နေ့စဉ် အထိုင်များသူများ ဆင်ခြင် ကာကွယ်စရာ လိပ်ခေါင်းရောဂါ

သင် တစ်နေ့ကို ဘယ်နှနာရီလောက် အထိ အထိုင်များပါသလဲ။ အထိုင်များပြီး ကိုယ်လက်လှုပ်ရှားမှု အလွန်နည်းပါး သူတွေဟာ သွေးတိုး၊ ဆီးချို စတဲ့ ရောဂါတွေအပြင် သိပ်မကြာခင် ဖြစ်လာနိုင်တဲ့ ရောဂါတစ်ခု ရှိပါတယ်။ အဲဒါကတော့ လိပ်ခေါင်း ရောဂါပါပဲ။ သူငယ်ချင်း နှစ်ယောက် ဉာဏ်စမ်းမေးခွန်း မေးကြတဲ့ ဟာသတစ်ခု ဖတ်ဖူးပါတယ်။ ကိုယ့်ဟာကိုယ် ကြည့်လို့လည်း မရဘူး။ ကြည့်လည်း မကြည့်ချင်ဘူး။ သူများလည်း မပြချင်ဘူး။ အဲဒါ ဘာလဲတဲ့။ ကျန်တစ်ယောက်က မဖြေနိုင်တော့ သူက ပြောပြတယ်။ အဖြေကတော့ လိပ်ခေါင်းပါတဲ့။
တကယ်တမ်းကတော့ လိပ်ခေါင်း ရောဂါဟာ ဒီဟာသထဲမှာ နောက်ထားတာထက် အဆပေါင်းများစွာ ဆိုးပါတယ်။ ဝမ်းသွားခြင်း၊ ထိုင်ခြင်းတွေမှာ နာကျင်မှု ဒုက္ခ ခံစားရသလို နေ့စဉ် သွေးထွက် ဆုံးရှုံးမှုကလည်း ရှိလို့ ကြာလာရင် သွေးအားနည်း ရောဂါပါ ရလာ စေပါတယ်။ အလုပ်ပျက် အကိုင်ပျက်နဲ့ စိတ်မကြည်တော့ လူမှုရေး၊ စီးပွားရေး၊ အိမ်ထောင်ရေး အကုန် ထိခိုက်တာပါပဲ။ ကုသမှု ခံယူဖို့ ကျတော့လည်း ဟာသထဲက ပြောသလိုပဲ၊ ရှက်ကိုးရှက်ကန်း ဖြစ်ကာ တော်တော်နဲ့ မပြဖြစ်ကြပါဘူး။ အမျိုးသမီးတွေဆို ပိုဆိုးတာပေါ့။ ဒါကြောင့် အသက်အန္တရာယ်နဲ့ ဝေးသော်လည်း အမြစ်မတွယ်သင့်ဘဲ တွယ်သွားတတ်တဲ့ ဝေဒနာဆိုးတဲ့ ရောဂါ တစ်ခုဖြစ်လို့ သိရှိ ကာကွယ်စရာ ရေးသားဖော်ပြ ပေးလိုက်ပါတယ်။

