စာရေးဆရာ ကာတွန်းအော်ပီကြယ်နှင့်အဖွဲ့ mwrn ရုံးသို့ရောက်ရှိ

    06.10.2012
07.10.2012 နေ့ ၌ မဟာချိုင်တွင် ပြုလုပ်မည် စာပေဟောပြောပွဲတွင်ဟောပြောမည့် စာရေးဆရာ
ဦးအော်ပီကြယ် ဦဆောင်သောအဖွဲ့ 05 ရက်နေ့တွင် ထိုင်းနိုင်ငံသို့ရောက်ရှိလာပြီး 06 ရက်နေ့
မနက် 10 နာရီခန့်တွင် မဟာချိုင်မြို့ ရှိ mwrn ရုံးခန်းသို့လာရောက်လည်ပတ်သွားခဲ့သည်။

စာရေးဆရာများနှင့် mwrn အဖွဲ့ဝင်များ

    mwrn ဥက္ကဌ ဦးအောင်ကျော်မှ အဖွဲ၏ လုပ်ဆောင်ချက်နှင့်  ရှေ့ဆက် လုပ်ဆောင်မည့် လုပ်ငန်း
စဉ်များအားရှင်းပြသည်။" မြန်မာကို မြန်မာက ကယ်နိုင်တာ လုပ်နေတဲ့ ပရဟိတလုပ်ငန်းကို သာဓုခေါ်
ကြောင်းကို ကာတွန်းဆရာ ဆရာအော်ပီကြယ်မှပြောသွားပြီးနောက် ဘယ်နေရာဘယ်ဒေသရောက်ရောက်
မြန်မာနိုင်ငံသားအားလုံး စည်းလုံးဖို့လိုပါမည်၊ အမှန်တရားကို မြတ်နိုးဖို့လိုပါမည်၊ အဆင်ပြေကြပါစေလို့
တေးရေးဆရာ အဆိုတော် ကိုဆောင်းဦးလှိုင်မှပြောသွားသည်"၊၊
  ထိုနောက် စာရေးဆရာများနှင့်အဖွဲ့ hrdf ရုံးခန်းတွင် နေ့လည်စာ သုံးဆောင်ပြီး နေ့လည် 12 နာရီ

အချိန်တွင် ဘန်ကောက်ရှိ မြန်မာရဟန်းတော်များ စုစည်းထူထောင်ထားသော မြန်မာကျောင်းသား
ရဟန်းတော်များရုံးခန်းတွင် စာပေဟောပြောရန်အတွက်          ပြန်လည် ထွက်ခွာသွားခဲ့သည်။
    ဆရာအော်ပီကြယ်နှင့်အတူ  ဆရာမ ဒေါ်သန်းမြင့်အောင် ၊ဆရာဦးမြင့်သူရ အဆိုတော် ဆောင်းဦးလှိုင်
တို့ သည် 07.10.2012 နေ့ ၌ မဟာချိုင်တွင် mwrnမှ ဦးဆောင်ကျင်းပ ပြုလုပ်သော စာပေဟော
ပြော ပွဲတွင် နေ့လည် 12 နာရီမှစတင်၍ ညနေ 6 နာရီအထိဟောပြောသွားမည်ဖြစ်ပါသောကြောင့် စာချစ်သူပရိတ်သတ်များလာရောက်ကြပါရန်..........

Read more »

Posted in: M.W.R.N.

ရန်ကုန်ရှိ ဘင်္ဂလားဒေ့ရ်ှသံရုံးရှေ့သို့ ရဟန်းတော်များ သွားရောက်ဆန္ဒပြ

ရန်ကုန် (မဇ္ဈိမ) ။        ။ ဘင်္ဂလားဒေ့ရ်ှနိုင်ငံတွင် အကြမ်းဖက် လူအုပ်များက ဗုဒ္ဓသာသနိက အဆောက်အအုံများ အား ဖျက်ဆီးခဲ့သော ဖြစ်ရပ်အတွက် ရဟန်းရှင်လူ အယောက် ၃ဝဝ ကျော်ခန့်က ရန်ကုန်မြို့ရှိ ဘင်္ဂလားဒေ့ရှ် သမ္မတနိုင်ငံ သံရုံးရှေ့တွင် ဆန္ဒထုတ်ဖော်၍ တောင်းဆိုချက်များ ပေးပို့ခဲ့ကြသည်။

သောကြာနေ့ မွန်းလွဲ ၁ နာရီက ရန်ကုန်ရောက် ရခိုင် ရဟန်းတော်များ သာရေးနာရေး အသင်းမှ ဦးဆောင်၍ ပြုလုပ် ခဲ့သော အဆိုပါ ဆန္ဒပြပွဲတွင် ရန်ကုန် မြို့နယ်ပေါင်းစုံမှ သံဃာတော်များနှင့် လူပုဂ္ဂိုလ်အဖွဲ့အစည်းများမှ ပါဝင်ဆင်နွှဲ ခဲ့ကြပြီး ဘင်္ဂလားဒေ့ရှ် နိုင်ငံအတွင်း ဘာသာရေး အကြမ်းဖက်မှုများကို ရှုတ်ချလိုက်ကြသည်။

စက်တင်ဘာလ ၂၉ ရက်ညနှင့် ၃ဝ ရက်နေ့များက မြန်မာနယ်စပ်အနီး ဘင်္ဂလားဒေ့ရ်ှနိုင်ငံ ကော့ဘဇားခရိုင်နှင့် စစ်တကောင်းနယ်တို့တွင် ဗုဒ္ဓသာသနိက အကောက်အအုံ ၁၂ လုံးနှင့် ဗုဒ္ဓဘာသာဝင်တို့၏ နေအိမ် ၅၀ ခန့်ကို မူဆလင်ဘာသာဝင် လူအုပ်ကြီးများက မီးရှို့ဖျက်ဆီးမှုများ ဖြစ်ပွားခဲ့သည်။

ရန်ကုန်မြို့ ဓမ္မစေတီလမ်းနှင့် အင်းလျားကန်လမ်းထောင့်ရှိ ဘင်္ဂလားဒေ့ရ်ှသမ္မတနိုင်ငံ သံရုံးရှေ့တွင် ၂ဝ၁၂ ခုနှစ်၊ အောက်တိုဘာလ ၅ ရက်နေ့ မွန်းလွဲ ၁ နာရီတွင် မြန်မာရဟန်းတော်များနှင့် လူပုဂ္ဂိုလ် ၃ဝဝ ကျော်က ဆန္ဒပြနေကြစဉ်။ (ဓာတ်ပုံ - ဘိုဘို၊ မဇ္ဈိမ)

ထိုအကြမ်းဖက်မှုများမှ ပျက်စီးမှုများကို ဘင်္ဂလားဒေရှ့်အစိုးရမှ ပြန်လည် တည်ဆောက်ပေးရန်၊ အကြမ်းဖက် လုပ်ရပ်များတွင် ပါဝင်သူများကို တရား ဥပဒေနှင့်အညီ ထိရောက်စွာ အရေးယူပေးရန်နှင့် နောင်တွင် အဆိုပါ အကြမ်းဖက်လုပ်ရပ်မျိုး ထပ်မံမဖြစ်စေရေးနှင့် ဘေးကင်းလုံခြုံရေးတို့ကို အာမခံပေးရန်တို့ကို ယနေ့ ဆန္ဒပြသူများက ဘင်္ဂလားဒေ့ရှ် အစိုးရထံ တောင်းဆိုကြသည်။

ထိုသို့ ဆန္ဒပြရန်အတွက် သက်ဆိုင်ရာ နယ်မြေအာဏာပိုင်များသို့ ကြိုတင်ခွင့်ပြုချက် ယူခြင်းမရှိဘဲ စုဝေးခဲ့ကြခြင်း လည်း ဖြစ်သည်။

မြို့နယ်ရဲစခန်းမှ တာဝန်ရှိသူများက အေးချမ်းစွာ ဖြေရှင်းသွားရန်နှင့် မြို့နယ် သံဃာ့နာယကသို့ တင်ပြပြီးမှ လုပ်ဆောင်ရန် ရှင်းပြလျှောက်ထားသော်လည်း သံဃာတော်များက ယခုဆန္ဒဖော်ထုတ်ခြင်းသည် အကြမ်းဖက် လုပ်ရပ် မဟုတ်ဘဲ ငြိမ်းချမ်းစွာ ဆန္ဒဖော်ထုတ်ခြင်းဖြစ်သည်ဟု ပြန်လည်ပြောဆိုခဲ့ကြသည်။

“နိုင်ငံတော် သံဃာ့နာယကကို ကျောင်းတော်တော်များများက ဆန္ဒပြခွင့် တင်တယ်။ ခွင့်မပြုဘူး။ သံဃာ့နာယက ကို စောင့်နေရင် ဟိုနိုင်ငံက ကျုပ်တို့ဘာသာ လူနည်းစုတွေရဲ့ အမွေအနှစ်တွေ ပြာကျပြီးရုံပဲ ရှိတော့တယ်။ သံဃာ့နာယကကို တင်ပြပါ ဆိုတာက မလုပ်ပါနဲ့လို့ ပြောတာနဲ့ အတူတူပဲ” ဟု ဆန္ဒပြ သံဃာတပါးက မိန့်ဆိုသည်။

လေးဝတီ ရခိုင်ငြိမ်းချမ်းရေး လူငယ်များအဖွဲ့မှ လူငယ်တဦးကလည်း “ထိုင်းနဲ့ သီရိလကာင်္က ဘုန်းတော်ကြီးတွေ ကတောင် မြန်မာတိုင်းရင်းသား ဘုန်းတော်ကြီးတွေ အကြမ်းဖက်ခံနေရတာကို ကာကွယ်ပေးဖို့အတွက် ဆန္ဒပြပေး
နေတယ်။ ကျနော်တို့ အရမ်းရှက်ဖို့ကောင်းတယ်။ အရှက်နဲ့သိက္ခာကို ကာကွယ်ပေးဖို့အတွက် သမ္မတ ကိုယ်စား လုပ်ဆောင်ပေးရခြင်း ဖြစ်ပါတယ်။ အဲတာကိုမှ အပြစ်ပေးမယ် အရေးယူခံရမယ် ဆိုတာကလည်း သမ္မတ အပေါ် မူတည်တယ်” ဟု ပြောဆိုသွားသည်။

ထို့ပြင် ဆန္ဒပြသူများ တောင်းဆိုသည့် အချက် ကိုးချက်တွင် မြန်မာနိုင်ငံအတွင်း OIC ကမ္ဘာ့မူဆလင် အဖွဲ့ကြီး၏
လေ့လာရေးရုံးများ ထားရှိမည်ကို ကန့်ကွက်ထားသည်။

သံဃာတော်များက ဘင်္ဂလားဒေရှ့်သံရုံးသို့ တောင်းဆိုချက် စာတမ်းကို ပေးပို့ပြီးနောက် သံရုံးရှေ့တွင် မေတ္တာသုတ် ရွတ်ဆိုခဲ့ကြသည်။

ဆန္ဒပြမှု ဖြစ်စဉ်အတွက် တာဝန်ရှိသူ နယ်မြေတပ်ဖွဲ့ကို မေးမြန်းခဲ့ရာတွင် ပြန်လည် ဖြေဆိုခြင်း မရှိခဲ့ပေ။

မူဆလင် ဘာသာဝင်တို့၏ အထွတ်အမြတ်ထားရာ ကိုရမ်ကျမ်းစာအုပ်အား မီးရှို့ထားသည့်ပုံကို ဖေ့စ်ဘွတ် အင်တာနက်ပေါ်တွင် တင်သူမှာ ဗုဒ္ဓဘာသာဝင် လူငယ်တယာက်ဖြစ်သည်ဟု စွပ်စွဲကာ ဘင်္ဂလားဒေ့ရ်ှနိုင်ငံအတွင်း ထိုကဲ့သို့ ဒေါသတကြီး အကြမ်းဖက်မှုများ ဖြစ်ပွားလာခဲ့ခြင်း ဖြစ်သည်။
မဇ္ဈိမ

Read more »

Posted in: ၀၃။ မြန်မာ့ သတင်း

ပုဂ္ဂလိက ဘဏ်များကို စိတ်ချယုံကြည်ရန် ဗဟိုဘဏ်အရာရှိ ပြော

ရန်ကုန် (မဇ္ဈိမ) ။         ။ ပုဂ္ဂလိက ဘဏ်များအနေဖြင့် ဗဟိုဘဏ်၏ စနစ်တကျ ကွပ်ကဲမှု အောက်တွင် ရှိနေသောကြောင့် စိတ်ချယုံကြည်မှုရှိကြရန် ဗဟိုဘဏ်အရာရှိ တဦးက ပြောဆိုလိုက်သည်။

“ပုဂ္ဂလိက ဘဏ်တွေက မြန်မာနိုင်ငံတော် ဗဟိုဘဏ်ရဲ့ စနစ်တကျ ကြီးကြပ်ကွပ်ကဲမှု အောက်မှာ ရှိနေတာပါ။ စည်းကမ်း ဥပဒေများနှင့်အညီ လုပ်ငန်းများကို စိစစ်ခိုင်မာစွာနဲ့ လုပ်ကိုင်နေပါတယ်။ ပုဂ္ဂလိကဘဏ် အားလုံးကို
ပြည်သူလူထုအနေနဲ့ စိတ်ချယုံကြည်စွာနဲ့ အပ်နှံနိုင်ပါတယ်” ဟု ဗဟိုဘဏ်၊ ရန်ကုန်ဘဏ်ခွဲမှ ဒုတိယ ညွှန်ကြားရေးမှူးချုပ် ဦးဝင်းသော် က မဇ္ဈိမကို ပြောသည်။

သောကြာနေ့ နေ့ခင်းက ကောလာဟလ အမျိုးမျိုး ထွက်ပေါ်ခြင်းနှင့် တိုက်ဆိုင်စွာ ပုံမှန်ထက် ငွေထုတ်မှု များပြား ခဲ့သော ကမ္ဘောဇဘဏ်၏ မန်းနေးဂျင်း ဒါရိုက်တာ ဦးမိုးအောင်ဆန်း ကလည်း ပိတ်ရက်ခံခဲ့သည့်အတွက် လူများရခြင်း ဖြစ်ကြောင်း ရှင်းလင်းပြောပြသည်။

ရန်ကုန်မြို့ရှိ ဘဏ်များတွင် ငွေထုတ်ယူသူဦးရေ ထူးခြားစွာ များပြားလျက်ရှိရာ ကမ္ဘောဇဘဏ်၏ မြေနီကုန်း ဘဏ်ခွဲ၌ ငွေထုတ်ယူနေသူများအား တွေ့ရစဉ်။ (ဓာတ်ပုံ - မဇ္ဈိမ)

“(အောက်တိုဘာလ) ၁ ရက်နေ့ ရုံးပိတ်လိုက်တဲ့အတွက် ၂ ရက်၊ ၃ ရက်၊ ၄ ရက်၊ ၅ ရက်ပဲ ကျန်ပါတော့တယ်ခင်ဗျာ။ ရက်တိုတိုအတွင်းမှာ လူကလည်း နဂိုကလည်း များတဲ့အတွက် ၁ ရက်နေ့ကလည်း ပိတ်ရက်ဖြစ်တဲ့အတွက် လူများ
ခြင်းပဲ ဖြစ်ပါတယ်။ Normal Transaction ပါ။ ကျနော်တို့ ကမ္ဘောဇကြီးကတော့ ခိုင်မာတဲ့ ကုမ္ပဏီ ဖြစ်ပါတယ်။ ဘဏ်တွေထဲမှာလည်း အကြီးဆုံး အတောင့်တင်းဆုံး ဖြစ်ပါတယ်။ ယုံကြည်မှု မရှိစရာ အကြောင်းမရှိဘူးဆိုတာ
ပြောချင်ပါတယ်” ဟု မဇ္ဈိမကို ပြောသည်။

ဘဏ်များတွင် ကြိတ်ကြိတ်တိုး ငွေထုတ်ယူမှု ပြုနေသည်ဆိုသော ကောလာဟလ ထွက်ခဲ့အပြီး မဇ္ဈိမ သတင်းထောက်များက ဘဏ်များသို့ သွားရောက်လေ့လာရာ ငွေထုတ်သူအချို့က အကြောင်းရင်း မယ်မယ်ရရ မပြောနိုင်ဘဲ စိုးရိမ်၍ ငွေလာထုတ်သည် ဟုသာ ဆိုကြသည်။

ရန်ကုန်မြို့ ရွှေဂုံတိုင်လမ်းရှိ ကမ္ဘောဇဘဏ်ခွဲရှေ့တွင် ပိုက်ဆံ ထုတ်လာသော အသက် ၅ဝ အရွယ် အမျိုးသမီးကြီး တဦးက “ဘာသတင်း၊ ညာသတင်းတွေ ကြားတော့ ကျမလည်း လာထုတ်တာပါ။ အခု ကျမ ထည့်ထားသမျှ ပိုက်ဆံ အကုန်ထုတ်သွားတယ်” ဟု ဆိုသည်။

မြေနီကုန်း ဘဏ်ခွဲတွင်လည်း မွန်းလွဲ ၃ နာရီဘဏ်ပိတ်ချိန်တွင် ဘဏ်ရှေ့တွင် လူ ခြောက်ယောက်ခန့်က ငွေထုတ် ရန် ဘဏ်ထဲဝင်ဖို့ ပြောနေသည်ကို ဘဏ်လုံခြုံရေးက မစိုးရိမ်ရန် ပြန်လည်ရှင်းပြနေသည်ကို တွေ့ခဲ့ရသည်။

“ဘဏ် ဒေဝါလီခံမယ် ကြားလို့ လာထုတ်တာ။ ဒီဘဏ်က လေယာဉ်တွေ၊ ဘောလုံးကွင်းတွေ ပိုင်တယ်ကြားလို့ အပ်ထားတာဖြစ်ပြီး အခုတော့ အားလုံး ပြန်ထုတ်သွားတော့မယ်” ဟု ဘဏ်ရှေ့တွင် စောင့်နေသူ တဦးက ပြော သည်။

မည်သို့မည်ပုံ ယခုကဲ့သို့ ကြားသိခဲ့ရခြင်းကိုမူ ရေရေရာရာ ရှင်းပြနိုင်ခြင်း မရှိပေ။

AGD ဘဏ်မှ ဒုတိယ အုပ်ချုပ်မှု ဒါရိုက်တာ ဦးသက်လွင်ရွှေကလည်း “ကမ္ဘောဇဘဏ်နဲ့ ပတ်သက်ပြီးတော့ လာမေး
ကြတယ်။ ဒါတွေက ကောလာဟလတွေလို့ပဲ ထင်တယ်။ ဒီလူတွေဟာ မဟုတ်တာ လုပ်မယ့်သူတွေလည်း မဟုတ်ဘူး။ ဘဏ်တွေ အားလုံးက အခိုင်အမာပဲ” ဟု ပြောသည်။
မဇ္ဈိမ

Read more »

Posted in: ၀၃။ မြန်မာ့ သတင်း

သမ္မတ ဦးသိန်းစိန် မကြာမီ တောင်ကိုရီးယား သွားမည်

နယူးဒေလီ (မဇ္ဈိမ) ။        ။ ကိုရီးယားမှ ဒေဝူးကုမ္ပဏီက အများဆုံး ရင်းနှီးမြှုပ်နှံထားသည့် ရွှေဂက်စ်ပိုက်လိုင်း စီမံကိန်း ရပ်ဆိုင်းရန် မြန်မာလူမှုအဖွဲ့များမှ တောင်းဆိုထားစဉ် တောင်ကိုရီးယား နိုင်ငံသို့ သမ္မတကြီးဦးသိန်းစိန် သွားရောက် လည်ပတ်ရန်ရှိကြောင်း သိရသည်။

သမ္မတ ခရီးစဉ် ရက်အတိအကျ ဖော်ပြမထားသော်လည်း မကြာမီ ကာလအတွင်း သွားရောက်မည် ဖြစ်ကြောင်း
အောက်တိုဘာ ၄ ရက်နေ့ထုတ် နိုင်ငံပိုင် အင်္ဂလိပ် သတင်းစာ New Light of Myannmar တွင် ဖော်ပြပါရှိသည်။

ဒေဝူး အင်တာနေရှင်နယ် ကုမ္ပဏီ လီမိတက်က အစုရှယ်ယာ ၅၁ ရာခိုင်နှုန်းဖြင့် ပါဝင်ထားသည့် ရွှေဂက်စ်စီမံကိန်း အား ရပ်ဆိုင်းပေးရန်အတွက် မြန်မာနိုင်ငံမှ သဘာဝပါတ်ဝန်းကျင် ထိန်းသိမ်းရေး အဖွဲ့များ၊ ရခိုင်နှင့်ရှမ်း ဒေသခံအဖွဲ့များ အပါအဝင် လူမှုအဖွဲ့အစည်း ၁၂ ဖွဲ့က ကြေညာချက်ထုတ်၍ အောက်တိုဘာလ ၁ ရက်နေ့တွင် အစိုးရနှင့် သက်ဆိုင်ရာ ကုမ္ပဏီများသို့ ကြေညာချက်ထုတ်ပြန်၍ တောင်းဆိုထားသည်။

မြန်မာ သမ္မတ ဦးသိန်းစိန်နှင့် တောင်ကိုရီးယား သမ္မတ လီမြောင်ဘတ် (Photo: Burmese government)

ထိုစီမံကိန်းတွင် စာချုပ်ပါ စီမံကိန်းအခြေခံ အချက်အလက်များ၊ နိုင်ငံရေး သဘော တူညီချက်များ၊ ပိုက်လိုင်း လုံခြုံဘေးကင်းရေး စံနှုန်းများ၊ ဘဏ္ဍာရေး ဆိုင်ရာ အချက်အလက်များ၊ နောက်ဆက်တွဲ အကောင်အထည်ဖော်မည့် အစီစဉ်များကို ပြည်သူလူထုအနေဖြင့် သိရှိခွင့်မရရှိခဲ့ဟု ကြေညာချက်တွင် ပါရှိသည်။

ထို့ပြင် ထိုစီမံကိန်းကြောင့် လယ်ယာမြေနှင့်စိုက်ခင်းများ၊ ကျေးရွာသုံးရေကန်များ၊ သာသနိက နယ်မြေများ၊ လမ်းများ၊ သဘာဝ ရေထွက်များနှင့် ရေထိန်းတောများ၊ ရှားပါး ရေနေ၊ ကုန်းနေ သတ္တဝါများ၊ ဇီဝမျိုးစုံမျိုးကွဲ၊ သစ်တောများ၊ ကမ်းရိုးတန်းနှင့် သန္တာ ကျောက်တန်းများ အပါအဝင် သဘာဝပတ်ဝန်းကျင် နှင့် ဂေဟစနစ်ကို ကြီးမားစွာ ထိခိုက်လျက် ရှိ၍ စီမံကိန်းအား လုံးဝ ရပ်ဆိုင်းထားစေလိုကြောင်း ဖော်ပြထားသည်။

ရွှေဂက်စ်က ထွက်သည့် သဘာဝဓါတ်ငွေ့များကို တရုတ်နိုင်ငံ၊ ယူနန်နယ်သို့ ကီလိုမီတာ ၁,၂ဝဝ ရှည်လျားသည့် ပိုက်လိုင်းဖြင့် သွယ်တန်း ပို့ဆောင်ပေးမည်ဖြစ်ပြီး ၂ဝ၁၃ ခုတွင် စတင်လည်ပတ်မည်ဟု သိရှိရသည်။

ဒေဝူးကုမ္ပဏီသည် မြန်မာနိုင်ငံတွင် ၂ဝဝဝ ခုနှစ် ကတည်းက ရေနံရှာဖွေရေး လုပ်ငန်းများ လုပ်ကိုင်လျက်ရှိပြီး ၂ဝဝ၄ ခုနှစ်တွင် ဘင်္ဂလားပင်လယ်အော်အတွင်း ရွှေသဘာဝဓါတ်ငွေ့ လုပ်ကွက်ကို တွေ့ရှိခဲ့ခြင်း ဖြစ်သည်။

တရုတ်၊ ဟောင်ကောင်၊ ထိုင်းနိုင်ငံတို့ပြီးလျှင် တောင်ကိုရီးယာ နိုင်ငံသည် မြန်မာနိုင်ငံတွင်း စတုထ္ထမြောက် ရင်နှီးမြှပ်နှံ သည့်နိုင်ငံဖြစ်သည်။ ၂ဝ၁ဝ-၂ဝ၁၁ ခုနှစ်တွင် ကိုရီးယားနိုင်ငံ၏ ရင်းနှီးမြှပ်နှံမှု ပမာဏသည် အမေရိကန်ဒေါ်လာ ၂.၆၇ ဘီလီယံ ရှိကြောင်း အမျိုးသားစီမံကိန်းနှင့် စီးပွားရေး ဝန်ကြီးဌာန က ဖော်ပြထားသည်။

စက်တင်ဘာလအတွင်းက နေပြည်တော်တွင် ကျင်းပခဲ့သည့် ၆ ကြိမ်မြောက် စွမ်းအင်နှင့် သဘာဝရင်းမြစ်များ ပူးပေါင်း အကောင်အထည်ဖော်ရေး ကော်မတီ အစည်းအဝေးတွင် မြန်မာနှင့် ကိုရီးယား အရာရှိများက ရွှေ သဘာဝဓာတ်ငွေ့ စီမံကိန်းကိစ္စ ထည့်သွင်း ဆွေးနွေးခဲ့ကြသေးသည်။

နှစ်ပေါင်း ၃ဝ အတွင်း ပထမဆုံးအကြိမ်အဖြစ် တောင်ကိုရီးယားသမ္မတ လီမြောင်ဘတ် မေလအတွင်းက လာရောက် လည်ပတ်ခဲ့သေးသည်။ ထိုခရီးစဉ်အတွင်း နှစ်နိုင်ငံ သမ္မတများ တွေ့ဆုံစဉ် မြောက်ကိုရီးယားထံမှ စစ်လက်နက် ပစ္စည်းများ ဆက်လက် ဝယ်ယူတော့မည် မဟုတ်ကြောင်း ဦးသိန်းစိန် က ကတိပေး ပြောကြားခဲ့သည်။

၁၉၈၃ ခုနှစ်က တောင်ကိုရီးသားသမ္မတ ချန်ဒူးဝမ် မြန်မာနိုင်ငံခရီးစဉ်အတွင်း ရန်ကုန်မြို့ရှိ အာဇာနည်ဗိမာန်သို့ သွားရောက် ဂါရဝပြုရာတွင် မြောက်ကိုရီးယား သူလျှိုများ၏ ဗုံးခွဲတိုက်ခိုက်ခြင်း ခံခဲ့ရသည်။

ထိုတိုက်ခိုက်မှုအတွင်း သေဆုံးသူ ၂၁ ဦး ရှိခဲ့ရာ ၁၇ ဦးမှာ တောင်ကိုရီးယားနိုင်ငံသားများ ဖြစ်ကြသည်။

ထိုအထဲတွင် တောင်ကိုရီးယား ဝန်ကြီး လေးဦးနှင့် မြန်မာနိုင်ငံဆိုင်ရာ သံအမတ်ကြီးတို့ ပါဝင်သွားသည်။

ထိုစဉ်မှစ၍ မြန်မာနိုင်ငံသည် မြောက်ကိုရီးယားနိုင်ငံနှင့် သံတမန် ဆက်ဆံရေး ဖြတ်တောက်ထားလိုက်ပြီး ၂ဝဝ၇ ခုနှစ်တွင်မှ ပြန်လည်ထားရှိခဲ့သည်။
မဇ္ဈိမ

Read more »

Posted in: ၀၃။ မြန်မာ့ သတင်း

ဒဂုံအရှေ့စက်မှုဇုန်ရှိ ဂျုံစက်ရုံတစ်ရုံအတွင်း လက်နက်ခဲယမ်းများ တွေ့ရှိရသဖြင့် စုံစမ်းစစ်ဆေးရေးအဖွဲ့ ဖွဲ့စည်းကာ ဂျုံစေ့ပါရှိသည့် ကွန်တိန်နာသယ်ဆောင်လာသော ပြည်တွင်းလမ်းကြောင်းများကို စစ်ဆေးလျက်ရှိ

