မြန်မာ အလုပ်သမား နိုင်ငံကူးလက်မှတ် ဘန်ကောက်မှာ လုပ်ပေးတော့မည်

ထိုင်းနိုင်ငံရောက် မြန်မာအလုပ်သမားတွေ မှတ်ပုံတင်စဉ်

ထိုင်းနိုင်ငံရောက် မြန်မာအလုပ်သမားတွေအတွက် ယာယီနိုင်ငံကူးလက်မှတ် ထုတ်ပေးရေးက နယ်စပ်မြို့တွေတွင်သာမက အတွင်းပိုင်းကျတဲ့ ဘန်ကောက်အပါအ၀င် အခြားမြို့တွေမှာလည်း လုပ်ပေးတော့မှာ ဖြစ်ပါတယ်။

လာမယ့်နှစ်ကစပြီး မြန်မာအလုပ်သမား အများအပြားရှိနေတဲ့ ဘန်ကောက်၊ မဟာချိုင် စတဲ့ နေရာတွေမှာ ယာယီနိုင်ငံကူးလက်မှတ်ထုတ်ပေးရေး ဌာနတွေ ဖွင့်လစ်နိုင်တော့မှာဖြစ်သလို ချင်းမိုင်၊ ဆူရပ်ဌာနီ စတဲ့မြို့တွေမှာလည်း ဖွင့်လစ်နိုင်တဲ့အနေအထားရှိတဲ့ အကြောင်း ထိုင်းနိုင်ငံ အလုပ်သမားဝန်ကြီးဌာနက အရာရှိတွေနဲ့ ဆွေးနွေးခဲ့ မြန်မာအလုပ်သမားဝန်ကြီးဌာနက ညွှန်ကြားရေးမှူးချုပ် ဦးချစ်စိန်က ဘီဘီစီကို ပြောပါတယ်။

ထိုင်းနိုင်ငံမှာ မြန်မာရွှေ့ပြောင်းအလုပ်သမား ၂ သန်းလောက်ရှိတယ်လို့ ခန့်မှန်းရပြီး ယာယီနိုင်ငံကူးလက်မှတ် လုပ်နိုင်ရေးအတွက် မှတ်ပုံတင်လာလုပ်ကြတဲ့ မြန်မာအလုပ်သမား အခုအချိန်မှာ ၉ သိန်းနီးပါးရှိလာပြီလို့လည်း သိရပါတယ်။

မြန်မာနဲ့ ထိုင်းနိုင်ငံအလုပ်သမားဝန်ကြီးဌာက အရာရှိတွေ ဆွေးနွေးပွဲမှာ အလုပ်ရှင်တွေအနေနဲ့ အလုပ်သမားတွေအပေါ် ဖိနှိပ်မှုတွေပပျောက်အောင် အလုပ်ရှင်နဲ့ အလုပ်သမားအကြား သဘောတူစာချုပ် ချုပ်ဆိုရေး ကိစ္စတွေကိုလည်း ထည့်သွင်းဆွေးနွေးထားကြောင်း ဦးချစ်စိန်က ပြောပါတယ်။ 

Source: BBC

Read more »

Posted in: ၀၄။ ထိုင်းသတင်း

အကျဉ်းသားများ တရက်တည်းတွင် အပြတ်လွှတ်

အစိုးရက အကျဉ်းသား ၆၃၅၉ ဦးအား တရက်တည်းဖြင့် အပြီးအပြတ် လွှတ်ပေးလိုက်ပြီ ဖြစ်ကြောင်း နေပြည်တော်ရှိ ပြည်ထဲရေး ၀န်ကြီးဌာနကဧရာဝတီသို့ ပြောသည်။

ယမန်နေ့က အင်းစိန်ထောင်မှ လွတ်မြောက်လာသည့် အကျဉ်းသားများ (ဓာတ်ပုံ - AP)

ထိုသို့ လွှတ်ပေးရာတွင် နိုင်ငံရေးအကျဉ်းသားဟူ၍ သီးသန့် သတ်မှတ်ခြင်း မရှိကြောင်း၊ မည်သည့်အချိန်မှ ထပ်မံပြီး လွတ်ငြိမ်းချမ်းသာခွင့် ပေးမည်ကို မသိပါကြောင်း ပြည်ထဲရေး ၀န်ကြီးဌာန တာဝန်ရှိသူ တဦးက ပြောသည်။
နိုင်ငံရေး အကျဉ်းသားများအား ကူညီစောင့်ရှောက်နေသည့် လေ့လာသူများ ပြုစုထားသော စာရင်းများအရ လွှတ်ပေးသည့် အကျဉ်းသား ၆၃၅၉ ဦးတွင် နိုင်ငံရေးအကျဉ်းသား ၂၀၇ ဦးသာ ပါဝင်သည်ဟု သိရသည်။
နိုင်ငံရေးအကျဉ်းသားများ လွတ်မြောက်ရေး လက်မှတ်ရေးထိုး လှုပ်ရှားမှု အဖွဲ့မှ ကိုတိုးကျော်လှိုင်က “၀မ်းသာမှု၊ ၀မ်းနည်းမှုတွေ ရောပြွမ်းနေတယ်ဗျာ။ လွတ်တဲ့သူတွေအတွက် ၀မ်းသာသလို၊ တယောက်မကျန် လွတ်တဲ့အထိ ဆက်လက် လုပ်ဆောင်ရမယ်” ဟု ၎င်းက ဆိုသည်။
ယမန်နေ့က လွတ်မြောက်လာသည့် နိုင်ငံရေးအကျဉ်းသားများတွင် အများစုမှာ လွတ်ရက်စေ့ခါနီးများ ဖြစ်ကြောင်း ၎င်းက ဆက် ပြောသည်။
အကျဉ်းထောင်များတွင် ကျန်ရစ်ခဲ့သည့် နိုင်ငံရေးအကျဉ်းသားများ စာရင်းကိုပြုစုပြီး မကြာမီ ဒေါ်အောင်ဆန်းစုကြည် လက်သို့ ပေးအပ်မည် ဖြစ်ကြောင်း၊ နိုင်ငံရေး အကျဉ်းသားများ ကျန်ရှိနေခြင်းသည် ဒီမိုကရေစီကို အကောင်အထည် ဖော်နေသည့် အစိုးရသစ်အတွက် အမျိုးသားပြန်လည်သင့်မြတ်ရေးတွင် အဖုအထစ်တခု ဖြစ်လာနိုင်ကြောင်း၊ ကျန်ရှိ နိုင်ငံရေး အကျဉ်းသား လွတ်မြောက်ရေးအတွက် ပြည်သူများထံမှ လက်မှတ်များ ကောက်ခံကာ သမ္မတဦးသိန်းစိန်ထံ ပို့ပေးသည့် လှုပ်ရှားမှုတရပ် မကြာမီ  လုပ်ဆောင်မည်ဖြစ်ကြောင်း ကိုတိုးကျော်လှိုင်က ဆိုသည်။
ယမန်နေ့က လွတ်မြောက်လာသူများ စာရင်းတွင် ၈၈ မျိုးဆက် ကျောင်းသားခေါင်းဆောင်များ ပါဝင်ခြင်း မရှိ သကဲ့သို့ ရှမ်းတိုင်းရင်းသား ခေါင်းဆောင် ဗိုလ်ချုပ် ဆေထင် တဦးမှလွဲ၍ ကျန်တိုင်းရင်းသား ခေါင်းဆောင်များလည်း လွတ်မြောက်လာခြင်း မရှိပေ။
၈၈ မျိုးဆက်ကျောင်းသားများ၏ အမှုတွဲများမှ မြတ်မန္တလာ ကိုကိုကြီး (ခ) သိန်းသန်းထွန်း၊ ဇော်ထက်ကိုကို၊ လေးလေးမွန်၊ မြင့်လွင်ဦး (ခ) သားကြီး စသည့် သူများသာ လွတ်မြောက်လာသည်။
ပြည်ပအခြေစိုက် နိုင်ငံရေးအကျဉ်းသားများ ကူညီ စောင့်ရှောက်ရေးအသင်း(AAPP) က ထုတ်ပြန်ထားသည့် စာရင်းများအရလည်း နိုင်ငံရေး အကျဉ်းသား ၂၀၇ ဦးသာ ပါဝင်သည်ဟု သိရသည်။
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က နိုင်ငံရေးအကျဉ်းသားတချို့ လွှတ်ပေးသည်ကို ကျေးဇူးတင် ကြိုဆိုကြောင်း၊ အကျဉ်းထောင် အသီးသီးတွင် ကျန်ရှိနေသည့် နိုင်ငံရေးအကျဉ်းသားများကို ဆက်လက်လွှတ်ပေးရန် တိုက်တွန်း ကြောင်း ယမန်နေ့က ပြောဆိုသည်။
ကုလသမဂ္ဂ လူအခွင့်အရေးကိုယ်စားလှယ် မစ္စတာ သောမတ်စ် အိုဟေး ကင်တာနာကလည်း နိုင်ငံရေး အကျဉ်းသားတချို့ လွတ် မြောက်လာခြင်းကို ကြိုဆိုကြောင်း၊ ကျန်ရှိ အကျဉ်သားများကို ဆက်လက် လွှတ်ပေးရန်လိုကြောင်း ယမန်နေ့က ပြောဆိုသည်ဟု Reuters သတင်းတပုဒ်တွင် ဖော်ပြထားသည်။
Source: ဧရာဝတီ

Read more »

Posted in: ၀၃။ မြန်မာ့ သတင်း

မြန်မာနှင့်​ ထိုင်း​အလုပ်သမား​ရေး​ဝန်ကြီး​ဌာန ​ဆွေး​နွေး​ညှိနှိုင်း​

ထိုင်း​နိုင်ငံ​ရောက် မြန်မာနိုင်ငံသား​ အလုပ်သမား​အား​လုံး​အတွက် ယာယီနိုင်ငံကူး​လက်မှတ် လုပ်​ဆောင်​ပေး​ရေး​ကို ထိုင်း​နဲ့​ မြန်မာ နှစ်ဘက်တာဝန်ရှိသူ​တွေ ​ဆွေး​နွေး​နေတာ ​အောင်မြင်မှုရ​နေပြီလို့​ မြန်မာအလုပ်သမား​ဝန်ကြီး​ဌာန ဒု- ဝန်ကြီး​ ဦး​မြင့်​သိန်း​က ဒီဗွီဘီကို ​ပြောပါတယ်။

အလုပ်သမား​ ဒု- ဝန်ကြီး​ ဦး​ဆောင်တဲ့​အဖွဲ့​ဟာ ထိုင်း​နိုင်ငံ အလုပ်သမား​ရေး​ဝန်ကြီး​ဌာနနဲ့​ ဒီလ ၁၁ ရက်​နေ့​က​နေ ဒီ​နေ့​အထိ ​တွေ့​ဆုံ​ဆွေး​နွေး​အပြီး​မှာ ခုလို​ပြောကြား​တာဖြစ်ပါတယ်။

“ဒီနိုင်ငံထဲမှာ ကျ​နော်တို့​ လာပြီး​တော့​ အလုပ်သမား​ နိုင်ငံသား​ စိစစ်တာတို့​၊​ ယာယီနိုင်ငံကူး​လက်မှတ် ထုတ်​ပေး​တာတို့​ကို ထိုင်း​နိုင်ငံထဲအထိ ဝင်ပြီး​တော့​ လုပ်​ပေး​နိုင်​အောင်လို့​ လာညှိတာပါခင်ဗျာ။ ဗီဇာခတို့​၊​ အလုပ်ရဖို့​ကိစ္စတို့​ ​နောက်ပြီး​တော့​ ​နောက်ဆုံး​အ​ခြေအ​နေအရဆိုရင် အခု ​ရေကြီး​တဲ့​အချိန်မှာ ကျ​နော်တို့​ အလုပ်သမား​တွေ ​ရေ​ဘေး​ဒုက္ခဖြစ်​နေတာ​တွေကိုလည်း​ ထိုင်း​အစိုး​ရ က​နေပြီး​ ကူညီ​ပေး​ဖို့​အထိ သူတို့​ကို ​မေတ္တာရပ်ခံထား​ပါတယ်။ သူတို့​လည်း​ အကူအညီ ​ပေး​မယ်လို့​ ​ပြောပါတယ်။”

ထိုင်း​နိုင်ငံမှာ မြန်မာနိုင်ငံသား​ ၂သန်း​လောက်ရှိပြီး​ အား​လုံး​ကို ယာယီမှတ်ပုံတင်ကတ်ပြား​ ထုတ်​ပေး​နိုင်​အောင် မြန်မာတာဝန်ရှိသူ​တွေက ထိုင်း​နိုင်ငံတွင်း​က မြန်မာလုပ်သား​အများ​စုရှိတဲ့​ ​နေရာ​တွေမှာ ရုံး​ဖွင့်​ပြီး​ ​ဆောင်ရွက်​ပေး​ရေး​အစီအစဉ်ဖြစ်ပါတယ်။

အဲဒီလို ​ဆောင်ရွက်နိုင်​ရေး​အတွက် ရုံး​ခန်း​ဖွင့်​တဲ့​ အ​ခြေအ​နေကိုလည်း​ မြန်မာကိုယ်စား​လှယ်အဖွဲ့​မှာပါတဲ့​ အလုပ်သမား​ရေး​ဌာန ညွန်ကြား​ရေး​မှူး​ချုပ် ဦး​ချစ်ရှိန်က ရှင်း​ပြပါတယ်။

“အခုလက်ရှိအပြင် ၅ ခု ထပ်ခွဲဖို့​ ကျ​နော်တို့​ ဒီမှာ ညှိနှိုင်း​ပါတယ်။ မဟာချိုင်တို့​၊​ စမူစခွန်တို့​ ထား​ဖို့​၊​ ​နောက် ထိုင်း​နိုင်ငံ ဘန်​ကောက်မြို့​တော်နဲ့​ မြို့​တော် ပတ်ဝန်း​ကျင်မှာ ထား​ဖို့​။ ထိုင်း​နိုင်ငံ​မြောက်ပိုင်း​ဘက်နဲ့​ ​တောင်ပိုင်း​မှာ ထား​ဖို့​ ​မျှော်မှန်း​ပါတယ်။”

ထိုင်း​နိုင်ငံမှာ အလုပ်လုပ်​နေကြတဲ့​ မြန်မာအလုပ်သမား​တွေဟာ မြန်မာအစိုး​ရကို ​လော​လောဆယ် အခွန်​ဆောင်ဖို့​ မလို​သေး​ပေမဲ့​ ​နောက်ပိုင်း​မှာ မြန်မာအစိုး​ရက ဘယ်လို စီစဉ်​ဆောင်ရွက်မယ်ဆိုတာကို​တော့​ မသိ​သေး​ဘူး​လို့​လည်း​ ဦး​ချစ်ရှိန်က ​ပြောပါတယ်။

အခု ထိုင်း​ခရီး​စဉ်မှာ ထိုင်း​နိုင်ငံက မြန်မာအလုပ်သမား​တွေ ပိုမို အဆင်​ပြေလာဖို့​အတွက် ထိုင်း​အစိုး​ရနဲ့​ညှိနှိုင်း​ရာမှာ ​အောင်မြင်တယ်လို့​လည်း​ ဆိုပါတယ်။

မြန်မာ အလုပ်သမား​ ဒုဝန်ကြီး​ ဦး​မြင့်​သိန်း​ ဦး​ဆောင်တဲ့​ မြန်မာကိုယ်စား​လှယ် အဖွဲ့​ဟာ ဒီ​နေ့​မှာ မြန်မာအလုပ်သမား​အ​ရေး​ဆောင်ရွက်​နေတဲ့​ ထိုင်း​အ​ခြေစိုက် မြန်မာအလုပ်သမား​ အဖွဲ့​တွေနဲ့​ ဘန်​ကောက်မြို့​အနီး​ စမွတ်စခွန်ခရိုင် မဟာချိုင်​ဒေသက ဝပ်ထစ်ဘုန်း​ကြီး​ကျောင်း​ဆောင်မှာ ​တွေ့​ဆုံပါတယ်။

မြန်မာဒု- ဝန်ကြီး​နဲ့​အဖွဲ့​ကို ​တွေ့​ဆုံခဲ့​တဲ့​ ထိုင်း​နိုင်ငံက မြန်မာအလုပ်သမား​အ​ရေး​ ကူညီ​ဆောင်ရွက်​ရေး​အဖွဲ့​တခုဖြစ်တဲ့​ HRDF လူ့​အခွင့်​အ​ရေး​နှင့်​ဖွံ့​ဖြိုး​ရေး​ ​ဖောင်​ဒေး​ရှင်း​က တာဝန်ခံတဦး​ဖြစ်သူ ဦး​စိန်​ဌေး​က နိုင်ငံသား​စိစစ်​ရေး​ရုံး​တွေကို မြန်မာဘက်က လာဖွင့်​ရင် မြန်မာအလုပ်သမား​တွေအတွက် အကျိုး​ရှိမယ်လို့​ပြောပါတယ်။

“အဆင်​ပြေမှု​တွေက​တော့​ ​တော်​တော်ဖြစ်လာမယ်​လေ။ ဟိုး​နယ်စပ်အထိ သွား​စရာ မလိုဘဲနဲ့​ ကြိုက်ရာမှာ လုပ်နိုင်တဲ့​အတွက် စရိတ်​တွေ​တော့​ သက်သာလာမယ်။”

ထိုင်း​ နိုင်ငံတွင်း​ အလုပ်လုပ်​နေတဲ့​ အိမ်နီး​ချင်း​နိုင်ငံသား​တွေကို ထိုင်း​ပိုင်နက်အတွင်း​ လာ​ရောက်ပြီး​ အလုပ်သမား​စိစစ်​ရေး​လုပ်ဖို့​ သက်ဆိုင်ရာ အိမ်နီး​ချင်း​နိုင်ငံ​တွေကို ထိုင်း​အစိုး​ရက ကမ်း​လှမ်း​ခဲ့​ပြီး​နောက် လာအိုနဲ့​ က​မ္ဘောဒီး​ယား​အစိုး​ရတို့​က လက်ခံ​ဆောင်ရွက်​ပေမယ့်​ မြန်မာက မ​ဆောင်ရွက်ဖြစ်ခဲ့​ပါဘူး​။

အောက်တိုဘာ ၁၁ ရက်က​နေ ၁၃ ရက်အထိ မြန်မာအလုပ်သမား​ဝန်ကြီး​ဌာန ဒု-ဝန်ကြီး​နဲ အဖွဲ့​က ထိုင်း​အစိုး​ရနဲ့​တွေ့​ဆုံ​ဆွေး​နွေး​ရာမှာ​တော့​ ထိုင်း​အစိုး​ရရဲ့​အဆိုတင်တဲ့​အတိုင်း​ မြန်မာအလုပ်သမား​ နိုင်ငံသား​စိစစ်​ရေး​ရုံး​တွေကို ထိုင်း​နိုင်ငံမှာ စတင်ဖွင့်​လှစ်ဖို့​သ​ဘောတူညီမှုရသွား​ကြတာဖြစ်ပါတယ်။ 

Source: DVB

Read more »

Posted in: ၀၄။ ထိုင်းသတင်း

ထိုင်းရောက်မြန်မာအလုပ်သမားနှစ်သန်း မှတ်ပုံတင်ရေး အလုပ်သမား ဒု-၀န်ကြီးနှင့် မေးမြန်းချက်

မြန်မာအလုပ်သမား​ ဒု-ဝန်ကြီး​ ဦး​မြင့်​သိန်း​ ဦး​ဆောင်တဲ့​ မြန်မာကိုယ်စား​လှယ်အဖွဲ့​ဟာ ထိုင်း​နိုင်ငံမှာ​ရောက်ရှိ​နေပြီး​ ထိုင်း​နိုင်ငံ​ရောက် မြန်မာလုပ်သား​အား​လုံး​ ယာယီမှတ်ပုံတင်ကတ် ထုတ်​ပေး​နိုင်​ရေး​ ထိုင်း​အစိုး​ရနဲ့​ ​ဆွေး​နွေး​နေပါတယ်။

ဒီအစီအစဉ်အရ မြန်မာတာဝန်ရှိသူ​တွေက ထိုင်း​နိုင်ငံကို သွား​ရောက် လုပ်ကိုင်​ပေး​မယ့်​ စနစ်ဖြစ်တယ်လို့​ ဆိုပါတယ်။

ဒါ့ ​အပြင် အလုပ်လုပ်ခွင့်​ ကန်ထရိုက် သက်တမ်း​ကုန်တဲ့​အခါ အလုပ်ဆက်လုပ်ခွင့်​ရ​ရေး​၊​ အလုပ်သမား​အခွင့်​အ​ရေး​ စတာ​တွေကို ထိုင်း​တာဝန်ရှိသူ​တွေနဲ့​ ​ဆွေး​နွေး​နေတယ်လို့​ ဒု-ဝန်ကြီး​က ​ပြောပါတယ်။

ပြည်တွင်း ​မှာလည်း​ အလုပ်သမား​အဖွဲ့​အစည်း​ ဥပ​ဒေကို အစိုး​ရက တမြန်​နေ့​က အတည်ပြုလိုက်ပြီဖြစ်လို့​ အလုပ်သမား​တွေ လွတ်လွပ်လပ်လပ် အသင်း​အပင်း​ ဖွဲ့​စည်း​လှုပ်ရှား​ခွင့်​ ရ​နေပြီလို့​ ဝန်ကြီး​ ဦး​မြင့်​သိန်း​က ​ပြောပါတယ်။

အလုပ်သမား​ဝန်ကြီး​ဌာန ဒု-ဝန်ကြီး​ဟာ ဘန်​ကောက်မြို့​ မဟာချိုင်​ဒေသက မြန်မာအလုပ်သမား​အ​ရေး​ ​ဆောင်ရွက်​နေသူ​တွေကိုလည်း​ ​တွေ့​ဆုံသွား​ပါတယ်။

အလုပ်သမား​အ​ရေး​ကိစ္စ​တွေနဲ့​ ပတ်သက်လို့​ အလုပ်သမား​ဒုဝန်ကြီး​ ဦး​မြင့်​သိန်း​ကို ဆက်သွယ်​မေး​မြန်း​ချက်။