လိပ်ခေါင်း ရောဂါဆိုတာ ဘာလဲ

လိပ်ခေါင်းရောဂါ (Hemorrhoid/Pile) ဆိုတာ အူမကြီး အဆုံးပိုင်း အစာဟောင်းအိမ်နဲ့ စအိုမှာ ဖြစ်ပေါ်နေတဲ့ ဖောင်းပွနေတဲ့ သွေးပြန်ကြောတွေရဲ့ အစုအဝေး ဖြစ်ပါတယ်။ သွေးပြန်ကြောတွေရဲ့ အတွင်းမှာ ဖိအားများလာလို့ အဲဒီလို ဖောင်းလာရတာ ဖြစ်ပါတယ်။ ဖိအားများလာစေတဲ့ အကြောင်းအရင်းတွေက ဝမ်းချုပ်သော အကျင့်ရှိခြင်း၊ ကိုယ်ဝန်ဆောင်စဉ် ကြီးထွားလာသော သားအိမ်ကြောင့် ဖြစ်ခြင်း၊ အထိုင်များခြင်း စသဖြင့် အမျိုးမျိုး ရှိပါတယ်။ စအို အတွင်းပိုင်းမှာ ရှိပြီး လက်နဲ့ စမ်းလို့မရတဲ့ လိပ်ခေါင်းကို အတွင်းလိပ် (Internal hemorrhoids) လို့ ခေါ်ကြပါတယ်။ နာကျင်တဲ့ ဝေဒနာ များသောအားဖြင့် မရှိလို့ ပုံမှန်နေရင်း မသိနိုင်ဘဲ ဝမ်းသွားတာ သွေးပါမှ သိနိုင်တာမျိုး ဖြစ်ပါတယ်။ မကုသဘဲနေရင် အရမ်းဆိုးလာပြီး ကျွံထွက် လာတတ်ပါတယ်။ အပြင်လိပ် (External Hemorrhoids) ဆိုတာက စအိုပတ်လည်နဲ့ အဝနားက သွေးကြောဖောင်းတွေကို ဆိုလိုပါတယ်။ ဖောင်းကြွနေတာကို လက်နဲ့ စမ်းကြည့်လို့ရပြီး ဝမ်းသွားရင် နာကျင် ယားယံပါတယ်။ မခံမရပ်နိုင်အောင် နာလာပြီ ဆိုရင်တော့ အပြင်လိပ်မှာ သွေးခဲပိတ်ပြီလို့ ယူဆရပြီး အမြန်ဆုံး ကုသမှု ခံယူသင့်ပါတယ်။

ဘာကြောင့် ဖြစ်ရတာလဲ


အဖြစ်အများဆုံး အကြောင်းရင်းက ခြောက်ချက်လောက် ရှိပါတယ်။ အဲဒါတွေကတော့ ...


(၁) အထိုင်များခြင်း- နေ့စဉ် နာရီပေါင်းများစွာ ထိုင်တဲ့သူဟာ လိပ်ခေါင်း ပြဿနာနဲ့ တစ်ချိန်မဟုတ် တစ်ချိန်တော့ ရင်ဆိုင်ရလာ နိုင်ပါတယ်။ တောက်လျှောက် မနားတမ်း ထိုင်ရရင် ပိုနီးစပ်ပါတယ်။


(၂) ဝမ်းချုပ်တတ်သော အကျင့်ရှိခြင်း- ဝမ်းကို ညှစ်ပြီး သွားရပါများလို့ ကြုံလာရတဲ့ ပြဿနာ ဖြစ်ပါတယ်။


(၃) အသက်အရွယ် ရလာခြင်း- လိပ်ခေါင်းရောဂါဟာ အသက်အရွယ်နဲ့ အတိုင်းအတာ တစ်ခုအထိ တိုက်ရိုက် အချိုးကျပါတယ်။ အသက်ကြီးလာလေလေ ကြွက်သားတွေ၊ သွေးကြောတွေ ပုံမှန် မဟုတ်တော့တဲ့ အတွက် လိပ်ခေါင်း ဖြစ်လာနိုင်သလို အထိုင်များတဲ့ အကျင့်ပါရှိရင် အတော်လေး နီးစပ်ပါတယ်။ အသက် ၅၀ ကျော်ပြီးသား လူတိုင်းရဲ့ တစ်ဝက်ကျော်ဟာ လိပ်ခေါင်း ရှိနေတတ်တယ်လို့ တွေ့ရှိရပါတယ်။


(၄) ကိုယ်ဝန်ဆောင်ခြင်း- အမျိုးသမီးတွေမှာ ကိုယ်ဝန်ကြီးရင့် လာတာနဲ့အမျှ အစာဟောင်းအိမ် (Rectum) အပေါ်ကို ဖိအား သက်ရောက်မှု များလာစေပြီး သွေးကြောတွေ ပိတ်ကာ လိပ်ခေါင်း ဖြစ်လာတတ်ပါတယ်။


(၅) အလေးအပင် မရခြင်း- အလေးတစ်ခု မရတိုင်း စိုက်ထုတ်လိုက်တဲ့ အားရဲ့ဒဏ်ကို ခန္ဓာကိုယ်ကပဲ ပြန်ခံရပါတယ်။ မနိုင်ဝန် ထမ်းရင် ပိုဆိုးပါတယ်။ အလေးအပင် မရတဲ့ အလုပ် လုပ်သူတွေဟာ အချိန်ကြာလာရင် လိပ်ခေါင်းရောဂါနဲ့ နှလုံးရောဂါတွေ ဖြစ်နိုင်စွမ်းဟာ သူများတွေထက် များလာပါတယ်။