 

ဒဂုံအရှေ့စက်မှုဇုန်ရှိ ဒိုင်းမွန်းစတားဂျုံစက်ရုံအား တွေ့ရစဉ်

ရန်ကုန်တိုင်းဒေသကြီး ဒဂုံအရှေ့စက်မှုဇုန်ရှိ ဂျုံစက်ရုံတစ်ရုံအတွင်း လက်နက်ခဲယမ်းများ တွေ့ရှိရသဖြင့် စုံစမ်းစစ်ဆေးရေးအဖွဲ့ ဖွဲ့စည်းကာ ဂျုံစေ့ပါရှိသည့် ကွန်တိန်နာ သယ်ဆောင်လာသော  ပြည်တွင်းလမ်းကြောင်းများကို စစ်ဆေးလျက်ရှိကြောင်း စုံစမ်းသိရှိရသည်။
ဒဂုံအရှေ့စက်မှုဇုန်ရှိ ဒိုင်းမွန်းစတားဂျုံစက်ရုံမှာ အသုံးပြုရန် ပြည်ပမှ မှာထားသော ဂျုံစေ့များကို သီလ၀ါဆိပ်ကမ်းမှတစ်ဆင့် စက်တင်ဘာလ ၂၄ ရက်နေ့တွင် အဆိုပါစက်ရုံအတွင်းသို့ ကွန်တိန်နာယာဉ်ဖြင့် သယ်ဆောင်လာပြီးနောက်   လက်နက်ခဲယမ်းများကို စစ်ဆေးတွေ့ရှိခဲ့ကြောင်း သိရသည်။
စစ်ဆေးတွေ့ရှိခဲ့သည့် လက်နက်ခဲယမ်းအမျိုးအစားများမှာ ၇ ဒသမ ၆၂ ကျည် ၂၈ တောင့်၊ ကျည်ကတ်နှစ်ခု၊ M-20 အမျိုးအစား ပစ္စတိုတစ်လက်၊ အပြာရောင်ကြိုးအိတ်တစ်ခုနှင့် ကာကီရောင် သေနတ်လွယ်ကြိုးတစ်ခုတို့ဖြစ်ကြောင်း သိရသည်။
ဖြစ်စဉ်နှင့်ပတ်သက်၍လည်း ဒဂုံအရှေ့စက်မှုဇုန်ရှိ ဒိုင်းမွန်းစတားဂျုံစက်ရုံမှ တာဝန်ရှိသူ စီမံကိန်းမန်နေဂျာအား သွားရောက်မေးမြန်းရာ '' ဒီကိစ္စကို လုံဝမသိပါဘူး''ဟု ပြန်ဖြေကြားခဲ့သည်။
ဂျုံစေ့များအတွင်း လက်နက်ခဲယမ်းများ တွေ့ရှိခဲ့ရသည့် ဂျုံများမှာ ပါကစ္စတန်နိုင်ငံထုတ် ဂျုံစေ့များဖြစ်ပြီး စင်ကာပူကုမ္ပဏီမှတာဝန်ခံ တင်သွင်းပေးခြင်းဖြစ်ကြောင်း သိရှိရသည်။

ယင်းကဲ့သို့ ဒိုင်းမွန်းစတားကုမ္ပဏီမှ မှာယူထားသော ဂျုံစေ့များပါရှိသည့် ကွန်တိန်နာအတွင်းမှ တွေ့ရှိခဲ့ရသော လက်နက်ခဲယမ်းများနှင့်ပတ်သက်၍ ပြည်တွင်းလမ်းကြောင်းများကို စုံစမ်းစစ်ဆေးရန် မြန်မာ့ဆိပ်ကမ်းအာဏာပိုင်၊ ရဲတပ် ဖွဲ့နှင့် အထူးစုံစမ်းစစ်ဆေးရေးဦးစီးဌာနတို့ပါဝင်သည့် ပူးပေါင်းအဖွဲ့ကို ဖွဲ့စည်းထားပြီး စစ်ဆေးလျက်ရှိကြောင်း သိရသည်။
အဆိုပါကိစ္စနှင့်ပတ်သက်၍ ဒဂုံအရှေ့မြို့နယ်ရဲစခန်းမှ တာဝန်ရှိသူ စခန်းမှူးဖြစ်သူရဲအုပ် ထွန်းလင်းအား သွားရောက်မေးမြန်းရာ '' ကျွန်တော်တို့အနေနဲ့ ဒီဖြစ်စဉ်နဲ့ ပတ်သက်ပြီးတော့ ဖြေလို့ လုံးဝမရပါဘူး''ဟု ပြန်လည်ပြောကြားခဲ့သည်။
ဒဂုံအရှေ့စက်မှုဇုန်အတွင်း လည်ပတ်လျက်ရှိသော စက်ရုံအရေအတွက်မှာ ၂၉ ရုံရှိပြိး ဆောက်လုပ်ဆဲ စက်ရုံပေါင်း ၃၀ ခန့်ရှိကြောင်း အဆိုပါစက်မှုဇုန်စီမံခန့်ခွဲရေးရုံးမှ သိရှိရသည်။

ဧရာဝတီ

Read more »

Posted in: ၀၃။ မြန်မာ့ သတင်း

ဆောက်လုပ်ဆဲတိုက် ငြမ်းပြိုကျပြီး ၇ ဦးသေဆုံး

၇ ထပ်တိုက် ၅ လွှာရှိ ငြမ်း ပြုတ်ကျပြီးနောက် မြင်ကွင်း (ဓာတ်ပုံ – John Chitnyein)

ရှမ်းပြည်နယ်၊ တောင်ကြီးမြို့  ပြည်တော်သာ ရပ်ကွက်ရှိ ပုဂ္ဂလိကဆေးရုံတခု၏ တည်ဆောက်ရေး လုပ်ငန်းခွင် ငြမ်းပြိုကျပြီး စုစုပေါင်း လူ ၇ ဦး သေဆုံးကြောင်း သိရသည်။
ပြည်တော်သာရပ်ကွက်၊ ကြံ့ခိုင်ရေးလမ်းရှိ ပုဂ္ဂလိက အထူးကုဆေးရုံကို ၇ ထပ်ရှိ အဆောက်အအုံ အဖြစ်တည်ဆောက်နေရာ အဆောက် အအုံ၏ ၅ လွှာတွင် တပ်ဆင်ထားသည့် ငြမ်း ယမန်နေ့က ပြုတ်ကျ၍ ၆ ဦးပွဲချင်းပြီး သေဆုံးကာ ၄ ဦးမှာ အတွင်း
လူနာအဖြစ် တောင်ကြီးဆေးရုံ၌ ဆေးကုသမှု ခံယူနေ ယနေ့ နောက်ထပ်တဦး ထပ်မံသေဆုံးကြောင်း မြို့ခံများက ဧရာဝတီကို ပြောသည်။
“ကွန်ကရစ် လောင်းနေရင်း ငြမ်းကြိုးပြတ်ကျပြီး ပြုတ်ကျတော့ လူတွေက အဆောက်အအုံ ပြိုကျတဲ့ ပစ္စည်းတွေအောက်မှာ ပိကုန်ကြတယ်၊ ငြမ်းကြိုးက ဆွေးနေတဲ့ ကြိုးဖြစ်လို့ပါ” ဟု  မျက်မြင်တဦးက ပြောသည်။
သေဆုံးသွားသူများမှာ ဦးတင့်အောင်၊ ဦးအောင်ကိုလတ်၊ ဒေါ်ပြုံးရီ၊ မလစန္ဒာ၊ မလှလှခိုင်၊ မထွေးထွေးတို့ ဖြစ်ကြသည်။ ကိုတင့်နိုင်ဦး၊ ဦးကြည်ဝင်း၊ ကိုကုလား၊ ကိုသက်ပိုင် တို့မှာ အတွင်းလူနာများ အဖြစ်ဆေးကုသ ခံနေစဉ် ကိုကုလားမှာ ယနေ့ ထပ်မံသေဆုံးသွားကြောင်း သိရသည်။
ထိုလုပ်ငန်းခွင်၌ အလုပ်သမား စုစုပေါင်း ၁၂၀ ၀န်းကျင်ရှိပြီး အများစုမှာ ဒေသခံများဖြစ်ကြောင်း၊ လုပ်ငန်းခွင် တာဝန်ခံ အင်ဂျင်နီယာ ၃ ဦးကို အာဏာပိုင်တို့က ယခုအခါ ခေါ်ယူစစ်ဆေးလျက်ရှိကြောင်း  ဒေသခံတချို့က ပြောသည်။
နောက်ဆုံးရရှိသော သတင်းများအရ မူခင်းရဲတပ်ဖွဲ့က တာဝန်ခံ အင်ဂျင်နီယာ ကိုသန့်ဇင်အား ပုဒ်မ ၃၀၄ (က)/၃၃၈ ဖြင့် အရေးယူထားကြောင်း သိရသည်။
အလုပ်သမားများ ယခုကဲ့သို့ အစုအပြုံလိုက် သေဆုံးရခြင်းသည် အဆောက်အအုံပိုင်ရှင်နှင့် လုပ်ငန်းခွင် တာဝန်ရှိသူ တို့၏ ပေါ့ဆမှုကြောင့် ဖြစ်ကြောင်း၊  အလုပ်သမားတို့၏ လုပ်ငန်းခွင် လုံခြုံမှုကို အလေးထားမှု နည်းပါးသည့် အတွက် ဖြစ်ကြောင်း ဒေသခံများက ပြောဆိုနေကြသည်။
ဧရာဝတီ

Read more »

Posted in: ၀၃။ မြန်မာ့ သတင်း

၂၀၁၅ ဟာ NLD အတွက် စိန်ခေါ်မှုကြီးလို့ ဆိုတဲ့ ဦးတင်ဦး

ပါတီညီလာခံ ကျင်းပရေးအတွက် ပဲခူးတိုင်းခရီးစဉ်တွင် တွေ့ရသော NLD နာယက ဦးတင်ဦး (ဓာတ်ပုံ – ကျော်ခ / ဧရာဝတီ)

အမျိုးသားဒီမိုကရေစီ အဖွဲ့ချုပ် (NLD) နာယက တဦးဖြစ်သူ ဦးတင်ဦးကို ဧရာဝတီက စက်တင်ဘာလ အစောပိုင်းတွင် တွေ့ဆုံမေးမြန်းခဲ့ပါသည်။ ၈၈ မျိုးဆက်ကျောင်း၊ ပြည်ပမှ ပြန်လာသူများနှင့် NLD ၏ ဆက်ဆံရေး အနေအထား၊ NLD နှင့် စီးပွားရေးမူဝါဒ၊ လွှတ်တော်တွင်းမှ NLD ၏ အခြေအနေ ၂၀၁၅ အတွက် NLD ၏ ပြင်ဆင်ချက်၊ မျှော်လင့်ချက်များကို ဧရာဝတီ အယ်ဒီတာ ကိုအောင်ဇော်၊ ဧရာဝတီ သတင်းထောက် ကျော်ခတို့က ဦးတင်ဦးနှင့် တွေ့ဆုံမေးမြန်းထားပါသည်။
ဦးတင်ဦးသည် ၂၀၀၃ ခုနှစ် မေလ ၃၀ ရက်တွင် ဖြစ်ပွားခဲ့သော ဒီပဲယင်း
အရေးအခင်းအပြီး ဒေါ်အောင်ဆန်းစုကြည်နှင့် အတူ ဖမ်းဆီးခံခဲ့ရကာ ၇ နှစ်နီးပါး ထိန်းသိမ်း ခံခဲ့ရသူ ဖြစ်သည်။ ၎င်းသည် ၁၉၈၈ ခုနှစ် ဒီမိုကရေစီရေး လှုပ်ရှားမှုကာလ အမျိုးသား ဒီမိုကရေစီ အဖွဲ့ချုပ် စတင် တည်ထောင်စဉ် ကတည်းက ပါဝင်ခဲ့သူဖြစ်ပြီး မြန်မာ့တပ်မတော် ကာကွယ်ရေး ဦးစီးချုပ်ဟောင်း တဦးလည်း ဖြစ်သည်။
မေး ။     ။ ပြည်ပက ပြန်လာတဲ့သူတွေ ရှိတယ်။ မကြာခင်ကပဲ ကိုသောင်းထွန်းတို့၊ ကိုမိုးသီးဇွန်တို့ တွေ့ကြတယ်။ နောက် ၈၈ မျိုးဆက်အုပ်စုရှိတယ်။ သူတို့တွေဆိုရင် လွန်ခဲ့တဲ့ NLD စဖွဲ့ကတည်းက အဖွဲ့ဝင်တွေ မဟုတ်သော်လည်းပဲ NLD နဲ့ ဒေါ်အောင်ဆန်းစုကြည် ဒုက္ခသုက္ခတွေ ရောက်ခဲ့တဲ့ကာလတွေမှာ စိန်ခေါ်မှုကာလတွေမှာ NLD ကို အမြဲတမ်း ၀န်းရံကြ၊ ဒေါ်အောင်ဆန်းစုကြည်ကို ၀န်းရံကြ ဆိုတာမျိုးတွေ ရှိတယ်။ ဒါပေမယ့် အခုလိုပွင့်လာတဲ့ NLD ဘယ်လိုလဲလို့ ဝေဖန်ကြတာတွေ ရှိတယ်။ အခုကာလမှာ သူတို့တွေရဲ့ အားကို ဘယ်လို ယုံကြည်ပြီး သုံးမှာလဲ။
ဖြေ ။     ။ ကျနော်တို့သဘောထားက NLD ထောင်လာနိုင်တယ်ဆိုတာ ဒီ ၈၈ က ကျောင်းသားစုတွေရဲ့ ကိုယ်ကျိုးစွန့် သက်စွန့်ကြိုးပမ်းမှုကနေ ရလာတာ ဖြစ်တယ်လို့ ကျနော်တို့ လက်ခံထားတယ်။ ဒီနေ့၊ ဒီရက်တွေထဲမှာ အခုသူတို့လည်းပဲ သွားလာလုပ်ကိုင်နေတဲ့ အပိုင်းမှာ အဖွဲ့အစည်းလို ပါတီမဖွဲ့ဘူးပေါ့။ အခုလို ငြိမ်းချမ်းရေးအတွက် ဆိုပြီး သွားတယ်။ သူတို့ တပြည်လုံးသွားတယ်။ တပြည်လုံးက အားလုံးကို ချစ်ကြည်ရင်းနှီးစွာ လက်ခံကြတယ်။
ကျနော်တို့ကတော့ NLD အခု ညီလာခံ ကျင်းပဖို့အတွက် NLD ပါဝင်တဲ့ပုဂ္ဂိုလ်တွေ လာချင်တယ်ဆိုရင်လည်း ကျနော်တို့ ဖွင့်ထားတယ်ပေါ့။ လာကြပေါ့။ မလာဘဲနေပြီးတော့ သူတို့ရဲ့ နိုင်ငံရေးယုံကြည်ချက်ကြောင့် သူတို့ဟာသူတို့ သီးခြားလုပ်ချင်တယ်ဆိုလဲ ဒါ သူတို့ရဲ့ Right လေ။ အခု ၈၈ မျိုးဆက်လုပ်နေတဲ့ အပိုင်းမှာတော့ ဒီနေ့လုပ်ကိုင်တဲ့ အားလုံးသည် လူ့အခွင့်အရေး၊ ဒီမိုကရေစီနဲ့ ပြည်သူလူထုထဲမှာ ၀င်ပြီးတော့ မှန်မှန်ကန်ကန် လုပ်နေတဲ့ဟာသည် ဘာမှ အငြင်းပွားစရာ မရှိဘူး။
မေး ။     ။ ၈၈ မျိုးဆက်အုပ်စုတို့၊ ကိုကိုကြီးတို့က NLD ၀င်လာမယ်ဆိုရင်ရော ၀င်လာလို့ ရမလား။
ဖြေ ။     ။ ရတယ်။ အချိန်မရွေး ၀င်လာလို့ ရတယ်။ NLD ၀င်လာမယ်ဆိုရင် လက်ခံတယ်။ သူတို့တင် မဟုတ်ဘူး။ ဟိုနေ့ကလာတဲ့ သူတွေ (ပြည်တော်ပြန်များ) ကိုလည်း ကျနော့်ကို မေးတယ်။ ကျနော် ကောင်းကောင်း ပြောလိုက်ပါတယ်။ သူတို့စိတ်ထဲမှာ ဒီဟာနဲ့ ပတ်သက်ပြီးတော့ ကျနော်တို့ နားလည်တာမှ ကောင်းကောင်း နားလည်တယ်။ ဘာလဲဆိုတော့ ဒီပုဂ္ဂိုလ်တွေသည် နိုင်ငံခြားကို သွားရတာဟာ သွားချင်လို့ သွားတာမဟုတ်ဘူး။ ဒီမှာ သူတို့ဆောင်ရွက်ချင်တဲ့ ကိစ္စအ၀၀ကို ဒီမှာ လုပ်တာ အန္တရာယ်ရှိကောင်း ရှိမယ်။ သူတို့ ဒီမှာလုပ်တာထက် ဒီထက်လုပ်လို့ကောင်းတဲ့ နေရာရှိရင်ရှိမယ်။ သူတို့သွားတာ သူတို့စေတနာသည် စေတနာအမှန် ရှိတယ်ဆိုတာကိုတော့ ကျနော်တို့က သိပြီးသား လက်ခံပြီးသား။ သူတို့သွားပြီး လုပ်ကိုင်နေတဲ့အတွက် ဟိုမှာ တော်တော့်ကို ကြိုးစားပမ်းစား ဆင်းဆင်းရဲရဲ လုပ်ရတယ်။ သူများနိုင်ငံမှာ လုပ်တယ်ဆိုတာက အင်မတန် ဆင်းရဲပါတယ်။ မျက်နှာငယ်ပါတယ်။ နိုင်ငံခြားသွားတဲ့အခါတိုင်းမှာ ဒါတောင်ကျနော်တို့ အရှိန်အ၀ါနဲ့ သွားတာတောင် ဆက်ဆံရေးမှာ သိပ်ပြီးတော့ ဘ၀င်ကျတာတွေ မရှိပါဘူး။ အဲတော့ ဒီလို ပုဂ္ဂိုလ်မျိုးတွေဆို ကျနော် သဘောပေါက်တယ်။ ခင်ဗျားတို့ လုပ်ကိုင်တဲ့အခါ အတွေ့အကြုံ ပညာအရည်အချင်း တချို့လည်း ဟိုမှာ ပညာသင်ကြားတာတွေ ရှိမယ်။ ဒါတွေ အားလုံးဟာ ပြန်လာပြီးတော့ အသုံးချမယ်ဆိုရင် အသုံးချလို့ ရတယ်။ NLD ထဲမှာ လာမယ်ဆိုရင်လည်းလာ။ သို့သော် ဒီမိုကရေစီရအောင် သူတို့လုပ်ချင်တယ် ဆိုရင်လည်း လုပ်။ လုပ်ခွင့်ရှိတာပေါ့။
မေး ။     ။ NLD ပါတီက သူတို့ကို ကမ်းလှမ်းတာတွေ၊ စကားပြောတာတွေ ရှိခဲ့ဖူးလား၊ ကိုကိုကြီးတို့ အုပ်စုတွေ၊ အပြင်က အုပ်စုတွေနဲ့။
ဖြေ ။     ။ အခုအချိန်နဲ့ ပတ်သက်ပြီးတော့ ကိုကိုကြီးနဲ့ မင်းကိုနိုင်ကတော့ NLD ၀င်မယ် ပြုမယ်ဘာမယ်၊ ဒါကတော့ မသိသေးဘူး။ ဒါကတော့ မကြားမိသေးဘူး။ ဒါကတော့ သူတို့လည်း မပြောဘူး ကျနော်တို့လည်း မပြောဘူး။ သို့သော် သူတို့ အခုရောက်ခါစမှာ ရှိနေတဲ့ NLD နဲ့ပတ်သက်တဲ့ လုပ်ကြောင်း အားလုံး ပင်ပန်းခံပြီးတော့ သူတို့ လုပ်ခဲ့တာကြောင့်မို့လို့ အဲဒီအပေါ်မှာ လေးစားတဲ့ အနေနဲ့ ၀ိုင်းဝန်းပြီးတော့ ရောက်တဲ့နေရာမှာ NLD ရှိတဲ့အနေထားက လူတွေနဲ့ပေါင်းစပ်ပြီးတော့ တပေါင်းတည်း လုပ်ကူနေတဲ့ဟာတွေတော့ ကျနော်တို့ ဒါရှိနေတာတော့ အမှန်ပဲ။ နယ်တွေမှာတော့ သွားပြီးလုပ်နေတာတော့ အမှန်ပဲ။
မေး ။     ။ ဒေါ်အောင်ဆန်းစုကြည် အပါအ၀င်၊ အန်ကယ်အပါအ၀င် အပြင်က လူတွေ၊ အဖွဲ့အစည်းတွေအပေါ်မှာ အန်ကယ်တို့ ဘယ်လို သဘောထားရှိလဲ။
ဖြေ ။     ။ ကျနော်တို့ ဆောင်ရွက်နေတဲ့ ကိစ္စရပ် အ၀၀ကို ၀ိုင်းဝန်းဆောင်ရွက်မယ့် ဆိုတဲ့အနေအထားနဲ့ လာခဲ့ကြတဲ့ ပုဂ္ဂိုလ်တွေ တကယ်စစ်မှန်တယ်ဆိုရင်၊ ယုံကြည်သေးတယ်ဆိုရင်ဖြင့် ကျနော်တို့အဖွဲ့က Welcome လုပ်တယ်။ ကျနော်တို့ကတော့ ခင်ဗျားတို့လာမယ်ဆိုရင် ခင်ဗျားတို့အားကို အများကြီးမျှော်ကိုးတယ်။ ခင်ဗျားတို့က အတွေ့အကြုံတွေ အများကြီး ရှိတယ်။ လူလတ်ပိုင်းတွေ တော်တော်များတယ်။ လုပ်ပေးမယ်ဆိုရင် ကျနော်တို့က Welcome ။ ဒါနဲ့ ပတ်သက်ပြီး အားလုံးကို ကျနော်တို့က နောက်ဆက်လာမယ့် ပုံသဏ္ဍန်အနေထားမှာတော့ ရှိတော့မှာ မဟုတ်ဘူးလေ။ နောက်ကျန်မယ့်လူနဲ့ ဆက်လုပ်မယ့်အပိုင်းမှာ လုပ်နိုင်တဲ့အတိုင်းအတာတွေရှိရင် လုပ်ကြ၊ လုပ်ပေးကြပေါ့။ မပစ်ပယ်ဘူး။
မေး ။     ။ ဒီနေ့ တိုင်းပြည်မှာ ဆင်းရဲချမ်းသာပဲ ရှိတယ်။ ကြားမှာ အလယ်အလတ် မရှိဘူး။ ဆိုတော့ အဲဒီလို တိုင်းသူ ပြည်သားတွေရဲ့ ဖူလုံရေး၊ စီးပွားရေးအရ NLD က ဘယ်လောက်ပြင်ထားလဲ။
ဖြေ ။     ။ ကျနော်တို့ရဲ့ စီးပွားရေး ပေါ်လစီနဲ့ပတ်သက်တဲ့ Economic Statement တခု ကျယ်ကျယ်ကြီးကို ထုတ်ပြန်ထားတာ ရှိပါတယ်။ အဲဒီမှာ ရေးသားပြီးပြီ။ အခု အိုဘားမာက Sanction တနှစ်လျှော့ပေးတယ်။ ဒီ Sanction ကို Lift လုပ်တော့မယ့် သဘောဘဲ။ တနှစ်ပြောပြော၊ နှစ်နှစ်ပြောပြော စပြီး လုပ်တယ်ဆိုရင်တော့ ဒါ လုပ်တာပဲ။ သူတို့မှာ တခုရှိတာက ဒါပြင်ထားတာသည် ကွန်ဂရက်က ပြင်ထားတာဖြစ်တဲ့အတွက် ကွန်ဂရက်ကို သဘောထားယူရမှာ ဖြစ်တယ်။ ကျနော်တို့ကတော့ စီးပွားရေးနဲ့ ပတ်သက်တာ အားလုံးကို Investment လုပ်မယ်၊ နောက်ပြီး Business လာမယ်။ ဘာမှ ကျနော်တို့ ပြောစရာ မလိုဘူး။ ဒါနဲ့ပတ်သက်ပြီး ကျနော်တို့ ဘာမှ မကန့်ကွက်ဘူး။
မေး ။     ။ လွှတ်တော်ထဲ NLD ပါတီရဲ့ အခြေအနေက ဘယ်လိုလဲ။ အားရလား။
ဖြေ ။     ။ ကျနော်တို့ကတော့ လွှတ်တော်ထဲမှာ အတားအဆီး မရှိဘူး။ ဒေါ်အောင်ဆန်းစုကြည် ပြောတဲ့စကားကတော့ သူဟာ သမ္မတကြီးနဲ့ အလုပ်လုပ်လို့ ရတယ်၊ ဒါပေမယ့် ဒီနေ့အထိ အစိုးရနဲ့ အလုပ်လုပ်လို့ ရတယ်လို့တော့ မပြောသေးဘူး။ ဒီလိုတော့ ရှိသေးတာပေါ့။ သို့သော် အခု လောလောဆယ်လုပ်နေတဲ့ Process မှာတော့ ကျနော်တို့ တင်ခွင့်ရှိတယ်၊ ပြောခွင့် ဆိုခွင့်ရှိတယ်၊ လူပ်ရှားခွင့် ရှိတယ်။ သူ့ကို ရေးရာကော်မတီ အဓိကပေးတယ်။ ဆိုတော့ ဒါနဲ့ပတ်သက်တဲ့အပိုင်းမှာ ပွင့်လင်းမယ့် သဘောဆောင်တယ်။
မေး ။     ။ နိုင်ငံရေး လေ့လာသူတွေကြားထဲမှာ သုံးပွင့်ဆိုင်လို့ ပြောတယ်။ ဒေါ်အောင်ဆန်းစုကြည်ရယ်၊ ပြည်သူ့လွှတ်တော်ဥက္ကဋ္ဌ ဗိုလ်ချုပ်ကြီးဟောင်း ဦးရွှေမန်းရယ်၊ သမ္မတကြီး ဦးသိန်းစိန်ရယ်၊ ဒီ ၃ ယောက်ရဲ့ ဒိုင်ယာလော့ဂ်က တိုင်းပြည်ရဲ့ Stabality … အဲဒီ ၃ ယောက်က အရေးကြီးတယ်လို့ ပြောတယ်။
ဖြေ ။     ။ ကျနော်တို့ မြင်နေရတာကတော့ ဒေါ်အောင်ဆန်းစုကြည်က ဒီကိစ္စနဲ့ ပတ်သက်တာက မဏ္ဍိုင်ပြုပြီးတော့ ပိုမိုညှိနှိုင်းဖြေရှင်းအောင် လုပ်နိုင်မလားဆိုတဲ့ အတွေးအခေါ်တခုကတော့ ဒီလိုရှိတယ်။
မေး ။     ။ အခု ကြားဖြတ်ရွေးကောက်ပွဲမှာ NLD ပါတီက နိုင်ခဲ့တယ်။ ဆိုတော့ သဘောက ၂၀၁၅ မှာ NLD ပါတီက နိုင်ဖို့သေချာပြီလား။
ဖြေ ။     ။ ဒီလိုပြောလို့ မရသေးဘူး။
မေး ။     ။ ဘာကြောင့်လဲ။
ဖြေ ။     ။ ပြည်ခိုင်ဖြိုးပါတီက ဘာကြောင့်လူတွေက သူတို့ကိုမုန်းတယ်ဆိုတာ သူတို့လည်း သူတို့ဟာသူတို့  အကြောင်းရှာပြီးတော့ လာမယ့်ရွေးကောက်ပွဲအတွက် ဘာလုပ်ရမလဲဆိုတာ သူတို့လည်း စဉ်းစားမှာပေါ့။ ဒါက လူ့သဘာဝပဲ။ ကျနော်ရှုံးနေတယ်။ ဘာကြောင့် ရှုံးတာလဲ စဉ်းစားရမှာပဲ။ ငါ့ကို သဘောမကျတာ ဘာတွေလဲ။ အဓိပ္ပာယ်က ဒါနဲ့ပတ်သက်တဲ့အပိုင်းမှာ လူတွေပေါ်မှာ ငါတို့ဟာ ပိုပြီးတော့ မလျော်သြဇာတွေ သုံးနေတာလား၊ အနိုင်ကျင့်နေတာလား၊ လက်နဲ့ အနိုင်ကျင့်တာလား၊ ဒါမှမဟုတ် စီးပွားရေးနဲ့ အနိုင်ကျင့်လား။ ဆိုပါစို့ လယ်ယာတွေနဲ့ ပတ်သက်လို့ မတရားသိမ်းလို့ လူတွေက မကျေနပ်ဖြစ်တာလား။ သူတို့ဟာ သူတို့လည်း ပြန်ပြီးတော့ ရှာဖို့ အချိန်တွေ ရှိတယ်။ အဲဒါကြောင့်မို့ သူတို့လည်း ရှာနိုင်သမျှ ရှာဖို့လိုတယ်။ ကုစားရမယ်။
သို့သော် တခုတော့ ရှိတယ်။ ကျနော်တို့နဲ့ ပတ်သက်လို့ သူတို့နဲ့ယှဉ်ရင် သူတို့ဟာ ငွေရေးကြေးရေးနဲ့ ပတ်သက်ရင် အာလုံးမှာ အများကြီး တောင့်တဲ့အတွက် သူတို့က ငွေရေးကြေးရေးနဲ့ သုံးမှာဖြစ်တဲ့အတွက် မသိနားမလည်တဲ့ သူများတွေအပေါ်မှာလည်း ဒီအကြောင်းပြုပြီးတော့ လုပ်ငန်းပြ စည်းရုံးထားပြီး အဲဒီစည်းရုံးရေး အင်းအားစုကို ရအောင်ယူဖို့ သူတို့ကြိုးစားမယ်။ ဒါတွေကတော့ ရှိမှာပဲ။ ဒါကြောင့်မို့ ကျနော်တို့က ကြိုးစားရမယ်။ နိုင်အောင်တော့ လုပ်မှာပဲ။ တခုရှိတာက အရင်တုန်းက ကျနော်တို့ ယှဉ်ပြိုင်ရတယ်ဆိုတာ ကြံ့ခိုင်ရေးနဲ့ ဖွံ့ဖြိုးရေးအသင်းနဲ့ပဲ လုပ်ရတာ။ တပါတီပဲ။ အခုက များလာပြီ။ ဒါကို ပြိုင်ရမယ့်နေရာမှာ ကျနော်တို့ဟာ ရှိသမျှခွန်အားကို သေချာစည်းရုံးပြီးတော့ လုပ်ငန်းပြပြီးတော့ လုပ်နိုင်မှ။ အရင်တုန်းက ပြနေတဲ့ နိုင်ငံရေးအကျဉ်းသားများ စောင့်ရှောက်တာလေး၊ ဥပဒေနဲ့ပတ်သက်လို့ ကာကွယ်ပေးတာ အဲလောက်နဲ့ မရဘူး။
မေး ။     ။ ပြောချင်တာက ၂၀၁၅ က NLD အတွက် တကယ့် စိန်ခေါ်မှုကြီး  ဆိုပါတော့။
ဖြေ ။     ။ ဒါပေါ့။ စိန်ခေါ်မှုကြီး။
မေး ။     ။ NLD ပါတီကို နှစ်ပေါင်း၂၀ လောက် ခေါင်းဆောင်လုပ်ခဲ့တဲ့ အန်ကယ့်မှာ သံသယသံလေးတွေကြား နေရသလိုပဲ။
ဖြေ ။     ။ သံသယတောင် မဟုတ်ဘူး။ ဆဲနေတာ။ အဲဒီတော့ အရေထူတယ်။ ကျနော်က ပြန်မေးချင်တာက အဲဒီဆဲတဲ့ကောင် မင်းရော ဘယ်လောက်လုပ်လို့လဲလို့ မေးလိုက်မယ် တခွန်းတည်းပေါ့။ ကျနော်မမေးပါဘူး။ ကျနော် ပြောလိုက်တယ် မင်းတို့ ဘယ်လောက်ပြောပြော တံခါးဖွင့်ထားတယ်။ မင်းတို့လာခဲ့ကြ။
မေး ။     ။ ၂၀၁၅ အတွက် အန်ကယ်တို့ ဘာတွေ ပြင်ထားလဲ။
ဖြေ ။     ။ အခု အခြေခံအားဖြင့် အဖွဲ့အစည်းနဲ့ ပတ်သက်လို့ ဒီမိုကရေစီရအောင် ဒီမိုကရေစီနဲ့ ညီတဲ့ အဖွဲ့အစည်းတခု လူထုလက်ခံနိုင်အောင် အဲဒါကို ကျနော်တို့ ရနိုင်သမျှ တည်ဆောက်ပြီးတော့ လူထုထဲဝင်နိုင်သမျှ ၀င်အောင်လုပ်မယ်ဆိုတဲ့ သဘောပေါ့။ အလုပ်တွေကတော့ အများကြီးပဲ။
ပြည်နယ် တိုင်းကလူတွေကိုပါ ကျနော်တို့က ပညာတိုးပွားအောင် ကြိုးစားလုပ်ပေးပြီးတော့ တချို့ဒီထဲကနေပြီးတော့ တော်တဲ့သူတွေကို ကျနော်တို့က လွှတ်လွှတ်ပြီးတော့ ပညာသင်ပို့တယ်။ နောက် ဒီမှာလည်း Workshop တွေ လုပ်တယ်။ တခါတလေ တခြားနေရာတွေမှာ လုပ်တယ်။ သူတို့ကို ပညာပေးတယ်။ လာမယ့်နှစ်မှာ သူတို့လည်း ထိုက်သင့်အားလျှော်စွာ ပါဝင်နိုင်အောင် ကျနော်တို့က ပေးနေတာတွေ အများကြီး ရှိတယ်။ အဲတော့ ဒီဟာက တခါတည်းနဲ့ မပြီးဘူး။
သူတို့ကို သူတို့ကလည်း လာမယ့်နှစ်မှာ လုပ်နိုင်အောင်ဆိုပြီးတော့ လူငယ်တွေကို ဖွင့်ပေးလိုက်ပြီးတော့ အဲဒီလူငယ်တွေ များများလာနိုင်အောင် အခုက သင်တန်းတွေပေး၊ လွှတ်တဲ့သူလွှတ်။ အခုလည်းပဲ ကျနော် အမှန်အတိုင်းပြောမယ်၊ ဒါတွေပြီးသွားရင် လူငယ်ညီလာခံ လုပ်မှာဘဲ။ ညီလာခံလုပ်တဲ့အခါ သူတို့က အထူးခြားဆုံး အဖွဲ့အစည်းတွေနဲ့ လူငယ်တွေက ပါဝါဖြစ်တဲ့အတွက်ကြောင်မို့ အခု အခြေခံညီလာခံ လုပ်တဲ့အထဲမှာ အမျိုးသမီးကတော့ ကျနော်တို့အမျိုးသားနဲ့ အတူတကွ တပေါင်းတည်း လုပ်ကြတာ။ သို့သော် လူငယ်လို့ သတ်သတ်သီးခြားဖွဲ့ပြီးတော့ သူတို့ကို ညီလာခံ ကျင်းပနိုင်အောင် သူတို့ဟာသူတို့ လုပ်နိုင်အောင် ကျနော်တို့က စည်းမျဉ်းတွေ ချပေးမယ်။
မေး ။     ။ NLD ပါတီက Instituional building ကို သွားနေတယ်လို့ ကျနော်တို့ နားလည်တယ်။ အရင်က NLD ပါတီသည် လူပုဂ္ဂိုလ် တဦးတယောက်ကို သွားတယ်။ ဒေါ်အောင်ဆန်းစုကြည် မရှိရင် NLD ပါတီဟာ မရှိဘူးဆိုပြီးတော့ ပြောကြတာရှိတယ်။ အဲဒါတာတွေကို ဘယ်လို ပြင်ကြမှာလဲ။
ဖြေ ။     ။ အခုလည်းပဲ ဒီကိစ္စနဲ့ပတ်သက်ပြီး ဒေါ်အောင်ဆန်းစုကြည်ကလည်း သဘောပေါက်တဲ့အတွက် သူ့နေရာမှာ ၀င်ပြီး လာပြီး လုပ်ကိုင်နိုင်မယ့် သူနဲ့ပတ်သက်ပြီး အခြေအနေ ဖန်တီးဖို့အတွက် သူ့ခေါင်းထဲမှာ ရှိတယ်။ သူစဉ်းစားထားတယ်။ ကျနော်တို့လည်း စဉ်းစားထားတယ်။ အဲဒါကြောင့်မို့လို့ Personality နဲ့ လုပ်တဲ့ Politics က မမြဲပါဘူး။ ခင်ဗျား ယူဂိုစလပ်နဲ့ပတ်သက်ပြီး မာရှယ် တီးတိုး ရှိတုန်းက ကွန်မြူနစ်ပါတီတခုလုံး စည်းလုံးတယ်။ တီးတိုးလည်း သေရော ကွဲတာပဲ။ မော်စီတုန်း သေတဲ့အခါ အခု ပြဿနာတွေ အများကြီးပေါ်တာပဲ။ One party rule ပဲ။ တယောက်တည်းကိုင်တာ။ ကျနော်တို့ သဘောပေါက်ပြီးသားပဲ။ ဒေါ်အောင်ဆန်းစုကြည်က ဒီကိစ္စနဲ့ပတ်သက်ပြီး လူငယ်တွေကို သိပ်ပြီး ပညာပေးနေတာ၊ လူငယ်တွေကို မွေးထုတ်ပေးနေတာ။ အခုမွေးထုတ်နေတာမှာ သူကျေနပ်ရလောက်အောင် သူမွေးထုတ်နေတာပဲ။ ဒါပဲ။
မေး ။     ။ ဒေါ်အောင်ဆန်းစုကြည် လွတ်ခါစက သူမှတ်မှတ်ရရ ပြောတဲ့စကားတခွန်း ရှိတယ်။ ပြည်သူတွေရဲ့ အသံကို နားထောင်မယ်တဲ့။ ခေါင်းဆောင်ကောင်း တယောက်အနေနဲ့ဆိုရင် သူက ပြည်သူ့အသံကို အခုအချိန်အထိ နားထောင်နေတုန်းပဲလား။ ပြည်သူ့အသံကို နားထောင်နိုင်မယ့် အင်အားရှိရဲ့လား။
ဖြေ ။     ။ နားထောင်တယ်။ နားထောင်တဲ့ အင်အားလည်း ရှိပါတယ်။ ခင်ဗျားကြည့်လေ အပြင်မှာ သွားတာနဲ့ ပတ်သက်လို့ သူ့ကို လက်ခံကြတယ်ဆိုတာက သာမန်ခေါင်းဆောင် တယောက်အနေနဲ့ လက်ခံတာမှ မဟုတ်ဘဲကိုး။
မေး ။     ။ ၂၀၁၅ မှာ NLD ပါတီနဲ့ ဒေါ်အောင်ဆန်းစုကြည်က NLD ပါတီနိုင်ခဲ့မယ်ဆိုရင် တိုင်းပြည်ကို ခေါင်းဆောင်နိုင်မယ်လို့၊ အုပ်ချုပ်နိုင်မယ်လို့ အန်ကယ်တို့ ယုံကြည်လား။
ဖြေ ။     ။ ၀ိုင်းပြီး ကူညီခြင်းအားဖြင့် ခေါင်းဆောင်ကောင်း ဖြစ်အောင်တော့ ကျနော်ပြောမယ် သူဟာ တချိန်သောအခါမှာ ဒီမှာရှိတဲ့ စစ်တပ်တခုလုံးသည် သူမကိုယုံကြည်အားကိုးသော တပ်မတော်တခုအထိ ရောက်ရှိလာမယ်ဆိုတာကို ကျနော်ယုံတယ်။     ။
ဧရာဝတီ

