အားကစားဝန်ကြီးဦးတင့်ဆန်း၏ လာဒ်စားမှုများပေါ်ပြီ (တိုင်ကြားစာ)

ဟိုတယ်နှင့် ခရီးသွားလာရေးဝန်ကြီး နှင့် အားကစားဝန်ကြီး ဦးတင့်ဆန်း သည် နိုင်ငံတော်မှ
ငွေကြေးအမြောက်အများကို လိမ်ယူထားသူဖြစ်ကြောင်း ၊ ပြည်သူ့ လွှတ်တော် အဆောက်အဦး
အမှန်တကယ် ကုန်ကျငွေ၏ နှစ်ဆကျော်ခန့် ကုန်ကျကြောင်း၊ နေပြည်တော် ဆောက်လုပ်ရေး
လုပ်ငန်းရှင်အသိုင်းအ၀ိုင်းမှသိရသည်။ လိမ်လည်မှုတွေနှင့် ပါတ်သတ်လို့ 
ဆောက်လုပ်ရေးအင်ဂျင်နီယာတဦး က Myanmar News Now ကို စာရေးသားပေးပို့ ထား
ပါသည်။ ပေးပို့ လာတဲ့ စာကို အောက်မှာမူရင်းတိုင်း ဖော်ပြပေးလိုက်ပါသည်။ စာမှာ စာလုံးပေါင်း
တချို့ မှားယွင်းမှုရှိနေတာကို စာဖတ်သူတို့  နားလည် ဖြည့်စွပ်ဖတ်ရှုပေးပါရန် မေတ္တာရပ်ခံပါသည်။

အားကစားဝန်ကြီးဦးတင့်ဆန်း

လွှတ်တော်ဆောက်လုပ်စဉ်က လုပ်ငန်းခွင်မြင်ကွင်း

u tint san's import
news

Ref: သစ်ထူးလွင်

Read more »

Posted in: ၀၃။ မြန်မာ့ သတင်း

ပုဂံရှေးဟောင်းမြို့တော် ကမ္ဘာ့ယဉ်ကျေးမှု အမွေအနှစ်စာရင်း ဝင်တော့မည်

ပုဂံရှေးဟောင်း ဘုရားပုထိုးမြင်ကွင်းယခုအခါတွင်

ပုဂံခေတ်မြို့ဟောင်း သရေ ခေတ္တရာအားကမ္ဘာ့ရှေးဟောင်းအမွေ အနှစ်စာရင်းတင်သွင်းနိုင်ရန် မြန်မာ နိုင်ငံ၊ အီတလီအစိုးရနှင့် UNESCOတို့ ပူးပေါင်းမှုဖြင့် စတင်အကောင်အထည်ဖော်ဆောင်ရွက်တော့မည်ဖြစ်

 ကြောင်း သိရသည်။

 ကမ္ဘာ့ရှေ့ဟောင်း အမွေအနှစ် အမည်စာရင်းတင်သွင်းခြင်း ကိစ္စရပ် နှင့်ပတ်သက်၍ ပုဂံရှေးဟောင်းသုတေ သနပြတိုက်တွင် ဖေဖော်ဝါရီ(၁၅) ရက်မှ (၁၇)ရက်အထိ ကျင်းပခဲ့သည့်ယဉ်ကျေးမှု အမွေအနှစ်ထိန်းသိမ်းရေး လုပ်ငန်းအတွက် အင်ဂျင်နီယာ ပညာ ရပ်ဆိုင်ရာအလုပ်ရုံဆွေးနွေးပွဲ တွင် ပြန်ကြားရေးဝန်ကြီးဌာနနှင့် ယဉ်ကျေး မှုဝန်ကြီးဌာန ပြည်ထောင်စုဝန်ကြီး ဦး ကျော်ဆန်းက မိန့်ခွန်းစကား တွင် ထုတ်ဖော်ပြောကြားခဲ့ခြင်းဖြစ်သည်။ကမ္ဘာ့ရှေးဟောင်း အမွေအနှစ် အမည်စာရင်း (World Heritage List )တင်သွင်းနိုင်ရန်အတွက် သရေ ခေတ္တရာ၊ ဗိဿနိုးနှင့် ဟန်လင်းမြို့ ဟောင်းများ အားလုံးကို ဆောင်ရွက် သွားမည်ဖြစ်ပြီး ယင်းမြို့ဟောင်းများ အနက် သရေခေတ္တရာမြို့ဟောင်းသည် ရှေးအကျဆုံး မြို့တော်တစ်ခုဖြစ်ခြင်း ကြောင့် ပထမဆုံးဦးစားပေးအဆင့် ဆောင်ရွက်ခြင်းဖြစ်ပြီး ယင်းမြို့ဟောင်း ၃ မြို့အား အမည်စာရင်းတင်သွင်း နိုင်ရန် လုပ်ငန်းစဉ်တစ်ခုဖြစ်သော Nomination Cossier ရေးသားခြင်း လုပ်ငန်း ဆောင်ရွက်နိုင်ရေးအတွက် နိုင်ငံတကာ အထောက်အပံ့အဖြစ် UNESCO မှ ကန်ဒေါ်လာသုံး သောင်းအား  မြန်မာနိုင်ငံသို့ ထောက်ပံ့မှုပေးထားပြီဖြစ်ရာ အမြန်ဆုံးအကောင် အထည် ဖော်ဆောင်ရွက် သွားမည် ဖြစ်ကြောင်း ပြည်ထောင်စုဝန်ကြီး ဦးကျော်ဆန်းက ပြောကြားသည်။''သရေခေတ္တရာ၊ဗိဿနိုး နဲ့ ဟန်လင်းမြို့ဟောင်းများကို ကမ္ဘာ့အမွေအနှစ်စာရင်းမှာ ထည့်သွင်း ရေးဆောင်ရွက်ပြီးတဲ့နောက်မှာ ပုဂံ ဒေသကို ကမ္ဘာ့အမွေအနှစ်စာရင်း ဝင်အဖြစ် ထည့်သွင်းရေးလုပ်ငန်း တွေကို ဆက်လက် ဆောင်ရွက်သွား မှာဖြစ်ပါတယ်။ဆောင်ရွက်ရာမှာ လည်း လုပ်ငန်း  စွမ်းဆောင်ရည်မြှင့် မားဖွံ့တိုးတက်ရေးစီမံကိန်းကို အီတ လီနိုင်ငံအစိုးရ ၊  UNESCO  တို့ရဲ့ ပူးပေါင်း ဆောင်ရွက်မှုနဲ့ အကောင် အထည်ဖော် သွားမှာဖြစ်ပါတယ်'' ဟု ယင်းကပြောသည်။
ထိုသို့ပုဂံရှေးဟောင်း ဘုရားပုထိုးမြင်ကွင်းယခုအခါတွင်ပုဂံရှေးဟောင်း ဘုရားပုထိုးမြင်ကွင်းယခုအခါတွင် ကမ္ဘာ့ ရှေး ဟောင်းအမည်စာရင်းတင်သွင်း နိုင်ရန်အတွက် ပုဂံဒေသရှိ စေတီ၊ ပုထိုး၊ ဂူဘုရားပေါင်း(၂၂၃၀)ဆူမှ တစ်ဆူချင်းစီ၏ သတင်းအချက်အ လက်နှင့် မှတ်တမ်းဓာတ်ပုံများကိုအ သေးစိတ်ပြုစုထားပြီးဖြစ်ကြောင်း သိရသည်။ အဆိုပါ စီမံကိန်းဆောင်ရွက် ရန်ရွက်ရန်အတွက် UNESCO  သည် အီတလီအခြေစိုက်အပြည် ပြည်ဆိုင်ရာ ရှေးဟောင်းအမွေအ နှစ်ထိန်သိမ်းရေး ဗဟိုဌာန International Centre For Study of the Preservation and Restoration of Cultural Property (ICCROM) အပြင် အီတလီနိုင်ငံမှ  Lerici Foundation အဖွဲ့အစည်း များနှင့် ပူးပေါင်း ဆောင်ရွက်မှုများ ဖြင့် မြန်မာနိုင်ငံတွင် အရေးပေါ် ထိန်းသိမ်းရမည့် စီမံခန့်ခွဲမှု၊ လုပ်ငန်း ခွင်အတွင်း ပြုပြင်ထိန်သိမ်းခြင်းနှင့် မှတ်တမ်းပြုစုခြင်း၊ယဉ်ကျေးမှုအချက် အလက်ဆိုင်ရာ GIS စနစ်ကိုဖော် ဆောင်တည် ဆောက်ခြင်း၊အမည်စာ ရင်းတင်သွင်းမှုလုပ်ငန်းစဉ်များ၏ မှု ဝါဒနှင့် နည်းပညာများကိုကူညီပံ့ပိုး ပေးခြင်းစသည့်လုပ်ငန်းစဉ်(၄)ရပ် ဖြင့် ဆောင်ရွက်ပေးသွားမည်ဖြစ် ကြောင်းသိ

ရသည်။

ပုဂံဒေသရှိရှေးဟောင်းအမွေ အနှစ်များနှင့်ပတ်သက်၍ နိုင်ငံတ ကာမှ သိရှိနိုင်ရန်အတွက်       UNESCO  မှ ရှေးဟောင်းသုတေ သန ပညာရှင် မစ0x081စတာပီရာပစ်ချပ် ဦးဆောင်မှုဖြင့် မြန်မာနိုင်ငံမှသက် ဆိုင်ရာဌာနမှ ဝန်ထမ်းများသည် ၁၉၈၄ ခုနှစ်မှစတင်ကာ သတင်းအ ချက်အလက်များ ကိုမှတ်တမ်းပြုစု ခဲ့ပြီး ၁၉၉၆ ခုနှစ်တွင် Invertory Of Monuments Of Bagan အ မည်ရှိ အင်္ဂလိပ်ဘာသာ ဖြင့် စာအုပ်အတွဲ(၈)တွဲကို ထုတ်ဝေမှုပြုလုပ်ခဲ့ ကြောင်းသိရသည်။ထို့အတူ ပုဂံဒေသရှိ နံရံဆေး ရေးပန်းချီရှိသော ဘုရားပေါင်း(၄၆၈) ဆူမှ နံရံဆေးရေးပန်းချီများ၊မင်စာ များ၊ဇာတာခွင်များကို ရေရှည်မှတ် တမ်းဓာတ်ပုံတည်ရှိစေရန်အတွက်   ဘုရား(၄၁၂)ဆူမှ နံရံဆေးရေးပန်း ချီများ၊မင်စာများ၊ဇာတာခွင်များကို  Digital Format ဖြင့်သိမ်း ဆည်းထားပြီးဖြစ်ကာ ကျန်ရှိနေဆဲ ဖြစ်သော ဘုရား(၇၄)ဆူရှိ အလား တူအနုပညာလက်ရာများကို ဆက် လက်ဆောင်ရွက်နိုင်ရန်အတွက် မှု ဝါဒများချမှတ်ထားကြောင်းသိရ သည်။

ရန်ကုန်တိုင်းမ် 

Ref:သစ်ထူးလွင်

Read more »

Posted in: ၀၃။ မြန်မာ့ သတင်း

ရွှေလီမှာ မြန်မာအလုပ်သမများ အန္တရာယ်ရှိ အလုပ်များ လုပ်နေရ

ချင်းမိုင် (မဇ္ဈိမ) ။        ။ တရုတ်-မြန်မာနယ်စပ် ရွှေလီမြို့၌ အန္တရာယ်ရှိသောလုပ်ငန်းများတွင် မြန်မာရွှေ့ပြောင်း အလုပ်သမများ လုပ်ကိုင်နေရသည်ဟု ထိုင်းနိုင်ငံအခြေစိုက် မြန်မာ့အမျိုးသမီး သမဂ္ဂ BWU ၏ ကြာသာပတေးနေ့ ထုတ် အစီရင်ခံစာအရ သိရသည်။

ရွှေလီမြို့ပေါ်မှ မြန်မာရွှေ့ပြောင်း အလုပ်သမ ၃၂ ဦးကို တွေ့ဆုံမေးမြန်းကာ ထုတ်ပြန်ထားသည့် “အသံမဲ့ သို့မဟုတ် ပုန်းကွယ် နေသော အရိပ်များ” အစီရင်ခံစာတွင် လိင်လုပ်ငန်း၊ ကျောက်သွေး လုပ်ငန်းနှင့် ဆောက်လုပ်ရေး လုပ်ငန်း စသည့် ကျန်းမာရေးကို ထိခိုက်စေနိုင်သော လုပ်ငန်းခွင်များတွင် အကာအကွယ်မဲ့ လုပ်ကိုင်နေရသည်ဟု ပါရှိသည်။

“ကျောက်သွေးလုပ်ငန်းမှာဆိုရင် အင်ကြင်းကျောက်တွေကို ပုံဖေါ်ရတဲ့အခါ ဖုံမှုန့် အရမ်းများတယ်။ အဲဒါက မျက်နှာဖုံး တပ်ထားမှပဲ ရမယ်။ ဒီကထွက်တဲ့ အငွေ့တွေ အမှုန့်တွေက ကျန်းမာရေးကို ထိခိုက်စေနိုင်တယ်။ ဆောက်လုပ်ရေးမှာ လုပ်တဲ့လူတွေလည်း ဒီလိုပဲ” ဟု BWU အထွေထွေ အတွင်းရေးမှူး ဒေါ်နိုးနိုးထက်စံ က မဇ္ဈိမကို ပြောသည်။

ရွှေလီမြို့ပေါ်ရှိ ကျောက်သွေးလုပ်ငန်းခွင်တွင် အလုပ်သမတဦး အင်ကြင်းကျောက်ကို ပုံဖေါ်နေသည်ကို တွေ့ရစဉ် (ဓါတ်ပုံ BWU)

ကျောက်သွေးလုပ်ငန်းအများစုသည် မနက် ၆ နာရီမှ ညနေ ၅ နာရီထိ အလုပ်လုပ်ကြရပြီး ကျန်းမာရေး ထိခိုက်မှု၊ အလုပ်ချိန် များလွန်းမှုတို့ကြောင့် ယင်းလုပ်ငန်းများကို တရုတ်လူမျိုးတုိ့က မလုပ်လိုကြဟု ကာယကံရှင် အလုပ်သမများက ပြောသည်။

“ကျမ တင်ပါးဆိုလည်း အမာခုံပေါ်မှာ တနေကုန်လုံးထိုင်ရလို့ အသားမာ တက်နေပြီ။ အလုပ်သမားတွေ အကုန်လုံး လည်း မျောက်တွေလိုပဲ အသားမာ တက်နေပြီ။ ဒီအလုပ်က ပင်ပန်းတယ်။ ဖုန်မှုံ့လည်း များတော့ တရုတ်တွေက မလုပ်ချင်ကြဘူး။ တချို့လူတွေ ဓါတ်မှန် ရိုတ်ကြည့်တော့ အမှုန်တွေကြောင့် အဆုတ်မှာ ဒဏ်ရာတွေ ရတာ တွေ့ရ တယ်။ ပေါလစ်တင်တဲ့ အချိန်မှာ အရမ်းအနံ့ဆိုးတဲ့ ဓါတုဗေဒ ပစ္စည်းတွေ သုံးရတယ်။ အဲဒါတွေ ရှုမိတော့ နှာခေါင်း ပိတ်ရောဂါ၊ ချောင်းဆိုးရောဂါ ခံစားရတယ်” ဟု အလုပ်သမတဦးကို ကိုးကား၍ အစီရင်ခံစာ၌ ဖေါ်ပြထားသည်။

ထို့အတူ ဓါတုဗေဒ ဆိုးဆေးများ အသုံးပြု လုပ်ကိုင်နေကြရသည့် ပရိဘောဂ အရောင်တင် လုပ်ငန်းများတွင်လည်း ကျန်းမာရေး အကာကွယ်မဲ့ လုပ်ကိုင်နေရသူများရှိသလို လိင်လုပ်ငန်းများတွင် လုပ်ကိုင်နေကြသည့် မြန်မာ အမျိုးသမီးများမှာလည်း အကာအကွယ်မဲ့ အနိုင်ကျင့် လိင်ဆက်ဆံခြင်းမျိုး ကြုံတွေ့ရပြီး အမျိုးသမီးအချို့မှာ တရုတ်အမျိုးသားများ၏ ဇနီးသည်အဖြစ် ရောင်းစားခံရခြင်းများ ရှိသည်ဟု အစီရင်ခံစာ၌ ပါရှိသည်။

ရွှေလီမြို့ပေါ်ရှိ ဆေးသုတ်လုပ်ငန်းခွင်အတွင်းမှ မြန်မာအလုပ်သမားများကို တွေ့ရစဉ် (ဓါတ်ပုံ BWU)

မြန်မာနိုင်ငံအတွင်း၊ နိုင်ငံရေး၊ စည်းပွားရေး တည်ငြိမ်မှု မရှိသဖြင့် ပုံမှန် ဝင်ငွေရရှိနိုင်ရန်နှင့် ကျန်ခဲ့သည့် မိသားစု များကို ထောက်ပံ့ပေးနိုင်ရန်အတွက် စီးပွားရေး လည်ပတ်မှု ကောင်းနေသည့် ရွှေလီမြို့ကို အလွယ်တကူ ရွေးချယ်ကြခြင်း ဖြစ်ကြောင်း ဒေါ်နိုးနိုးထက်စံက ပြောသည်။

BWU ၏ စစ်တမ်းကောက်ယူ ဖေါ်ပြချက်အရ ရွှေလီမြို့ပေါ်တွင် မြန်မာရွှေ့ပြောင်း အလုပ်သမား တသိန်းကျော်
နေထိုင်ပြီး ထိုအလုပ်သမားများမှာ လုပ်အားခနှင့် ထိုက်သင့်သည့် လစာခံစားခွင့်၊ ကျန်းမာရေး စောင့်ရှောက်ခွင့် အပါအဝင် အလုပ်သမားများ ရသင့်ရထိုက်သော အခွင့်အရေးများ ခံစားခွင့် မရရှိကြဟု ဆိုသည်။

“တရုတ်တွေ ဆိုလို့ရှိရင် တလကို အခြေခံလစာ အမေရိကန်ဒေါ်လာ ၁ ထောင် မကျော်ရင် အလုပ်မလုပ်ဘူး။ အဲဒီမှာမြန်မာတွေက တလကို ဒေါ်လာ ၂ ရာကျော် ၃ ရာနဲ့ လုပ်ကြရတယ်။ အလုပ်ခွင်မှာ ထိခိုက်မှု ဖြစ်ရင်လည်း တော်တော်များများက လျော်ကြေးနဲ့ ကျန်းမာရေးစောင့်လျှောက်ခွင့် မရဘူး” ဟု ဒေါ်နိုးနိုးထက်စံ က ပြောသည်။

တရုတ်-မြန်မာ စကားပြန် လုပ်ငန်း လုပ်ကိုင်နေသူ မမူမူ ကလည်း ရွှေလီမြို့ပေါ်ရှိ မြန်မာအလုပ်သမားများစုမှာ လုပ်ခလစာနှင့် ပတ်သက်၍ တရုတ်လုပ်ငန်းရှင်များ၏ အနိုင်ကျင့် ချယ်လှယ်ခြင်းကို ခံရကြောင်း မဇ္ဈိမကို ပြောသည်။

