08:52
Unknown
မြန်မာနိုင်ငံက ပြုပြင်ပြောင်းလဲမှုများနဲ့ အပြုသဘောဆောင်တဲ့ တိုးတက်မှုတွေကို ကြိုဆိုကြောင်းနဲ့ မြန်မာနိုင်ငံမှာ အမျိုးသားရင်ကြားစေ့ရေးနဲ့ ဒီမိုကရေစီ အသွင်ကူးပြောင်းရေး လုပ်ငန်းစဉ်တွေ အောင်မြင်အောင် နိုင်ငံတကာအသိုင်းအ၀ိုင်း အနေနဲ့ ၀ိုင်းဝန်း ကူညီကြဖို့ လိုအပ်ကြောင်း အမေရိကန်နဲ့ ထိုင်းနိုင်ငံ ခေါင်းဆောင်တွေက ပူးတွဲကြေညာချက် ထုတ်ပြန်လိုက်ပါတယ်။
၂၀၁၂ ခုနှစ် ဇွန်လ ၁၃ ရက်က အမေရိကန် နိုင်ငံခြားရေးဝန်ကြီး မစ္စက် ဟီလာရီ ကလင်တန်နှင့် ထိုင်းနိုင်ငံခြားရေးဝန်ကြီး Surapong Tovichakchaikul တို့ အစည်းအဝေး မစတင်မီ ကြေညာချက် ထုတ်ပြန်နေစဉ်။ |
မနေ့က အမေရိကန်နိုင်ငံ ၀ါရှင်တန်ဒီစီမြို့တော်မှာ ကျင်းပခဲ့တဲ့ အမေရိကန် - ထိုင်း ပူးပေါင်းဆောင်ရွက်မှုဆိုင်ရာ မဟာဗျူဟာ အစည်းအဝေးကနေ ကြေညာချက် ထုတ်ပြန် ရာမှာ မြန်မာနိုင်ငံနဲ့ ပတ်သက်ပြီး ထည့်သွင်းပြောခဲ့တာပါ။
အဲဒီ နှစ်ဘက်အစည်းအဝေးကို အမေရိကန် နိုင်ငံခြားရေးဝန်ကြီး မစ္စက် ဟီလာရီ ကလင်တန်နဲ့ ထိုင်းနိုင်ငံခြားရေးဝန်ကြီး Surapong တို့ ဦးဆောင်ကျင်းပခဲ့တာပါ။
အာရှ ပစ္စဖိတ်ဒေသတွင်း လုံခြုံရေး၊ ဖွံ့ဖြိုးရေး၊ ငြိမ်းချမ်းရေးအတွက် နှစ်နိုင်ငံရဲ့ ပူးပေါင်းဆောင်ရွက်မှုဟာ အထူးအရေးကြီးကြောင်း၊ နှစ်ပေါင်းများစွာ အမေရိကန် - ထိုင်း ဆက်ဆံရေး ကောင်းမွန်ခဲ့တာကို ဆက်လက်ထိန်းသိမ်းသွားမှာ ဖြစ်ကြောင်း ထုတ်ပြန်ပါတယ်။
Ref: RFA
Posted in: ၀၂။ နိုင်ငံတကာသတင်း
0 comments:
Post a Comment