ပြစ်မှုဆိုင်ရာလွတ်ငြိမ်းခွင့်မူကြမ်းကို အစိုးရ စွန့်လွှတ်

အပြင်းအထန်ကန့်ကွက်မှုခံပြီးနောက်မှာ ၀န်ကြီးချုပ်ဟောင်း ထပ်စင်ရှီနာဝပ်ထ်အတွက် လွတ်ငြိမ်းချမ်းသာခွင့် ပေးရေး စီမံကိန်းကို အစိုးရက ပြန်လည်ရုတ်သိမ်းလိုက်ပါတယ်။ ဒီနှစ် ဒီဇင်ဘာလ ၅ ရက်နေ့မှာ ကျရောက်မယ့် ထိုင်းဘုရင် ကြီးရဲ့ ၈၄နှစ်မြောက် မွေးနေ့အခါသမယမှာ အကျဉ်းသားတွေအတွက် ပြစ်ဒဏ်ကင်းလွတ်ခွင့်ပေးတဲ့ နန်းတော်ရဲ့ အမိန့် ဒီကရီ ဆိုတာဟာ သမရိုးကျ အခြေအနေတွေပဲ ဖြစ်မှာပါ။ လို့ တရားရေးဝန်ကြီး ဖရားချာဖရွမ်နော့ က တနင်္ဂ နွေနေ့က ပြောပါတယ်။

မကြာသေးခင်က ဒူဘိုင်းမှာ ဘန်ကောက်ပို့စ်နဲ့အင်တာဗျူးနေတဲ့ ထပ်စင်

ဒီအထဲမှာ မူးယစ်ဆေးဝါးမှု၊ အဂတိလိုက်စားမှုနဲ့ ထွက်ပြေးတိမ်းရှောင်နေတဲ့ အကျဉ်းသားတွေအပေါ် တားမြစ်ထားတာ တွေ ပါဝင်ပါတယ်။ နန်းတော်ရဲ့အမိန့်ဒီကရီမူကြမ်းက ဘယ်တသီးပုဂ္ဂလကိုမှ မျက်နှာသာပေးမှာ မဟုတ်ပါဘူး၊ ပြစ်မှု ဆိုင်ရာလုပ်ထုံးလုပ်နည်းတွေ အတိုင်းပဲ ဖြစ်မှာပါလို့ ရဲဗိုလ်ချုပ်ကြီး ဖရားချာ က ပြောပါတယ်။ အစိုးရအနေနဲ့ ဘုရင်ကြီး အတည်မပြုခင်မှာ ဒီမူကြမ်းကို နိုင်ငံတော်ကောင်စီကို အသေအချာ အသေးစိတ် စစ်ဆေးစေရမှာ ဖြစ်ပါတယ်။ သူ့အနေ နဲ့ နန်းတော်ကလွတ်ငြိမ်းခွင့်ပေးတာမျိုး အထူးဦးစားပေး စောင့်ရှောက်မှုကို လက်ခံလိုစိတ်မရှိပါဘူးလို့ ထပ်စင်က စာတ စောင်ထုတ်အပြီး နာရီပိုင်းလောက်မှာ အကျဉ်းသားတွေအတွက် လွတ်ငြိမ်းခွင့် အဆိုပြုရေးမှာ တာဝန်ရှိတဲ့ ရဲဗိုလ်ချုပ်ကြီး ဖရားချာ က တနင်္ဂနွေနေ့က ပြောဆိုလိုက်တာဖြစ်ပါတယ်။

ဒါပေမဲ့ ရဲဗိုလ်ချုပ်ကြီး ဖရားချာက ထပ်စင်ရဲ့ကြေညာချက်နဲ့သူ့အကြားမှာ ဘာအဆက်အသွယ်မှ မရှိဘူးဆိုတာကို ငြင်း ဆိုပါတယ်။ ထပ်စင်ရဲ့လက်ရေးမူ ကြေညာချက်ကို အာဏာရ ဖွေ့ထိုင်းပါတီကတဆင့် သတင်းစာတွေကို ဝေပါတယ်။ ထပ်စင်ပြောတာက သူဒီစာကို ဒူဘိုင်းကရေးခဲ့တာဖြစ်ပြီး နောက်လလုပ်မယ့် နန်းတော်ကပေးမယ့် လွတ်ငြိမ်း ခွင့်ကနေ ဘာအကျိုးအမြတ် တခုမှ မလိုချင်ပါဘူးလို့ ပါပါတယ်။ တိုင်းပြည်က ရေဘေးဒဏ်ခံနေရတယ်။ ညီညွတ် ဖို့လိုနေတယ်။ ဒါကြောင့် အမျိုးသား ညီညွတ်ရေးကို အနှောက်အယှက်ဖြစ်စေမယ့် ဘယ်လုပ်ဆောင်မှုမျိုးကိုမှ မမြင် ချင်ပါဘူးလို့ သူက ပြောပါတယ်။ “ကျနော့်အနေနဲ့ အမျိုးသားပြန်လည်ရင်ကြားစေ့ရေးကို ရှေ့ရှူ့တဲ့ လုပ်ငန်းမှန် သမျှကို ထောက်ခံဖို့ ဆန္ဒရှိ နေပါတယ်။ ကျနော့်အနေနဲ့  တရားမျှတမှုကို မရတာ ၅နှစ်ကျော်ကြာနေတာတောင်မှ ကျနော့် ကိုယ်ပိုင်ပျော်ရွှင်မှုကို စွန့် လွှတ်ဖို့ အဆင်သင့်ပါ၊ ပြည်သူတွေအတွက် ကျနော် သည်းခံစိတ်ရှည်ပေးပါမယ်” လို့ သူက ပြောပါတယ်။

