မြန်မာနိုင်ငံမှာ နျူကလီးယားအစီအစဉ်တွေအားလုံး စွန့်ပစ်လိုက်ပြီလို့ ကာကွယ်ရေးဝန်ကြီး ဒုဗိုလ်ချုပ်ကြီး လှမင်းက ပြောလိုက်ပါတယ်။
စင်္ကာပူနိုင်ငံမှာ ပြုလုပ်တဲ့ အာရှလုံခြုံရေးဆိုင်ရာ ညီလာခံမှာ ပြောသွားခဲ့တာဖြစ်ပါတယ်။
အရင်အစိုးရလက်ထက်တုန်းက ငြိမ်းချမ်းတဲ့နည်းနဲ့ နျူကလီးယားစွမ်းအင်သုံးစွဲနိူင်အောင် သုသေသနတွေ လုပ်ခဲ့ပေမယ့် လက်ရှိအစိုးရခေတ်မှာတော့ နျူကလီးယားအစီအစဉ်အားလုံးကို စွန့်ပစ်လိုက်ပြီလို့ ပြောသွားခဲ့ပါတယ်။
မြန်မာနိုင်ငံဟာ မြောက်ကိုးရီးယားနိုင်ငံနဲ့ ပူးပေါင်းပြီး နျူကလီးယားအစီအစဉ်တွေရှိနေတယ်ဆိုတာကို အရင် အစိုးရက ငြင်းဆန်ခဲ့ပြီး နောက်ပိုင်းမှာတော့ နျူကလီးယားနဲ့ပတ်သက်ပြီး သူသေသနလုပ်တဲ့အဆင့်သာရှိခဲ့ပြီး နျူကလီးယားလက်နက်ထုတ်ဖို့ မကြိုးစားဘူးလို့ နောက်ပိုင်းမှာ ပြန်ပြောင်းထွက်ဆိုခဲ့ပါတယ်။
မြောက်ကိုးရီးယားနဲ့ ထားရှိတဲ့ဆက်ဆံရေးကိုလည်း တချို့နိုင်ငံက စိုးရိမ်မကင်းဖြစ်နေတဲ့အတွက် မြန်မာနဲ့ မြောက်ကိုးရီးယားဆက်ဆံရေးကိုလည်း ပွင့်လင်းမြင်သာမူရှိအောင် လုပ်ဆောင်သွားမယ်လို့လဲ ပြောသွားခဲ့ပါတယ်။
0 comments:
Post a Comment