Read more »

Posted in: ၁၆။ အင်တာဗျူး

သတင်းဂျာနယ် နှစ်စောင်ကို NLD ဦးဉာဏ်ဝင်း တရားစွဲမည်

ရန်ကုန်မြို့ရှိ ဂျာနယ် အရောင်းဆိုင် တခုကို တွေ့ရစဉ် (ဓာတ်ပုံ – Reuters)

ပြည်မြန်မာ သတင်းဂျာနယ်နှင့် Messenger သတင်း ဂျာနယ်တို့အား “တရားရုံးဆုံးဖြတ်ချက် မချမီ ပြစ်မှုကျူးလွန်သည်ဟု ရေးသားခြင်းကြောင့်” အမျိုးသားဒီမိုကရေစီ အဖွဲ့ချုပ် (NLD) ပြောခွင့်ရပုဂ္ဂိုလ် ဦးဉာဏ်ဝင်းက မန္တလေးတိုင်း တရားလွှတ်တော်တွင် ပြီးခဲ့သည့် တနင်္လာနေ့က တရားစွဲဆိုလိုက်သည်။
ပြီးခဲ့သည့် ကြားဖြတ်ရွေးကောက်ပွဲ၌ မဲရုံတချို့တွင် ဖယောင်းသုတ်သည်ဟု ဦးဉာဏ်ဝင်း၏ ပြောဆိုမှုအပေါ် ပြည်ထောင်စု ရွေးကောက်ပွဲ ကော်မရှင်က မမှန်မကန် သတင်းပေးမှုဖြင့် တရားစွဲဆိုခြင်းနှင့် ပတ်သက်ပြီး အဆိုပါ ဂျာနယ်နှစ်စောင်၌ ပြစ်မှုကျူးလွန်သည်ဟု ရေးသားကြောင်း၊ ထိုရေးသားချက်သည် ဥပဒေအရ တရားရုံးတော်ကို မထီမဲ့မြင်ပြုရာ ရောက်သည့်အတွက်
တရားစွဲခြင်းဖြစ်ကြောင်း ဦးဉာဏ်ဝင်းက ဧရာဝတီကို ပြောသည်။
“တရားရုံးက အမှုကိုစစ်နေဆဲ၊ အဆုံးအဖြတ် ဘာမှမလာသေးဘူး။ အဲဒါကို မီဒီယာက ဘယ်သူဟာ ဘာပြစ်မှုကို ကျူးလွန်တယ်၊ ဘာအပြစ်ရှိတယ်လို့ ရေးတာဟာ တရားရုံးအလုပ်ကို အနှောက်အယှက် ပေးရာကျပါတယ်” ဟု ၎င်းက ဆိုသည်။
မန္တလေးတိုင်း တရားလွှတ်တော်ကလည်း အဆိုပါ ဂျာနယ်နှစ်စောင်အား တရားစွဲဆိုသည့် အမှုကို လက်ခံထားကြောင်း၊ မကြာမီ ဆင့်ခေါ်မည်ဖြစ်ကြောင်း ဦးဉာဏ်ဝင်းက ဆက်လက်ရှင်းပြသည်။
ဦးဉာဏ်ဝင်းသည် ကြားဖြတ်ရွေးကောက်ပွဲကာလက ပါတီအောင်နိုင်ရေးတာဝန်ကို ယူခဲ့သူဖြစ်ပြီး ပြီးခဲ့သည့် ကြားဖြတ် ရွေးကောက်ပွဲတွင် နေပြည်တော် ဇမ္ဗူသီရိမြို့နယ်ရှိ မဲရုံတချို့တွင် ဖယောင်းသုတ်ကာ မဲမသမာမှုများရှိသည့်ဟု ပြောဆိုခဲ့သည့်အတွက် ပြည်ထောင်စုရွေးကော်မရှင်က မမှန်မကန် သတင်းပေးသည်ဟုဆိုကာ တရားစွဲဆိုခြင်းခံရသူဖြစ်သည်။
အဆိုပါ NLD ပါတီပြောခွင့်ရ ဦးဉာဏ်ဝင်း၏ တရားစွဲဆိုခြင်းနှင့် ပတ်သက်ပြီး ပြည်မြန်မာနှင့် Messenger ဂျာနယ်သို့ ဧရာဝတီက ဆက်သွယ်မေးမြန်းရာ ပြည်မြန်မာဂျာနယ်သို့ ဆက်သွယ်၍ မရခဲ့ပေ။ Messenger ဂျာနယ် တာဝန်ခံ အယ်ဒီတာ ဦးသူရအောင်ကမူ တရားစွဲဆိုမှုကို မသိရှိကြောင်း ပြောသည်။
ဧရာဝတီ

Read more »

Posted in: ၀၃။ မြန်မာ့ သတင်း

မော်လမြိုင်ထောင်မှ ဘင်္ဂလားဒေ့ရှ် နိုင်ငံသား ၄၃ ဦး လွတ်ငြိမ်းချမ်းသာခွင့်ရ

စံခလပူရီ (မဇ္ဈိမ) ။      ။ မွန်ပြည်နယ်၊ မော်လမြိုင် အကျဉ်းထောင်တွင် ပြစ်ဒဏ်များ ချမှတ်ခံထားရသည့် ဘင်္ဂလားဒေ့ရှ်
 နိုင်ငံသား ၈၂ ဦးအနက် ၄၃ ဦးကို သမ္မတ၏ လွတ်ငြိမ်းချမ်းသာခွင့်ဖြင့် ဗုဒ္ဓဟူးနေ့တွင် ပြန်လွှတ်ပေးလိုက်ပြီဖြစ်ကြောင်း အကျဉ်းထောင်နှင့် နီးစပ်သူများက ပြောသည်။

“မနေ့က မနက် ၆ နာရီခွဲလောက်မှာ လွှတ်ပေးလိုက်တယ်။ အခုလွှတ်လိုက်တာက ပထမ အသုတ်၊ နောက်ထပ် လွှတ်ပေးဖို့ ရှိသေးတယ်” ဟု မော်လမြိုင် အကျဉ်းထောင်နှင့် နီးစပ်သူ ကိုမင်းထွန်း က မဇ္ဈိမကို ပြောသည်။

အဆိုပါ ဘင်္ဂလားဒေ့ရှ် နိုင်ငံသားများသည် စက်လှေဖြင့် ကပ္ပလီပင်လယ်ပြင်ကို ဖြတ်ကျော်စဉ် စက်ချွတ်ယွင်းမှုကြောင့်မြန်မာနိုင်ငံ တောင်ပိုင်း ရေးမြို့နယ်၊ ခေါဇာ မြို့နယ်ခွဲ၊ ကော့လှိုင်ကျေးရွာအုပ်စု သဲခုံရွာသို့ ဆိုက်ကပ်ရာမှ ဖမ်းဆီးခံရ ကာ လူဝင်မှု ကြီးကြပ်ရေး ဥပဒေ ပုဒ်မ ၁၃/၁ ဖြင့် ရေးမြို့နယ် တရားရုံးမှ ဇွန်လ ၁၉ ရက်နေ့က ထောင်ဒဏ် တနှစ်စီ ချမှတ်ပြီး မော်လမြိုင် အကျဉ်းထောင်သို့ အပို့ခံရသူများ ဖြစ်သည်။


၎င်းတို့မှာ သမ္မတ၏ စက်တင်ဘာလ ၁၇ ရက်နေ့ လွတ်ငြိမ်းချမ်းခွင့်ဖြင့် ပြန်လည် လွတ်မြောက်လာသည့် အကျဉ်းသား ၅၁၄ ဦးတွင် ပါဝင်ကြသည်။

လွတ်မြောက်လာသည့်ဘင်္ဂလားဒေ့ရ်ှနိုင်ငံသားများကို မော်လမြိုင်ထောင်မှတဆင့် ရွှေစင်စကြာ
 မော်တော်ယာဉ်ဖြင့် ပဲခူးတိုင်း၊ ပြည်ထောင်သို့ ပို့ဆောင်ခဲ့ရာ နေ့လည်ပိုင်းတွင် ပဲခူးမြို့သို့ ရောက်ရှိခဲ့ပြီး မွန်းလွဲ တနာရီခန့်တွင် ကားပြောင်း ကာ ပြည်သို့ ထွက်ခွာသွားခဲ့သည်ဟု မျက်မြင်တဦး ဖြစ်သည့် ပဲခူး အမျိုးသား ဒီမိုကရေစီအဖွဲ့ချုပ်မှ ကိုဂျမား က ပြောသည်။

ပဲခူးတိုင်း လူဝင်မှု ကြီးကြပ်ရေး ဦးစီးဌာန၏ အကြောင်းကြားမှုဖြင့် ပဲခူးမြို့ရှိ အစ္စလာမ် ဘာသာရေးအဖွဲ့က လွတ်မြောက် လာသည့် အကျဉ်းသားများအား အကူအညီ ပေးခဲ့သည်ဟုလည်း သူက ပြောသည်။

“စားရေး သောက်ရေး အခက်အခဲ ရှိတယ် ဆိုတဲ့အကြောင်း၊ ကူညီနိုင်ရင် ကူညီပေးပါ ဆိုပြီး ပဲခူးမှာ ရှိတဲ့ အစ္စလာမ် သာသနာကို လှမ်းပြီး အကြောင်းကြားတယ်။ သူတို့ကလည်း လက်ခံတယ် ဆိုတော့ ကျနော်တို့ကလည်း ထမင်းဗူး၊ရေသန့်ဗူးတွေကို ကူညီပေးပါတယ်” ဟု ကိုဂျမား က ပြောသည်။

၎င်းတို့ကို ပြည်မြို့ အကျဉ်းထောင်တွင် သုံးရက်ကြာ ထားရှိမည် ဖြစ်ပြီး ရခိုင်ပြည်နယ် မောင်တောမြို့မှတဆင့် ဘင်္ဂလားဒေ့ရ်ှသို့ တရားဝင် လွှဲပြောင်းပေးမည် ဖြစ်ကြောင်း သိရသည်။

သမ္မတ၏ စက်တင်ဘာလ ၁၇ ရက်နေ့ လွတ်ငြိမ်းချမ်းခွင့်ဖြင့် လွတ်မြောက်လာသည် အကျဉ်းသား ၅၁၄ အနက် ၃၉၉ ဦးမှာ နိုင်ငံခြားသားများ ဖြစ်ပြီး လဝက ပုဒ်မ ၁၃ (၁) ဖြင့် ထောင်ချခံရသူများ ဖြစ်ကာ အများစုမှာ ဘင်္ဂလားဒေ့ရ်ှနိုင်ငံသားများ ဖြစ်ကြသည်။

မြန်မာနိုင်ငံသို့ တရားမဝင် ခိုးဝင်မှု၊ လက်နက်မှု၊ မူးယစ်ဆေးဝါးမှုများဖြင့် ကော့သောင်း အကျဉ်းထောင်တွင် ဖမ်းဆီးထောင်ချခံနေရသည့် ထိုင်းနိုင်ငံသား ၉၂ ဦးအနက် ၈၃ ဦးလည်း လွတ်ငြိမ်းချမ်းသာခွင့်တွင် ပါဝင်သည်။

၂ဝ၁ဝ ရွေးကောက်ပွဲ အပြီးတွင် သမ္မတ၏ လွတ်ငြိမ်းချမ်းသာခွင့် လေးကြိမ် ထုတ်ပြန်ခဲ့ရာ ၂ဝ၁၂ ခုနှစ် ဇန်နဝါရီလ ၃ ရက်နေ့တွင် အကျဉ်းသား ၆၆၅၆ ဦး၊ ၂ဝ၁၂ ခုနှစ် ဇန်နဝါရီ ၁၃ ရက်နေ့တွင် ၆၅၁ ဦး၊ ၂ဝ၁၂ ခုနှစ် ဇူလိုင်လ ၃ ရက်နေ့ တွင် ၈၃ ဦးနှင့် ၂ဝ၁၂ ခုနှစ် စက်တင်ဘာ ၁၇ ရက်နေ့တွင် ၅၁၄ ဦး ပါဝင်သည်။
မဇ္ဈိမ

Read more »

Posted in: ၀၃။ မြန်မာ့ သတင်း

စစ်တပ် လူ့အခွင့်အရေး ချိုးဖောက်မှု သမ္မတ ကာကွယ်ခြင်းကို KNO ဝေဖန်

ချင်းမိုင်(မဇ္စျိမ) ။       ။ ကချင်ပြည်နယ်အတွင်း အစိုးရတပ်များ၏ လူ့အခွင့်အရေး ချိုးဖောက်နေမှုများအပေါ် နိုင်ငံတော် သမ္မတ ဦးသိန်းစိန်က ကာကွယ် ပြောကြားလိုက်ခြင်းနှင့် ပတ်သက်၍ ကချင်အမျိုးသားများ အစည်းအရုံး KNO မှ ကန့်ကွက်လိုက်သည်။

စက်တင်ဘာလ ၂၉ ရက်နေ့က ဘီဘီစီ မြန်မာပိုင်းအစီအစဉ်နှင့် ဦးသိန်းစိန် အမေးအဖြေ ကဏ္ဍတွင် အစိုးရတပ်များ၏ လူ့အခွင့်အရေး ချိုးဖောက်နေခြင်းနှင့် ပတ်သက်၍ “တပ်မတော်အနေနှင့် ဥပဒေအရ လုပ်ဆောင်နေခြင်း ဖြစ်သော
ကြောင့် လူ့အခွင့်အရေး ချိုးဖောက်နေသည်ဟု မစွပ်စွဲသင့်ကြောင်း” ဖြေကြားခဲ့ခြင်းအား ထိုင်းနိုင်ငံ အခြေစိုက် KNO က ကန့်ကွက်လိုက်ခြင်း ဖြစ်သည်။

“သမ္မတ က ဒီကချင်ပြည်မှာ လူ့အခွင့်အရေး ချိုးဖောက်မှုဟာ ဥပဒေအရ လုပ်တယ် ဆိုတော့ ဒါက ဘယ်ဥပဒေမှ မတွေ့ပါဘူး။ လူတွေကို နှိပ်စက်တာ၊ သတ်တာတွေက ဘယ်ဥပဒေမှာမှ လုပ်နိုင်တယ်ဆိုတာ မရှိဘူး။ နောက် KIO က စစ်မရပ်လို့ သူတို့က ခုခံစစ် တိုက်ရတယ်ဆိုတဲ့ အချက်ကလည်း မဟုတ်ဘူး။ မြန်မာပြည်မှာ ရှိတဲ့ စစ်တပ်တွေ ရှိရှိသမျှ ကချင်ပြည်မှာ တိုက်နေတာ။ ပို့နေတာ ဖြစ်တယ်” ဟု KNO ဥက္ကဋ္ဌ ဒူဝါ ဘောမ်ဝမ် လရော် က မဇ္ဈိမကို ပြောသည်။

ကချင်အမျိုးသားအစည်းအရုံး KNO ဥက္ကဋ္ဌ ဦးဘောမ်ဝမ်လရော် (ဓါတ်ပုံ မဇ္ဈိမ)

ထိုသို့ ပြောဆိုနေခြင်းသည် သမ္မတအနေဖြင့် မြန်မာပြည်သူများအား တန်ဖိုးမထားခြင်းကို ထုတ်ဖော်လိုက်ခြင်းနှင့် စစ်ပြေးဒုက္ခသည်များကို လျစ်လျူရှု့ရာ ရောက်ကြောင်း ကြာသပတေးနေ့ထုတ် KNO ကြေညာချက်တွင် ပါရှိသည်။  

“သမ္မတ ဦးသိန်းစိန် မှားတာ မဟုတ်ဘူး။ KIO လည်း မှားတာ မဟုတ်ဘူး။ မှားတာက အခြေခံဥပဒေကိုက မှားနေတယ် ဆိုတော့ အဲဒီအခြေခံဥပဒေကို ပြုပြင်မှုမှတပါး ကျနော်တို့မှာ ဆေးမရှိဘူး။ အဲဒါကို ပြောချင်တာပါ။ အခြေခံဥပဒေ မှားနေတာကို အတူနေဖို့ဆိုတာ မလွယ်တော့ အမြဲတမ်းပဲ တိုက်ပွဲဖြစ်မှာပဲ” ဟု ဒူဝါ ဘောမ်ဝမ် လရော် က ဆိုသည်။

