သံဃမဟာနာယကကို တောင်းပန်စာပို့

သာဓုကျောင်း၊ ရွှေည၀ါဆရာတော်ဦးပညာသီလက ကြံ့ဖွံ့အစုိုးရ၏ သံဃမဟာနာယကကို တောင်းပန်စာပို့

မုိုးမခ၊ ဒီဇင်ဘာ ၁၆၊ ၂၀၁၁

ဒီဇင်ဘာ ၁၂ နေ့စွဲဖြင့် ဆုံးဖြတ်ချက်အရ ကြံ့ဖွံ့အစုိုးရ၏ သံဃမဟာနာယကအဖွဲ့က ရန်ကုန်မြို့၊ သာဓုကျောင်းတိုက်၊ ရွှေည၀ါဆရာတော် ဦးပညာသီဟအား ကျောင်းတိုက်မှ ဖယ်ရှားရန်၊ အဆုံးအမကို ခံယူထိုက်သည့် သံဃာတပါးအဖြစ်မှ ဖယ်ရှားရန် ၊ သာဓုကျောင်းတိုက်အတွင်း ကျောင်းသင်တန်းများ ဖွင့်လှစ်ခြင်းမပြုရန် အရေးယူသည့် ထုတ်ပြန်ချက်ကို ကာယကံရှင် ရွှေည၀ါဆရာတော်က ကြံ့ဖွံ့အစိုးရ၏ သံဃမဟာနာယက ဆရာတော်ကြီးများထံ အသနားခံ တောင်းပန်စာကို ဒီဇင်ဘာ ၁၅ ရက်စွဲဖြင့် ပြန်လည်ပေးပို့ လျောက်ထားလိုက်သည်ကို တွေ့ရသည်။

ထေရ၀ါဒ အဆိုအဆုံးမတွင် ကြီးစွာသောအပြစ်များသော်မှ တိုးလျိူးတောင်းပန်ပါက အပြစ်များ ပြေပျောက်၍ အကျိုးများသက်ရောက်ကြောင်း၊ မိမိက တောင်းပန်အသနားခံပါက မိမိ၏ အပြစ်ဆိုသည်မှာလည်း လူထွက်၊ ထောင်ကျ အရေးယူလောက်သော ပြစ်မှုမဟုတ်သည့်အတွက် ဆရာတော်ကြီးများကလည်း သူတော်ကောင်းတရားနှင့်အညီ ကျင့်သုံးမည်ဟု ယုံကြည်ကြောင်း၊ မိဘများသဖွယ်ဖြစ်သော် ဆရာတော်ကြီးများက သားသမီးများသဖွယ်ဖြစ်သော ဘုရားတပည့်တော်များကို ဆိုဆုံးမပါရန်၊ ကျောင်းတိုက်တွင် ဆက်လက်နေထိုင်ခွင့်နှင့် သာသနာပြုခွင့်များ ပြန်လည်ပေးသနားပါရန် အသနားခံပါကြောင်း ရေးသားထားသည်ကို တွေ့ရသည်။

          အဆိုပါ ကြံ့ဖွံွှ့အစုိုးရ၏ သံဃမဟာနာယကအဖွဲ့၏ အရေးယူသည့် အကြောင်းကြားစာကြောင့် ဒီမိုကရေစီရေး လှုပ်ရှားဆောင်ရွက်နေသော အတုိုက်အခံနိုင်ငံရေးအစုအဖွဲ့များ၊ ကျောင်းသား လူငယ်များသာမက လူမှုရေး၊ ဘာသာရေး ထက်သန်သူ မြန်မာမိသားစုများအတွင်းတွင် ယခင်စစ်အာဏာရှင်
နအဖ၊ န၀တခေတ်ကာလများကဲ့သို့ ဘာသာရေး၊ လူမှုရေး၊ နိုင်ငံရေးလွတ်လပ်ခွင့်များ အကြမ်းဖက်ခံရမည့် ခြိန်းခြောက်မှုများ ပြန်လည်ထွက်ပေါ်လာမည်လားဟု စိုးရိမ့်ကြောင့်ကြမှုများ ဖြစ်ပေါ်လျက်ရှိသည်ဟု ဆိုသည်။

Ref: မိုးမခ

Posted in: ၀၃။ မြန်မာ့ သတင်း