သိမ်းလိုက်သည်ဟု ခြံပိုင်ရှင်များက ဆိုသည်။

“သူတို့ ကားတွေနဲ့ ၀င်လာ၊ အဆောက်အအုံတွေ လာဆောက်တယ်။ စသိမ်းကတည်းက ခြံထဲကို ၀င်ခွင့် လုံးဝ မရတော့ဘူး။ အခုဆို တနေ့ ၁၅၀၀ နဲ့ နေ့စားအလုပ် လုပ်ပြီး မိသားစု စားဝတ်နေရေးအတွက် ဖြေရှင်းနေရတာ။ ခြံတွေ ဆိုတာလည်း ပေါင်းသင်တာ မလုပ်နိုင်ဘဲ ပစ်ထားရတော့၊ ပြန်ရလည်း ကျနော်တို့ဘာမှ လုပ်စားလို့မရတော့ဘူးဗျ။ ကျနော်တို့ကတော့ ထိုက်တန်တဲ့ လျော်ကြေးငွေ လိုချင်ပါတယ်” ဟု ထိုရွာမှ သီဟိုဠ်ခြံပိုင်ရှင်တဦးက ပြောသည်။

ဒေသခံများ အစဉ်အဆက် လုပ်ကိုင် စားသောက်လာသော လယ်ယာမြေများ ဆုံးရှုံးသွားရပြီး စားဝတ်နေရေး ခက်ခဲနေကြကြောင်း လယ်သမားတို့ကို ကူညီပေးနေသည့် လူ့အခွင့်အရေး စောင့်ကြည့် ကာကွယ်ရေး ကွန်ရက်အဖွဲ့ (HRWDN) က ဆိုသည်။

“ဆယ်စုနှစ် တနှစ်လောက် ရှိနေပြီဗျာ။ မတရား သိမ်းခံထားရတာ။ သူတို့မှာ လယ်ပိုင်ရှင်ဘ၀ကနေ လယ်မဲ့ယာမဲ့နဲ့ လယ်ကူလီဘ၀ ပြန်ရောက်နေကြပြီး ဆင်းရဲ ကျပ်တည်းစွာနဲ့ လုပ်ကိုင် စားသောက်နေကြရတာ အရမ်း သနားဖို့ ကောင်းတယ်။ ဒါမျိုးတွေက မဖြစ်သင့်ဘူး” HRWDN မှ ကိုမြင့်နိုင်က ပြောသည်။

လယ်ယာမြေ သိမ်းဆည်းမှု၊ လယ်မြေ ပြန်ရလိုဖြင့် တရားစွဲဆိုသူတို့ကို အကျဉ်းချမှု၊ မြေအသိမ်းခံရမှုကူညီသူတို့အား အရေးယူမှုများ နိုင်ငံအနှံ့ ဖြစ်ပေါ်နေသည်ဟု သူက ဆိုသည်။

HRWDN မှ ကိုထွန်းထွန်းဦးကလည်း “တောင်သူလယ်သမားတွေက ကျနော်တို့နိုင်ငံအတွက် ကျေးဇူးရှင်ဦးကြီးများဗျ။ ဒီတောင်သူလယ်သမားတွေရဲ့ ဘ၀ကို တနိုင်ငံလုံးက ပြည်သူတွေက စာနာရမယ်။

ထောက်ထားရမယ်။ အစိုးရအနေနဲ့ကလည်း မြန်မာနိုင်ငံက စိုက်ပျိုးရေးနိုင်ငံ ဖြစ်တဲ့ အတွက် သူတို့ရဲ့ ဘ၀မြှင့်တင်ပေးရေးကို  စိတ်ဝင်စားရမယ်။ ဒီလိုမျိုးတွေ လုပ်နေတာကတော့ လယ်သမားတွေအပေါ် တရားမျှတမှု မရှိတာပဲဗျ” ဟု ပြောဆိုသွားသည်။

Source: ဧရာဝတီ

Read more »

Posted in: ၀၃။ မြန်မာ့ သတင်း

ဧရာဝတီမြစ်အတွက် ဘယ်သူတွေ ဘာပြောခဲ့သလဲ

(ဧရာဝတီမြစ်အရေး မီဒီယာမှာ ပြောဆိုခဲ့တာတွေကို ရက်စွဲအလိုက် ဖော်ပြလိုက်ပါတယ်။)

ဧရာဝတီမြစ်ကြီး ပျောက်သွားမှာကိုတော့ ကျွန်တော်တို့က ကြောက်တယ်။
ဧရာဝတီမြစ်ဆိုတာ ကျွန်တော်တို့ကို စိတ်ရွှင်စေတဲ့ မြစ်ကြီးပဲ။ အဲဒီမြစ်ကြီး နောင်ရှိပါတော့မလားပေါ့။

ကျွန်တော်ငယ်ငယ်တုန်းက မြစ်ကြီးနားမြို့ရောက်တာပေါ့။ ကျွန်တော် ဆရာဝန်ပေါက်စဘ၀က အဲဒီဧရာဝတီမြစ်ဘေးမှာ ညနေစောင်းဆိုရင်လေ ကျေးတွေပျံတယ်၊ ညနေစောင်းနော်။

မနက်ခင်းဆိုရင် ကောင်းကင်ကြီးတစ်ခုလုံး သက်ရှိသက်တံတွေနဲ့ အဲဒီအရပ်ကို အင်မိုင်ဇွပ် လို့ခေါ်တဲ့ ရေ၀င်တဲ့အပေါက်လို့ခေါ်တယ်။ အဲဒီအပေါက်ကရေမ၀င်ရင် ကျွန်တော်တို့ ဘယ်လို လုပ်မလဲပေါ့၊
ကျွန်တော်တော့ မသိဘူး။ မစဉ်းစားတတ်ဘူး။ ကျွန်တော်သိပ်နားမလည်ဘူး။ ကျွန်တော်စဉ်းစားတာက ဘာလိုလဲပေါ့။

နောက်တစ်ခု ကျွန်တော်စဉ်းစားမိတာ တစ်ခုရှိတယ်။ ငါတို့နိုင်ငံတော်သီချင်းဆိုကြတယ်။ ဒါတို့ပြေ၊ ဒါတို့မြေ တို့ပိုင်တဲ့မြေလို့။ အခုတော့ ငါတို့ပိုင်သေးလား။ ငါတို့ပိုင်ထားရတဲ့ သယံဇာတတွေကို အရင်တုန်း ကလည်း ဒီသယံဇာတတွေကြောင့်ပေါ့လေ။ ကျွန်ဖြစ်ခဲ့ရတယ်။ အဲ့ဒီတုန်းက ဘယ်လိုခေါ်လဲဆိုတော့ rape of Burma တဲ့။ ဗမာပြည်သယံဇာတကို အနိုင်ကျင့်ခြင်းပေါ့။

အဲဒါနဲ့ ကျွန်တော်တို့ကျွန်ဖြစ်ခဲ့ရတယ်။ အခုဟာက သယံဇာတ လိုချင်လို့ ကိစ္စမရှိသေးဘူး။ အဲဒီသယံဇာတလိုချင်တဲ့နောက်ပိုင်းမှာ သဘာဝပတ်ဝန်းကျင်ကို ဖျက်ဆီးတာတွေ ပါလာတယ်။