“ဒီမှာက အခက်ခဲတွေ အမျိုးမျိုးရှိတယ်။ တလပြည့်မှ လခထုတ်ပေးတယ်။ ပေးရင်လည်း ၆ ရာ ရမယ်ဆိုရင် ၄ ရာပဲ ထုတ်ပေးတယ်။ ၂ ရာကို စပေါ်သဘောမျိုး ယူထားမယ်။ အဲဒီ ယူထားတဲ့ ၂ ရာကို ၆ လပြည့်မှ၊ တနှစ်ပြည့်မှ ထုတ်ပေးမယ်ဆိုပြီး အမျိုးမျိုး ညစ်တာပေါ့နော်။ တနှစ်ပြည့်အောင် မလုပ်ဘဲနဲ့ ထွက်သွားရင် အဲဒီစပေါ်ငွေတွေ ရှုံးတာတွေ များတယ်။ ပြီးလို့ရှိရင် လဝက်လောက်ပဲ အလုပ်လုပ်ပြီးထွက်ရင် အဲဒီလဝက်စာ မရကြဘူး။ လောပန်းတွေက အလုပ်ချိန်ကိုလည်း မနက် ၆ နာရီကနေ ညနေ ၅ နာရီမှ အလုပ်သိမ်းတယ်” ဟု မမူမူက မဇ္ဈိမကို ပြောသည်။

ရွှေလီမြို့ပေါ်မှာရှိသည့် မြန်မာအလုပ်သမားများအနေဖြင့် တရုတ်အစိုးရက အလုပ်လုပ်ခွင့် ခွင့်ပြုချက်ပေးထားခြင်း မဟုတ်သည့်အတွက် အစိုးရထံ တိုင်ကြားနိုင်ခြင်း မရှိသလို အခြား အလုပ်သမားအဖွဲ့အစည်းများလည်း မရှိဟု အစီရင်ခံစာက ထောက်ပြသည်။

တရုတ်အစိုးရနှင့် ဒေသခံ ယူနန်အာဏာပိုင်များအနေဖြင့် မြန်မာအလုပ်သမားများကို လုပ်အားခနှင့် တူညီသော တန်ဘိုးကို ပေးဆောင်ရန်၊ နိုင်ငံခြားသား ရွှေ့ပြောင်း အလုပ်သမားများကို တရားဝင် အလုပ်လုပ်ခွင့် ထုတ်ပြန်ပေးရန်၊ အလုပ်သမားအခွင့်အရေး ချိုးဖောက်မှုများ တိုင်ကြားခွင့်ရှိရန်၊ ကျန်းမာရေး စောင့်ရှောက်ခွင့် ပေးရန်နှင့် အလုပ်သမား အဖွဲ့စည်းများ ဖွဲ့စည်းခွင့်ပေးရန် တို့ကို BWU က တောင်းဆိုထားသည်။

Read more »

Posted in: ၀၃။ မြန်မာ့ သတင်း

အုန်းဖျန် ဒုက္ခသည်စခန်း အိမ်ခြေ ၁၀၀၀ ကျော် မီးလောင်

ထိုင်း-မြန်မာ နယ်စပ်ရှိ အုန်းဖျန် ဒုက္ခသည်စခန်းတွင် ယနေ့ နေ့လယ် ၁၂ နာရီခန့်က မီးလောင်မှုဖြစ်ပွားရာ အိမ်ခြေ ၁၀၀၀ ကျော် လောင်ကျွမ်းသွားကြောင်း သတင်းရရှိသည်။

အုန်းဖျန် ဒုက္ခသည် စခန်း ယနေ့ နေ့လယ်ပိုင်းက မီးလောင်နေစဉ်(ဓာတ်ပုံ - CJ)

“မီးလောင်တာက ၁၂ နာရီ မိနစ်၂၀ မှာ၊ ရပ်ကွက် ၉ က စပြီးလောင်တာ။ ရပ်ကွက် ၆၊ ၇၊ ၈၊ ၉၊ လို့ခေါ်တဲ့ ရပ်ကွက် ၄ ခု လောင် သွားပြီး ကလေး၂ ဦးနဲ့ နာမကျန်းဖြစ်နေတဲ့ အဘိုးကြီး တယောက် မီးထဲပါသွားတယ်”ဟု အုန်းဖျန် ဒုက္ခသည် စခန်းတွင်းမှ နိုင်ငံ ရေး အကျဉ်းသားဟောင်း ကိုလှသန်းက ဧရာဝတီကို ပြောသည်။

ထို မီးလောင်မှုကြောင့် ၄ ဦးကိုလည်း ဆေးရုံ တင်ထားရကြောင်းနှင့် အုန်းဖျန် ဒုက္ခသည် စခန်းတွင် ရပ်ကွက်ပေါင်း ၁၆ ခု ရှိပြီး မီးလောင်မှုဖြစ်သည့် ရပ်ကွက် ၄ ခုသည် စခန်းအလယ်တွင်ရှိကြောင်းလည်း ၎င်းက ဆိုသည်။

စခန်းတွင်းရှိ ယောက်ျားအများစုမှာ အလုပ်ထွက်လုပ်ချိန်လည်း ဖြစ်၍ အမျိုးသမီးနှင့် ကလေးငယ်များသာ အိမ်၌ကျန်ခဲ့ကြောင်း၊ ယနေ့သည် ရပ်ကွက် ၈ နှင့် ၉ တို့၏ ဂိုဒေါင်တွင် ရိက္ခာထုတ်ပေးချိန်ဖြစ်၍ အမျိုးသမီး အများစုသည်လည်း ရိပ်က္ခာသွားထုတ် နေ ကြကြောင်း သိရသည်။

“ကျနော် သိသလောက်တော့ စ လောင်တဲ့ အိမ်တအိမ်က လူကြီးကလည်း မရှိတဲ့အခါကျတော့ ကလေးကို ထမင်း ချက်ခိုင်း တယ်။ အဲဒီကနေစပြီး မီးလောင်တာပဲ”ဟု ကိုလှသန်းက ဆိုသည်။

ထို့အပြင် ရပ်ကွက် ၄၊ ၅ နှင့် ၁၀ တို့တွင်လည်း အနည်းငယ် ကူးစက်လောာင်ကျွမ်းကြောင်း၊ မီးလောင်ကျွမ်းမှုတွင် အစ္စလမ် ပလီ ၀တ်ကျောင်းတခုလည်း ပါဝင်ကြောင်း သိရသည်။

မီးလောင်စလောင်ပြီး ၁ နာရီ ၀န်းကျင်တွင် ဖုတ်ဖရ မြို့နယ်မှ မီးသတ်ကား ၂ စီး လာရောက်ခဲ့သော်လည်း ရေမရှိကြောင်း၊ နောက်ထပ် မီးသတ်ကားတစီး ထပ်လာခဲ့ပြီးနောက် စခန်းတွင်း ရေအိုင်မှ ရေများဖြင့် ငြိမ်းသတ် နိုင်ခဲ့ကြောင်း၊ ထိုင်းစံတော်ချိန် နေ့လယ်၂ နာရီ ကျော်တွင် မီးညွန့်ကျိုးသွားကြောင်း ကိုလှသန်းက ပြောပြသည်။

ဒုက္ခသည် တဦးကလည်း“ဒီနေ့ မီးလောင်တာက စခန်းတခုလုံး မီးလောင်တော့မလို ဖြစ်တာ။ လူ ၁၀ ယောက်မှာ ၉ ယောက်က အသက်လုပြီး ပြေးကြရတာ”ဟု ပြောသည်။

မီးဘေး ဒုက္ခသည်များ အကူအညီအတွက် စခန်းကော်မတီများက စတင်စီစဉ်နေကြောင်း၊ ယခုထိ မီးငွေ့များ ရှိနေသည့် အတွက် မီးကြွင်းမီးကျန်များ ဆက်လက်ငြိမ်းသတ် နေရကြောင်းလည်း ဆိုသည်။

အုန်းဖျန် ဒုက္ခသည်စခန်းတွင် ဒုက္ခသည် စုစုပေါင်း ၂ သောင်းခန့် ရှိကြောင်း သိရသည်။

Ref: ဧရာဝတီ

Read more »

Posted in: ၀၄။ ထိုင်းသတင်း

 ရွှေတိဂုံစေတီတော်နှစ် ၂၆၀၀ ပြည့် ဗုဒ္ဓပူဇနိယပွဲတော် ဖွင့်ပွဲအခမ်းအနားကို ဖေဖော်ဝါရီလ၂၂ ရက်နေ့တွင် ရာဟုထောင့် အောင်မြေ၌ကျင်းပ

ရွှေတိဂုံစေတီတော်နှစ် ၂၆၀၀ ပြည့် ဗုဒ္ဓပူဇနိယပွဲတော်ဖွင့်ပွဲ အခမ်းအနားကို ဖေဖော်ဝါရီလ ၂၂ ရက်နေ့က ရွှေတိဂုံစေတီရင်ပြင်တော် ရာဟုထောင့် အောင်မြေဗဟိုမဏ္ဍပ်နှင့် မဟာပဋ္ဌာန်းမဏ္ဍပ်၌ နံနက် ၉ နာရီတွင် ကျင်းပခဲ့သည်။

အဆိုပါအခမ်းအနားအား နိုင်ငံတော်သံဃာ့မဟာနာယကအဖွဲ့ အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မဇောတိက ဒေါက်တာဘဒ္ဒန္တကု မာရာဘိဝံသ(ဗန်းမော်ဆရာတော်)၊ ရန်ကုန်တိုင်းဒေသကြီးအစိုးရအဖွဲ့ ၀န်ကြီးချုပ်ဦးမြင့်ဆွေ၊ ရန်ကုန်တိုင်း ဒေသကြီး လူမှုရေးဝန်ကြီး ဒေါက်တာမြင့်သိန်းနှင့် သာသနာရေးဝန်ကြီးဌာန ပြည်ထောင်စုဝန်ကြီး သူရဦးမြင့်မောင်တို့က ဆီမီးအလင်းတိုင်များ ထွန်းညှိပူဇော်ကာ ရွှေတိဂုံစေတီတော်နှစ် ၂၆၀၀ ပြည့် ဗုဒ္ဓပူဇနိယပွဲတော်ကြီးကို စတင်ဖွင့်လှစ်ခဲ့သည်။ ထို့အပြင် ယင်းဖွင့်ပွဲအခမ်းအနားသို့ တရုတ်ပြည်သူ့သမ္မတနိုင်ငံသာသနာ ရေးဗျူရိုမှ ဒုတိယ၀န်ကြီးဦးဆောင်ကာ ဗုဒ္ဓစွယ်တော်တိုက်မှ ဘုန်းတော်ကြီးအချို့ပါ တက်ရောက်ခဲ့ကြပြီး သံဃာတော်၊ သီလရှင်၊ ဥပသကာ၊ ဥပါသိကာအစရှိသည်တို့ကလည်း မဟာပဋ္ဌာန်းပစ္စယုဒ္ဒေသနှင့် ပစ္စယနိဒ္ဒေသ တို့ကိုရွတ်ဆိုခြင်းနှင့် သံဃာတော်များက မဟာပဋ္ဌာန်းဒေသနာတော်များ အသံမစဲရွတ်ဖတ်ပူဇော်ကြောင်း သိရှိရသည်။

ရွှေတိဂုံစေတီတော်နှစ် ၂၆၀၀ ပြည့် ဗုဒ္ဓပူဇနိယပွဲတော်ကို ဖေဖော်ဝါရီလ ၂၂ ရက်နေ့မှ မတ်လ ၇ ရက်နေ့အထိ ကျင်းပမည်ဟု သိရသည်။

Ref: EMG

Read more »

Posted in: ၀၃။ မြန်မာ့ သတင်း

ထိုင်းနိုင်ငံရောက် ရွှေ့ပြောင်းအလုပ်သမားများ၏ အလုပ်လုပ်ကိုင်ခွင့် သက်တမ်းကုန်ဆုံးရက်ကို ဇွန်လ ၁၄ ရက်နေ့ထိ ပြင်ဆင်တိုးမြှင့် သတ်မှတ် ဖေဖော်ဝါရီလ ၂၈ ရက်နေ့နှင့် ဇွန်လ ၁၄ ရက်နေ့တွင် အလုပ်လုပ်ခွင့် သက်တမ်းကုန်ဆုံးကြမည့် ထိုင်းနိုင်ငံတွင် အလုပ်လုပ်ကိုင်လျက်ရှိ

ထိုင်းနိုင်ငံရောက် ရွှေ့ပြောင်း အလုပ်သမားအချို့ ကို ဇန်န၀ါရီလ အတွင်းက တွေ့ရစဉ်။

ဖေဖော်ဝါရီလ ၂၈ ရက်နေ့နှင့် ဇွန်လ ၁၄ ရက်နေ့တွင် အလုပ်လုပ်ခွင့် သက်တမ်းကုန်ဆုံးကြမည့် ထိုင်းနိုင်ငံတွင် အလုပ်လုပ်ကိုင်လျက်ရှိသော ရွှေ့ပြောင်း အလုပ်သမားများ ၏ နိုင်ငံသားစိစစ်မှု လုပ်ငန်းစဉ်များ ပြီးပြတ်အောင် ဆောင်ရွက်နိုင်စေရန် အတွက် အလုပ်လုပ်ကိုင်ခွင့် (Work Permit) သက်တမ်း ကုန်ဆုံးရက်ကို ၂၀၁၂ခုနှစ် ဇွန်လ ၁၄ ရက်နေ့သို့ တိုးမြှင့်သတ်မှတ်ပေးလိုက်ကြောင်း ယခုလ ၁၃ ရက်နေ့က ထုတ်ပြန် သော ထိုင်းအစိုးရအဖွဲ့၏ ဆုံးဖြတ်ချက်အရ သိရှိရသည်။

ထိုင်းနိုင်ငံအစိုးရအနေဖြင့် ပြည်ပမှလာရောက် အလုပ်လုပ်ကိုင် လျက်ရှိသော ရွှေ့ပြောင်း အလုပ်သမားများ၏ နိုင်ငံသားစိစစ်မှု လုပ်ငန်း စဉ်နှင့် တရားဝင် အလုပ်လုပ်ကိုင်နိုင် ရေးအတွက် ၂၀၀၉ ခုနှစ်မှစတင်၍ မူဝါဒချမှတ် ဆောင်ရွက်ခဲ့ရာတွင် မူဝါဒအရ လုပ်ငန်းစဉ်များ မပြီးပြတ်မှု ကြောင့် ၂၀၁၂ခုနှစ် ဖေဖော်ဝါရီလ ၂၈ ရက်နေ့သို့ သက်တမ်းတိုးပြင် ဆင်သတ်မှတ်ပေးခဲ့ကြောင်း၊ လုပ်ငန်းစဉ်များ အပြီးအပြတ် ဆောင်ရွက်ရန်အချိန် ကာလ လိုအပ်ချက်အရ ယခုနှစ်တွင် ဒုတိယအကြိမ် ထပ်မံ တိုးမြှင့် သတ်မှတ်လိုက်ခြင်းဖြစ်ကြောင်း သိရှိရသည်။

ထိုကဲ့သို့ ထိုင်းနိုင်ငံရောက် ရွှေ့ပြောင်းအလုပ်သမားများ၏ နိုင်ငံသားစိစစ်မှုလုပ်ငန်းစဉ်များ ကြန့်ကြာနေရခြင်းနှင့် ပတ်သက်၍ စာရေး ဆရာဝင်းနိုင်ထွန်းက “လုပ်ငန်းစဉ် တွေသတ်မှတ်ရက်အတွင်း မပြီးပြတ် ရတဲ့ အကြောင်းရင်းက ဒီလုပ်ငန်းစဉ်တွေကို လိုက်နာဆောင်ရွက်ဖို့ အလုပ်သမားတွေ ကိုယ်တိုင် မသိရှိခြင်း၊ သိရှိနားလည်တဲ့ အလုပ်သမားတွေ အနေနဲ့လည်း ကိုယ်တိုင်လုပ်ကိုင် ဆောင်ရွက်ခွင့်မရှိဘဲ သက်ဆိုင်ရာ အလုပ်ရှင်တွေက လိုက်ပါကူညီ ဆောင်ရွက်ပေးရခြင်းမှာ အားနည်းခြင်း၊ ထိုင်းအလုပ်သမား ၀န်ကြီးဌာနက ခွင့်ပြုထားတဲ့ အကျိုးဆောင်တွေက တစ်ဆင့် ဆောင်ရွက်ရလို့ ကုန်ကျစရိတ် ပိုမိုများပြားခြင်းတို့ကြောင့် ဖြစ်နေတာကိုတွေ့ရတယ်”ဟု ပြောကြားပါသည်။

“အခုနောက်ဆုံး ပြင်ဆင်သတ်မှတ်လိုက်တဲ့ အလုပ်လုပ်ခွင့် သက်တမ်း လေးလ တိုးမြှင့်လိုက်တဲ့ ကာလ အတွင်းမှာပဲ မြန်မာအလုပ်သမားတွေ အတွက် နိုင်ငံသားစိစစ်ရေး လုပ်ငန်းစဉ်နဲ့ ယာယီနိုင်ငံကူး လက်မှတ် အချိန်မီရရှိရေး အတွက် ထိုင်းအလုပ်သမား ၀န်ကြီးဌာန အပါအ၀င် အလုပ်သမားတွေ၊ အလုပ်ရှင်တွေနဲ့ အကျိုးဆောင်တွေ လွတ်လွတ်လပ်လပ် ပူးပေါင်း ဆောင်ရွက်သွားဖို့ လိုပါတယ်” ဟု စာရေးဆရာ ၀င်းနိုင်ထွန်းက ဆက်လက်ရှင်းပြပါသည်။

နိုင်ငံသားစိစစ်မှု လုပ်ငန်းစဉ်များ အချိန်မီ အပြီးအပြတ် ဆောင်ရွက်နိုင်ရေးအတွက် ထိုင်းနိုင်ငံအတွင်း နိုင်ငံသားစိစစ်မှုလုပ်ငန်းနှင့် ယာယီနိုင်ငံကူး လက်မှတ်ထုတ်ပေး နိုင်ရေးစခန်းငါးခုကို (Bangkok၊ Samut Sakhon၊ Samut Prakan၊ Surat Thani၊ Chiang Mai) မြို့တို့တွင် လာမည့် မတ်လဆန်းအတွင်း ထပ်မံဖွင့်လှစ် ပေးထားရန်နှင့် ထိုင်း-မြန်မာ နယ်စပ်မြို့များဖြစ်သော တာချီလိတ်၊ မြ၀တီ၊ ကော့သောင်းနှင့် ရနောင်းတို့ ဆက်လက်ဖွင့်လှစ် ပေးသွားရန် ရှိကြောင်း၊ ယာယီနိုင်ငံကူး လက်မှတ်ကိုလည်း ယခင်(Manual) စနစ်မှ ကွန်ပျူတာစနစ်သို့ ပြောင်းလဲ လုပ်ဆောင်သွားရန် ပြင်ဆင် ဆောင်ရွက်လျက် ရှိကြောင်း ထပ်မံသိရှိရသည်။