အစိုးရတပ်များမှာ ကချင်ပြည်နယ် နေရာအနှံ့တွင် စစ်လက်နက်အင်အားများ ဖြည့်တင်းနေဆဲ ဖြစ်ပြီး ဖားကန့်မြို့နယ်၊
မြစ်ကြီးနား-ဗန်းမော်လမ်း၊ KIO ဗဟိုဌာနချုပ် လိုင်ဇာအနီးတဝိုက်တွင် နေ့စဉ် တိုက်ပွဲများ ဖြစ်ပွားနေသည်ဟု ဒူဝါ ဘောမ်ဝမ် လရော် က မဇ္စျိမကို ပြောဆိုသွားသည်။

KNO ၏ United Kachinland Army-UKA တပ်ဖွဲ့ကို ဇွန်လ ၂၈ ရက်နေ့က ရုတ်သိမ်းလိုက်ပြီးနောက် KIO နှင့်အတူ ပူးပေါင်းလိုက်ပြီး ဖြစ်သည်။

၁၉၉၉ ခုနှစ်က ကချင်တိုင်းရင်းသားအရေး နိုင်ငံတကာတွင် ဆောင်ရွက်ရန် KNO ကို ဖွဲ့စည်းခဲ့သော်လည်း KIO နှင့် KIO တို့အကြား သဘောထားများ ယှဉ်ပြိုင်သလို ဖြစ်လာရာမှ ၂ဝ၁၁ ခုနှစ်၊ ဇန်နဝါရီလတွင် နှစ်ဖွဲ့သဘောထား
ပြန်လည် ညှိနှိုင်းခဲ့ကြသည်။

KNO ကို ကချင်အမျိုးသား ကျောက်လုပ်ငန်းရှင် ဒူဝါဘောမ်ဝမ် လရော်က ထိုင်းနိုင်ငံ ဇင်းမယ်မြို့တွင် စတင်ဖွဲ့စည်းခဲ့ရာ မှ ထိုင်း၊ အမေရိကန်၊ ဂျာပန်၊ သြစတြေးလျ၊ ဒိန်းမတ်၊ မလေးရှား၊ တိန္ဒိယ၊ ကနေဒါ၊ ဗြိတိန်၊ နော်ဝေး၊ ဆွီဒင်နှင့် တရုတ် စသည့် နိုင်ငံများတွင် အဖွဲ့ဝင်များဖြင့် ဖွဲ့စည်းထားသည်။

လွန်ခဲ့သည့်နှစ် ဇွန်လက တိုက်ပွဲများ ပြန်လည်ဖြစ်ပွားခဲ့ပြီးနောက် ကချင်လွတ်လပ်ရေး အဖွဲ့ KIO အနေနှင့် အစိုးရ ကိုယ်စားလှယ်များနှင့် ဆွေးနွေးပွဲများ ပြုလုပ်ခဲ့ရာ ယခုနှစ် ဇွန်လ ၁ ရက်နေ့က တရုတ်-မြန်မာ နယ်စပ်တွင် နောက်ဆုံး
တွေ့ဆုံခဲ့ပြီးနောက် ထပ်မံ တွေ့ဆုံမည့် ရက်နှင့်နေရာကို နှစ်ဘက် ညှိနှိုင်း၍မရသေးဘဲ ဖြစ်နေသည်။

သို့သော် သမ္မတ ဦးသိန်းစိန်နှင့် သမ္မတရုံးဝန်ကြီး ဦးအောင်မင်းတို့ အမေရိကန်ခရီးစဉ်မှ ပြန်လည် ရောက်ရှိလာပြီး ဖြစ်၍ မကြာမီ ရက်ပိုင်းအတွင်း KIO နှင့် ပြန်လည် တွေ့ဆုံနိုင်မည်ဟု မျှော်လင့်ကြောင်း ကချင်ငြိမ်းချမ်းရေး အကျိုးဆောင် ဦးဂွမ်ဂျာ က ဆိုသည်။
မဇ္ဈိမ

Read more »

Posted in: ၀၃။ မြန်မာ့ သတင်း

အိန္ဒိယသူပုန်လက်မှ အမေရိကန်လက်နက် မြန်မာပြည်မှလာ ဟုဆို

နယူးဒေလီ (မဇ္ဈိမ) ။       ။ အိန္ဒိယရဲတပ်ဖွဲ့မှ ဖမ်းဆီးရမိထားသည့် မော်ဝါဒီ သူပုန် နှစ်ယောက်က ၎င်းတို့နှင့်အတူ သိမ်းဆည်းရမိသော အမေရိကန်လုပ် M-16 သေနတ် တလက်နှင့် ဗြိတိန်လုပ် ရူပီး လေးသိန်း (ဒေါ်လာ ၇,၀၀၀ ကျော်) တန် ကျည်ကာအင်္ကျီတို့ကို မြန်မာပြည်မှ ရရှိကြောင်း ဖြောင့်ချက်ပေး ထွက်ဆိုကြသည်ဟု ဂျာရ်ခန်းပြည်နယ် ရဲညွှန်ချုပ် က ပြောသည်။

“ဒီလက်နက်ဟာ အစွန်းရောက်တွေ ထကြွနေတဲ့ မြန်မာနိုင်ငံကနေ မော်ဝါဒီတွေ လက်ထဲကို ရောက်လာတာဖြစ်တယ်” ဟု ဂျာရ်ခန်း ရဲညွှန်ချုပ် G S Rath က ဗုဒ္ဓဟူးနေ့တွင် ထုတ်ဖော်ပြောကြားလိုက်ကြောင်း PTI သတင်းတရပ်တွင် ဖော်ပြ ပါရှိသည်။

အိန္ဒိယနယ်စပ် မြန်မာနယ်မြေတွင် အိန္ဒိယခွဲထွက်သူပုန် ၁ဝ ဖွဲ့ခန့် ခိုလှုံနေထိုင်ကြသည်ကို ရည်ညွှန်းပြောဆိုလိုက်
ခြင်း ဖြစ်သည်။
သြဂုတ်လ ၂၉ ရက်နေ့က တောတွင်းတနေရာမှ ဖမ်းဆီးရမိခဲ့သည့် ဒေသတွင်း မော်ဝါဒီ သူပုန်ခေါင်းဆောင်တဦးနှင့် လက်နက်ထောက်ပံ့သူတဦးတို့အား စစ်ဆေးမေးမြန်းရာမှ အဆိုပါ နိုင်ငံခြားလက်နက်များရရာ လမ်းကြောင်းကို သိရှိခဲ့ရပြီး ထိုလမ်းကြောင်းကိုမူ သတင်းထောက်များအား ရဲညွှန်ချုပ်က ထုတ်ဖော်ပြောဆိုရန် ငြင်းဆန်ခဲ့သည်။

ယခင်ကလည်း ဤသို့ နိုင်ငံခြားဖြစ် သေနတ်များကို မော်ဝါဒီ သူပုန်များထံမှ ရရှိခဲ့ဖူးကြောင်းလည်း ၎င်းကထည့်သွင်း

ပြောကြားသွားသည်။

ကြာသပတေးနေ့က တမူးမြို့တွင် မြန်မာအရာရှိများနှင့် တွေ့ဆုံဆွေးနွေးပြီး ပြန်လာသည် မဏိပူရပြည်နယ်၊ ချန်ဒယ် ခရိုင် ရဲမှူးကြီး E Priyo Kumar နှင့် ကိုယ်ရံတော်အဖွဲ့အား မြန်မာနယ်စပ်နှင့် ၃ မိုင်ခန့်အကွာတွင် သူပုန်များက ဗုံးခွဲတိုက်ခိုက်ရာ ကိုယ်ရံတော် ခုနှစ်ဦး ဒဏ်ရာရရှိသွားပြီး အပြန်အလှန်ပစ်ခတ်မှုများ တနာရီခန့်ကြာ ပြင်းထန်စွာ
ဖြစ်ပွားခဲ့ရသည်ဟု မဏိပူရမှ ပေးပို့သော Indian Express သတင်းတရပ်တွင် ပါရှိသည်။

အဆိုပါ ဗုံးခွဲတိုက်ခိုက်မှုနှင့်ပတ်သက်၍ မည်သည့်အဖွဲ့၏ လက်ချက်ဟု စွပ်စွဲမှု မရှိသေးသော်လည်း ထိုနယ်မြေတွင်
ဒေသခံ ကသဲ(မဏိပူရ)သူပုန် ခြောက်ဖွဲ့ခန့် လှုပ်ရှားလျက်ရှိကြောင်း သိရှိရသည်။

အိန္ဒိယ အရှေ့မြောက်ဒေသများမှ ခွဲထွက်ရေးသူပုန်အဖွဲ့များ မြန်မာနိုင်ငံ၊ စစ်ကိုင်းတိုင်း၊ နာဂတောင်တန်းနှင့် ကချင်ပြည်နယ်တို့တွင် ခိုလှုံနေထိုင်ကြကြောင်း အိန္ဒိယအစိုးရနှင့် သတင်းစာများက မကြာခဏ ထောက်ပြ
ပြောဆိုလျက် ရှိကြသည်။

မြန်မာ့မြေပိုင်နက်ထဲတွင် မော်ဝါဒီ သူပုန်များ စစ်သင်တန်း စခန်းများ ဖွင့်ခြင်းနှင့် ပတ်သက်၍ အထောက်အထားများ
တွေ့ရှိရပြီး ထိုစစ်စခန်းများအား မဏိပူရ ခွဲထွက် သူပုန်တဖွဲ့ဖြစ်သည့် PLA နှင့် Naxalites တို့ ပူးတွဲ စီစဉ်ခြင်း
ဖြစ်ကြောင်း လွန်ခဲ့သည့်နှစ် အောက်တိုဘာလ ၁ ရက်နေ့က နယူးဒေလီမြို့တော်၌ ဖမ်းဆီးရမိခဲ့သည့် PLA အဖွဲ့ဝင်
နှစ်ဦး၏ ခရီးဆောင် ကွန်ပျူတာများမှ ဖော်ထုတ်သိရှိရခြင်း ဖြစ်သည်ဟု ဆိုသည်။

မြန်မာ-အိန္ဒိယ နှစ်နိုင်ငံခေါင်းဆောင်များ တွေ့ဆုံမှုတိုင်းတွင် အိန္ဒိယ အရှေ့မြောက် သူပုန်များကိစ္စ အမြဲတစေ
ဆွေးနွေးရလေ့ရှိသည်။

PLA, ULFA, UPLF, PREPAK, KCP, KYKL, RPF နှင့် UNLF တို့အပါအဝင် မြန်မာ ပိုင်နက်ထဲတွင် အိန္ဒိယလက်နက်ကိုင် သူပုန် ရှစ်ဖွဲ့ထက်မနည်း ခိုလှုံနေထိုင်ကြကြောင်း သတင်းစာများတွင် ရေးသားကြသည်။
မဇ္ဈိမ

Read more »

Posted in: ၀၃။ မြန်မာ့ သတင်း

ငပလီ တပ်သိမ်းမြေကိစ္စ လွှတ်တော်ကော်မတီ ကွင်းဆင်းစစ်ဆေး

မန္တလေးတိုင်း မိတ္ထီလာခရိုင်အတွင်းရှိ မြေသိမ်းခံ လယ်သမားများက မြေသိမ်းကုမ္ပဏီပိုင် ထွန်စက်ရှေ့တွင်လှဲပြီး ဆန္ဒပြနေစဉ် (ဓာတ်ပုံ – Public Affairs Network, Meiktila)

ရခိုင်ပြည်နယ်၊ ငပလီကမ်းခြေတွင် စစ်တပ်က တပ်တိုးချဲ့ရေးအတွက်ဟုဆိုကာ ရခိုင်ဒေသခံ ၂၀ ကျော်ထံမှ ပုဂ္ဂလိကပိုင်မြေများ သိမ်းယူပြီး ဟိုတယ်များဆောက်လုပ်ခွင့် ပြုခဲ့သည့်အပေါ် အမျိုးသားလွှတ်တော် နိုင်ငံသားတို့၏ မူလအခွင့်အရေး၊ ဒီမိုကရေစီရေးနှင့် လူ့အခွင့်အရေးဆိုင်ရာ ကော်မတီက စုံစမ်းစစ်ဆေးမှုများ စတင်လိုက်ပြီဖြစ်ကြောင်း သတင်းရရှိသည်။
ယခင်စစ်အစိုးရလက်ထက် ၂၀၀၀ ပြည့်နှစ်တွင် ရခိုင်ပြည်နယ်၊ သံတွဲမြို့နယ်အခြေစိုက် ခြေလျင်တပ်ရင်း(ခလရ) ၅၅ က တပ်တိုးချဲ့ရေးအတွက်ဟုဆိုကာ
ငပလီကမ်းခြေရှိ ပုဂ္ဂလိပိုင်ခြံမြေများကို သိမ်းယူခဲ့ကြောင်း၊ ထိုသို့ သိမ်းယူပြီးနောက် အမှန်တကယ် တပ်တိုးချဲ့ခြင်းမပြုဘဲ ဟိုတယ်များ ဆောက်လုပ်ခဲ့ကြောင်း၊ ယခင်က စစ်အစိုးရ အုပ်ချုပ်ချိန်ဖြစ်သည့်အတွက် ဒေသခံအများစုမှာ မည်သူကိုမျှ မတိုင်ကြားရဲခဲ့ကြဘဲ အရပ်သားအစိုးရ တက်လာပြီး ဒီမိုကရေစီအပြောင်းအလဲဖြစ်လာချိန်တွင် လွှတ်တော်ကော်မတီများထံ တိုင်ကြားလွှာ ပေးပို့လာသဖြင့် အမျိုးသားလွှတ်တော်နိုင်ငံသားတို့၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာကော်မတီက စုံစမ်းစစ်ဆေးပြီး လိုအပ်သော အရေးယူဆောင်ရွက်မှုများ ပြုလုပ်သွားမည်ဖြစ်ကြောင်း ယင်းကော်မတီဝင် အမျိုးသားလွှတ်တော်ကိုယ်စားလှယ် ဦးဖုန်းမြင့်အောင်က ဧရာဝတီသို့ ပြောသည်။
“ခလရ ၅၅ က တပ်တိုးချဲ့ဖို့ဆိုပြီး ပြည်သူတွေဆီက သိမ်းထားတဲ့မြေတွေကို ဟိုတယ်တွေ ဆောက်ထားတယ်။ ဒါနဲ့ပတ်သက်လို့ ကော်မတီကို တရားဝင် တိုင်ကြားစာရောက်လာလို့ ကော်မတီက စုံစမ်းစစ်ဆေးမှုတွေ စလုပ်နေပြီ။ လိုအပ်တဲ့ အရေးယူဆောင်ရွက်မှုတွေကို လွှတ်တော်ကနေတဆင့် လုပ်သွားဖို့ရှိပါတယ်” ဟု ဦးဖုန်းမြင့်အောင်က ဆိုသည်။
ငပလီကမ်းခြေရှိ ခလရ ၅၅ က အဓမ္မသိမ်းယူထားသော မြေများပေါ်တွင် မင်းဇာနည်ကုမ္ပဏီ၊ ဧဒင်အုပ်စု၊ Fortune ကုမ္ပဏီ၊ Max Myanmar နှင့် Amazing Hotel များ ဆောက်လုပ်ထားကြောင်း ဒေသခံများက ဧရာဝတီသို့ ရှင်းပြသည်။
“တပ်က သိမ်းတာက စုစုပေါင်း ၃၅ ဧက သိမ်းတာ။ ပုဂ္ဂလိ ဘိုးဘွားပိုင်မြေက ၃၀ ဧက ပါတယ်၊ ဌာနဆိုင်ရာ ပိုင်မြေ ၅ ဧက။ တပ်တိုးချဲ့ဖို့ဆိုတဲ့ ခေါင်းစဉ်နဲ့ သိမ်းခဲ့တယ်။ ဒါပေမယ့် လက်တွေ့မှာ ဟိုတယ်တွေ တလုံးပြီး တလုံးပေါ်လာတယ်။ အသိမ်းခံရတုန်းက မပြောရဲ မဆိုရဲဘူးလေ။ အဲဒီတုန်းက စစ်အာဏာရှင်ခေတ်ဆိုတော့ အားလုံးကြောက်ကြတယ်။ အခုတော့ ဒီကိစ္စကို အဖြစ်မှန်ပေါ်ဖို့ လွှတ်တော်ကို တရားဝင် တိုင်ကြားတာပါ” ဟု ဒေသခံတဦးက ပြောသည်။
အမျိုးသားလွှတ်တော် နိုင်ငံသားတို့၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာ ကော်မတီမှ ဥက္ကဋ္ဌ ဒေါက်တာ အေးမောင်၊ အတွင်းရေးမှူး ဦးမြင့်ထွန်းနှင့် ကော်မတီဝင် ဦးဖုန်းမြင့်အောင်တို့သည် စက်တင်ဘာလ ၂၃ ရက်နေ့မှ ၂၆ ရက်နေ့အထိ သံတွဲမြို့သို့ သွားရောက်ကာ ခလရ ၅၅ မှ တာဝန်ရှိသူများ၊ ခရိုင်နှင့် ပြည်နယ်အုပ်ချုပ်ရေး အာဏာပိုင်များ၊ မြေယာသိမ်းဆည်းခံထားရသော ဒေသခံများနှင့်တွေ့ဆုံခဲ့ပြီး စိစစ်စုံစမ်းမှုများပြုလုပ်ပြီး မကြာမီ အစီရင်ခံစာ လွှတ်တော်သို့ တင်ပြမည်ဟု သိရှိရသည်။
“တပ်က တာဝန်ရှိတဲ့သူတွေ၊ မြေအသိမ်းခံထားရတဲ့ ဒေသခံတွေ၊ အုပ်ချုပ်ရေး အာဏာပိုင်တွေကို အဆင့်ဆင့် တွေ့ဆုံပြီး စစ်ဆေးမှုတွေလုပ်ပြီးပြီ။ လာမယ့် လွှတ်တော်အစည်းအဝေးမှာ ကော်မတီက အစီရင်ခံစာကို အမျိုးသားလွှတ်တော် ဥက္ကဋ္ဌနဲ့ လွှတ်တော်ကို တင်ပြမယ်။ အစီရင်ခံစာနဲ့ လွှတ်တော်ရဲ့အဆုံးအဖြတ်ပေါ်မှာ မူတည်ပြီး လိုအပ်တဲ့ ဆောင်ရွက်မှုတွေရှိလာမယ်” ဟု ဦးဖုန်းမြင့်အောင်က ဆက်လက်ပြောသည်။
အမျိုးသားဒီမိုကရေစီ အဖွဲ့ချုပ်မှ ပြည်သူ့လွှတ်တော် ကိုယ်စားလှယ် ဦးအုန်းကြိုင်ကမူ တနိုင်ငံလုံး အတိုင်းအတာဖြင့် ဖြစ်ပွားနေသော မြေယာသိမ်းဆည်းမှုများကို ပြည်ထောင်စုလွှတ်တော် မြေယာသိမ်းဆည်းမှုများ ဖော်ထုတ်ရေး ကော်မတီက စုံစမ်းဖော်ထုတ်နေပြီး တပ်က သိမ်းဆည်းထားသော မြေယာများကိစ္စလည်း ပါဝင်နေကြောင်း ဧရာဝတီသို့ ပြောဆိုသည်။
“ပြည်ထောင်စုလွှတ်တော်ကနေ ဖွဲ့စည်းလိုက်တဲ့ မြေယာကော်မတီက လွှတ်တော်နားတဲ့အချိန်မှာ မြေယာသိမ်းဆည်းခံရတဲ့ ကိစ္စတွေနဲ့ပတ်သက်လို့ စုံစမ်းဖော်ထုတ်တာတွေရှိနေပြီ။ မြေသိမ်းခံရတယ်ဆိုတဲ့ အထဲမှာ တပ်က သိမ်းတာ၊ ကုမ္ပဏီတွေက သိမ်းတာ၊ စီမံကိန်းနယ်မြေတွေမှာ ပါသွားလို့ အသိမ်းခံရတာ ပုံစံအမျိုးမျိုးရှိတယ်။ ကော်မတီအနေနဲ့ အသိမ်းခံရတဲ့ကိစ္စတွေမှာ မျှမျှတတဖြစ်အောင် နစ်နာမှုမရှိအောင်ဖြေရှင်း ပေးဖို့ ရည်ရွယ်ထားတယ်” ဟု ဦးအုန်းကြိုင်က ဆိုသည်။
ပြည်သူ့လွှတ်တော်ဥက္ကဋ္ဌ သူရဦးရွှေမန်းကမူ မြန်မာနိုင်ငံတွင်ဖြစ်ပွားသော မြေယာသိမ်းဆည်းမှုများသည် အစိုးရမြေပုံအညွှန်းပေါ်တွင်ရှိသော အခြေအနေနှင့် လက်တွေ့ပြင်ပအခြေအနေများ ကွာခြားနေမှုက အဓိက အရေးကြီးသော အကြောင်းအရင်းတရပ်အဖြစ် ပါဝင်နေသည်ဟု မကြာသေးမီက ကျင်းပပြီးစီးခဲ့သော လွှတ်တော်အစည်းအဝေးများတွင် မှတ်ချက်ပြုခဲ့ကြောင်း သိရှိရသည်။
“ဦးရွှေမန်းက ပြောတာက အစိုးရမြေပုံအညွှန်းပေါ်မှာ သစ်တောကြိုးဝိုင်းလို့ပြထားတယ်။ တပ်က တပ်တိုးချဲ့ဖို့ အဲဒီသစ်တောကြိုးဝိုင်းကို ယူမယ်ဆိုပြီး လုပ်တဲ့အချိန်မှာ တကယ့်လက်တွေ့အပြင်မှာက သစ်တောကြိုးဝိုင်းမရှိတော့ဘဲ ရွာတွေ၊ ဘုန်ကြီးကျောင်းတွေ၊ စာသင်ကျောင်းတွေဖြစ်နေတယ်။ အဲဒါတွေကို အတင်းအကျပ် ရွှေ့ခိုင်းတဲ့အခါမှာ မြေယာသိမ်းတဲ့ကိစ္စတွေ ဖြစ်လာတယ်။ အလားတူကိစ္စမျိုးတွေ အများကြီး ရှိနေတယ်၊ ဖြစ်နေတယ်ဆိုတာ ပြီးခဲ့တဲ့ လွှတ်တော်အတွင်းမှာ ဆွေးနွေးခဲ့ကြတယ်” ဟု ဦးအုန်းကြိုင်က ရှင်းပြသည်။
တနိုင်ငံလုံး မြေယာသိမ်းဆည်းခံရမှုများကို စုံစမ်းဖော်ထုတ်ရန် ပြည်ထောင်စုလွှတ်တော် မြေယာသိမ်းဆည်းမှုများ ဖော်ထုတ်စိစစ်ရေး ကော်မတီကို ပြီးခဲ့သည့် လွှတ်တော်အစည်းအဝေးများတွင် ကော်မတီဝင် လွှတ်တော်ကိုယ်စားလှယ် ၄၁ ဦးဖြင့်ဖွဲ့စည်းခဲ့ပြီး အဖွဲ့ ရှစ်ဖွဲ့ခွဲကာ စုံစမ်းစစ်ဆေးမှုများ ဆောင်ရွက်လျက်ရှိသည်။
ဧရာဝတီ

Read more »

Posted in: ၀၃။ မြန်မာ့ သတင်း

ပက်စီနှင့် ကိုကာကိုလာကြောင့် ပြည်တွင်းအချိုရည် ဈေးကွက်ပျက်စပြု

2d

ရန်ကုန် ညောင်ပင်လေးဈေးတွင် ပက်စီနှင့် ကိုကာကိုလာ ကတ်များ သယ်နေသည့် အလုပ်သမားတဦး (ဓာတ်ပုံ – ဂျေပိုင် / ဧရာဝတီ)

