လုပ်ငန်းခွင်အတွင်း မတရားသည့်လုပ်ရပ်များကြောင့် အလုပ်သမားများ မကျေနပ်ဖြစ်

လှိုင်သာယာစက်မှုဇုန် (၄) အမှတ် (၁၀၅) ၀က်မစွပ်ဝန်ထောင့်လမ်းမှာ ရှိသည့် Brilliant star (shoe factory) ဖိနပ်စက်ရုံတွင် စက်ရုံတာဝန်ရှိသူများက အလုပ်သမားများအပေါ် လုပ်အားခအပါအ၀င် လုပ်ငန်းခွင်အတွင်း အလုပ်သမားအခွင့်အရေးချိုးဖောက်နေသည့် လုပ်ရပ်များကြောင့် အလုပ်သမားများ မကျေမနပ်ဖြစ်နေကြသည်။

အဆိုပါ ဖိနပ်စက်ရုံသည် တရုတ်လူမျိုးပိုင်ဖြစ်ပြီး မြန်မာအလုပ်သမ (၂၅၀)ခန့် အလုပ်လုပ်ကိုင်နေသည့် စက်ရုံဖြစ်သည်။ စက်ရုံတွင်း မကျေမနပ်ဖြစ်နေသည့် အခြေအနေကို အလုပ်သမများနှင့်နီးစပ်သူ တဦးက “အလုပ်ချိန် နောက်ကျရင် ၅၀၀ ဖြတ်တယ်၊ အလုပ်သမားကဒ် မတပ်ရင် ၅၀၀ ဖြတ်တယ်၊ နေမကောင်းလို့ အလုပ်သွားမဆင်းရင် နောက်နေ့ ဆေးစာပါတာတောင် ၅၀၀ ဖြတ်တယ်။ နေမကောင်းလို့စက်ရုံကနေ အိမ်ပြန်ရင် တရက်လုပ်အားခထဲက နေ့တစ်ဝက်စာ ဖြတ်တယ်။ သုံးလမပြည့်သေးလို့ သူတို့မကြိုက်ရင် အလုပ်ထုတ်တယ် လျော်ကြေးမရဘူး။ နားချိန် မိနစ် ၅၀ ပဲ တနေ့ကို။ စနေ၊ တနင်္ဂနွေဆို မိနစ် ၃၀ ပဲ နားရတယ်။ အဓိကကတော့ တနင်္ဂနွေနေ့ အလုပ်နားရက်ကိုပါ အလုပ်ဆင်းနေရတာကို လုံးဝမကျေနပ်ကြဘူး။ တနင်္ဂနွေနေ့ လာမဆင်းရင် ပိုက်ဆံအများကြီး ဖြတ်တယ်” ဟု ရှင်းပြသည်။

ထို့ပြင် လုပ်အားနှင့်ပတ်သက်၍လည်း အချိန်ပိုကြေး တနာရီကို ကျပ်ငွေ (၁၀၀)သာ ပေးဆောင်ခြင်း၊ ပုံမှန်အလုပ်ချိန်ကို နံနက် (၈) နာရီမှ ညနေ (၅)နာရီအတွင်း ထမင်းစားနားချိန် (၁) နာရီအစား မိနစ် (၃၀) သာ အချိန်ပေးပြီး အချိန်ပိုခိုင်းစေခြင်း၊ အချိန်ပို ခိုင်းစေခံရပေမယ့် အလုပ်သမားအများစုမှာ အခြေခံလစာ ကျပ်ငွေ (၄၀,၀၀၀) သာ ရရှိသည့် အခြေအနေများကြောင့် အလုပ်သမားတွေက စက်ရုံပိုင်ရှင် တရုတ်လူမျိုး သူဌေးအပါအ၀င် အလုပ်သမားကြီးကြပ်သူများကိုပါ မကျေမနပ်ဖြစ်နေကြကြောင်း အလုပ်သမများနှင့် နီးစပ်သူက ဆက်ရှင်းပြသည်။