Ref: EMG

Read more »

Posted in: ၀၃။ မြန်မာ့ သတင်း

“နှုတ်နဲ့ပြောဖို့ သတ္တိမရှိသေးရင် စာနဲ့ပြောပေးပါ”ဟု ဦးရွှေမန်း ပြော

ရန်ကုန် (မဇ္ဈိမ) ။       ။ ပြည်သူ့လွှတ်တော်ဥက္ကဋ္ဌ သူရဦးရွှေမန်း က လွှတ်တော် ကိုယ်စားလှယ်များ အနေနှင့် အဂတိ ရှောင်ရှားကာ သတ္တိရှိစွာဖြင့် ပြည်သူ့အကျိုးအရေးဆို ဆောင်ရွက်ကြစေလိုကြောင်း

 ပြောကြားလိုက်သည်။

ဗုဒ္ဓဟူးနေ့ နံနက်ပိုင်းက ရန်ကုန်တိုင်း လွှတ်တော်အဆောက်အဦးတွင် ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်နှင့် ပြည်သူ့လွှတ်တော်ဥက္ကဋ္ဌတို့ တွေ့ဆုံပွဲ၌ ဦးရွှေမန်းက ထည့်သွင်း ပြောဆိုသွားခြင်းဖြစ်သည်။

“သူတို့တွေ ကြောက်နေကြသေးတယ်။ ပြောလိုက်ရင် ဘာဖြစ်မလဲဆိုပြီး ကြောက်နေကြသေးတယ်။ ကိုယ်ပြောလိုက် လို့ ဒုက္ခရောက်မှာ ကြောက်တယ်ဆိုတာ အဂတိတရား လိုက်စားတာ။ ဒါကြောင့်မို့လို့ လွှတ်တော် ကိုယ်စားလှယ်များ ကိုလည်း ခင်ဗျားတို့ အဂတိရှေးရှုစေသော အပြုအမူများ မဖြစ်စေနဲ့။ နှုတ်နဲ့ပြောဖို့ သတ္တိမရှိသေးရင် စာနဲ့ပြောပေးပါ” ဟု လွှတ်တော် ကိုယ်စားလှယ်များကို ရည်ညွှန်း၍ ဦးရွှေမန်းက ပြောသည်။

ပြည်သူ့လွှတ်တော်ဥက္ကဋ္ဌ သူရဦးရွှေမန်း ရန်ကုန်တိုင်းလွှတ်တော်တွင် သတင်းမီဒီယာများနှင့် ဖေဖေါ်ဝါရီလ ၂၂ ရက်နေ့က တွေ့ဆုံစဉ်။ (ဓါတ်ပုံ - မဇ္ဈိမ)

၎င်းကိုယ်တိုင်လည်း လိုက်နာကျင့်ကြံသည့် အနေဖြင့် ဖေဖေါ်ဝါရီ ၇ ရက်နေ့က ဝန်ထမ်း လစာတိုးရေးနှင့် ပြည်သူ့ငွေ များဖြင့် စံမံကိန်း အကောင်အထည်ဖော်မှုများကို စိစစ်လျှော့ချရန် ပြည်ထောင်စု လွှတ်တော်၌ မိန့်ခွန်းပြောဆိုခဲ့သည် ဟု ဆိုသည်။

ဖေဖေါ်ဝါရီလ ၇ ရက်နေ့ ပြည်ထောင်စု လွှတ်တော်သို့ တင်သွင်းသည့် ဦးရွှေမန်း၏ ဝန်ထမ်းများ လစာတိုးရေး အဆို အား ဘဏ္ဍာရေးနှင့် အခွန်ဝန်ကြီး ဦးလှထွန်းက ဖေဖေါ်ဝါရီလ ၁၆ ရက်နေ့ ပြည်ထောင်စု လွှတ်တော်တွင် ပြန်လည်ဖြေကြား ငြင်းပယ်ခဲ့သည်။

အင်္ဂါနေ့ ပြည်ထောင်စု လွှတ်တော်သို့ ပေးပို့ထားသည့် ဦးရွှေမန်း၏ သဝဏ်လွှာတွင်လည်း “ပြည်သူကို အကျိုးပြုသည့် စီမံကိန်း များကိုသာ ဆက်လက် အကောင်အထည်ဖေါ်ကာ ကုန်ကျစရိတ်များလျှော့၍ ဝန်ထမ်းများကို လစာ တိုးပေးရန်” ဦးရွှေမန်း က ထပ်မံတောင်းဆိုထားသည်။

ထို့ကြောင့် အဆိုရှင်မှ ယင်းအဆိုကို ပြန်လည် မရုပ်သိမ်းပါက ပြည်ထောင်စု လွှတ်တော်တွင် မဲခွဲဆုံးဖြတ်ရန်သာ ရှိသည်ဟုလည်း လွှတ်တော်အမတ် ဦးကြည်မြင့်က မဇ္ဈိမကို ပြောသည်။

ဦးရွှေမန်းကမူ ၎င်းအနေဖြင့် ဝန်ထမ်းလစာတိုးပေးရန် အဆိုကို နောက်ဆုတ်မည် မဟုတ်ကြောင်းလည်း ဗုဒ္ဓဟူးနေ့တွေ့ဆုံပွဲတွင် ထည့်သွင်းပြောဆိုသွားသည်။

ဗုဒ္ဓဟူးနေ့ တွေ့ဆုံပွဲသို့ စီးပွားရေးလုပ်ငန်းရှင်များ၊ ပညာရှင်များနှင့် တိုင်းဒေသကြီးလွှတ်တော်မှ ကိုယ်စားလယ်များ စုစုပေါင်း ၁၅ဝ ခန့် တက်ရောက်ခဲ့ကြပြီး ပြည်တွင်းပြည်ပ မီဒီယာသမား ၃ဝ ကျော် တက်ရောက်ခဲ့ကြသည်။

အဆိုပါတွေ့ဆုံပွဲတွင် ဦးရွှေမန်းက ဈေးကွက်စီးပွားရေးစနစ်ကို စတင်ကျင့်သုံးရန် ထိရောက် လက်တွေ့ကျသော ဥပဒေ ပြဋ္ဌာန်းရန် လိုကြောင်းလည်း ထည့်သွင်းပြောဆိုသည်။

“လာရောက်ရင်းနှီးလိုသူတွေ ရှိနေတယ်လို့ သိရတယ်။ တည်ဆဲ ဥပဒေမှာ ရင်းနှီး မြှပ်နှံလိုသူတွေအတွက် ခက်ခဲနေ တယ်။ ယုံကြည်မှုတွေ လျော့နည်းနေတယ်။ မလုပ်နိုင်ဘူး ဆိုတာတွေ ရှိတယ်လို့ သိရပါတယ်။ ဒါကြောင့် လက်တွေ့ ကျတဲ့ ဥပဒေတခု အမြန်လိုပါတယ်”ဟု သူရဦးရွှေမန်း က ပြောသည်။

နိုင်ငံတော်နဲ့ နိုင်ငံသားများ အကျိုးအတွက် ပြင်ဆင်ရမည့် ဥပဒေများကို ယခု အစိုးရ သက်တမ်း ၅ နှစ်တွင်ပင်ပြင်ဆင်၍ ပြီးမြောက်မည် မဟုတ်ဘဲ အမြန်ပြင်ဆင်ရန် လိုကြောင်းလည်း ထည့်သွင်းပြောဆိုသွားသည်။

ဥပမာအဖြစ် ၁၉၄၇ ခုနှစ်က ပြဋ္ဌာန်းထားသော ယာယီသွင်းကုန် ထုတ်ကုန် ဥပဒေသည် လက်ရှိ ခေတ်အခြေအနေနှင့် မကိုက်ညီဘဲ နိုင်ငံတကာမှ လာရောက် ရင်းနှီးမြှုပ်နှံလိုသူများအတွက် အခက်အခဲဖြစ်နေ၍ ၎င်းဥပဒေများကို ပြင်ဆင် ရန် ကြိုးပမ်းရမည်ဖြစ်ကြောင်း သူရဦးရွှေမန်းက ပြောကြားခဲ့သည်။

ထို့ပြင် သူရဦးရွှေမန်း က “ကျနော်တို့နိုင်ငံဟာ ပါတီစုံဒီမိုကရေစီနဲ့ ဈေးကွက်စီးပွါးရေးကို မှန်မှန်ကန်ကန် ထိထိရောက်ရောက် မကျင့်သုံးဘူးဆိုရင် ကျနော်တို့နိုင်ငံ၊ ကျနော်တို့လူမျိုးများ နိုင်ငံတကာ ရင်ဘောင်တန်းလိုသော်လည်း နိမ့်ကျ တဲ့ အခြေအနေ ဆက်ပြီးတော့ ဖြစ်နေဦးမှာပဲ”ဟု ထည့်သွင်းပြောဆိုသွားသည်။

Read more »

Posted in: ၀၃။ မြန်မာ့ သတင်း

စမ်းသပ်ပြေးဆွဲ နေသည့် အမျိုးသမီး သီးသန့်ယာဉ်လိုင်းကို နေ့စဉ်ပုံမှန် ပြေးဆွဲသွားမည်

ပါရမီမြို့တွင်း ခရီးသွား သယ်ယူပို့ဆောင်ရေး လုပ်ငန်းမှ စမ်းသပ်ပြေးဆွဲ နေသည့် အမျိုးသမီး သီးသန့်ယာဉ်လိုင်းကို နေ့စဉ်ပုံမှန်အတိုင်း ပြေးဆွဲသွားမည်ဟု အဆိုပါလုပ်ငန်းမှ သတင်း ရရှိသည်။

အမျိုးသမီး သီးသန့်ယာဉ်လိုင်းအဖြစ် စမ်းသပ်ပြေးဆွဲမှုကို ၂၀၁၂ ခုနှစ် ဖေဖော်ဝါရီလ ၁၄ ရက်နေ့မှ ၁၇ ရက်နေ့အထိ ပြေးဆွဲခဲ့ပြီး ပြေးဆွဲခဲ့သော ယာဉ်လိုင်းများမှာ အဓိပတိအပြာ၊ အနီ၊အ၀ါ၊၁၇၆၊၁၇၇ ယာဉ်လိုင်း ငါးလိုင်းတို့ဖြစ်ကာ တစ်လိုင်းလျှင် နှစ်စီးနှုန်းဖြင့် ၁၀ စီး ပြေး ဆွဲခဲ့ကြောင်း၊ ပြေးဆွဲချိန်မှာ နံနက် ၇ နာရီမှ ၁၀ နာရီအထိ တစ်ကြိမ်နှင့် ညနေ ၄ နာရီမှ ၇ နာရီအထိ တစ်ကြိမ်ပြေးဆွဲခဲ့ကြောင်း ခန့်မှန်းထားသော ခရီးသည်ဦးရေထက် ပိုမိုရရှိမှုကြောင့် နေ့စဉ်ပုံမှန်ယာဉ်လိုင်းအဖြစ် ပြေးဆွဲရခြင်းဖြစ်ကြောင်း သိရသည်။

ဗန္ဓုလသယ်ယူ ပို့ဆောင်ရေး ကုမ္ပဏီလီမိတက်မှ တာဝန်ရှိသူတစ်ဦးက “ အမျိုးသမီးသီးသန့် ယာဉ်လိုင်းကို ပထမဦးဆုံး စမ်းသပ်ပြေး ဆွဲခဲ့တဲ့နေ့က ငါးလိုင်းစလုံးမှာ ဦးရေ ၁၇၀၀ ကျော် စီးနင်းခဲ့တယ်။ နောက်ဆုံးနေ့မှာ လူဦးရေ ၃၇၀၀ နီးပါး စီးနင်းခဲ့ပါတယ်။ ဒီလိုခရီးသည်တွေ စမ်းသပ်ကာလမှာ များပြား လာတဲ့အတွက် ပုံမှန်ယာဉ်လိုင်း အဖြစ် စပြီးပြေးဆွဲနေပါပြီ။ နောက်ပိုင်းမှာလည်း ခရီးသည်တွေအပေါ် မူတည်ပြီးတော့ ကားအစီးရေသို့ မဟုတ် ယာဉ်လိုင်းတွေ တိုးချဲ့ပြေး ဆွဲသွားပါမယ်”ဟု ပြောကြားခဲ့ သည်။

အမျိုးသမီးသီးသန့် ယာဉ်လိုင်းအဖြစ် အဓိပတိ(အနီ)၊ (အပြာ)၊ (အ၀ါ)၊ ပါရမီ ၁၇၆၊ ၁၇၇ ယာဉ် လိုင်းငါးလိုင်းမှ တစ်လိုင်းလျှင် နှစ်စီးနှုန်းဖြင့် နံနက်ပိုင်းတစ်ကြိမ်၊ ညနေပိုင်းတစ်ကြိမ် ပြေးဆွဲလျက်ရှိ ကြောင်း သိရသည်။

အဆိုပါ ယာဉ်လိုင်းငါးလိုင်း အနက်မှ ပါရမီ-၈မိုင်- လှည်းတန်း- ကြည့်မြင်တိုင်- ပုစွန်တောင်- ကြက်ဘဲဈေး- သုဝဏ္ဏ- စံပြ- ဒဂုံတက္ကသိုလ်သို့ ပြေးဆွဲနေသည့် အဓိပတိ အ၀ါရောင်ယာဉ်လိုင်းမှာ ခရီးသည် အများဆုံး စီးနင်းနေကြောင်း သိရသည်။

အမျိုးသမီးသီးသန့် ယာဉ်လိုင်း အဖြစ် ပြေးဆွဲနေသော ယာဉ်လိုင်းများတွင် ယာဉ်တစ်စီးလျှင် အမျိုးသမီး တစ်ဦးက လုပ်အားပေးအဖြစ် ဆောင်ရွက်ပေးနေကြောင်း သိရသည်။ အမျိုးသမီး သီးသန့် စီးနင်းနိုင်သည့် ခရီးသည်တင် ယာဉ်လိုင်းပြေးဆွဲရခြင်း ရည်ရွယ်ချက်မှာ အမျိုးသမီးများ သီးသန့်သွား လာနိုင်ရန်နှင့် ၎င်းတို့၏ ကာယိနြေ္ဒကို ကာကွယ်ရန်တို့ ဖြစ်ကြောင်း သိရသည်။
Ref: EMG

Read more »

Posted in: ၀၃။ မြန်မာ့ သတင်း

နိုင်ငံပိုင် မြန်မာ့အလင်းသတင်းစာ အလွဲသုံးစားမှုကြီးကို ဒုတိအကြိမ် ရုံးတင်စစ်ဆေး

နိုင်ငံ ပိုင် မြန်မာ့ အလင်းသတင်းစာ တိုက်မှ ဝန်ထမ်းအချို့ကျပ်ငွေပေါင်း သိန်း ၂ထောင်ကျော် အလွဲသုံးစားပြူခဲ့သည်ဆိုသော အမှုကြီးကို ရန်ကုန်မြို့ပန်းဆိုးတန်းရှိ အနောက်ပိုင်းခရိုင် တရားရုံး တွင် ဖေဖော်ဝါရီလ၂၁ ရက်နေ့က ဒုတိယအကြိမ်ဖြစ် ရုံးတင်စစ်ဆေးခဲ့ကြောင်း ရန်ကုန်မြို့ မဟာဗန္ဓုလပန်းခြံလမ်းရှိ ဗဟိုတရားရုံးရှေ့နေများ အသိုင်းဝိုင်းထံမှ သိရှိရသည်။

ရန်ကုန်အနောက်ပိုင်း ဒုတိယခရိုင် တရားသူ ကြီး ၄ ၏ ရုံးခန်းတွင် ယင်းနေ့က မြန်မာ့အလင်းသတင်းစာမှ လက်ထောက်မန်နေဂျာ အပါဝင်၂ ဦးကို ပြစ်မှုဆိုင်ရာ အမှုကြီးအမှတ် ၇၈/၂၀၁၁၊ ၇၉/၂၁၁၊ ၈၀/၂၀၁၁ တို့ဖြင့် လက်ခံ ကြားနာစစ်ဆေးခဲ့ပြီး ညနေ၃ နာရီကျော်တွင် စစ်ဆေးမှုပြီးဆုံးခဲ့သည်ဟု ယင်းအမှုစစ်ဆေးစဉ် တရားခွင်ရောက်ရှိ နေသူများထံမှ သိရှိရသည်။

" အရင် မြန်မာအလင်းသတင်းစာက မန်နေဂျာ အပါဝင် ၃ ယောက် လက်ထိပ်ခတ်ထားတာတွေ ရတယ်။ နောက်ဆုံးတန်းမှာထိုင်နေကြတယ်။ ဒီနေ့က တရားလိုပြသက်သေစစ်တာလို့ပြောတယ်" ဟု အမူစစ်ဆေးသည့်နေရာတွင် ရောက်ရှိနေသူတစ်ဦးက ရှင်းလင်းပြောကြားသည်။

တရားခွင်မှရရှိသော သတင်းများအရ မြန်မာ့အလင်းသတင်းစာတိုက်မှ သတင်းစာဖိုးနှင့်ကြော်ငြာဖိုးငွေ ကျပ်၂၈၈၆ သိန်းကို ကိုယ်ကျိုးအတွက် အလွဲသုံးစားပြူမှုဟု သတင်းများထွက်ပေါ်နေသော်လည်း ယင်းပမာဏထက် သိသိသာသာ များပြားသည်ဟုလည်း ရန်ကုန်သတင်းစာဖြန့်ချိရေးလောက အတွင်းရှိသူများက ပြောဆိုကြသည်။

မြန်မာအလင်းသတင်းစာ သတင်းစာဖိုးနှင့်ကြော်ငြာငွေများသည် ၂၀၀၈၊ ၂၀၀၉၊ ၂၀၁၀ နှင့် ၂၀၁၁ ခုနှစ်အတွင်း သက်ဆိုင်ရာ စာရင်းစစ်အဖွဲ့များက စစ်ဆေးရာတွင် ယင်းကဲ့သို့ကွာဟနေသည့်အတွက် ယင်းသတင်းစာတိုက် စာတည်းမှူးချုပ် ဦးလှိုင်ဝင်းက တရားလိုပြုလုပ် တိုင်းတန်းခဲ့ပြီး ယင်းအမှုကို ပြည်ထဲရေးဝန်ကြီးဌာနသို့ တင်ပြအကြံပြုချက်တောင်းခံခဲ့ရာ ပြီးခဲ့သည်နိုဝင်ဘာလအတွင်း ၁၉၆၃ ခုနှစ် အများနှင့်သက်ဆိုင်သောပစ္စည်း ကာကွယ်စောင့်ရှောက်ရေးဥပဒေ ပုဒ်မ ၃ သို့ ပြောင်းလဲဖွင့်လှစ်ရန် အကြောင်းပြန်သောကြောင့် ယင်းအမှုအတိုင်း ပြောင်းလဲဖွင့်လှစ်ခဲ့သည်ဟု ဖေဖော်ဝါရီလ ၂၀ရက်နေ့ထုတ် The Crime ဂျာနယ်တွင်ဖော်ပြထားသည်။