ကျွန်တော်တစ်ခါပြောဖူးတယ်။ Ecological rape of Burma သယံဇာတတင် မဟုတ်တော့ဘူး။
ကျွန်တော်တို့ရဲ့ သဘာဝပတ်ဝန်းကျင်ကိုပါ အနိုင်ကျင့်ခံနေရတာပေါ့။

စာရေးဆရာ ကိုတာ
(ပြည်သူ့ခေတ်ဂျာနယ် ဧပြီ ၇)

မြစ်ဆုံရေကာတာကို တည်ဆောက်ဖို့ မသင့်တော်ဘူးလို့ မြန်မာ-တရုတ် ပညာရှင်အဖွဲ့ အစီရင်ခံစာမှာ အတိအလင်း ဖော်ပြထားပါတယ်။ (တရုတ်ပညာရှင်တွေနဲ့ ပူးတွဲလေ့လာခဲ့တဲ့ ရန်ကုန်အခြေစိုက် ဇီဝမျိုးကွဲနဲ့ သဘာဝထိန်းသိမ်းရေးအသင်း Biodiversity and Nature Conservation Association က ၂၀၀၉ ခုနှစ် အောက်တိုဘာလမှာ ရေးသားထား)
သဘာဝပတ်ဝန်းကျင် ထိခိုက်ပျက်စီးမှာကို မြန်မာဘက်ကရော တရုတ်ဘက်ကရော တကယ်ပဲ စိုးရိမ်တယ်ဆိုရင် မြစ်ဆုံမှာ ရေကာတာကို မတည်ဆောက်သင့်ဘူးလို့ ဆိုပါတယ်။
--- ရေကာတာ တည်ဆောက်မယ်ဆိုရင် လူ့အဖွဲ့အစည်းနဲ့ သဘာဝပတ်ဝန်းကျင်ကို ဘယ်လိုထိခိုက်နိုင်တယ်ဆိုတာကို လေ့လာအကဲဖြတ်ဖို့ လိုအပ်ကြောင်း၊ တရုတ် သဘာဝပတ်ဝန်းကျင် ထိန်းသိမ်းရေး၊ ဥပဒေမှာ ဖော်ပြထားတာကြောင့် စတိအနေနဲ့ ဧရာဝတီ ရေကာတာလေ့လာရေးမှာ တရုတ်ပါဝင်လာတာ ဖြစ်နိုင်ပါတယ်။ မြန်မာမှာလည်း ၂၀၀၆ မှာ ပြဋ္ဌာန်းတဲ့ ရေအရင်းအမြစ်နဲ့ မြစ်ချောင်းများ ထိန်းသိမ်းရေးဥပဒေနဲ့ သက်ဆိုင်ရာဦးစီးဌာရှိပေမယ့် သဘဝပတ်ဝန်းကျင် ထိန်းသိမ်းရေး မူဝါဒလမ်းစဉ် မရှိပါဘူး။ ဒါကြောင့် ၂၀၀၉ ခုနှစ် ဧရာဝတီရေကာတာ အစီရင်ခံစာကို လုံးဝဂရုမစိုက်ကြတာ ဖြစ်ပုံရပါတယ်။

ဦးအောင်ခင်
(ဇူလိုင် ၂၃၊ VOA သတင်းဌာန)

ယခုအခါ လျှပ်စစ်ဓာတ်အားများ တစ်နှစ်ထက်တစ်နှစ် ပိုမိုရရှိနေပြီ ဖြစ်သော်လည်း အချို့ပုဂ္ဂိုလ်/အဖွဲ့အစည်းများ အနေဖြင့် ကချင်ပြည်နယ်အတွင်း အကောင်အထည်ဖော် ဆောင်ရွက် လျက်ရှိသည့် ဧရာဝတီမြစ်ဆုံ မေခ၊ မလိခ၊ မြစ်ညာမြစ်ဝှမ်း ရေအားလျှပ်စစ်စီမံကိန်းများနှင့် ပတ်သက်၍ နိုင်ငံတကာနှင့် ပြည်တွင်း ရှိ ပြည်သူလူထု အထင်မှား အမြင်မှား ဖြစ်စေရန် မဟုတ်မမှန် ဖန်တီးလုပ်ကြံ၍ ရေးသား လုပ်ဆောင်လျက် ရှိကြသည်။

ဆောင်းပါးရှင် လျှပ်စစ်ဝန်ထမ်းတစ်ဦး (အမှတ် ၁ လျှပ်စစ် ၀န်ကြီး ဦးဇော်မင်း)
(သြဂုတ်လ ၉ ရက်နေ့ ကြေးမုံ/မြန်မာ့အလင်း)

အဲဒီဆောင်းပါးမှာ နိုင်ငံအတွက် ဘယ်လိုအကျိုးကျေးဇူး ရှိတယ်ဆိုတာကို သဲသဲကွဲကွဲ ရေးမသွားဘူး။ လူ ၂၆၀၀ လောက် အလုပ်ရတယ်။ အိမ်ထောင်စု ထောင်ဂဏန်းလောက် နေရာချထား ပေးခဲ့တယ်ဆိုတာ တစ်နိုင်ငံလုံး အတိုင်းအတာနဲ့ဆိုင်တဲ့ ပရောဂျက်တစ်ခုအတွက် ရယ်စရာပါ။ လအလိုက် ရေစီးမှုတစ်ခု တည်းကြည့်ပြီး ဧရာဝတီမြစ်အောက်ပိုင်းမှာ ဘာမှမထိခိုက်ဘူး ဆိုတာကလည်း မပြည့်စုံဘူး။ အခုတောင် ဧရာဝတီမြစ်ဟာ မြစ်လက်တက်တွေမှာ ဆောက်တဲ့ဆည်တွေကြောင့် ကောစပြုနေပြီ။ ရေကြောင်းပြောင်းနေပြီ။ နွေရာသီဆိုရင် မြစ်ဝကျွန်းပေါ် အချို့ဒေသတွေမှာ နွေရာသီ ရေချိုပြဿနာ တွေ့နေရပြီ။ ဒါ ကြောင့် ဒီဆည်မဆောက်ခင်မှာ ဘယ်လိုမြစ်ကြောင်းဆိုင်ရာ ပြုပြင်မှုလုပ်မယ်ဆိုတဲ့ အာမခံချက်လည်း မရှိဘူး။

Eleven Media Group၏ Chairman & CEO ဒေါက်တာ သန်းထွဋ်အောင်
(သြဂုတ်လ ၉ ရက် www.weeklyeleven.com)
ဧရာဝတီအကြောင်း ပြောဆိုရေးသားကြတာတွေဟာ လုပ်ကြံဖန်တီးပြောဆိုနေတယ်လို့ ပြောလာတဲ့သူရှိရင်၊ ဘယ်သူပဲ ပြောပြော၊ အဲဒါကို လုံးဝငြင်းဆိုပါတယ်။ ----- သတင်းသမား တစ်ယောက်အတွက် ကတော့ ဧရာဝတီကို ပျက်စီးမယ့်၊ တိမ်ကောမယ့်၊ ပပျောက်သွားမယ့် ဘယ်ကိစ္စကိုမဆို တားဆီးရမှာပဲ ဖြစ်ပါတယ်။