(၆) အသည်းရောဂါရှိခြင်း- အသည်းခြောက်ခြင်းလိုမျိုး နာတာရှည် အသည်းရောဂါ တစ်ခုခုရှိရင် သွေးပြန်ကြောများ အတွင်း ဖိအားကို တက်စေပြီး လိပ်ခေါင်း ဖြစ်လာစေပါတယ်။


ရောဂါလက္ခဏာများ


မနာကျင်ဘဲ ဝမ်းသွားရင် သွေးပါတာက အဖြစ်အများဆုံးပါပဲ။ ဒါကြောင့် အမှုမဲ့ အမှတ်မဲ့နေရင် အတော်လေး နောက်ကျမှ သတိထား မိပါတယ်။ ဝမ်းသွားရင်း သွေးစိမ်း ရှင်ရှင်ပဲပါပါ၊ သွေးမည်းမည်းပဲပါပါ ဒါဟာ အလွန် အရေးကြီးတဲ့ အခြေအနေ တစ်ရပ်ဖြစ်ပြီး ဆရာဝန် ပြရပါမယ်။ လိပ်ခေါင်းကြောင့် သွေးထွက်ခြင်းဟာ သူ့အလိုလို ပျောက်ပျောက်သွားတဲ့ သဘာဝရှိလို့ ပြန်ကောင်းသွားပြီ ဆိုပြီး ပေါ့နေကာ လိပ်ခေါင်း အမြစ်တွယ်သွား တတ်ပါတယ်။ သွေးဆုံးရှုံးမှု ကာလ ကြာလာရင် သွေးအားနည်းခြင်းရဲ့ လက္ခဏာတွေ ဖြစ်တဲ့ မူးဝေခြင်း၊ ဖြူဖျော့ခြင်း၊ အားအင်ကုန်ခန်းသလို ခံစားရခြင်း၊ ပင်ပန်းလွယ်ခြင်း စတာတွေ ဝင်လာနိုင်ပါတယ်။ ဒါ့အပြင် သန့်ရှင်းရေး ဂရုမစိုက်ရင် လိပ်ခေါင်းကို ပိုးဝင်ပြီး ရောင်ရမ်း ဖျားနာခြင်း ဖြစ်လာနိုင်ပါတယ်။


ဘယ်လို ကုသကာကွယ်မလဲ


သွေးတစ်စက်စက် ကျနေခြင်း အလွန်အမင်း နာကျင်ခြင်း၊ ရောင်ရမ်း ဖျားနာခြင်းတွေ မရှိဘူးဆိုရင်၊ စောစီးစွာ သတိထားမိတယ် ဆိုရင် နေထိုင်မှုပုံစံ ပြုပြင် ပြောင်းလဲခြင်း (Lifestyle Modification) တစ်ခုတည်းနဲ့ သက်သာ ပျောက်ကင်းသွားအောင် ကုသလို့ ရပါတယ်။ ရောဂါမရှိသေးတဲ့ သူတွေလည်း လိုက်နာရင် ကင်းဝေးနိုင်ပါတယ်။


(၁) ဝမ်းချုပ်ခြင်းကို ရှောင်ရှားနိုင်ဖို့ ဟင်းသီးဟင်းရွက်၊ ပဲအမျိုးမျိုးတို့ကို နေ့စဉ်စားပါ။ ရေလုံလောက်စွာ သောက်ပါ။ အရွယ်ရောက်ပြီးသား လူတစ်ယောက်ဟာ တစ်နေ့ကို ရေ ရှစ်ဖန်ခွက်စာ လိုပါတယ်။ မနက် မိုးလင်းလာရင် ရေသောက်ပြီး ဝမ်းသွားနေကျ အကျင့်ကို မွေးမြူခြင်းဟာ လိပ်ခေါင်းရောဂါ ကုသ ကာကွယ်နိုင်ရုံမက ကျန်းမာရေးကို အထူး အကျိုးပြုပါတယ်။ အချိန်မှန် ဝမ်းသွားတဲ့ အကျင့်ကို မွေးမြူနိုင်ရင်တော့ အကောင်းဆုံးပါပဲ။


(၂) သင့်တင့်တဲ့ ကိုယ်လက်လှုပ်ရှားမှု လုပ်ချိန် စုစုပေါင်း တစ်ပတ်လျှင် အနည်းဆုံး ၂ နာရီခွဲ ရှိပါစေ။