ထိ်ုင်း​နိ်ုင်ငံကို ဘာအတွက်လာရလဲဆိုတာ အကျဉ်း​ချုပ် ​ပြောပြ​ပေး​ပါ။

“ပြည်ပ ​ရောက် အလုပ်သမား​အများ​စုဟာ ထိုင်း​နိုင်ငံမှာ အများ​ဆုံး​ရောက်ရှိ​နေတယ်။ သမ္မတကြီး​ မိန့်​ခွန်း​အဖွင့်​မှာလည်း​ ​ပြောခဲ့​တယ်။ ပြည်ပ​ရောက် မြန်မာအလုပ်သမား​တွေကို အတတ်နိုင်ဆုံး​ ကူညီ​စောင့်​ရှောက်​ပေး​ရမယ်။ ဒါ တိုင်း​ပြည်ရဲ့​ ဖွံ့​ဖြိုး​မှု၊​ အင်အား​ပဲလို့​ ​ပြောထား​တာရှိပါတယ်။ အခု ပြည်ပအလုပ်အကိ်ုင်​ကော်မတီဆိုတာကို အလုပ်သမား​ဝန်ကြီး​က ဥက္ကဋ္ဌ၊​ နယ်စပ်​ရေး​ရာဝန်ကြီး​က ဒု- ဥက္ကဋ္ဌ၊​ ​ကော်မတီမှာ ကျ​နော်က အတွင်း​ရေး​မှူး​။ ဖွဲ့​စည်း​ပြီး​ရင်​တော့​ နှစ်နိုင်ငံ ယာယီနိုင်ငံကူး​လက်မှတ်​တွေ အမြန်ဆုံး​ လုပ်​ပေး​နိ်ုင်​အောင်၊​ နိုင်ငံသား​တွေ စိစစ်နိုင်​အောင် ညှိနှိုင်း​တဲ့​ အစည်း​အ​ဝေး​လေး​ စီစဉ်ရင်း​နဲ့​ အလုပ်သမား​တွေ အများ​ဆုံး​ရှိတဲ့​ မဟာချိုင်က အလုပ်သမား​တွေကို လာ​တွေ့​တာပါ။”

အခုခရီး ​စဉ်ဟာ ထိ်ုင်း​နိုင်ငံမှာရှိတဲ့​ မြန်မာအလုပ်သမား​တွေအကြား​ အသစ်အဆန်း​ဖြစ်​နေသလို ထိ်ုင်း​ရောက်​နေတဲ့​ မြန်မာ​တွေအတွက် လုပ်ငန်း​ခွင်နစ်နာမှု​တွေ လခကို သတ်မှတ်ချက်အတိုင်း​ မရတာ​တွေနဲ့​ပတ်သက်ပြီး​ ဝန်ကြီး​တို့​အ​နေနဲ့​ အနိမ့်​ဆုံး​အဆင့်​ ဘယ်​လောက်ထိ ကုစား​ပေး​နိုင်မလဲ။

“ကျ​နော်တို့​ လိုအပ်​နေတဲ့​အဆင့်​တွေက​တော့​ သူ့​အဆင့်​အတိုင်း​ဆို နည်း​နည်း​လေး​ အ​ခြေခံအဆင့်​တွေ ရှိ​သေး​တယ်။ ဘာလို့​လဲဆို​တော့​ အ​ထောက်အထား​ မရှိ​သေး​တဲ့​ သူ​တွေကို အ​ထောက်အထား​ ရဖို့​က အမြန်လုပ်ရမှာက ပထမ အ​ရေး​အကြီး​ဆုံး​ဖြစ်တယ်။ အ​ထောက်အထား​ရပြီး​တဲ့​ ​နောက်ပိုင်း​မှာ အလုပ်ရှင် အလုပ်သမား​ ပြဿနာ​တွေနဲ့​ နစ်နာဆုံး​ရှုံး​မှု​တွေကို နိုင်ငံတကာစံနှုန်း​တွေနဲ့​ ညီ​အောင် လုပ်​ပေး​ရမယ့်​ဥစ္စာက​တော့​ ​နောက်ပိုင်း​ ဆက်တိုက်လုပ်ရမယ့်​ ပြဿနာ​တွေပါပဲ။”

ထိုင်း​မှာ​ရောက် ​နေတဲ့​ အလုပ်သမား​ ၂ သန်း​လောက်က မှတ်ပုံတင်မယ်ဆိုရင် နိုင်ငံအတွက် ဝင်​ငွေဘယ်​လောက်ထိ​အောင် ရနိုင်တယ်လို့​ ဝန်ကြီး​တို့​ ခန့်​မှန်း​ထား​ပါသလဲ။

“အခုလည်း​ပဲ သူတို့​ ထိုင်း​နိုင်ငံ​ရောက်​နေတဲ့​ အလုပ်သမား​တွေက ပြည်တွင်း​ကို သူတို့​နည်း​သူတို့​ဟန်နဲ့​ ​ငွေ​တွေလွှဲ​နေတာပဲ​လေ။ ဒါလည်း​ တိုင်း​ပြည်ကို ​ငွေ​တွေ စီး​ဆင်း​နေတာ။ အဲဒီ​တော့​မှ တကယ့်​ကို တရား​ဥပ​ဒေလမ်း​ကြောင်း​က​နေ စီး​ဆင်း​လာရင်​တော့​ ပို​ကောင်း​တာ​ပေါ့​။ အခုအ​နေအထား​က​တော့​ ကြား​မှာ အလိမ်ခံရတာတို့​၊​ အ​ဖျောက်ခံရတာတို့​၊​ ဒီလိုပြဿနာ​တွေလည်း​ ရှိ​တော့​ အဲဒါ​တွေကို ကျ​နော်တို့​က လုံခြုံ​အောင်လို့​ လုပ်​ပေး​ချင်တဲ့​ အ​နေအထား​ပါပဲ။ ဘယ်လိုပုံစံနဲ့​ပဲ စီး​ဆင်း​နေပါ​စေ တိုင်း​ပြည်အတွက် ​ငွေက​တော့​ စီး​ဝင်​နေတာဖြစ်ပါတယ်။”

ပြည်တွင်း ​မှာလည်း​ အလုပ်သမား​တွေက သမဂ္ဂ​တွေ ထူ​ထောင်ချင်ကြတယ်။ ဒီလိုထူ​ထောင်ဖို့​ အခွင့်​အလမ်း​လည်း​ ဒီမိုက​ရေစီ နိုင်ငံမှာရှိပါတယ်။ မြန်မာနိုင်ငံက ဒီမိုက​ရေစီနိုင်ငံဖြစ်ပြီလို့​ ဝန်ကြီး​တို့​ဘက်က ​ပြော​နေ​တော့​ အလုပ်သမား​သမဂ္ဂ​တွေ ထူ​ထောင်​ရေး​က ခွင့်​ပြုသင့်​ပြီ မဟုတ်လား​။

“ခွင့် ​ပြုထား​ပါပြီ။ ကျ​နော်တို့​ ပြီး​ခဲ့​တဲ့​တ​နေ့​က အလုပ်သမား​အဖွဲ့​အစည်း​ ဥပ​ဒေကို သမ္မတကြီး​ လက်မှတ်ထိုး​လိုက်ပါပြီ။ နှစ်ပတ်အတွင်း​မှာ အဲဒီဥပ​ဒေက အတည်ဖြစ်သွား​ပါပြီ။ အဲဒီကျရင် အလုပ်သမား​အဖွဲ့​အစည်း​တွေ စနစ်တကျ ဖွဲ့​စည်း​လို့​ရသွား​ပါပြီ။”

ဒါဆိုရင် ပြည်ထဲ​ရေး​ဝန်ကြီး​ဌာနမှာ မှတ်ပုံတင်ရမှာ​ပေါ့​။

“ဟုတ်ပါတယ်။ ပြည်ထဲ​ရေး​မှာ မှတ်ပုံတင်တယ်ဆိုတာထက် အ​ယောက် ၃၀ ရှိတယ်ဆိုရင် သူတို့​သ​ဘောနဲ့​သူတို့​ လွတ်လွတ်လပ်လပ် ဖွဲ့​စည်း​ပိုင်ခွင့်​ရှိပါတယ်။”

အလုပ်သမား ​သမဂ္ဂ​တွေ ဖွဲ့​တဲ့​နေရာမှာ အလုပ်ရှင်​တွေ၊​ အလုပ်သမား​တွေနဲ့​ သက်ဆိုင်ရာ တာဝန်ရှိတဲ့​သူ​တွေ စက်ရုံပိုင်ရှင်​တွေ စကား​ပြောတာက​တော့​ တဆင့်​ပေါ့​၊​ ​နောက်တဆင့်​က သူတို့​ရဲ့​လိုလား​ချက်​တွေကို ထုတ်​ဖော်ပြီး​တော့​ ပွင့်​ပွင့်​လင်း​လင်း​ ​ဝေဖန်​ပြောဆိုတာ​တွေကို ဝန်ကြီး​တို့​ဌာန​တွေက ခွင့်​ပြုပါသလား​။

“လုပ်ခွင့်​ရှိပါတယ်။ အဲဒီဟာကို ရည်ရွယ်ပြီး​တော့​ ကျ​နော်တို့​က အလုပ်သမား​တွေကို လွတ်လွတ်လပ်လပ် ဖွဲ့​စည်း​ခွင့်​ပေး​တယ်ဆိုတာ သူတို့​ရဲ့​ ရပိုင်ခွင့်​တွေ၊​ သူတို့​ရဲ့​ ​တောင်း​ဆိုပိုင်ခွင့်​တွေကို လွတ်လွတ်လပ်လပ် ​တောင်း​ဆိုနိုင်​အောင်လို့​ ပိုပြီး​ရည်ရွယ်တာပါ။ အရင်ကလည်း​ ​တောင်း​ဆိုပိုင်ခွင့်​တွေ ရှိပါတယ်။ အခုက​တော့​ နိုင်ငံတကာစံနှုန်း​နဲ့​ညီပြီး​တော့​ ပိုပြီး​တော့​ ညီ​အောင် လုပ်​ပေး​လိုက်တဲ့​သ​ဘောပါ။ ပြည့်​စုံချင်တဲ့​သ​ဘောပါပဲ။”

သမ္မတဦး​သိန်း​စိန် အစိုး​ရလက်ထက်မှာ တပ်မ​တော်အစိုး​ရလက်ထက်နဲ့​ ကွဲပြီး​ထွက်လာတဲ့​ မူအကျင့်​တွေလို့​ ​ပြောလို့​ရတာ​ပေါ့​။

“ဒီဟာက ​တော့​ ကျ​နော်တို့​ ဒီမိုက​ရေစီအစိုး​ရလက်ထက်မှာ​တော့​ သမ္မတကြီး​တို့​က တကယ့်​ကို ပီပီပြင်ပြင် လုပ်​နေတယ်ဆိုတာ ခင်ဗျား​တို့​ သိ​နေတာပဲ။ အခုက နိုင်ငံတကာစံနှုန်း​တွေနဲ့​မီ​အောင် အမြန်ဆုံး​အ​ကောင်အထည် ​ဖော်သွား​မယ်ဆိုတာ​တော့​ ဒါက​တော့​ ဘာမှလွဲမှား​စရာအ​ကြောင်း​ မရှိပါဘူး​။”

ဝန်ကြီး​ရဲ့​ ထိုင်း​နိုင်ငံခရီး​စဉ်အတွင်း​မှာ ​ဆွေး​နွေး​ပွဲ​တွေက​နေ အချုပ်အား​ဖြင့်​ ရည်မှန်း​ထား​တဲ့​ရလဒ် ဘယ်​လောက်ထိ​အောင် ​ပေါက်​မြောက်မလဲ။ အဲဒါ​လေး​ နည်း​နည်း​ရှင်း​ပြ​ပေး​ပါ။

“အခု ထိုင်း​အစိုး​ရအသစ်ကလည်း​ ​တော်​တော်​လေး​ကို စိတ်​စေတနာ ​ကောင်း​ပါတယ်။ အဲဒီအတွက် ကျ​နော်တို့​ အလုပ်သမား​တွေရဲ့​ နိုင်ငံသား​စိစစ်တာတို့​၊​ ယာယီနိုင်ငံကူး​လက်မှတ် ထုတ်​ပေး​တာတို့​ကို ဒီနိုင်ငံထဲထိ ဝင်ပြီး​တော့​ လုပ်​ပေး​နိုင်​အောင်လို့​ လာညှိတာပါ။ ​အောင်မြင်ဖို့​များ​ပါတယ်။ ​နောက်တချက်က ကျ​နော်တို့​ ခုန​ပြောတဲ့​ ဗီဇာခ ​လျှော့​ချဖို့​ကိစ္စတို့​၊​ ​နောက်ဆုံး​အ​ခြေအ​နေအရဆိုရင် အခု​ရေကြီး​တဲ့​အချိန်မှာ ကျ​နော်တို့​ အလုပ်သမား​တွေ ​ရေ​ဘေး​ဒုက္ခ ဖြစ်​နေတာကို လည်း​ ထိုင်း​အစိုး​ရက​နေ အကူအညီ​ပေး​ဖို့​၊​ သူတို့​ကို ​မေတ္တာရပ်ခံထား​ပါတယ်။ သူတို့​လည်း​ ကူညီ​ပေး​မယ်လို့​ ​ပြောပါတယ်။”

အခု ထိုင်း​နိုင်ငံမှာ ဝန်ကြီး​ချုပ်ယင်လတ်အစိုး​ရက အနိမ့်​ဆုံး​လုပ်အား​ခ ဘတ် ၃၀၀ ဆိုပြီး​ သတ်မှတ်တယ်။ ထိုင်း​ဥပ​ဒေအရဆိုရင် ထိုင်း​အလုပ်သမား​နဲ့​ မြန်မာအလုပ်သမား​က လစာအား​ဖြင့်​ ညီတူညီမျှ ခံစား​ရမယ်လို့​ပြောတယ်။ အဲဒီ​တော့​ အခု​လော​လောဆယ်မှာ ဘတ် ၃၀၀ လို့​ မသတ်မှတ်​သေး​ပေမယ့်​ မဲ​ဆောက်လို​နေရာမျိုး​မှာ အနိမ့်​ဆုံး​လုပ်အား​ခ တရက် ၁၆၅ ဘတ်လို့​ သတ်မှတ်​ပေမယ့်​လည်း​ မြန်မာလုပ်သား​တွေက ၆၅ ဘတ်​လောက်ပဲရတာ ​တွေ့​ရတယ်။ ဒီကိစ္စ​တွေကို ဝန်ကြီး​တို့​ အနီး​ကပ်​ပြောဆိုတာ ရှိလား​ခင်ဗျာ။

“လစာ ​တွေနဲ့​ပတ်သက်လို့​ လက်ရှိကိုပဲ ကျ​နော်တို့​ဆီက အလုပ်သမား​သစ်​တွေ သူတို့​နဲ့​ ညှိပြီး​လွှတ်​နေတဲ့​ ကိစ္စမှာ အနည်း​ဆုံး​ ဘတ် ၂၀၀ စပြီး​ရ​နေပါပြီ။ အဲဒါ​တွေက အလုပ်ရှင်-အလုပ်သမား​ ကန်ထရိုက် လက်မှတ်ထိုး​ပြီး​မှ လွှတ်တာဖြစ်တဲ့​အတွက် ရတယ်ဆိုတာ ​သေချာပါတယ်။ ​နောက်ပိုင်း​ကျရင်လည်း​ သူတို့​ ဘတ် ၃၀၀ သတ်မှတ်တဲ့​အတိုင်း​ တိတိကျကျ မရ​သေး​တောင် တဖြည်း​ဖြည်း​နဲ့​ မြင့်​ပြီး​ရလာဖို့​ အလား​အလာ​ကောင်း​ပါတယ်။ ကျ​နော်တို့​ အချင်း​ချင်း​လည်း​ ဒါ​တွေလည်း​ ​ပြောပါတယ်။ ကန်ထရိုက်စာချုပ်ပြီး​ရင်လည်း​ တနှစ်ချုပ်လား​၊​ တနှစ်ခွဲချုပ်လား​၊​ အဲဒီကန်ထရိုက်စာချုပ် ပြီး​ရင်လည်း​ အလုပ်​တွေ ​ရွှေ့​ပြောင်း​ပြီး​တော့​ လုပ်နိုင်ဖို့​လည်း​ ညှိခဲ့​ပါတယ်။”

ထိုင်း ​မှာ​ရောက်တဲ့​ မြန်မာအလုပ်သမား​ ၂ သန်း​ထက်​တောင် ပိုနိုင်တယ်လို့​ သိရပါတယ်။ ထိုင်း​ရောက်​နေတဲ့​ မြန်မာအလုပ်သမား​ ၂ သန်း​ကို ဝန်ကြီး​အ​နေနဲ့​ အသံလွှင့်​ဌာနကတဆင့်​ သူတို့​အတွက် အား​ရ​ကျေနပ်စရာ တခုခု ​ပြောပြ​ပေး​ပါလား​။

“အဲဒီဟာက​တော့​ တခြား​မဟုတ်ပါဘူး​။ ကျ​နော်တို့​ လာညှိတဲ့​ကိစ္စ​တွေက ထိုင်း​နိုင်ငံမှာ အများ​ဆုံး​ရောက်​နေပြီး​တော့​ ကျ​နော်တို့​တိုင်း​ပြည်အတွက် တနည်း​တလမ်း​အား​ဖြင့်​ သူတို့​က အ​ထောက်အကူ အကျိုး​ပြု​နေတာပဲ။ ​ဘေး​အန္တရာယ် ကင်း​ကင်း​ရှင်း​ရှင်း​နဲ့​ လုပ်နိုင်ဖို့​အတွက် နိုင်ငံတကာစံနှုန်း​တွေနဲ့​ ​လျော်ညီ​အောင် လုပ်နိုင်ဖို့​အတွက် ရည်ရွယ်ပြီး​တော့​ လာညှိနှိုင်း​ပါတယ်။ ဒါ​တွေက​တော့​ ​အောင်မြင်ဖို့​က ရာနှုန်း​ပြည့်​နီး​ပါး​ ဖြစ်ပါတယ်။ အဲဒီအတွက် မကြာခင်မှာ ထိုင်း​နိုင်ငံထဲထိ ကျ​နော်တို့​ နိုင်ငံကူး​လက်မှတ်နဲ့​ နိုင်ငံသား​စိစစ်​ရေး​ ကိစ္စ​တွေကို လာ​ရောက်​ဆောင်ရွက်ပြီး​တော့​ အကာအကွယ်​ပေး​သွား​မယ်ဆိုတဲ့​ အ​ကြောင်း​ကို ​ပြော​ပေး​ပါ။”

ဝန်ကြီး​အ​နေနဲ့​ ဘာများ​ပြောချင်ပါ​သေး​လဲ။

“​ကျေး​ဇူး​တင်ပါတယ်။ မြန်မာအလုပ်သမား​တွေနဲ့​ ​တွေ့​ရတာ ဝမ်း​လည်း​သာပါတယ်။”

Source: DVB

Read more »

Posted in: ၀၄။ ထိုင်းသတင်း

ထိုင်းနိုင်ငံရေကြီးမှု မြန်မာရွှေ့ပြောင်း အလုပ်သမားများ အခက်ကြုံ

ထိုင်းနိုင်ငံ မြို့တော် ဘန်ကောက် နှင့် အနီးတဝှိုက် ဒေသများတွင် ရေကြီးရေလျှံမှုများ ဖြစ်ပွား နေပြီး မြန်မာနိုင်ငံသား ရွှေ့ပြောင်း အလုပ်သမားများ အခက်ကြုံလျက်ရှိသည်။

ထိုင်းနိုင်ငံရှိ ရှေးဟောင်း စေတီပုထိုးများနှင့် စက်မှုဇုံတည်ရှိရာ အယုဒ္ဒယမြို့ တွင်လည်းရေများလွှမ်း နေပြီး မြန်မာရွှေ့ပြောင်း အလုပ်သမားများ အစားအစာနှင့် နေထိုင်ရေး အခက်အခဲဖြစ် နေသည်ဟု အယုဒ္ဒယမြို့ ဘန့်ပန်အင် ကျေးရွာအုပ်စုရှိ မြန်မာခရစ်ယာန် ဘုရားကျောင်းမှ သင်းအုပ်ဆရာ တဦးက ပြောသည်။

“အခန်းမှာက နေလို့မရတော့ဘူးလေ။ အလုပ်လုပ်တဲ့ စားသောက်ဆိုင်တို့၊ စက်ရုံတို့ကလည်း ပိတ်ထားတာ ၃ ပတ်လောက်ရှိပြီ၊ တချို့က လစာလည်းမရသေးဘူး။ ဘုရားကျောင်းကပဲ ကျွေးထားတယ်။ ထိုင်းတွေလာပေးတာကျတော့ ကျနော်တို့ကိုမပေးဘူး။ မြန်မာပြည်သားမို့လို့တဲ့။”

ဘန့်ပန်အင် ကျေးရွာ အုပ်စုတွင် မြန်မာရွှေ့ပြောင်းအလုပ်သမား ၁၀၀၀ ကျော်ရှိပြီး၊ ထိုင်းအစိုးရထံမှ တစုံတရာ ကူညီမှု မရရှိကြောင်း သင်းအုပ်ဆရာက ဆက်ပြောသည်။

“ထိုင်းအစိုးရက ကူညီတာရှိတယ် ဆိုပေမယ့် ပစ္စည်းတို့၊ စားစရာတို့ သွားထုတ်ရင် အိမ်နံပါတ်ရယ်၊ အိမ်ထောင်စု စာရင်းရယ် ပြရတယ်လေ။ ကျနော်တို့က ထိုင်းမှ မဟုတ်တာ အဲ့ဒါတွေမရှိဘူး။ မြန်မာတွေ ဆိုတာက နိုင်ငံခြားသားဆိုတော့ ဘာအကူအညီမှမရဘူး။”

ယခုအခါ ယင်းခရစ်ယာန် ဘုရားကျောင်းတွင် ရေဘေးဒုက္ခသည် ၆၀ ကျော် ခိုလှုံနေပြီး ဒုက္ခသည်များ ရောက်ရှိနေသည်မှာ ၁၀ ရက်ကျော်ပြီဖြစ်ကြောင်း သိရသည်။

ရှေးဟောင်းမြို့တော်ဖြစ်သည့် အယုဒ္ဒယမြို့တွင် စက်ရုံပေါင်း (၂၀၀) ကျော်ပိတ်ထားရပြီး၊ ဆုံးရှုံးမှုတန်ဖိုးမှာ အမေရိကန်ဒေါ်လာ သန်း ၆၀၀ ကျော်ဖိုးပျက်စီးနိုင်သည်ဟု ထိုင်းရုပ်မြင်သံကြား Channal 3 က ခန့်မှန်းပြောဆိုသည်။

အယုဒ္ဒယမြို့တွင် မြန်မာအပါအဝင် ကမ္ဘာဒီးယားနှင့် လာအို နိုင်ငံတို့မှ ရွှေ့ပြောင်းအလုပ်သမားနှစ်သောင်း ကျော် အလုပ်လုပ်ကိုင်လျက်ရှိသည်ဟု သိရသည်။

ဘန်ကောက်မြို့တော်အနီးရှိ နပ်ခေါန်စဝမ်မြို့ (Nakhon Sawan) တွင်လည်း ယမန်နေ့က စတင်ပြီး ရေလျှံမှုများ ဖြစ်ခဲ့သည်ဟု နပ်ခေါန်စဝမ်မြို့၊ ဖတ်ရွတ်ဟ ကျေးရွာအုပ်စုမှ မြန်မာနိုင်ငံသား တစ်ဦး ကပြောသည်။

“မနေ့နေ့လည်လောက်က ကျောက်ဖရားမြစ်ကိုကာထားတဲ့ သဲအိတ်တွေ၊ အကာတွေ အားလုံးပျက်ပြီး မြို့ထဲကို ရေတွေ တောက်လျောက်ဝင်လာတာ၊ အခုဆို လည်ပင်းလောက်ထိ ရှိတယ်၊ အိမ်နားက ကျနော်တို့ ဆီက အလုပ်သမားတွေ အလုပ်လုပ်တဲ့ ဘွန်ကိုင်ဈေးလည်း ပိတ်လိုက်ရတယ်။”