လူထုစိန်ဝင်း
(သြဂုတ်လ ၉ ရက် www.weeklyeleven.com)
ဧရာဝတီမြစ်နှင့် ဆက်စပ်၍ ဖြစ်ပေါ်လာသော သဘာဝပတ်ဝန်းကျင်ဆိုင်ရာ၊ စီးပွားရေးဆိုင်ရာ၊ အတတ်ပညာဆိုင်ရာ နှင့် နိုင်ငံရေးဆိုင်ရာ ပြဿနာအလုံးစုံကို ကျွန်ုပ်တို့အားလုံး ပူးပေါင်းခြင်းဖြင့် အောင်မြင်စွာ ဖြေရှင်းနိုင်ကြပါမည်

ဒေါ်အောင်ဆန်းစုကြည်
(သြဂုတ် ၁၁)

တလလောက်အတွင်းမှာ ဖြစ်ပေါ်နေတဲ့ ဧရာဝတီ ရောဂါပေါ့၊ ဧရာဝတီ ရောဂါနဲ့ အမှီလိုက်နေတဲ့ သူများရဲ့ မေးခွန်းတွေ၊ ကာတွန်းတွေပေါ့။ အဲဒီတော့ အခု ဧရာဝတီမြစ်ဆုံရဲ့ စီမံကိန်းများ ဆက်လက်လုပ်ဆောင်မဲ့ အစီအစဉ် ရှိပါသလား၊ ဘယ်အဆင့်အထိ ရောက်နေသလဲလို့ မေးပါတယ်။ ဧရာဝတီမြစ်ဆုံ စီမံကိန်း ဆက်လုပ်ပါမယ်။ ကျနော်တို့ ဘယ်တော့မှ နောက်မဆုတ်ပါဘူး။

အမှတ် (၁) လျှပ်စစ် ၀န်ကြီး ဦးဇော်မင်း
(နေပြည်တော်သတင်းစာရှင်းလင်းပွဲ၊ စက်တင်ဘာ ၁၀)

မလုပ်သင့်ဘူးလို့ တောင်းဆိုလာတာတွေကို ဆက်လုပ်နေမယ်ဆိုရင် အစိုးရအဖွဲ့အနေနဲ့ ပြည်သူ့ဆန္ဒတွေကို မျက်ကွယ်ပြုလိုက်တာနဲ့ အတူတူပဲ။ စိတ်မချမ်းမြေ့စရာတွေပဲ ဖြစ်လာလိမ့်မယ်။"

ဆရာမောင်ဝံသ
(စက်တင်ဘာ ၁၁ weeklyeleven.com)

ကျွန်တော်တို့နိုင်ငံက မဂ္ဂါဝပ် ၁၅၀၀ သုံးမကုန်ဘူးလို့ ပြောတယ်။ အခု နယ်တွေ၊ ရွာတွေမှာ လျှပ်စစ်မီးတောင် မရှိသေးဘူး။ ကျွန်တော်တို့ရဲ့ Power Consumption က အခု ကျောက်ခေတ်အတိုင်း ရှိမှာလား။ နိုင်ငံက ဘယ်တော့မှ ဖွံ့ဖြိုးတိုးတက်တဲ့နိုင်ငံ မဖြစ်တော့ဘူးလား။ အခု တည်ဆောက်နေတဲ့ ထားဝယ်ရေနက်ဆိပ်ကမ်း၊ နောက်ထပ်လာမယ့် ရန်ကုန်မြို့တော်သစ်စီမံကိန်း၊ တိုးတက်လာမယ့် စက်မှုလုပ်ငန်းတွေအတွက် အနည်းဆုံး မဂ္ဂါဝပ် ၁၀၀၀၀ အထက်လိုမယ်။ ခေတ်စနစ်တွေက ပြောင်းနေပြီ၊ ပြောင်းလဲသင့်နေပြီ။ ခေတ်ဟောင်းမှာ ကျန်ခဲ့ရင်တော့ ခေတ်စနစ်ဟောင်းရဲ့ ဒဏ်ခတ်ခြင်းခံရမှာပဲ။ ဒါသမိုင်းရဲ့သဘောလည်း ဖြစ်သလို၊ တရားဓမ္မသဘောလည်း ဖြစ်တယ်လို့ဝန်ကြီးကို ပြောချင်ပါတယ်။

ဒေါက်တာသိန်းမြင့် (Managing Director, Eleven Media Group)
(စက်တင်ဘာ ၁၁ weeklyeleven.com)

လူယဉ်ကျေးနည်းနဲ့ မရရင် လမ်းပေါ်ထွက် ဆန္ဒပြပြီး တောင်းဆိုလာခဲ့မယ်ဆိုရင် ဒီလိုဆန္ဒပြမှုတွေအတွက် စီမံကိန်းကို ဆက်လုပ်တဲ့သူတွေသာ တာဝန်ယူရလိမ့်မယ်။ မလုပ်ဖို့ တောင်းဆိုဆန္ဒပြနေတဲ့သူတွေမှာ တာဝန်မရှိဘူး"

လူထုစိန်ဝင်း  

(စက်တင်ဘာ ၁၁ weeklyeleven.com)

မလုပ်သင့်တဲ့အချက်များနေရင် အကောင်အထည် မဖော်သင့်ဘူး။ တတ်သိပညာရှင်တွေရဲ့ ဝေဖန်သုံးသပ်မှုတွေနဲ့ ပြည်သူတွေရဲ့ စိုးရိမ်ပူပန်မှုတွေကို အစိုးရကအလေးထားဖို့လိုတယ်။

ဒေါက်တာဒေါ်မြင့်မြင့်ခင်
(စက်တင်ဘာ ၁၁ weeklyeleven.com)

ဒါဟာ ဗမာပြည်ဒုက္ခဖြစ်မယ့်ကိစ္စ။ သေရေးရှင်ရေး ကိစ္စပါ။ လူတစ်ယောက်က ဆုံးဖြတ်ရမှာမဟုတ်ဘူး။

ဦးစိုးညွန့် (ဥက္ကဋ္ဌ၊ မြန်မာနိုင်ငံ ငှက်နှင့် သဘာဝပတ်ဝန်းကျင်ထိန်းသိမ်းရေးအသင်း)
(စက်တင်ဘာ ၁၁ weeklyeleven.com)

ဧရာဝတီဆိုတာ မြန်မာပြည်ရဲ့အသက်သွေးကြောပဲ။ လူတိုင်းနဲ့သက်ဆိုင်တယ်။ လူတိုင်းပြောပိုင်ဆိုခွင့်ရှိတယ်။

အမျိုးသားလွှတ်တော်ကိုယ်စားလှယ် ဒေါက်တာအေးမောင်
(စက်တင်ဘာ ၁၁ weeklyeleven.com)

