22:37
Unknown
စည်သူလွင်
ဆယ်လူလာ တယ်လီဖုန်း DAMP စခန်းများကို ၂၀၁၂ ခုနှစ်၊ ဇန်န၀ါရီလ ၃၁ ရက်နေ့မှ စတင်၍ဆက်သွယ်မှု ပိတ် သိမ်းသွားမည် ဖြစ်ကြောင်း မန္တလေးတိုင်း ဒေသကြီး ဆက်သွယ်ရေးရုံးထံမှ သိရသည်။
"ဆယ်လူလာဖုန်းတွေ လဲပေးတာကတော့ ၂၀၁၁ ခုနှစ်၊ ဩဂုတ်လကစပြီး ဆောင်ရွက်ပေးခဲ့တယ်။ ခုလာမယ့် ၂၀၁၂ ဇန်န၀ါရီလ ၃၁ ရက်ကစပြီး လိုင်းတွေကိုပိတ်သိမ်းမယ်။ ဖုန်းလဲပေးတာကိုတော့ ၂၀၁၂ ခုနှစ်၊ မတ်လ ၃၁ ရက် နေ့ နောက်ဆုံး သတ်မှတ်ထား ပါတယ်။ အဲဒီနောက်ပိုင်းမှလာတဲ့ ဖုန်းတွေကို ဆောင်ရွက်ပေးမှာ မဟုတ်တော့ပါဘူး"ဟု မန္တလေးတိုင်းဒေသကြီး ဆက်သွယ်ရေးရုံးမှ တာဝန်ရှိသူတစ်ဦးက မြန်မာတိုင်း(မ်)ကို ပြောသည်။
ဆယ်လူလာဖုန်းများ လဲလှယ်မှုတွင် ယခင်က ဂျီအက်စ်အမ်ဖုန်းများဖြင့်သာ လဲလှယ်ခွင်ပြုခဲ့သော်လည်း ယခုအခါတွင် နှစ်သက်ရာ (GSM/CDMA-450/ CDMA-800 Wall) ဖုန်းများဖြင့် အခမဲ့ လဲလှယ်နိုင်ကြောင်း သိရသည်။
ထိုသို့ ပြောင်းလဲသုံးစွဲခွင့်ပြုရာတွင် လက်ရှိသုံးစွဲသူအမည်၊ လိပ်စာသို့ ၀န်ခံချက်ဖြင့် တစ်ခါတည်း ပြောင်းလဲသုံးစွဲခွင့် ပြုမည်ဖြစ်ပြီး ရောက်ရှိသုံးစွဲမည့်ဒေသရှိ မိုဘိုင်းစနစ်ဖြင့်သာ လဲလှယ်ခွင့်ရရှိမည်ဖြစ်သည်။
"ဆယ်လူလာဖုန်းတွေကို လဲမယ်ဆို ရင်တော့ စာရွက်စာတမ်းအပြည့်အစုံ ပါရမယ်။ စာရွက်စာတမ်း မပြည့်စုံရင် ဖုန်းလိုင်းကို တစ်ပတ် ပိတ်ထားမယ်။မိုင်းရှူးနဲ့ ဖားကန့်မြို့ကနေ မန္တလေးမြို့ မှာ အခြေချနေထိုင်သူတွေအတွက် ဖုန်းလဲမယ်ဆိုရင်တော့ မန္တလေး ဆက်သွယ်ရေးရုံးမှာ ဖုန်းရဲ့အမှုတွဲ မှတ်တမ်းတွေ ရှိရမယ်။ မရှိဘူးဆိုရင် သက်ဆိုင်ရာ ဆက်သွယ်ရေးရုံးက အမှုတွဲများပေးပြီး လဲလှယ်နိုင်ပါတယ်"ဟု အထက်ပါ တာဝန်ရှိသူက ဆက်လက်ပြောသည်။
မြန်မာပြည်အထက်ပိုင်းတွင် ဆယ်လူ လာ ဖုန်းများကို ချထားပေးခဲ့ရာမှာ မန္တလေးမြို့တွင် အလုံးရေ ၁,၈၀၀ ကျော်၊ မိုးကုတ်မြို့တွင် ၂,၅၀၀ ကျော်၊ မိုင်းရှူးမြို့တွင် ၁,၀၀၀ ကျော်နှင့် ဖားကန့် မြို့တွင် ၃,၂၀၀ ကျော်ချထား ပေးခဲ့ရာ ဆယ်လူလာဖုန်း လိုင်းပေါင်း ၈,၇၀၀ ကျော်ထိရှိပြီး မန္တလေးတိုင်းဒေသကြီး တွင် ဆယ်လူလာဖုန်း လဲလှယ်ပေးမှုမှာ လက်ရှိဖုန်း လိုင်းများ၏ လေးပုံသုံးပုံခန့် လဲလှယ်ပေးပြီး ဖြစ်သည်။
Ref: MyanmarTimes
Posted in: ၀၃။ မြန်မာ့ သတင်း
0 comments:
Post a Comment