19:16
Unknown
စင်ကာပူနိုင်ငံရှိ အဆင့်မြင့် အိမ်ရာများအား မြန်မာကျောင်းသားမိဘ အချို့ ဝယ်ယူလာကြပြီး နှစ် ၃ဝ ဆပ်ရမည့်ချေးငွေကို အတိုးနှုန်း သက်သာစွာ စီစဉ်ပေးမည့်ဝန်ဆောင် မှုများ ပါဝင်လာကြောင်း စင်ကာပူ နိုင်ငံ ERA အေဂျင်စီမှ ဈေးကွက် ဒါရိုက်တာ မမေသူက ပြောသည်။ စင်ကာပူနိုင်ငံတွင် ယင်းကဲ့သို့ အိမ်ရာများ ဝယ်ယူလိုပါက နိုင်ငံသားဖြစ်ရန် မလိုသည့်အပြင် ပထမ အရစ်အနေဖြင့် တန်ဖိုး၏ ၂ဝ ရာ ခိုင်နှုန်းကို Far East ဆောက်လုပ်ရေးသို့ ပေးသွင်းရမည်ဖြစ်သည်။ ကျန်ရှိသော၈ဝရာခိုင်နှုန်းကိုအတိုးနှုန်း သက်သာစွာဖြင့် အများဆုံး နှစ် ၃ဝ အထိ ပြန်ဆပ်ရသော ချေးငွေရရှိရန် စင်ကာပူရှိ UOB ဘဏ်က စီစဉ်ပေးမည်ဖြစ်ကြောင်း ၄င်းကဆိုသည်။ ”ကျွန်မတို့ အေဂျင်စီက စင်ကာပူမှာရှိတဲ့ ရောင်းမယ့်အိမ်တွေကို iPad မှာ အကုန်ထည့်လာတယ်။ ဝယ်သူတွေ စင်ကာပူသားကြည့်စရာမလိုဘဲ ရွေးချယ်နိုင်အောင်ပါ။ ကွန်ဒိုတစ်ခုကို ကြိုက်ပြီဆို စကြည့် တဲ့အချိန်ကနေ UOB ဘဏ်ကနေ ချေးငွေရရှိဖို့အထိ တာဝန်ယူပေးပါတယ်” ဟု ၄င်းက ပြောသည်။ အဆိုပါ ERA အေဂျင်စီ၊ UOB ဘဏ်နှင့် Far East ဆောက်လုပ်ရေးတို့ ပူးပေါင်း၍ စင်ကာပူ နိုင်ငံမှ ထိပ်သီးအိမ်ရာရောင်းဝယ်ရေး ဈေးကွက် ဆွေးနွေးပွဲကို ၂ဝ၁၁ ခု၊ စက်တင်ဘာ ၃ ရက်တွင် ကုန် သည်ကြီးများဟိုတယ်၌ ကျင်းပခဲ့ ရာ ၄င်းအစီအစဉ်များအား ရှင်းလင်းခဲ့သည်။ လက်ရှိအချိန်တွင် အဆိုပါ ကွန်ဒိုများအား နိုင်ငံသားများအဖြစ် တရုတ်၊ အင်ဒိုနီးရှားနှင့် မြန်မာနိုင်ငံ မှ ကျောင်းသားမိဘအချို့ ဝယ်ယူမှုများရှိနေကြောင်းလည်း ၄င်းက ပြောသည်။ UOBဘဏ်မှ ငွေချေးရာတွင် မိမိ၏ ဝင်ငွေနှင့် ပိုင်ဆိုင်မှုပြရန်မလိုဘဲ မည်သည့်လုပ်ငန်းလုပ်ကိုင်နေသည်ကိုသာ ပြရမည်ဖြစ်သည်။ ချေးယူထားသောငွေကို ၂ နှစ်အတွင်း ပြန်ဆပ်လိုက ဆပ်နိုင်ပြီး စင် ကာပူဒေါ်လာ ၂ သိန်းကိုမူ မဖြစ်မနေ ချေးယူရမည်ဖြစ်ကြောင်း ၄င်း က ထပ်လောင်းဆိုသည်။ ၄င်းကွန်ဒိုများ၏ အနိမ့်ဆုံး ဈေးမှာ စင်ကာပူဒေါ်လာ ၁ မီလျံ မှ အမြင့်ဆုံး ၃ဝ မီလျံအထိရှိ ကြောင်း သိရသည်။ ”ကွန်ဒိုတစ်လုံးမှာ အခန်းတွေ အများကြီး ပါပါတယ်။ ဒီအခန်းတွေ ပေါ်မူတည်ပြီးတော့ စင်ကာပူအစိုးရက အခွန်ကောက်တယ်။ ကိုယ်ပိုင်နေရင် ၄ ရာခိုင်နှုန်း၊ အိမ်ငှား မယ်ဆိုရင် ၁ဝ ရာခိုင်နှုန်း နှစ်စဉ် ပေးရပါတယ်” ဟု ၄င်းက ဆက် လက်ပြောသည်။ ၄င်း အေဂျင်စီအနေဖြင့် အဆိုပါ ဆွေးနွေးပွဲမျိုးကို မြန်မာနိုင်ငံ၌ ၆ လ တစ်ကြိမ် ပြုလုပ်သွားရန်စီစဉ်ထားပြီး ဝယ်ယူလိုသူများအနေဖြင့် ဒေါ်ဥမ္မာတင်မောင် (ရန်ကုန်) ဝ၉ ၅၁၅၁၃၂၃ သို့ ဆက်သွယ်စုံစမ်း နိုင်ကြောင်း သိရသည်။
ချစ်ဆုဆွေ
Source: Popular News
Posted in: ၀၂။ နိုင်ငံတကာသတင်း
0 comments:
Post a Comment