ကမ္ဘာကျော် အချိုရည်များဖြစ်ကြသည့် ပက်စီနှင့် ကိုကာကိုလာ အချိုရည်များ မြန်မာဈေးကွက်အတွင်းသို့ ပြန်လည် ၀င်ရောက်လာပြီး လ အနည်းငယ် အတွင်း ပြည်တွင်း အချိုရည် ဈေးကွက် စတင်ပြိုလဲနေပြီ ဖြစ်ကြောင်း လုပ်ငန်းရှင် တချို့၏ ပြောကြားချက်နှင့် ဈေးကွက် အတွင်း စုံစမ်းမှုများ အရ သိရှိရသည်။
ယခင်က အမေရိကန် ပြည်ထောင်စုနှင့် အနောက်နိုင်ငံများ၏ စီးပွားရေး ပိတ်ဆို့မှုကြောင့် မြန်မာနိုင်ငံတွင် ရင်းနှီး မြှုပ်နှံမှုများ ရပ်ဆိုင်းခဲ့ကြသော ပက်စီနှင့် ကိုကာကိုလာ အချိုရည် ကုမ္ပဏီများသည် သမ္မတ ဦးသိန်းစိန် အစိုးရ လက်ထက် ပြုပြင်ပြောင်းလဲမှုများ အရှိန်အဟုန်မြှင့်
အကောင်အထည် ဖော်လာချိန်တွင် မြန်မာ့ဈေးကွက်အတွင်းသို့ ရှေ့ဆင့်နောက်ဆင့် ၀င်ရောက်လာကြောင်း၊ ပက်စီနှင့် ကိုကာကိုလာ အချိုရည်တို့သည် ယခုနှစ် စက်တင်ဘာလ ၉ ရက်နေ့တွင် မြန်မာ့ ဈေးကွက်အတွင်းသို့ ပြန်လည် ၀င်ရောက်လာခဲ့ရာ ယင်းအချိုရည် နှစ်မျိုး ၀င်ရောက်လာပြီး အချိန်အနည်းငယ် အတွင်း ပြည်တွင်းအချိုရည် လုပ်ငန်းများ စတင် ပြိုလဲလာခဲ့သည်ဟု Shark နှင့် Blue Mountain အပါအ၀င် နာမည်ကျော် ပြည်တွင်း အချိုရည် အမှတ်တံဆိပ်များစွာ ထုတ်လုပ်ရောင်းချနေသော လွယ်ဟိန်း ကုမ္ပဏီပိုင်ရှင် ဒေါက်တာ စိုင်းဆမ်ထွန်းက ဧရာဝတီသို့ ပြောသည်။
“ပက်စီနဲ့ ကိုကာကိုလာ ပြန်ဝင်လာတော့ အချိုရည် ဈေးကွက်မှာ ပြည်တွင်းက ကုမ္ပဏီတွေ အနေနဲ့ ဘယ်လိုမှ မယှဉ်ပြိုင်နိုင်ဘူး။ ပြည်တွင်းအချိုရည် လုပ်ငန်းတွေ ဆက်ရှင်သန်ဖို့က ဉာဏ်အား၊ ငွေအား၊ လူအားနဲ့ ရင်ဆိုင်ဖို့ပဲ ရှိတော့တယ်” ဟု သူက ရှင်းပြသည်။
လတ်တလော အခြေအနေများအရ ပြည်တွင်း အချိုရည်ဈေးကွက်တွင် အလတ်စားနှင့် အသေးစား ကုမ္ပဏီများ ပျောက်ကွယ်သွားနိုင်ခြေ များနေပြီး ကုမ္ပဏီကြီးများ အနေဖြင့်လည်း ပြိုင်ဆိုင်မှု ပြင်းထန်လာသော အခြေအနေများကို မဖြစ်မနေ ရင်ဆိုင်လာရမည်ဖြစ်ကြောင်း သိရသည်။
“လက်ရှိ အခြေအနေမှာ အချိုရည် ကုမ္ပဏီကြီးတွေပဲ တောင့်ခံနိုင်မယ်။ အသေးစား၊ အလတ်စား လုပ်တဲ့သူတွေကတော့ ပျောက်ပျက် သွားနိုင်တယ်။ ဒါကြောင့် ကြော်ငြာ အင်အားတွေ သုံးမယ်၊ ၀န်ထမ်းတွေ ထပ်ခန့်မယ်။ အရည်အသွေး မီအောင်လည်း ကြိုစား လုပ်ကိုင်သွားရင် တိုးတက်လာနိုင်မယ်” ဟု ဒေါက်တာစိုင်းဆမ်ထွန်း ကပြောသည်။
ပက်စီနှင့် ကိုကာကိုလာ အချိုရည်များ ဈေးကွက်အတွင်း ၀င်ရောက်လာပြီး နောက်ပိုင်း ပြည်တွင်း အချိုရည် လုပ်ငန်းများတွင် ၀န်ထမ်းအင်အား လျှော့ချခြင်းများ ဖြစ်ပေါ်နေပြီး အရည်အသွေး နိမ့်ကျခြင်းနှင့် ၀ယ်လိုအား ကျဆင်းကာ ဈေးကွက်ပျက်လုနီးပါး ဖြစ်ပေါ်နေကြောင်း သိရသည်။
ပြည်တွင်း စားသုံးသူ တဦးက ယခင်က ရွေးချယ်စရာ မရှိသည့်အချိန်တွင် ပြည်တွင်း အချိုရည်များကိုသာ သောက်သုံး ခဲ့ရသော်လည်း ရွေးချယ်စရာ များလာချိန်တွင် အရည်အသွေး ကောင်းသော ပက်စီနှင့် ကိုကာကိုလာ အချိုရည်များကိုသာ ရွေးချယ် သောက်သုံး ဖြစ်ကြောင်း ဧရာဝတီသို့ ပြောသည်။
“ပြည်တွင်းအချိုရည်က တဘူးကို ကျပ် ၃ ရာလောက် ရှိချိန်မှာ ပက်စီနဲ့ ကိုကာကိုလာက ၅ ရာနဲ့ ၆ ရာ ကြားမှာရှိတယ်။ ဈေးက သိပ်မကွာတော့ အရည်အသွေး ကောင်းတာကိုပဲ ရွေးသောက်တယ်” ဟု ၎င်းက ဆိုသည်။
ပက်စီနှင့် ကိုကာကိုလာ ကုမ္ပဏီတို့မှာ မြန်မာနိုင်ငံတွင် စက်ရုံများ တည်ဆောက်ရန် အစီအစဉ် ရှိသည်ဟု သိရှိထားကြောင်း လည်း ပြည်တွင်း အချိုရည်လုပ်ငန်းရှင်များက ပြောဆိုကြသည်။
ပက်စီ အချိုရည် ဖြန့်ချိပေးနေသော ဒိုင်းမွန်းစတား ကုမ္ပဏီမှ တာဝန်ရှိသူ တဦးကမူ ပက်စီကုမ္ပဏီက စက်ရုံ တည်ဆောက်ရန် ပြင်ဆင်နေပြီဟု ဧရာဝတီကို အတည်ပြုပြောသည်။
စီပွားရေး ဥပဒေလမ်းညွှန် ဦးတင်သန်းဦးက ပြည်တွင်း အချိုရည်လုပ်ငန်းများ အနေဖြင့် ပက်စီနှင့် ကိုကာကိုလာကို ယှဉ်ပြိုင်နိုင်ရေး အတွက် အရည်အသွေး မြှင့်တင်ရန်ကိစ္စကို အရေးတကြီး လုပ်ဆောင်ရန် လိုအပ်သည်ဟု သုံးသပ်သည်။
“ပက်စ်စီနဲ့ ကိုကာကိုလာ ၀င်ရောက် လာတာကြောင့် ပြည်တွင်း အချိုရည်ဈေးကွက်ကို အများကြီး ထိခိုက်မှာပဲ။ အလုပ်သမား လျှော့ချတာတွေကြောင့် အလုပ်သမား ပြဿနာတွေ ဖြစ်လာနိုင်တယ်။ ပြည်တွင်း အချိုရည် လုပ်ငန်းရှင်တွေအနေနဲ့ အရည်အသွေး ပိုင်းတွေကို စနစ်တကျ လုပ်စေချင်တယ်။ အရည်အသွေးပိုင်း အဆင့်မြှင့် ထားမယ်ဆိုရင် ပက်စီနဲ့ ကိုကာကိုလာကိုမှ မဟုတ်ဘူး၊ ပြည်ပက ၀င်လာမယ့် အချိုရည်တွေ အားလုံးနဲ့ပါ ယှဉ်ပြိုင်နိုင်မယ်” ဟု ၎င်းက ပြောသည်။
ရန်ကုန်မြို့တွင် အချိုရည်နှင့် စားသောက်ကုန်များ အဓိက လက်လီလက်ကား ဖြန့်ဖြူး ရောင်းချနေသော ညောင်ပင်လေးဈေး ပလာဇာ တွင်လည်း ပြည်တွင်း အချိုရည်များထက် ပက်စီနှင့် ကိုကာကိုလာ အချိုရည်များသာ အရောင်းအသွက်ဆုံး ဖြစ်နေ ကြောင်း စားသောက်ကုန် အရောင်းဆိုင်ကြီးများမှ သိရသည်။
“စားသုံးသူတွေက ပက်စီနဲ့ ကိုကာကိုလာ ကိုပဲ ၀ယ်သောက်ကြတာ များတယ်။ ပြည်တွင်း အချိုရည်တွေက ၀ယ်လိုအား နည်းသွားတော့ ကံစမ်းမဲ ဖောက်ပေးတဲ့ စနစ်တွေ သုံးပြီး ရောင်းအားမြှင့်တာတွေ လုပ်နေရတယ်။ ကံစမ်းမဲ မပါတဲ့ အချိုရည်တွေ ဆိုရင် လုံးဝ အရောင်းအ၀ယ် မရှိတဲ့အဆင့် ဖြစ်လာတယ်” ဟု ညောင်ပင်လေးဈေး ပလာဇာမှ အချိုရည်နှင့် စားသောက်ကုန် လက်လီလက်ကား အရောင်းဆိုင်ပိုင်ရှင်တဦးက ဆိုသည်။
ဧရာဝတီ

Read more »

Posted in: ၀၃။ မြန်မာ့ သတင်း

ရွှေဂက်စ် ပိုက်လိုင်း စီမံကိန်း ရပ်ထားရေး ပြည်တွင်း ၁၂ ဖွဲ့ တောင်းဆို

ရှမ်းပြည်နယ် သီပေါမြို့နယ်အတွင်း ဖြတ်သွားသည့် ရွှေဂက်စ် ပိုက်လိုင်းကို တွေ့ရစဉ် (ဓာတ်ပုံ – Francis Wade)

ရခိုင်ပြည်နယ်၊ ကျောက်ဖြူမြို့၌ တည်ဆောက်နေသည့် ရွှေသဘာဝ ဓာတ်ငွေ့ပိုက်လိုင်း စီမံကိန်းအား ရပ်ဆိုင်းပေးရန် ပြည်တွင်း အခြေစိုက်အဖွဲ့ ၁၂ ဖွဲ့က ကြေညာချက်ထုတ် တောင်းဆိုလိုက်သည်။
မြန်မာ-တရုတ် ရွှေသဘာဝ ဓာတ်ငွေ့ပိုက်လိုင်း၊ ရေနံပိုက်လိုင်း စီမံကိန်းနှင့် ပတ်သက်၍ မြန်မာပြည်သူတို့၏ သဘောထား ထုတ်ပြန်ချက်ဟူသော အချက် ၇ ချက်ဖြင့် ဂက်စ်ပိုက်လိုင်း စီမံကိန်း ရပ်ဆိုင်းထားရေး အောက်တိုဘာလ ၁ ရက်နေ့ နေ့စွဲဖြင့် ကြေညာချက်၌ သဘာဝ ပတ်ဝန်းကျင်ပျက်စီးမှု၊ လူ့အခွင့်အရေး ချိုးဖောက်မှု၊ စီမံကိန်းနှင့်ပတ်သက်၍ ဘဏ္ဍာငွေကိစ္စတို့ ပွင့်လင်းမြင့်သာမှု မရှိခြင်းတို့အား ထောက်ပြ ဝေဖန်ထားသည်။

ကျောက်ဖြူမြို့နယ်ရှိ စီမံကိန်းများအနက် အများစုမှာ ပြီးစီးလုနီးပါးရှိနေပြီး ရခိုင်ရိုးမနှင့် ရှမ်းပြည်မြောက်ပိုင်းရှိ ကချင်ပြည်လွတ်မြောက်ရေး တပ်မတော် (KIA ) ထိန်းချုပ်ရာ ဒေသတို့၌သာ ကျန်ရှိကြောင်း စိမ်းရောင်စို (မန္တလေး) အဖွဲ့ခေါင်းဆောင် ကိုတင်သစ်က ဧရာဝတီကို ပြောသည်။
စီမံကိန်း မစရသေးသည့် ဒေသများတွင် သဘာဝပတ်ဝန်းကျင် ထိခိုက်မှုနှင့် လူမှုဘ၀ ထိခိုက်မှုများကို  သဘာဝပတ်ဝန်းကျင်ဆိုင်ရာ ကြားခံအဖွဲ့များက လေ့လာစစ်မှု ပြုလုပ်ပြီးမှသာ စီမံကိန်းများ လုပ်ဆောင်သင့်ကြောင်း ၎င်းက ဆိုသည်။
ရွှေဂက်စ် စီမံကိန်းကြီးများအား တရုတ်နိုင်ငံ၏ အကြီးဆုံးကုမ္ပဏီတခုဖြစ်သော တရုတ်အမျိုးသား ရေနံကော်ပိုရေးရှင်း (China National Petroleum Corporation – CNPC) ကုမ္ပဏီက ၂၀၁၀ ခုနှစ်တွင် စတင်တည်ဆောက်ခဲ့ခြင်း ဖြစ်ပြီး ကိုရီးယား၊ အိန္ဒိယ ကုမ္ပဏီများနှင့် ပြည်တွင်း ကုမ္ပဏီအများအပြားက စီမံကိန်းအလိုက် တည်ဆောက်လျက်ရှိသည်။
မြန်မာအစိုးရသည် သဘာဝဓာတ်ငွေ့ စီမံကိန်းမှ တနှစ်လျှင် အမေရိကန်ဒေါ်လာ ၁ ဒသမ ၂ ဘီလီယံ နှစ်စဉ် ရရှိမည်ဖြစ်ပြီး
တရုတ်နိုင်ငံသည်  ရခိုင်ကမ်းလွန်ဒေသမှ သဘာဝဓာတ်ငွေ့များအား နှစ်ပေါင်း ၃၀ အထိ ၀ယ်ယူခွင့် ရရှိမည်ဖြစ်သည်။
ထိုစီမံကိန်းများနှင့် ပတ်သက်၍ မြန်မာ-တရုတ် အစိုးရတို့အကြား ချုပ်ဆိုထားသည့် စာချုပ်ပါ အချက်အလက်များ၊ နိုင်ငံရေးနှင့် ပတ်သက်သည့် သဘောတူညီချက်များ၊ ပိုက်လိုင်း ဘေးအန္တရာယ်နှင့် ပတ်သက်၍ ဆောင်ရွက်ထားမှု၊ ပိုက်လိုင်းနှင့် ပတ်သက်သည့် ဘဏ္ဍာရေးဆိုင်ရာ ကိစ္စများကို ပြည်သူများထံ တရားဝင် ထုတ်ပြန်ပေးခြင်း မရှိသည့်အချက်များကိုလည်း ကြေညာချက်၌ ဖော်ပြထားသည်။
“ဒီစီမံကိန်းက ရတဲ့ငွေတွေကို ဘယ်မှာ ဘယ်လိုသုံးမယ် ဆိုတာလည်း ပြည်သူတွေ သိခွင့်မရဘူး၊ ဂက်စ်ပိုက်လိုင်းရဲ့ လုံခြုံရေးအတွက် ဘယ်လိုမျိုး စီမံဆောင်ရွက် ထားတာကိုလည်း ပြည်သူတွေကို ပြောဆိုတာ တခုမှ မရှိသေးဘူး” ဟု Thazin Development Foundation အဖွဲ့၏ ဒု တာဝန်ခံ ကိုအောင်ကျော်ဇောက ဧရာဝတီကို ပြောသည်။
ထို့အတူ ဓာတ်ငွေ့ပိုက်လိုင်း စီမံကိန်း၏ ဆက်လက် အကောင်အထည်ဖော်မှုများနှင့် ပတ်သက်၍ ပွင့်လင်းမြင်သာမှု မရှိခြင်း၊ လုပ်ငန်းခွင်၌ အလုပ်သမားများအပေါ် လူ့အခွင့်အရေး ချိုးဖောက်မှုများ၊ ကလေးအလုပ်သမား အသုံးပြုမှုနှင့် အမျိုးသမီးတို့၏ ဘ၀ ထိခိုက်မှုများကို ကွင်းဆင်းလေ့လာချက်များဖြင့် မှတ်တမ်းများ ရှိကြောင်း ၎င်းက ဆိုသည်။
ကြေညာချက် ထုတ်ပြန်ရခြင်းသည် လက်ရှိ အဖြစ်အပျက်များအား အစိုးရနှင့်စီမံကိန်း လုပ်ကိုင်နေသည့် ကုမ္ပဏီများ၊ ပြည်သူများ အားလုံးသိရှိသွားရန် ရည်ရွယ်ကြောင်း၊ တနိုင်ငံလုံး အတိုင်းအတာဖြင့် ဆောင်ရွက်နိုင်မည့် အစီအစဉ်များ ဆက်လက် လုပ်ဆောင်သွားမည်ဖြစ်ကြောင်းနှင့် ယခုအချိန်သည် ဧရာဝတီမြစ်ဆုံ ရေကာတာ စီမံကိန်း ဆိုင်းငံ့ထားသည့် တနှစ်ပြည့်မြောက်ချိန်လည်း ဖြစ်ကြောင်း ကိုအောင်ကျော်ဇောက ဆိုသည်။
အဖွဲ့ ၁၂ ခု၌ ရခိုင်ဒေသ ကိုယ်စားပြုထားသည့် Thazin Development Foundation နှင့် Arakan Ray Youth, မကွေးဒေသ ကိုယ်စားပြု Ayarwady West Development Organizationနှင့်  Green Network Sustainable Development Group အဖွဲ့၊ Green Future – ရေနံချောင်း၊ ပုပ္ပါးတောင်ထိန်းသိမ်းစောင့်ရှောက် ရေးအဖွဲ့၊ Green for All,  စိမ်းရောင်စို (တံတားဦး) နှင့် စိမ်းရောင်စို Activities (မန္တလေး)၊ စိမ်းလန်းပြင်ဦးလွင် (ပြင်ဦးလွင်)၊  စိမ်းရောင်စို (ကျောက်မဲ)၊ ရှမ်းပြည်နယ်မြေက်ပိုင်း ဖွံ့ဖြိုးတိုးတက်ရေးအသင်းတို့ ဖြစ်သည်။
ဂက်စ်ပိုက်လိုင်း လမ်းကြောင်းတွင် ပါဝင်သည့် ပြင်ဦးလွင်မြို့နယ်တွင် ရေထိန်းတောများ ပျက်စီးဆုံးရှုံးသွားခြင်း၊ ကျေးရွာ ၂၀
ကျော်တွင် နေထိုင်သည့် ဒေသခံပြည်သူများ၏ လယ်မြေများ၊ ဒေသတွင်းလမ်းများ ပျက်စီး၍ ကလေးများ ကျောင်းသွားကျောင်းလာ ခက်ခဲခြင်း စသည်ဖြင့် ကြုံတွေ့နေရကြောင်း စိမ်းလန်းပြင်ဦးလွင်အဖွဲ့မှ ကိုမောင်မောင်သွင်က ပြောသည်။
ပြင်ဦးလွင်၊ မန္တလေး၊ နောင်ချို၊ မိုးကုတ် ဒေသတ၀ိုက်တို့တွင်လည်း သဘာဝပတ်ဝန်းကျင် ပျက်စီးမှုများ ပြားကြောင်း၊ ပြင်ဦးလွင်ဒေသ၌ ကန်ထရိုက်အဖြစ် မန္တလေးကျုံး ကုမ္ပဏီက တာဝန်ယူဆောင်ရွက်နေကြောင်း၊ ပျက်စီးသွားသည့် လမ်းများအား ပြန်လည် ပြုပြင်ပေးမှု မရှိကြောင်း ၎င်းက ဆက်ပြောသည်။
သဘာဝဓာတ်ငွေ့ပိုက်လိုင်းသည် ကျောက်ဖြူမြို့နယ်၊ မဒေးကျွန်းပေါ်မှ အမ်းမြို့နယ်၊ ထိုမှတဆင့် မကွေးတိုင်း၊ မန္တလေးတိုင်း၊ ရှမ်းပြည်နယ်တို့ကိုဖြတ်၍ တရုတ်နိုင်ငံ နန်နင်းမြို့အထိ သွယ်တန်းမည် ဖြစ်သည်။ ဓာတ်ငွေ့ပိုက်လိုင်း အရှည် ကီလိုမီတာ ၂၈၀၀ ၀န်းကျင် ဖြစ်ပြီး သဘာဝဓာတ်ငွေ့တန်ချိန် တနှစ်လျှင် ကုဗမီတာ ၁၂ ဘီလီယံနှင့် ရေနံစိမ်းစည် ၄၀၀၀၀၀ တင်ပို့နိုင်မည် ဖြစ်သည်။

ဂက်စ်ပိုက်လိုင်း စီမံကိန်းသည် ယခုအခါ ၈၀ ရာခိုင်နှုန်းကျော် ပြီးစီးနေပြီ ဖြစ်၍ ၂၀၁၃ ခုနှစ်တွင် သဘာဝဓာတ်ငွေ့များ ပို့လွှတ်တော့မည်ဖြစ်ပြီး၊ ဂက်စ်ပိုက်လိုင်းနှင့်အတူ ရေနံပိုက်လိုင်း၊ မီးရထားလမ်း၊ မော်တော်ကားလမ်းတို့ ပါဝင်မည်ဖြစ်သည်။
ဂက်စ်ပိုက်လိုင်း စတင်သည့် မဒေးကျွန်းအနီးရှိ ပင်လယ်ပြင်တွင် သန္တာကျောက်တန်း အများအပြားကို CNPC ကုမ္ပဏီမှ မိုင်းခွဲဖျက်စီးခြင်းကြောင့် သန္တာကျောက်တန်းများနှင့် သဘာဝပတ်ဝန်းကျင် ပျက်စီးခဲ့သည့်အပြင် ရေနေသတ္တ၀ါ အများအပြား သေဆုံးသွားပြီး ကျောက်ဖြူဒေသရှိ လမ်းများ အားလုံးနီးပါးမှာ ပျက်စီးနေသည်ဟု ဒေသခံများက ပြောသည်။
ဧရာဝတီ

Read more »

Posted in: ၀၃။ မြန်မာ့ သတင်း

မစ်ဆုံမှ ပြောင်းရွှေ့လာသော ရွာသားများ သောက်သုံးရေ အခက်တွေ့နေ

ချင်းမိုင်(မဇ္စျိမ) ။       ။ မြစ်ဆုံရေကာတာ စီမံကိန်းကြောင့် ပြောင်းရွှေ့လာကြရသည့် အောင်မြင်သာ ရွာသားများ
သောက်သုံးရေ အခက်အခဲနှင့် ကြုံတွေ့နေရကြောင်း သိရှိရသည်။

စက်တင်ဘာလ အတွင်းက မိုးအဆက်မပြတ် ရွာသွန်း၍ ကျိန်ခရန်ချောင်းရေ ကြီးလာကာ ရေပိုက်များ မျောပါသွား
ခြင်းကြောင့် အောင်မြင်သာကျေးရွာမှာ ရက်သတ္တ နှစ်ပတ်ခန့်ကြာ သောက်သုံးရေ ပြဿနာနှင့် ရင်ဆိုင်နေရခြင်း
ဖြစ်သည်။

“ရွာထဲမှာက ရေမရဘူး။ ကျိန်ခရန် ချောင်းကနေ ချက်ရေ ခပ်တယ်။ သောက်ရေက မြစ်ကြီးနားကနေ ဝယ်သုံးနေရ တယ်။ နှစ်ပတ် ကျော်သွားပြီ။ ခု အေးရှားဝေါက ယာယီအနေနဲ့ လုပ်ထားတယ်။ ဒါပေမယ့် မလောက်သေးဘူး” ဟု ကျေးရွာ အုပ်ချုပ်ရေးမှူး ဦးနော်ဂျာ က ပြောသည်။

ကျိန်ခရန်ချောင်းရေ ကြီးလာကာ ရေပိုက်များ မျောပါသွားခြင်းကြောင့် အောင်မြင်သာကျေးရွာမှာ သောက်သုံးရေ ပြဿနာနှင့် ရင်ဆိုင်နေရ (Photo: kdng.org)

အင်္ဂါနေ့က အေးရှားဝေါကုမ္ပဏီက တောင်ကျချောင်းမှ သွယ်ယူ၍ ဆောက်လုပ်ပေးထားသော ယာယီရေလှောင်တမံ မှ ရေရရှိမှုနှင့် သုံးစွဲမည့်ပမာဏ မမျှတ၍ ကျေးရွာ၏ သုံးပုံတပုံ (အိမ်ခြေ ၁ဝဝ) ခန့်သာ ရေရရှိပြီး ထိုရေမှာလည်း မိုးရွာသွန်းမှုကြောင့် နီရဲနေသဖြင့် သောက်သုံး၍ မရသေးကြောင်း “ချောင်းရေကနေ ယာယီ ယူထားတယ်ဆိုတော့
နေသာလာရင်တော့ ရေ ပြန်ခမ်းသွားနိုင်တယ်။ နွေရာသီဆိုရင် အဲဒီချောင်းက ရေမစီးဘူး။ ခု သုံးပုံတပုံလောက်ပဲ
ရေရတယ်။ လောလောဆယ် ယာယီလို သုံးဖို့ လုပ်တာတောင် အဆင်မပြေဘူး။ သူတို့ လုပ်တာက သေသေချာချာ မလုပ်ပေးသေးဘူး” ဟု ၎င်းက ဆိုသည်။

ထို့ကြောင့် ရေမရရှိကြသေးသော အိမ်ခြေ ၂ဝဝ ကျော်မှာ မြစ်ကြီးနားမြို့မှ သောက်ရေသန့်ကို ဗူးလွတ် တဗူးလျှင် ၅ဝဝဝ ကျပ်၊ ရေအတွက် ၉ဝဝ ကျပ် စုစုပေါင်း ၅,၉ဝဝ ကျပ် ပေး၍ ဝယ်ယူနေရသည်ဟု ရွာခံတဦးက ပြောသည်။

ငွေကြေး မတတ်နိုင်သော ရွာသားအချို့ကမူ ရွာမှ တမိုင်ကျော် အကွာအဝေးရှိ ကျိန်ခရန် ချောင်းသို့ သုံးဘီး၊ ဆိုင်ကယ်၊ စက်ဘီးများ ငှားရမ်းပြီး သွားရောက် သယ်ယူ သောက်သုံးနေရသည်ဟု ဆိုသည်။ သုံးရေအတွက်
အောင်မြင်သာကျေးရွာ အလယ်တွင် ချောင်းရေငယ်တွင် အသုံးပြုနေရသည်ဟု ဆိုသည်။

ချောင်းရေကို ကျိုချက်၍ သောက်သုံးနေရသဖြင့် မီးသွေး အခက်အခဲနှင့် အနီးအနားရှိ ထင်းခုတ်သည့် နေရာ အခက်အခဲတို့ ရှိနေကြောင်း ဒေသခံက ပြောသည်။

အောင်မြင်သာကျေးရွာ တည်ဆောက်ရန်အတွက် ကျိန်ခရန်ချောင်း၏ မူလ ရေစီးကြောင်းကို ပိတ်ဆို့၍ ရေလမ်း
ကြောင်း လွှဲထားသည့်နေရာ မခိုင်ခံ့၍ ရေကြီးလာသည့်အခါ တိုက်စားသွားခြင်း ဖြစ်သည်ဟု ဒေသခံများက ပြောဆို ကြသည်။

“ရွာတည်မယ်ဆိုပြီး ရေလမ်းကြောင်းကို လွှဲလိုက်တာ။ နဂိုရှိတဲ့ ရေလွှဲလိုက်တဲ့ ရေကာတာကို အုတ်တံတိုင်းတွေနဲ့ ကာတာ မဟုတ်ဘူး။ ကျောက်ခဲ၊ သဲတွေနဲ့ပဲ ရေလမ်းကြောင်းကို ပိတ်ထားပြီး အပေါ်မှာ စက်တွေနဲ့ ထပ်ဖိထားတာ။ ခု ရေကြီးလာတော့ အဲဒါကို လာတိုက်သလို ဖြစ်သွားပြီး ရွာထဲကို ရေလွှမ်းသွားတယ်။ မြစ်ဆုံမှာ ရေလွှမ်းမှာစိုးလို့
ပြောင်းလာတာ ဒီရောက်တော့ ရေကြီးတာ ခံရတယ်” ဟု မြစ်ဆုံမှ ပြောင်းရွှေ့လာသူ ဒေသခံ တဦးက ပြောသည်။

ချောင်းရေဖြင့် မျောပါသွားသော ရေပိုက်များမှ ယနေ့အထိ ပြန်လည်ပြင်ဆင်မှုမရှိသေးပေ။

ရေအားလျှပ်စစ် မီဂါဝပ် ၆,ဝဝဝ ထုတ်လွှတ်နိုင်မည့် မြစ်ဆုံ ရေကာတာ စီမံကိန်းကို ၂ဝဝ၇ ခုနှစ်မှစ၍ အမှတ် (၁) လျှပ်စစ်ဝန်ကြီး ဌာန၊ တရုတ် လျှပ်စစ်ဓါတ်အား ရင်းနှီးမြှပ်နှံမှု ကော်ပိုရေးရှင်း CPI နှင့် အေးရှားဝေါလ် ကုမ္ပဏီများက တာဝန်ယူကာ ပူးတွဲ တည်ဆောက်ခဲ့ရာ မြန်မာပြည်သူများ ကန့်ကွက်ခဲ့သဖြင့် ယမန်နှစ် စက်တင်ဘာလ ၃ဝ ရက်နေ့မှာ သမ္မတ ဦးသိန်းစိန် က ရပ်ဆိုင်းစေခဲ့ရသည်။

၂ဝဝ၉ ခုနှစ်က မြစ်ဆုံ စီမံကိန်းနှင့် အနီးတဝိုက်ရှိ ကျေးရွာများကို အောင်မြင်သာ ကျေးရွာအဖြစ် ရွာသစ်တည်၍
ပြောင်းရွှေ့နေထိုင်စေခဲ့ရာ သုံးနှစ်ကျော်ကြာခဲ့ပြီ ဖြစ်သော်လည်း ယခုနှစ်တွင်မှ ဤကဲ့သို့ ရေပိုက်များ ကျိုးပြတ်မျော ပါသည်အထိ ရေကြီးမှုနှင့် ကြုံရခြင်းဖြစ်သည်။
မဇ္ဈိမ

Read more »

Posted in: ၀၃။ မြန်မာ့ သတင်း

နိုင်ငံခြားသားတဦးက မြန်မာနိုင်ငံတွင် ပထမဆုံး ရင်းနှီးမြှုပ်နှံမှုဘဏ် ဖွင့်လှစ်

မဇ္ဈိမသတင်းဌာန ။        ။ မြန်မာနိုင်ငံတွင် ရင်းနှီးမြှုပ်နှံမှု ဥပဒေများ ရေးဆွဲနေဆဲသာ ရှိသေးသော်လည်း ကိုလံဘီယာ တက္ကသိုလ်နှင့် အောက်စဖို့ တက္ကသိုလ်များတွင် ပညာဆည်းပူးခဲ့သည့် ဥဇဘက်ကစ္စတန် အမျိုးသား တဦးက ပထမဆုံး ရင်းနှီးမြှုပ်နှံမှုဘဏ် (investment bank) ဖြစ်သည့် Mandalay Capital ကို စတင် တည်ထောင်လိုက်သည်။