ယမန်နေ့ကတည်းက ဘန်ကောက်မြို့တွင် ထိုင်းအစိုးရမှ သဲအိတ် ၇ သိန်းစုဆောင်းနေပြီး၊ ဘန်ကောက်မြို့ ထဲရှိ နေရာ(၁၃)   နေရာတွင် ရေလျှံမှုများထပ်မံ ဖြစ်ပွားလာနိုင်သည်ဟု ထိုင်းရုပ်မြင်သံကြား Channal များက ထုတ်ပြန်ခဲ့သည်။

ထို့အပြင် ရေကြီးရေလျှံမှုကြောင့် လူနေအိမ်ပေါင်း ခုနှစ်သိန်းကျော်ပျက်စီးဆုံးရှုံးခဲ့ပြီး အဝေးပြေး လမ်းမပေါင်း ၆၀ ကျော်နှင့် လယ်မြေဧကပေါင်း သုံးသောင်းကျော် ရေနစ်မြုပ်ခဲ့ရာ ဆုံးရှုံးမှုတန်ဖိုး ထိုင်းဘတ်ငွေ ဘီလျံ ၁၀ ကျော်ရှိသည်ဟု လည်းဖော်ပြကြသည်။

ထိုင်းနိုင်ငံအတွင်း အချိန် ၂ လကျော်ဖြစ်ပွားခဲ့သည့် ရေကြီးမှုသည် နှစ်(၅၀)အတွင်း အဆိုးရွားဆုံး ဖြစ်သည်။ ထို့အပြင် လူဦးရေ ၂.၃၄ သန်းကျော် ရေဘေးဒုက္ခနှင့် ရင်ဆိုင်နေရပြီး သေဆုံးသူ (၂၇၀) ကျော်ရှိပြီဟု ထိုင်းနိုင်ငံ ရုပ်သံလွှင့်ဌာနများက ပြောဆိုကြသည်။
Source: BNI

Read more »

Posted in: ၀၁။ အလုပ်သမားများ သတင်း

ဦးဇာဂနာနှင့် လျှပ်တပျက်အင်တာဗျူး



အောက်တိုဘာ ၁၂ ရက်နေ့က ပြန်လည် လွတ်မြောက်လာတဲ့ လူရွှင်တော် ကိုဇာဂနာ။ (ဓါတ်ပုံ အေပီ)

YPI၊ ဦးဇာဂနာကို ဘာလို့လွှတ်ပေးတာလဲ။

ဖြေ၊ အဲဒါတော့ ဦးသိန်းစိန် သွားမေးမှ သိမယ်။ ကျွန်တော်လည်း ဘယ်လိုလုပ် သိမလဲ။ မထူးဆန်းလှပါဘူး၊ ကျွန်တော့်ကို ထောင်ချကတည်းက ချမှတ်တဲ့ ပုဒ်မတွေကို ပြောရင်ရယ်စရာကြီး၊ ဟာသအနေနဲ့ ပြောရရင် ဥပမာ ကျွန်တော့်ကိုချတော့ ဗီဒီယို အက် ဆိုတာပါတယ်။

အဲဒီဗီဒီယိုအက်က ဘာလို့ ၃ နှစ်ချလဲလို့ ကျွန်တော်မေးတော့ နာဂစ်မုန်တိုင်း ဓါတ်ပုံပါလို့တဲ့၊ မုန်တိုင်းတိုက်တာနေတာ ဘာလို့လဲ ၊ ဆင်ဆာမတင်လို့တဲ့၊ မုန်တိုင်း တိုက်တာကို ဆင်ဆာတင်ရဦးမှာလား၊ ကျွန်တော်ပြောတာ မုန်တိုင်းတိုက်တဲ့ အလုပ်ကို ခဏရပ်ထားဦး ရိုက်ကူးရေး သွားတင်ပါရစေဦးလို့ ပြောလို့မရဘူးလေ။
နောက်တမှု ၅၀၅ (ခ) က ဘုန်းကြီးဆွမ်းကပ်လို့တဲ့ ၊ ဘုန်းကြီးဆွမ်းကပ်တာ ဘာအပြစ်လဲ အဲဘုန်းကြီးတွေက လမ်းပေါ်လမ်းလျှောက်တယ်တဲ့၊ လမ်းလျှောက်တာတွေ ကျွန်တော်မသိဘူး၊
ဘုန်းကြီးဆွမ်းကပ်တာ ကျွန်တော့်အမြင်ဆို ကျွန်တော်ဒီနေ့ ဗုဒ္ဓဘာသာကနေ ထွက်မယ်၊ မွတ်ဆလင်လုပ်မယ်၊ ဒီတော့ ဒီအမှုက သဘာဝမကျတော့ဘူး၊
နောက်အင်တာနက်ပုဒ်မ အားလုံး အင်တာနက် သုံးတဲ့သူတွေပါ၊ ဒီအင်တာနက် ပုဒ်မမှာ ကျွန်တော့်ကို အမိန့်ချတဲ့ တရားသူကြီးက အင်တာနက်ဆိုတာ မသိဘူး။
ရယ်စရာဘယ်လောက်ကောင်းလဲ ဆို၊ ခင်ဗျား မိုးသီးဇွန်တို့ အောင်ဒင်တို့နဲ့ ဘယ်မှာချက်လဲဆိုတော့ မီးဘိုမှာချက်တယ်လို့ ပြောတယ်။ စိတ်ဆိုးတယ်။ meebo ဆိုတဲ့ ၀က်ဆိုက်က နာမည်လို့ ပြောတာ၊ ညနေမှ ကျွန်တော် မသိလို့ပြောမိတာတဲ့၊ ကွန်ပျူတာတောင် မကိုင်ဘူးတဲ့ အဲလိုလူက အမိန့်ချတာ၊ ကျွန်တော်ဘယ်လို နားလည်ရမလဲ။
အစိုးရရှေ့နေက တရားရုံးမှာ ကိုဇာဂနာ ရှင့်အီးမေးလ် ပြောတဲ့၊ thura61@gmail.com ပေးတော့ ကျွန်မ ပြောနေတာ အီးမေးလ် နော်၊ ဂျီမေးလ် မဟုတ်ဘူးတဲ့၊ အဲလို ဘာမဟုတ်တဲ့ အမှုတွေအတွက် ကျွန်တော် သုံးနှစ်ကျော် နေရတာ များတောင် များသေးတယ်။
ဒီပုဒ်မတွေနဲ့ အီးမေးလ် စာတစောင်ကို ၁၅ နှစ်နဲ့ချလိုက်တာ၊ ကြားမကြားဖူးဘူး၊ ကျွန်တော့်ဆီ ရောက်လာရင် ကြည့်ရမှာပေါ့၊ ဘာကြောင့်လွှတ်လဲဆိုရင် ဒီလိုနေရတာတောင် ပိုများသေး။

Source: Facebook

ဇာဂနာပြောသော လွှတ်တော်အမတ်ရဲ အိုင်ကျူ

ထိန်းသိမ်းခံထားရာကနေ ပြန်လွတ်လာပြီး မကြာခင်မှာဘဲ ဗီအိုအေကို ဇာဂနာပြောတဲ့ နောက်ဆုံးဟာသ။


"အိုင်စတိုင်းနဲ့ လူလေးယောက်နဲ့ တွေ့တယ်။ အိုင်စတိုင်းနဲ့ လူလေးယောက်နဲ့ တွေ့တဲ့အခါကျတော့ တယောက်က စပြောတယ်။ ဟာ အိုင်စတိုင်းရေ၊ ကျနော်ကတော့၊ ကျနော့်ရဲ့အိုင်ကျူက ၁၈၀ ရှိတယ်ဗျတဲ့။ အဲဒီတော့ အိုင်စတိုင်းက လက်ဆွဲ နှုတ်ဆက်ပြီး ကောင်းပါပြီ မိတ်ဆွေ၊ ခင်ဗျားနဲ့ ကျနော်နဲ့တော့ ကွမ်တန် ဖိဆစ် (Quantum Physics) အကြောင်း ကျနော်တို့ ဆွေးနွေးကြတာပေါ့။
ကျနော်ကတော့ အိုင်ကျူ ၁၅၀ ဘဲရှိတယ် အိုင်စတိုင်း ဆိုပြီးတော့။ ဟာ ကောင်းပြီဗျာတဲ့၊ ခင်ဗျားနဲ့ကျနော်တို့ နောက်ဆုံးပေါ် သင်္ချာသီအိုရီတွေ ဆွေးနွေးကြတာပေါ့တဲ့။
နောက်တယောက် ထပ်ပြောတယ်၊ ကျနော်ကတော့ ၁၂၀ ဘဲ ရှိတယ်ဗျတဲ့။ ဟာ ခင်ဗျားနဲ့ ကျနော်နဲ့ ရုပ်ရှင်အကြောင်း ဆွေးနွေးမယ်တဲ့။
နောက်ဆုံးလူကကျတော့ ထပြောတယ်၊ မျက်နှာလေးက ပျက်လို့။ အိုင်စတိုင်းရေတဲ့၊ ကျနော်ကတော့ အိုင်ကျူ ၅၀ ဘဲ ရှိပါတယ်ဗျား။ ဟား..... ၀မ်းသာသွားတယ် အိုင်စတိုင်းက။ အဆင်ပြေလိုက်တာဗျာ၊ ခင်ဗျား လွှတ်တော်ထဲမှာ ဘာတွေ တင်ပြခဲ့သလဲတဲ့။"


ဒါကတော့ အောက်တိုဘာ ၁၂ ရက်၊ ဗုဒ္ဓဟူးနေ့က မြစ်ကြီးနားထောင်က ပြန်လည် လွတ်မြောက်လာတဲ့ နိုင်ငံကျော် လူရွှင်တော် ကိုဇာဂနာက ရန်ကုန်မှာရှိတဲ့ သူ့နေအိမ်ကို ပြန်ရောက်ပြီး မကြာခင်မှာဘဲ ဗီအိုအေ မြန်မာပိုင်းကို ပြောပြခဲ့တဲ့ နောက်ဆုံး ဟာသ တခုဖြစ်ပါတယ်။
Source: VOA

Read more »

Posted in: ၁၆။ အင်တာဗျူး

မလွတ်မြောက်သေးတဲ့ ညီတယောက်အတွက် ဇာဂနာရဲ့ကဗျာတပုဒ်

ညီလေးတစ်ယောက်ပါ
တစ်ခါမှ မငြင်းဆန်ဖူးခဲ့
သူများအတွက်လုပ်ရမယ်ဆို
ဘယ်လိုကူရကူရ
ဘယ်လောက်ကူရကူရ
ညီလေးတစ်ယောက်ပါ
ညာဖက်လက်မောင်းဖျောင်းကနဲကျိုးသလို
ဆစ်ကနဲနာကျင်ခဲ့ရ
မျက်မှန်ထူအောက်က သူ့မျက်ဝန်းတွေ
ငေးမောနေတာမဟုတ်
လွင့်မျောနေတာမဟုတ်
ခု သူဘယ်မှာလဲ
ပါဝင်ခွင့်မရတဲ့လောက ကို
သူငေးမောနေလေမလား။
ညီလေးတစ်ယောက်ပါ။
(နေဘုန်းလတ်သို့) ဇာဂနာ

Source: Facebook

Read more »

Posted in: ၀၇။ ကဗျာ

အကျဉ်းစံ ခေါင်းဆောင်အများစု မလွတ်မြောက်သေး

နိုင်ငံရေး အကျဉ်းသား ၁၀၀ ကျော် ယနေ့ လွတ်မြောက် လာရာတွင် အဓိက အရေးပါသည့် ၈၈ မျိုးဆက် ကျောင်းသား ခေါင်းဆောင်များ ပါဝင်ခြင်းမရှိသေးကြောင်း တွေ့ရသည်။
 

ရန်ကုန် အင်းစိန်ထောင်ရှေ့တွင် ယနေ့ လွတ်မြောက်လာမည့် သူများကို စောင့်ဆိုင်းနေသူများ (ဓာတ်ပုံ - ဧရာဝတီ)

 ယနေ့လွတ်မြောက်လာသည့် နိုင်ငံရေးအကျဉ်းသားများထဲတွင် မြစ်ကြီးနားထောင်၌ ထောင်ဒဏ် ၃၅ နှစ် ကျခံနေရသည့် လူရွှင်တော် ဇာဂနာ၊ စစ်တွေထောင်၌ ထောင်ဒဏ် ၁၀၅ နှစ် ကျခံနေရသည့် ရှမ်းပြည်တပ်မတော် (SSA- N) မှ ဗိုလ်ချုပ် ဆေထင်တို့ ပါဝင်သော်လည်း ထင်ရှားသော နိုင်ငံရေး ခေါင်းဆောင်များဖြစ်သည့် ကိုမင်းကိုနိုင်၊ ကိုကိုကြီး၊ ကိုဌေးကြွယ်အပါအ၀င်  ၈၈ မျိုးဆက်ကျောင်းသားများ၊ ဦးခွန်ထွန်းဦး၊ စိုင်းညွန့်လွင်ကဲ့သို့သော တိုင်းရင်းသား ခေါင်းဆောင်များ၊ ဦးဂမ္ဘီရကဲ့သို့ ၂၀၀၇ ရွှေဝါရောင်တော်လှန်ရေးတွင် အဓိကကျသော သံဃာ့ခေါင်းဆောင်များ ပါဝင်ခြင်းမရှိပေ။ ပြည်ပအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း – မြန်မာနိုင်ငံ (AAPP) ၏ စာရင်းအရ ယနေ့ လွတ်မြောက်သူ ၁၁၈ ဦးရှိကြောင်းသိရသည်။ ယနေ့ လွတ်မြောက်သူများ ထဲတွင် အဖမ်းဆီးခံထားရသော သတင်း ထောက်များနှင့် ဘလော့ဂါများလည်း တဦးမှ မပါဝင်ပေ။
AAPP ၏ တွဲဘက်အထွေထွေ အတွင်းရေးမှူး ကိုဘိုကြည်က “နိုင်ငံရေးအကျဉ်းသား တွေကို ရာဇဝတ်သားတွေနဲ့ ရောချလိုက်တာပဲ။ ဒါ နိုင်ငံရေးအကျဉ်းသားတွေရဲ့ ဂုဏ်သိက္ခာကို စော်ကားလိုက်တာပါ” ဟု ပြောသည်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကလည်း နိုင်ငံရေးအကျဉ်းသားတချို့ လွှတ်ပေးသည်ကို ကျေးဇူးတင် ကြို ဆိုကြောင်း၊ အကျဉ်းထောင် အသီးသီးတွင် ကျန်ရှိနေသည့် နိုင်ငံရေးအကျဉ်းသားများကို ဆက်လက်လွှတ်ပေးရန် တိုက်တွန်း ကြောင်း ယနေ့ ဗဟန်းမြို့နယ် ရွှေဂုံတိုင်ရှိ တော်ဝင်နှင်းဆီ စားသောက်ဆိုင်တွင် ပြုလုပ်သည့် နိုင်ငံရေးအကျဉ်းသားဟောင်းများ ၏ ကန်တော့ပွဲတွင် ပြောကြားလိုက်သည်။
ယနေ့တွင် ရန်ကုန်တိုင်းရှိ အကျဉ်းထောင်နှင့် ရဲဘက်စခန်းများမှ နိုင်ငံရေးအကျဉ်းသား ၇ ယောက်သာ လွတ်မြောက်ခဲ့ပြီး မန္တလေး ထောင်မှ နိုင်ငံရေးအကျဉ်းသား ၄၆ ဦး၊ သာယာဝတီထောင်မှ ၂၉ ဦး၊ တောင်ငူထောင်မှ ၃၇ ဦးနှင့် ထောက်လှမ်းရေးဟောင်း ၁၃ ဦး၊  မိထ္ထီလာထောင်မှ ၂ ဦး၊ ဘူးသီးတောင် ထောင်မှ ၃ ဦး၊ တောင်ကြီးထောင်မှ ၁ ဦးသာ လွတ်မြောက်သည်ဟု စုံစမ်း သိရှိရသည်။
မကြာသေးမီက မြစ်ကြီးနားထောင်မှ လွတ်မြောက်လာသည့် လူရွှင်တော် ကိုဇာဂနာက ၈၈ မျိုးဆက် ကျောင်းသား ခေါင်းဆောင်များ အပါအ၀င် နိုင်ငံရေးအကျဉ်းသားများ အားလုံး လွတ်မြောက်စေချင်ကြောင်း၊ ဆက်လက် လွှတ်ပေးရန်လည်း တိုက်တွန်းလိုကြောင်း ဧရာဝတီကိုပြောသည်။
“အစိုးရက တွန့်တွန့်တိုတိုနဲ့ လွှတ်ပေးနေသလို ခံစားရတယ်။ အကုန်လုံး၊ အကုန်လုံး လွတ်စေချင်တယ်။ ကုန်ကုန် ပြောရရင် တထောင်တည်း နေခဲ့ရတဲ့ ဘုန်ကြီး ၄ ပါးရော၊ တောင်သာက ကြည်စိုး၊ ပုဂံကမျိုးမင်းသန်း၊ ဘိုကလေးက သီဟသက်ဇင်တို့ အကုန် အကုန်လွတ်စေချင်တာပဲ” ဟု ၎င်းကဆိုသည်။
ကိုဇာဂနာလွတ်မည်ဟူသော သတင်းများ ထောင်ပြင်ပတွင် ထွက်ပေါ်နေသော်လည်း ထောင်တွင်း၌ မကြားရကြောင်း၊ လွတ်မည်ဟုလည်း မထင်ကြောင်း၊ ယနေ့နံနက် ၅ နာရီခွဲတွင် ထောင်အာဏာပိုင်များ လာရောက် ခေါ်ယူချိန်မှ သိရကြောင်း ကိုဇာဂနာက ဆက်လက်ပြောဆိုသည်။
၁၉၈၉ ခုနှစ်က သန်လျင် ရေနံချက်စက်ရုံ ဖောက်ခွဲမှုဖြင့် စွပ်စွဲဖမ်းဆီးကာ ထောင်ဒဏ် နှစ် ၃၀ ချမှတ် ခံခဲ့ရသည့်  အမျိုးသား ဒီမိုကရေစီ အဖွဲ့ချုပ် (NLD) လူငယ်အဖွဲ့ဝင် ကိုညီညီဦး ကလည်း မိမိကဲ့သို့ မတရားဖမ်းဆီးခံရသည့် နိုင်ငံရေးအကျဉ်းသားများ အားလုံး ဆက်လက် လွတ်မြောက်စေလိုကြောင်း၊ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့်အတူ ဆက်လက် လုပ်ကိုင်သွားမည်ဖြစ်ကြောင်း ပြောသည်။
၎င်းနှင့်အတူတောင်ငူထောင်မှ လွတ်မြောက်လာသည့် မျိုးဆက်သစ်လူငယ်များ အစည်းအရုံး (GW) မှ ကိုအောင်ဇေဖြိုး၊ ဗမာနိုင်ငံ လုံးဆိုင်ရာ ကျောင်းသားသမဂ္ဂ (ဗကသ) မှ အောင်အောင် (ခ) ဂျိန်း (ခ) ကိုလင်းထက်နိုင် တို့ကလည်း နိုင်ငံရေး ဆက်လက် လုပ်ဆောင်သွားမည်ဟု ဧရာဝတီကိုပြောသည်။
မိထ္ထီလာထောင်မှ လွတ်မြောက်လာသည့် အသက် ၆၃ နှစ်အရွယ်ရှိ ဒေါ်စန်းစန်းတင် ကလည်း ယခုလွတ်မြောက် လာသည့် နိုင်ငံရေး အကျဉ်းသားအများစုတွင် လွတ်ခါနီးဆဲဆဲ အကျဉ်းသားများက များပြားနေပြီး အဓိကကျသည့် နှစ်ရှည် ထောင်ဒဏ် ကျခံနေရသော နိုင်ငံရေးအကျဉ်းသားများပါ လွတ်မြောက် စေချင်သည်ဟု ဆိုသည်။
ကိုမင်းကိုနိုင်၏ အစ်မ ဒေါ်ကြည်ကြည်ညွန့်ကမူ ၎င်း၏ မောင်ဖြစ်သူနှင့် ပတ်သက်၍ ထောင်အာဏာပိုင်များထံမှ မည်သည့် အကြောင်းကြားမှုကိုမှ မရရှိကြောင်း၊ မနက်ဖြန်တွင်မူ လေယာဉ်ဖြင့် ရှမ်းပြည်နယ် အရှေ့ပိုင်း ကျိုင်းတုံထောင်သို့ သွားရောက်မည် ဖြစ်ကြောင်း ပြောသည်။
“၆၅ နှစ်ကျတဲ့ နှစ်ကြီးသမားတွေ မပါဘူးလို့လည်း ပြောတယ်။ လွတ်စေချင်တယ်၊ မနက်ဖြန် ထောင်ဝင်စာတွေ့မယ်” ဟု သူက ဆိုသည်။
ဒီမိုကရက်တစ် ပါတီ ဥက္ကဋ္ဌ ဦးသုဝေက နိုင်ငံရေး အကျဉ်းသားတချို့ လွှတ်ပေးမှုကို ကြိုဆိုသော်လည်း အားလုံးပါဝင်မှု ရှိမရှိ စောင့်ကြည်ရမည် ဖြစ်ကြောင်း၊ အမြန်ဆုံး လွှတ်ပေးစေလိုကြောင်း ပြောသည်။
Source: ဧရာဝတီ

Read more »

Posted in: ၀၃။ မြန်မာ့ သတင်း

ဆိုမာလီဓါးပြ အဖမ်းခံရတဲ့လူလို ဖြစ်နေပါတယ် ဆိုတဲ့ ဇာဂနာ

မြစ်ကြီးနားအကျဉ်းထောင်မှ လွတ်မြောက်လာပြီး ရန်ကုန်မြို့နေအိမ်သို့ ပြန်လည်ရောက်ရှိလာသော ဟာသ သရုပ်ဆောင် ဇာဂနာကို မဇ္ဈိမသတင်းထောက် ကိုကျော်ခက တယ်လီဖုန်းမှတဆင့် မေးမြန်းထားခြင်း ဖြစ်သည်။

ဒီကနေ့ လွတ်မြောက်မယ်ဆိုတာ ဘယ်လိုသိခဲ့ရပြီး ထွက်လာတော့ရော ဘာတွေလုပ်ခဲ့ရသေးလဲခင်ဗျ။

“ကျနော်တို့မနက် ငါးနာရီ ခွဲလောက်မှာ အိပ်နေတာ လာနှိုးပြီးတော့ ဒီနေ့ကျနော့်ကို လွှတ်ပါပြီလို့ လာပြောတယ်။ အဲဒါနဲ့ပဲ ထွက်လာတာ။ အဲဒီအချိန်ကတည်းက ထွက်နေတာ။ ခုထက်ထိ ထွက်နေတုန်းပဲ။”

