ဘုရင့်သစ္စာတော်ခံတွေ ကုလအဆောက်အဦးတွင် ဆန္ဒပြ

ထိုင်းနိုင်ငံရဲ့ပြည်တွင်းရေးမှာ ၀င်ရောက်စွက်ဖက်တဲ့အတွက်လည်းကောင်း၊ တရားစီရင်ရေးစနစ်ကို မလေးမစားလုပ်တဲ့ အတွက်လည်းကောင်း တောင်းပန်ဖို့ ညီညွတ်သောထိုင်း (Siam Samakkhi) အုပ်စုက ဘုရင်ကို အကြည်ညို ပျက်စေမှု (lese majeste) ဥပဒေအပေါ် မှတ်ချက်ပေးခဲ့တဲ့ ကုလသမဂ္ဂနဲ့ အမေရိကန်ပြည်ထောင်စုက အရာရှိတွေကို တောင်းဆို လိုက်ပါတယ်။

လက်ယာနိုင်ငံရေး ကွန်ယက်တခုဖြစ်တဲ့ ညီညွတ်သောထိုင်းအုပ်စု ထောက်ခံသူ ၂၀၀ လောက်ဟာ ဘုရင်ကို အကြည် ညိုပျက်စေတဲ့ဥပဒေလို့ လူသိများတဲ့ ပြစ်မှုဆိုင်ရာကျင့်ထုံး ဥပဒေပုဒ်မ ၁၁၂ ကို ပြင်ဆင်ပေးဖို့ ကုလသမဂ္ဂရဲ့ တောင်း ဆိုချက်ကို ဆန္ဒပြဖို့ ရတ်ချာဒါနုမ်နော့ခ်လမ်းပေါ်ရှိ ကုလသမဂ္ဂအဆောက်အဦးရှေ့မှာ မနေ့က စုဝေးကြပါတယ်။

အောက်တိုဘာလက အခွင့်အရေးကာကွယ်စောင့်ရှောက်ရေးနှင့် လွတ်လပ်စွာပြောဆိုရေးဆိုင်ရာ ကုလသမဂ္ဂ ကျွမ်း ကျင်သူ တဦးက ပုဒ်မ ၁၁၂ နဲ့ ၂၀၀၇ ခုနှစ်၊ ကွန်ပြူတာပြစ်မှုဆိုင်ရာ အက်ဥပဒေကို ပြင်ဆင်ပေးဖို့ အစိုးရကို တောင်းဆို ခဲ့ပါတယ်။ ဒီဥပဒေတွေက အတော့်ကို မရှင်းမလင်းမရေမရာ ဖြစ်တယ်။ နောက်ပြီး ပြစ်မှုဆိုင်ရာဒဏ်ခတ်မှုတွေကို ပြင်း ပြင်းထန်ထန် လုပ်တာတွေက နိုင်ငံတကာနှုံးစံတွေနဲ့ ဆန့်ကျင်တယ်လို့လည်း ပြောဆိုခဲ့ပါတယ်။ ဒီလအစောပိုင်းတုန်းက ဘုရင်ကိုအကြည်ညိုပျက်စေမှုနဲ့ စီရင်ချက်ချမှတ်ခံရတဲ့သူတွေအပေါ် ပြင်းပြင်းထန်ထန် ထောင်ချနေတာတွေနဲ့ လွတ် လပ်စွာပြောဆိုမှုအပေါ် သက်ရောက်နေတဲ့ ကြောက်စရာကောင်းတဲ့ ရလဒ်တွေနဲ့ပတ်သက်ပြီး စိုးရိမ်ပူပန်မိကြောင်း လူ့ အခွင့်အရေးဆိုင်ရာ၊ ကုလသမဂ္ဂမဟာမင်းကြီးရဲ့ ယာယီပြောရေးဆိုခွင့်ရှိသူ ရာဝိနရှမ်ဒါဆနီက ထုတ်ဖော်ပြောဆိုခဲ့ပါ တယ်။