မကြာသေးခင်ကထွက်ပေါ်လာတဲ့ နန်းတော်ရဲ့ လွတ်ငြိမ်းခွင့်အပေါ် ဝေဖန်ပြောဆိုမှုတွေကို တုန့်ပြန်ရာမှာ အစိုးရအနေ နဲ့ ကျနော့်တယောက်တည်းအတွက်ပဲ အကျိုးဖြစ်စေမယ့် ဘယ်လုပ်ဆောင်မှုမျိုးကိုမှ မလုပ်ဘူးဆိုတာ ကျနော် ယုံပါ တယ်လို့ ထပ်စင် က ပြောပါတယ်။ ဘုရင်းကြီး ကျန်းမာရေးမကောင်းဘူး၊ ဒါကြောင့် ဘုရင်ကြီး စိုးရိမ်ပူပန်မှု ဖြစ်စေမယ့် အလုပ်မျိုးကို ဘယ်သူမှ မလုပ်သင့်ပါဘူး။ ၀န်ကြီးချုပ်လည်း သူ့ရပ်တည်ချက်နဲ့ တသဘောတည်း ဖြစ် မယ်။ ဆိုတာ ယုံပါတယ်။ လို့လည်း သူက ရေးသားခဲ့ပါတယ်။ သူ့စာထဲမှာသူ့ကို ထောက်ခံတဲ့သူတွေအနေနဲ့လည်း စိတ်မပျက်ကြဖို့ ရေးခဲ့ပါတယ်။ သူ့ပါတီဝင်အားလုံးကိုလည်း ခွင့်လွှတ်ကြဖို့၊ မေ့ပျောက်ပစ်ကြဖို့ သူက တောင်းဆိုလိုက်ပါတယ်။

သူ့အတွက်လွတ်ရေးအကျုံးဝင်စေမယ့် မူးယစ်ဆေးဝါးမှုနဲ့အဂတိလိုက်စားမှုကြောင့် အကျဉ်းကျသူတွေအပေါ် တားမြစ် ချက်ကို ထည့်သွင်းမထားတဲ့ နန်းတော်ရဲ့လွတ်ငြိမ်းခွင့်အမိန့်ဒီကရီ စီမံကိန်းကို ဖျက်သိမ်းဖို့ သူ့ပါတီကို ထပ်စင်က အမိန့် ပေးခဲ့တာဖြစ်တယ်လို့ ဖွေ့ထိုင်းပါတီ သတင်းရပ်ကွက်တခုက ဆိုပါတယ်။ ဒီတားမြစ်ချက်တွေမပါတဲ့ နန်းတော်ရဲ့ လွတ် ငြိမ်းခွင့်အမိန့်ဒီကရီမူကြမ်းဆိုတာကို ကက်ဘိနက်က ပြီးခဲ့တဲ့ အင်္ဂါနေ့က အတည်ပြုခဲ့ပါတယ်။ ထပ်စင်ဟာ အစိုးရအနေ နဲ့ လွတ်ငြိမ်းခွင့်စီမံကိန်း ရုတ်သိမ်းဖို့ အချက်ပြတဲ့စာကို ရေးလိုက်ပြီး ဒီလွတ်ငြိမ်းခွင့်အမိန့်နဲ့ သူ့ကို အစိုးရက မကူဖို့ တ နင်္ဂနွေနေ့က သတင်းစာတွေကိုပြောဖို့ ရဲဗိုလ်ချုပ်ကြီး ဖရားချာကို အမိန့်ပေးခဲ့တာ ဖြစ်တယ်လို့ အတိုက်အခံတွေက ပြော ဆိုကြပါတယ်။ ဖရားချာရဲ့ကြေညာချက်နဲ့ တနင်္ဂနွေနေ့က ထပ်စင်ရဲ့စာကို ကြားနာအပြီးမှာတော့ နိုင်ငံတော်ကောင်စီရုံး ရှေ့မှာ တနင်္လာနေ့ဆန္ဒပြမှာကို ဖျက်သိမ်းမှာဖြစ်တယ်လို့ ပြည်သူ့ဒီမိုကရေစီမဟာ မိတ်အဖွဲ့က ကြေညာလိုက်ပါတယ်။

၂၀၀၆ ခုနှစ် စက်တင်ဘာလ ၁၉ ရက်နေ့က စစ်တပ်က အာဏာသိမ်းပြီး ထပ်စင်နဲ့ သူ့အစိုးရကို ဖယ်ရှားပစ်ခဲ့ချိန် က တည်းက ထပ်စင်ကို အဂတိလိုက်စားမှု အမှုတွေနဲ့ တရားစွဲဆိုပြီး အပြစ် ပေးခဲ့တာ ဖြစ်ပါတယ်။ ၂၀၀၈ခုနှစ်မှာ သူ့ကို တရားရုံးချုပ်က အာဏာအလွဲသုံးစားလုပ်မှုနဲ့ ထောင်ဒဏ် ၂နှစ် ချခဲ့ပါတယ်။ တရား စီရင်ချက် မကြေညာခင် ကလေးမှာ ပဲ သူဟာ တိုင်းပြည်က ထွက်ပြေးခဲ့ပါတယ်။

နိုဝင်ဘာ ၂၀၊ ၂၀၁၁ (ဘန်ကောက်ပို့စ်)

Ref: နေ့သစ်

Posted in: ၀၄။ ထိုင်းသတင်း