ထောင်က မလွတ်ခင်အချိန်မှာ ထောင်က ထွက်လာခဲ့ရင် ဘာတွေလုပ်မယ်ဆိုတဲ့ ရည်ရွယ်ချက်ထားခဲ့တာ ရှိလားခင်ဗျ။ နိုင်ငံရေး၊ လူမှုရေးနဲ့ အနုပညာကိစ္စတွေကိုရော ဆက်လုပ်ဖို့ရှိသေးလား။

“ခုပြောတဲ့ ကဏ္ဍသုံး ခုလုံးကို ကျနော်က လုပ်ဖို့ ဆုံးဖြတ်ထားတဲ့အတွက် အဲဒါကို ကျနော် ဆက်လုပ်သွားမှာပါ။ ကျနော်ဝါသနာပါတာကလည်း အဲဒီအလုပ်တွေပဲ ရှိတော့၊ အဲဒီအလုပ်တွေကိုပဲ ဆက်လုပ်သွားမှာပါ။”


တို့တိတို့တိနဲ့ လုပ်တာ ကျနော်တို့က ဆိုမာလီ ဓါးပြတွေ အဖမ်းခံရတဲ့လူလို ဖြစ်နေတယ် ဆိုတဲ့ ဇာဂနာ ရန်ကုန်မင်္ဂလာဒုံလေဆိပ်တွင် ကြိုဆိုနေသူများနှင့်အတူ တွေ့ရစဉ် (ဓါတ်ပုံ မဇ္ဈိမ)

 ဦးဇာဂနာ အပါအဝင် နိုင်ငံရေးအကျဉ်းသား အချို့နဲ့ တခြား အကျဉ်းသားတွေကို အစိုးရသစ်က လွှတ်ပေးလိုက်တဲ့ အပေါ် ဘာလို့လွှတ်ပေးလိုက်တယ်လို့ ထင်လဲ။

“အဲဒါကတော့ ဘာကြောင့် လွှတ်တယ် ဆိုတာကတော့ ဦးသိန်းစိန်ပဲ သိမှာပါ။ လွတ်လာတာကတော့ ကျနော်ဆိုတာ
သေချာတယ်။ ဘာကြောင့် ဆိုတာတော့ ကျနော်မသိဘူး။”

အစိုးရသစ်ရဲ့ လှုပ်ရှားနေမှုတွေနဲ့ ပတ်သက်ပြီး ထောင်ထဲမှာ ဘယ်လိုမျိုးသိခဲ့ရလဲ။

“ထောင်ထဲမှာ သတင်းစာတွေ ဂျာနယ်တွေ ဖတ်ရပါတယ်။

“စောစောပိုင်းကတော့ ရှိတယ်ဗျ။ ဒီနေ့လွတ်တဲ့ အပေါ်မှာမူတည်ပြီးတော့ မရှိတော့ဘူး။ သိပ်ပြီး တော့ အားမရဘူး။ သိတဲ့အတိုင်းပဲလေ။ တို့တိ တို့တိနဲ့ လုပ်တာ ကျနော်တို့က ဆိုမာလီ ဓားမြ တွေအဖမ်းခံရတဲ့လူလိုဖြစ်နေတယ်။ ကျနော် တို့ကို ဘာနဲ့ပြန်ရွေးရမှာလည်း အဲလိုဖြစ်သွား ပြီ။”

အဲဒီကနေသိရပါတယ်။”

အဲဒီလို ဖတ်သိရတယ်ဆိုတော့ အစိုးရသစ် အပေါ်မှာ အားရ ကျေနပ်မှု ရှိလား။

“စောစောပိုင်းကတော့ ရှိတယ်ဗျ။ ဒီနေ့လွတ်တဲ့ အပေါ်မှာ မူတည်ပြီးတော့ မရှိတော့ဘူး။ သိပ်ပြီးတော့ အားမရဘူး။ သိတဲ့အတိုင်းပဲလေ။ တို့တိတို့တိနဲ့ လုပ်တာ ကျနော်တို့က ဆိုမာလီ ဓါးပြတွေ အဖမ်းခံရတဲ့လူလို ဖြစ်နေတယ်။ ကျနော်တို့ကို ဘာနဲ့ပြန်ရွေးရမလဲ အဲလိုဖြစ်သွားပြီ။”

အခု မြစ်ကြီးနားထောင်က လွတ်လာတာ ကိုဇာဂနာ နဲ့ တခြားနိုင်ငံရေး အကျဉ်းသား ဘယ်သူတွေ ပါသေးလဲ။ နောက်ပြီးတော့ ကျန်ခဲ့တဲ့လူတွေ ရှိလား။

“ကျနော်နဲ့အတူတူ ကိုမျိုးအောင်သန့် ပါလာပါတယ်။ သူကတော့ ၁၄ နှစ်လောက်ရှိပြီ ထောင်ထဲရောက် နေတာလေ။
နောက် ဇင်မင်းထွန်းဆိုတဲ့ ကလေးပါတယ်။ သူကတော့ သံဃာတော် အရေးတော်ပုံမှာ အဖမ်းခံရတာ သူကတော့
လေးနှစ်လောက် ရှိသွားပြီပေါ့နော်။ ကျန်တာကတော့ အများကြီးပဲ။ ဘုန်းကြီး လေးပါး ပါတယ်။ လူထဲကတော့ ဘိုကလေးက သီဟသက်ဇင်၊ ပဲခူးက ဇေယျာအောင်၊ ပုဂံက မျိုးမင်းသန်း၊ တောင်သာက ကြည်စိုး ကျန်ခဲ့တယ်။”

ကျန်ခဲ့တဲ့လူတွေအတွက် ဘာပြောချင်လဲ။

“အများကြီးကွာတယ်။ အရင်တုန်းကထက် အများကြီး တိုးတတ်လာပါတယ်။ ကျန်းမာရေးနဲ့ ပတ်သက်ပြီးတော့လည်း အိုကေတယ်။ ဆရာဝန်တွေ ဘာတွေလဲ ရှိတယ်။ အဲဒါက တော့ ပြောစရာမလိုပါဘူး။ ကောင်းတယ်။ ကျနော် ထောင်လေးခါ ကျတဲ့အထဲမှာ ဒီတခေါက်ကျတာ ဓမ္မာရုံရောက်သလိုပဲ။”

“အကောင်းဆုံးကတော့ အကုန်လုံး လွတ်သွားတဲ့ အချိန်ကြရင် အကောင်းဆုံးပဲ။ အဲဒီအချိန်ကြရင် ပြောလို့ဆိုလို့ လုပ်လို့လည်း
ကောင်းမယ်။ ကျနော်ကတော့ အဲဒီအချိန်ကိုပဲ စောင့်မယ်။ အားလုံးလွတ်အောင်လဲ ကျနော်တို့ ကြိုးစားမယ်။”

ထောင်ထဲမှာရော၊ ကျန်းမာရေး စောင့်ရှာက်မှု၊ စားဝတ်နေရေးနဲ့ ကျန်မာရေး စောင့်ရှောက်ခွင့်တွေ
ကောင်းကောင်းမွန်မွန် ရရဲ့လားခင်ဗျ။ တိုးတက်လာလား။

“အာ အများကြီးကွာတယ်။ အရင်တုန်းကထက် အများကြီး တိုးတက်လာပါတယ်။ ကျန်းမာရေးနဲ့ ပတ်သက်ပြီး
တော့လည်း အိုကေတယ်။ ဆရာဝန်တွေ ဘာတွေလဲ ရှိတယ်။ အဲဒါကတော့ ပြောစရာ မလိုပါဘူး။ ကောင်းတယ်။ ကျနော် ထောင်လေးခါ ကျတဲ့အထဲမှာ ဒီတခေါက်ကျတာ ဓမ္မာရုံ ရောက်သလိုပဲ။”

ဦးဇာဂနာ မွေးထုတ်ပေးလိုက်တဲ့ သီးလေးသီး ဇာတ်အဖွဲ့တကွဲတပြားစီဖြစ်သွားတဲ့ အပေါ် ဦးဇာဂနာရဲ့ သဘောထားက ဘယ်လိုရှိလဲခင်ဗျ။

“အခုကျနော့်ဘေးမှာကို စိန်သီးနဲ့ ဇီးသီးနဲ့ နှစ်သီးရှိတယ်။ တိုင်းပြည် ပြင်ပမှာ သွားသီးနေနဲ့ အသီးက ပန်းသီးရယ်။ ကြယ်သီးရယ်။ မီးသီးရယ် ဆိုတာရှိတယ်။ အကုန်လုံး အားလုံးပေါင်းပြီး ကနေတာကို တွေ့ကြရဦးမှာပေါ့။ ကျနော်
ပြန်ရောက်လာရင် အကုန်ဖြစ်သွားမှာပါ။ အားလုံးကို ကျနော်ဦးဆောင်ပါမယ်။” 
Source: မဇ္ဈိမ

Read more »

Posted in: ၁၆။ အင်တာဗျူး

ယုံကြည်ချက်ကြောင့် အကျဉ်းကျခံရသူများအားလုံး အမြန်ဆုံး လွတ်စေချင်ကြောင်း ဒေါ်အောင်ဆန်းစုကြည် ပြောကြား

  ယုံကြည်ချက်ကြောင့် အကျဉ်းကျခံရသူများအားလုံး အမြန်ဆုံးလွတ်စေချင်ကြောင်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် က ၂၀၁၁ ခုနှစ် အောက်တိုဘာလ ၁၂ ရက်နေ့က ပြောကြားခဲ့သည်။
ယနေ့တွင်လွတ်မြောက်လာသည့် ယုံကြည်ချက်ကြောင့် အကျဉ်းကျခံရသူများနှင့်ပတ်သက်၍ ဒေါ်အောင်ဆန်းစုကြည်က  " အန်တီတို့ရတဲ့သတင်းအရတော့ ၁၀၀ လောက်ရှိလာပြီ၊ အခုထိစာရင်း အရပေါ့ ၊ အားလုံးတော့မပြည့်စုံသေးဘူး၊ ဆက်ဆက် ဆက်ဆက်ပြီးတော့ လွှတ်မယ်လို့တော့ အန်တီတို့ မျှော်လင့်ထားတာပဲ။ အန်တီပြောသလိုပဲ တစ်ယောက်လွတ်တာကို တန်ဖိုးဖြတ်လို့မရဘူး။ လူတိုင်းလူတိုင်းရဲ့လွတ်လပ်မှုက တန်ဖိုးဖြတ်လို့မရဘူး။ ပိုပြီးတော့လွှတ်လေ တိုင်းပြည်အတွက်ကောင်းလေပဲ။ နိုင်ငံရေးအကျဉ်းသားများ လွတ်တာဆိုတာကတော့ တစ်ယောက်ချင်းလွတ်ရင်လည်း ကျေးဇူးတင်တယ်၊၀မ်းသာတယ်၊ ဒါပေမယ့် အားလုံးလွတ်စေချင်တယ်၊ အမြန်ဆုံးလွတ်စေချင်တယ်" ဟု သတင်းထောက်များသို့ ယနေ့နံနက် ၁၁ နာရီ မိနစ် ၄၀ တွင်ပြောကြားခဲ့သည်။

ဒေါ်အောင်ဆန်းစုကြည်က ရန်ကုန်မြို့၊ တော်ဝင်နှင်းဆီ သီရိခန်းမတွင် ယနေ့နက် ၁၁ နာရီ ၅ မိနစ်တွင် ကျင်းပသည့် နိုင်ငံရေးအကျဉ်းသားဟောင်းများ၏ ပထမအကြိမ် ဂါရ၀ပြု ကန်တော့ပွဲအခမ်းအနားအပြီးတွင် ယင်းကဲသို့ပြောကြားခဲ့ခြင်းဖြစ်သည်။

အဆိုပါ နိုင်ငံရေးအကျဉ်းသားဟောင်းများ၏ ပထမအကြိမ် ဂါရ၀ပြု ကန်တော့ပွဲ အခမ်းအနားသို့ နိုင်ငံရေးအကျဉ်းသားဟောင်းများ၊ ယုံကြည်ချက်ကြောင့် အကျဉ်းကျနေသူများ၏ မိသားစုဝင်များ၊ မြန်မာ့နိုင်ငံရေးကို စိတ်ဝင်စားသူများ၊ ထောက်ခံသူများ ၁၀၀၀ ၀န်းကျင် တက်ရောက်ခဲ့သည်ကို တွေ့ရပြီး၎င်းတို့က အဆိုပါအခမ်းအနားတွင် NLD ပါတီ ဒုတိယ ဥက္ကဌ ဦးတင်ဦး၊ ပါတီဗဟိုအလုပ်အမှုဆောင် ဦးဝင်းတင်နှင့် NLD ပါတီ၏ အထွေထွေအတွင်းရေးမှုး မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် တို့အား ဂါရ၀ပြုကန်တော့ခဲ့ကြသည်။

Source: EMG

Read more »

Posted in: ၀၃။ မြန်မာ့ သတင်း

အကျဉ်းသား (၆၃၅၉)ဦးကို အောက်တိုဘာလ ၁၂ရက်နေ့မှ စတင်ပြီး လွတ်ငြိမ်းချမ်းသာခွင့် ပြုမည်ဖြစ်ကြောင်း သတင်းထုတ်ပြန်

မြန်မာနိုင်ငံရှိ် အကျဉ်းထောင်အသီးသီးတွင် အကျဉ်းကျခံနေရသော အကျဉ်းသားများအနက် အကျဉ်းသား (၆၃၅၉) ဦးကို  အောက်တိုဘာလ ၁၂ရက်ိ (သတင်းကျွတ်လပြည့်နေ့) မှစတင်ပြီး လွတ်ငြိမ်းချမ်းသာခွင့် ပြုမည်ဖြစ်ကြောင်း နိုင်ငံတော်သမ္မတ ဦးသိန်းစိန်၏ အမိန့်ကြေညာချက်ဖြင့် နိုင်ငံတော်သမ္မတရုံးမှ သတင်းထုတ်ပြန်ခဲ့ပါသည်။ နိုင်ငံတော် သမ္မတရုံးမှ ထုတ်ပြန်ခဲ့သော အမိန့်ကြေငြာစာ အပြည့်အစုံမှ အောက်ပါအတိုင်းဖြစ်ပါသည်။
နိုင်ငံတော် သမ္မတရုံးသည် အမိန့်အမှတ် ၄၉/၂၀၁၁ ကို ၁၃၇၂ခုနှစ် သီတင်းကျွတ်လဆန်း ၁၄ရက်၊ ၂၀၁၁ခုနှစ် အောက်တိုဘာလ ၁၁ရက် ယနေ့ရက်စွဲဖြင့် ထုတ်ပြန်ပါသည်။

လွတ်ငြိမ်းချမ်းသာခွင့်ပြုခြင်း
၁။ နိုင်ငံတော်အစိုးရသည် အေးချမ်းသာယာပြီး ခေတ်မှီဖွံ့ဖြိုးတိုးတက်သော စည်းကမ်းပြည့်ဝသည့် ဒီမိုကရေစီနိုင်ငံတော်သစ် တည်ဆောက်ရာတွင် ကောင်းမွန်သော အုပ်ချုပ်ရေး၊ သန့်ရှင်းသော အစိုးရဖြစ်ပေါ်ရေး၊ ဒီမိုကရေစီကျင့်စဉ် ထွန်းကားရေး၊ တရားဥပဒေ စိုးမိုးရေး၊ စီးပွားရေးပြုပြင်ပြောင်းလဲရေးနှင့် သဘာဝပတ်ဝန်းကျင် ထိန်းသိမ်းရေးလုပ်ငန်းများကို ကြိုးပမ်း လုပ်ဆောင်လျက်ရှိပါသည်။

၂။ ဤသို့ နိုင်ငံတော်သစ်တည်ဆောက်ရာတွင် နိုင်ငံတော်အေးချမ်းသာယာရေးနှင့် တရားဥပဒေစိုးမိုးရေးအတွက် နိုင်ငံတော်သည် တည်ဆဲဥပဒေများကို ကျူးလွန်ဖောက်ဖျက် ခဲ့သူများအား တရားဥပဒေနှင့်အညီ ပြစ်ဒဏ်များ စီရင်ချမှတ်ခဲ့ရပါသည်။ ဤသို့ ပြစ်ဒဏ်စီရင်ခြင်းခံရသည့် အသက်အရွယ်ကြီးရင့်သူများ၊ ကျန်းမာရေး မကောင်းသူများ၊ ကိုယ်လက်အဂါင်္ချို့တဲ့သူများ အပါအ၀င် အကျဉ်းသားများအားလုံးထဲမှ ထိုက်သင့်သောပြစ်ဒဏ်များကို ကျခံပြီး စည်းကမ်းနှင့် အကျင့်စာရိတ္တ ကောင်းမွန်လာသော အကျဉ်းသားများအား နိုင်ငံတော် အစိုးရသည် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ ပုဒ်မ ၂၀၄ (ခ) ပါ ပြဌာန်းချက်နှင့်အညီ လွတ်ငြိမ်းချမ်းသာခွင့် ပေးပြီး နိုင်ငံတော်သစ် တည်ဆောက်ရေးတွင် တစ်ဖက်တစ်လမ်းမှ အထောက်အပံ့ဖြစ်စေသည့် နိုင်ငံသားများအဖြစ်သို့ ပြုပြင်ပြောင်းလဲ ပေးနိုင်ရန် အစီအမံများ စနစ်တကျ စီစဉ်ဆောင်ရွက်ပေးလိုပါသည်။

၃။ သို့ဖြစ်ရာ ထိုက်သင့်သော ပြစ်ဒဏ်များကို ကျခံပြီးဖြစ်သည့် စည်းကမ်းနှင့် အကျင့်စာရိတ္တကောင်းမွန်လာသော အကျဉ်းသားများအား လူသားချင်း စာနာထောက်ထားမှုနှင့် သနားချစ်ခင်မှုတို့ကို အလေးထားသည့် အနေဖြင့်လည်းကောင်း၊ ယင်းတို့၏ မိသားစုများအား ငဲ့ညာသော အနေဖြင့် လည်းကောင်း၊ ယင်းတို့သည် နိုင်ငံတော်၏ မေတ္တာနှင့်စေတနာကို နားလည်ကြပြီး မိမိအကျိုး၊ ဒေသအကျိုး၊ နိုင်ငံအကျိုးအတွက် အများပြည်သူနှင်အတူ တာဝန်ထမ်းဆောင် သွားနိုင်စေရန်အတွက် လည်းကောင်း၊ အကျဉ်းထောင်အသီးသီးမှ ပူးတွဲအမည်စာရင်းပါ အကျဉ်းသား ၆၃၅၉ ဦးတို့အား ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ  ပုဒ်မ ၂၀၄ (ခ) အရ ယင်းတို့ကျခံရန် ကျန်ရှိသော ပြစ်ဒဏ်များအပေါ် ၁၃၇၃ခုနှစ် သီတင်းကျွတ်လပြည့်နေ့ ခရစ်သက္ကရာဇ် ၂၀၁၁ခုနှစ် အောက်တိုဘာလ ၁၂ရက်မှ စ၍ ကျခံနေရသော ပြစ်ဒဏ်အသီးသီးကို လွတ်ငြိမ်းချမ်းသာခွင့် ပြုလိုက်သည်။

ပုံ
သိန်းစိန်
နိုင်ငံတော်သမ္မတ
ပြည်ထောင်စုသမ္မတမြန်မာနိုင်ငံတော်
Source: EMG

Read more »

Posted in: ၀၃။ မြန်မာ့ သတင်း

အကျဉ်းသား ၆၃၅၉ လွတ်မြောက်

အောက်တိုဘာ ၁၂ ရက်၊ သီတင်းကျွတ်လပြည့်နေ့က စပြီးလွတ်မယ့်ထဲ ဇာဂနာပါလို့ဆို

သမ္မတ ဦးသိန်းစိန်က ဒီမိုကရက်တစ်မြန်မာကို ဖော်ဆောင်ဖို့အတွက် ထုိုက်သင့်တဲ့ နေရာတွေက ပါနိုင်ဖို့ ထိုက်သင့်တဲ့ ပြစ်ဒဏ်ကချခံရပြီးသား အကျဉ်းသား ၆၃၅၉  ကို လွတ်ငြိမ်းချမ်းသာခွင့် ပြုလိုက်တဲ့အကြောင်း ဒီကနေ့ (၁၁၊ ၀၁၊ ၂၀၁၁) မွန်းလွဲ ၁ နာရီက MRTV-4 ရုပ်သံကနေ ကြားဖြတ် အထူးသတင်း အနေနဲ့ ကြေငြာ ခဲ့ပါတယ်။

အသက်အရွယ်ကြီးရင့်တဲ့၊ ကျန်းမာရေးမကောင်းတဲ့၊ ကိုယ်လက်အင်္ဂါချို့တဲ့တဲ့၊ ထိုက်သင့်တဲ့ပြစ်ဒဏ် ကျခံပြီးတဲ့ အကျဉ်းထောင်တွင်း စည်းကမ်းနဲ့ အကျင့်စာရိတ္တကောင်းမွန်တဲ့ အကျဉ်းသားတွေကို ပြန်လွှတ်တာလို့ ကြေညာ ချက်မှာ ဖေါ်ပြထားပါတယ်။

အကျဉ်းသားတွေဟာ အောက်တိုဘာလ ၁၂ ရက်၊ သီတင်းကျွတ်လပြည့်နေ့ကစပြီး သက်ဆိုင်ရာအကျဉ်းထောင်တွေက အသီးသီး လွတ်မြောက်လာမှာဖြစ်တယ်လုို့လည်း သိရပါတယ်။

သန့်ရှင်းတဲ့ အစိုးရကောင်း၊ ကောင်းမွန်တဲ့ အုပ်ချုပ်တဲ့စနစ်၊ ဒီမိုကရေစီ စနစ်ကို ကျင့်သုံးနေတဲ့အချိန်မှာ အခုလို လွှတ်ပေးတာဖြစ်တယ်လို့လည်း ဆိုပါတယ်။

နိုင်ငံတော်သမ္မတအနေနဲ့ ဖွဲ့စည်းပုံအခြေခံဥပဒေပုဒ်မ ၂၀၄ ခ ကို ကျင့်သုံးပြီး လူသားချင်းစာနာလို့၊ အကျဉ်းသားတွေနဲ့ သူတို့ရဲ့မိသားစုတွေကို သနားချစ်ခင် စာနာလို့ မေတ္တာ စေတနာထားလို့ လွှတ်ပေးတာလို့ ကြေညာချက်မှာ ဖေါ်ပြထားပါတယ်။

အကျဉ်းသားတွေအနေနဲ့ နိုင်ငံ့အကျိုး၊ ဒေသအကျိုး၊ အများအကျိုးကိုလည်း ပူးပေါင်းဆောက်ရွက်ဖုို့ မျှော်လင့်တယ်လို့လည်း ကြေညာချက်မှာ ဖော်ပြထားပါတယ်။