ရင်းနှီးမြှုပ်နှံသူ အလီရှား အလီ Alisher Ali သည် မြန်မာနိုင်ငံ၏ ပထမဆုံး ရင်းနှီးမြှုပ်နှံမှုဘဏ်အတွက် ဘဏ္ဍာငွေ
ဒေါ်လာ ၂၅ သန်း ရရှိထားပြီး ဖြစ်သည်။

မြန်မာနိုင်ငံတွင် ရင်းနှီးမြှုပ်နှံရန် နည်းလမ်းရှာဖွေနေကြသည့် နိုင်ငံခြားသား ရင်းနှီး မြှုပ်နှံသူများနှင့် အရင်းအနှီးနှင့် လမ်းညွှန်မှုများ လိုအပ်နေသည့် မြန်မာနိုင်ငံ ဒေသတွင်း ကုမ္ပဏီများ အကြားတွင် Mandalay Capital က ပေါင်းကူး ဆက်သွယ်ပေးမည်ဟု Businessweek.com ဝက်ဘ်ဆိုက် ၏ အင်္ဂါနေ့က ဆောင်းပါး တပုဒ်တွင် Ali က ပြောဆိုခဲ့သည်။

သူသည် ၂ဝဝ၈ ခုနှစ်တွင် မွန်ဂိုလီးယား နိုင်ငံ အူလန်ဗတော မြို့၌ ရင်းနှီးမြှုပ်နှံမှုဘဏ် တခုဖြစ်သည့် Eurasia Capital ကို တည်ထောင်ခဲ့သူ ဖြစ်ပြီး ထိုဒေသတွင် စီးပွါးဘက် ဖောက်သည်များကို ဆွဲဆောင်နိုင်ခဲ့ကာ ဆုတံဆိပ်များ ရရှိခဲ့သည့်Eurasia Capital ၏ ပုံစံအတိုင်း Mandalay Capital ကို ဆောင်ရွက်မည်ဟု သူက ဆိုသည်။


Mandalay Capital ၏ ဝန်ထမ်းငါးဦး အနေဖြင့် အလုပ်များကို ရုံးမှ လုပ်ကိုင်နေခြင်း မဟုတ်ဘဲ ဘန်ဂလို တလုံးမှနေ၍ လုပ်ကိုင်နေသည်ဟု ဆောင်းပါးထဲတွင် ရေးသား ဖော်ပြထားသည်။

ရန်ကုန်တွင် ရုံးခန်းနေရာ စုစုပေါင်း အဖြစ် ၆၃,ဝဝဝ စတုရန်းမီတာ (၆၇၈,၁၂၆ စတုရန်းပေ) ခန့်သာ ရရှိနိုင်ပြီး ထိုပမာဏသည် ထိုင်းနိုင်ငံ၊ ဘန်ကောက်မြို့ရှိ Empire Tower မိုးပျံတိုက် တတိုက်တည်းတွင် ရရှိနိုင်သည့် စုစုပေါင်း ရုံးခန်း ဧရိယာထက်ပင် တဝက်ခန့် လျော့နည်းနေသည်ဟု အိမ်ခြံမြေ ကုမ္ပဏီ Colliers International ၏ အဆိုအရ သိရသည်။ ထိုကဲ့သို့ နေရာမလုံလောက်သည့်အပြင် လိုအပ်သော ရုံးခန်းအရေအတွက် မြင့်မားလာခြင်းက တိုက်ခန်း
ဈေးနှုန်းများကို မြင့်တက်စေခဲ့သည်။

အနောက်နိုင်ငံမှ စီးပွါးရေး လုပ်ငန်းများသည် မြန်မာနိုင်ငံသို့ ပြောင်းရွှေ့ရန် ပြင်ဆင်နေကြသဖြင့် ရန်ကုန်တွင်
ဈေးနှုန်းများ မြင့်တက်နေသည်။ မြန်မာနိုင်ငံတွင် လူဦးရေ သန်း ၆ဝ နီးပါးခန့် ရှိနေပြီး အလုပ်သမားများအတွက် ပျမ်းမျှလစာမှာ တလလျှင် အမေရိကန် ဒေါ်လာ ၁၅ဝ ထက် လျော့နည်းသဖြင့် ကမ္ဘာပေါ်တွင် ရင်းနှီးမြှုပ်နှံသူများ အတွက် အခွင့်အလမ်းများစွာ ကျန်ရှိနေသေးသည့် နောက်ဆုံးနယ်မြေများထဲမှ တခုအဖြစ် မြန်မာနိုင်ငံအား ရှုမြင်နေကြသည်။

မဇ္ဈိမ

Read more »

Posted in: ၀၃။ မြန်မာ့ သတင်း

ဆိုးသွမ်းပရိသတ်ကြောင့် ဆူဇူကီးဖလား ပြိုင်ပွဲတွင် လုံခြုံရေး ပိုမိုတင်းကြပ်မည်

ရန်ကုန် (မဇ္ဈိမ) ။      ။ မြန်မာနိုင်ငံက အိမ်ရှင်အဖြစ် လက်ခံကျင်းပခဲ့သော AFC U-22 ချန်ပီယံရှစ် ဘောလုံးပွဲတွင် ပရိသတ်အချို့၏ ဆိုးသွမ်းသည့် အားပေးမှုကြောင့် ဒဏ်ငွေဆောင်ခဲ့ရသော မြန်မာ ဘောလုံးအဖွဲ့ချုပ် အနေဖြင့် လာမည့် ဆူဇူကီးဖလားပြိုင်ပွဲတွင် လုံခြုံရေးများ ပို၍ တင်းကြပ်သွားမည် ဟုဆိုသည်။

ဇွန်လ ၂၃ ရက်နေ့မှ ဇူလိုင်လ ၃ ရက်နေ့အထိ ကျင်းပခဲ့သော U-22 ပွဲစဉ်များတွင် မီးရှူးမီးပန်းများ ထွန်းညှိအားပေး သည့် ပရိသတ်များနှင့် ကြုံတွေ့ခဲ့ရပြီး ဒေါ်လာ ၂၈,ဝဝဝ ဒဏ်ရိုက်ခံခဲ့ရသည်။

လာမည့် ဆူဇူကီးဖလားပြိုင်ပွဲတွင် မီးရှူးမီးပန်းများကို ကွင်းအတွင်း ယူဆောင်လာခြင်း မရှိစေရန် အဓိက စစ်ဆေး သွားမည်ဖြစ်ပြီး ရဲလုံခြုံရေးအင်အားကို U-22 ပွဲစဉ်ကထက် ပိုမိုချထားရန် ဘောလုံးအဖွဲ့ချုပ်က စီစဉ်နေသည်။

“U-22 ပွဲစဉ်တုန်းက လုံခြုံရေးယူတဲ့ ရဲအရာရှိတွေကတော့ အမျိုးသမီးတွေ၊ ကားတွေမှာ မီးရှူးမီးပန်းတွေ ပါလာတယ် လို့ ပြောကြပြီး လာမယ့် ဆူဇူကီးဖလား ခြေစစ်ပွဲမှာ အမျိုးသမီးတွေရော ကားတွေကိုပါ သေသေချာချာ စစ်ဆေးမှာ
ဖြစ်ပါတယ်။ ရဲအင်အား ဘယ်လောက်သုံးမယ်ဆိုတာ အတိအကျ ပြောလို့မရ ပေမယ့် U-22 ပွဲစဉ်တုန်းက သုံးခဲ့တဲ့ ရဲအင်အား ၁,၄၀၀ ထက်တော့ ပိုမှာ သေချာပါတယ်” ဟု ဘောလုံးအဖွဲ့ချုပ်၊ လုံခြုံရေးဌာနမှ ဒါရိုက်တာ ဦးအေးချို က မဇ္ဈိမကို ပြောသည်။
“ပညာပေး ဆိုင်းဘုတ်တွေ စိုက်ထူပြီး ပရိသတ်တွေကို အသိပေးသွားမှာပါ။ ပရိသတ်အများကြီးထဲက အနည်းငယ် ကပဲ အဲဒီလိုလုပ်နေကြတာဆိုတော့ အဲဒီလူအနည်းငယ်ကပဲ ပြုပြင်စေချင်တယ်” ဟု ဘောလုံးအဖွဲ့ချုပ်မှ တာဝန်ရှိသူ တဦးက ဆိုသည်။

ဆူဇူကီးဖလား ခြေစစ်ပွဲကို ရန်ကုန်မြို့၊ သုဝဏ္ဏကွင်း၌ အောက်တိုဘာလ ၅ ရက်နေ့မှ စတင် ကျင်းပသွားမည်ဖြစ်ပြီး ပရိသတ်များ အဝင်အထွက် လွယ်ကူစေရန် ကွင်းဝင်ပေါက်များကိုလည်း တိုးချဲ့ဖွင့်လှစ်ပေးသွားမည် ဖြစ်သည်
။

သုဝဏ္ဏကွင်းတွင် ဂိတ်ပေါက်ကြီး ရှစ်ပေါက် ရှိပြီး ဂိတ်ပေါက် ၁ နှင့် ၃ မှ လွဲ၍ ကျန်သည့် ဂိတ်ပေါက်အားလုံးကို ဖွင့်ထားပေးမည်ဖြစ်ကြောင်း ကွင်းရုံတာဝန်ခံ ဦးဇော်လင်း က မဇ္ဈိမကို ပြောသည်။

“ဂိတ် ၂ တခုတည်းမှာတင် ဝင်ပေါက် ၁၆ ခု ရှိတယ်။ MNL ပွဲတွေတုန်းက ၄ ပေါက်ပဲ ဖွင့်ပေးခဲ့ပေမယ့် ဆူဇူကီးပွဲမှာ
တော့ ၁၆ ပေါက်လုံး ဖွင့်မယ်။ အားလုံးပေါင်း ဝင်ပေါက် ၃၂ ခုလောက် အသုံးပြုသွားမှာ ဖြစ်ပြီး ဝင်ပေါက်တခုကနေ တမိနစ်ကို လူ ငါးယောက်လောက် ဝင်လို့ရတယ်” ဟု ဆိုသည်။

လက်ရှိတွင် ဂိတ် ၄ ကို VIP ဝင်ပေါက်အဖြစ် အသုံးပြုလျက်ရှိပြီး ဂိတ် ၅ ကိုမူ မီဒီယာများနှင့် လုံခြုံရေး တာဝန်ရှိ သူများဝင်ရန် သတ်မှတ်ထားသည်။
မဇ္ဈိမ

Read more »

Posted in: အားကစားသတင်း

ခြောက်နိုင်ငံ သံဃာများ ဘင်္ဂလားဒေ့ရှ် ဝန်ကြီးချုပ်ထံ အိတ်ဖွင့် ပေးစာကမ်း

စံခလပူရီ (မဇ္ဈိမ) ။      ။ ဗုဒ္ဓဘာသာ ဘုန်းကြီးကျောင်းများနှင့် ရဟန်းတော်များ၏ လုံခြုံရေး အာမခံချက် ပေးရန် အတွက် ဘန်ကောက်မြို့ရှိ ဘင်္ဂလားဒေ့ရှ် သံရုံးရှေ့တွင် မြန်မာ၊ ဘင်္ဂလားဒေ့ရှ် အပါအဝင် နိုင်ငံအချို့မှ သံဃာ အပါး ၁ဝဝ နီးပါးခန့် အောက်တိုဘာ ၂ ရက်နေ့ နံနက်က စုစည်း ဆန္ဒပြ၍ ဘင်္ဂလားဒေ့ရှ် အစိုးရထံ အိတ်ဖွင့်ပေးစာ တစောင် ပေးအပ်ခဲ့ကြသည်။

“ဘင်္ဂလားဒေ့ရှ်၊ မြန်မာနဲ့ အခြားနိုင်ငံတွေက ဗုဒ္ဓဘာသာ ရဟန်းတော်တွေ ပါတယ်။ ခြောက်နိုင်ငံလောက် ရှိမယ်၊ သံရုံးရှေ့မှာ ဆန္ဒပြခဲ့ပါတယ်။ သံရုံးထဲကတော့ ထွက်ပြီး တစုံတရာ တုန့်ပြန်တာ မရှိဘူး။ ဝန်ထမ်းတဦး ထွက်လာ တယ်၊ ဘုန်းဘုန်းတို့က အိတ်ဖွင့်ပေးစာကို ပေးလိုက်ပြီး ဒီစာကို ဝန်ကြီးချုပ်ဆီ ပို့ပေးဖို့ မေတ္တာရပ်ခံခဲ့တယ်” ဟု ဦးဆောင်ဆန္ဒပြသူ ဘင်္ဂလားဒေ့ရ်ှနိုင်ငံမှ အရှင်အာနန္ဒာ က မဇ္ဈိမအား မိန့်ကြားသည်။

စက်တင်ဘာလ ၂၉ ရက်နေ့ သန်းခေါင် အချိန်ခန့်၌ ဘင်္ဂလားဒေ့ရ်ှနိုင်ငံ၊ ကော့ဘဇားခရိုင်၊ ပင်းဝါရွာကြီး (ခေါ်) ရာမူး Ramu ဒေသရှိ ဘုန်းကြီးကျောင်းများနှင့် စေတီများအား လူအုပ်ကြီးမှ စတင်တိုက်ခိုက်ဖျက်ဆီး၍ မီးရှို့ခဲ့ကြသည်။
ကော့ဘဇားခရိုင်နှင့် စစ်တကောင်းနယ်အတွင်းရှိ ဘုန်းကြီးကျောင်း ၁၉ ကျောင်း၊ သိမ် ၃ လုံးခန့်နှင့် လူနေအိမ်ခြေ
နှစ်ဆယ် ဝန်းကျင်ခန့် ပျက်စီးဆုံးရှူံးခဲ့ရသည်ဟု အရှင်အာနန္ဒာ က မိန့်ဆိုသည်။

“ဒီလို ဘင်္ဂလားဒေ့ရ်ှမှာ ရှိတဲ့ ဗုဒ္ဓဘာသာ ဝင်တွေကို အကြမ်းဖက် ပြုမူလာတဲ့အပေါ်မှာ UN (ကုလ)ရဲ့ သတိရှိရှိ ပြုမူ ဆက်ဆံဖို့ ဘုန်းဘုန်းတို့ လိုချင်ပါတယ်။ ဘင်္ဂလားဒေ့ရှ် အစိုးရကို ဗုဒ္ဓဘာသာဝင် ရဟန်းတော်တွေ၊ ပြည်သူတွေနဲ့၊ သာသနိက အဆောက်အအုံတွေ အပေါ်မှာ လုံခြုံရေး အာမခံပေးဖို့ လုပ်ဆောင်သွားမှာပါ” ဟု ဆက်လက်မိန့်ဆို သည်။

အစ္စလာမ် ဘာသာဝင်တို့၏ အထွတ်အမြတ်ထားရာ ကိုရမ် ကျမ်းစာအုပ်အား
မဖွယ်မရာ စော်ကားထားသည့်ပုံ
ဖေ့စ်ဘွတ် စာမျက်နှာများပေါ်တွင် ပျံ့နှံ့လာပြီးနောက် ထိုပုံကို ဗုဒ္ဓဘာသာဝင် လူငယ်တဦးက တင်သည်ဟု စွပ်စွဲကာ ဒေါသထွက်၍ စုဝေးကြရာမှ ယခုကဲ့သို့ ဗုဒ္ဓဘာသာ အဆောက်အဦများအပေါ် အကြမ်းဖက်တုန့်ပြန်
ကြသည်အထိ ဖြစ်ပွားခဲ့ခြင်း ဖြစ်သည်။

စက်တင်ဘာလ ၃ဝ နှင့် ၃၁ နေ့များ၌ ဘန်ကောက်ရှိ ရဟန်းတော်များ စုပေါင်း၍ အစည်းအဝေးတခု ပြုလုပ်ခဲ့ကာ ထိုသို့ဆန္ဒပြရန် ဆုံးဖြတ်ချက် ချခဲ့သည်ဟုလည်း ဘန်ကောက် ခရိုင်၊ ဗန်းခင်ရှိ ဝါဒ်တလောင် ကျောင်း၌ သီတင်း သုံးနေသည့် မြန်မာ ရဟန်းတော် အရှင်ရေဝတ က မိန့်ကြားသည်။

“ဦးဇင်းကတော့ ဆန္ဒပြတဲ့ ထဲတော့ မပါသွားဘူး။ ဒီလို အကြမ်းဖက်တာကာတော့ ဗုဒ္ဓဘာသာဝင်မှ မဟုတ်ပါဘူး၊ ဘယ်ဘာသာကမှ လက်မခံပါဘူး။ အထူးအနေနဲ့ ဘင်္ဂလားဒေ့ရ်ှမှာက ဗုဒ္ဓဘာသာဝင် တွေက လူနည်းစုလေ။ ဘာသာရေးကို အကြောင်းပြပြီး ဒီလို အကြမ်းဖက် ပြုမူတာက ဒါက မလုပ်သင့်တဲ့ကိစ္စပါ” ဟု မဇ္ဈိမအား မိန့်ဆိုသည်။

ဗုဒ္ဓဟူးနေ့တွင်လည်း ဘန်ကောက်ရှိ ကုလသမဂ္ဂ ရုံးရှေ့သို့ သွားရောက် ဆန္ဒပြရန် စီစဉ်ထားပြီး EU ရုံးနှင့် တရုတ်၊ ဂျပန်၊ ဆွစ်ဇာလန် သံရုံး များအား အိတ်ဖွင့် ပေးစာ ပေးပို့သွားမည်ဟုလည်း သိရှိရသည်။

ကော့ဘဇားခရိုင်ရှိ ဗုဒ္ဓဘာသာဝင်များမှာ သက်၊ ဒိုင်းနက်၊ မျို၊ ခမီ၊ ဘရုဝါ (မာရမာကြီး) နှင့် ရခိုင်လူမျိုးများ ပါဝင်ပြီး လူဦးရေအားဖြင့် သုံးသိန်းခန့် ရှိသည်။

တနင်္ဂနွေနေ့ အကြမ်းဖက်မှုနှင့်ပတ်သက်၍ ဒေသခံ ရဲစခန်းများတွင် လူပေါင်း ၁၇ဝ ကျော် ဖမ်းဆီး ထိန်းသိမ်းထားပြီး လုံခြုံရေးတပ်များ၏ ပတ်ခတ်ဟန့်တားမှုကြောင့် ခြောက်ဦး သေဆုံးကာ ၁၃ ဦးခန့် ဒဏ်ရာ ရရှိခဲ့သည်။

ကော့ဘဇားခရိုင်၊ ရာမူး၊ အူခီးယားနှင့် တက်ခ်နက်ဖ် ဒေသများတွင် တနင်္ဂနွေနေ့ နံနက်က ပုဒ်မ ၁၄၄ ထုတ်ပြန်ခဲ့ရ
သော်လည်း ရာမူးဒေသတွင် အင်္ဂါနေ့က ရုတ်သိမ်းပေးခဲ့သည်။

ထိုအကြမ်းဖက်မှုမှာ ရိုဟင်ဂျာများနှင့် ဆက်စပ်နေပြီး အတိုက်အခံ ဘင်္ဂလားဒေ့ရှ် အမျိုးသားရေးပါတီ BNP ၏ ဥပဒေပြုအမတ်လည်း အားပေးအားမြှောက် ပြုသည့်အထဲတွင် ပါဝင်သည်ဟု ပြည်ထဲရေးဝန်ကြီးက စွပ်စွဲပြောဆို ထားသော်လည်း BNP ပါတီက “အခြေအမြစ်မရှိ” ဟု ငြင်းဆိုထားကာ တရားမျှတသော စုံစမ်းရေးကော်မရှင် ဖွဲ့ရန် တောင်းဆိုထားသည်။

ထိုအကြမ်းဖက်မှုနှင့်ပတ်သက်၍ အင်္ဂါနေ့တွင် ဒက္ကာတက္ကသိုလ်ရှိ ရာမူး ကျောင်းသားများဖိုရမ်မှ ကျောင်းသား ၃ဝဝ ခန့်က လက်ချင်းဆက် ဆန္ဒပြပွဲတခု ပြုလုပ်ခဲ့ကြပြီး ရာမူး အကြမ်းဖက်မှု တရားခံအစစ်များ ဖော်ထုတ်အရေးယူပေး ရန် တောင်းဆိုခဲ့ကြသလို Bangladesh Chhatra League မှလည်း တက္ကသိုလ်ပရဝုဏ်အတွင်း စီတန်းလှည့်လည် ကာ ထိုတောင်းဆိုချက်များအတိုင်း ဆန္ဒပြခဲ့ကြသည်။

မဇ္ဈိမ

Read more »

Posted in: ၀၂။ နိုင်ငံတကာသတင်း

တောင်ကိုရီးယား လုပ်ငန်းရှင်များ၏ ကိုယ်ထိလက်ရောက်မှု တိုင်ကြားမည်

တောင်ကိုရီးယား ပညာရှင်၏ ကိုယ်ထိလက်ရောက် ကျူးလွန်မှု ခံခဲ့ရသည့် အထည်ချုပ် အလုပ်သမ နှစ်ဦး (ဓာတ်ပုံ – ကြယ်ပြာ / ဧရာဝတီ)

မြန်မာနိုင်ငံတွင် အထည်ချုပ်လုပ်ငန်း ရင်းနှီးမြှုပ်နှံကြသည့် တောင်ကိုရီးယား လုပ်ငန်းရှင်တချို့က မြန်မာအမျိုးသမီး အလုပ်သမား များအပေါ် လုပ်ငန်းခွင်တွင်း ကိုယ်ထိလက်ရော်စော်ကားမှု များပြားလာသည့်အတွက် မြန်မာနိုင်ငံဆိုင်ရာ ကိုရီးယားသံရုံးနှင့် ကိုရီးယားနိုင်ငံသို့ အသိပေး တိုင်ကြားစာများ တရားဝင် ပေးပို့မည်ဖြစ်ကြောင်း မြန်မာနိုင်ငံလုံးဆိုင်ရာ အလုပ်သမားသမဂ္ဂ အဖွဲ့ချုပ်မှ အလုပ်အမှုဆောင် ဦးအေးချိုက ပြောသည်။
ရန်ကုန် စက်မှုဇုန်များရှိ အထည်ချုပ်စက်ရုံများတွင် တောင်ကိုရီးယား အလုပ်ရှင်တချို့က မြန်မာအမျိုးသမီး အလုပ်သမားများ အပေါ် ကိုယ်ထိလက်ရောက် ကျူးလွန်များနှင့် လိင်ပိုင်းဆိုင်ရာ စော်ကားမှုများ ရှိနေသဖြင့် ပြစ်မှုကျူးလွန်သူများ၏ အမည်၊စက်ရုံ အမည်နှင့် ပြဿနာ ဖြစ်ရသည့် အကြောင်းရင်းများအား အသေးစိတ် ဖော်ပြ၍ ကိုရီးယား သံရုံးနှင့် ကိုရီးယားနိုင်ငံရှိ ကိုရီးယား အလုပ်သမားများ သမဂ္ဂ အဖွဲ့ချုပ်ထံသို့ ပေးပို့သွားမည်ဟု သူက ဆိုသည်။

“ဒီလိုကျူးလွန်သူတွေကို ကျနော်တို့ နိုင်ငံမှာ လုံးဝ အလုပ်ပြန်လာလုပ်ခွင့် မရှိအောင် အထိကို သူတို့ဘက်က အဖွဲ့တွေနဲ့ ညှိသွားမယ်။ အလုပ်သမားတွေ ဘက်ကလည်း မကျေနပ်လို့ တရားပြန်စွဲချင်တယ် ဆိုရင် ကျနော်တို့ အဖွဲ့က ရှေ့နေတွေက အခမဲ့ ကူညီပေးသွားမှာပါ” ဟု ဦးအေးချိုက ပြောသည်။
ပြီးခဲ့သည်စက်တင်ဘာ ၂၈ ရက်နေ့က ရန်ကုန် လှိုင်သာယာမြို့နယ်တွင် ရှိသည့် The Myth Appalel Myanmar အထည်ချုပ် စက်ရုံရှိ အလုပ်သမ မစမ်းသူဇာနှင့် ရင်သားကင်ဆာ ဝေဒနာ ခံစားနေရသူ တခြား အလုပ်သမ တဦးအား တောင်ကိုရီးယား လူမျိုး ပညာရှင်က ကိုယ်ထိလက်ရောက် ရိုက်နှက်ရာမှ ရင်သား ကင်ဆာ ဝေဒနာ ခံစားနေရသည့် အမျိုးသမီးမှာ အတွင်းဒဏ်ရာ ရသွားခဲ့ပြီး မစမ်းသူဇာမှာ ခြေချောင်း တချို့ ကျိုးကျေသွားခဲ့ကြောင်း သိရသည်။
“စက်ရုံထဲကနေ အလုပ်သမားရုံးကို သွားမယ်ဆိုရင် အလုပ်ထွက်စာ ရေးရမယ်ဆိုပြီးတော့ အတင်းအကျပ် ရေးခိုင်းတယ်၊ မရေးလို့ ဆိုပြီးတော့ စာရွက်တွေကို ကိုင်ပေါက်ပြီး ဆဲတယ်၊ စော်ကားမော်ကားလည်း ပြောပါတယ်” ဟု မစမ်းသူဇာအောင်က ပြောသည်။
တောင်ကိုရီးယားပညာရှင်၏ လုပ်ရပ်အပေါ် မကျေနပ်သည့် ကာယကံရှင် အမျိုးသမီးနှစ်ဦးနှင့် လုပ်ဖော်ကိုင်ဘက် ၀န်ထမ်း ၃၂ ဦးတို့က လှိုင်သာယာမြို့နယ် အလုပ်သမားညွှန်ကြားမှု ဦးစီးဌာနသို့ သွားရောက် တိုင်ကြားခဲ့သည့် အတွက် စက်တင်ဘာ ၃၀ ရက်နေ့ မနက် ၁၁ နာရီတွင် အလုပ်သမားရုံး၌ အလုပ်သမားညွှန်ကြားမှု ဦးစီးဌာနမှ ဦးစီးအရာရှိနှင့် ကုမ္ပဏီ ဘက်မှ အထွေထွေ မန်နေဂျာတို့ ညှိနှိုင်း ခဲ့ကြကြောင်း၊ ညှိနှိုင်းမှု အပြီးတွင် မစမ်းသူဇာအောင်ကို ကျပ် ၇ သိန်း၊ အတွင်းဒဏ်ရာ ရသွားသော မသူဇာနွယ်အား ကျပ် ၅ သိန်းပေးလျော်ပြီး စာချုပ် ချုပ်ဆိုကာ ကျေအေးလိုက်ကြသည်။
သို့သော် ယင်း အလုပ်သမားများမှာ အလုပ်ဆက်လက် လုပ်ဆောင်လိုခြင်း မရှိတော့ကြောင်း ပြောဆို၍ ၀န်ထမ်း ၃၄ ဦးစလုံး အလုပ်မှ နုတ်ထွက်သွားကြောင်း၊ ၎င်းအလုပ်သမားများမှာ အလုပ်သမားရုံးသို့ သွားရောက် တိုင်ကြားခဲ့သည့် အတွက် အလုပ်ရှင်က အလုပ်ထွက်ရန် ဖိအားပေးခြင်း ခံခဲ့ရကြောင်း သိရှိရသည်။
အထည်ချုပ် စက်ရုံများတွင် အလုပ်လုပ်ကိုင်နေသည့် အမျိုးသမီးအများစုမှာ လိင်ပိုင်းဆိုင်ရာ အနှောင့်အယှက် ပြုခြင်း ခံနေရသော်လည်း ယင်း ကိစ္စများနှင့် ပတ်သက်၍ ပိုင်ရှင်များအား တိုင်းကြားသည့်အခါ တစုံတရာ အရေးယူပေးခြင်း မရှိကြောင်း၊ ရဲစခန်းများကလည်း အလုပ်ရှင်များနှင့်ပေါင်း၍ အမှုဖွင့်ပေးခြင်း မရှိကြောင်း The Myth Appalel Myanmar အထည်ချုပ်စက်ရုံက ၀န်ထမ်းများက ပြောသည်။
ရန်ကုန်တိုင်း ဒေသကြီး အလုပ်သမားညွှန်ကြားမှု ဦးစီးဌာနမှ တာဝန်ရှိသူ တဦးက ယခုကဲ့သို့ ကိုယ်ထိလက်ရောက် ကျူးလွန်မှုများသည် အလုပ်ရှင် အလုပ်သမား ပြဿနာအဆင့်ထက် ကျော်လွန်နေသောကြောင့် ရဲစခန်းတိုင်သင့်သည့် အခြေအနေ များသာဖြစ်ကြောင်း၊ အလုပ်သမား ၀န်ကြီးဌာနအနေဖြင့် ညှိနှိုင်းဖျန်ဖြေ ပေးရုံမှလွဲ၍ မည်သို့မှ လုပ်ဆောင် ပေးနိုင်စွမ်း မရှိသေးကြောင်း ဆိုသည်။
“အလုပ်သမား ၀န်ကြီးဌာနအနေနဲ့ ပြဿနာကို ဖြေရှင်း ပေးချင်ယောင်ဆောင်ပြီးတော့ စာချုပ်တွေနဲ့ ကျေအေး ခိုင်းနေတာက ဥပဒေကို ချိုးဖောက်နေတာပဲ။ ကိုယ့်လူမျိုးတွေ ကိုယ်၌က ကိုယ့်ဘက်မပါတော့ ဒီကိစ္စတွေက နောက်လည်း ဆက်ဖြစ် နေဦးမှာပဲ” ဟု စီးပွားရေး ဥပဒေ လမ်းညွှန်ပညာရှင် တဦးဖြစ်သည့် ဦးတင်သန်းဦးက ပြောသည်။
ကိုရီးယား အလုပ်ရှင်များသာမက တခြားလူမျိုး လုပ်ငန်းရှင်များက အလုပ်သမားများအပေါ် အနိုင်ကျင့်ခြင်းများ ရှိနေသော်လည်း ယခုနှစ်ပိုင်းအတွင်း ကိုရီးယားအလုပ်ရှင်နှင့် မြန်မာအလုပ်သမား ပြဿနာများ ပိုများလာသည့်အတွက် ပထမဆုံး နမူနာအနေဖြင့် ကိုရီးယား အလုပ်ရှင်များကို တိုင်ကြားသွားမည် ဖြစ်ကြောင်း  မြန်မာနိုင်ငံလုံးဆိုင်ရာ အလုပ်သမားသမဂ္ဂ အဖွဲ့ချုပ်မှ သိရသည်။
ပြဿနာဖြစ်နေသော တောင်ကိုရီးယားလုပ်ငန်းရှင်နှင့် ပညာရှင် များအား အရေးယူဆောင်ရွက်ခြင်း ရှိ၊ မရှိ ရန်ကုန် အခြေစိုက် တောင်ကိုရီးယား သံရုံးမှ တာဝန်ရှိသူအား ဆက်သွယ် မေးမြန်းသော်လည်း ဖြေကြားပေးရန် ငြင်းဆိုခဲ့သည်။
တိုင်ကြားမှုများအပေါ် အရေးယူရာတွင် ပြဿနာဖြစ်သည့် စက်ရုံအား တောင်ကိုရီးယား အလုပ်သမားများ သမဂ္ဂ အဖွဲ့ချုပ်မှနေ၍ တရားဝင် သတိပေးစာ ပို့ခြင်းမှ စ၍ နိုင်ငံတကာက ယင်းစက်ရုံထုတ် ပစ္စည်းများအား လက်သင့် မခံတော့သည် အထိ အရေးယူခြင်းများ လုပ်ဆောင်နိုင်ကြောင်း သိရသည်။
ဧရာဝတီ