စွမ်းအင်တစ်ခုတည်း ရဖို့အတွက် ဧရာဝတီမှာ စီမံကိန်းလုပ်ဖို့မလိုသေးပါဘူး။ သဘာဝဓာတ်ငွေ့လို တခြား ရွေးစရာနည်းတွေ ရှိပါသေးတယ်။ သဘာဝဓာတ်ငွေ့ကို နိုင်ငံခြားတိုင်းပြည်တွေဆီ မရောင်းဘဲ ကိုယ့်နိုင်ငံတွင်း သုံးမယ်ဆိုရင်တောင် နှစ်ပေါင်း ၁၀၀လောက် သုံးလို့ရတယ်လို့ ကျွန်တော်သိရပါတယ်။

ဦးအောင်လှထွန်း (ရိုက်တာသတင်းဌာန)
(စက်တင်ဘာ ၁၁ weeklyeleven.com)

အစိုးရတစ်ရပ် အနေနဲ့လုပ်ချင်တာကို လုပ်ခွင့်ရှိတယ်ဆိုပြီး လုပ်မယ်ဆိုရင် နောက်ဆက်တွဲ အကျိုးဆက်တွေရှိလာနိုင်သလို သမိုင်းရဲ့တရားခံတွေတော့ ဖြစ်လာမှာပဲ။

ဒါရိုက်တာမင်းထင်ကိုကိုကြီး
(စက်တင်ဘာ ၁၁ weeklyeleven.com)

အကျိုးစီးပွါး ပျက်သုံးမှုတွေက ပိုပြီးတော့ ကြီးမားနေတဲ့ အတွက် ဒီကိစ္စနဲ့ ပတ်သက်ပြီးတော့ အများကြီး ပြန်ပြီးတော့ လေ့လာရမယ်၊ သုံးသပ်ရမယ်၊ လူတွေရဲ့ သဘောထားတွေကို နားထောင်ရမယ်လို့ ကျနော် ပြောချင်ပါတယ်။

ဦးဝင်းတင်
(RFA စက်တင်ဘာ ၁၂)

Source: MoeMaka

Read more »

Posted in: ၀၈။ ဆောင်းပါး

မြင့်မြတ်တဲ့ခေါင်းဆောင်ဆိုရာဝယ်

အဖေဖြစ်သူက မြန်မာ့တပ်မတော်ကို ထူထောင်ခဲ့တယ်။ သမီးဖြစ်သူက အဲဒီတပ်မတော်ကို ပြည်ချစ်တပ်မတော် ၊ကမ္ဘာက မော် ကြည့်ရလောက်တောင် တိုးတက်တဲ့တပ်မတော်ဖြစ်စေချင်တယ်။ ဒါပေမယ့်..... ဒီ... “ဒါပေမယ့်” ဆိုတဲ့စကားက မြန်မာ့သမိုင်းမှာ အများ ဆုံးအသုံးခံနေရတဲ့ တစ်ခုတည်းသောစကားတစ်လုံးပါ။ အခုလဲ ထပ်သုံးပါမယ်။ ဒါပေမယ့် အဲဒီတပ်မတော်ကို ပခုံးပြောင်းတာဝန်ယူခွင့် ရခဲ့သူတွေက မြန်မာ့တပ်မတော်ကို ခေတ်မှီအောင် ဖွင့်ဖြိုးအောင် လုပ်ရမယ့်အစား ပြည်သူကလေးစားမြတ်နိုးထားတဲ့ဂုဏ်တွေကို အလွဲသုံးစားလုပ်ပြီး ကိုယ်ကျိူးအတ္တ၊မာနတွေအတွက် တပ်မတော်ကို အသုံးချခဲ့ကြတယ်... ဘာအကြောင်းပြချက်ဘဲ ပေးပေး ဒါ သမိုင်းမှာ ငြင်းမရတော့ပါဘူး။ ပြည်သူတွေငတ်နေချိန်မှာ ဗိုလ်ချုပ်ကြီးဆိုသူတွေ မလှိူင်အဆီတက်နေခဲ့ကြတာဟာ သမိုင်းမှာအထင်းသားပါ။ 

အဲဒီကတဆင့် ကိုယ့်လိပ်ပြာကိုယ်မလုံတော့တဲ့တပ်မတော်ခေါင်းဆောင်ဆိုသူတွေဟာ ဗိုလ်ချူပ်တို့အငွေ့အသက်တွေလွှမ်းမိုးနေတဲ့မဟာရန်ကုန်ကိုစွန့်ပြီး နေပြည်တော်ဆိုတဲ့မြို့တည်ပြီး သမိုင်းသစ်ရေးဖို့ကြိုးစားကြပြန်တယ်....စစ်တပ်ဟာ ပြည်သူ့အကျိုးပြုဖို့ဖြစ်မလာဘဲ...အာဏာရှင်လူတမ်းစား

အသိုင်းအ၀ိုင်းတစ်ခုထက်မပိုခဲ့တဲ့ကာလတွေလို့ပြောလို့ရပါတယ်(သံဃာတွေကို သေနတ်နဲ့ပစ်သတ်တဲ့ အထိပေါ့)။ တိုင်းပြည်ဘဏ္ဍာ ပြည်သူ့ဘဏ္ဍာကို ထင်ရာသုံး လုပ်ချင်ရာလုပ် ဥပဒေမရှိ မိုးမမြင် လေမမြင် သောင်းကြမ်းခဲ့ကြတာသမိုင်းမှာ အထင်းသားကြီးပေါ်လို့။ ဒီတော့ နေပြည်တော် မြို့သစ်မှာ ရာဇ၀င်ထဲက မြန်မာသူရဲကောင်းကြီးတွေကိုဘဲ ရုပ်တုအဖြစ်ထားပြီး မြန်မာ့တပ်မတော်ကို ဗိုလ်ချူပ်လက် ထက်မှာထူထောင်တာမဟုတ်ဘူး ရှေးပဝေသနီ အနော်ရထာ၊ အလောင်းဘုရားစတဲ့သူရဲကောင်းကြီးတွေ ထူထောင်ခဲ့တာလို့ မလုံတဲ့လိပ်ပြာနဲ့ ကိုယ့်ကိုယ်ကိုလှည့်ဖြားဖို့ကျိူးစားခဲ့ကြ တယ်။ မေးပါရစေ... နေပြည်တော်မှာ ဗိုလ်ချုပ်ကြေးရုပ်ရှိပါသလား......? တကယ်လို့ နေပြည်တော်မှာ ဗိုလ်ချုပ်ကြေးရုပ်ရောက်လာရင်ကော ဒီဗိုလ်ချုပ်တွေ ဘယ်မှာ မြို့သစ်တည်ပြီး ဘယ်ကိုပြေးကြဦး မလဲ...။ ဖြစ်စေချင်တာက မြန်မာ့တပ်မတော်ကို ဗိုလ်ချုပ်တို့ထူထောင်ခဲ့တာပါဆိုတာ ကို ငြင်းချင်တယ်ဆိုရင်၊ငြင်းပယ်မယ်ဆိုရင်...ဗိုလ်ချုပ်တို့ဝတ်တဲ့ စစ်ယူနီဖောင်းမျိုး မ၀တ်သင့်ပါဘူး ရှေးသူရဲကောင်းကြီးများဖြစ်တဲ့ အလောင်းဘုရားတို့လက်ထက်က ၀တ်စုံတွေကို ၀တ်သင့်တယ် အဲဒီခေတ်ကလက်နှက်တွေကိုကိုင်သင့်တယ်။ သမ္မတကြီးရုံးခန်းမှာ ဗိုလ်ချုပ်တို့ ဦးနုတို့ပုံတွေချိတ်ထားတာကောလို့ ပြောစရာရှိပါတယ် ဒါက စိန်နားကပ်အရောင်နဲ့ ပါးပြောင်လေမလားဆိုပြီး ကျိူးစားတဲ့သဘောပါ။ အမှန်တကယ်က ဗိုလ်ချုပ်ဆောင်ဆန်းဆိုတဲ့ပုဂ္ဂိုလ်ကြီးဟာ နိုင်ငံရဲ့ အထင်ကရ အဓိကကျတဲ့နေရာတိုင်းမှာပါမက မြို့တိုင်း နယ်တိုင်း အစိုးရရုံးတိုင်းမှာ သူ့ရုပ်တုတွေ သူ့စကားရပ်တွေ သူ့လမ်းစဉ်တွေနဲ့ သွေးသစ်လောင်းပြီး တိုင်ပြည်ကိုထူထောင်ကြရမှာပါ။ သူဟာ တကယ့် National Hero ပါ။ နောင်လာနောက်သားတွေရဲ့နှလုံးသားမှာ ဒို့တိုင်းပြည်က National Hero ဟာ ဘယ်သူဆိုတာကို အသေအချာလေ့လာခွင့်မရရင် ၊ စစ်တပ်ထဲမှာ စစ်တပ်ကိုထူထောင်တဲ့ ဖခင်ရဲ့စိတ်ထားကို လက်ဆင့်ကမ်း မသယ်ဆောင်နိုင်ရင်၊ မျိူးဆက်တိုင်းမှာ သူခိုးလိုလို၊ ကြမ်းပိုးလိုလိုစိတ်ထားကလွဲလို့ တိုင်းပြည်အတွက် မြင့်မြတ်တဲ့စိတ်ထားရှိသူဆိုတာ မွေးထုတ်နိုင်မှာမဟုတ်ပါဘူး။ အနာဂါတ်မှာ သူခိုးကြမ်းပိုးတပ်မတော်၊ သူခိုးကြမ်းပိုးမျိုးဆက်ဘဲဖြစ်လာလိမ့်မယ်။ 