ရန်ကုန်ကလာတဲ့ အတည်ပြုလို့မရသေးတဲ့ သတင်းတွေအရတော့ ဒါဟာ သုံးသုတ်လွှတ်မယ့်ထဲမှာ ပထမဆုံး အကြိမ်လွှတ်ပေးတာဖြစ်ပြီး၊ နာမည်ကျော် လူရွှင်တော် ဇာဂနာ၊ ရှမ်းပြည်က ဗိုလ်ချုပ် ဆေထင်တို့လည်း ပါဝင်တယ်လို့ သိရပါတယ်။ 

Source: BBC

Read more »

Posted in: ၀၃။ မြန်မာ့ သတင်း

မဲခေါင်မြစ်အတွင်း တရုတ်လူမျိုးများ အသတ်ခံရ

ထိုင်းစစ်တပ်က ဖမ်းဆီး ထိန်းသိမ်းထားသည့် ချင်ရိုင်ခရိုင် ချင်းစန် မြို့နယ် မဲခေါင်မြစ်အတွင်းမှ တရုတ်နိုင်ငံ အလံတပ်ဆင်ထားသော သင်္ဘော ၂ စီး (ဓာတ်ပုံ - ဘန်ကောက်ပို့စ်)

ရွှေတြိဂံဒေသ မဲခေါင်မြစ်အတွင်း မကြာသေးခင်က ဖြစ်ပွားခဲ့သော တရုတ်နိုင်ငံ အလံ တပ်ဆင်ထားသည့် သင်္ဘော ၂ စီးမှ လူများ သတ်ဖြတ်ခံရမှုသည် ရှမ်းမူးယစ်ရာဇာ နော်ခမ်း နှင့် အဖွဲ့၏ လက်ချက်ဖြစ်နိုင်ကြောင်း ထိုင်း အာဏာပိုင်များက ယူဆနေကြ သည်။

ထိုသဘောင်္များမှ အသတ်ခံထားရသော တရုတ်လူမျိုး ၁၂ ဦး၏ ရုပ်အလောင်းများကို မဲခေါင်မြစ်အတွင်း တွေ့ရှိရကြောင်း၊ မူးယစ်ရာဇာ နော်ခမ်း၏ လက်ချက်ဟု ထင်မြင်ကြောင်း ထိုင်း စစ်တပ် ဗိုလ်ချုပ် Prakarn Chonlayuth ၏ ပြောကြားချက်ကို ယမန်နေ့ထုတ် ဘန်ကောက်ပို့စ် သတင်းစာ၌ ဖော်ပြထားသည်။

ယင်း ၁၂ ဦး၏ ရုပ်အလောင်းများကို ထိုင်းနိုင်ငံ ချင်းရိုင် ခရိုင် ချင်းစန် မြို့နယ်အတွင်း၌ ဗုဒ္ဓဟူးနှင့် စနေ့နေ့က တွေ့ရှိခဲ့ခြင်းဖြစ်ပြီး ၉ ဦး၏ ရုပ် အလောင်းများတွင် လက်ကိုကြိုးတုပ်၍ မျက်စိကို ပိတ်စည်းထားသည်များကိုတွေ့ရှိရသည်ဟု ထိုင်း စစ်တပ်က ပြော ကြောင်း ၊ အားလုံး ၁၃ ဦးဖြစ်ပြီး ကျန်တဦးမှာ ပျောက်ဆုံးလျက်ရှိကြောင်းလည်း ဘန်ကောက်ပို့စ်က ဆိုသည်။

နော်ခမ်း အဖွဲ့က ထိုသင်္ဘောများကို အပိုင်စီး၍ ဆက်ကြေးတောင်းသည်ကို ငြင်းဆန်မှုကြောင့် သင်္ဘောသားများ အသတ်ခံရခြင်း ဖြစ်နိုင်သည်ဟုလည်း ဗိုလ်ချုပ် Prakarn Chonlayuth က ပြောသည်။

တရုတ် နိုင်ငံခြားရေးဝန်ကြီးဌာန ၀က်ဘ်ဆိုဒ်တွင်လည်း Hua Ping နှင့် Yu Xing 8 Hao အမည်ရှိ ထိုကုန်တင်သဘောင်္များမှ စုစုပေါင်း သဘောင်္သား ၁၃ ဦးခန့်သည် ပြီးခဲ့သည့်အပတ် ဗုဒ္ဓဟူးနေ့ နံနက်ပိုင်းက တိုက်ခိုက်ခံခဲ့ရသည်ဟု ဖော်ပြထားသည်။

ထိုသဘောင်္၂ စီးကို ပြီးခဲ့သည့်အပတ် ဗုဒ္ဓဟူးနေ့က ထိုင်းစစ်တပ်ကတားဆီးရာ မိနစ်အနည်းငယ်ကြာ အပြန်အလှန်ပစ်ခတ်မှုဖြစ်ပွား ခဲ့ကြောင်း၊ Hua Ping သင်္ဘောပေါ်မှ စိတ်ကြွဆေးပြား ၅ သိန်း ၂ သောင်း နှင့် Yu Xing 8 Hao မှ ၄ သိန်း ကို ထိုင်း စစ်တပ်က သိမ်းဆီး ရမိကြောင်း၊ မူးယစ်မှောင်ခိုအဖွဲ့က သဘောင်္သားများကိုသတ်ပြီး မူးယစ်ဆေးဝါးများ သယ်ဆောင်လာခြင်း ဖြစ်နိုင်ကြောင်း လည်း သတင်းစာ၌ ပါရှိသည်။

ယခုအခါ ယင်း သေဆုံးသူများ၏ ရုပ်အလောင်းများကို ထိုင်းနိုင်ငံ၊ ချင်းရိုင် ဆေးရုံသို့ ပို့ဆောင်ထားသည်ဟု ချင်းစန်မြို့နယ် ရဲစခန်းမှ ရဲဗိုလ်မှူးကြီး (Pol Col Popkorn Khuncharoensuk ) က ဧရာဝတီသို့ ပြောသည်။

“အလောင်းတွေကို ၇ ရက်နဲ့ ၈ ရက်နေ့မှာ တွေ့တယ်၊ သေဆုံးသွားတဲ့ လူတွေကတော့ တရုတ်နိုင်ငံသားတွေ ဖြစ်ပါတယ်။ မိသား စုဝင်တွေကိုလည်း အကြောင်းကြားထားပါတယ်”ဟု ၎င်းက ဆိုသည်။

သင်္ဘောသည် တရုတ် နိုင်ငံမှဖြစ်ပြီး တိုက်ခိုက်ခံရသည့် အကြောင်းနှင့် ပတ်သက်၍ စုံစမ်းနေဆဲ ဖြစ်ကြောင်း ရဲဗိုလ်မှူးကြီး  Popkorn Khuncharoensuk  က ဆက်ပြောသည်။

ရှမ်းသံတော်ဆင့် သတင်းဌာန အယ်ဒီတာ ဦးခွန်ဆိုင်းက ယင်း တိုက်ခိုက်မှုသည် နော်ခမ်းအဖွဲ့ဖြစ်သည်ဟု နီးစပ်သူများက ပြောပြ ကြောင်း၊ တရုတ်သဘောင်္များက ယင်းအဖွဲ့ကို ငွေပေးထားဖွယ် ရှိသော်လည်း သတ်ရသည့် အကြောင်းကို သေချာ မသိရှိရကြောင်း ဧရာဝတီသို့ ပြောသည်။

လာမည့် သီတင်းပတ်တွင် ချင်းမိုင်၌ ထိုင်းနှင့် တရုတ်အာဏာပိုင်များတွေ့ဆုံ၍ ယင်းကိစ္စကို ဆွေးနွေးမည်ဟု ၎င်းက ဆိုသည်။

အင်အား ၄၀၀ ခန့်ရှိ နော်ခမ်း အဖွဲ့သည် မဲခေါင်မြစ် တလျှောက် သွားလာနေသည့် ကုန်သဘောင်္များထံမှ ဆက်ကြေးကောက် ခံလေ့ရှိပြီး ထိုင်း နှင့် မြန်မာ အာဏာပိုင်များက အလိုရှိနေကြောင်း ဘန်ကောက်ပို့စ် ၌ ဖော်ပြသည်။

၂၀၁၀ ဖေဖော်ဝါရီလကလည်း မဲခေါင်မြစ်အတွင်း နော်ခမ်း၏ တပ်ဖွဲ့ဝင်များနှင့် အပြန်အလှန် ပစ်ခတ်မှုကြောင့် တာချီလိတ်မြို့နယ် ရဲစခန်းမှူး ဦးခင်မောင်ရင် အပါအ၀င် တပ်သား ၁၅ ဦး သေဆုံးခဲ့သည်။

နော်ခမ်းသည် ၁၉၉၆ ခုနှစ်တွင်လက်နက်ချခဲ့သော ဦးခွန်ဆာ ခေါင်းဆာင်သည့် မော်ထိုင်း တပ်မတော်(MTA) တပ်ဖွဲ့ဝင်ဟောင်းဖြစ် သည်။

၂၀၀၆ ခုနှစ်မှ စတင်၍ လက်နက်ကိုင်ပြီး ရွှေတြိဂံနယ်မြေ၌ ပြန်လည် လှုပ်ရှားခဲ့ကြောင်း၊ တပ်ဖွဲ့ကို လားဟူ၊ ရှမ်း တိုင်းရင်းသားများ နှင့် ဖွဲ့စည်းထားကြောင်း သိရသည်။
 Source: ဧရာဝတီ

Read more »

Posted in: ၀၂။ နိုင်ငံတကာသတင်း

မလေးရှားတွင် ဒုက္ခသည်အဖြစ် လျှောက်ထားသူအများစုမှာ မြန်မာပြည်သားများဖြစ်

မလေးရှားတွင် ဒုက္ခသည်အဖြစ် လျှောက်ထားသူ အများစုမှာ မြန်မာပြည်သားများဖြစ်ကြောင်း မလေးရှား ၀န်ကြီးချုပ်ရုံးဝန်ကြီး Datuk Seri Mohamed Nazri Aziz က တနင်္လာနေ့တွင် ပြောလိုက်သည်။
သြဂုတ်လအထိ ပြုစုထားသော စာရင်းအရ ဒုက္ခသည်အဖြစ် လျှောက်ထားသူ အရေအတွက် ၁၀,၈၅၀ ရှိပြီး ထိုအထဲတွင် မြန်မာပြည်သား အရေအတွက်က ၇,၅၈၂ ဦး ရှိသည်ဟု ၀န်ကြီးက ပြောသည်။
ကွာလာလမ်ပူမြို့တော်ရှိ UNHCR ရုံးက လျှောက်ထားသူများကို စစ်ဆေးပြီး ဒုက္ခသည်အဖြစ် အသိအမှတ်ပြုခဲ့သူပေါင်း ယခင်က ကိုးသောင်းကျော်ရှိသည်။
မလေးရှားနိုင်ငံက ဒုက္ခသည်အရေးနှင့် ပတ်သက်ပြီး သဘောတူစာချုပ် ချုပ်ဆိုမထားသော်လည်း UNHCR လက်မှတ်ရှိသူကို လူသားချင်းစာနာသောအားဖြင့် ဖမ်းဆီးခြင်းမရှိဟု ၀န်ကြီးက ပြောသည်။
မလေးရှားသည် ကုလသမဂ၏ ၁၉၅၁ နှင့် ၁၉၆၇ တို့တွင် ပေါ်ပေါက်ခဲ့သော ဒုက္ခသည်များ လက်ခံရေး ဆိုင်ရာ သဘောတူစာချုပ်များကို ချုပ်ဆိုထားခြင်း မရှိပေ။ ထိုသို့ ချုပ်ဆိုမှု မပြုရခြင်းမှာ ဒုက္ခသည်တို့၏ စားဝတ်နေရေး၊ လုံခြုံရေးကို တာဝန်မယူနိုင်သောကြောင့် ဖြစ်သည်ဟု ဆိုသည်။
“မလေးရှားနိုင်ငံဟာ ဒုက္ခသည်တွေကို ယာယီနေထိုင်ခွင့် ပေးပါတယ်။ သူတို့တွေ တတိယနိုင်ငံကို မပြောင်းရွှေ့ခင်အချိန်အထိပေါ့” ဟု ၀န်ကြီးက ပြောပြသည်။
Source: မိုးမခ

Read more »

Posted in: ၀၂။ နိုင်ငံတကာသတင်း

နိုင်ငံရေး အကျဉ်းသား( ၂၀၀ဂ)နှစ်ထောင် မကြာမီလွှတ် ပေးမည်။ ဒေါ်အောင်ဆန်းစုကြည်အား မိမိတို့  ဘက်မှ ၀မ်းမြောက် ၀မ်းသာ နိုင်ငံရေးအရ ကြို ဆိုပါမည်ဟု ဦးရွှေမန်း ပြောဆို

နော်ဝေနိုင်ငံမှ အစိုးရအဖွဲ့ ဝင် ၀န်ကြီး (Espen Barth Eide) အက်စ်ဘတ်အီဒဲ -သည် ၇။၁၀။ ၂၀၁၁ နေ့ က မြန်မာ အစိုးရ၏ အမျိုးသား လွှတ်တော် ဥက္ကဌ ဦးရွှေမန်းနှင့် နေပြည်တော်တွင် သွားရောက် တွေ့ ဆုံခဲ့သည်။

ယင်းသို့တွေ့ဆုံစဉ် ဦးရွှေမန်းမှ မြန်မာနိုင်ငံတွင်များမကြာမီ ရက်ပိုင်းအတွင်း နိုင်ငံရေးအကျဉ်းသား(၂၀၀ဂ) နှစ်ထောင် လွှတ် ပေးမည်ဟု ထုတ်ဖော်ပြောဆိုသည်ကို နော်ဝေရုပ်မြင်သံကြား ဌာန တခု ဖြစ်သည့် .nrk မှ ပြသသွားသည်။

ဦးရွှေ မန်းမှ မြန်မာလို အကျဉ်းသားများ လွှတ်ပေးမည်ကို နော်ဝေ ၀န်ကြီးမှ နားမလည်သဖြင့် ပြန်လည်မေးမြန်းရာ -မကြာမီ ရက်ပိုင်း အတွင်း ပေါ့ ။အကောင်အထည်ဖော်မှာ ပါဟု ပြန်လည်ဖြေကြားရာ အင်္ဂလိပ် စကားပြန်မှ within a few days ဟု ပြန်ပြောပါသည်။

ဒေါ်အောင်ဆန်းစုကြည်အား နိုင်ငံရေးအရကြို ဆိုပါမည်လား ဟု ထပ်မံမေးမြန်းရာတွင် -- ရှိနိုင်ဖို့ အခွင့် အလမ်းတွေ ပေါ်လာနိုင်ပါတယ်။ အဲလို ပေါ်လာမယ်ဆိုရင်လည်း မိမိတို့  ဘက်မှ ၀မ်းမြောက် ၀မ်းသာ ကြိုဆိုမည်ဖြေစ်ကြောင်း ထုတ်ဖော်ပြောဆိုပါသည်။

ဦးရွှေမန်း၏ နော်ဝေ ၀န်ကြီးအား မြန်မာလို ပြန်လည် ဖြေကြားချက် ဗွီဒီယိုဖိုင်

 Source: ဟစ်တိုင်

Read more »

Posted in: ၀၃။ မြန်မာ့ သတင်း

ဖွဲ့စည်းပုံအခြေခံဥပဒေ အာဏာမတည်မီ မြန်မာအစိုးရနှင့် အခြားနိုင်ငံအစိုးရတို့ ချုပ်ဆိုခဲ့သောစာချုပ်အရ ပေါ်ထွက်လာသော တရာမျှတသည့် တာဝန်များ ပဋိညာဉ်များကို အခြားနိုင်ငံကလေးစားပါက မြန်မာကလည်း လေးစားမည်ဟုသိရ ပဋိညာဉ်ဥပဒေအရ ပဋိညာဉ်ပျက်ပြယ်စေနိုင်သည့် အချက် ၁၄ ချက်ပါဝင်

ဖွဲ့စည်းပုံအခြေခံဥပဒေ အာဏာမတည်မီ မြန်မာအစိုးရနှင့် အခြားနိုင်ငံအစိုးရတို့ ချုပ်ဆိုခဲ့သော စာချုပ်များအရ ပေါ်ထွက်လာသော တရားမျှတသည့် တာဝန်များ၊ ပဋိညာဉ်များကို အခြားနိုင်ငံကလေးစားပါက မြန်မာနိုင်ငံကလည်း လေးစားမည်ဟု ဖွဲ့စည်းပုံအခြေခံဥပဒေတွင် ဆိုထားကြောင်းနှင့် အခြားသော ပဋိညာဉ်ဆိုင်ရာပြဌာန်းချက် အချို့လည်း ဖွဲ့စည်းပုံအခြေခံဥပဒေတွင် ပါဝင်ကြောင်း  ဖွဲ့စည်းပုံအခြေခံဥပဒေအရ သိရသည်။

ဖွဲ့စည်းပုံအခြေခံဥပဒေပါ ပဋိညာဉ်ဆိုင်ရာ ပြဌာန်းချက်အချို့မှာ ''ဤဖွဲ့စည်းပုံအခြေခံဥပဒေ အာဏာမတည်မီကာလက ပြည်ထောင်စုမြန်မာနိုင်တော်အစိုးရနှင့် အခြားနိုင်ငံအစိုးရတို့ ချုပ်ဆိုအတည်ဖြစ်ခဲ့သော စာချုပ်များအရ သော်လည်းကောင်း သဘောတူညီချက်များအရ သော်လည်းကောင်း ပေါ်ထွက်လာသော တရားမျှတသည့် တာဝန်များကို အဆိုပါအခြားနိုင်ငံကလည်း  ပြည်ထောင်စုမြန်မာနိုင်ငံနှင့် စပ်လျဉ်း၍ ထားရှိအပ်သော ပဋိညာဉ်များကို လေးစားပါက ပြည်ထောင်စု  သမ္မတမြန်မာနိုင်ငံတော်ကလည်း လေးစားသည်'' ဟု ဖွဲ့စည်းပုံအခြေခံ  ဥပဒေပုဒ်မ ၄၅၆ တွင် ပြဌာန်းထားပါသည်။
ထို့ပြင် ဖွဲ့စည်းပုံအခြေခံဥပဒေ ပုဒ်မ ၄၅၇(က)(ခ)တို့တွင် ပြဌာန်းထားသည်မှာ ''ဤ ဖွဲ့စည်းပုံအခြေခံဥပဒေ အာဏာမတည်မီကာလက ပြည်ထောင်စုမြန်မာနိုင်ငံတော်အစိုးရနှင့် ချုပ်ဆိုထားရှိခဲ့သော ပဋိညာဉ်များနှင့် စပ်လျဉ်း၍ ဖြစ်စေ၊တာဝန်များနှင့် စပ်လျဉ်း၍ ဖြစ်စေ ပြည်ထောင်စုမြန်မာနိုင်ငံတော်အစိုးရအား တရားစွဲဆိုနိုင်သော အခွင့်အရေးအရ တရားစွဲဆိုရန် ပေါ်ပေါက်ခဲ့လျှင် ပြည်ထောင်စုအစိုးရအား တရားစွဲဆိုနိုင်သည်။ ပြည်ထောင်စုသမ္မတ မြန်မာနိုင်ငံတော်သည် ပြည်ထောင်စုသမ္မတ မြန်မာနိုင်ငံတော်အမည်ဖြင့် တရားစွဲဆိုနိုင်သည်။ ထိုနည်းတူပင် တရားစွဲဆိုခြင်းကိုခံနိုင်သည်'' ဟူ၍ ဖြစ်ပါသည်။