ယင်းဖြစ်စဉ်နှင့်ပက်သက်၍ ပြီးခဲ့သော နိုဝင်ဘာလတွင်းက ရန်ကုန်မြို့တော်ရှိ သတင်းစာကိုယ်စားလှယ်ကြီး ၈ဦးခန့်ကို ခေါ်ယူစစ်ဆေးခဲ့ပြီး မြန်မာအလင်းသတင်းစာ ဖြန့်ချိစဉ် ဝယ်ယူသည့်ပြေစာများကို စစ်ဆေးခဲ့ကြောင်း သတင်းစာကိုယ်စားလှယ်အသိုင်းဝိုင်းထံမှ သိရှိရသည်။

ယင်းသို့စစ်ဆေးမှုတွင် နိုင်ငံပိုင် မြန်မာ့အလင်းသတင်းစာတိုက်သည် ပုံမှန် စာရင်းပြသော စောင်ရေထက် ပိုရိုက်ထားသော စောင်ရေများကို ပုံမှန်ဈေး ၅၀ကျပ်အစား ၄၅ကျပ်ဖြင့် တရားမဝင် ဖြန့်ချိမှုအချို့ကို စစ်ဆေးတွေ့ရှိခဲ့ပြီး ကိုယ်စားလှယ်အချို့မှာ သတင်းစာ ဝယ်ယူထားသည့်ပြေစာများ မပြနိုင်ကြောင်းလည်း သတင်းစာဖြန့်ချိရေး အသိုင်းဝိုင်းထံမှ စုံစမ်းသိရှိရသည်။

ယင်း စစ်ဆေးမှုကို ရန်ကုန်မြို့၊ ပန်းဆိုးတန်းလမ်းရှိ အနောက်ပိုင်းခရိုင် တရားရုံးက ဆက်လက်ကြားနာစစ်ဆေးရန်အတွက် လာမည့်မတ်လ ၆ ရက်နေ့သို့ ထပ်မံ ချိန်းဆိုလိုက်ပြီး ၁၉၆၃ ခုနှစ် အများပြည်သူနှင့်သက်ဆိုင်သောပစ္စည်း ကာကွယ်စောင့်ရှောက်ရေးဥပဒေ ပုဒ်မ ၃သည် ပြစ်မှုထင်ရှားပါက တရားစွဲဆိုခံထားရသူများသည် အနည်းဆုံးထောင်ဒဏ် ၁၀ နှစ်ခန့်မနည်းဖြစ်စေ၊ ထောင်ဒဏ် တစ်သက်တစ်ကျွန်းဖြစ်စေ၊ ပြစ်ဒဏ်ကျနိုင်ကြောင်း တရားလွှတ်တော်ရှေ့နေတစ်ဦးက ပြောကြားသည်။

မြန်မာ့အလင်း သတင်းစာတိုက်တွင် အထွေထွေမန်နေဂျာအသစ်အဖြစ် ဦးဝေဖြိုးသန်းက မကြာသေးခင်လပိုင်းကစတင်တာဝန်ယူလျှက်ရှိပြီးဝန်ထမ်းအများစုမှာ ပြောင်းရွှေ့ ခြင်း၊ နှုတ်ထွက်ခြင်းများ ရှိကြောင်း ယခင်က မြန်မာ့အလင်း သတင်းစာတိုက်တွင် တာဝန်ထမ်းဆောင်ခဲ့သူ တစ်ဦးကပြောကြားသည်။

 The Voice Weekly

Ref: သစ်ထူးလွင်

Read more »

Posted in: ၀၃။ မြန်မာ့ သတင်း

၅ ထောင်တန် ဖုန်းကတ်ကိစ္စဖြင့် ကြံ့ခိုင်ရေးပါတီ မဲဆွယ်

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ) က ကျပ် ၅ ထောင်တန် လက်ကိုင်ဖုန်း ဆင်းမ်ကတ် သုံးနိုင်ရေး လွှတ်တော်တွင် အဆို တင်သွင်းမည်ဟုဆိုကာ ကြားဖြတ် ရွေးကောက်ပွဲ အတွက် မဲဆွယ်ကြောင်း သတင်းရရှိသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ရန်ကုန်တိုင်း တာဝန်ခံ ဦးအောင်သိန်းလင်း (ဓာတ်ပုံ - ဧရာဝတီ)

ကြံ့ခိုင်ရေးပါတီ ရန်ကုန်တိုင်းတာဝန်ခံ ဦးအောင်သိန်းလင်းက စာနယ်ဇင်းသမားများကို ခေါ်ယူကာ ကျပ် ၅ ထောင်တန် ဖုန်းကတ်များ အသုံးပြုခွင့်ရရှိအောင် ကြံ့ခိုင်ရေးပါတီက ဆောင်ရွက်ပေးမည်ဟု ပြီးခဲ့သည့် သီတင်းပတ်အတွင်းက ပြောဆိုလိုက်ခြင်းဖြစ်ပြီး ရွေးကောက်ပွဲ နီးကပ်လာချိန်တွင် ထောက်ခံမဲရရှိရေး လုပ်ဆောင်ချက်တခုအဖြစ် ပြည်တွင်း နိုင်ငံရေးအသိုင်းအဝန်းက ပြောဆိုနေကြသည်။

“အခုတက်နေတဲ့ အစိုးရက ကြံ့ခိုင်ရေးပါတီက အမတ်တွေနဲ့ ဖွဲ့စည်းထားတဲ့ ကြံ့ခိုင်ရေးအစိုးရပါ။ သူတို့ပဲ ၅ ထောင်တန်ဖုန်းကတ်ကို မဖြစ်နိုင်ဘူးဆိုပြီး သတင်းစာရှင်းလင်းပွဲကျင်းပပြီး ငြင်းပစ်ခဲ့တယ်။ အခုတခါ ကြံ့ခိုင်ရေးက ၅ ထောင်တန် ဖုန်းကတ်အတွက် အဆိုတင်မယ်ဆိုပြီး ပြောပြန်တယ်။ တကယ်ဖြစ်အောင် လုပ်ပေးမယ်ဆိုရင် ကြိုဆိုတယ်။ ပြည်သူတွေအတွက် အကျိုးရှိမယ့်ကိစ္စမို့ ဘယ်သူလုပ်လုပ် ကြိုဆိုတယ်။ ဒါပေမယ့် အခု ကြံ့ခိုင်ရေးက ပြောနေတာက လက်တွေ့ဖြစ်အောင် မလုပ်ဘဲ ခါတော်မီ မဲရဖို့ ပြောတာပဲလို့ ယူဆယ်”ဟုလူမှုရေးဆိုင်ရာလူငယ်ကွန်ရက်တခုကိုဦးဆောင်လှုပ်ရှားနေသူ နိုင်ငံရေးသမားတဦးက

 ပြောသည်။

၅ ထောင်တန် ဖုန်းကတ်ကိစ္စသည် လူထုအကြား အလွန်ရိုက်ခတ်မှုကြီးကြောင်း၊ ထိုဈေးနှုန်းနှင့်ဆိုလျှင် လူတိုင်းဖုန်းသုံးနိုင်သည့် အနေအထားဖြစ်ပြီး အားလုံးကလည်း မျှော်လင့်ကြကြောင်း ၎င်းက ဆက်လက်ပြောသည်။

ရွှေပြည်တံခွန်ကုမ္ပဏီက ကျပ် ၅ ထောင်ဖြင့် ဖုန်းကတ်များ ထုတ်လုပ်ရောင်းချလိုကြောင်း သမ္မတ ဦးသိန်းစိန်ထံ တင်ပြတောင်းခံခဲ့ရာ ဆက်သွယ်ရေးလုပ်ငန်းတွင် အစိုးရကသာ လုပ်ကိုင်နိုင်ပြီး ဥပဒေအရ ပုဂ္ဂလိက ကုမ္ပဏီများကို ဆက်သွယ်ရေးလုပ်ငန်း လုပ်ကိုင်ခွင့်မပြုနိုင်ကြောင်း ဇန်န၀ါရီလ ၂၉ ရက်နေ့က ရန်ကုန်မြို့ ဆက်သွယ်ရေးသင်တန်းကျောင်းတွင် ပြုလုပ်သောသတင်းစာရှင်းလင်းပွဲ၌ မြန်မာ့ဆက်သွယ်ရေး

လုပ်ငန်း ညွှန်ကြားရေးမှူး ဦးခင်မောင်သက် တရားဝင် ငြင်းဆိုခဲ့ပြီးဖြစ်သည်။

သို့သော်လည်း ရွှေပြည်တံခွန်ကုမ္ပဏီ ဥက္ကဋ္ဌ ဦးလွင်နိုင်ဦးကမူ ရန်ကုန်နှင့် ဧရာဝတီတိုင်းတွင် ကျပ် ၅ ထောင်တန် ဖုန်းကတ်များ ချထားပေးမည်ဖြစ်ပြီး ၅ ထောင်တန်ဖုန်း အချင်းချင်းသာ ဆက်သွယ်နိုင်မည်ဖြစ်ကြောင်း၊ မြန်မာ့ ဆက်သွယ်ရေးလုပ်ငန်းက ခွင့်ပြုမှသာလျှင် ဖုန်းအမျိုးအစားအားလုံးနှင့် ချိတ်ဆက်နိုင်မည်ဖြစ်ကြောင်း အဆိုပါသတင်းစာရှင်းလင်းပွဲတွင် ပြောဆိုခဲ့သည်။

ပြည်တွင်းသတင်းထောက်တဦးက “ကြံ့ခိုင်ရေးက တကယ်ပဲ ၅ ထောင်တန်ဖုန်း သုံးစေချင်တယ်ဆိုရင် လူထုတွေထဲမှာ တွင်တွင်ကျယ်ကျယ် စည်းရုံးပြီး လှုပ်ရှားမှုတွေ ဦးဆောင်သင့်တယ်။ နောက်ပြီး ဆက်သွယ်ရေးဝန်ကြီး ဆိုတာကလည်း ကြံ့ခိုင်ရေးပါတီက အမတ်တဦးဖြစ်ခဲ့တဲ့အတွက် သူ့ကို ၅ ထောင်တန်ဖုန်းကတ်တွေ ခွင့်ပြုဖို့ ဖိအားပေး၊ ဥပဒေပိုင်းမှာလည်း ပြင်သင့်တာတွေ မြန်မြန်ပြင်နိုင်ဖို့ လုပ်၊ အခု ဖုန်းကတ်ထုတ်ဖို့ ကြိုးစားနေတဲ့ ရွှေပြည်တံခွန်ကုမ္ပဏီကို သွားတွေ့ပြီး ဖုန်းကတ်တွေ တကယ်ထွက်လာအောင် တွေ့ဆုံတွန်းအားပေးတာမျိုးလည်း လုပ်လို့ရတယ်” ဟု ပြောသည်။

မြန်မာနိုင်ငံတွင် ၅ နှစ်အတွင်း ကျပ် ၃ သိန်းအောက် GSM ဖုန်းအလုံး သန်း ၃၀ ချထားပေးမည့် စီမံကိန်းကို အစိုးရက ရေးဆွဲ အကောင်အထည်ဖော်လျက်ရှိပြီး ယင်းစီမံကိန်းတွင်  E-Lite, ရတနာပုံတယ်လီပို့၊ IGE ကုမ္ပဏီ အပါအ၀င် အာဏာပိုင်များ၊ စစ်ဗိုလ်ချုပ်များနှင့် နီးစပ်သည့် ကုမ္ပဏီ ၂၃ ခုက အကျိုးတူပူးပေါင်းဆောင်ရွက် လျက်ရှိသည်ဟု မြန်မာ့ဆက်သွယ်ရေးလုပ်ငန်း၏ သတင်းထုတ်ပြန်ချက်အရ သိရှိရသည်။

Ref: ဧရာဝတီ

Read more »

Posted in: ၀၃။ မြန်မာ့ သတင်း

 အမေရိကန်အခြေစိုက် Visa ကုမ္ပဏီက စီးပွားရေးပိတ်ဆို့မှု ရုပ်သိမ်းသည်နှင့် လုပ်ငန်းဆောင်ရွက်နိုင်ရန် ပြည်တွင်းဘဏ်အချို့နှင့် ချိတ်ဆက်လာ

အမေရိကန်နိုင်ငံအခြေစိုက် Visa  အကြွေးဝယ်ကတ်လုပ်ငန်းက မြန်မာနိုင်ငံအပေါ် စီးပွားရေးပိတ်ဆို့မှုရုပ်သိမ်းသည်နှင့် လုပ်ငန်းဆောင် ရွက်နိုင်ရန် ပြည်တွင်းဘဏ်အချို့နှင့် ချိတ်ဆက်ဆွေးနွေးလာကြောင်း ဘဏ်လုပ်ငန်း အသိုင်းအ၀ိုင်းထံမှ သတင်းရရှိပါသည်။

''Visa  ကုမ္ပဏီက ပြည်တွင်းဘဏ်တွေနဲ့ ဆွေးနွေးသွားပါတယ်။ သူတို့က စီးပွားရေးပိတ်ဆို့မှုရုပ်သိမ်း သွားပြီဆိုတာနဲ့ ၀င်လာနိုင်အောင် ပြင်ဆင်လာတဲ့အခြေအနေပါ။ တခြားနိုင်ငံတွေက အကြွေးဝယ်ကတ်လုပ်ငန်းတွေလည်း မြန်မာပြည်ဈေးကွက်ကို တော်တော်စိတ်ဝင်စားနေတာ တွေ့ရတယ်''ဟု အဆိုပါလုပ်ငန်းများနှင့် ဆွေးနွေးရာတွင် ပါဝင်သည့်ပုဂ္ဂလိကဘဏ်တစ်ခုမှ  ပြောကြားပါသည်။

 မြန်မာနိုင်ငံတွင် လက်လီလက်ကား ဘဏ်လုပ်ငန်းများဆောင်ရွက်လိုသည့် နိုင်ငံတကာဘဏ်များ ပိုမို များပြားလာပြီး ယင်းတို့အထဲတွင် လက်လီဘဏ်လုပ်ငန်းစနစ်ဖြစ်သော နိုင်ငံတကာ အကြွေးဝယ် လုပ်ငန်းများ ပါဝင်လာခြင်းဖြစ်ကြောင်း၊ အခြားကမ္ဘာ့ထိပ်တန်း အကြွေးဝယ်ကတ်လုပ်ငန်းဖြစ်သော Mastercard မှာ မြန် မာနိုင်ငံသို့ ယခုအချိန်အထိ ချိတ်ဆက်မှုမရှိသေးကြောင်း မြန်မာဘဏ်လုပ်ငန်း အသိုင်းအ၀ိုင်းထံမှ သိရပါသည်။

မြန်မာဘဏ်များအနေဖြင့်၂၀၁၁ခုနှစ် နိုဝင်ဘာလမှစတင်ပြီး အေတီအမ်ကတ်ဝန်ဆောင်မှုကို ပေးအပ်

လျက်ရှိပြီး ဘဏ်အနီးတွင်သာ မက ရှော့ပင်းစင်တာများ၊ လေဆိပ် များ၊ ဘူတာရုံများ၊ စူပါမားကတ်များကဲ့သို့ လူအများ သွားလာမှုများ သည့်နေရာများတွင်ပါ အေတီအမ် စက်များကိုထားရှိရန် လုပ်ဆောင်နေကြောင်း၊ ထို့အပြင် Debit ကတ် အမျိုးအစားဖြစ်သော MPU ကတ်ကိုလည်း လာမည့်ဧပြီလတွင်စတင် အသုံးပြုမည့်အပြင် မြန်မာဘဏ်များအားလုံး ချိတ်ဆက်ပြီး နိုင်ငံတကာ ဘဏ်များပါ ပါဝင်ချိတ်ဆက်နိုင်မည့် Myanmar Union Payment Network မှာ မကြာမီ ပြီးစီးတော့မည်ဖြစ်ကြောင်း သိရပါသည်။

''လက်ရှိမှာ မြန်မာဘဏ်တွေ အနေနဲ့ အေတီအမ်ကတ်စနစ်၊ Debit ကတ်စနစ်နဲ့ Point of Sale (POS) ၀န်ဆောင်မှုတွေ လုပ်ကိုင်ခွင့် ရရှိထားပါတယ်။ နောက်ပြီး Credit ကတ်တွေ၊ Smart ကတ်တွေတို့ကိုလည်း  MPU ကတ်နဲ့ ချိတ်ဆက်ပြီး အသုံး ပြုနိုင်မှာပါ။  MPU ကတ်က  ပြည်တွင်းမှာအပြင် ပြည်ပကိုလည်း ယူဆောင်အသုံးပြုနိုင်မှာဖြစ်ပြီး နိုင်ငံတကာကတ်တွေဖြစ်တဲ့ Visa ၊ Master ၊ CUP  တို့လို ကတ်တွေကိုလည်း ပြည်တွင်းမှာ အသုံးပြုနိုင်မှာပါ။ မြန်မာပြည်မှာ အကြွေးဝယ်ကတ် လုပ်ငန်း လုပ်ကိုင်လိုတဲ့ နိုင်ငံတကာကုမ္ပဏီတွေလည်း ၀င်ရောက်လာနိုင်မှာပါ''ဟု မြန်မာနိုင်ငံငွေပေးချေမှု အဆင့်မြှင့်တင်ရေးကော်မတီအဖွဲ့ဝင်တစ်ဦးက ရှင်းပြပါသည်။ အလားတူပင် တရုတ်နိုင်ငံအခြေစိုက် CUP ကတ်ကဌာနဆိုင်ရာ များမှ ခွင့်ပြုချက်ရသည်နှင့် ချက်ချင်းလုပ်ကိုင်လိုသည့် အခြေအနေရှိကြောင်းလည်း သိရှိရသည်။

 

Ref: EMG

Read more »

Posted in: ၀၃။ မြန်မာ့ သတင်း

 မြန်မာနှင့် အမေရိကန် တိုက်ရိုက် ကုန်စည်တင်ပို့နိုင်ရန် မြန်မာနိုင်ငံရှိ ဆိပ်ကမ်းများအား အမေရိကန် ကမ်းခြေစောင့် တပ်ဖွဲ့ ကိုယ်စားလှယ်များ လာရောက်လေ့လာ

အမေရိကန် ကမ်းခြေစောင့် တပ်ဖွဲ့၏ အထူးကိုယ်စားလှယ်များ MITT  ရှိ X-rays ဖြတ်စက်အား လေ့လာစဉ်

မြန်မာနှင့် အမေရိကန် တိုက်ရိုက် ကုန်စည် တင်ပို့နိုင်ရန် မြန်မာနိုင်ငံရှိ ဆိပ်ကမ်းများအား အမေရိကန် ကမ်းခြေစောင့်တပ်ဖွဲ့ ကိုယ်စားလှယ်များမှ လာရောက်လေ့လာခဲ့ကြောင်း သိရသည်။