နိုဝင်ဘာလ ၂၃ရက်နေ့က အသက် ၆၁နှစ်ရှိတဲ့ အမ်ဖွန်တန်နိုဖာ့ခူးလ်အပေါ် ဘုရင်စနစ်ကို ထိုးနှက်တိုက်ခိုက်တယ်လို့ ယူဆရတဲ့ အီးမေးသတင်း ၄ စောင် ပို့တဲ့အတွက် ထောင်ဒဏ် အနှစ် ၂၀ ချခဲ့တာကို သူမက မှတ်ချက်ပေးခဲ့တာ ဖြစ်ပါ တယ်။ ဒီဇင်ဘာလ ၈ ရက်နေ့က ထိုင်းနိုင်ငံဖွား၊ အမေရိကန်နိုင်ငံသား၊ အသက် ၅၅ နှစ်ရှိ လားဖုန်ဝိချိုင်းခမ် မတ်ကို ဘုရင်စနစ်ကို စော်ကားတဲ့ သတင်းတွေဖြန့်ဝေဖို့ အင်တာနက်အသုံးပြုတဲ့အတွက် ထောင်ဒဏ် ၂ နှစ်ခွဲ ချခဲ့ပါတယ်။ စာ ထဲမှာ ညီညွတ်သောထိုင်းအုပ်စုက “ထိုင်းနိုင်ငံ စည်းမျဉ်းခံဘုရင်ခံစနစ်ကို ထိခိုက်စေသည့် ပြုမူဆောင်ရွက်မှုမှန်သမျှကို ရပ်တန့်ရန်” ကုလသမဂ္ဂ ကို ဆောင်းဆိုခဲ့ပါတယ်။ ကုလသမဂ္ဂကလည်း ထိုင်းလူမျိုးတွေနဲ့ ဘုရင်စနစ်အကြား ရှိနေတဲ့ သံယောဇဉ်အနှောင်အဖွဲ့ကို ထိခိုက်စေနိုင်တဲ့ လုပ်ဆောင်မှုအကုန်လုံးကို ရပ်တန့်ရမှာ ဖြစ်တယ်လို့ သူတို့က ပြောဆိုပါ တယ်။

နောက်ပိုင်းမှာ ဆန္ဒပြသမားတွေက ၀ိုင်ယာလက်စ်လမ်းမပေါ်ရှိ အမေရိကန်သံရုံးဆီကို ရွှေ့ပြောင်းသွားပါတယ်။ အဲဒီမှာ သူတို့ဟာ အလားတူပန်ကြားချက်တွေကို သံရုံးဝန်ထမ်းတွေဆီကို လွှဲပြောင်းပေးခဲ့ပါတယ်။ သံရုံးရှေ့မှာ စုရုံးကြတဲ့ ဆန္ဒ ပြသမားတွေက ဆိုင်းဘုဒ်ကပ်ပြားတွေကိုင်ဆောင်ပြီး သံအမတ်ကြီး ခရစ္စတီးကင်နေးကို ဘုရင်ကိုအကြည်ညို ပျက်စေ တဲ့ ဥပဒေအပေါ် မလျော်မကန် မှတ်ချက်ချ ပြောဆိုခဲ့တဲ့အတွက် လောက်ဒ်စပီကာတွေကတဆင့် ပြစ်တင် ဝေဖန်ကြပါ တယ်။ ပြီးခဲ့တဲ့အပတ်က သံအမတ်ကြီးက သူမရဲ့တွစ်တာပေါ်မှာ သူမအနေနဲ့ ဘုရင်စနစ်ကို အရမ်းလေးစားပါတယ်။ ဒါပေမဲ့ နိုင်ငံတကာ လွတ်လပ်စွာပြောဆိုခွင့် စံချိန်တွေနဲ့မဆီလျော်တဲ့ တရားစွဲဆိုချက်တွေကြောင့် သူ့ အနေနဲ့ စိတ်မ သက်မသာ ဖြစ်ရတယ်လို့ ရေးသားခဲ့ပါတယ်။