ပြည်သူအများမလိုလားသော မြစ်ဆုံဆည်တည်ဆောက်ခြင်းကို မိမိတို့အစိုးရလက်ထက်တွင် ရပ်ဆိုင်းထားမည်ဟု နိုင်ငံတော်သမ္မတကြီး ဦးသိန်းစိန်က လွှတ်တော်သို့ သ၀ဏ်လွှာ ပေးပို့ခဲ့သည်။မြစ်ဆုံစီမံကိန်းရပ်ဆိုင်း ထားသည် ဆိုခြင်းမှာ တည်ဆောက်မှုများရပ် ဆိုင်းသည်ဟု ဆိုလိုပါက ဥပဒေကြောင်းအရ ရင်ဆိုင်ရမည့် အခြေအနေများသို့ ဦးတည်သွားမည်ဖြစ်ကြောင်း မြန်မာနှင့်တရုတ်သည် ယခုနှစ် အစောပိုင်းတွင် သဘောတူညီမှုတစ်ခု ရခဲ့ပြီး နှစ်ဖက်ဘဏ်များက တရုတ်ယွမ်ငွေဖြင့် ချေးငွေသဘောတူညီချက်တစ်ခုကို လက်မှတ်ထိုးခဲ့ကြောင်း၊ ချေးငွေပြန်ဆပ်မည်ကို အာမခံသည့်အနေဖြင့်  မြစ်ဆုံရေအားလျှပ်စစ်စက်ရုံ မြန်မာနိုင်ငံဘက်မှ ပိုင်ဆိုင်မှု ရှယ်ယာပမာဏဖြင့် အာမခံခဲ့ကြောင်း၊ယင်းမှရရှိရန် မျှော်လင့်ထားသည်များကို ချေးငွေပြန်ဆပ်ရန် အဓိကရင်းမြစ်အဖြစ် သတ်မှတ်ခဲ့ကြကြောင်း၊မြစ်ဆုံစီမံကိန်းရပ်လိုက်ပါက ချေးငွေသဘောတူညီချက် ချမှတ်မှုအပေါ် ဆိုးဆိုးရွားရွား သက်ရောက်နိုင်ကြောင်း တရုတ်စွမ်း အင်ရင်းနှီးမြှုပ်နှံမှု ကုမ္ပဏီ(CPI) ဥက္ကဋ္ဌ လူကျိရှိုက တရုတ်အစိုးရ သတင်းဌာန ဆင်ဟွာသို့ ပြောကြားခဲ့သည်။
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ၄၅၆ နှင့် ၄၅၇ တို့တွင်လည်း ပဋိညာဉ်ဆိုင်ရာ ပြဌာန်းချက်အချို့ ပါဝင်နေခြင်း၊ နိုင်ငံတော်သမ္မတကြီး ဦးသိန်းစိန်က သ၀ဏ်လွှာပေးပို့ ရပ်ဆိုင်းခြင်း၊(CPI) ဥက္ကဋ္ဌ လူကျိရှိုက ပြော ကြားခြင်း စသည့် အကြောင်းခြင်းရာတို့အပေါ် မြန်မာနိုင်ငံအစိုးရအနေဖြင့် မည်သို့မည်ပုံ ဆက်လက်ဖြေရှင်း ဆောင်ရွက်သွားမည်ကို ဥပဒေပညာရှင်အချို့က စိတ်ဝင်စားနေကြောင်း ဥပဒေပညာရှင်များ အသိုင်းအ၀ိုင်းမှ သိရသည်။
''မြစ်ဆုံဆည် တည်ဆောက်တာနဲ့ပတ်သက်လို့ ယခင်မြန်မာအစိုးရနဲ့ တရုတ်အစိုးရအကြား ဘယ်လို ပဋိညာဉ်မျိုးတွေ၊ဘယ်လို အချက်တွေနဲ့ သဘောတူချုပ်ဆိုထားတာ ကျွန်တော်တို့အနေနဲ့ အတိအကျမသိလို့ ဝေဖန်သုံးသပ်ဖို့ ခက်ပါတယ်။တကယ်လို့များ ယခင်မြန်မာအစိုးရနဲ့ တရုတ်အစိုးရအကြား ချုပ်ဆိုထားတဲ့ သဘောတူညီချက်တွေထဲမှာ Arbitration agreement လို့ဆိုတဲ့ ခုံသမာဓိဆိုင်ရာ သဘောတူညီချက် အပိုဒ် ထည့်ထားမယ်ဆိုရင် ဥပဒေကြောင်းအရ တရားစွဲတာတွေ ဆိုင်းငံ့ထားပြီး ခုံသမာဓိ သဘောတူညီချက်နဲ့အညီ အရင်ဖြေရှင်းနိုင်မှာ ဖြစ်ပါတယ်'' ဟု ဥပဒေအတိုင်ပင်ခံ တရားလွှတ်တော် ရှေ့နေကြီးတစ်ဦးက သုံးသပ်ပါသည်။
ခုံသမာဓိဖြင့် စီရင်ဆုံးဖြတ်ခြင်းဆိုင်ရာ အက်ဥပဒေ(The Arbitration Act )ကို မြန်မာနိုင်ငံတွင် ၁၉၄၄ခုနှစ်က ပြဌာန်းခဲ့ကြောင်း၊ ယင်းဥပဒေတွင် Arbitration agreement ကို အဓိပ္ပာယ်ဖွင့်ဆိုထားရာ Arbitration agreement ခုံသမာ ဓိဆိုင်ရာ သဘောတူညီချက်ဆိုရာတွင် ခုံသမာဓိလူကြီး၏ အမည်ဖော်ပြထားသည်ဖြစ်စေ မဖော်ပြသည်ဖြစ်စေ ခုံသမာဓိမှုတွင် တင်ပြရန် သို့မဟုတ် အနာဂတ်ကွဲလွဲချက်များနှင့် စပ်လျဉ်း၍ အရေးအသားဖြင့် ပြုလုပ်ထားသော သဘောတူညီချက်ဟူ၍ အဓိပ္ပာယ်ဖွင့်ဆိုထားကြောင်း ကုမ္ပဏီတစ်ခု၏ ဥပဒေအကြံပေးတစ်ဦးက ရှင်းပြသည်။
ခုံသမာဓိဆိုင်ရာ သဘောတူညီချက်တွင် ပါဝင်သူတစ်ဦး သို့မဟုတ် ၎င်းဘက်မှ တောင်းဆိုပိုင်ခွင့်ရှိသူ တစ်ဦးဦးက သဘောတူညီချက်တွင် ပါဝင်သူအခြားတစ်ဘက် သို့မဟုတ် ထိုသူဘက်မှ တောင်းဆိုပိုင်ခွင့်ရှိသူ တစ်ဦးဦးသို့ သဘောတူညီထား သည့် အကြောင်းကိစ္စတစ်ရပ်ရပ်နှင့် စပ်လျဉ်း၍ တရားဥပဒေဆိုင်ရာ ဆောင်ရွက်ချက်ပြုလုပ်ရန် စတင်ဆောင်ရွက်လာသော ယင်းသို့ ဥပဒေ ကြောင်းအရ ဆောင်ရွက်လာသူသည် အရေးအသားဖြင့် တင်ပြခြင်းမပြုမီ သို့မဟုတ် အမှုနှင့်စပ်လျဉ်း၍ အခြားနည်းဆောင်ရွက်ခြင်းမပြုမီ အမှုကိုစစ်ဆေးပြီး ပြတ်မှုမရှိသေးသည့် တရားရေးအာဏာပိုင်ထံ အမှုကိုဆိုင်းငံ့ထားရန် လျှောက်ထားရမည်ဖြစ်ကြောင်း ခုံသမာဓိမှုဆိုင်ရာ သဘောတူညီချက်အရ ယင်းအကြောင်းကိစ္စအား အဘယ်ကြောင့် လွှဲပြောင်းမပေးထိုက်ကြောင်း ခိုင်လုံသည့် အကြောင်းအချက်မရှိကြောင်း ကျေနပ်ဖွယ်တွေ့ရှိသည့်အပြင် လျှောက်ထားသူသည် အမှုဆောင်ရွက်ချက် စတင်သည့်အခါမှ ယခုထက်တိုင် ခုံသမာဓိအမှု၌ လုပ်ကိုင်ဆောင်ရွက်ရမည့် ကိစ္စအ၀၀ကို ဆောင်ရွက်ရန် အသင့်ရှိလျှင် သို့မဟုတ် ဆန္ဒရှိလျှင် တရားရေးအာဏာပိုင်သည် အမှုဆောင်ရွက်ချက်အား ဆိုင်းငံ့ရန် အမိန့်ထုတ်ပြန်နိုင်ကြောင်း ခုံသမာဓိဖြင့် စီရင်ဆုံးဖြတ်ခြင်းဆိုင်ရာ အက်ဥပဒေ ပုဒ်မ ၃၄ တွင် ပြဋ္ဌာန်းထားပါသည်။
'တတိယပုဂ္ဂိုလ်(အပြင်လူ)မှ ခုံသမာဓိလူကြီးများ ခန့်အပ်သည်ကို သဘောတူညီခြင်း' ဟူသည့် ခေါင်းစဉ်အောက်တွင်လည်း ခုံသမာဓိဖြင့် စီရင်ဆုံးဖြတ်ခြင်းဆိုင်ရာ အက်ဥပဒေ ပုဒ်မ ၄ ကို ပြဋ္ဌာန်းထားရာ''  ခုံသမာဓိဆိုင်ရာ သဘောတူညီချက်တွင် ပါဝင်သဘောတူညီသူများသည် ခုံသမာဓိလူကြီး သို့မဟုတ် ခုံသမာဓိလူကြီးများ ဤသဘောတူညီချက်အရ ခန့်အပ်ရာ၌ ပုဂ္ဂိုလ်တစ်ဦးတစ်ယောက်က ရွေးချယ်ခန့်ထားပေးနိုင်ရန် ယင်းပုဂ္ဂိုလ်အား အမည်နာမတပ်၍ ဖြစ်စေ၊ရာထူးတပ်၍ ဖြစ်စေ လျာ ထားသတ်မှတ်နိုင်သည်''ဟူ၍ဖြစ်ပါသည်။
ပြဿနာဖြစ်ပေါ်ခဲ့ပါက နှစ်ဦးနှစ်ဖက် သဘောတူုညီသည့် ခုံသမာဓိလူကြီးမင်းများ ပါဝင်သော ခုံသမာဓိအဖွဲ့၏ အဆုံးအဖြတ်အား နာခံမည်ဟု စာချုပ်တွင် ထည့်သွင်းထားပါက တရားရုံးသို့ သွားရောက်ရင်မဆိုင်လိုသဖြင့် ဦးစွာခုံသမာဓိ လူကြီးမင်းများ၏ အဆုံးအဖြတ်ဖြင့် ပြဿနာကိုအရင် ဖြေရှင်းလို၍ ဖြစ်ကြောင်း ခုံသမာဓိဆိုင်ရာ သဘောတူညီချက်နှင့်ပတ်သက်၍ ဥပဒေပညာရှင်တစ်ဦးက ရှင်းပြပါသည်။

ထို့အတူ မြန်မာနိုင်ငံတွင် ပဋိညာဉ်ကိစ္စများ ဆောင်ရွက်နိုင်ရန် ပဋိညာဉ်ဥပဒေကို ပြဌာန်းထားပြီး ပဋိညာဉ် ဥပဒေအရ ပဋိညာဉ်တစ်ခု ဖြစ်မြောက်စေရန် လိုအပ်သည့် အင်္ဂါရပ် ၆ ချက်နှင့် ပဋိညာဉ်ပျက်ပြယ်စေနိုင်သော အချက် ၁၄ ချက်ကို ပြဌာန်းထားကြောင်း သိရသည်။
တရားဝင်ပဋိညာဉ်တစ်ခု ဖြစ်မြောက်ရန် လိုအပ်သည့် အင်္ဂါရပ် ၆ ချက်မှာ (၁) သဘောတူညီချက် ရှိရမည်။ (၂) ပဋိညာဉ်ပြုပိုင်ခွင့် အရည်အချင်းရှိသူတို့က ပြုလုပ်သည့် သဘောတူညီချက် ဖြစ်ရမည်။(၃) သဘောတူညီချက်မှာ တရားဥပဒေနှင့် ညီသော အဖိုးစားနားနှင့် ရည်ရွယ်ချက်တို့အတွက် ဖြစ်ရမည်။(၄)လွတ်လပ်သည့် သဘောဆန္ဒတူညီမှုဖြင့် ပြုလုပ်သည့် သဘောတူညီချက် ဖြစ်ရမည်။ (၅) ပဋိညာဉ်ဥပဒေက ပျက်ပြယ်ကြောင်း အတိအလင်း ပြဋ္ဌာန်းထားသော သဘောတူညီချက် မဖြစ်စေရ။ (၆) စာဖြင့် ရေးသားရမည်။သက်သေများ လက်မှတ်ရေးထိုးရမည်။မှတ်ပုံတင်ရမည် ဟု သက်ဆိုင်ရာဥပဒေက ပြဋ္ဌာန်းထားလျှင် ထိုပြဋ္ဌာန်းချက်နှင့် ညီညွတ်ရမည် ဟူ၍ ဖြစ်ပါသည်။ပဋိညာဉ်ပြုရန် အရည်အချင်း ရှိသူတို့က ပြုလုပ်သည့် သဘောတူညီချက်ဖြစ်ရမည်ဆိုသည်မှာ တစ်နည်းအားဖြင့် ပဋိညာဉ်ပြုသောသူများသည် မိမိနှင့်သက်ဆိုင်သည့် တရားဥပဒေအရ တရားဝင်အရွယ်ရောက်သူများ ဖြစ်ရမည်ဖြစ်ကြောင်း စိတ်ဖောက်ပြန် ရူးသွပ်ခြင်းမရှိသူ များဖြစ်ရမည်ဖြစ်ကြောင်း၊ မိမိနှင့်သက်ဆိုင်သည့် တရားဥပဒေ တစ်စုံတစ်ရာအရ ပဋိညာဉ်ပြုနိုင်ခွင့် အရည်အချင်းပျက်ယွင်းသောသူ မဖြစ်စေရကြောင်း သိရသည်။
ပဋိညာဉ်ဥပဒေအရ ပဋိညာဉ်ပျက်ပြယ်စေနိုင်သည့် အချက် ၁၄ ချက်

၁။ ပဋိညာဉ်ပြုပိုင်ခွင့် အရည်အချင်းမရှိသူတို့က ပြုလုပ်သော သဘောတူညီချက်များ
၂။ သဘောတူညီကြသူများက သဘောတူညီချက်၏ အဓိကဖြစ်သော အကြောင်းအရာနှင့်ပတ်သက်၍ မှားယွင်းလျှက်ပြုလုပ်သော သဘောတူညီချက်များနှင့် မြန်မာနိုင်ငံအတွင်း အာဏာမတည်သော ဥပဒေနှင့်ပတ်သက်၍ မှားယွင်းလျှက်ပြုလုပ်သော သဘောတူညီချက်များ
၃။ တရားဥပဒေနှင့်မညီသော အဖိုးစားနား သို့မဟုတ် ရည်ရွယ်ရင်းအကြောင်းအတွက် ပြုလုပ်သော သဘောတူညီချက်များ
၎။ တရားဥပဒေနှင့်မညီသော အဖိုးစားနား၏ အစိတ်အပိုင်း သို့မဟုတ် ရည်ရွယ်ရင်းအကြောင်း၏ အစိတ်အပိုင်းအတွက် ပြုလုပ်သော သဘောတူညီချက်များ
၅။ အဖိုးစားနားမပါရှိသော သဘောတူညီချက်များ
၆။ထိမ်းမြားလက်ထပ်ခြင်းကို တားမြစ်ချုပ်ခြယ်သော သဘောတူညီချက်များ
၇။ ကူးသန်းရောင်းဝယ် အသက်မွေးဝမ်းကျောင်းမှုကို တားမြစ်ချုပ်ခြယ်သော သဘောတူညီချက်များ
၈။ တရားစွဲဆိုခြင်းကို တားမြစ်ချုပ်ခြယ်သော သဘောတူညီချက်များ
၉။ အဓိပ္ပာယ်တိကျ သေချာမှုမရှိသော သို့မဟုတ် တိကျသေချာအောင် မလုပ်နိုင်သော သဘောတူညီချက်များ
၁၀။ လောင်းကစားနည်းဖြင့် ပြုလုပ်သော သဘောတူညီချက်များ၁၁။ မရေရာသော အနာဂတ်ဖြစ်ရပ်တစ်ခုအပေါ်တည်သော သဘောတူညီချက်၊ ထိုဖြစ်ရပ် မဖြစ်နိုင်တော့သောအခြေအနေ ရောက်သောအခါ ပျက်ပြယ်ခြင်း
၁၂။ မဖြစ်နိုင်သော ပြုမူမှုတစ်ခု ပြုလုပ်ရန် သဘောတူညီချက်များ
၁၃။ နောင်အခါတွင် မဖြစ်နိုင်သော သို့မဟုတ် တရားဥပဒေနှင့်မညီသော အခြေသို့ ဆိုက်ရောက်လာသော ပြုမူမှုကို ပြုလုပ်ရန် သဘောတူညီချက်များ
၁၄။ တရားဥပဒေနှင့်ညီသော အလုပ်တစ်ခုကို ပထမပြုလုပ်ရန်နှင့် တရားဥပဒေနှင့်မညီသော အလုပ်ကို ဒုတိယပြုလုပ်ရန် အပြန်အလှန်ကတိများ ပြုရာတွင် ဒုတိယကတိမှာ ပျက်ပြယ်ခြင်း

အထက်ပါသတင်းအား ယခုတစ်ပတ်ထုတ် Weekly Eleven News Journal တွင် ထည့်သွင်းဖော်ပြရန် သက်ဆိုင်ရာ စာပေစိစစ်ရေးသို့ တင်ပြရာ ခွင့်မပြုဘဲ ဖြုတ်ပယ်ခြင်းခံခဲ့ရပါသည်။ ထို့ကြောင့် လက်ရှိတွေ့ကြုံရသော အခြေအနေအရ ပြည်တွင်းမီဒီယာများ၏ စာပေလွတ်လပ်ခွင့် အဆင့်အတန်းမှာ ကွန်မြူနစ် တစ်ပါတီစနစ်ဖြစ်သော တရုတ်နိုင်ငံ၏ စာပေလွတ်လပ်ခွင့်ကိုပင် မမီသေးသော အနေအထားပင် ဖြစ်ပါသည်။
Source: EMG

Read more »

Posted in: ၀၃။ မြန်မာ့ သတင်း

နိုင်ငံသားများ၏ မူလအခွင့်အရေးဆိုင်ရာ ရပိုင်ခွင့် ၃၆ ချက်ရှိပြီး ယင်းတို့ကို ချိုးဖောက်ခံရကြောင်း မြန်မာနိုင်ငံ အမျိုးသားလူ့အခွင့်အရေး ကော်မရှင်က သတင်းရရှိပါက စုံစမ်းစစ်ဆေးမည်

နိုင်ငံသားများ၏ မူလအခွင့်အရေးနှင့် တာဝန်များကို ဖွဲ့စည်းပုံ အခြေခံဥပဒေပုဒ်မ အခန်း(၈)တွင် ပြဋ္ဌာန်းထားပြီး နိုင်ငံသားများ၏ မူလအခွင့်အရေးဆိုင်ရာ ရပိုင်ခွင့် ၃၆ ချက်ကို ယင်းအခန်း၌ ပြဋ္ဌာန်းထားကြောင်း သိရသည်။

နိုင်ငံသားများ၏ မူလအခွင့်အရေး ချိုးဖောက်ခံရကြောင်း မြန်မာနိုင်ငံ အမျိုးသားလူ့အခွင့်အရေး ကော်မရှင်က သတင်းရရှိပါက စုံစမ်းစစ်ဆေးမည်ဖြစ်ကြောင်း ပြည်ထောင်စုအစိုးရအဖွဲ့ အမိန့်ကြော်ငြာစာအမှတ် (၃၄/၂၀၁၁) အရ သိရသည်။

မြန်မာနိုင်ငံအမျိုးသားလူ့အခွင့် အရေးကော်မရှင်အား ၂၀၁၁ ခုနှစ် စက်တင်ဘာလ ၅ ရက်နေ့တွင်   ဖွဲ့စည်းခဲ့ပြီး ဥက္ကဋ္ဌ ဦးဝင်းမြ (သံ အမတ်ကြီး-အငြိမ်းစား)၊ ဒုတိယ ဥက္ကဋ္ဌ ဦးကျော်တင့်ဆွေ (သံအမတ် ကြီး-အငြိမ်းစား)၊ အတွင်းရေးမှူး ဦးစစ်မြိုင် (ညွှန်ကြားရေးမှူးချုပ်-အငြိမ်းစား)နှင့် အဖွဲ့ဝင် ၁၂ ဦးပါဝင်ကြောင်း သိရသည်။

အမိန့်ကြော်ငြာစာအမှတ် ၃၄/၂၀၁၁ အပိုဒ် ၂ ပါ မြန်မာနိုင်ငံ အမျိုးသားလူ့အခွင့်အရေးကော်မရှင်၏ တာဝန်နှင့်လုပ်ပိုင်ခွင့်များအောက်တွင် နိုင်ငံသားများ၏ မူလအခွင့်အရေးကို ချိုးဖောက်ခံရကြောင်း သတင်းအချက်အလက် ရရှိပါက ယင်းအချက်အလက်များ မှန်ကန်ခြင်း ရှိ၊ မရှိစုံစမ်းစစ်ဆေးခြင်းနှင့် စစ်ဆေးတွေ့ရှိချက်များကို ဆက်လက် အရေးယူဆောင်ရွက်နိုင်ရန် သက်ဆိုင်ရာ အစိုးရဌာန၊ အစိုးရအဖွဲ့အစည်းသို့ လွှဲပြောင်းပေးခြင်းဟူသည့် အချက်ကို ထည့်သွင်းထားပါသည်။

ထို့ပြင် ဤအမိန့်ကြော်ငြာစာအရ ပေးအပ်ထားသော တာဝန်နှင့် လုပ်ပိုင်ခွင့်များကို သဘောရိုးဖြင့် ဆောင်ရွက်မှုများအတွက် မြန်မာနိုင်ငံ အမျိုးသားလူ့အခွင့်အရေးကော်မရှင်၊ ကော်မရှင်အဖွဲ့ဝင် သို့မဟုတ် ကော်မရှင်က တာဝန်ပေးအပ်ခြင်း ခံရသူများအား ပြစ်မှုကြောင်းအရ သော်လည်းကောင်း၊ တရားမကြောင်းအရသော်လည်းကောင်း တရားစွဲဆို ခြင်းမရှိစေရ ဟုလည်း အမိန့်ကြော်ငြာစာအမှတ် ၃၄/၂၀၁၁ တွင် ဖော်ပြထားပါသည်။

နိုင်ငံသားတိုင်းသည် နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး သို့မဟုတ် ပြည်သူတို့၏ ကိုယ်ကျင့်တရား အကျိုးငှာ ပြဋ္ဌာန်းထားသည့် ဥပဒေများနှင့်မဆန့်ကျင်လျှင် မိမိ၏ ယုံကြည်ချက် ထင်မြင်ယူဆချက်များကို လွတ်လပ်စွာ ထုတ်ဖော်ပြောဆိုခွင့်၊ ရေးသားဖြန့်ဝေခွင့်၊ လက်နက်မပါဘဲ ငြိမ်းချမ်းစွာစုဝေးခွင့်၊ စီတန်း လှည့်လည်ခွင့်တို့ကို လွတ်လပ်စွာ ဆောင်ရွက်ပိုင်ခွင့်ရှိကြောင်း . . .

