20:18
Unknown
ထိုင်းတနိုင်ငံလုံး အနိမ့်ဆုံးလုပ်ခိ ဘတ် ၃၀၀ ထိ တိုးမြှင့်ရေးဆိုတဲ့ စိတ်ကူးအယူအဆကို အပြည့်အ၀ထောက်ခံကြောင်း ထိုင်းနိုင်ငံဖွံ့ဖြိုးရေးသုတေသနအဖွဲ့အပါအ၀င် အဖွဲ့အစည်းအသီးသီးက ပညာရှင်တွေက တနေ့က ထုတ်ဖော်ပြောဆိုလိုက် ပါတယ်။“လက်ရှိလုပ်ခက ဆင်းရဲမွဲတေမှုကို ဖယ်ရှားပစ်ဖို့ အလုပ်သမားတွေအတွက် မလုံလောက်ဘူး” လို့ ထိုင်းနိုင်ငံဖွံ့ဖြိုးရေး သုတေသနအဖွဲ့ က အလုပ်သမားဖွံ့ဖြိုးရေးသုတေသန တွဲဖက်ပါမောက္ခ ဒေါက်တာ ယောင်ယုသ်ချလမ်ဝေါင်က တနေ့ က ပြောဆိုလိုက်ပါတယ်။ ပြီးခဲ့တဲ့ ၁၀နှစ်အတွင်းမှာ နေထိုင်မှုစရိတ်က ၃.၂၅%ထိ တက်လာချိန်မှာ နေ့စဉ်အနိမ့်ဆုံး လုပ် ခက ၂.၈၄% ပဲ တိုးပါတယ်။ လို့ ယောင်ယုသ်က ပြောပါတယ်။ ပြီးခဲ့တဲ့၁၀နှစ်အတွင်း ထုတ်ကုန်ဈေးနှုန်းတွေက ၂၈.၂% တိုးလာချိန်မှာ နေ့စဉ်အနိမ့်ဆုံးလုပ်ခက ၂၅.၇% ပဲ တိုးတယ်။ လို့ အလုပ်သမားဝန်ကြီးဌာနရဲ့ အမြဲတန်း အတွင်းရေးမှူး ရုံး၊ အကြံပေး၊ အမ်မောန်ချာဗာလစ်က ထပ်လောင်းပြောဆိုပါတယ်။
“နေ့စဉ်လုပ်ခ ဘတ် ၃၀၀ နဲ့ပတ်သက်လို့ ခင်ဗျားတို့ ဘယ်လိုမြင်သလဲ” ဆိုတဲ့ခေါင်းစဉ်နဲ့ ဟောပြောပွဲတခုမှာ သူတို့ပြော ဆိုနေကြတာ ဖြစ်ပါတယ်။ နေ့စဉ်လုပ်ခသိသိသာသာ တိုးလိုက်တာကြောင့် အလုပ်ရှင်အများအပြားကို ကမ္ဗောဒီးယား နိုင်ငံလို အိမ်နီးခြင်းတိုင်းပြည်တွေကို သူတို့ကုန်ထုတ်လုပ်ငန်းအခြေစိုက်စခန်းတွေ ပြောင်းရွှေ့ဖို့ တွန်းဆော်တာတွေ ဖြစ် လာနိုင်တယ်လို့ ထိုင်းစက်မှုလုပ်ငန်းအဖွဲ့ချုပ် ကိုယ်စားလှယ် သာဝီးကစ်ခ်ျ ကျတုကျာရန်ခွန်း က သတိပေးပြောကြား လိုက်ပါတယ်။ “အဲဒီမှာ အလုပ်သမားတွေအတွက် လစဉ်လုပ်ခက ဘတ် ၂၀၀၀ ကျော်ရုံလေးပဲ ရှိတယ်။” လို့ သူကပြော ပါတယ်။
နေ့စဉ်အနိမ့်ဆုံးလုပ်ခကို ရုတ်ချည်း တိုးလိုက်ရင် မှတ်ပုံတင်မထားတဲ့အလုပ်သမားတွေနဲ့ပတ်သက်ပြီး စဉ်းစားပေးဖို့ ဗဟိုလုပ်ခကော်မတီထဲက အလုပ်ရှင်ကိုယ်စားလှယ် ၀မ်လော့ကင်းချာဆင်းက အစိုးရကို တောင်းဆိုလိုက်ပါတယ်။ “ထုတ်ကုန်ဈေးနှုန်းတွေကလည်း တိုးလာမှာဖြစ်တယ်။ နောက်ပြီး လုပ်ခတိုးရတဲ့ မှတ်ပုံတင်ထားတဲ့အလုပ်သမား ၁၀ သန်း ကျော်ကိုလည်း ဖြေရှင်းရမှာ ဖြစ်တယ်။ ဒီတော့ မှတ်ပုံမတင်ရတဲ့အလုပ်သမားကဏ္ဍအပြင်ဖက်မှာရှိတဲ့ လယ်သ မားတွေလို ၂၄ သန်း လောက်ရှိတဲ့ ပြည်သူတွေနဲ့ပတ်သက်ပြီး ဘယ်လိုလုပ်မလဲ” လို့ သူက မေးမြန်းခဲ့ပါတယ်။
စက်တင်ဘာ ၅၊ ၂၀၁၁ (The Nation)Source: နေ့သစ်
Posted in: ၀၄။ ထိုင်းသတင်း
0 comments:
Post a Comment