(၃) အထိုင်များတဲ့ အလုပ်ကို ရှောင်မရရင်လည်း နာရီဝက် တစ်ခါ ဟိုနားဒီနား လမ်းထလျှောက်တဲ့ အကျင့်ကို မွေးမြူပါ။ တောက်လျှောက် ထိုင်တဲ့သူတွေထက်စာရင် လိပ်ခေါင်း ပြဿနာ ကြုံရမှုကို ထိရောက်စွာ လျှော့ချနိုင်တာ တွေ့ရှိရပါတယ်။


(၄) အလေးအပင် မချိန်မှာ အသက်ကို ရှူထုတ်ပါ။ အလေးမလိုက်တဲ့ အချိန်မှာ အသက်ရှူသွင်းခြင်း၊ ရှူသွင်းပြီးသား အသက်ကို အောင့်ထားခြင်းတွေ မလုပ်ပါနဲ့။


(၅) ကိုယ်ဝန်ဆောင်များ ပက်လက်အိပ်ခြင်းကို ရှောင်ပါ။ ဘေးတစောင်း အိပ်ရာမှာ ညာဘက်စောင်း အိပ်ခြင်းက နှလုံးကို သက်သာစေလို့ အကောင်းဆုံးပါပဲ။


(၆) လိပ်ခေါင်းကို ခွဲစိတ်ဖြတ်တောက် ရတယ်ဆိုတာ အတော်လေး ရှားပါတယ်။ အထက်ပါ အချက်တွေကို မှန်မှန်လိုက်နာ သွားရုံနဲ့ တော်ရုံက ပြန်ကောင်းသွားပါတယ်။ ဝေဒနာ ပြင်းထန်ပြီး သွေးထွက်မှုက မရပ်တော့ဘူး ဆိုရင်တော့ ယနေ့ခေတ်မှာ ရရှိနိုင်တဲ့ ကုသမှုတွေအနက် တစ်ခုကို ဆရာဝန်ရဲ့ လမ်းညွှန်ချက်နဲ့ ရွေးချယ်ရပါမယ်။


(၇) အဲဒါတွေကတော့ Rubber Band Ligation ခေါ် သားရေပင်စည်းခြင်း၊ ခြောက်သွေ့ ကြွေသွားစေသော Coagulation Therapy၊ သွေးထွက် အရမ်းများနေခြင်း၊ အတွင်းလိပ်များ ရှိနေခြင်း ဆိုရင် လိပ်ခေါင်း ခွဲစိတ်ဖယ်ရှားမှု (Hemorrhoidectomy) လုပ်ရပါမယ်။ ဒါတွေမလုပ်ခင် သွေးပြန်ကြောအတွင်း ဖိအားနဲ့ နာကျင်မှုများ သက်သာအောင် လိမ်းဆေး၊ ထိုးဆေး၊ သောက်ဆေး၊ ဝမ်းပျော့ပျော့ သွားအောင် ဆေးတွေပေးပြီး ကုသပါတယ်။ မရတော့မှ လုပ်တာပါ။ ဒါကတော့ သက်ဆိုင်ရာ ခွဲစိတ် အထူးကုရဲ့ စမ်းသပ်စစ်ဆေး ဆုံးဖြတ်ချက် အရ ဖြစ်ပါတယ်။ သားရေပင်နည်း သို့မဟုတ် Coagulation Therapy နဲ့ ခွဲစိတ်မှုကို ပေါင်းပြီး လုပ်တာလည်း ရှိပါတယ်။ ဒါကပိုပြီး ရလဒ် ကောင်းတယ်လို့လည်း သိရပါတယ်။


ဘယ်အချိန်မှာ ဆရာဝန် မဖြစ်မနေ ပြရမလဲ


သွေးထွက်များရင်၊ တောက်လျှောက် ရက်ဆက် ထွက်နေရင်၊ သွေးအားနည်း လက္ခဏာတွေ ခံစားလာရရင်၊ ရုတ်တရက် နာကျင်မှု အရမ်း ဆိုးလာရင်၊ နာကျင်မှုနဲ့ ဖျားနာမှု တွဲဖြစ်ရင်၊ သွေးဝမ်းသွားရင် ကုသမှု ခံယူသင့်ပါပြီ။ 

Source: အဝေးဆီက မလေးရောက်ခရီးသည်

Posted in: ၀၉။ ကျမ္မာရေးသုတ