Read more »

Posted in: ၀၃။ မြန်မာ့ သတင်း

ထားဝယ် သဲတူးဖော်ရေး ဒေသခံများ စိုးရိမ်နေ

စင်ကာပူနိုင်ငံတွင် တည်ဆောက်လက်စ SEMAKAU မြေဖြည့်ကျွန်းတု ပေါ်မှ စင်ကာပူမြို့သို့ လှမ်းမြင်ရစဉ် (ဓာတ်ပုံ – အေးချမ်းမြေ့ / ဧရာဝတီ)

တနင်္သာရီတိုင်း ထားဝယ် ရေပိုင်နက်အတွင်း သင်္ဘောကြီးများဖြင့် သဲတူးဖော်ရေး လုပ်ငန်းများ ပြုလုပ်နေသောကြောင့် ကမ်းနားတွင် နေထိုင်လျက်ရှိသော ကျေးရွာများ ဘေးအန္တရာယ်နှင့် ရင်ဆိုင်ရမည်ကို စိုးရိမ်နေကြသည်။
စင်ကာပူနိုင်ငံမှ အေးရှား ပစိဖိတ် ကုမ္ပဏီနှင့် မြန်မာနိုင်ငံရှိ ကျော်ကျော်ဖြိုး ကုမ္ပဏီတို့ ပူးပေါင်း စီစဉ်သည့် သဲတူးသင်္ဘောကြီး ၈ စီးခန့် ထားဝယ်မြစ်ဝတွင် စက်တင်ဘာလဆန်းပိုင်းမှ စတင် ရောက်ရှိနေကြောင်း ထားဝယ်မြို့နယ် အခြေစိုက် ၈၈ မျိုးဆက် ကျောင်းသား ခေါင်းဆောင်တဦး ဖြစ်သည့် ကိုကျော်ကျော်သက်က ဧရာဝတီသို့ ပြောသည်။

ယခုလ ၂၆ ရက်နေ့တွင် သဘာဝ ဘေးအန္တရာယ်နှင့် ရင်ဆိုင်နေရသည့် ကျေးရွာ ဒေသခံများက လက်မှတ်ရေးထိုး၍ နေပြည်တော်ရှိ သမ္မတ ဦးသိန်းစိန်နှင့် တနင်္သရီတိုင်း ဒေသကြီး အစိုးရ အပါအ၀င် သက်ဆိုင်ရာ အစိုးရ တာဝန်ရှိသူများထံ ကန့်ကွက်စာ ပေးပို့ ထားကြောင်း ၎င်းက ဆိုသည်။
ယင်း သဲတူးဖော်ရေး လုပ်ငန်းများနှင့် ပတ်သက်၍ လုပ်ဆောင်နေသည့် ကုမ္ပဏီများက ရေကြောင်း ဦးစီးဌာနနှင့် သတ္တုတွင်း ဦးစီးဌာန အပါအ၀င် ဆိပ်ကမ်း အဏာပိုင်များ၏ ခွင့်ပြုချက် ရရှိထားသည်ဟု တနင်္သာရီတိုင်း ဒေသကြီး အစိုးရထံ တင်ပြသည့် စာအရ သိရကြောင်း ကိုကျော်ကျော်သက်က ဆက်ပြောသည်။
“စက်အကြီးတွေနဲ့ သူတို့ လာတူးတဲ့ အချိန်မှာ ရှေးဟောင်း အမွေ အနှစ်တွေလည်း ပါသွားနိုင်တယ်၊ ကမ်းပါးတွေလည်း ပြိုနိုင် တယ်၊ ရေအောက်နေ သတ္တ၀ါတွေလည်း ပျက်စီးသွားနိုင်တယ်” ဟု ၎င်းက ဆိုသည်။
ယင်း သဲတူးဖော်ရေး လုပ်ငန်းများကြောင့် ဆင်ဖြူပြင်၊ တီတွတ်ပြင်၊ အိမ်ရှေ့ပြင် စသည် ကျေးရွာတို့တွင် ကမ်းပါးပြိုမှုနှင့် ရေ အောက်နေ သတ္တ၀ါများ ပျက်ဆီးမှုတို့ ကြုံတွေ့နေရကြောင်း သိရသည်။
မြစ်ကမ်းနားအနီးရှိ ကျေးရွာဒေသခံများသည် ငါးဖမ်းလုပ်ငန်းဖြင့် အသက်မွေးကြသူများဖြစ်ပြီး လတ်တလော ကမ်းပါးပြိုသည့်  အခြေအနေ များကြောင့် သဘာဝဘေး အန္တရာယ်နှင့် ရင်ဆိုင်ရလာနိုင်သည်ဟု ယူဆပြီး ဒေသခံများက စိုးရိမ်နေကြခြင်း ဖြစ်သည်။
ထားဝယ်မြစ်ဝတွင် သဘာဝ ပတ်ဝန်းကျင် ပျက်စီးမှု မရှိစေရေးနှင့် လုံလောက်သော ကြိုတင် လေ့လာ ဆန်းစစ်ခြင်း မရှိဘဲ ဒေသခံများ၏ လူမှုစီးပွားရေး ထိခိုက်စေနိုင်သည့် မြစ်သဲများ ထုတ်ယူမည့် လုပ်ငန်းအား တားမြစ် ရပ်ဆိုင်းပေးရန် တင်ပြကြောင်း အစိုးရ တာဝန်ရှိသူများထံ ပေးပို့သည့် စာတွင် ပါရှိသည်။
ကိုကျော်ကျော်သက်က “ဒီသင်္ဘာကြီးတွေက တနင်္သာရီ ကမ်းရိုးတန်တလျှောက် ကော့သောင်း၊ မြိတ်၊ ထားဝယ် ဒေသတွေမှာ လိုက်တူးနေတာ၊ ကော့သောင်းကနေ ကန့်ကွက်လို့ မတူးတော့ဘူး။ မြိတ်ကလည်း ကန့်ကွက်လို့ မတူးတော့ဘူး။ အခုဟာက ကျနော်တို့ ထားဝယ်မြစ်ထဲကို ကျွံပြီးတော့ ၀င်လာတာပါ” ဟု ရှင်းပြသည်။
ပြီးခဲ့သည့် ၂၀၁၁ ခုနှစ် စက်တင်ဘာလကလည်း ကော့သောင်း ရေပိုက်နက်တွင် သဲတူးဖော်ရေး လုပ်ငန်းများကြောင့် ရေအောက် ချိုင့်ဝှမ်းအတွင်းသို့ အစားထိုးနွံများ၊ သဲများ စီဆင်းသဖြင့် ခရုကျွန်း (ခေါ်) ရွာသာရွာ၊ သီရိမြိုင် ရပ်ကွက်၊ ဘုရင့်နောင် ရပ်ကွက်၊ ပုလိုတုံတုံးကျေးရွာ၊ ဆလုံကျွန်း၊ ရွှေပြည်စိုး ကျေးရွာစသည့် ကျေးရွာများတွင် ကမ်းပါးပြိုမှု၊ သဲသောင် ပျက်စီးမှုများ ဆိုးဆိုးရွားရွား ကြုံတွေ့ခဲ့ရသေးသည်။
စင်ကာပူနိုင်ငံသည် ၎င်းပိုင် ရေပိုင်နက်အတွင်း မြေဖြည့်ကျွန်းတု (Land fill) တည်ဆောက်လျှက် ရှိရာ သဲမြောက်များစွာ လိုအပ်နေပြီး အိမ်နီးချင်းနိုင်ငံများထံမှ ရသလောက် သဲများ တူးဖော် ဝယ်ယူလျှက်ရှိသည်။
မြန်မာနိုင်ငံသည် စင်ကာပူနိုင်ငံအတွက် လိုအပ်သော သဲများကို ၂၀၀၇ ခုနှစ် နောက်ပိုင်းမှ စ၍ အဓိက ထောက်ပံ့ ပေးခဲ့ကြောင်း၊ ကမ္ဘောဒီးယား နိုင်ငံသည်လည်း ယင်းကမ်းရိုးတန်းမှ သဲများကို စင်ကာပူသို့ ရောင်းချနေပြီး သဘာဝ ပတ်ဝန်းကျင် ထိခိုက်မှုကြောင့် ပြည်တွင်း လူမှုရေး အဖွဲ့များက ဝေဖန်နေကြကြောင်း သတင်းများက ဆိုသည်။
မလေးရှား၊ အင်ဒိုနီးရှားနှင့် ဗီယက်နမ်နိုင်ငံတို့တွင် သဘာဝပတ်ဝန်းကျင် ထိခိုက်မှုများ ရှိလာသောကြောင့် ယင်းနိုင်ငံ ကမ်းရိုးတန်းများမှ သဲများ စင်ကာပူသို့ ရောင်းချခြင်းကို ရပ်ဆိုင်ခဲ့ကြောင်း သိရသည်။
ဧရာဝတီ

Read more »

Posted in: ၀၃။ မြန်မာ့ သတင်း

မထသ တွင် ရန်ကုန်တိုင်း လွှတ်တော်အမတ်များ ပါဝင်ဖွဲ့စည်းမည်

ရန်ကုန် (မဇ္ဈိမ) ။         ။ မော်တော်ယာဉ် လိုင်းပေါင်းစုံ ထိန်းသိမ်းကြီးကြပ်ရေး ကော်မတီ (မထသ)၊ မြို့တော် စည်ပင်သာယာရေး ကော်မတီ နှင့် ရာဖြတ် ကော်မတီတို့တွင် ရန်ကုန်တိုင်း လွှတ်တော်အမတ်များ ပါဝင်ဆောင်ရွက် ခွင့်ရရန် စက်တင်ဘာ ၂၈ ရက်က ကျင်းပသည့် တိုင်းလွှတ်တော် အစည်းအဝေးတွင် အတိုက်အခံအမတ် ဒေါက်တာ
ဒေါ်ညိုညိုသင်း က အရေးဆိုခဲ့ရာ မထသ တွင် လွှတ်တော်အမတ်များ ထည့်သွင်းဖွဲ့စည်းရန် သက်ဆိုင်ရာဝန်ကြီးက သဘောတူလိုက်သည်။

ဒီမိုကရက်တစ်ပါတီ(မြန်မာ)မှ ဒေါက်တာဒေါ်ညိုညိုသင်း က မထသ၊ မြို့တော်စည်ပင်နှင့် ရာဖြတ်ကော်မတီ အသီးသီး၏ ပွင့်လင်းမြင်သာမှု၊ စစ်ဆေးခံနိုင်စွမ်းတို့ကို ရန်ကုန်တိုင်း အစိုးရအဖွဲ့ဝင်များ တက်ရောက်သည့် တိုင်းလွှတ်တော်အစည်းအဝေးတွင် ဦးစွာ မေးခွန်းထုတ် ဝေဖန်ပြီးမှ ယင်းကဲ့သို့ အရေးဆိုခဲ့ခြင်း ဖြစ်သည်။

ဗဟန်းမြို့နယ် အမှတ် ၂ မဲဆန္ဒနယ်မှ လွှတ်တော်ကိုယ်စားလှယ် ဒေါက်တာ
 ဒေါ်ညိုညိုသင်း ကို ရန်ကုန်တိုင်း လွှတ်တော်အဆောက်အဦရှေ့တွင်
 တွေ့ရစဉ်။ (ဓာတ်ပုံ - ကျော်ဖုန်းကျော်၊ မဇ္ဈိမ)

“            ဒီခေတ်မှာ ပြည်သူ့ဆန္ဒဟာ  အစိုးရအတွက်အမိန့် ဖြစ်လာတာကြောင့်
ပြည်သူ့ရေးရာ စီမံခန့်ခွဲမှု ကော်မတီတွေမှာ ပြည်သူ့ကိုယ်စားလှယ်
တွေ ဝင်ရောက် ထိန်းကျောင်းခြင်း အားဖြင့် အပြောင်းအလဲများကို
ပြည်သူတွေ တကယ် ခံစားနိုင်ဖို့” အရေးဆိုခြင်း ဖြစ်ကြောင်း တိုင်းလွှတ်တော်တွင် အဆိုရှင်က ပြောကြားခဲ့သည်။

 မထသ သည် ရန်ကုန်မြို့တွင်း/ပြင် ပြေးဆွဲနေသော အများပြည်သူသုံး ခရီးသည်တင် ယာဉ်များကို စီမံကွပ်ကဲသည့် ကော်မတီဖြစ်ပြီး၊
မြို့တော် စည်ပင်သာယာရေး ကော်မတီ (မြို့တော်စည်ပင်)သည် ရန်ကုန်မြို့နေ ပြည်သူများ၏ ရေ၊ လမ်း၊ တံတား၊ မိလ္လာ၊ အမှိုက်၊ အဆောက်အဦဆိုင်ရာ ကိစ္စများကို စီမံခန့်ခွဲကာ၊ အိမ်ခြံမြေတန်ဖိုး စိစစ်ကြီးကြပ်ရေး ကော်မတီ (ရာဖြတ်ကော်မတီ)သည်
အခွန်စည်းကြပ်
နိုင်ရေးအတွက် ရန်ကုန်ရှိ အိုးအိမ်တိုက်တာများ၏ တန်ဖိုးကို သတ်မှတ်ပေးရသည့် အဖွဲ့အစည်းဖြစ်သည်။

ဒေါ်ညိုညိုသင်း၏ မေးခွန်းထုတ်မှုနှင့် အရေးဆိုမှုများကို တိုင်းအစိုးရ အဖွဲ့ဝင် ဝန်ကြီးများ ဖြစ်ကြသည့် လမ်းပန်း ဆက်သွယ်ရေးဝန်ကြီး ဦးအောင်ခင်၊ စည်ပင်သာယာရေး ဝန်ကြီး မြို့တော်ဝန် ဦးလှမြင့်နှင့် ဘဏ္ဍာ/အခွန်ဝန်ကြီး ဒေါ်စန်းစန်းနွယ်တို့က သက်ဆိုင်ရာ ကဏ္ဍအလိုက် အသီးသီး ပြန်လည်ဖြေကြားခဲ့ကြသည်။မထသ ဥက္ကဋ္ဌ၏ လာဘ်စားမှုများအကြောင်း အဓိကထား ရေးသားထားသည့် မထသ ဝန်ထမ်း တဦး၏ တိုင်စာကိုဒေါ်ညိုညိုသင်း က လွှတ်တော်တွင် ဖတ်ကြားပြသခဲ့သည်။ဝန်ကြီး ဦးအောင်ခင်က ၎င်း ဥက္ကဋ္ဌအဖြစ် ဦးစီးဆောင်ရွက်လျက်သည့် ‘လမ်းပန်း ဆက်သွယ်ရေး လုံခြုံချောမွေ့စေမှုကော်မတီ’ လက်အောက်ရှိ မထသ ကို ပြည်သူ့ ကိုယ်စားလှယ်များဖြင့် ပြင်ဆင်ဖွဲ့စည်းသွားမည်ဟု လွှတ်တော်တွင်ဖြေကြားခဲ့သည်။ ထိုကဲ့သို့ ပြည်သူ့ကိုယ်စားလှယ် အမတ်များ မထသ တွင် ပါဝင်ဆောင် ရွက်ရေး အတွက် ‘ပုဂ္ဂလိ က ယာဉ်များ စနစ်တကျ သွားလာနိုင်ရေးဥပဒေ’ ကိုလည်း အမြန်ဆုံး ပြဋ္ဌာန်းနိုင်ရန် တိုင်းအစိုးရက ဆောင်ရွက် သွားမည်ဟု ဆိုသည်။မထသ သည် လက်ရှိတွင် ယာဉ်လိုင်း ၃၃၇ လိုင်း၊ ယာဉ်စီးရေ ၅ဝဝ ကို ကွပ်ကဲလျက်ရှိပြီး နေ့စဉ် ခရီးသွားပြည်သူ ၂.၇ သန်း၏ ခရီးသွားလာရေးအတွက် စီမံ ဆောင်ရွက်ပေးနေသည့် အဖွဲ့အစည်း ဖြစ်သည်။ထို့ပြင် ဒေါ်ညိုညိုသင်း က ၎င်းထံ ပြည်သူများက အများဆုံးတိုင်ကြားသည့် အဖွဲ့အစည်းမှာ မြို့တော်စည်ပင်ဖြစ်ကြောင်း “ရုပ်အဆိုးဆုံး ကိစ္စကတော့ အိမ်ခြံမြေတခုကို ဂရန်အမည်ပေါက် နှစ်ခု ရှိနေတဲ့ ဖြစ်ရပ်တွေပဲ” ဟု လွှတ်တော်အမတ်များရှေ့မှောက်တွင် မြို့တော်စည်ပင်ကို ဝေဖန်ခဲ့သည်။မြို့တော်ဝန် ဦးလှမြင့်ကမူ မြို့တော်စည်ပင်သည် သမ္မဦးသိန်းစိန်၏ လမ်းညွှန်ချက်များ၊ ၂ဝဝ၈ ခုနှစ် ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်များနှင့် လျော်ညီမှုရှိစေရန် လက်ရှိတည်ဆဲ စည်ပင်သာယာရေး ဥပဒေများကိုပြန်လည် ပြင်ဆင်ရေးဆွဲနိုင်ရန်  ဆောင်ရွက်လျက်ရှိကာ ယင်းဥပဒေများအတည်ပြုပြီးပါက ဥပဒေသစ်များနှင့်အညီလုပ်ငန်းများကို ဆောင်ရွက်သွားမည် ဖြစ်ကြောင်းသာ  ပြန်လည်ဖြေကြားခဲ့သည်။တိုင်း ဘဏ္ဍာရေးနှင့် အခွန်ဝန်ကြီး ဒေါ်စန်းစန်းနွယ် က ရာဖြတ်ကော်မတီသည် ပြည်ထောင်စု အစိုးရ၏ သဘောတူ ခွင့်ပြုချက်ဖြင့် ဘဏ္ဍာအခွန် ဝန်ကြီးဌာနက ဖွဲ့စည်းခဲ့ရာ ကော်မတီတွင် လွှတ်တော်အမတ်များ ပါဝင်နိုင်ရေးအတွက်ပည်ထောင်စုအစိုးရ၏  သဘောတူညီချက် ရယူရမည်ဖြစ်၍ တင်ပြပေးမည်ဟု ဆိုသည်။ရာဖြတ်ကော်မတီသည် အိမ်ခြံမြေ ဈေးနှုန်းများ ခေါက်ချိုးမျှ မြင့်တက်စေခဲ့သည့် အဓိက အကြောင်းအရင်းဟုဝေဖန်မှုများရှိခဲ့သော ၂ဝဝ၇ ခုနှစ်၊ သြဂုတ်လက သတ်မှတ် ပြဋ္ဌာန်းခဲ့သည့် ရန်ကုန်ရှိ အိမ်ခြံမြေများကို ဝယ်ယူရာ တွင် ဝင်ငွေရလမ်းကို မဖော်ပြနိုင်လျှင် အခွန် ၁၅ ရာခိုင်နှုန်းသာ ပေးဆောင်ရသည့် အခွန်သက်သာခွင့် စည်းမျဉ်း
ကြောင့် ပေါ်ပေါက်လာခဲ့သော ကော်မတီ ဖြစ်သည်။
မဇ္ဈိမ

Read more »

Posted in: ၀၃။ မြန်မာ့ သတင်း

မြိတ် ကျောက်မီးသွေးသုံး လျှပ်စစ်စက်ရုံ ဒေသခံများ ထပ်မံကန့်ကွက်

စံခလပူရီ (မဇ္ဈိမ) ။       ။ တနင်္သာရီတိုင်း၏ တတိယမြောက် ကျောက်မီးသွေး လောင်စာသုံး လျှပ်စစ် ဓါတ်အားပေး စက်ရုံ တည်ဆောက်မှု စီမံကိန်းကို ဖျက်သိမ်းပေးရန် ဒေသခံ တထောင့်ငါးရာကျော် စုပေါင်းလက်မှတ်ဖြင့် တနင်္လာနေ့တွင် နိုင်ငံတော် သမ္မတထံသို့ ဒုတိယအကြိမ် အသနားခံစာ တင်ပြထားကြောင်း ဦးဆောင်စီစဉ်ပေးသည့် မြိတ်ခရိုင် ၈၈ ကျောင်းသားများက ပြောသည်။

မြိတ်မြို့နယ် အရှေ့ဘက် ၁၇ မိုင်အကွာ လော့လော့ကျေးရွာ အနီးရှိ ၅ဝ မဂ္ဂါဝပ် ထုတ်လွှတ်မည့် ယင်းစက်ရုံကို ရပ်တန့်ပေးရန် သြဂုတ်လ ၂၈ ရက်နေ့တွင်လည်း ဒေသခံ ၁၅ဝ ခန့်က သမ္မတထံ ပထမအကြိမ် တင်ပြခဲ့သော်လည်း အကြောင်းထူးခြားခြင်း မရှိသည့်အတွက် ဒုတိယအကြိမ် ထပ်မံ တင်ပြခြင်း ဖြစ်သည်။

ဤတကြိမ်တွင် စက်ရုံတည်ဆောက်မည့် နေရာ
အနီးတဝိုက်ရှိ ကျေးရွာများဖြစ်သည့် ကျောက်ဖျာ၊ လော့လော့၊ သမုတ်နှင့် ကျွဲကူး ကျေးရွာများမှာ ဒေသခံ ၁,၆၇၇ ဦး၏ စုပေါင်းလက်မှတ်များ ပါဝင်သည်။

“ညက တင်လိုက်ပြီ။ သူတို့ (ဒေသခံ) အနေနဲ့ ရုံးကနားတွေ စာတွေ ဘာတွေ မစီတတ်ဘူးလေ။ ဘယ်ရုံးတွေကို တင်ရမှာကိုလည်း သူတို့က သိပ်ပြီး နားမလည်တဲ့အခါကျတော့ ကျနော်တို့က စီစဉ်ပေးရတာပါ” ဟု မြိတ်ခရိုင် ၈၈ ကျောင်းသားအဖွဲ့ ပြန်ကြားရေး တာဝန်ခံ ကိုတင်ကိုကိုဦး က ပြောသည်။

“မီတာခ သက်သာတဲ့ လျှပ်စစ်မီးကို ကျနော်တို့ လိုချင်တာပေါ့။ ဒါပေမယ့် ကျနော်တို့ သိသလောက်
ကျောက်မီးသွေးက ဆိုးကျိုးတွေ များတော့ ကျနော်တို့ ကန့်ကွက်ဖို့ လက်မှတ်ထိုးလိုက်တာ” ဟု ကျောက်ဖျာ
ကျေးရွာမှ ကိုဟန်ဝင်းထွန်း က ပြောသည်။

အသနားခံစာတွင် တနင်္သာရီတိုင်း၊ မြိတ်ခရိုင်အတွင်း လျှပ်စစ်ဓါတ်အား အမှန်တကယ် လိုအပ်နေသော်လည်း
ကျောက်မီးသွေး ဘေးထွက်ဆိုးကျိုးများကြောင့် စီမံကိန်းကို လုံးဝ ကန့်ကွက်ကြောင်းနှင့် စနစ်တကျ စီမံနိုင်မှု မရှိပါက ယင်းစီမံကိန်းများကြောင့်ပင် ဆင်းရဲနွမ်းပါးမှု ပိုလာနိုင်ကြောင်း ထောက်ပြထားသည်။

၎င်းပြင် ကျောက်မီးသွေး လောင်စာသုံး လျှပ်စစ်ဓါတ်အားပေးစက်ရုံ၏ ဘေးထွက် ဆိုးကျိုးများကို နိုင်ငံတကာမှ ထုတ်ပြန်သည့် အစီရင်ခံစာနှင့် ပြည်တွင်းပညာရှင်များ၏ ပြောဆိုချက်များကို ကိုးကား ထောက်ပြထားပြီး သဘာဝ ဓါတ်ငွေ့ဖြင့် အစားထိုး လည်ပတ်ရန်လည်း အကြံပြုထားသည်။

“ကျောက်မီးသွေး စက်ရုံရဲ့ ဆိုကျိုးတွေကို နောက်ဆုံး ၂ဝ၁ဝ၊ ၂ဝ၁၁၊ ၂ဝ၁၂ ခုနှစ်တွေမှာ ထုတ်တဲ့ နိုင်ငံတကာ အစီရင်ခံစာတွေမှာ လိုက်ရှာတယ်။ နောက်တော့ ကျနော်တို့ နိုင်ငံက ပညာရှင်တွေကို လူကိုယ်တိုင် တွေ့လို့ရတဲ့
နေရာဆို တွေ့ပြီး သူတို့ဆီက အကြံဉာဏ်တွေ တောင်းပြီး အခုလို ကျနော်တို့ တင်ပြတာ” ဟု ကိုတင်ကိုကိုဦး က ပြောသည်။