(မှတ်ချက်။   ။ ရှေးသူရဲကောင်းကြီးများကိုပစ်ပယ်လိုစိတ်နဲ့ရေးတာမဟုတ်ပါ သမိုင်းကို မဖျောက်ဖျက်စေချင်တာပါ သမိုင်းဆိုတာ ဆိုးဆိုး ကောင်းကောင်း ဘယ်လိုမှ ဖျောက်ဖျက်လို့လဲမရပါ။)

Read more »

Posted in: ၀၆။ ရုပ်/သံ

ကားဟောင်းအတွက် ပါမစ်ကြောင့် ကားဈေး ရုတ်ချည်းလှုပ်

ရန်ကုန် (မဇ္ဈိမ) ။      ။ အစိုးရက မကြာမီ သက်တမ်းရင့် ကားဟောင်းများကို ဖျက်စီးရန် ပြန်လည် အပ်နှံပါက အမေရိကန် ကန်ဒေါ်လာ ၃,၅ဝဝ ထက် မများသည့် ၁၉၉၅ ခုနှစ်နှင့် အထက်ထုတ် မော်ဒယ်လ်ကားများ သွင်းခွင့်ပါမစ် ပေးမည်ဆိုသော သတင်းနှင့်အတူ ကားဟောင်းဈေးနှုန်းများ ရုတ်ချည်း မြင့်တက်သွားသည်။

သံရည်ကြိုစက်တွင် ဖျက်ဆီးပစ်ရန်အွက် မော်တော်ယာဉ် မှတ်ပုံတင်သက်တမ်း နှစ် ၄ဝ နှင့် အထက်ကားများကို
မော်တော်ယာဉ် မှတ်ပုံတင် စာအုပ်နှင့်အတူ  ကုန်းလမ်းပို့ဆောင်ရေး ညွှန်ကြားမှု ဦးစီးဌာနသို့ မောင်းနှင်ပို့ဆောင် အပ်နှံရမှာဖြစ်သည်။ ထိုသို့အပ်နှံလျှင် ကားဝယ်ခွင့်ပါမစ် တစောင် ထုတ်ပေးမှာ ဖြစ်သည်။ ယာဉ်ပိုင်ရှင်မှ မပယ်ဖျက် လိုသေးပါက ဆက်လက် အသုံးပြုခြင်းကိုမူ ခွင့်ပြုထားသည်။

ကားဟောင်းများကို ပယ်ဖျက်ခြင်း၊ ကားသစ်များ တင်သွင်းခြင်းနှင့် ပတ်သတ်ပြီး သတင်းစာရှင်းလင်းပွဲကို
စက်တင်ဘာ ၁၁ရက်က နေပြည်တော်တွင် ကျင်းပခဲ့ရာ ရထားပို့ဆောင်ရေးဝန်ကြီးဌာနမှ ဝန်ကြီးများအပြင်၊ ပို့ဆောင်ရေးဝန်ကြီးဌာန၊ စက်မှု၂ ဝန်ကြီးဌာနမှ ဝန်ကြီးများက ရှင်းလင်းတင်ပြကြသည်။

ထိုသို့ တင်သွင်းရန်အတွက် ထိုင်း၊ ဂျပန်၊ တောင်ကိုးရီးယား၊ တရုတ်၊ အိန္ဒိယနှင့် မလေးရှားနိုင်ငံများမှ ကားများ တင်သွင်းလာရန် စီစဉ်နေသည်ဟုလည်း ဝန်ကြီများကဆိုသည်။ ထို့ပြင် စက်မှု ၂မှ ထုတ်သည့် ၅၅ သိန်းတန်
မြန်မာမီနီဆလွန်းကိုလည်း ပိုမို ထုတ်လုပ်ရောင်းချနိုင်ရန် စိစဉ်မည်ဟု ဆိုသည်။

သက်တမ်း၎ဝ များပြီးပါက သက်တမ်း ၃ဝမှ ၄ဝကြားကို ဒုတိယအဆင့်၊ သက်တမ်း ၂ဝ မှ ၃ဝကြားကို တတိယ အဆင့်အဖြစ် သတ်မှတ်လုပ်ဆောင်မည်ဖြစ်သည်။

ထိုသတင်းထွက်ရှိသည့် နေ့တွင်ပင် ဈေးကွက်အတွင်းရှိ သက်တမ်း ၄ဝနှင့် အထက် လူစီးကားငယ် (ဥပမာ-ဖယ်မလီယာများ၊ ဖီးယက်ကား) များ၏ ဈေးနှုန်းသည် ယခင်က ကျပ်သိန်း ၃ဝ ဝန်းကျင်ခန့်မှသည် သိန်း၅ဝခန့်
သို့ ရုတ်ချည်း မြင့်တက်ခဲ့သည်ဟု ကားပွဲစားများနှင့် နီးစပ်သူ ကားပိုင်ရှင် တဦးက ပြောသည်။

