09:42
Unknown
“တက်ရောက်သူ (၄၀) ယောက်လောက် တက်ရောက် ကြပါတယ်။ ထူးခြားတာက ဒီလိုခေါင်းစဉ်နဲ့ အကြောင်းအရာ ဖြစ်လောက်အောင် ဆွေးနွေးပွဲပုံစံလိုလို၊ အစည်းအဝေးလိုလို ပွဲတွေလုပ်တာ တော်တော် နည်းပါတယ်။ အခု အစည်းအဝေး ပွဲမှာတော့ ထိုင်းသတင်းစာနဲ့ စာနယ်ဇင်းတွေမှာ ရေးတဲ့ သတင်းထောက် တွေက မြန်မာ့ အလုပ်သမားအရေးရာ အကြောင်းအရာတွေကို ထိုင်းနိုင်ငံထုတ် သတင်းစာထဲမှာ ဘယ်နည်းဘယ်ပုံ ရေးသားသင့်၊ တင်ပြသင့်တာကို အကြေအလည် အမြင်တွေ တင်ပြပြီး ဆွေးနွေး ကြပါတယ်။”
ဒီအစည်းအဝေးကို စက်တင်ဘာလ (၂၅) ရက်နေ့ နံနက် (၉) နာရီမှ ညနေ (၃) နာရီအချိန်အထိ အပြန် အလှန် အကြေအလည် ဆွေးနွေးခဲ့ကြပါသည်။
“သူတို့ကနေပြီးတော့ မဖိတ်ကြားတာလား၊ မတက်ရောက် နိုင်ကြတာလားတော့ မသိဘူး။ NGO တွေထဲမှာ တော့ ကျွန်တော်တို့ Rak Thai ဖောင်ဒေးရှင်း တစ်ဖွဲ့ပဲ တက်ရောက် ခဲ့ပါတယ်။ အမြင်တွေ တင်ပြ ဆွေးနွေး ကြတဲ့ အခါမှာတော့ ကျွန်တော်တင်ပြခဲ့တာက ကျွန်တော်တို့ သတင်းစာတွေထဲမှာ မြန်မာ့အလုပ်သမားအရေး နဲ့ ပါတ်သက်တဲ့ ရေးသားချက်တွေ အများစုဟာ အဖြစ်သဘောကိုပဲ တင်ပြထားတာ ရှိပါတယ်။ အဖြစ်ရဲ့နောက် ကွယ်က အကျိုးအကြောင်းတွေကို ရှင်းရှင်းလင်းလင်းဖော်ပြထားတာမျိုး အတော့်ကိုအားနည်းတာကို တွေ့ရပါ တယ်။ ဒီအားနည်း ချက်ကို ဖြည့်စွက်ပေးပြီး အဖြစ်အပျက်ကို အကျိုးအကြောင်း ခိုင်ခိုင်လုံလုံနဲ့ တင်ပြပေးဖို့ တော့လိုမယ်လို့  ကျွန်တော်တင်ပြခဲ့ပါတယ်” Rak Thai ဖောင်ဒေးရှင်းမှ အစည်းအဝေးကို တက်ရောက်ခဲ့သူ တစ်ဦးဖြစ်သူ ကိုလဝီမွန်က အတည်ပြု ပြောကြားပေးခဲ့ပါသည်။
ဤအစည်းအဝေးမျိုး ပရစွပ်(ဇ်)ခီရီခန်ခရိုင်၊ မိန်းမြို့နယ်၌ ပထမအကြိမ် ကျင်းပ ပေးခဲ့ခြင်းဖြစ်သည်ဟုလည်း သိရပါသည်။ NGO များခန့်မှန်းထားသည်မှာ ထိုင်းနိုင်ငံသည် အရှေ့တောင်အာရှ နိုင်ငံများထဲတွင် မြန်မာအလုပ်သမားအများ (၂) သန်းကျော် ခန့်အထိရှိနိုင်ပြီး အများဆုံးဖြစ်သည်ဟု ခန့်မှန်းထားကြပါသည်။
ဤသို့ ကြောင့် ဤမျှများပြားလာနေသည့် ထိုင်းနိုင်ငံရောက် နိုင်ငံခြားသားအလုပ်သမားများအတွက် ၄င်းတို့နှင့် ပါတ်သက်သည့် အကြောင်းအရာများ ရေးသားတင်ပြမှု လိုအပ်လာနေသည်ကို ထိုင်းနိုင်ငံ စာနယ်ဇင်းများက စိတ်ဝင်စား လာနေပြီး ဖြစ်ပါသည်။
Source: ရွှေဟင်္သာသတင်းဌာန
Posted in: ၀၁။ အလုပ်သမားများ သတင်း
0 comments:
Post a Comment