မြန်မာနိုင်ငံရှိ ဆိပ်ကမ်းများမှ အပြည်ပြည်ဆိုင်ရာ သင်္ဘောနှင့် ဆိပ်ကမ်းများလုံခြုံမှုအတွက် လိုက်နာရမည့် ဥပဒေများ(ISPS) CODE နှင့် ပတ်သက်၍ ဆောင်ရွက်ထားမှုများအား လေ့လာဆွေးနွေးရန် အမေရိကန် ကမ်းခြေစောင့်တပ်ဖွဲ့မှ ကိုယ်စားလှယ်များသည် ၂၀၁၂ ခု နှစ် ဖေဖော်ဝါရီလ ၆ ရက်နေ့မှ ၁၀ ရက်နေ့အထိ လေးရက်တာ လာရောက်လေ့လာခဲ့ကြောင်း သတင်း ရရှိပါသည်။

အမေရိကန် ကမ်းခြေစောင့် တပ်ဖွဲ့၏ အထူးကိုယ်စားလှယ် သုံးဦးသည် ဖေဖော်ဝါရီလ ၆ ရက်နေ့ တွင် မြန်မာနိုင်ငံရေကြောင်း ပို့ဆောင်ရေးညွှန်ကြားမှု ဦးစီးဌာန ရုံးချုပ်သို့ ရောက်ရှိခဲ့ကာ ယင်းဌာနမှ တာဝန်ရှိသူများနှင့် (ISPS) CODE နှင့်ပတ်သက်၍ မြန်မာနိုင်ငံမှ လက်ရှိဆောင်ရွက်ထားမှု အခြေအနေများ အား ဆွေးနွေးခဲ့ကြောင်း သိရသည်။

အထူးကိုယ်စားလှယ် သုံးဦးသည် မြန်မာနိုင်ငံသို့ ရောက်ရှိစဉ် အတွင်း မြန်မာ့ဆိပ်ကမ်းအာဏာ ပိုင်လက်အောက်ရှိ ဆူးလေဆိပ်ကမ်း၊ အေးရှားဝေါလ်ဆိပ်ကမ်း၊ မြန်မာ့စက်မှုဆိပ်ကမ်း၊ MITT ၊ MIPL ၊ လန်းပြီပင်လယ်ရေကြောင်း ကုမ္ပဏီစီမံခန့်ခွဲမှု လက်အောက်ရှိ ဗိုလ်အောင်ကျော်ဆိပ်ကမ်း၊ မြန်မာ့ ကြယ်ငါးပွင့် သင်္ဘောလုပ်ငန်း လက်အောက်ရှိ သာကေတဆိပ်ခံ တံတားတို့အား သွားရောက်လေ့လာခဲ့သည်။

မြန်မာနိုင်ငံနှင့် အမေရိကန်နိုင်ငံတို့သည် အနာဂတ်ကာလတွင် ကုန်သွယ်စီးပွားဖက် နိုင်ငံများအဖြစ် ရပ်တည်နိုင်မည့် အခြေအနေတွင် မြန်မာနိုင်ငံ၏ဆိပ်ကမ်းများ နိုင်ငံတကာ အဆင့်ရှိ၊ မရှိ ကြိုတင်လာရောက် လေ့လာခြင်း ဖြစ်သည်ဟု သိရသည်။

လက်ရှိအချိန်တွင် မြန်မာနိုင်ငံ နှင့် အမေရိကန်နိုင်ငံသည် တိုက်ရိုက် ကုန်သွယ်မှု ပြုလုပ်နိုင်သည့် အနေအထားတွင် မရှိသေးဘဲ စင်ကာပူကဲ့သို့သော ကြားခံနိုင်ငံများတွင် တစ်ဆင့် ပြန်လည်စစ်ဆေးခံရမှုများ ရှိနေရာ ယင်းအတွက် မလိုလားအပ်သည့် သယ်ယူပို့ဆောင်ခ စရိတ်များ ပိုမိုကုန်ကျနေသည်ဟု သိရသည်။

“ကျွန်တော်တို့နိုင်ငံကနေ အမေရိကန်နိုင်ငံကို တိုက်ရိုက်ကုန်တင်ပို့မှု မရှိတဲ့အတွက် ကုန်တင်ပို့ချင်ရင် စင်ကာပူလို ကြားခံနိုင်ငံတွေမှာ ကုန်ပို့သူပြောင်းလဲရတာတို့၊ ကုန်စည်ထုပ်ပိုးမှုပုံစံ ပြောင်းလဲရတာ တို့တွေ ရှိပါတယ်။ ဒါကြောင့် ကုန်ကျစရိတ်တွေ ပိုမိုကုန်ကျနေပါတယ်”ဟု လုပ်ငန်းရှင်တစ်ဦးက ပြောပြခဲ့သည်။

“ပြုပြင်ဆဲကာလ ဖြစ်တဲ့အတွက် Safety ပိုင်းနှင့် ပတ်သက်ပြီး ယာယီလုပ်ဆောင်ထားတဲ့ တချို့ နေရာတွေကို မှတ်ချက်ပြု ပြောကြားခဲ့တာက လွဲရင် ဆိပ်ကမ်းတော်တော်များများရဲ့ လေ့လာမှုရလဒ်တွေ ကို ကျေနပ်သွားတာကို တွေ့ရပါတယ်”ဟု မြန်မာနိုင်ငံရေကြောင်း ပို့ဆောင်ရေးညွှန်ကြားမှုဦးစီးဌာနမှ တာဝန်ရှိသူတစ်ဦးက ပြောပြခဲ့သည်။

Ref: EMG

Read more »

Posted in: ၀၃။ မြန်မာ့ သတင်း

လစာတိုးဖို့ ဦးရွှေမန်း သဝဏ်လွှာထပ်ပို့

ချင်းမိုင် (မဇ္ဈိမ) ။        ။ ဝန်ထမ်းများ လစာတိုးရေး အဆိုကို ဘဏ္ဍာရေးဝန်ကြီးက ငြင်းပယ်လိုက်ပြီးနောက် သူရဦးရွှေမန်းက ပြည်ထောင်စုလွှတ်တော်သို့ အင်္ဂါနေ့တွင် သဝဏ်လွှာပေးပို့ကာ ထပ်မံ တောင်းဆိုလိုက်သည်။

ဖေဖေါ်ဝါရီလ ၂၁ ရက် ရက်စွဲဖြင့်ပေးပို့သည့် ပြည်သူ့လွှတ်တော်ဥက္ကဋ္ဌ၏ သဝဏ်လွှာတွင် “ဝန်ထမ်းတဦး၏ လစာ သည် အနည်းဆုံး တသိန်းဖြစ်သင့်ပြီး ထိုက်သင့်သည့် အခွန်များ နုတ်ပယ်ပြီးပါက ရှစ်သောင်းခန့် ကျန်ရှိနေသင့်ကြောင်း” ပါရှိသည်ဟု အမျိုးသားလွှတ်တော်အမတ် ဦးခိုင်မောင်ရည်က မဇ္ဈိမကို ပြောသည်။

နေပြည်တော် အနီးပတ်ဝန်းကျင်ရှိ အခြေခံလုပ်သားတို့၏ တနေ့လုပ်ခ ကျပ် နှစ်ထောင်သာ ရှိပြီး၊ ကျွမ်းကျင် လုပ်သားနှင့် လုပ်သက် ငါးနှစ်အထက် လုပ်သားများမှာ တနေ့ဝင်ငွေ သုံးထောင်မှ ငါးထောင်သာ ရရှိနေသည်ကို သူ၏ သဝဏ်လွှာတွင် ထောက်ပြထားကာ အစိုးရဝန်ထမ်းများ လစာတိုးပေးသင့်ကြောင်း သဝဏ်လွှာတွင် ထည့်သွင်းရေးသားထားသည်။

ဝန်ထမ်းများ လစာတိုးရေး အဆိုကို ဘဏ္ဍာရေးဝန်ကြီးက ငြင်းပယ်လိုက်ပြီးနောက် သူရဦးရွှေမန်းက ပြည်ထောင်စု လွှတ်တော်သို့ သဝဏ်လွှာပေးပို့ကာ ထပ်မံ တောင်းဆို (ဓါတ်ပုံ မဇ္ဈိမ)

“ဝန်ထမ်းကောင်းမှ အစိုးရကောင်းမှာ ဖြစ်ပါတယ်။ ဝန်ထမ်းကောင်းဖို့ဆိုတာက သူတို့ရဲ့ လုပ်ခ လစာတွေဟာ
လျော်ကန်သင့်မြတ်တဲ့ လုပ်ခလစာတွေဖြစ်ဖို့ လိုအပ်ပါတယ်။ လွှတ်တော်ကလည်း ဥပဒေပြုရေး အတွက် စေတနာကောင်း စိတ်ထားကောင်းနဲ့ ဆောင်ရွက်သွားရမှာ ဖြစ်ကြောင်းလည်း တင်ပြလိုပါတယ်” ဟု ဦးရွှေမန်း၏ သဝဏ်လွှာ တွင် ပါရှိကြောင်းလည်း ဦးခိုင်မောင်ရည်က မဇ္ဈိမကို ပြောသည်။

ဖေဖေါ်ဝါရီလ ၇ ရက်နေ့ ပြည်ထောင်စုလွှတ်တော်သို့ တင်သွင်းသည့် ဦးရွှေမန်း၏ အဆိုတွင် ဝန်ထမ်းများ၏ လစာကို ၂၀၁၂- ၂၀၁၃ ဘဏ္ဍာရေးနှစ်အတွင်း မဖြစ်မနေ တိုးပေးရန် တောင်းဆိုထားပြီး အနည်းဆုံး ၁၉၅၉ ခုနှစ် ၁၉၆၀ နှစ် များအတွင်းက ဝန်ထမ်းများ ရရှိခဲ့သည့် လစာနှုန်းထားအတိုင်း ရရှိအောင် ခွင့်ပြုပေးရန်လည်း တောင်းဆိုထားသည်။

သို့သော် ဘဏ္ဍာရေးနှင့် အခွန်ဝန်ကြီး ဦးလှထွန်းက ပြန်လည် ရှင်းလင်းရာတွင် ၁၉၅၉-၆ဝ ခုနှစ် တန်ဖိုးများအတိုင်း လစာတိုးမြှင့်ပေးမည်ဆိုပါက ၂ဝ၁၂-၂ဝ၁၃ ဘဏ္ဍာရေး လိုငွေပြမှု ကျပ်ငွေ ၂,၅၁၇ ဘီလီယံကျော် ရှိနေရာမှ ကျပ်ငွေ ဘီလီယံ ၆,၆၀၀ ကျော်အထိ လိုငွေ ပြလာမည်ဖြစ်သည်ဟု ရှင်းလင်းခဲ့သည်။

လိုငွေကို ပြည်ပမှ ချေးယူပါက ကြွေးမြီပိုမိုများပြားလာနိုင်ခြင်း၊လစာတိုးပေးခြင်းကြောင့် ငွေကြေးဖေါင်းပွမှု မြင့်လာ
နိုင်ခြင်း၊ ကုန်ဈေးနှုန်း ကြီးမြင့်လာပြီး စီးပွားရေး မတည်ငြိမ်မှုများ ဖြစ်ပေါ်လာနိုင်သည်ဟုလည်း ဦးလှထွန်းက ပြော သွားသည်။

ဝန်ထမ်းများ လစာတိုးခြင်းကို ၂ဝ၁၃-၂ဝ၁၄ ခုနှစ်တွင်သာ ဆောင်ရွက်သင့်ပြီး ယခုနှစ်အတွင်း လူမှုရေးခက်ခဲသည့် မြို့နယ် ၈၅ မြို့နယ်မှ ဝန်ထမ်း ၃၇,၈၁၇ ဦးကိုသာ လစာတိုးပေးနိုင်မည် ဖြစ်ကြောင်း ဦးလှထွန်း က ရှင်းလင်းခဲ့သည်။

ထို့ကြောင့် အဆိုရှင်မှ ယင်းအဆိုကို ပြန်လည် မရုပ်သိမ်းပါက ပြည်ထောင်စု လွှတ်တော်တွင် မဲခွဲဆုံးဖြတ်ရန် ရှိသည်ဟုလည်း လွှတ်တော်အမတ် ဦးကြည်မြင့်က မဇ္ဈိမကို ပြောသည်။

အင်္ဂါနေ့တွင် ပြည်ထောင်စုလွှတ်တော်သို့ ပေးပို့ထားသည့် သဝဏ်လွှာတွင်လည်း “ပြည်သူကို အကျိုးပြုသည့် စီမံကိန်း များကိုသာ ဆက်လက် အကောင်အထည်ဖေါ်ကာ ကုန်ကျစရိတ်များလျော့၍ ဝန်ထမ်းများကို လစာ တိုးပေးရန်” ဦးရွှေမန်း က ထည့်သွင်း တောင်းဆိုထားသည်။

အစိုးရ၏စီမံကိန်းများနှင့်ပတ်သက်၍ လယ်/ဆည်ဝန်ကြီး ဦးမြင့်လှိုင်က ဆောင်ရွက်နေဆဲဖြစ်သည့်

 မြစ်ရေတင် စီမံကိန်း ၄၁ ခုတွင် မန္တလေးတိုင်း စဥ့်ကိုင်မြို့နယ် ရွှေလှံဗိုလ် မြစ်ရေတင်စီမံကိန်း တခုတည်းကိုသာ ၂ဝ၁၂- ၂ဝ၁၃ ဘဏ္ဍာရေးနှစ်အတွင်း ဆက်လက်ဆောင်ရွက်တော့မည်ဟု ဖေဖေါ်ဝါရီလ ၁၆ ရက်နေ့ ပြည်ထောင်စု လွှတ်တော်တွင် ရှင်းလင်းသွားသည်။

ထို့အပြင် မြန်မာတနိုင်ငံလုံးရှိ ဧက ၂,၀၀၀ အောက် မြစ်ရေတင်စီမံကိန်း စုစုပေါင်း ၂၇ဝ ခု ကိုလည်း တိုင်းဒေသကြီး အစိုးရများသို့ ၂၀၁၂- ၂၀၁၃ ဘဏ္ဍာရေးနှစ်အတွင်း လွှဲပြောင်းပေးရန် စီစဉ်ထားပြီးဖြစ်သည်ဟု ရှင်းလင်း ပြောကြား သွားသည်။

Read more »

Posted in: ၀၃။ မြန်မာ့ သတင်း

အပြည်ပြည်ဆိုင်ရာလေဆိပ် ၂ ခု မြန်မာနိုင်ငံတွင် ထပ်ဆောက်မည်

မြန်မာနိုင်ငံမှာ အပြည်ပြည်ဆိုင်ရာ လေဆိပ်အသစ် ၂ ခု ထပ်မံတိုးချဲ့ဆောက်လုပ်ဖို့ အစီအစဉ်ရှိနေတယ်လို့ တရုတ်အစိုးရပိုင် ဆင်ဟွာသတင်းမှာ ဖော်ပြပါတယ်။

အနာဂတ်မှာ ဖြစ်ထွန်းလာမယ့် တိုင်းပြည်ရဲ့  ဖွံ့ဖြိုးတိုးတက်မှုတွေနဲ့ ကိုက်ညီမှုရှိအောင် လေဆိပ်သစ်တွေ ထပ်ဆောက်ဖို့ စီစဉ်နေတာဖြစ်ပြီး  လေဆိပ်သစ် ဆောက်လုပ်ရေးအတွက် ဂျပန်နဲ့  စင်ကာပူနိုင်ငံတွေကနေ ရင်းနှီးမြှုပ်နှံမှုတွေ ဖိတ်ခေါ်ထားတယ်လို့ သတင်းမှာ ရေးထားပါတယ်။

လေဆိပ်သစ် စီမံကိန်းတွေကတော့ ပဲခူးဒေသမှာ ဆောက်လုပ်မယ့် ဟံသာဝတီ အပြည်ပြည်ဆိုင်ရာလေဆိပ်နဲ့ တနင်္သာရီဒေသက  ထားဝယ်ရေနက်ဆိပ်ကမ်းမှာ ဆောက်လုပ်မယ့် ထားဝယ် အပြည်ပြည်ဆိုင်ရာ လေဆိပ် စီမံကိန်းတွေ ဖြစ်ပါတယ်။

စီမံကိန်း ၂ ခုအနက် ထားဝယ်လေဆိပ်စီမံကိန်းကိုတော့ လက်ရှိ ရှိပြီးသား ပြည်တွင်းသုံး ထားဝယ်လေဆိပ်ကို အပြည်ပြည်ဆိုင်ရာ လေဆိပ်အဖြစ် ၃ နှစ် အတွင်း အမေရိကန် ဒေါ်လာ (၄) သန်း ကုန်ကျခံပြီး အဆင့်မြှင့်တင်မှာလို့ လေကြောင်း ဦးစီးဌာနက တာဝန်ရှိသူတွေရဲ့ စကားကို ကိုးကားပြီး သတင်းမှာ ဖော်ပြပါတယ်။

မြန်မာနိုင်ငံမှာ လက်ရှိ  ရန်ကုန်၊ မန္တလေးနဲ့  နေပြည်တော်မှာ  အပြည်ပြည်ဆိုင်ရာ လေဆိပ် ၃ ခု ရှိပြီး ပြည်တွင်းလေဆိပ် ၂၉ ခုနဲ့ စုစုပေါင်း လေဆိပ် ၃၂ ခု ရှိပါတယ်။  ဟံသာဝတီအပြည်ပြည်ဆိုင်ရာလေဆိပ် စီမံကိန်းကိုတော့ ၂၀၀၀ ပြည့်နှစ်ကလည်း မြန်မာအစိုးရက တည်ဆောက်ဖို့  စီစဉ်ခဲ့ဖူးပေမယ့် အကောင်အထည် ပေါ်မလာခဲ့ပါဘူး။ 

DVB

Source: သစ်ထူးလွင်

Read more »

Posted in: ၀၃။ မြန်မာ့ သတင်း

ဖုန်းပိုင်ရှင်များ အလိမ်မကျစေရန်နှင့် လိမ်လည်နေသူ ငလိမ်ကောင်အား ဖမ်းဆီးဖော်ထုတ်ပေးပါရန်

ကျွန်တော်သည် ရခိုင်ပြည်နယ် ပေါက်တောမြို့နယ် မြောက်ပိုင်း ကျေးရွာတစ်ရွာမှ ရွာသား တစ်ယောက်ဖြစ်ပါသည်။ ၁၅- ၁၀ - ၂၀၁၁ နေ့တွင် ကျွန်တော် ဖုန်းအား ဗိုလ်မှူး ဦးတင်မြင့်ဟု ဆိုသူက သူ့ ကို သူ ပထမဆုံး မိတ်ဆက်ပြီး ဝမ်းသာစရာ သတင်းကောင်းတစ်ခုပြောမည်ဟု အစချီကာ ယခုကဲ့သို့ ပြောဆိုလာပါသည်။