“ကျောက်မီးသွေးသုံး လျှပ်စစ်ဓါတ်အားပေး စက်ရုံအစား မြန်မာနိုင်ငံ၏ ဆန်စပါးထက် ပေါများစွာ ထွက်ရှိလျက်ရှိ သည့် သဘာဝဓါတ်ငွေ့အား အသုံးပြုစေလိုပါသည်” ဟု အသနားခံစာတွင် ပါရှိသည်။

စက်ရုံသည် လော့လော့ကျေးရွာ အခြေခံပညာ မူလတန်းကျောင်းနှင့် ခြံစည်းရိုးတခုသာ ခြားပြီး သမုတ်ရွာ အထက်တန်းကျောင်းနှင့် မြစ်တခုသာ ခြားခြင်း၊ လူနေရပ်ကွက်အတွင်း ရှိခြင်း၊ စက်ရုံမှ ထွက်မည့် စွန့်ပစ် ပစ္စည်းများသည် မြစ်ချောင်း တလျှောက်ရှိ ကျေးရွာများနှင့် ဒေသခံများ၏ ငါးပိ၊ ငါးခြောက် လုပ်ငန်းနှင့် ရေလုပ်ငန်း များကို ထိခိုက်စေနိုင်ခြင်း စသည်တို့ကြောင့် သြဂုတ်လ နှောင်းပိုင်းတွင်လည်း မြိတ် ၈၈ ကျောင်းသားများက ကန့်ကွက်ကြောင်း ကြောညာချက် ထုတ်ပြန်ခဲ့ဖူးသည်။

စက်ရုံ တည်ဆောက်မည့် မြေမှာလည်း ယခင်အစိုးရ လက်ထက်က လယ်ပိုင်ရှင် ၁၇ ဦးထံမှ သိမ်းယူထားသည့်
မြေများ ဖြစ်ပြီး ယနေ့တိုင် မြေပြေစာခွန် ပေးသွင်းထားကြောင်းနှင့် ၎င်းတို့၏ မြေများကို ပြန်လည်ရရှိလိုကြောင်း တနင်္ဂနွေနေ့တွင်ပင် မြေရှင်များက သမ္မတထံ စာရွက်စာတမ်းနှင့်တကွ တိုင်ကြားထားသည်။

စက်ရုံတည်ဆောက်ရန်အတွက် တနင်္သာရီတိုင်း အစိုးရ လျှပ်စစ်နှင့် စက်မှုလက်မှု ဝန်ကြီးဌာနနှင့် သန်းဖြိုးသူ ကုမ္ပဏီ လိမိတက်တို့က ဇူလိုင်လတွင် သဘောတူ လက်မှတ် ရေးထိုးခဲ့ကြပြီး ၁၈ လအတွင်း အပြီးဆောက်လုပ် သွားမည်ဟု ဆိုသည်။

တနင်္သာရီတိုင်းတွင် မဂ္ဂါဝပ် ၄,ဝဝဝ ထုတ် ထားဝယ်၊ ၈ မဂ္ဂါဝပ်ထုတ် ကော့သောင်းနှင့် ၅ဝ မဂ္ဂါဝပ်ထုတ် မြိတ်
ကျောက်မီးသွေး လောင်စာသုံး လျှပ်စစ်ဓါတ်အားပေး စက်ရုံ ၃ ခု ရှိသည့်အနက် ဒေသခံများ၏ ကန့်ကွက်မှုကြောင့် ထားဝယ် ရေနက် ဆိပ်ကမ်း၏ အစိတ်အပိုင်း တခု ဖြစ်သည့် ထားဝယ် ကျောက်မီးသွေးသုံး စက်ရုံကို ဇန်နဝါရီ လဆန်းပိုင်းတွင် အစိုးရက ရပ်ဆိုင်းပေးမည်ဟု ကြေညာခဲ့ပြီး ကျန်စက်ရုံ နှစ်ခုမှာလည်း ကန့်ကွက်မှုများနှင့် ကြုံနေရဆဲ ဖြစ်သည်။

ပအိုးဝ် လူငယ်များ အစည်းအရုံးမှ ၂ဝ၁၁ ခုနှစ်တွင် ထုတ်ပြန်သည့် ‘အဆိပ်သင့် တိမ်များ’ အစီရင်ခံစာအရ
မြန်မာနိုင်ငံတွင် ကျောက်မီးသွေး လောင်စာသုံး လျှပ်စစ်ဓါတ်အားပေး စက်ရုံ ခုနှစ်ရုံ ရှိသည့်အနက် မဂ္ဂါဝပ် ၁၂ဝ ထုတ် တီကျစ်နှင့် မဂ္ဂါဝပ် ၃၆၉ ထုတ် မိုင်းခုတ် ကျောက်မီးသွေး လျှပ်စစ်ဓါတ်အားပေး စက်ရုံများမှာ လည်ပတ် လျက်ရှိပြီး ကျန် ငါးရုံမှာ လျာထားအဆင့်တွင် ရှိကြောင်း သိရသည်။
မဇ္ဈိမ

Read more »

Posted in: ၀၃။ မြန်မာ့ သတင်း

"၁၈ မိနစ်ကြာ မော်လမြိုင်-မဲဆောက်ခရီး" ဖြစ်မြောက်ရေး ညှိရဦးမည်

ပြည်တော်မြင့် ~
 
ယနေ့ မွန်းလွဲ ၂ နာရီက မော်လမြိုင်မှမဲဆောက်သို့ရောက်ရှိလာသည့်ထိုင်းအဖွဲ့ (ဓာတ်ပုံ - ဧရာဝတီ)

ပျံသန်းချိန် ၁၈ မိနစ်သာကြာမြှင့်သည့် မဲဆောက်-မော်လမြိုင် လေယာဉ်ခရီးစဉ် ပြေးဆွဲရေးအတွက် မွန် ပြည်နယ်ဝန်ကြီးချုပ်၊
မွန်ပြည်နယ်ကုန်သည်ကြီးများနှင့် သွားရောက် တွေ့ဆုံဆွေးနွေးခဲ့ကြသည့် NOK AIR ထိုင်းလေကြောင်းလိုင်း ဒုဥက္ကဌနှင့် ထိုင်းကုန်သည်များ ယနေ့ မဲဆောက်လေဆိပ်သို့ ပြန်လည် ရောက်ရှိလာသည်။

မွန်ပြည်နယ်အတွင်း အထင်ကရနေရာများသို့ ထိုင်းခရီးသွားများ သွားရောက်
လည်ပတ်နိုင်ရေး၊ နှစ်နိုင်ငံခရီးသွားလုပ်ငန်းတိုးမြှင့်နိုင်ရေးတို့အတွက်  သောကြာနေ့က  မဲဆောက်လေဆိပ်မှတဆင့် မော်လမြိုင်သို့ ထွက်ခွာသွားခဲ့ခြင်းဖြစ်သည်ဟု NOK AIR လေကြောင်းလိုင်းဒုဥက္ကဌနိုင်ပီရရော့မနီးက သတင်းထောက်များကို လေဆိပ်တွင် ပြောသည်။

၎င်းက ”ဒီအစီအစဉ်အတွက် ဒီလ ၂၈ ရက်နေ့ (သောကြာနေ့) က စတင်တာဖြစ်တယ်။ မဲဆောက်-မော်လမြိုင် ပုံမှန်ပြေးဆွဲဘို့ အတွက်ကိုတော့ နှစ်ဘက်လိုအပ်ချက်တွေကို ထပ်မံညှိနှိုင်းကြရအုံးမယ်။
 မွန်ပြည်နယ်ရဲ့အထင်ကရနေရာ တွေဖြစ်တဲ့ ကျိုက်ထီးရိုးဘုရားနဲ့အခြားနေရာတွေကို သွားရောက်လေ့လာဖြစ်ပါတယ်။ ပုံမှန်ဖြစ်နိုင်ခြေရှိဘို့ တော့ များပါတယ်။ ကုန်သည်တွေအပြင်မွန်ပြည်နယ်ဝန်ကြီးချုပ် ဦးအုန်းမြင့်နဲ့လည်း ဆွေးနွေးခဲ့ပါတယ်” ဟု ပြောသည်။

မော်လမြိုင် မြို့အခြေအနေ
မွန်ပြည်နယ်ခရီးစဉ်တွင်ပါရှိသည့် ထိုင်းကုန်သည်တဦးက မော်လမြိုင်တွင် တည်းခိုနေစဉ် ဟိုတယ်တွင် မီး၊ ရေ မကြာခဏ ပြတ်ခြင်းများ ကြုံတွေ့ရသဖြင့် ခရီးသွားလုပ်ငန်း တိုးမြှင့်မည် ဆိုပါက လက်ရှိ အနေ အထားထက် တိုးတက်ကောင်းမွန်ရန်လိုသည်ဟု ပြောသည်။

မော်လမြိုင် ကွင်းအခြေအနေ
မော်လမြိုင်ခရီးစဉ်၏ NOK AIR လေကြောင်းလိုင်းမှ လေယာဉ်မှူးက” မဲဆောက်-မော်လမြိုင်က ၁၈ မိနစ်ပဲ ကြာတယ်။
 လေဆိပ်မျှော်စင်နဲ့ အဆက်အသွယ်လုပ်ရတာ အဆင်ပြောတယ်။ မပြည့်စုံတာက လေဆိပ်ရဲ့မြေ ပြင် အချက်ပြမီးတွေနဲ့ လေယာဉ်ကွင်းရဲ့ အမှတ်အသားမျဉ်းတွေ ပျက်နေတယ်။
 မော်လမြိုင်လေဆိပ်ဟာ မဲဆောက်လေဆိပ်ထက် ကြီးတယ်၊ သူတို့ဒီလေဆိပ်ကို မသုံးတာကြာပြီလို့ ယူဆရတယ်’ ဟု ပြောသည်။

NOK AIR
NOK သည် ပျံသန်းချိန် မိနစ် ၃၀ ခန့် ကြာသည့် မဲဆောက်-ချင်းမိုင်ခရီးစဉ်ကို ခရီးသည်တဦးလျှင် ထိုင်းဘတ် ၁၂၀၀ ဖြင့် ပုံမှန် ပြေးဆွဲလျက်ရှိသည်။
မော်လမြိုင်ခရီးစဉ်ကိုလည်း ချင်းမိုင်ခရီးစဉ် ဈေးနှုန်းအတိုင်း  ပြေးဆွဲမည်ဆိုပါက ခရီးသည် အများအပြား ရနိုင်သည်ဟု မြန်မာကုန်သည်တဦးက သုံးသပ်သည်။

ခရီးသည်အကြိုက်မော်လမြိုင်မှမြ၀တီသို့ရောက်ရှိရန်အတွက် အချိန် ၇ နာရီခန့်ကြာမြှင့်ပြီး ခရီးကြမ်းသည့်အတွက် မဲဆောက်- မြ၀တီလေကြောင်းလိုင်း ပြေးဆွဲမှုကိုကြိုဆိုသည်ဟု မြန်မာအလုပ်သမားများကပြောသည်။

ဘန်ကောက်ရှိ ဆေးဆိုးပန်းရိုက်စက်ရုံမှ နိုင်ကလော့က ”ယာယီနိုင်ငံကူးလက်မှတ်ရှိတဲ့ အလုပ်သမားတွေ မော်လမြိုင်ဘက်ပြန်တာ နေ့တိုင်း ရှိတယ်။ မြ၀တီကနေ မော်လမြိုင်ရောက်ဘို့ အချိန်နဲ့ငွေ အများကြီးကုန်တယ်။
 တောင်ပေါ်လမ်းကလည်း ဘာကြမ်းသလဲမပြောနဲ့။ အခက်အခဲတွေကလည်း အမျိုးမျိုးပဲ ဆိုတော့ ၁၈ မိနစ်နဲ့ ရောက်လို့ကတော့ ကပြီးတော့လိုက်ကြမယ်” ဟု ဧရာဝတီသတင်းဌာနသို့ပြောသည်။

ခရီးစဉ်ပုံမှန်ပြေးဆွဲနိုင်ရန်အတွက် မြန်မာဘက်မှတာဝန်ရှိသူများနှင့် အဆင့်ဆင့် ထပ်မံဆွေးနွေးရဦးမည်ဟု NOK AIR လေကြောင်းလိုင်းက ပြောသည်။
ဧရာဝတီ

Read more »

Posted in: ၀၃။ မြန်မာ့ သတင်း

MWRN အဖွဲ့မှ အလုပ်သမားများအာ အလုပ်သမားအခွင့်ရေးပိုင်းဆိုင်ရာ လက်ကမ်းစာစောင်များ ဖြန့်ဝေ

  30.စက်တင်ဘာ .2012
ထိုင်းနိုင်ငံ မဟာချိုင်မြို့ ဈေးကြီးအနိးရှိ နမ်းဖု ပလာဇာ (ရေပန်းကုန်တိုက်)တွင် ပြုလုပ်သော ကမ်စမ်းမဲ

mwrn အဖွဲ့ဝင်များစာစောင်ဖြန့်ဝေနေပုံ

ဖေါက်ပွဲတွင်  ကုန်တိုက် တာဝန်ရှိသူများ၏ ဖိတ်ကြားချက်အရ လူ့ခွင့်ရေးနှင့် ဖွံ့ ဖြိုးတိုး တက်ရေးဖောင်ဒေးရှင်း (HRDF) နှင့် ရွှေ့ ပြောင်းအလုပ်သမားအခွင့်ရေးကွန်ယက် MWRN
တို့ ပူးပေါင်းကာ အလုပ်သမားများအား အလုပ်သမားအခွင့်ရေးနှင့်သက်ဆိုင်သော လက်ကမ်းစာစောင်များ သွာရောက်ဖြန့်ဝေခဲ့သည်။
  နမ်းဖုပလာဇာမှ မန်နေဂျာမချယ်ရီမှမိမိတို့ ကုန်တိုက်သည်လာရောက်ဈေး  ဈေးဝယ်သူ မြန်မာ အလုပ်သမားများ ပိုမိုများသောကြောင့်  ပိုမိုစည်ကားလာသဖြင့်
အလုပ်သမားများအား  ပြန်လည်ကျေးဇူးဆပ်လိုသည့်အတွက် HRDF ရုံး တာဝန်ခံ  ကိုစိန်ဌေးအား ဖိတ်ကြားကာ အခုလို စီစဉ်ပြုလုပ်ရန် ဆွေးနွေးခဲ့သည်။ MWRN အနေနှင့်လည်း အလုပ်သမားများကို ပညာပေးဟောပြောပွဲ အဆက်မပြတ် ပြုလုပ်ပေးနေသဖြင့်အခုလို ကုန်တိုက်ကြီးတွင်  စာစောင်
များဖြန့်ဝေခွင့်ရသဖြင့် အတိုင်းမသိဝမ်းသာကြောင်း အလုပ်သမားများအတွက် ပိုမိုအသိပညာ  တိုးတက်လာမည်ဟုMWRN ဥက္ကဌ ဦးအောင်ကျော်မှ ပြောကြားသည်။

Read more »

Posted in: M.W.R.N.

ဆန်ဖရန် Freedom Forum မှာ ဒေါ်စု မိန့်ခွန်းပြော

အမေရိကန် ပြည်ထောင်စုမှာ ၁၇ ရက်ကြာခရီးစဉ်နဲ့ ရောက်ရှိနေတဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ယုံကြည်ချက်အတိုင်း ငြိမ်းချမ်းတဲ့ ဘ၀နဲ့ နေထိုင်နိုင်တဲ့ လူ့အဖွဲ့အစည်း တရပ် ဖြစ်လာအောင် ၀ိုင်းဝန်း ကူညီကြဖို့ ပြောဆိုလိုက်ပါတယ်။ စက်တင်ဘာလ ၂၈ ရက်နေ့က ဆန်ဖရန်ဆစ္စကိုမြို့မှာ ကျင်းပခဲ့တဲ့ Freedom Forum ဆွေးနွေးပွဲမှာ အခုလို ပြောဆို လိုက်တာဖစ်ပါတယ်။ အပြည့်စုံကို မမိုးဖြူက တင်ပြထားပါတယ်။

မနေ့ကကျင်းပတဲ့ ဆန်ဖရန်ဆစ္စကို Freedom Forum အစည်းအဝေးမှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က မိန့်ခွန်း ပြောခဲ့ပါတယ်။ ၁၉၈၈ ခုနှစ်ကစလို့ ဆယ်စုနှစ် ၂ ခုနီးပါး နေအိမ်အကျယ်ချုပ် နဲ့ အကျဉ်းစံဘ၀ နေထိုင်ခဲ့ရတဲ့ ဒေါ်အောင်ဆန်းစုကြည်က လွတ်မြောက်ခြင်းအတွက် ခရီးရှည်၊ “The Long Road to Freedom” အမည်ပေးထားတဲ့ အခမ်းအနားမှာ ဖိနှိပ်မှုတွေ ဘယ်လောက်ပဲ ရှိရှိ ကိုယ့်ကိုယ်ကို လွတ်မြောက်အောင် နေနိုင်တဲ့သူဟာ အမြဲတမ်း လွတ်လပ်နေနိုင်ပါတယ် လို့ ပြောဆိုသွားပါတယ်။


ဒါပေမဲ့ ကိုယ့်နိုင်ငံရဲ့ လူမှုအဆောက်အအုံ၊ အဖွဲ့အစည်းကြီးတွေနဲ့အတူ ကိုယ့်နိုင်ငံ ကိုယ့်လူမျိုးအတွက် လွတ်လပ်ရေးအတွက် ကြိုးပမ်းတဲ့သူတွေ အတွက်တော့ လွတ်လပ်မှုအတွက် ရုန်းကန်လှုပ်ရှားတဲ့ခရီးက ရှည်ပါလိမ့်မယ်လို့ ပြောဆိုသွားပါတယ်။ လူ့အခွင့်အရေး တက်ကြွလှုပ်ရှားသူ ချက် နိုင်ငံရေးခေါင်းဆောင် ဗားဆလပ်ဟာဗဲလ် ရှေ့ဆောင် လမ်းပြခဲ့သလိုပဲ ဖိနှိပ်မှုတွေ ရှိနေတဲ့ကြားက ကိုယ့်ကိုယ်ကို လွတ်မြောက်အောင် လုပ်ရာမှာ အမှန်တရားနဲ့ နေထိုင်မှုကနေ စတင်ကြရပါတယ်။ ဒီလိုနည်းနဲ့ပဲ ကိုယ့်နိုင်ငံရဲ့ နိုင်ငံသားတွေကိုလည်း ဖိနှိပ်မှုတွေ လက်အောက်ကနေ လွတ်မြောက်အောင် အမှန်တရားနဲ့ နေထိုင်ဖို့ လူမှု အဖွဲ့အစည်းကြီး တွေကနေ စွမ်းဆောင်သွားကြရမှာဖြစ်တယ်လို့ ပြောဆိုပါတယ်။
မြန်မာနိုင်ငံ အတွက်တော့ အဲဒီခရီးရှည်ကြီးကို အခု စရတော့မယ်လို့ ဒေါ်အောင်ဆန်း စုကြည်က ပြောသွားပါတယ်။

“အခု မတူခြားနားပြီးတော့ ရှည်လျားတဲ့ခရီးကို ကျမတို့ လျှောက်လှမ်းရတော့မှာ မိုလို့ ခါတိုင်းထက်ပိုပြီးတော့ ကျမတို့ မိတ်ဆွေကောင်းတွေ အများကြီး လိုပါတယ်။ အရင် လျှောက်ခဲ့ရတဲ့လမ်းက မြန်မာနိုင်ငံကို ဒီမိုကရေစီလမ်းကြောင်းပေါ် ရောက်ဖို့ ကြိုးပမ်းခဲ့ရတာပါ။ အခု လျှောက်ရမယ့်လမ်းကတော့ မြန်မာနိုင်ငံကို စစ်မှန်တဲ့ ဒီမိုကရေစီ နည်းလမ်းကျ လူ့အဖွဲ့အစည်းကြီးတွေ တည်ဆောက်ရမယ့် ခရီးပါ။ ဒါကြောင့် မိတ်ဆွေကောင်းတွေ ပိုပြီးတော့ လိုအပ်တာပါ။”

လူ့အခွင့်အရေး ချိုးဖောက်မှုတွေနဲ့ ပတ်သက်လို့လည်း ဘယ်နေရာတွေမှာ လူ့အခွင့်အရေး ချိုးဖောက်မှုတွေ ဖြစ်နေတယ်။ ဒီချိုးဖောက်မှုတွေကို လူ့အဖွဲ့အစည်းက အလေးထား အာရုံစိုက်အောင် လုပ်ရမယ် ဆိုတဲ့ ကာလရှည်ကြာ ရှုမြင် ဆောင်ရွက်ချက်တွေနဲ့ မလုံလောက်တော့ဘူး လို့ ထောက်ပြ ပြောဆိုသွားပါတယ်။ လူ့အခွင့်အရေး ချိုးဖောက်မှုတွေကို တားဆီးဖို့အတွက်၊ လူ့အခွင့်အရေး ချိုးဖောက်မှုတွေကို တားဆီးဖို့အတွက် ပညာဉာဏ်နဲ့ ကိုယ်ကျင့်သိက္ခာ ဆိုင်ရာ စွမ်းရည်ခွန်အားတွေ ရှိဖို့လိုတယ် ဆိုတာကိုလည်း ဒေါ်အောင်ဆန်းစုကြည်က ဥပမာပေး တင်ပြခဲ့ပါတယ်။

“တရားဥပဒေ စိုးမိုးမှုရှိအောင် ကြိုးစားပြီးတော့ လူ့အခွင့်အရေး ချိုးဖောက်မှုတွေ မဖြစ်အောင်လို့ တားဆီးရုံနဲ့ မရတော့ပါဘူး။ လူ့အခွင့်အရေး ချိုးဖောက်နေသူတွေကို ဘာကြောင့် ဒီလုပ်ရပ်တွေကို မလုပ်သင့်ဘူးလဲ ဆိုတာကို နားလည်လာအောင် လုပ်ပေးဖို့ လိုအပ်ပါတယ်။ လူ့အခွင့်အရေး ချိုးဖောက်သူတွေဟာ သူတို့လုပ်ရပ်တွေက လူ့အခွင့်အရေး ချိုးဖောက်နေတယ် ဆိုတာကို မသိတာလား။ ဒါမှမဟုတ်ရင်လည်း သူတို့လုပ်ရပ်တွေက သူတို့ အပါအ၀င် လူသားအားလုံးရဲ့ ဂုဏ်သိက္ခာကို ဖျက်ဆီးနေတယ် ဆိုတာကို မသိတာလား။ ဒါကို ဖော်ထုတ် အသိပေးဖို့ လိုပါတယ်။ အာဏာရှင်စစ်တပ်တွေ သူ့လူမျိုး သူ့တိုင်းပြည် အပေါ် ဘယ်လို လူ့အခွင့်အရေး ချိုးဖောက်မှုတွေ လုပ်တယ် ဆိုတာ ကြားခဲ့ကြရပြီးပါပြီ။ ဉာဏ်ပညာနဲ့ ကိုယ်ကျင့်သိက္ခာ စွမ်းရည်တွေ မရှိရင် သာမန်ပြည်သူ၊ သာမန်စစ်သားတယောက်ဟာ လူ့အခွင့်အရေး ချိုးဖောက်မှု မကျူးလွန်မိအောင် ထိန်းဖို့ မလွယ်ပါဘူး။ ဒါပေမဲ့လည်း မွေးရာပါ အသိစိတ်၊ စာနာစိတ်တွေနဲ့ မကျူးလွန်မိအောင် ထိန်းသိမ်းသင့်ပါတယ်။ ဒါကို သူတို့ နားလည်နိုင်အောင် ကျမတို့ ကူညီနိုင်မှာပါ။”

လွတ်မြောက်ရေး ခရီးလမ်းအတွက် အမုန်းနဲ့ အကြမ်းဖက်မှုတွေ ကင်းဖို့ လိုအပ်ပါတယ်။ ဒါကြောင့်လည်း ဒီခရီးရှည်ကြီးကို အမုန်းနဲ့ အကြမ်းဖက်မှုတွေ မရှိဘဲ လျှောက်လှမ်းခဲ့ကြတဲ့ မဟတ္တမဂန္ဒီလို ပုဂ္ဂိုလ်ကြီးတွေကို လေးစားပါတယ်လို့ ဒေါ်အောင်ဆန်းစုကြည်က ပြောဆိုပါတယ်။

“ကိုယ် လိုချင်တဲ့ အောင်မြင်မှုကို ဘယ်လိုနည်းလမ်းသုံးပြီး အရယူယူ၊ အောင်မြင်မှုရရင် ပြီးတာပဲလို့ ယူဆသူတွေ ရှိပါတယ်။ ဒါဟာ မှန်တယ်လို့ မထင်ပါဘူး။ နည်းလမ်းမမှန်ရင် နောက်ဆုံးမှာ ရတဲ့ အောင်မြင်မှု ဆိုတာကလည်း မှန်ကန်မှု မရှိနိုင်ပါဘူး။ လွတ်လပ်မှုအတွက် အမုန်းနဲ့ အကြမ်းဖက်မှု နည်းတွေ သုံးပြီး လျှောက်လှမ်းမယ် ဆိုရင်တော့ ခရီးဆုံးမှာ ရမယ့်ရလဒ်က လွတ်လပ်မှု ဖြစ်မှာမဟုတ်ပါဘူး။ ကိုယ့်ရဲ့အမုန်း၊ ကိုယ့်ရဲ့ အကြမ်းဖက်မှုနဲ့ ကိုယ်တိုင် တည်ဆောက်ထားတဲ့ အကျဉ်းထောင်ကိုပဲ ရောက်မှာပါ။”

ဒါကြောင့် ကိုယ့်ယုံကြည်ချက်အတိုင်း ငြိမ်းငြိမ်းချမ်းချမ်း နေထိုင်လို့ရတဲ့ လူ့အဖွဲ့အစည်းကို တည်ဆောက်ဖို့ လိုပါတယ်။ ဒီနေ့ထက်ထိတော့ အရေအတွက် နည်းလာတယ် ဆိုပေမဲ့ မြန်မာနိုင်ငံမှာ ယုံကြည်ချက်ကြောင့် အကျဉ်းကျ ခံနေရတဲ့သူတွေ၊ အကျဉ်းထောင်တွေထဲမှာ ရှိနေပါသေးတယ်။ ဒါကြောင့် သူတို့ရဲ့ ယုံကြည်ချက်အတိုင်း ငြိမ်းငြိမ်းချမ်းချမ်း နေထိုင်ခွင့် ရှိတဲ့ လူ့အဖွဲ့အစည်း တည်ဆောက်နိုင်အောင် ၀ိုင်းဝန်းကူညီနိုင်အောင် ပြောဆိုသွားပါတယ်။

နိုင်ငံတကာက လူ့အခွင့်အရေး လှုပ်ရှားတက်ကြွသူတွေ တက်ရောက် ဆွေးနွေးကြတဲ့ ဒီအခမ်းအနားမှာ ဒေါ်အောင်ဆန်းစုကြည်ကို ချက် နိုင်ငံရေးခေါင်းဆောင် ဗားဆလပ်ဟာဗဲလ်ကို ဂုဏ်ပြု ပေးအပ်တဲ့ Václav Havel Prize for Creative Dissent ဆိုတဲ့ ဆုကို ပေးအပ်ချီးမြှင့် ခဲ့ပါတယ်။ စက်တင်ဘာလ ၁၉ ရက်နေ့မှာတော့ မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်ဟာ ဆန်ဖရန်ဆစ္စကို တက္ကသိုလ်မှာ မြန်မာမိသားစုတွေနဲ့ တွေ့ဆုံမှာဖြစ်ပါတယ်။

မမိုးဖြူ (ဗွီအိုအေ မြန်မာဌာန)

Read more »

Posted in: ၀၃။ မြန်မာ့ သတင်း