ဖွဲ့စည်းပုံ အခြေခံဥပဒေတွင် နိုင်ငံသား၊ နိုင်ငံသားများ၏ မူလအခွင့်အရေးနှင့် တာဝန်များကို အခန်း(၈) ဖြင့်  ပြဋ္ဌာန်းထားပြီး ပုဒ်မ ၃၄၅ မှ  ၃၉၀ အထိဖြစ်ကြောင်း ပုဒ်မ ၃၄၅ မှ ၃၈၂ အထိ ပုဒ်မစုစုပေါင်း ၃၈ ခုတွင် နိုင်ငံသား၊ နိုင်ငံသားများ၏ မူလအခွင့်အရေးဆိုင်ရာ ပြဋ္ဌာန်းချက်များ ပြဋ္ဌာန်းထားကြောင်း ပုဒ်မ ၃၈၃ မှ ပုဒ်မ ၃၉၀ အထိ ပုဒ်မပေါင်း ရှစ်ခုတွင် နိုင်ငံသားများ၏တာဝန်များ ပြဋ္ဌာန်းထားကြောင်း ဖွဲ့စည်းပုံအခြေခံဥပဒေပါ ပြဋ္ဌာန်းချက်များအရ သိရသည်။
ပြည်ထောင်စုသမ္မတ မြန်မာနိုင်ငံတော်၏ တိုင်းရင်းသား မိဘနှစ်ပါးမှ မွေးဖွားသူများ၊ ဤဖွဲ့စည်းပုံ အခြေခံဥပဒေ အတည်ပြုပြဋ္ဌာန်းသည့်နေ့တွင် ဥပဒေအရ နိုင်ငံသား ဖြစ်ပြီးသူများသည် ပြည်ထောင်စု သမ္မတမြန်မာနိုင်ငံတော်၏ နိုင်ငံသား များဖြစ်သည်ဟု ဖွဲ့စည်းပုံအခြေခံ ဥပဒေပုဒ်မ ၃၄၅ တွင်ဆိုထားပါသည်။

နိုင်ငံတော်သည် မည်သူ့ကို  မဆို ဥပဒေအရာတွင် တန်းတူညီမျှ အခွင့်အရေးရရှိစေရမည်ဖြစ်ကြောင်း၊ ထို့ပြင် ဥပဒေ၏အကာအကွယ်ကိုလည်း တန်းတူညီမျှစွာ ရယူပိုင်ခွင့်ပေးရမည်ဖြစ်ကြောင်း၊ နိုင်ငံတော်သည် ပြည်ထောင်စုသမ္မတ မြန်မာ နိုင်ငံတော်၏ မည်သည့်နိုင်ငံသား ကိုမျှ လူမျိုး၊ ဇာတိ၊ ကိုးကွယ်ရာ ဘာသာ၊ ရာထူးဌာနန္တရ၊ အဆင့်အတန်း၊ ယဉ်ကျေးမှု၊ အမျိုးသား၊ အမျိုးသမီး၊ ဆင်းရဲချမ်းသာတို့ကို အကြောင်းပြု၍ ခွဲခြားမှုမရှိစေရကြောင်း နိုင်ငံသားများ၏ မူလအခွင့် အရေးဆိုင်ရာ ပြဋ္ဌာန်းချက်များထဲတွင် ထည့်သွင်းပြဋ္ဌာန်းထားပါသည်။
နိုင်ငံသားများသည် ပြည်သူ့ဝန်ထမ်း တာဝန်ထမ်းဆောင်မှု၊ အလုပ်လုပ်ကိုင်မှု၊ ကုန်သွယ်ရောင်း ၀ယ်ဖောက်ကားမှု၊ စီးပွားရေးလုပ်ငန်း လုပ်ကိုင်မှု၊ အတတ်ပညာနှင့် အသက်မွေးဝမ်းကျောင်းမှု၊ ၀ိဇ္ဇာ ပညာ၊  သိပ္ပံပညာနှင့် နည်းပညာရပ်များ ရှာ ဖွေဖော်ထုတ်မှုလုပ်ငန်းများ လုပ်ကိုင်ဆောင်ရွက်ရာတွင် တူညီသော အခွင့်အလမ်း ရရှိစေရမည်ဖြစ်ကြောင်း နိုင်ငံသားများ၏ မူလ အခွင့်အရေးဆိုင်ရာ ပြဋ္ဌာန်းချက်များထဲတွင် ပါဝင်နေပါသည်။

ထို့ပြင်မည်သူ့ကိုမျှ တည်ဆဲဥပဒေနှင့်အညီမှတစ်ပါး အသက်ကိုဖြစ်စေ၊ ပုဂ္ဂိုလ်ဆိုင်ရာ လွတ်လပ်မှုကိုဖြစ်စေ နစ်နာဆုံးရှုံးမှုမရှိစေရဆိုသည့် အချက်သည်လည်း နိုင်ငံသားများ၏ အခွင့်အရေးများထဲမှ တစ်ခုဖြစ်ပါသည်။နိုင်ငံသားတိုင်းသည် နိုင်ငံတော် လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး သို့မဟုတ် ပြည်သူတို့၏ ကိုယ်ကျင့်တရားအကျိုးငှာ ပြဋ္ဌာန်းထားသည့် ဥပဒေများနှင့် မဆန့်ကျင်လျှင် မိမိ၏ယုံကြည်ချက်၊ ထင်မြင်ယူဆချက်များကို လွတ်လပ်စွာ ထုတ်ဖော်ပြောဆိုခွင့်၊ ရေး သားဖြန့်ဝေခွင့်၊ လက်နက်မပါဘဲ ငြိမ်းချမ်းစွာစုဝေးခွင့်၊ စီတန်းလှည့် လည်ခွင့်တို့ကို လွတ်လပ်စွာ ဆောင်ရွက်ပိုင်ခွင့်ရှိကြောင်း သိရသည်။
ထို့အတူ နိုင်ငံသားတိုင်းသည် နိုင်ငံတော်လုံခြုံရေး၊ တရားဥပဒေ စိုးမိုးရေး၊ ရပ်ရွာအေးချမ်းသာယာ ရေး သို့မဟုတ် ပြည်သူတို့၏ ကိုယ်ကျင့်တရားအကျိုးငှာ ပြဋ္ဌာန်းထားသည့် ဥပဒေများနှင့်မဆန့်ကျင်လျှင် အသင်းအဖွဲ့ သို့မဟုတ် အစည်းအရုံး များ ဖွဲ့စည်းဆောင်ရွက်ခွင့်၊ တိုင်းရင်းသားလူမျိုး တစ်မျိုးနှင့် တစ်မျိုး သို့မဟုတ် တိုင်းရင်းသားလူမျိုး အချင်းချင်းကိုလည်းကောင်း၊ အခြား ဘာသာသာသနာကိုလည်းကောင်း ထိခိုက်နစ်နာမှုမရှိစေဘဲ  မိမိချစ်ခင်မြတ်နိုးသည့် စကား၊ စာပေ၊ ယဉ် ကျေးမှု၊ ကိုးကွယ်သည့် ဘာသာသာသနာနှင့် ဓလေ့ထုံးတမ်းများကို လွတ်လပ်စွာ ဆောင်ရွက်ပိုင်ခွင့်တို့လည်း ရှိပါသည်။

နိုင်ငံတော် လုံခြုံရေး၊ တရား ဥပဒေစိုးမိုးရေး၊ အများပြည်သူအေး ချမ်းသာယာရေးနှင့် အများပြည်သူ အကျိုးငှာဥပဒေနှင့်အညီ ကြိုတင်ကာကွယ်ထားရှိရန် လိုအပ်သော ကိစ္စ သို့မဟုတ် တည်ဆဲဥပဒေ တစ်ရပ်ရပ်အရ ခွင့်ပြုသည့်ကိစ္စမှ တစ်ပါး စီရင်ပိုင်ခွင့်ရှိသော တရား သူကြီး၏ချုပ်မိန့်မရရှိဘဲ မည်သူ့ကိုမျှ ၂၄ နာရီထက်ပို၍ ချုပ်နှောင်ခြင်း မပြုရဟု နိုင်ငံသားများ၏အခွင့်အရေးများထဲတွင် ထည့်သွင်းထားသည်။

Source: Eleven Media Group

Read more »

Posted in: ၀၃။ မြန်မာ့ သတင်း

ဂရင်းကတ် ကံစမ်းမဲ D.V Lottery စတင် လျှောက်ထားနိုင်ပြီ

ဂရင်းကတ် သို့မဟုတ် အမေရိကန်တွင် အမြဲတမ်းနေထိုင်ခွင့်ရှိသူတို့ကို ထုတ်ပေးသည့် ကတ်ပြား

အမေရိကန်ပြည်ထောင်စုရဲ့ ၂၀၁၃ ခုနှစ် ဘဏ္ဍာရေးနှစ်မှာ အမြဲတမ်း အခြေချနေထိုင်ခွင့် ရရှိမယ့်သူပေါင်း ၅ သောင်းကို ကမ္ဘာ့နိုင်ငံစုံကနေ ကံစမ်းမဲဖောက် ရွေးချယ်တဲ့ ၂၀၁၃ Diversity Visa အစီအစဉ် အချိန်ကျရောက်လာပြန်ပါပြီ။
ပြီးခဲ့တဲ့ စက်တင်ဘာ (၂၈) ရက်နေ့က အမေရိကန် နိုင်ငံခြားရေးဝန်ကြီးဌာနရဲ့ ဗီဇာနဲ့ ကောင်စစ်ရေးရာ ဒုတိယလက်ထောက် နိုင်ငံခြားရေးဝန်ကြီး ဒေးဗစ် ဒါနာဟယူး (David Donahue) ကိုယ်တိုင် နိုင်ငံခြားသတင်းထောက်တွေကို ဖိတ် ကြားပြီး ၂၀၁၃ Diversity Visa ကံစမ်းမဲဖောက်မယ့် အစီအစဉ်ကို ရှင်းလင်းပြောကြားခဲ့ပါတယ်။ ဒီ အစီအစဉ်အကြောင်းနဲ့ အရေးကြီးတဲ့ အချက်အလက် တွေကို Ko Ronnie Nyein က ဆက်ပြီး တင်ပြပေးပါလိမ့်မယ်။

၂၀၁၃ ခုနှစ် အမေရိကန် ဘဏ္ဍာရေးနှစ်ရဲ့ ပထမနှစ်ဝက် စက်တင်ဘာ (၃၀) ရက်နေ့ နောက်ဆုံးထားပြီး အမေရိကန်ပြည်ထောင်စုကို ၀င်ရောက်ရမယ့် ဒီ ၂၀၁၃ Diversity Visa ကံစမ်းမဲဖောက်ပွဲကို ပြီးခဲ့တဲ့ အောက်တိုဘာ ၄ ရက်နေ့က စတင်ခဲ့တာပါ။ ဒီ ကံစမ်းမဲဖောက်ပွဲ ပိတ်ချိန်က ရှေ့လ နိုဝင်ဘာလ (၅) ရက် စနေနေ့၊ အမေရိကန် အရှေ့ဘက် ကမ်းရိုးတန်း စံတော်ချိန် နေ့လည် (၁၂) နာရီ၊ မြန်မာနိုင်ငံမှာတော့ နိုဝင်ဘာ လ (၅) ရက် စနေနေ့ည (၁၀) နာရီခွဲအချိန် ဖြစ်ပါတယ်။
ဒီတခေါက် Diversity Visa အစီအစဉ်အတွက် အရေးကြီးတဲ့အချက်တွေကို မတင်ပြခင်မှာ စက်တင်ဘာ
၂၈ ရက်နေ့က အမေရိကန် နိုင်ငံခြားရေးဝန်ကြီးဌာန ဗီဇာနဲ့ ကောင်စစ်ရေးရာ ဒုတိယ လက်ထောက် နိုင်ငံခြားရေးဝန်ကြီး ဒေးဗစ် ဒါနာဟယူး (David Donahue) ရဲ့ သတင်းစာ ရှင်းလင်းပွဲက တချက်ကို တင်ပြချင်ပါတယ်။
ဒေးဗစ် ဒါနာဟယူး။ ။ ၂၀၁၃ Diversity Visa Program ခေါ်တဲ့၊ ရှေ့လာမယ့် (၂)နှစ်၊ ၂၀၁၃ ခုနှစ်ရဲ့ ဘဏ္ဍာရေးနှစ်မှာ အမေရိကန်ပြည်ထောင်မှာ အမြဲ တမ်း အခြေချ နေထိုင်ခွင့်ရရှိမယ့်သူပေါင်း ၅ သောင်းကို ကမ္ဘာ့နိုင်ငံစုံက ကံစမ်းမဲဖောက် ရွေးချယ်ပွဲ အချိန်ရောက်လာပြန်ပါပြီ။ ဒီနှစ်ရဲ့ အပြောင်းအလဲက တော့ ဒီနှစ်မှာ ပါဝင်ခွင့်မရှိတဲ့နိုင်ငံအဖြစ် အသစ်တိုးလာကတော့ ဘင်္ဂလားဒေ့ရ်ှနိုင်ငံရဲ့ နိုင်ငံသားတွေပါ။ ကျနော်တို့ရဲ့ လူဝင်မှုကြီးကြပ်ရေးဥပဒေအရ အခု အမေရိကန်ပြည်ထောင်စုမှာ အမြဲတမ်း အခြေချနေထိုင်ခွင့် ရရှိထားတဲ့ ဘင်္ဂလားဒေ့ရှ် နိုင်ငံသားဦးရေ ၅ သောင်း ကျော်သွားခဲ့လို့ပါ။
(မှတ်ချက်။ ။ အမေရိကန်ပြည်ထောင်စုတွင် လက်ရှိ အမြဲတမ်းအခြေချနေထိုင်ခွင့်ရရှိသူ ၅ သောင်းကျော် ရှိနေသောကြောင့် ၂၀၁၃ Diversity Visa ကံစမ်းမဲဖေါက် ရွေးချယ်ပွဲအတွက် ပါဝင်ခွင့်မရှိသော နိုင်ငံများမှာ (အင်္ဂလိပ်အက္ခရာစဉ်အတိုင်း) ဘင်္ဂလားဒေ့ရှ်၊ ဘရာဇီး၊ ကနေဒါ၊ ကိုလံဘီယာ၊ တရုတ် (ပြည်မကြီး)၊ ဒိုမီနီကန်၊ အီကွေဒေါ၊ အယ်လ်ဆာဗေဒို၊ ဂွါတီမာလာ၊ ဟေတီ၊ အိန္ဒိယ၊ ဂျမေကာ၊ မက္ကဆီကို၊ ပါကစ္စတန်၊ ပီရူး၊ ဖိလစ်ပိုင်၊ တောင်ကိုးရီးယား၊ ဗြိ တိန် (မြောက်အိုင်ယာလန် မပါ)၊ ကမ္ဘာတလွှား ဗြိတိသျှလက်အောက်ခံနယ်မြေများ၊ ဗီယက်နမ်တို့ ဖြစ်ကြသည်။)
ယခင်နှစ်က Diversity Visa ကံစမ်းမဲဖောက် ရွေးချယ်ပွဲတွင် ပါဝင်ခွင့် မရခဲ့သော ပိုလန်နိုင်ငံသားများ၊ ၂၀၁၃ Diversity Visa ကံစမ်းမဲဖေါက် ရွေးချယ်ပွဲတွင် ပြန်လည်ပါဝင်ခွင့်ရပြီ။ အမေရိကန်ပြည်ထောင်စုမှာ အမြဲတမ်း အခြေချ နေထိုင်ခွင့်ရရှိခဲ့သော ပိုလန်နိုင်ငံသားများစွာ ယခုအခါ အမေရိကန်နိုင်ငံသားများ ဖြစ်လာကြသဖြင့် အမြဲတမ်း အခြေချနေထိုင်ခွင့် ရရှိထားသူ ပိုလန်နိုင်ငံသားဦးရေ ၅ သောင်းအောက်ကို ပြန်ရောက်သွားခြင်းကြောင့် ဖြစ်သည်။ ယခုနှစ်ထဲ ကမ္ဘာပေါ်တွင် အသစ်ပေါ်လာသော တောင်ဆူဒန်နိုင်ငံ၏ နိုင်ငံသားများလည်း ၂၀၁၃ Diversity Visa အစီအစဉ်တွင် ပါဝင် ကံစမ်းခွင့်ရှိသည်။)
အမေရိကန်ပြည်ထောင်စုမှာ အမြဲတမ်း အခြေချနေထိုင်ခွင့် (immigrant visa) တနည်းအားဖြင့် ဒီ ဗီဇာကို အစိမ်းရောင်ကဒ်ပြားလေးနဲ့ ထုတ်ပေးတာကြောင့် Green Card လို့ ခေါ်ကြတဲ့ ဒီ ဗီဇာကို မြန်မာနိုင်ငံသားတွေထဲက ရရှိထားသူအရေအတွက် ၅ သောင်းအောက်မှာပဲ ရှိသေးတာကြောင့် မြန်မာနိုင်ငံသားတွေလည်း ၂၀၁၃ Diversity Visa ကံစမ်းမဲဖေါက်ပွဲမှာ ပါဝင်ဆင်နွှဲလို့ ရပါတယ်။
ဒီ ဗီဇာ မဲဖေါက်ပေးတဲ့ အဓိကရည်ရွယ်ချက်က အမေရိကန်ပြည်ထောင်စုထဲမှာ လာရောက် အလုပ် လုပ်ကိုင်နိုင်တဲ့ အခြေခံပညာအရည်အချင်းရှိသူ၊ လုပ်ငန်း တခုခုကို ကျွမ်းကျင်သူ၊ အဲဒီလိုသူတွေကို နှစ်စဉ် ခေါ်ယူခြင်းပါ။ ပထမဆုံးအရေးကြီးတဲ့အချက်က သတ်မှတ်ထားတဲ့ ပညာ အရည်အချင်းပါ။ အနည်းဆုံး နိုင်ငံတနိုင်ငံရဲ့ အထက်တန်းကျောင်း အောင်မြင်ထားတဲ့ လက်မှတ်ရှိရပါမယ်။ (သို့မဟုတ်) မူလတန်းနဲ့ အလယ်တန်းပညာ စုစုပေါင်း (၁၂) နှစ် သင်ကြားထားတဲ့ သက်ဆိုင်ရာအစိုးရ အသိအမှတ်ပြု လက်မှတ် (သို့ဟုတ်) ထောက်ခံစာ ရှိရပါမယ်။
အဲဒီ ပညာအရည်အချင်းမျိုး မရှိရင် လုပ်ငန်းကျွမ်းကျင်မှု သတ်မှတ်ချက် ရှိရပါမယ်။ အလုပ်အကိုင် ကျွမ်းကျင်မှုသတ်မှတ်ချက်ကတော့ အမေရိကန် ပြည်ထောင်စု အလုပ်သမားဝန်ကြီးဌာနက သတ်မှတ်ထားတဲ့ အလုပ်အကိုင် အမျိုးအစားတွေထဲက တမျိုးမျိုးကို လွန်ခဲ့တဲ့ (၅) နှစ်အတွင်းမှာ (၂) နှစ် လုပ်ကိုင်ဖူးကြောင်း၊အဲဒီလုပ်ငန်းရဲ့ ထောက်ခံစာ ရှိရပါမယ်။ မဲပေါက်ပြီးခါမှ သတ်မှတ်ထားတဲ့ ပညာ အရည်အချင်း (သို့မဟုတ်) လုပ်ငန်းကျွမ်းကျင်မှု တမျိုးမျိုးမရှိရင် ပေါက်ထားတဲ့ဗီဇာ အပယ်ခံရမှာပါ။ သတ်မှတ်ထားတဲ့ အလုပ်အကိုင် အမျိုးအစားတွေကို အမေရိကန်ပြည်ထောင်စု အလုပ်သမား ၀န်ကြီးဌာနရဲ့ internet website ထဲက၊ O*Net OnLine database မှာ သွားရောက် ကြည့်ရှုလို့ ရပါတယ်။
နောက်ထပ်အရေးကြီးတဲ့ ကိစ္စက လျှောက်လွှာနဲ့တွဲတင်ရမယ့် ဓာတ်ပုံ အကြောင်းပါ။ အင်တာနက်ပေါ်က ပေးပို့ရမှာ ဖြစ်တာကြောင့် ဓါတ်ပုံရဲ့ အရွယ်အစား ကို digital စနစ်ရဲ့ pixel အတိုင်းအထွာနဲ့ ပေးပို့ရမှာပါ။ ဓာတ်ပုံရဲ့ အလျား pixle 600 x အနံ pixle 600 ဖြစ်ရပါမယ်။ ဓာတ်ပုံကို scanner နဲ့ ကူးရင်တော့ scanner ရဲ့ resolution က၊ အနည်းဆုံး 300 dpi (dots per inch) ဖြစ်ရပါမယ်။ ဓာတ်ပုံရဲ့ file format က၊ JPEG (Joint Photographic Experts Group) ဖြစ်ပါတယ်။ ဓာတ်ပုံရဲ့ file size က240 kilobytes (240 KB) ရှိရပါမယ်။
နောက်ထပ် အရေးကြီးတာက နောက်ခံ အရောင်ဖျော့ရပါမယ်။ နောက်ခံ အဖြူ ဆိုရင် အကောင်းဆုံးပါ။ မျက်နှာကို ဘာနဲ့မှ ကွယ်မထားရပါဘူး။ မျက်နှာစောင်းမနေဘဲ ရှေ့တည့်တည့်ကြည့်နေရပါမယ်။
ဦးထုပ် (သို့မဟုတ်) ခေါင်းပေါ်မှာ တခုခု ဆောင်းထားတာ မရှိရပါဘူး။ ဓာတ်ပုံထဲမှာ ဦးခေါင်းပိုင်းနဲ့ ပခုံးပိုင်းဟာ ဓာတ်ပုံတခုလုံးရဲ့ ၅၀%ကနေ ၆၉% ကြားမှာ ရှိရပါမယ်။ ဓာတ်ပုံကို သတ်မှတ်ချက်အတိုင်း လုပ်ဆောင်ပြီးပြီဆိုရင်တော့ https//www.dvlottery.state.gov/applications.aspx မှာ သွားပြီး လျှောက်လွှာ ဖြည့်ရုံပါပဲ။ လျှောက်လွှာမှာ ဓာတ်ပုံကို ချိတ်ဆက် (attach လုပ်) လိုက်ပြီး လျှောက်လွှာဖိုင်ကို အချက်အလက်တွေ အထပ်ထပ် ပြန်စစ်ပြီးရင် အောက်ဆုံးက submit ဆိုတာကို click လိုက်ပြီး၊ ပို့ရုံပါပဲ။ ဒါက တဦးချင်း လျှောက်လွှာတင်တာပါ။ မိသားစုနဲ့ တင်မယ် ဆိုရင်တော့ မိမိရဲ့ အိမ်ထောင်ဘက်နဲ့ အတူ လာမယ့် နိုဝင်ဘာ (၅) ရက် နေ့မှာ အသက် (၂၁) နှစ် မပြည့်သေးတဲ့ မိမိရဲ့ သား သမီးများနဲ့ သားသမီးများရဲ့ အိမ်ထောင်ဘက်များကိုပါ လျှောက်လွှာတွဲတင်လို့ ရပါတယ်။ သူတို့တွေရဲ့ ဓာတ်ပုံတွေ ကိုလည်း သတ်မှတ်ချက်အတိုင်း ချိတ်ဆက် (attach လုပ်)လိုက်ပြီး အောက်ဆုံးက submit ဆိုတာကို click လိုက်ပြီး လျှောက်လွှာပို့ရုံပါပဲ။ ပို့ပြီးရင် ပေါ်လာတဲ့ လျှောက်လွှာလက်ခံရရှိမှု အတည်ပြုချက်ပေးတဲ့ စာမျက်နှာ confirmation page ကို၊ print ထုတ်ပြီး သိမ်းထားထို့ပါပဲ။
ခုနောက်ဆုံး ၂၀၁၃ Diversity Visa ကံစမ်းမဲဖောက်ပွဲမှာ လျှောက်လွှာတင်တာကို အမေရိကန်အစိုးရကို တစ်ပြားမှ မပေးရပေမယ့် မဲပေါက်သွားရင် ငွေရေး ကြေးရေးဆိုင်ရာ ဘယ်လိုရှိတယ် ဆိုတာကို ပြီးခဲ့တဲ့ စက်တင်ဘာ (၂၈) ရက်နေ့က အမေရိကန်နိုင်ငံခြားရေး ၀န်ကြီးဌာနဗီဇာနဲ့ ကောင်စစ်ရေးရာ ဒုတိယ လက်ထောက် နိုင်ငံခြားရေးဝန်ကြီး ဒေးဗစ် ဒါနာဟယူး (David Donahue) ရဲ့ သတင်းစာ ရှင်းလင်းပွဲက ပြောကြားချက်နဲ့ နိဂုံးချုပ်ပါရစေ။
ဒေးဗစ် ဒါနာဟယူး။ ။ ၂၀၁၃ Diversity Visa Program ကံစမ်းမဲဖောက် ရွေးချယ်ပွဲဟာလည်း ခါတိုင်းနှစ်တွေလိုပဲ အခမဲ့ ဖြစ်ပြီးတော့ အမေရိကန်အစိုးရ ကို တရားဝင်ငွေကြေး တပြားမှ ပေးစရာမလိုပါဘူး။ ဒါပေမဲ့ ၂၀၁၃ Diversity Visa Program ကံစမ်းမဲဖောက် ရွေးချယ်ပွဲမှာ မဲပေါက်သူ တဦးချင်းကတော့ သက်ဆိုင်ရာ နိုင်ငံတွေက အမေရိကန်သံရုံးတွေ၊ ကောင်စစ်ဝန်ရုံးတွေမှာ ခါတိုင်းနှစ်တွေလိုပဲ ဗီဇာကြေးတွေ ပေးသွင်းရပါမယ်။ immigrant visa အခြေချ နေထိုင်ခွင့်ဗီဇာကြေး အမေရိကန်(၃၀၅) ဒေါ်လာ၊ Diversity Visa လုပ်ငန်းစဉ်ဆောင်ရွက်ခကြေး ဒေါ်လာ (၄၄၀) နဲ့ လူဝင်မှုကြီးကြပ်ရေးဆိုင်ရာ လုံခြုံမှု ဆောင်ရွက်ခကြေး (၇၄) ဒေါ်လာ၊ စုစုပေါင်း (၈၁၉) ဒေါ်လာစီ မဲပေါက်သူ တဦးချင်းက ပေးသွင်းကြရပါမယ်။
၂၀၁၃ Diversity Visa Program ကံစမ်းမဲဖောက် ရွေးချယ်ပွဲအတွက် သိသင့်သိထိုက်တဲ့ အရေးကြီးတဲ့ အချက်တွေကတော့ ဒါလောက်ပါပဲ ခင်ဗျာ။
Source: မိုးမခ