"ခင်ဗျားဟာ တော်တော်ကံကောင်းတဲ့သူပဲ ဘာဖြစ်လို့လဲဆိုတော့ အခု ၂၀၁၁ ခု ၁၀ လပိုင်း အတွင်းမှာ ခင်ဗျား တို့လို CDMA ဖုန်းပိုင်ရှင် ( ၅၀၀ ) ဦးကို သိန်း(၁၀၀၀)ဆုကနေ အနည်းဆုံး (၁၀)သိန်းဆုထိ ဗလာမပါ ကံစမ်းမဲနှိုက်မယ်။ အဲဒါကြောင့် ခင်ဗျား နာမည်အရင်း၊ မှတ်ပုံတင်အမှတ်၊ နေရပ် လိပ်စာတို့ကို တစ်ဆိပ်လောက်ပေးလို့ရမလား။ ခင်ဗျားဟာ တကယ့် ကံထူးရှင်တစ်ယောက်ပဲ ဖုန်းပိုင်ရှင်တိုင်း ကံစမ်းခွင့်မရဘူး။ အခုလိုကံထူးရှင် ၅၀၀ ကိုရွေးချယ်တဲ့အခါ ခင်ဗျား ကံထူးတာ ဖြစ်တယ်။ ဟုတ်ပြီ….ရှင်းတယ်နော်။ နာမည်တွေနဲ့အတူ မှတ်ပုံတင်နံပါတ်တွေကို တစ်ဆိတ်လောက် ပြောပါအုံး… ကံထူးရှင်ကြီးရယ် " ဟု ဒီအတိုင်းပဲ ပြောပါသည်။

ကျွန်တော်လည်း အနားမှာရှိသော ကျွန်တော်ဇနီးနှင့် တိုင်ပင်ပြီး ကျနော်နာမည် မှတ်ပုံတင် နံပါတ်များနှင့် အတူ နေရပ် လိပ်စာအပြည့်စုံပေးလိုက်ပါသည်။ နောက်ပြီး သူဘာပြောလဲဆိုတော့ "ခင်ဗျား စိတ်ဝင်စားတယ်ဆိုရင် အဲဒီလို ကံစမ်းတဲ့ပွဲမှာ တရားဝင် ယှဉ်ပြိုင် ပါဝင်နိုင်ရေး အတွက် မှတ်ပုံတင်ပြီး လျှောက်ထားရမှာ ဖြစ်တဲ့အတွက် ငွေ တစ်သိန်း(၁၀၀၀၀၀) ကျနော့်ဆီကို လွှဲပေးရမှာ ဖြစ်တယ်။ ကျနော်ကနေ ခင်ဗျားအတွက် အစစအရာရာ ကူညီဆောင်ရွက်သွားမှာဖြစ်တယ်။ လျှောက်လွှာ တရားဝင်သွားတဲ့အခါ ဘယ်နေ့ကံထူးရှင်ရွေးမယ်ဆိုတာ ခင်ဗျားကို အကြောင်း ကြားမယ်။ ဟုတ်ပီလား။ ကြာတယ်နော်။ ကျနော်လည်း သိပ်အချိန်မရဘူး။ ခင်ဗျားလိုပဲ နောက် ကံထူးရှင်တွေကိုလည်းပြောရအုံးမယ်။ ငွေလွှဲပေးလိုက်မယ်မဟုတ်လား။ မဟုတ်ရင် ခင်ဗျားကို ချန်ထားလိုက်လိမ့်မယ်။ ဘယ်လိုလဲ” ဟု လုံးဝ အတည်ပေါက်ဖြင့် ပြောလာပါသည်။

ကျွန်တော်လည်း အခုလို တစ်ခါမှ အတွေ့ အကြုံ မရှိတဲ့ အတွက် " ဟုတ်ပြီ ကျွန်တော်ဘယ်နေ့ နောက်ဆုံးထားပြီး ငွေလွှဲ ပေးလိုက်ရမှာလဲ” ဟု မေးပါသည်။ သူက “ ဒါဆို မနက်ဖြန် နောက်ဆုံး ထားပြီးလွှဲပေးလိုက်။ မြန်လေကောင်းလေပဲ။ ဒီကိစ္စကကို တစ်ခြား ဘယ်သူကိုမှ အသိမပေးနဲ့နော်” ဟု ထပ်ပြီး ပြောလာပါသည်။

" ဟုတ်ပါပြီ ကျွန်တော်ကို လွှဲပေးမယ့်သူနဲ့ လိပ်စာကို ပြောပါအုံး။ ကျနော်လည်း လွှဲပေးသင့် မပေးသင့် တိုင်ပင်စရာ ရှိတာတွေကို တိုင်ပင်ပြီး လွှဲပေးလိုက်ပါမယ်" ဟုဆိုပါသည်။ ထိုအခါ သူက " တကယ်လို့ ခင်ဗျား မရှင်း မလင်းလို့ အသေးစိတ် သိလိုရင် ဒီဖုန်းကို ခေါ်လိုက်ပါ" ဟုပြောပြီး ဖုန်းချသွားခဲ့ပါသည်။

ဒီသတင်းကို ကျွန်တော် စုံစမ်းကြည့်တော့ တစ်ခြား သူတွေလဲပဲ အခုလို ကံစမ်းမဲ ဖေါက်မယ့် သတင်း ပေးခံရတဲ့ သူတွေ ရှိသလို အမှန်တကယ် ငွေလွှဲပေးလိုက်တဲ့ သူတွေလည်း ရှိနေကြတယ်လို့ ကျွန်တော် သိလာခဲ့ရပါသည်။ ငွေလွှဲပေးလိုက်ပြီးတဲ့ နောက်ပိုင်းတွင် သူတို့ဆီကို ဖုန်းဆက် ကြည့်တော့ စက်ပိတ်ထားကြောင်း ယခုလို ကျွန်တော် သိလာရပါသည်။

ကျွန်တော်လည်း အမှန်အတိုင်း ဝန်ခံရင် ဒီသတင်းကိုကြား ကြားချင်တော့ အမှန်တကယ် ဝမ်းသာ သွားခဲ့ပါသည်။ အမှန် ငွေလွှဲပေးလိုက်ဖို့ အစီစဉ်ရှိခဲ့ပါသည်။ သို့သော် သူပြောတဲ့ ထဲမှာ “ ဒီကိစ္စကို ဘယ်သူ့ကိုမှ အသိမပေးပါနဲ့” ဆိုသော စကားကို သံသယဝင်မိရာ ပတ်ဝန်းကျင်ကို စုံစမ်းရာမှ ထိုသို့ သိလာရခြင်း ဖြစ်ပါသည်။ သို့မဟုတ်ပါက ကျွန်တော်လည်း သူပစ်မှတ်ထားသည့် သားကောင်ဖြစ်သွားမှာ ကျိန်သေပါသည်။

ထိုကဲ့သို့ သံသယလည်းဝင်သော်လည်း အနည်းငယ်ခန့် ဆက်ယုံကြည်နေသဖြင့် သူ့ဆီသို့ ကျွန်တော် သူပေးထားသော ဖုန်းနံပတ်ဖြင့် နောက်တစ်နေ့ ဆက်ကြည့်ပါသည်။ ဗိုလ်မှူး ဦးတင်မြင့် ဆိုသည့် လူကိုပဲ တစ်ခါတည်းတန်းတွေ့ပါသည်။ ဒီတစ်ခါလည်း အယင်တစ်ခါ ကထက်တောင် သေချာအောင်ပြောလိုက်သေးသည်။ ခံလိုက်ရတဲ့ လူတွေက သတိပေးမှ ကျနော် ဖုန်းမဆက်ဘဲ နှစ်ရက်လောက်ကြာသွားပါသည်။ သူ့ဆီက ဖုန်းပြန်လာပါသည်။ ဒီတစ်ခါ သူပြောသည်များကို မယုံတော့သည့် အပြင် သူကို ကျွန်တော်က ငလိမ်ကောင်ဆိုပြီး ဒေါသထွက် လာကာ နောက်ထပ် “ ဘယ်တော့မှ ခင်ဗျား မဆက်သွယ်လာနဲ့။ ခင်ဗျားဟာ ငလိမ်ကောင် ခင်ဗျား ဒီလို ဘယ် နှစ်ယောက် လောက်ကို လိမ်ဖူးပီးပီလဲ“ ဟု ကျွန်တော် ဒေါသသံနဲ့ ဟောက်လိုက်မှ သူဖုန်းချသွားပါသည်။ နောက်ထပ် တစ်ခါမှလည်း ကျွန်တော်ဆီကို ဖုန်းမဆက်လာတော့ပါ။

ကျွန်တော် အသိပေးလိုသည်မှာ တချို့လည်း ကျွန်တော်လို ကြုံဖူးက ကြုံနိုင်ပါသည်။ ခံလိုက်ရ သူများလည်း ရှိနိုင်သလို မကြုံဖူးသေးသူများလည်း ရှိနိုင်ပါသည်။ သို့အတွက် ကျွန်တော် ပြောချင်သည်မှာ ယခုလို ဖြစ်ခဲ့ရင် လုံးဝမယုံမိစေဖို့ အထူးအတိပေးချင်ပါသည်။ ငလိမ်ဆိုသူများမှာ လူယုံ ကြည်အောင် လိမ်ဖို့ အထူး တတ်ကျွမ်းပါသည်။ ၎င်းမှာ သူတို့၏ ပညာရပ် ဖြစ်ပါသည်။ သူတို့ တစ်ဘက်ကမ်းခတ် တတ်ကျွမ်းအောင် လေ့လာဆည်းပူး သုတေသနပြုထားသော ငလိမ်များ ဖြစ်သောကြောင့် ယခုကဲ့သို့ ငလိမ်များကို လုံးဝ (လုံးဝ) မယုံကြည် ကြပါရန် (စေတနာကောင်းဖြင့်) သက်ဆိုင်ရာ ဖုံးကိုင်ဆောင်ထား သူများကို နိရဉ္စရာ သတင်းဌာနတိုက်မှ တိုက်တွန်းလိုပါသည်။ အဲဒီလူ ငလိမ် ကို ဖော်ထုတ် ဖမ်းဆီးပြီး အခြေ အနေမှန်ကို လူတွေ သိအောင် အခုလိုပဲ လုပ်စေချင်ပါသည်။ သူဖုန်းနံပါတ်မှာ 0973115247 ဖြစ်ပါသည်။ ဒါဟာ ငလိမ်ကောင်းရဲ့ဖုန်းနံပါတ်ပါ။

ပေါက်တောသား
ရခိုင်ပြည်နယ် 

Ref: NBN

Read more »

Posted in: ၁၄။ ပေးစာ

မြန်မာဒုက္ခသည်များ တရားဝင်ပြန်နိုင်ရန် မျှော်လင့်ကြောင်း အဖီဆစ် ပြော

ထိုင်း-မြန်မာ နယ်စပ် တလျှောက်ရှိ မြန်မာ ဒုက္ခသည်များသည် တနေ့တွင် အိမ်သို့ စိတ်ချလက်ချဖြင့် တရားဝင် ပြန်နိုင်မည်ဟု မျှော်လင့်ကြောင်း ထိုင်းဝန်ကြီးချုပ်ဟောင်းအဖီဆစ် ဝေ့ချာချီဝက ပြောသည်။

သတင်းစာရှင်းလင်းပွဲတွင် တွေ့ရသော မစ္စတာ အဖီဆစ် ဝေ့ချာချီဝနှင့် ဒေါ်အောင်ဆန်းစုကြည် (ဓာတ်ပုံ - ဧရာဝတီ)

ဖေဖော်ဝါရီလ၁၈ရက်နေ့ကတက္ကသိုလ်ရိပ်သာလမ်းရှိ နေအိမ်တွင် ဒေါ်အောင်ဆန်းစုကြည်နှင့်

 တွေ့ဆုံပြီးနောက် ပြုလုပ်သည့် သတင်းစာရှင်းလင်းပွဲ၌ ဒီမိုကရက်ပါတီခေါင်းဆောင် မစ္စတာ အဖီဆစ်က “ထိုင်း-မြန်မာနယ်စပ်မှာ ရွှေ့ပြောင်းနေထိုင်သူ တော်တော်များများက လွန်ခဲ့တဲ့ နှစ်ပေါင်းများစွာကတည်းက ရှိနေခဲ့ပါတယ်။ တနေ့မှာသူတို့အားလုံးတရားဝင်သူတို့ရဲ့ နေအိမ်ရပ်ရွာတွေဆီ ပြန်နိုင်လိမ့်မယ်လို့ 

 မျှော်လင့်ပါတယ်” ဟု ဆိုသည်။

ထိုင်း-မြန်မာ နယ်စပ်တလျှောက်ရှိ ဒုက္ခသည်စခန်း ၉ ခု၌ မြန်မာဒုက္ခသည် ၁ သိန်း ၄ သောင်းခန့် ရှိသည်။

မြန်မာနိုင်ငံတွင် ဖြစ်ထွန်းနေသော ဒီမိုကရေစီအရေး ပြုပြင်ပြောင်းလဲမှုများကို ထောက်ခံပြီး အပြောင်းအလဲများ ဆက်လက် လုပ်ဆောင်သွားလိမ့်မည်ဟု မျှော်လင့်ကြောင်းလည်း မစ္စတာ အဖီဆစ်က ပြောသည်။

“ဒီကိုလာတာက ဒီနိုင်ငံရဲ့ အနာဂတ်အတွက် အလွန်အရေးကြီးတဲ့၊ ဒေသတွင်းနိုင်ငံတွေအတွက် အလွန်အရေးကြီးတဲ့ မြန်မာ့ ဒီမိုကရေစီ ပြုပြင်ပြောင်းလဲမှုတွေကို ထောက်ခံဖို့ပါ။ အနာဂတ်မှာ အိမ်နီးချင်းနိုင်ငံအနေနဲ့ ဒီမိုကရေစီ ပြုပြင်ပြောင်းလဲမှုက နေရလာတဲ့ ဒီနိုင်ငံရဲ့ ငြိမ်းချမ်းမှု၊ ဖွံ့ဖြိုးတိုးတက်မှုတွေကို မျှဝေခံစားချင်ပါတယ်။ မြန်မာနိုင်ငံရဲ့ ပြုပြင်ပြောင်းလဲမှုတွေကို ထောက်ခံပါတယ်။

နိုင်ငံတကာအဖွဲ့အစည်းတွေလိုပဲ ကျနော်တို့အနေနဲ့ ဖွံ့ဖြိုးတိုးတက်မှုတွေကို အနီးကပ် စောင့်ကြည့်နေပါတယ်။မကြာသေးမီက ဖြစ်ပေါ်ခဲ့တဲ့ ပြုပြင်ပြောင်းလဲမှုတွေအပေါ်မှာ

 ကျေနပ်အားရပါတယ်။ ဒါက ဆက်လက် လုပ်ဆောင်လိမ့်မယ်လို့ မျှော်လင့်တယ်” ဟု မစ္စတာ အဖီဆစ်က ဆိုသည်။

ဒေါ်အောင်ဆန်းစုကြည်ကမစ္စတာအဖီဆစ်နှင့်တွေ့ဆုံခြင်းသည် နှစ်နိုင်ငံဒီမိုကရေစီလမ်းကြောင်း

 လျှောက်ခဲ့ရသည့် အတွေ့အကြုံများကိုဖလှယ်ခြင်းဖြစ်ပြီး ကောင်းမွန်သော တွေ့ဆုံမှုဖြစ်ကြောင်း ပြောသည်။

“အန်တီတို့နဲ့ ထိုင်းနဲ့ ဒီမိုကရေစီခရီးကို လျှောက်တဲ့အခါမှာ ဘယ်လို အတွေ့အကြုံတွေရှိလဲ၊ အတွေ့အကြုံတွေ ဖလှယ်တာပေါ့။ အတွေ့အကြုံတွေ ဖလှယ်တယ်ဆိုတော့လည်း ဒီဟာတွေ ပြန်စဉ်းစားလို့ရှိရင်လည်း အကြံဉာဏ်တွေ နောက်ထွက်လာမှာပေါ့” ဟု ဒေါ်အောင်ဆန်းစုကြည်က ဆိုသည်။

၂၀၁၁ ခုနှစ် ဒီဇင်ဘာလ ၂၁ ရက်နေ့က ထိုင်းဝန်ကြီးချုပ် ယင်းလတ်ရှင်နာဝပ်သည် မြန်မာနိုင်ငံသို့ အလည်အပတ်လာရောက်ပြီး ဒေါ်အောင်ဆန်းစုကြည်နှင့် တွေ့ဆုံခဲ့သေးသည်။

Ref: ဧရာဝတီ

Read more »

Posted in: ၀၃။ မြန်မာ့ သတင်း

တိုင်ရီဖိနပ်စက်ရုံ လစာ၊ စည်းကမ်းချက် ပြင်ဆင်မှုများနှင့်ပတ်သက်၍ အလုပ်သမားများဘက်မှ ၀ါဏိဇ္ဇပဋိပက္ခကော်မတီခုံရုံးသို့ တင်ပြသွားမည်

တရုတ်ထိုင်ဝမ် တိုင်ရီစက်ရုံမှအလုပ်သမားများ

လှိုင်သာယာမြို့နယ် စက်မှုဇုံ (၃)ရှိ တိုင်ရီဖိနပ်စက်ရုံ အလုပ်သမားများဘက်မှ လစာတိုးမြှင့်တောင်းခံမှုနှင့် စည်းကမ်းချက် ပြင်ဆင်သတ်မှတ်ပေးပါရန်ကိစ္စများနှင့်ပတ်သက်၍ အလုပ်သမားများဘက်မှ အလုပ်သမားရေးရာ ဖြေရှင်းပေးသည့် ၀ါဏိဇ္ဇပဋိပက္ခ ကော်မတီခုံရုံးသို့ တင်ပြသွားမည်ဖြစ်ကြောင်း သတင်းရရှိသည်။

တရုတ်ထိုင်ဝမ် တိုင်ရီဖိနပ်စက်ရုံမှ လုပ်သား ၁၈၆၃ ဦးသည် ဖေဖော်ဝါရီလ ၆ ရက်နေ့တွင် စက်ရုံမှပေးအပ်သည့် အခြေခံလစာ၊ အလုပ်သမားအခွင့်အရေးများနှင့်ပတ်သက်၍ ဆန္ဒဖော်ထုတ်ခဲ့ကြပြီးနောက် အခြားသော ဖိနပ်စက်ရုံအချို့သည်လည်း အလုပ်ရှင်နှင့် အလုပ်သမား ပဋိပက္ခ ဖြစ်ပေါ်လာကြောင်း လက်ရှိအချိန်တွင် ကျန်စက်ရုံများမှ ပြေလည်အောင် ညှိနှိုင်းပြီးဖြစ်သော်လည်း တိုင်ရီစက်ရုံအနေဖြင့်မူ အလုပ်ရှင်နှင့်အလုပ်သမား ညှိနှိုင်းမှုပြေလည်ခြင်းမရှိသေးကြောင်း သိရသည်။