"ဖြစ်လာနိုင်တာက ကားဈေးကွက်ထဲမှာ ပါမစ်ရဖို့ ကားဟောင်းတွေ လိုက်ဝယ်ကြလိမ့်မယ်။ဒီတော့ကားပိုင်တဲ့ သူက ပါမစ်ထပ်များတဲ့ ဈေးမူရင်း ကားဈေးထက်များတဲ့ နှုန်းနဲ့ ရောင်းမယ်။ ပါမစ် များများ ရထားတဲ့သူကလည်း သွင်းလာ
တဲ့ ကားတွေကို ဈေးကောင်းပေးရောင်းမယ်။ ဒီတော့ ကားဈေးကွက် ကမောက်ကမ ဖြစ်ဦးတော့မယ်" ဟုအဆိုပါ ကားပွဲစားတဦးက မှတ်ချက်ပြုသည်။

၂ဝဝဝ ခုနှစ်နောက်ပိုင်းမှစ၍ မော်တော်ယာဉ် တင်သွင်းခွင့် ပိတ်ပင်ထားခဲ့သောကြောင့် မြန်မာနိုင်ငံ၏ ကားဈေးကွက် သည် ပြည်ပနိုင်ငံများနှင့် ယှဉ်ပါက ဈေးနှုန်းများ များစွာမြင့်မားလျက် ရှိနေပြီး မော်တော်ကားသစ်များထက် ကားဟောင်းဈေးကွက်သည်သာ ကြီးစိုးလျက်ရှိသည်။

ကားတင်သွင်းခွင့် ပါမစ်မှာလည်း တန်ဖိုးတက်လာခဲ့ပြီး ၂ဝဝ၈-၂ဝဝ၉  ခုနှစ်တွင် ထရပ်ကား တစီးတင်သွင်းရန် ကျပ်သိန်း ၂ဝဝ ခန့်၊ ဘတ်စ်ကား တစီး တင်သွင်းရန် ကျပ်သိန်း ၃ဝဝ နှင့် လင်ခရူဆာကဲ့သို့သော SUV တစီး တင်သွင်းလျှင် ကျပ်သိန်း ၁,၅ဝဝ ခန့် ဈေးပေါက်ခဲ့သည်။

အစားထိုး လဲလှယ်ခွင့်ပေးရာတွင် သတ်မှတ်ချက်နှင့်ပြည့်စုံသော ကားဟောင်းများကို မော်တော်ယာဉ် မှတ်ပုံတင် စာအုပ်နှင့်အတူ သတ်မှတ်ထားသော ဌာနသို့ ပို့ဆောင်ပေးပြီး ယာဉ်အသစ်တစီး ဝယ်ယူခွင့် ပါမစ်နှင့် လဲလှယ်ရမည်
ဖြစ်သည်။

နိုင်ငံခြားပို့ကုန်လုပ်ငန်း၊ ဟိုတယ်ခရီးသွားလုပ်ငန်း၊ ရင်းနှီးမြှုပ်နှံမှုလုပ်ငန်း၊ နိုင်ငံခြားတွင် တရားဝင် သွားရောက် အလုပ်လုပ်နေသူများနှင့် သင်္ဘောသားများသည်လည်း နိုင်ငံတော်ဘဏ်များတွင် တရားဝင်နိုင်ငံခြားငွေ စုဆောင်း ထားရှိပါက မော်တော်ယာဉ်ဝယ်ခွင့် ပါမစ်ကို စီးပွားကူးသန်းဝန်ကြီးဌာနက ခွင့်ပြုပေးသွားမည်ဟုလည်း သိရသည်။

Read more »

Posted in: ၀၃။ မြန်မာ့ သတင်း

ဧရာဝတီမြစ်ဆုံ စီမံကိန်း ဆက်လက် ဆောင်ရွက်မယ်လို့ ၀န်ကြီး ပြောဆို

RFA Map

ကချင်ပြည်နယ် မြို့တော် မြစ်ကြီးနား အထက်ဖက် ၂၅ မိုင်အကွာတွင် တည်ဆောက်နေသည့် မြစ်ဆုံ ရေကာတာ တည်နေရာပြ မြေပုံ ဖြစ်ပါသည်။ ထိုနေရာ အနီးမှာပင် တရုတ်နှင့် အိန္ဒိယသို့ ဖောက်လုပ်မည့် လီဒိုလမ်းအတွက် ဧရာဝတီ မြစ်ကူးတံတား အသစ်တခု တည်ဆောက်မည်။ (RFA Map)

ဧရာဝတီမြစ်ဆုံ စီမံကိန်းကို ကန့်ကွက်မှုတွေ ရှိနေပေမဲ့ ဆက်လက်အကောင်အ ထည် ဖေါ်သွားမှာ ဖြစ်ကြောင်း အမှတ် (၁) လျှပ်စစ်စွမ်းအားဝန်ကြီးဌာန ၀န်ကြီး ဦးဇော်မင်းက မနေ့က နေပြည်တော်မှာ ပြောကြားခဲ့တယ်လို့ သိရပါတယ်။ မနေ့က နေပြည်တော်မှာ ကျင်းပတဲ့ သတင်းစာ ရှင်းလင်းပွဲမှာ သတင်းထောက်တွေက မေးမြန်းရာမှာ ၀န်ကြီး ဦးဇော်မင်းက အခုလို ပြန်လည် ဖြေကြားခဲ့တာလို့ ဆိုပါတယ်။

မြစ်ဆုံ ရေကာတာ ဆောက်လုပ်ရေး လုပ်ငန်းတွေမှာ သဘာဝ ပတ်ဝန်းကျင် ထိခိုက် ပျက်စီးမှု ရှိမရှိ အတွက် အစိုးရက ကုမ္ပဏီ တစ်ခုကို အမေရိကန် ဒေါ်လာ ၁.၂၅သန်း နဲ့ ငှားရမ်းပြီး သုတေသန လုပ်ခဲ့ကြောင်း၊ ကြိုတင် တွက်ဆမှု အတွက် အချိန် ၃ နှစ်ခန့် ယူခဲ့ကြောင်း ၀န်ကြီးက ပြန်လည် ဖြေကြားတယ်လို့ ဆိုပါတယ်။ ဒါ့အပြင် ဘီလူးချောင်း ရေအား လျှပ်စစ်စီမံကိန်းဟာ ဒီနေ့ အချိန်အထိ ဆက်လက် လည်ပတ်ဆဲ ဖြစ်ပြီး (၅၂) နှစ်ရှိနေပြီ ဖြစ်ကြောင်း၊ ဘီလူးချောင်းကြီးလည်း မပျက်စီးဘဲ ဒီနေ့ အထိ ရှိနေကြောင်း ၀န်ကြီးဦးဇော်မင်းက နှိုင်းယှဉ် ရှင်းလင်းသွားတယ်လို့ ပြည်တွင်း သတင်းထောက် တစ်ဦးက ပြောပါတယ်။ ဒီအတွင်း ဧရာဝတီ မြစ်ဆုံ ဒေသက တရုပ် အစိုးရရဲ့ ရေအားလျှပ်စစ် ရေကာတာ ဆောက်လုပ်ရေး စီမံကိန်း တွေကို ဖျက်သိမ်းပေးဖို့ မနေ့က အမေရိကန်နိုင်ငံ ၀ါရှင်တန် ဒီစီမြို့ က တရုပ်သံရုံး ရှေ့မှာ မြန်မာ့ အရေး လှုပ်ရှားသူတွေက တောင်းဆို ဆန္ဒပြခဲ့ကြ ပါတယ်။ တရုပ် အစိုးရ အနေနဲ့ အိမ်နီးချင်းကောင်း ပီသစွာ ရေရှည် အကျိုးစီးပွားကို ကြည့်ဖို့ တောင်းဆို ဆန္ဒပြခဲ့ကြတာလို့ စီစဉ် ဆောင်ရွက်သူ တဦးဖြစ်တဲ့ ဒေါက်တာ မောင်မောင်လွင်က ပြောပါတယ်။ မြစ်ဆုံဒေသက ရေအားလျှပ်စစ် ရေကာတာ စီမံကိန်းတွေ အပါအ၀င် ကျန်တဲ့ မြစ်တွေတလျှောက် ဆောက်လုပ်နေတဲ့ စီမံကိန်းတွေကို ဖျက်သိမ်းပေးဖို့ နဲ့ မြန်မာနိုင်ငံရဲ့ သဘာဝ ပတ်ဝန်းကျင် ထိခိုက် ပျက်စီးမှုတွေဟာ တရုပ်အစိုးရမှာ တာဝန်ရှိကြောင်း စတဲ့ စာတမ်းတွေ ကိုင်ဆောင်ပြီး ဆန္ဒပြခဲ့ကြတာလို့ သိရပါတယ်။  