အဆိုပါ ဖိနပ်စက်ရုံတွင် တနင်္ဂနွေနေ့အပါအ၀င် အစိုးရအလုပ်ပိတ်ရက်များအတွင်း အလုပ်သမားများကို ခိုင်းစေးနေခြင်းနှင့်ပတ်သက်၍ ဖိနပ်စက်ရုံက အလုပ်သမား၏ မိသားစုဝင်တဦးက “အလုပ်သမားခေါင်းဆောင်ဆိုပြီး သူတို့လူနှစ်ယောက်ကို လက်မှတ်ထိုးခိုင်းတယ်၊ အလုပ်သမားတွေက သူတို့ဆန္ဒအရ တနင်္ဂနွေနေ့ကို ဆင်းချင်ပါတယ်ဆိုပြီး လေဘာရုံး (အစိုးရ အလုပ်သမားရုံး) ကို သွားတင်တယ်။ Sunday ဆို အလုပ်လာတဲ့ အလုပ်သမားတွေရဲ့ စက်ဘီးတွေကို စက်ရုံတာဝန်ရှိသူတွေက ဝှက်ထားတယ်။ သက်ဆိုင်ရာက မြင်မှာစိုးလို့ပါ။ အဲဒီစက်ရုံမှာ အမြင့်ဆုံး လစာက ၆၅,၀၀၀ ကျပ်ပါ။ လုပ်သက် ၄ နှစ် ရှိသူတွေတောင် ၅၅,၀၀၀ ကျပ်ပဲ ရပါတယ်။ တနေ့ထမင်းဖိုး ၃၀၀၊ ကားခ ၃၀၀ ပေးတယ်ဆိုပေမဲ့ လကုန်မှ လစာထဲ ထည့်ပေါင်းပေးတာပါ။ အဲဒါပါ ပါမှ အခြေခံလစာ ၄၀,၀၀၀ ကျပ်ပဲ ရပါတယ်” ဟု ပြောသည်။

လှိုင်သာယာစက်မှုဇုန် (၄) ရှိ Brilliant star (shoe factory) ဖိနပ်စက်ရုံသည် တရုတ်နိုင်ငံမှ တင်သွင်းသည့် ရူးဖိနပ်ကုန်ကြမ်းများကို ဖိနပ်အချော ပြန်လည်လုပ်ဆောင်သည့် စက်ရုံဖြစ်ပြီး မြန်မာအမျိုးသမီးအလုပ်သမ (၂၅၀) ခန့် အလုပ်လုပ်ကိုင်နေသည့် စက်ရုံဖြစ်သည်။

ရန်ကုန်တိုင်းအတွင်းနှင့် ပဲခူးတိုင်းဒေသကြီးအတွင်းရှိ စက်ရုံအလုပ်ရုံများတွင် စက်ရုံတာဝန်ရှိသူများဘက်က ထုတ်ပြန်သည့်စည်းကမ်းချက်များ အခြေခံလစာအပါအ၀င် အထွေထွေမကျေနပ်ချက်များကြောင့် အလုပ်သမားဆန္ဒပြမှုများ မကြာခဏဆိုလို ဖြစ်ပွားခဲ့သည်။

အဆိုပါ ဆန္ဒပြမှုဖြစ်စဉ်များကို ယခင်အစိုးရအဆက်ဆက်နှင့် ယခုသမ္မတ ဦးသိန်းစိန်လက်ထက်အထိ ဆန္ဒပြမှုများ မဖြစ်ပွားစေရန် အလုပ်ရှင်နှင့်အလုပ်သမားကြား ရေရှည်ပြေလည်မှုရအောင် အလုပ်သမားအခွင့်အရေးများကို စောင့်ရှောက်ကာကွယ်ပေးနိုင်ခြင်း မရှိသေးကြောင်း တွေ့ရှိရသည်။

Source : ရိုးမ ၃

Posted in: ၀၃။ မြန်မာ့ သတင်း