''တချို့ဂျာနယ်တွေမှာတော့ ပြေလည်သွားပြီလို့ ဖော်ပြကြပါတယ်။ ဒါပေမယ့် ကျွန်မတို့ အလုပ်သမားတွေဘက်က စက်ရုံကပေးတဲ့အချက်ကို သဘောတူပါတယ်လို့ လက်မှတ်မထိုးရသေးပါဘူး''ဟု စက်ရုံ အလုပ်သမား များ၏ကိုယ်စား လုပ်သက်ရှစ်နှစ်ရှိ မမိုးဝေက ပြောပြခဲ့သည်။  ဖေဖော်ဝါရီလ ၁၅ ရက်နေ့၌ အလုပ်သမားများ၊ အလုပ်ရှင်နှင့် အလုပ်သမားဝန်ကြီးဌာနမှ တာဝန်ရှိသူများ တွေ့ဆုံဆွေးနွေးခဲ့ပြီး လစာ တစ်နာရီ ၇၅ကျပ်မှ ၁၀၀ကျပ်သို့ လည်းကောင်း၊ အချိန်ပိုကြေး တစ်နာရီ ၁၀၄ ကျပ်မှ ၂၁၈ ကျပ်သို့ လည်းကောင်း တိုးမြှင့် ပေးခဲ့ကြောင်းနှင့် ယင်းနှုန်းထားအား သဘောတူညီသူများ လုပ်ငန်းခွင် ပြန်လည်ဝင်ရောက်နိုင်ကြောင်း၊ သဘောမတူသူများ အလုပ်ထွက်လိုက ထွက်နိုင်ကြောင်း တရုတ်ထိုင်ဝမ် တိုင်ရီစက်ရုံမှ တာဝန်ရှိသူများက ထုတ်ပြန်ခဲ့သည်။ 

'' ကျွန်မတို့ လိုချင်တာက အခြေခံလစာ တိုးမြှင့်ပေးဖို့ပါ။ အခုသူတို့ တိုးပေးတာက အခြားကြေးတွေမှာ ဖြစ်ပါတယ်။ အိုတီကြေးကလည်း အိုတီရှိမှ ရပါတယ်။ ကျန်တဲ့ တာဝန်ကျေကြေး၊ ရက်မှန်ကြေးနဲ့ ဆုကြေးတွေက ပုံမှန်တွက်ချက်ထားလို့ မရပါဘူး။ 

ဒီပုံမှန်တွက်လို့မရတဲ့ ကြေးတွေအားလုံးပေါင်းပြီးမှ လစာက တစ်သောင်းတိုးပေးတယ်လို့ ပြောနိုင်တာပါ။ ဒီကြေးတွေဆိုတာကလည်း သူဌေးနဲ့ မန်နေဂျာပေါ်မှာပဲ မူတည်ပါတယ်။ ကျွန်မတို့ လိုချင်တာက အခြေခံလစာ တိုးမြှင့်ပေးဖို့ပါ''ဟု မမိုးဝေက ပြောကြားခဲ့သည်။  စက်ရုံအား ဆက်သွယ်မေးမြန်းခဲ့ရာ''ဒီဘက်က တိုးပေးနိုင်တာ အကုန်ပါပဲ။ သူဌေးက ဒီထက်ပိုပြီးမတိုးပေးနိုင်ဘူးလို့ ပြောပါ တယ်''ဟု စက်ရုံမန်နေဂျာဆိုသူက ဖြေကြားခဲ့ပါသည်။  တရုတ်ထိုင်ဝမ် တိုင်ရီဖိနပ်စက်ရုံသည် လုပ်သားအင်အား ၂၀၀၀ ၀န်းကျင်ဖြင့် ဆောင်ရွက်နေသည့် စက်ရုံဖြစ်ပြီး လုပ်ခလစာအဆင်မပြေမှုနှင့် အခြားသော ဖိအားများကြောင့် ၂၀၁၀ ခုနှစ် ဖေဖော်ဝါရီလတွင် တစ်ကြိမ်၊ ၂၀၁၁ ခုနှစ် မတ်လတွင် တစ်ကြိမ် အလုပ်သမားများနှင့်  ပဋိပက္ခများ ဖြစ်ပေါ်ခဲ့ကြောင်း စုံစမ်းသိရှိရသည်။

တိုင်ရီစက်ရုံမှပေးအပ်သည့် အခြေခံလစာသည် အခြားသောစက်ရုံများမှ ပေးအပ်သည့် လစာများထက် နည်းပါးနေပြီး လုပ်သားတစ်ဦးချင်း၏ စွမ်းဆောင်ရည်ပိုင်းတွင်လည်း အလုပ်မြန်မြန်ပြီးစေရန်၊ အရေအတွက် ပိုမိုပြီးစေရန် ဖိအားပေးစေခိုင်းမှုများ အခြား စက်ရုံများနှင့် နှိုင်းယှဉ်ပါက များပြားနေကြောင်း သိရသည်။

လက်ရှိအချိန်တွင် အလုပ်သမားအများစု လုပ်ငန်းခွင်ပြန်လည်ဝင်ရောက်ခြင်းမရှိသေးဘဲ ၎င်းတို့ဘက်မှ တောင်းဆိုသည့်အချက်များ ညှိနှိုင်းမှုမရရှိပါက မြို့နယ်ဝါဏိဇ္ဇပဋိပက္ခ ကော်မတီခုံရုံးသို့ တင်ပြပြီး ရရှိလာသည့် ညွှန်ကြားချက်အရ ဗဟိုဝါဏိဇ္ဇပဋိပက္ခကော်မတီခုံရုံးသို့ တင်ပြမှုများ ဆောင်ရွက်သွားမည်ဖြစ်ကြောင်းအလုပ်သမားများဘက်မှ ဆောင်ရွက်ပေးမည့် 

 ရှေ့နေကိုဖိုးဖြူ၏ ပြောကြားချက်အရ သိရသည်။

Ref: EMG

Read more »

Posted in: ၀၃။ မြန်မာ့ သတင်း

ဦးဂမ္ဘီရ အပေါ် အရေးယူဖို့ အာဏာပိုင်တွေ ပြင်ဆင်

သမ္မတ ဦးသိန်းစိန်ရဲ့ နိုင်ငံတော် လွတ်ငြိမ်းချမ်းသာခွင့်နဲ့ ဇန်န၀ါရီလ ၁၃ ရက်နေ့က ပြန်လွတ်လာတဲ့ အရှင်ဂမ္ဘီရဟာ နိုင်ငံတော် သံဃာ့မဟာနာယက အဖွဲ့ရဲ့ ညွှန်ကြားချက်အတိုင်း လိုက်နာဆောင်ရွက်ခြင်း မရှိဘူးဆိုတဲ့ စွပ်စွဲချက်နဲ့ ဓမ္မစက်နဲ့ အရေးယူလို့ မရနိုင်တော့တာကြောင့် အာဏာစက်နဲ့ အရေးယူတော့မှာ ဖြစ်တဲ့အကြောင်း မနေ့က သတင်းစာထဲမှာ တရားဝင် ထည့်သွင်း သတိပေးလိုက်ပါတယ်။ အရှင်ဂမ္ဘီရနဲ့ နိုင်ငံတော် သံဃာ့ မဟာနာယကအဖွဲ့ အကြား ဖြစ်ပေါ်နေတဲ့ မပြေလည်မှုတွေနဲ့ ပတ်သက်လို့ ကိုဇော်ဝင်းလှိုင်က တင်ပြထားပါတယ်။

အရှင်ဂမ္ဘီရဟာ သမ္မတရဲ့ လွတ်ငြိမ်းချမ်းသာခွင့်နဲ့ ပြန်လွတ်လာ လာချင်းပဲ သင်္ကန်း ချက်ချင်း ပြန်ဝတ်ခဲ့ပြီး သင်္ဃန်းကျွန်းမြို့က မဂ္ဂင်ကျောင်းတိုက်မှာ သတင်းသုံးနေခဲ့တာပါ။ ဒါပေမဲ့ အဲဒီလို သင်္ကန်း ပြန်ဝတ်တဲ့နေရာမှာ သက်ဆိုင်ရာ သံဃာ့အဖွဲ့အစည်းတွေကို အကြောင်းကြားခဲ့ခြင်း မရှိတာနဲ့ ခွင့်ပြုချက်မရဘဲ သင်္ကန်းကျွန်း မဂ္ဂင်ကျောင်းတိုက်မှာ ၀င်ရောက် သီတင်းသုံးတာတွေဟာ ဥပဒေကို ချိုးဖောက်ရာ ရောက်တယ်ဆိုပြီး အာဏာပိုင်တွေဘက်က ယူဆပြီး အရှင်ဂမ္ဘီရကို အာဏာစက်နဲ့ အရေးယူမယ့်အကြောင်း သတင်းစာထဲမှာ တရားဝင် ထုတ်ဖော် ရေးသားလာတာပါ။

ဒီကိစ္စနဲ့ပတ်လို့ အရှင်ဂမ္ဘီရကို ဗွီအိုအေက တိုက်ရိုက် ဆက်သွယ် မေးမြန်းဖို့ ကြိုးစားပေမဲ့ ဆက်သွယ်လို့ မရနိုင်တဲ့အတွက် အစ်ကိုဖြစ်သူ ဦးအောင်ကျော်ကျော်ကို ဆက်သွယ် မေးမြန်းခဲ့ပါတယ်။

“ကျနော်တို့ ပြောချင်တာကတော့ သူတို့ ပြန်လွတ်လာတဲ့အခါမှာ သံဃာတွေ သီတင်းသုံးစရာကျောင်း မရှိတဲ့အတွက် ကျောင်းတိုက်ကို ဖွင့်ပြီးတော့ နေလိုက်ကြတာပေါ့လေ။ အဲဒါနဲ့ ပတ်သက်ပြီး သူတို့ ပြဿနာ ရှိတာပေါ့။ ပြဿနာရှိတော့ တဘက်နဲ့ တဘက်က သည်းခံရမယ့် အတိုင်းအတာတွေ ရှိတယ်လို့ ကျနော် ယူဆပါတယ်။ တဘက်နဲ့ တဘက်က သည်းခံပြီး သွားရမယ်လို့ ကျနော် ယူဆပါတယ်။ ဘာဖြစ်လို့လဲ ဆိုတော့ မြန်မာနိုင်ငံမှာ လက်နက်ကိုင် ပဋိပက္ခတွေ၊ လက်နက်မကိုင်တဲ့ ပဋိပက္ခတွေ။ ပဋိပက္ခပေါင်း မျိုးစုံဟာ အခုချိန်မှာ ထိန်းသိမ်းသင့်ပါပြီ။ အဲဒီတော့ တဘက်နဲ့တဘက် ရင့်သည်းမိတာတွေ ပြောဆိုမိတာတွေ အစရှိသဖြင့်ပေါ့လေ ရှိကြပါလိမ့်မယ်။ သူတို့ကလည်း လွန်ချင်လွန်မယ်။ ဒီဘက်ကလည်း လွန်ချင်လွန်မယ်ပေါ့။ အဲဒါတွေကို အာဃာတမယူဘဲနဲ့ အပြစ်မယူဘဲနဲ့ တစ်ယောက်နဲ့တစ်ယောက် သည်းခံပြီးတော့မှ ပြေပြေလည်လည် ညှိညှိနှိုင်းနှိုင်းနဲ့ သွားကြမယ်ဆိုရင် ကျနော်တို့ မြန်မာနိုင်ငံဟာ ဖွံ့ဖြိုးတိုးတက်မှု အရှိန်အဟုန် ကောင်းကောင်း ရလာလိမ့်မယ်လို့ ကျနော် ယူဆပါတယ်ဗျ။”

အာဏာပိုင်တွေက အရှင်ဂမ္ဘီရကို အခုလ ၁၀ ရက်နေ့တုန်းက ထိန်းသိမ်းသွားခဲ့ပြီး နိုင်ငံတော် သံဃာ့ မဟာနာယက အဖွဲ့နဲ့ တွေ့ဆုံပေးတဲ့ အချိန်မှာလည်း ဆရာတော်ကြီးတွေနဲ့ အာဏာပိုင်တွေရဲ့ ညွှန်ကြားချက်အတိုင်း အရှင်ဂမ္ဘီရက ၀န်ခံလက်မှတ် ရေးထိုးခဲ့တယ် ဆိုတာကိုလည်း ဦးအောင်ကျော်ကျော်က ဆက်ပြောပြပါတယ်။

“၁၀ ရက်နေ့ည ၂ နာရီလောက်က ခေါ်သွားတုန်းက နောက်တစ်နေ့ ညနေမှာ မဟန ဆရာတော်ကြီးတွေနဲ့ တွေ့ပေးတယ်လို့ ပြောပါတယ်။ တွေ့ပေးတဲ့အခါမှာ မဟန ဆရာတော်ဘုရားကြီးတွေက ရဟန်းက ၀ိနည်းနဲ့အညီ နေရမယ်ဆိုတဲ့အချက်ကို လက်မှတ်ထိုးခိုင်းပါတယ်တဲ့။ အဲဒါကို ဆရာတော် ဦးဂမ္ဘီရက လက်မှတ်ထိုးခဲ့ပါတယ်။ အခြား ဥပဒေအညီ ဘာညာ ဆိုတဲ့ကိစ္စတွေ မပါပါဘူးတဲ့။ လူ ဥပဒေကိစ္စတွေ မပါပါဘူးတဲ့။ ရဟန်းဟာ ၀ိနည်းနဲ့အညီ နေရမယ်ဆိုတဲ့အချက်ကိုပဲ လက်မှတ်ထိုးခဲ့တာလို့ ပြောပါတယ်။ နောက်တစ်ချက် လက်မှတ်ထိုးခိုင်းတာက ရဟန်းဝတ်ခွင့် ပြန်လည် လျှောက်ထားဖို့ဆိုတဲ့ အချက်ကိုတော့ လက်မှတ် မထိုးခဲ့ဘူးလို့ ပြောပါတယ်။ အဲဒီလို မထိုးခဲ့ရတာကလည်း သူတို့ဟာ ထောင်ထဲကိုဝင်မသွားခင် တုန်းကလည်း ရဟန်းတွေဖြစ်တယ်၊ ၀င်သွားတော့လည်း ရဟန်းတွေပဲ။ ထောင်ထဲက ပြန်ထွက်လာတော့လည်း ရဟန်းတွေပဲလေ။ နောက် သူ မှတ်မှတ်ရရ ပြောတာကတော့ ရဟန်းဆိုတာဟာ စိတ်ထဲမှာ ရဟန်းဝတ်ချင်တဲ့ ရဟန်းဖြစ်နေတဲ့ အာသရ မပျက်သေးဘူးဆိုရင် ရဟန်းပါပဲလို့ သူ ပြောဖူးပါတယ်။ ဆရာတော်ကြီးတွေကလည်း အဲဒါကို လက်ခံပါတယ်။ ဒီ မဟန ဆရာတော်ဘုရားကြီးတွေ ကလည်း သူ့ရဲ့ လျှောက်ထားချက်ကို လက်ခံပါတယ်။ အဲဒီမှာ အခု သတင်းစာကနေမှ ဒီ ရဟန်းဝတ်ခွင့်ကို လက်မှတ်မထိုးလို့ ဆိုပြီး ဒါကို ပြဿနာတစ်ခု အနေနဲ့ ကျနော်တို့ ဖတ်ရတာပါ။”

နိုင်ငံတော် သံဃာ့ မဟာနာယက အဖွဲ့က ဆရာတော်ကြီးတွေနဲ့ တွေ့ဆုံစဉ်မှာ ဆရာတော်ကြီးတွေရဲ့ သြ၀ါဒကို ခံယူခဲ့ပေမဲ့ သံဃာ့နာယက အဖွဲ့က သူ့ထံ အကြောင်းကြားတဲ့ စာထဲမှာ “ခွင့်ပြုချက်မရှိဘဲ ပြစ်မှု ကျူးလွန်နေသော” ဆိုတဲ့အချက်ကို အရှင်ဂမ္ဘီရက ကန့်ကွက်ကြောင်း ပြန်လည် လျှောက်ထားခဲ့တယ်လို့ ဆိုပါတယ်။

ဒါ့အပြင် သမ္မတ လွတ်ငြိမ်း ချမ်းသာခွင့်နဲ့ ပြန်လွတ်လာကြတဲ့ အကျဉ်းသား ၄၁၅ ဦးထဲမှာ ပါလာတဲ့ သံဃာ ၄၃ ပါး ပြန်လည် လွတ်မြောက်ရေး အတွက် သံဃာ့နာယက အဖွဲ့က တစုံတရာ ဆောင်ရွက်ပေးခြင်း မရှိခဲ့တာ၊ ရွှေည၀ါဆရာတော် ဦးပညာသီဟ သီတင်းသုံးနေတဲ့ သာဓု ဗုဒ္ဓတက္ကသိုလ် ကျောင်းတိုက်ကနေ တစ်လအတွင်း ထွက်ခွာသွားဖို့ သံဃာ့နာယကအဖွဲ့က အမိန့်ထုတ်ခဲ့တဲ့ အပေါ် ကန့်ကွက်တာ အပါအ၀င် ကန့်ကွက်ချက် ၁၀ ချက်ကို သံဃာထုတစ်ရပ်လုံး ကိုယ်စား အရှင်ဂမ္ဘီရက တင်သွင်းခဲ့တယ်လို့ သိရပါတယ်။

အရှင် ဂမ္ဘီရဘက်က အခုလို ကန့်ကွက်စာ တင်သွင်းခဲ့တာနဲ့ သံဃာ့နာယက ဆရာတော်ကြီးတွေရဲ့ မိန့်ကြားချက်ကို လိုက်နာခြင်း မရှိတာတွေက သံဃာထုတစ်ရပ်လုံးရဲ့ ဂုဏ်သိက္ခာ ညှိုးနွမ်းအောင် လုပ်ဆောင်တာ ဆိုတဲ့ စွပ်စွဲချက်နဲ့ ဓမ္မစက်နဲ့ အရေးယူလို့ မရနိုင်တော့တာကြောင့် အာဏာစက်နဲ့ အရေးယူဖို့ ဆုံးဖြတ်လိုက်တာ ဖြစ်တဲ့အကြောင်း သတင်းစာထဲမှာ အတိအလင်း ဖော်ပြထားပါတယ်။

Ref: VOA

Read more »

Posted in: ၀၃။ မြန်မာ့ သတင်း

ရန်ကုန်မြို့ကို စင်ကာပူကဲ့သို့ စတင်အကောင်အထည်ဖော်ပြီ

ရန်ကုန်မြို့ 

ရန်ကုန်တိုင်းဒေသကြီးကို စင်ကာပူနိုင်ငံကဲ့သို့ ဖြစ်လာစေရန် ရန်ကုန်မြို့တော် မြို့ပြစီမံကိန်း ရေးဆွဲရေးကော်မတီကို ဖွဲ့စည်းပြီး စတင်အကောင်အထည်ဖော်ဆောင်ရွက်နေပြီဖြစ်ကြောင်း မြို့တော်ဝန်ဦးလှ မြင့်က ပြောသည်။

ရန်ကုန်တိုင်းဒေသကြီး အစိုးရအဖွဲ့မှ ၂၀၁၁ ခုနှစ် နိုဝင်ဘာ ၉ ရက်တွင် ရန်ကုန်မြို့တော် မြို့ပြစီမံကိန်း ရေးဆွဲရေးကော်မတ်ီကို ဖွဲ့စည်းခဲ့ပြီး ယင်းအဖွဲ့မှ ကွန်ဆက် Plan များကို စတင်ရေးဆွဲနေပြီဟု သိရသည်။