 Source: RFA

Read more »

Posted in: ၀၃။ မြန်မာ့ သတင်း

ယာဉ်အစားထိုး သတင်းကြောင့် ကားဟောင်းများ ဈေးထိုးတက်

မြန်မာအစိုးရက လက်ရှိ အသုံးပြုနေသည့်  အိုမင်းဟောင်းနွမ်းနေသော ပုဂ္ဂလိကပိုင် ကားများကို ပြည်ပမှ တင်သွင်းမည့် ကားများနှင့် စက်တင်ဘာလ ၁၉ ရက်နေ့မှစပြီး အစားထိုးမည်ဟု ကြေညာလိုက်ပြီးနောက် ကားဈေးကွက်တွင် ကားအိုကားဟောင်း ဈေးနှုန်းများ သိန်းဆယ်ဂဏန်းချီ ထိုးတက်သွားသည်။

မြန်မာပြည်မှ ကားအိုကားဟောင်းများ (ဓာတ်ပုံ - squierj.freeyellow.com)

မှတ်ပုံတင်သက်တမ်း နှစ် ၄၀ ကျော်ကားများ၊ နှစ် ၃၀ နှင့် နှစ် ၄၀ အကြား ကားများ၊ နှစ် ၂၀ ကျော်မှ ၃၀ ကြား ကားများကို တဆင့်ပြီးတဆင့်အစားထိုး လဲလှယ်နိုင်ရေးဆောင်ရွက် သွားမည်ဖြစ်ကြောင်း ရထားပို့ဆောင်ရေးဝန်ကြီးဌာန၏ ကြေညာချက်ကို စက်တင်ဘာလ ၁၁ ရက်နေ့ထုတ် အစိုးရသတင်းစာများတွင် ဖော်ပြထားသည်။

ယင်းသို့ လဲလှယ်ပေးမည့် သတင်းမှာ အစိုးရ၀န်ကြီးများနှင့် နီးစပ်နေသော စီးပွားရေး အသိုင်းအ၀ိုင်းအကြား ၁၀ ရက်ကျော် ကြိုတင် ပေါက်ကြားခဲ့ပြီး ကားအို၊ ကားဟောင်း၊ ကားစုတ်ဈေးနှုန်း ငွေကျပ် ၁၀ သိန်းမှ ၁၅ သိန်းကျော်အထိ ထိုးတက်သွားခဲ့သည်။

ရန်ကုန်မှ ကားပွဲစားတဦးက “လွန်ခဲ့တဲ့ တပတ်လောက်ကတည်းက ကားဟောင်းတွေ အစားထိုးပေးမယ့် သတင်းက ကြိုပေါက်တယ်။ ဈေးကွက်ထဲမှာ ကားစုတ်တွေကို လိုက်ဝယ်ကြတယ်။ အရင်သိန်း ၂၀ လောက်ပဲရှိတဲ့ ကားဟောင်း၊ ကားအိုတွေလည်း ၃၅ သိန်း၊ သိန်း ၄၀ တွေဖြစ်ကုန်တယ်။ ကားဝယ်တဲ့သူတွေထဲမှာ စီးပွားရေးသမားတွေပါသလို လူကြီးသားသမီးတွေလည်းပါတယ်။ စက်တင်ဘာလ ၁၁ရက် အစိုးရသတင်းစာထဲမှာ ကြေညာချက်ပါတော့ ကားဟောင်းပိုင်ရှင်တွေက မရောင်းဘူးဆိုပြီး ဖြစ်ကုန်ကြတယ်” ဟု ပြောသည်။

လက်ရှိတွင် မှတ်ပုံတင်သက်တမ်း အနှစ် ၄၀ ကျော်သော ကားများ အစားထိုးရန် စာရင်းပေးသွင်းပြီးပါက အမေရိကန်ဒေါ်လာ ၃၅၀၀ ထက်မပိုသော ၁၉၉၅ ခုနှစ် မော်ဒယ်နှင့်အထက် ကားဝယ်ယူခွင့် ပါမစ် ထုတ်ပေးပြီး နိုင်ငံခြားမှ ကားတင်သွင်းခွင့် ပေးမည်ဖြစ်ကြောင်း၊ မှာယူတင်သွင်းထားသော ကားရောက်ရှိလာပါက မူလကားအို ကားဟောင်းကို သံရည်ကျိုစက်ရုံ ပို့မည်ဖြစ်ကြောင်း ရထားပို့ဆောင်ရေးဝန်ကြီး ဦးအောင်မင်းက စက်တင်ဘာ ၁၁ ရက်နေ့ နေပြည်တော်တွင် ပြုလုပ်သော သတင်းစာရှင်းလင်းပွဲတွင် ပြောသည်။

ဘဏ္ဍာရေးနှင့် အခွန်ဝန်ကြီးဌာနက ပါမစ်နှင့် တင်သွင်းလာသော ကားများကို အခွန်ကောက်ခံမည်ဖြစ်ပြီး အကောက်ခွန် ၄၀ ရာခိုင်နှုန်းနှင့် ကုန်သွယ်လုပ်ငန်းခွန် ၂၅ ရာခိုင်နှုန်း စုစုပေါင်း ၆၅ ရာခိုင်နှုန်း ကောက်ခံမည်ဟု သိရသည်။

အစိုးရ၏ ကားအစားထိုးလဲလှယ်ရေး အစီအစဉ်ကြောင့် အစိုးရ၀န်ထမ်းများအကြားတွင် လာဘ်ပေးလာဘ်ယူမှုများအကြီးအကျယ်ဖြစ်ပေါ်လိမ့်မည်ဟု ခန့်မှန်းနေကြသည်။