ဒီအုပ်စုက တိုင်းပြည်အရေးတွေမှာ အပြင်လူတွေ ၀င်စွက်တာကို ခုခံရပ်ခံပေးဖို့ ၀န်ကြီးချုပ်ယင်လပ်ရှီနာဝပ်ထ်ရဲ့ အစိုးရ ကိုလည်း တောင်းဆိုခဲ့ပါတယ်။ အမေရိကန်အစိုးရအနေနဲ့ ဘုရင်စနစ်၊ ဘုရင့်မိသားစုနဲ့ ထိုင်းယဉ်ကျေးမှုကို အလွန့်အ လွန် လေးစားကြောင်း မနေ့က အမေရိကန်သံရုံးက ထပ်လောင်း ပြောဆိုလိုက်ပါတယ်။ “ထိုင်းဥပဒေကို ကျနော်တို့ လေးစားပါတယ်။ ထိုင်းနိုင်ငံရဲ့ပြည်တွင်းရေးမှာ ဘယ်ဖက်ကမှ ၀င်မရပ်ပါဘူး၊ ကျနော်တို့ဟာ တကမ္ဘာလုံးမှာ လွတ်လပ် စွာပြောဆိုမှုကို ထောက်ခံပြီး ဒါကို အခြေခံလူ့အခွင့်အရေးတခုအဖြစ် ယူဆပါတယ်” လို့ သံရုံးက ပြောပါတယ်။ ဒီအ တောအတွင်းမှာ ထိုင်းနက်တီဇင်ကွန်ယက်က တက်ကြွလှုပ်ရှားသူတွေနဲ့ ဒီမိုကရေစီကွန်ယက်က တက်ကြွလှုပ်ရှားသူ တွေဟာ ပုဒ်မ ၁၁၂ ကို ပြင်ဆင်ဖို့ တောင်းဆိုတဲ့ သူတို့ရဲ့ရပ်တည်ချက်ကို ၎င်းတို့အနေနဲ့ ထောက်ခံကြောင်း ပြောဆိုပြီး ကုလသမဂ္ဂနဲ့ အမေရိကန်သံရုံးကို အိတ်ဖွင့်ပေးစာတစောင် မနေ့က ပေးပို့လိုက်ပါတယ်။ “ခင်ဗျားတို့အနေနဲ့ လွတ်လပ် စွာပြောဆိုမှုကို ချိူးဖောက်နေတာကို ဆက်လက်စောင့်ကြည်နေမယ်၊ လူ့အခွင့်အရေး ကာကွယ်စောက်ရှောက်မှု အား ကောင်းအောင် ဆက်လက်ကူညီမယ်လို့ ကျနော်တို့ မျှော်လင့်နေပါတယ်” လို့ သူတို့က ပြောပါတယ်။

ပညာရှင် ၁၅ ဦးပါတဲ့အဖွဲ့တဖွဲ့ က ပုဒ်မ ၁၁၂ ကို ချိုးဖောက်တယ်လို့ ယူဆတဲ့အမှုတွေကို စစ်ဆေးဖို့ ကော်မတီတခုဖွဲ့ဖို့ အဆိုပြုလိုက်ပါတယ်။ စစ်ဆေးရေးအဖွဲ့က တချို့အဖွဲ့တွေက သူတို့ပြိုက်ဖက်တွေကို အသရေဖျက်ဖို့ နိုင်ငံရေးလက်နက် တခုအဖြစ် ဥပဒေကို အသုံးပြုနေတာနဲ့ဆက်စပ်တဲ့ ပြဿနာတွကို ဖြေရှင်းမှာဖြစ်တယ်လို့ ဒီအဖွဲ့က ပြောပါတယ်။ ဒီအ ဖွဲ့ကို ဘက်အသီးသီးက ကိုယ်စားလှယ်တွေနဲ့ ဖွဲ့စည်းမှာ ဖြစ်ပါတယ်။ ဒီအထဲမှာ အုပ်ချုပ်ရေးနဲ့ဥပဒေပြု ရေးအဖွဲ့ခွဲတွေ၊ အမျိုးသားလူ့အခွင့်အရေးကော်မရှင်၊ အစိုးရရှေ့နေတွေ၊ ပညာရှင်တွေ၊ ဒေသခံခေါင်းဆောင်တွေနဲ့ သမဂ္ဂတွေ ပါမှာ ဖြစ်ပါတယ်။ ဒီကော်မတီက အတည်ပြုတဲ့ အမှုတွေကိုပဲ ရှေ့ဆက်ဖို့ ခွင့်ပြုသင့်တယ်လို့ သူတို့က ပြောပါတယ်။

ဒီဇင်ဘာ ၁၇၊ ၂၀၁၁ (ဘန်ကောက်ပို့စ်)

Ref: နေ့သစ် 

Posted in: ၀၄။ ထိုင်းသတင်း