" နိုင်ငံတော်သမ္မတကြီးက ရန်ကုန်တိုင်းဒေသကြီးကို စင်ကာပူနိုင်ငံလိုဖြစ်အောင် ဆောင်ရွက် ဖို့ လမ်းညွှန်ထားပါတယ်။ ဒါကို အကောင်အထည်ဖော်နိုင်ဖို့ ရန်ကုန်မြို့တော် မြို့ပြစီမံကိန်းရေးဆွဲရေးကော်မတီ ကို ဖွဲ့စည်းပြီး ဆောင်ရွက်နေပါပြီ။ ရန်ကုန်မြို့ကြီးကို ရေရှည်တည်တံ့ကောင်းမွန်တဲ့ သန့်ရှင်းစိမ်းလန်းပြီး ကျန်း မာရေးနဲ့ ပြည်စုံတဲ့ မြို့ကြီးတစ်မြို့ဖြစ်လာအောင် စီမံကိန်းတွေ ရေးဆွဲနေပါတယ်" ဟု ဦးလှမြင့်က ဖေဖော်ဝါရီ် ၁၅ ရက်တွင် ကျင်းပသော ပထမအကြိမ် ရန်ကုန်တိုင်းဒေသကြီး လွှတ်တော် တတိယပုံမှန်အစည်းအဝေးတွင် လသာမြို့နယ် မဲဆန္ဒနယ်အမှတ်(၂)မှ ဦးနန်းညွှန့်ဝင်းမော်၏ ရန်ကုန်မြို့တော်အား နိုင်ငံတကာနှင့် ရင်ပေါင် တန်းနိုင်ရန် မည်သို့စီမံထားသည်ကို သိလိုကြောင်း မေးခွန်းကို ပြန်လည်ဖြေကြားသည်။

စီမံကိန်းရေးဆွဲရာတွင် လက်ငင်းဆောင်ရွက်ရန် စီမံကိန်း၊ ရေတိုငါးနှစ်စီမံကိန်းနှင့် ရေရှည် ဆောင်ရွက်ရန် စီမံစိန်းများပါဝင်ပြီး ဘက်စုံဖွံ့ဖြိုးရေးအတွက် လမ်းပန်းဆက်သွယ်ရေးကဏ္ဍနှင့် သယ်ယူပို့ ဆောင်ရေးကဏ္ဍ ဖွံ့ဖြိုးလာစေရန် လေဆိပ်၊ ရေဆိပ်၊ အဝေးပြေးကားဂိတ်နှင့် မီးရထားဘူတာရုံများကို အဆင့် မြှင့်တင်ရန် ပါဝင်ကြောင်း သိရသည်။

သမိုင်းအမွေအနှစ် ဖွံ့ဖြိုးတိုးတက်ရေးကိုလည်း ထည့်သွင်းရေးဆွဲထားပြီး တိုးပွားလာမည့် ရန် ကုန်မြို့၏ လူဦးရေပေါ်တွင် အခြေခံကာ စီမံကိန်းကို ရေးဆွဲနေသည်ဟု သိရသည်။

ရန်ကုန်မြို့၏ လူဦးရေမှာ ၁၉၈၃ ခုနှစ်မှ ၂၀၁၀ ပြည့်နှစ်အထိ ခန့်မှန်းတွက်ချက်မှုအရ နှစ်စဉ် ၂ ဒသမ ၅ ရာခိုင်နှုန်းတိုးပွားနေပြီး ၂၀၁၀ ပြည့်နှစ်တွင် ၄ ဒသမ ၈ သန်းရှိကာ ၂၀၁၁ ခုနှစ်တွင် ၅ ဒသမ ၁ သန်းရှိကြောင်း သိရသည်။

နောင်လာမည့် ၂၀၅၀ ပြည့်နှစ်တွင် ၂ ဒသမ ၅ ရာခိုင်နှုန်းဖြင့် တိုးပွားပါက ၁၂ သန်းခန့်ရှိမည် ဖြစ်ပြီး ၃ ရာခိုင်နှုန်းဖြင့် တိုးပွားပါက ရန်ကုန်မြို့ရှိ လူဦးရေသည် ၁၈ သန်းအထိရှိလာနိုင်ကြောင်း သိရသည်။

ပန်းသတင်းဂျာနယ် 

Ref: သစ်ထူးလွင်

Read more »

Posted in: ၀၃။ မြန်မာ့ သတင်း

 လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာသည့် အရှင်ဂမ္ဘီရအား ဘာသာအကျိုး၊ သာသနာအကျိုးနှင့် သာသနာတော် သန့်ရှင်းရေးအလို့ငှာ ဓမ္မစက်ဖြင့် ဆောင်ရွက်ရန်မဖြစ်နိုင် တော့သည့်အတွက် အာဏာစက်ဖြင့် ဆောင်ရွက်ရမည်ဟု အစိုးရပိုင်သတင်းစာတွင် ဖော်ပြထား

လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာသည့် ဦးဂမ္ဘီရအား ဘာသာအကျိုး၊ သာသနာအကျိုးနှင့် သာသနာတော် သန့်ရှင်းရေးအလို့ငှာ ဓမ္မစက်ဖြင့် ဆောင်ရွက်ရန် မဖြစ်နိုင်တော့သည့်အတွက် အာဏာစက်ဖြင့်ဆောင်ရွက်ရမည်ဟု ဖေဖော်ဝါရီလ ၁၉ ရက်နေ့ထုတ် အစိုးရပိုင် သတင်းစာများတွင် ဖော်ပြပါရှိသည်ကို တွေ့ရှိရပါသည်။

လွတ်ငြိမ်းချမ်းသာခွင့်ဖြင့် ဇန်န၀ါရီလ ၁၃ ရက်နေ့က အကျဉ်းထောင်မှ လွတ်မြောက်လာပြီး ယင်းနေ့တွင်ပင် သင်္ကန်းပြန်လည်ဝတ်ခွင့်ပြုပါရန် လျှောက်ထားတောင်းပန်မှုမရှိဘဲ ရဟန်းပြန်ဝတ်ခဲ့သည့် ဦးဂမ္ဘီရာသည် နိုင်ငံတော်က တရားဥပဒေနှင့်အညီ ယခင်က ချိတ်ပိတ်ထားသော သင်္ဃန်းကျွန်းမြို့နယ် မဂ္ဂင်ကျောင်းတိုက်တွင် ခွင့်ပြုချက်မရှိဘဲ ကျူးကျော်ဝင်ရောက်နေထိုင်ခြင်း၊ ဗဟန်းမြို့နယ် ခြောက်ထပ်ကြီးဘုရားတိုက်ရှိ သာသနာ့သိပ္ပံကျောင်းတိုက်နှင့် သာသနာ့ဂုဏ်ရည်ကျောင်းတိုက်တို့၏ သော့များအား ရိုက်ဖျက် ဖွင့်လှစ်ခဲ့ခြင်းတို့ကို ကျူးလွန်ခဲ့သဖြင့် သက်ဆိုင်ရာက အမှုဖွင့်၍ အရေးယူရန် စီစဉ်ဆောင်ရွက်လျက်ရှိသည်။

ယင်းကိစ္စနှင့်စပ်လျဉ်း၍ နိုင်ငံတော်သံဃာ့မဟာနာယကအဖွဲ့ ဆရာတော်ကြီးများ၏ သြ၀ါဒခံယူရန် ဦးဂမ္ဘီရအား သုံးကြိမ်တိုင်ခေါ်ယူခဲ့သော်လည်း လာရောက်ခြင်းမရှိသဖြင့် ရန်ကုန်တိုင်းဒေသကြီး ရဲတပ်ဖွဲ့က ဖေဖော်ဝါရီလ ၁၀ ရက်တွင် မရန်းကုန်းမြို့နယ် ကမ္ဘာအေး ကုန်းမြေရှိ  နိုင်ငံတော်သံဃမဟာနာယကအဖွဲ့ အစည်းအဝေး ခန်းမသို့ ခေါ်ယူခဲ့ရကြောင်း၊ နိုင်ငံတော်သံဃမဟာနာယကအဖွဲ့ဥက္ကဋ္ဌ ဒေါက်တာဘဒ္ဒန္တကုမာရာဘိဝံသက ဆရာတော်ကြီးများ၏ သြ၀ါဒခံယူရန်မိန့်ကြားခဲ့ကြောင်းနှင့် လမ်းညွှန်ဆုံးမသြ၀ါဒများအတိုင်း လိုက်နာသီတင်းသုံးနေထိုင်ရန်နှင့် ၀န်ခံကတိပြုချက်များကို ဖောက်ဖျက်ကျူးလွန်ပါက သံဃာအဖွဲ့အစည်းဆိုင်ရာ ဥပဒေအရလည်းကောင်း၊ တည်ဆဲဥပဒေများအရလည်းကောင်း အရေးယူခံရမည်ဖြစ်သည်ကို ၀န်ခံကတိလက်မှတ်ရေးထိုးခဲ့ကြောင်း သိရသည်။

ဦးဂမ္ဘီရသည် ၀န်ခံကတိပြုလက်မှတ်ရေးထိုးခဲ့သော်လည်း သံဃာထုတစ်ရပ်လုံး၏ကိုယ်စား အချက် ၁၀ ချက်ပါစာကို လျှောက်ထားခွင့်ပြုပါရန် ဆရာတော်ကြီးများအား တင်ပြခဲ့ကြောင်း၊ ဆရာတော်ကြီးများက ခွင့်ပြုခဲ့သည့်အတွက် လျှောက်ထားခဲ့ရာ ဦးဂမ္ဘီရက နိုင်ငံတော်သံဃမဟာနာယကအကေ ၎င်းအားပေးပို့သော အကြောင်းကြားစာပါ ''ခွင့်ပြုချက်မရှိဘဲ ပြစ်မှုကျုးလွန်နေသော'' ဟုသည့် စကားရပ်ကို ကန့်ကွက်ကြောင်း၊ ရွှေည၀ါဘုန်းကြီး ဦးပညာသီဟအား သာဓုဗုဒ္ဓတက္ကသိုလ်ကျောင်းတိုက်မှ တစ်လအတွင်းထွက်ခွာရန် နှင်ထုတ်ခြင်းကို ကန့်ကွက်ကြောင်း၊ အကျဉ်းသား ၄၁၅ ဦးတွင်ပါဝင်သော ရဟန်း ၄၃ ပါးအား အကျဉ်းထောင်မှ လွတ်မြောက်ရန် နိုင်ငံတော်သံဃမဟာနာယကအဖွဲ့က ဆောင်ရွက်ပေးခြင်းမရှိသဖြင့် အလေးအနက် ရှုံ့ချကြောင်း စသည်တို့ ပါဝင်သည်။

ထို့ပြင် နိုင်ငံတော်သံဃမဟာနာယက ဆရာတော်ကြီးများက ၀ိနည်းတော်နှင့်အညီ သင်္ကန်းပြန်လည်ဝတ်ခွင့်ပြုရန် လျှောက်ထားလွှာတင်သွင်း ရေးမိန့်ကြားခဲ့သော်လည်း ဦးဂမ္ဘီရက ''၎င်းကိစ္စမှာ မိမိလို သံဃာတစ်ပါး အတွက် လိုအပ်မထင်ကြောင်းနှင့် သင်္ကန်းဝတ်ခွင့်ပြုရန် လျှောက်ထားသွားမည်မဟုတ်ကြောင်း'' ပြန်လည်ပြောကြားခဲ့သည်။

 ဦးဂမ္ဘီရ၏ လျှောက်ထားချက်များသည် နိုင်ငံတော်သံဃမဟာနာယကအဖွဲ့ ဆရာတော်ကြီးများအား ထိပါးစော်ကားမှုပြုပြီး ဂုဏ်သိက္ခာကျဆင်းစေရန် အတင့်ရဲစွာ ဆောင်ရွက်လာခြင်းဖြစ်ကြောင်း တွေ့ရှိရသည်။

ဆက်လက်၍ ဦးဂမ္ဘီရ၏ ဆောင်ရွက်မှုများသည် နိုင်ငံတော်သံဃမဟာနာယကအဖွဲ့၏ ပညာဂုဏ်၊ သီလဂုဏ်၊ သမာဂုဏ်များကိုပါ ထိပါးစေရုံသာမက သံဃာထုအား ၀ိနည်းစည်းမျည်းစည်းကမ်း၊ ၀ိနည်းဓမ္မကံ၊ လုပ်ထုံးလုပ်နည်းများနှင့် ထိန်းသိမ်းရန် အခက်အခဲ ရှိလာစေမည်ဖြစ်သည်။  ထိုမျှမက သက်တော်၊ ၀ါတော်၊ ပညာဂုဏ်၊ သီလဂုဏ်၊ သမာဓိဂုဏ်တို့ဖြင့် ပြည့်စုံသော ဆရာတော်ကြီး ၄၇ ပါးဖြင့် စနစ်တကျဖွဲ့စည်းထားသော  နိုင်ငံတော်အဆင့်ရှိ သံဃာ့အဖွဲ့အစည်းအား ''ကန့်ကွက်ခြင်း၊ ရှုံ့ချခြင်း''ဆိုသည့် သုံးနှုန်းထိပါးစော်ကားမှုများကို လျစ်လျူရှုပါက မစင်ကြယ်သော ရဟန်းများ၊ ပုဂ္ဂိုလ်များအတွက် ပိုမိုအတင့်ရဲလာစေနိုင်သည့် အလားအလာရှိကြောင်း တွေ့ရသည်။

ထို့ကြောင့် နိုင်ငံတော်သံဃမဟာနာယကအဖွဲ့ ဆရာတော်ကြီးများအနေဖြင့် စိတ်မချမ်းမသာဖြစ်ကြရပြီး ဓမ္မစက်ဖြင့်ဆောင်ရွက်ရန် မဖြစ်နိုင်တော့သည့်အတွက် အာဏာစက်ဖြင့် ဆောင်ရွက်ရမည်သာဖြစ်ကြောင်း သဘောထားဆန္ဒရှိတော်မူကြသည်။

သို့ဖြစ်ရာ နိုင်ငံတော်သံဃမဟာနာယကအဖွဲ့၏ ဂုဏ်သိက္ခာမြင့်မားပြီး ဘာသာအကျိုး၊ သာသနာအကျိုးနှင့် သာသနာတော်သန့်ရှင်းရေးကို ပိုမိုဆောင်ရွက်နိုင်စေရေးအတွက် ၀ိနည်းဓမ္မကံလုပ်ထုံလုပ်နည်းများကို အကြိမ်ကြိမ်ချိုးဖောက်ပြီး နိုင်ငံသူနိုင်ငံသား တိုင်းလိုက်နာရမည့် တရားဥပဒေကို အကြိမ်ကြိမ်ဖောက်ဖျက်ကျူးလွန်သည့်အပြင် ရဟန်းနှင့်မအပ်စပ်သည့် နိုင်ငံရေးမှိုင်းမိပါက ထင်ရာစိုင်းနေသော ဦးဂမ္ဘီရ(ခ)စန္ဒောဘာသ(ခ)ညီညီလွင် (၃၃)နှစ်အား ၀ိနည်းဓမ္မကံလုပ်ထုံးလုပ်နည်းများ ပြစ်မှုဆိုင်ရာဥပဒေများနှင့်အညီ ထိထိရောက်ရောက် အရေးယူဆောင်ရွက်သွားမည်ဖြစ်ကြောင်း သတင်းရရှိသည်။

ဥပသမ္ပဒ၀ိနည်းကံအရ ရဟန်းအဖြစ် ခံယူပုံအစီအစဉ်

• ဥပဇ္ဈာယ်ဆရာတော်ရှိရမည်။
• သိမ်ထဲတွင် ကာရက္က(ရဟန်းခံပေးသော ကံဆောင်သံဃာ)သံဃာ အနည်းဆုံး ငါးပါးရှိရမည်။
• သပိတ်၊ သင်္ကန်း တိစီဝရိက်(ဒူးကုတ်၊ ဧကရီ၊ သင်းပိုင်) တို့ဖြင့် ပြည့်စုံရမည်။
  • နူနာရှိသလား။ ထွတ်မြင်းခေါ်ဆို အသားပိုမြင်း ဖုနာရှိသလား။
  • အရေပြား နီဖြူအကွက် သမင်ယက် သမင်ဖြူနာ ရှိသလား။
  • ချောင်းဆိုးသွေးပါ အဆုတ်နာ မြစ်ခြောက်နာရှိသလား။
  • သည်းခြေရူး နတ်ဖမ်းစားရူးနာ ရှိသလား။ လူသားစင်စစ် ဟုတ်ပါရဲ့လား။
  • သည်းခြေရူး နတ်ဖမ်းစားရူးနာ ရှိသလား။ လူသားစင်စစ် ဟုတ်ပါရဲ့လား။
  • ယောက်ျားစင်စစ် ဟုတ်ပါရဲ့လား။
  • ကိုယ့်ကိုယ်ကို အစိုးပိုင်သူ ဟုတ်ရဲ့လား။
  • ကြွေးမြီကင်းသူ ဟုတ်ရဲ့လား။ မင်းမှုထမ်းအဖြစ်မှ ကင်းလွတ်သူဟုတ်ရဲ့လား။
  • ရဟန်းပြုရန် မိခင်၊ ဖခင်တို့က ခွင့်ပြုသူ ဟုတ်ရဲ့လား။
  • အသက်နှစ်ဆယ်ပြည့်ပါပြီလား။ သပိတ်သင်္ကန်းပြည့်စုံပါပြီလား။
  • သင်အဘယ်အမည်ရှိသလဲ။
  • သင်၏ ဥပဇ္ဈာယ်ဆရာတော်သည် အဘယ်အမည်ရှိပါသလဲ။
• ရဟန်းပြုပေးပါရန် လျှောက်ထားရမည်။
• သိမ်ထဲတွင်ရှိသော ကံဆောင်သံဃာတော်များမှ ကန့်ကွက်မှုမရှိလျှင် ရဟန်းအဖြစ်ပြီးမြောက်ရန် ဥပသမ္ပဒ ကမ္မ၀ါကို ကံဆောင်သံဃာတော်များက ရွတ်ဖတ်ရမည်။

ဤအဆင့်များပြီးပါက ရဟန်းအဖြစ်သို့ ရောက်ရှိမည်ဖြစ်သည်။ (ရဟန်းဖြစ်ဖူးသူများအနေဖြင့် နောက်တစ်ကြိမ် ကံဆောင်ရာတွင်မူ ဥပဇ္ဈာယ်ဆရာတော်မလိုဘဲ ပထမအကြိမ်က ဥပဇ္ဈာယ် ဆရာတော်ကို စိတ်ဖြင့် အာရုံပြု၍ ကံဆောင်မှုကို ပြုလုပ်နိုင်မည်ဖြစ်သည်။)

Ref: EMG

Read more »

Posted in: ၀၃။ မြန်မာ့ သတင်း