ပြည်တွင်းအခွန်များဦးစီးဌာနမှ အငြိမ်းစားအရာရှိကြီးတဦးက  “ကားအိုကားဟောင်းက ကိုယ့်အမည်ပေါက်ဖို့ လိုတယ်လို့ သတ်မှတ်ချက်မှာပါတယ်။ အဲဒီတော့ အမည်ပေါက်ပြောင်းဖို့ ငွေပေးပြီး လုပ်ကြမှာပဲ။ နောက်တခုက ဒေါ်လာ ၃၅၀၀ ထက်မပိုသောလို့ ပြောပေမယ့် အဲဒီထက် ပိုတန်ဖိုးကြီးတဲ့ကားတွေ သွင်းချင်တဲ့သူတွေကလည်း သက်ဆိုင်ရာ ၀န်ထမ်းတွေကို ငွေပေးပြီး တရားဝင်လိုင်စင်ရအောင် လုပ်နိုင်တယ်။ လာဘ်ပေးလာဘ်ယူ ကိစ္စတွေ အများကြီးဖြစ်လာမယ်။ ဒါတွေကို နိုင်အောင်မထိန်းနိုင်ရင်တော့ မီးခိုးကြွက်လျှောက် ပြဿနာတွေရှိလာနိုင်ပါတယ်” ဟု သုံးသပ်သည်။

ပြုပြင်ထားမှုကြောင့် အစားထိုး မလဲလှယ်လိုသော ကားအိုကားဟောင်းများကိုလည်း ဆက်လက် အသုံးပြုခွင့်ပေးမည်ဖြစ်သော်လည်း ကုန်းလမ်းပို့ဆောင်ရေး ညွှန်ကြားမှု ဦးစီးဌာန၌ ယာဉ်ကြံ့ခိုင်မှု စစ်ဆေးခံရန် လိုအပ်သည်။

ကားအိုကားဟောင်းများ အစားထိုးခွင့်ပြုမည့်အပြင် နိုင်ငံခြားပို့ကုန်လုပ်ငန်း၊ ဟိုတယ်ခရီးသွားလာမှုလုပ်ငန်း၊ ရင်းနှီးမြုပ်နှံမှုလုပ်ငန်း လုပ်ကိုင်သူများ၊ နိုင်ငံခြားသင်္ဘောသားများ၊ တရားဝင်အခွန်ဆောင်ပြီး နိုင်ငံခြားတွင် အလုပ်လုပ်နေသူများသည် အစိုးရဘဏ်များတွင် နိုင်ငံခြားငွေ အပ်နှံစုဆောင်းထားပါက ကားသွင်းခွင့် ပါမစ်များ ထုတ်ပေးမည်ဖြစ်ကြောင်း၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ခွင့်ပြုသွားမည်ဖြစ်ကြောင်း အစိုးရသတင်းစာများတွင် ဖော်ပြထားသည်။

နိုင်ငံခြားတွင် တရားဝင် အလုပ်လုပ်နေသူများနှင့် သင်္ဘောသားများသည် အစိုးရဘဏ်တွင် အမေရိကန်ဒေါ်လာ ၃ သောင်းနှင့်အထက်ရှိလျှင် ကားတစီးတင်သွင်းခွင့် ပါမစ်ထုတ်ပေးမည်ဖြစ်ပြီး ပို့ကုန်လုပ်ငန်း၊ ဟိုတယ်လုပ်ငန်းနှင့် ရင်းနှီးမြုပ်နှံမှုလုပ်ငန်းလုပ်ကိုင်သော စီးပွားရေးလုပ်ငန်းရှင်ကြီးများသည် အစိုးရဘဏ်တွင် အမေရိကန်ဒေါ်လာ ၁ သိန်းနှင့်အထက်ရှိလျှင် ကားတင်သွင်းခွင့် ပါမစ်ထုတ်ပေးမည်ဖြစ်ကြောင်း၊ ထိုသို့သော ကားတင်သွင်းမှုများအတွက် ကားတန်ဖိုးနှင့် မော်ဒယ် သတ်မှတ်ထားခြင်း မရှိကြောင်း သိရှိရသည်။

ထို့အပြင် အစိုးရက ဂျပန်၊ တရုတ်၊ အိန္ဒိယ၊ ကိုရီးယား၊ မလေးရှားနှင့် ထိုင်းနိုင်ငံတို့မှ ကားကုမ္ပဏီများနှင့် ဆက်သွယ်ပြီး မြန်မာနိုင်ငံတွင် ကားအရောင်းပြခန်းများ ဖွင့်လှစ်ရောင်းချနိုင်ရေး ဆောင်ရွက်သွားမည်ဟု သိရှိရသည်။

အစိုးရသစ်၏ အစီအစဉ်သစ်ကြောင့် ကားဈေးကွက်တွင် ဈေးနှုန်းများ အတက်အကျ များနိုင်ကြောင်း ကားပွဲစားများက သုံးသပ်သည်။

“အခု ကားဈေးကွက်က အတော်ကိုလှုပ်ခတ်ပါတယ်။ ဈေးကျမယ်လို့ အများစုက သုံးသပ်တယ်။ ဒါပေမယ့် လာဘ်ပေးလာဘ်ယူတွေ၊ လက်ဝါးကြီးအုပ်တာတွေ ဖြစ်လာရင်တော့ ကားဈေးပြန်တက်လာ နိုင်ပါတယ်။

မော်ဒယ်မြင့်ကားတွေ စီးနေကြတာက လူကြီးအသိုင်းဝိုင်း၊ အဲဒီအသိုင်းအ၀ိုင်းနဲ့ နီးစပ်တဲ့ စီးပွားရေးသမားတွေ ဖြစ်နေတော့ မော်ဒယ်မြင့်ကားဈေးတော့ တအားကြီးမကျဘူးလို့ သုံးသပ်တယ်။ ကားဈေးနှုန်းတွေ ချိုချိုသာသာ စီးနိုင်ဖို့ပဲ မျှော်လင့်ပါတယ်” ဟု ဟံသာဝတီကားပွဲစားတန်းမှ ကားပွဲစားတစ်ဦးက ပြောသည်။

ကားအစားထိုး လဲလှယ်မှုတွင် အကျုံးဝင်သည့် မှတ်ပုံတင်သက်တမ်း နှစ် ၄၀ ကျော် ကားအရေအတွက်မှာ ၅ သောင်းကျော်ရှိကြောင်း ရထားပို့ဆောင်ရေးဝန်ကြီး ဦးအောင်မင်းက ဆိုသည်။

ကားတင်သွင်းခွင့်သည် စစ်တပ်ကျောထောက်နောက်ခံ ပေးထားသော စီးပွားရေးဦးပိုင်လီမိတက်နှင့် စစ်ဗိုလ်ချုပ်ကြီးများနှင့် နီးစပ်သော စီးပွားရေး အသိုင်းအ၀ိုင်းများကသာ ရရှိနေသော အခွင့်ထူးတခုအဖြစ် နှစ်ပေါင်းများစွာ တည်ရှိခဲ့သည်။

Source: ဧရာဝတီ

Read more »

Posted in: ၀၃။ မြန်မာ့ သတင်း