Read more »

Posted in: ၀၂။ နိုင်ငံတကာသတင်း

စင်္ကာပူရောက် မြန်မာ ၄၂ ဦး၏ ပတ်စ်ပို့ နှင့် ငွေများ အလိမ်ခံရ

စင်္ကာပူအခြေစိုက် Shwe Thandar ကုမဏီပိုင်ရှင် ကိုစံဦးက မြန်မာ ၄၂ ဦး၏ ပတ်စ်ပို့ နှင့် စင်င်္ကာပူဒေါ်လာ တသိန်းနီးပါး ယူပြီး ထွက်ပြေးသွားကြောင်း၊ နောက်ပိုင်းတွင် ပတ်စ်ပို့ များ ပြန်လည် ပေါ်ပေါက်လာသော်လည်း ကိုစံဦး ပျောက်ဆုံးနေဆဲဖြစ်ကြောင်း သိရသည်။

 
Source: မိုးမခ

Read more »

Posted in: ၀၁။ အလုပ်သမားများ သတင်း

MSF လုပ်ငန်းစဉ် ရပ်ဆိုင်းမှုကြောင့် ကုသခံဆဲလူနာများ အခက်အခဲဖြစ်နေ

နယ်စည်းမခြားဆရာဝန်များအဖွဲ့-MSF (Medecins Sans Frontieres) က ထိုင်းနိုင်ငံ စံခလပူရီခရိုင်ရှိ ဘုရားသုံးဆူဒေသ၌ ၎င်းတို့၏ ကျန်းမာရေးစောင့်ရှောက်မှု လုပ်ငန်းများကို စက်တင်ဘာလကုန်မှစ၍ ရပ်ဆိုင်းလိုက်သဖြင့် ဆေးကုသမှု ခံယူနေဆဲ လူနာများမှာ အခက်အခဲ ဖြစ်နေရသည်။

ထိုအခြေအနေကို အဆုတ်တီဘီပိုး ကူးစက်ခံသူများအား အိမ်တိုင်ရာရောက် သွားရောက်ကြည့်ရှုပေးနေသည့် ကရင်လူ့အခွင့် အရေးအဖွဲ့ (Karen Human Rights Group-KHRG) မှ ကျန်းမာရေးတာဝန်ခံ ဆရာစောဟားရေမူးက ယခုလို ပြောသည်။
“အခုဆိုရင် ကလေးမွေးဖို့ကအစ ခက်ခဲနေတာပါ။ မြန်မာပြည်ထဲမှာပဲ ဖြစ်သလို မွေးနေကြရတယ်။ ငှက်ဖျားသမားတွေလည်း အိမ်မှာ ဒုက္ခရောက်နေကြပါတယ်။ အိတ်ခ်ျအိုင်ဗီပိုး ကူးစက်ခံထားရတဲ့သူတွေဆို ပိုဆိုးပါတယ်။ တစ်သက်လုံးအတွက် နေ့ တိုင်းသောက်ရမယ့် ARV ဆေး ပြတ်သွားရတယ်။”ဟု ၎င်းက ကေအိုင်စီသို့ ပြောသည်။

ဘုရားသုံးဆူဒေသရှိ ဆေးရုံတွင် ဆေးဝါးမလုံလောက်သလို ကုသစရိတ်ပါ ပေးရသည့်အတွက် ရွှေ့ပြောင်းအလုပ်သမား အများစုမှာ MSF ထံသို့သာ လာရောက်ကုသနေခဲ့ကြကြောင်းလည်း MSF အဖွဲ့နှင့် ၂နှစ်နီးပါးခန့် ငှက်ဖျားတိုက်ဖျက်ရေးလုပ် ငန်း လက်တွဲလုပ်ဆောင်နေသော မွန်ပြည်သစ်ပါတီ အတွင်းရေးမှူး ဦးနိုင်ဟံသာက ပြောသည်။
သူက “သူတို့တွေ အားကိုးရာမဲ့သွားတာပေါ့။ MSF ပြန်လာရင်ဖြစ်ဖြစ်၊ တခြား NGO တစ်ခုခု ပြန်လာရင် ကောင်းမှာပါ။ ဘယ် သူပဲလာလာ ကျနော်တို့က ကူညီလုပ်ပေးသွားမှာပါ။”ဟု ဆိုသည်။
MSF အဖွဲ့သည် ထိုင်း-မြန်မာနယ်စပ်တစ်လျှောက်တွင် တီဘီ၊ ငှက်ဖျား၊ အိတ်ခ်ျအိုင်ဗွီ/အေအိုင်ဒီအက်စ် ဝေဒနာရှင်များနှင့် သားဖွားလုပ်ငန်းကို အဓိကထား လုပ်ဆောင်ပေးခဲ့ပြီး ငွေကြေးဆိုင်ရာနှင့် ၀န်ထမ်းပိုင်းဆိုင်ရာ အခက်အခဲများကြောင့် အရေး ပေါ် အကူအညီလိုအပ်နေသည့် အခြားနိုင်ငံများသို့ သွားရောက်လုပ်ဆောင်သွားမည်ဟု သိရသည်။
HIV ပိုးကူးစက်ခံနေရပြီး MSF ထံမှ ARV ဆေးသောက်ကာ HIV ပိုးကူးစက်ခံနေရသူ လူနာတစ်ဦးကလည်း “ဆေးပြတ်သွား လို့ လောလောဆယ် ဘာမှမဖြစ်သေးပေမဲ့ အရှည်တွေးကြည့်ရင်တော့ ရင်လေးတယ်။ စိတ်ဓာတ်ကျတယ်။”ဟု ပြောသည်။
၂၀၁၀ခုနှစ် MSF ၏ အစီရင်ခံစာထဲတွင် တနှစ်လျှင် လူနာဦးရေ ၃,၀၀၀နီးပါး ကုသပေးနိုင်ခဲ့သည်ဟု ဖော်ပြထားသည်။ လက် ရှိအချိန်တွင် ဘုရားသုံးဆူရှိ အဆုတ်ရောဂါ(တီဘီ)ပိုး ကူးစက်ခံနေရသူ လူနာများကို KHRG မှ ဆက်လက်၍ တာဝန်ယူ ကုသ ပေးနေရသည်။
“တီဘီသမားတွေအတွက်တော့ ကျနော်တို့ ဆက်ပြီးကြည့်နိုင်ပါတယ်။ အရင်က ဆေးမှတ်တမ်းယူလာရင် ဒါကိုကြည့်ပြီး ဆက် ကုပေးလို့ရပါတယ်။ ဒါပေမယ့် HIV သမားတွေအတွက်တော့ ကျနော်တို့ မတတ်နိုင်ဘူး။”ဟု ဆရာဟားရေမူးက ဆိုသည်။
၁၉၇၆ခုနှစ်က ထိုင်းနိုင်ငံ၊ ဘုရားသုံးဆူဒေသသို့ ရောက်ရှိလာသည့် MSF အဖွဲ့မှာ ဘယ်လ်ဂျီယံ အခြေစိုက်ဖြစ်ပြီး ၁၉၉၉ ခုနှစ် တွင် နိုဗယ်လ်ငြိမ်းချမ်းရေးဆုကို ရရှိခဲ့သည်။ အဆိုပါအဖွဲ့သည် ၁၉၇၁ခုနှစ်တွင် ဆရာဝန်များ၊ စာနယ်ဇင်းသမားများနှင့် စတင် ဖွဲ့စည်းကာ ဘယ်လ်ဂျီယံ၊ ပြင်သစ်၊ ဟော်လန်နိုင်ငံများတွင် အခြေစိုက်လျှက်ရှိသည်။
Source: KIC

Read more »

Posted in: ၀၄။ ထိုင်းသတင်း

Myanmar in 2010, the best photos

Read more »

Posted in: ၀၆။ ရုပ်/သံ

ပြည်နယ်အစိုးရနှင့် မွန်ပြည်သစ်ပါတီ ငြိမ်းချမ်းရေး ဆွေးနွေး

ချင်းမိုင် (မဇ္ဈိမ) ။       ။ မြန်မာနိုင်ငံတောင်ပိုင်း မွန်ပြည်နယ် ရေးချောင်းဖျား ဒေသတွင် အခြေစိုက်သည့် အင်အား သုံးထောင်ရှိ မွန်ပြည်သစ်ပါတီ (NMSP) က ကြာသပတေးနေ့တွင် ပြည်နယ် အစိုးရနှင့် ရေးမြို့ အခြေစိုက် အစိုးရ စစ်တပ်ဝင်းတွင် ငြိမ်းချမ်းရေးအတွက် ပဏာမဆွေးနွေးခဲ့ကြောင်း မွန်အဖွဲ့၏ နိုင်ငံခြား ဆက်ဆံရေး တာဝန်ခံနိုင်ဟံသာပိန်ခိုင်းက ပြောသည်။

မွန်ပြည်နယ် အစိုးရဘက်တွင် လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး ဌေးမြင့်အောင် ဦးဆောင်၍ အရှေ့တောင်တိုင်း စစ်ဌာနချုပ်မှ ဗိုလ်မှူးကြီး ထွန်းထွန်းညီ၊ ပြည်နယ် စည်ပင်သာယာရေး အရာရှိ ကိုယ်စားလှယ်များ ပါဝင်ပြီး NMSP ဘက်မှ ဗဟိုအလုပ်အမှုဆောင် နိုင်တလညီ ဦးဆောင်ကာ ဗဟိုကော်မီတီဝင် နိုင်ဗညားလယ်၊ ဒုဗိုလ်မှူးကြီး ဟံသာတို့ ခြေလျင်တပ်ရင်း ၆၁ ဆွေးနွေးကြခြင်ဟု ဆိုသည်။

တနာရီခန့်ကြာ ဆွေးနွေးပွဲတွင် NMSP ဘက်မှ ယင်းတို့၏ ယခင်ရပ်တည်ခဲ့သည့် မူအတိုင်း ဆွေးနွေးတင်ပြခဲ့
သည်ဟု NMSP အထွေထွေ အတွင်းရေးမှူး နိုင်ဟံသာက ပြောသည်။

“ကျနော်တို့ဘက်က တပြည်လုံး အတိုင်းအတာဆောင်တဲ့ အပစ်အခတ် ရပ်စဲရေး ကြေညာဖို့နဲ့ နိုင်ငံရေး ပြဿနာကို UNFC (ညီညွတ်သော တိုင်းရင်းသားလူမျိုးများ ဖက်ဒရယ်ကော်မတီ) နဲ့ ဆွေးနွေးဖို့ တင်ပြတယ်။ ကျနော် ပါတီအနေနဲ့ သီခြားတောင်းဆိုတာ ဘာမှမလုပ်ပါဘူး။ သူတို့ဘက်ကလည်း ကျနော်တို့ တင်ပြတာကို အထက်ကို
ပြန်တင်ပြမယ်လို့ ပြောတယ်” ဟု နိုင်ဟံသာက မဇ္ဈိမကို ပြောသည်။

ယခုဆွေးနွေးမှုသည် အပစ်အခတ်ရပ်စဲရေး ပျက်ပြယ်ပြီးသည့်နောက် ပထမဆုံးအကြိမ် ဆွေးနွေးခြင်းဖြစ်သည်။

NMSP သည် ၁၉၉၄ ခုနှစ်မှစပြီး ယခင် နဝတအစိုးရနှင့် အရှေ့တောင်တိုင်း စစ်ဌာနချုပ်တွင် လေးကြိမ်တိုင်
ဆွေးနွေး ခဲ့ပြီးနောက် ၁၉၉၅ နှစ်လယ်ခန့်တွင် အပစ်အခတ် ရပ်စဲရေး သဘောတူချက် ရရှိခဲ့ကာ နယ်ခြားစောင့် တပ်နှင့် ပြည်သူ့စစ် အသွင်ပြောင်းရန် ဗဟိုအစိုးရက ကြိုးစားရာက ၁၅ နှစ်ကျော် ရယူထားသည့် အပစ်အခတ်ရပ်စဲရေး သဘောတူချက် ပျက်ပြယ်ခဲ့သည်။

NMSP နှင့် ဆွေးနွေးရန်အတွက် မွန်ပြည်နယ် ဝန်ကြီးချူပ် ဦးအုန်းမြင့်က ပြည်နယ်အစိုးရအဖွဲ့ လျှပ်စစ်နှင့် စက်မှုလက်မှုဝန်ကြီး နိုင်လဝီအောင် (ခေါ်) နိုင်မြင့်ဆွေ  ဦးဆောင်သည့် ငြိမ်းချမ်းရေး ကိုယ်စားလှယ်အဖွဲ့တဖွဲ့ကို စက်တင်ဘာလတွင် ဖွဲ့စည်းပြီး နေပြည်တော် ဗဟိုအစိုးရသို့ တင်ပြခဲ့သော်လည်း မွန်ပြည်သစ်ပါတီဝင်ဟောင်း အများစုပါဝင်သည့်အတွက် ပယ်ချခံရကြောင်း ပြည်နယ်အစိုးရနှင့် နီးစပ်သော သတင်းရပ်ကွက်များက ပြောသည်။

NMSP နှင့် ငြိမ်းချမ်းရေးဆွေးနွေးရန် မွန်ပြည်နယ်အစိုးရက ပြင်ဆင်နေသည်ကို ရည်ညွှန်း၍ နိုင်ငံတကာရောက် မွန်အမျိုးသား ပူးပေါင်းဆောင်ရွက်ရေးကော်မတီ (OMCC) ကလည်း UNFC  အဖွဲ့ဝင်များ ပါဝင်ခြင်း မရှိဘဲ မွန်ပြည်နယ် အစိုးရနှင့်ငြိမ်းချမ်းရေး ဆွေးနွေးမှု မပြုလုပ်ရန် NMSP ကို အောက်တိုဘာလ ၃ ရက် နေ့စွဲဖြင့်ကြေညာချက်ထုတ်ကာ တိုက်တွန်းခဲ့သည်။

NMSP က အဖွဲ့ဝင်အဖြစ်ပါဝင်သည့် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC က သက်ဆိုင်ရာ ပြည်နယ်အစိုးရနှင့် ပဏာမ ဆွေးနွေးခြင်းကို မိမိအဖွဲ့ဝင်များအား ခွင့်ပြုထားသော်လည်း
အပစ်အခတ် ရပ်စဲရေးနှင့် နိုင်ငံရေးကိုဆွေးနွေးပါက တပ်ပေါင်းစုအနေနှင့်သာ ဆွေးနွေးမည်ဟု ဆိုသည်။

သြဂုတ်လ ၁၈ ရက် နေ့စွဲဖြင့် အစိုးရက “ငြိမ်းချမ်းရေး ဆွေးနွေးရန် ဖိတ်ခေါ်ခြင်း” ကြေညာချက်ကို ထုတ်ပြန်ခဲ့ပြီး “ငြိမ်းချမ်းရေး ဆွေးနွေးလိုသော တိုင်းရင်းသား လက်နက်ကိုင်အဖွဲ့အစည်းများသည် ပဏာမအဆင့် အနေဖြင့် တဖွဲ့ချင်းအလိုက် သက်ဆိုင်ရာ ပြည်နယ်အစိုးရအဖွဲ့နှင့် ဆက်သွယ်ဆောင်ရွက်ရန်” ဖေါ်ပြထားသည်။

စက်တင်ဘာလ နှောင်းပိုင်းတွင်လည်း UNFC အဖွဲ့ဝင်ဖြစ်သည့် ကရင်အမျိုးသား အစည်းအရုံး (KNU) ကို ငြိမ်းချမ်းရေး ဆွေးနွေးရန်အတွက် ထိုင်း-မြန်မာနယ်စပ် တနေရာတွင် ကရင်ပြည်နယ်အစိုးရ လုံခြုံရေးနှင့် နယ်စပ်ရေးရာ ဝန်ကြီးဗိုလ်မှူးကြီးအောင်လွင် ဦးဆောင်သည့်အဖွဲ့ တွေ့ဆုံခဲ့ပြီး KNU က ပြည်နယ်အစိုးရနှင့် မဆွေးနွေးလိုဘဲ ဗဟိုအစိုးရနှင့်သာ ဆွေးနွေးလိုကြောင်း  အကြောင်းပြန်ထားသည်ဟု သိရသည်။

ယင်းအပြင် UNFC တွင် မပါဝင်ခြင်း မရှိသည့် ရှမ်းပြည်တပ်မတော် တောင်ပိုင်း (SSA-S) ကလည်း စက်တင်ဘာ လကုန်ပိုင်းတွင် ရှမ်းပြည်နယ် အစိုးရ၏ ငြိမ်းချမ်းရေး ဆွေးနွေးရန် ကမ်းလှမ်းမှုကို လက်ခံခဲ့ပြီး ဆွေးနွေးမည့်နေရာနှင့် အချိန်တို့ကိုမူ မသတ်မှတ်ရသေးကြောင်း SSA-S ပြောခွင့်ရပုဂ္ဂိုလ် ဗိုလ်မှူးစိုင်းလောင်ဆိုင်က မဇ္ဈိမကို ပြောသည်။

ယခုလ ၁ ရက်နေ့က တိုင်းရင်းသားရေးရာနှင့် ပြည်တွင်းငြိမ်းချမ်းရေး ဖော်ဆောင်မှု ကော်မတီဥက္ကဋ္ဌ ကြံ့ဖွံ့ အတွင်းရေးမှူး ၂ ဦးသိန်းဇော် ဦးဆောင်သော အဖွဲ့နှင့် ဝ ပြည် သွေးစည်းညီညွတ်ရေး အဖွဲ့ခေါင်းဆောင်များ
တွေ့ဆုံဆွေးနွေးခဲ့ရာ ယင်းတို့၏ တောင်းဆိုချက်အချို့ကို သဘောတူညီမှု မရခဲ့သေးကြောင်း သိရသည်။

အလားတူ မြန်မာ အစိုးရနှင့် မိုင်းလားခေါ် အမျိုးသားဒီမိုကရေစီ မဟာမိတ်တပ်ဖွဲ့ NDAA နှင့်လည်း ပြီးခဲ့သည့် လဆန်းပိုင်း ပဏာမ တွေ့ဆုံဆွေးနွေးခဲ့ပြီးဖြစ်ရာ ငြိမ်းချမ်းရေးဆွေးနွေးရန် မကြာမီရက်ပိုင်းအတွင်း ထပ်မံ ဆွေးနွေးမည် ဖြစ်ကြောင်းသိရသည်။

UNFC ကို ဖက်ဒရယ် ပြည်ထောင်စု ပေါ်ထွန်းရေးအတွက် ပြီးခဲ့သည့် ဖေဖော်ဝါရီလ ၁၇ ရက်နေ့တွင် အပစ်ရပ်နှင့် အပစ်မရပ် တိုင်းရင်းသား လက်နက်ကိုင် အဖွဲ့များ ၁၂ ဖွဲ့မှ အခြေခံ ၆ ဖွဲ့နှင့် မဟာမိတ် ၆ ဖွဲ့အဖြစ် ဖွဲ့စည်းထားပြီး အစိုးရမှ စစ်ရေး၊ နိုင်ငံရေးအရ ဖိအားပေးလာလျှင် စုပေါင်း၍ ခုခံကာကွယ်နိုင်ရန်အတွက် ဖွဲ့စည်းခဲ့ခြင်းဖြစ်သည်။

Read more »

Posted in: ၀၃။ မြန်မာ့ သတင်း

တနင်္သာရီ ၀န်ကြီးချုပ် ပြင်းထန်စွာ သတိပေးခံရ

တနင်္သာရီတိုင်း ၀န်ကြီးချုပ် ဦးခင်ဇော်နှင့် အစိုးရအဖွဲ့သည် အဂတိလိုက်စားမှု ကိစ္စများနှင့်ပတ်သက်ပြီး ယခုရက်ပိုင်းအတွင်း၌ သမ္မတ ဦးသိန်းစိန် ၏ ပြင်းထန်စွာ သတိပေးခြင်း ခံရကြောင်း သိရသည်။

တနင်္သာရီတိုင်း ဝန်ကြီးချုပ် ဦးခင်ဇော် (ဓာတ်ပုံ - အားကစားဝန်ကြီးဌာန)

တနင်္သာရီတိုင်း အတွင်း ဆန်တင်သွင်းခွင့် ချုပ်ကိုင်ထားမှုနှင့် ပတ်သက်သည့် ဦးခင်ဇော် ၏ အဂတိ လိုက်စားမှုများကို ပြီးခဲ့ သည့် လများအတွင်း ဧရာဝတီက နှစ်ကြိမ်တိုင် ထုတ်ဖော် ရေးသား ခဲ့သည်။

ဦးခင်ဇော်အား ဒေသခံ ပြည်သူများ နှင့် တိုင်းဒေသကြီး လွှတ်တော်ကိုယ်စားလှယ် ၁၈ ဦးခန့် စုပေါင်း၍ ပြည်ထောင်စုကြံ့ခိုင် ရေးနှင့် ဖွံ့ဖြိုးရေးပါတီ(ဗဟို) သို့ တိုင်ကြားသောကြောင့် ယခုကဲ့သို့ သတိပေးခံရခြင်းဖြစ်သည်ဟု ဒေသခံ လွှတ်တော် ကိုယ်စား လှယ်များက ပြောဆိုကြသည်။

တိုင်းဝန်ကြီးချုပ်သည် ၎င်း၏ လုပ်ပိုင်ခွင့် အာဏာအသုံးပြုကာ ကိုယ်ကျိုးစီးပွားအတွက် လုပ်ဆောင်နေပြီး ဒေသခံပြည်သူများ၏ အကျိုးအတွက် လုပ်ဆောင်ခြင်းမရှိ၍ ယင်းသို့တိုင်ကြားခံရခြင်းဖြစ်ကြောင်း တိုင်းဒေသကြီး လွှတ်တော် ကိုယ်စားလှယ် တဦး က ဆိုသည်။

ဦးခင်ဇော် သည် ဒေသခံစီးပွားရေးလုပ်ငန်းရှင်များအား လုပ်ပိုင်ခွင့်ကန့်သတ်ထားကာ ၎င်းနှင့်နီးစပ်သည့် မန္တလေး၊ မြိတ် စသည့် ဒေသများမှ စီးပွားရေးလုပ်ငန်းရှင်များကို လုပ်ပိုင်ခွင့်အများအပြားချပေးခဲ့ကြောင်း ဒေသခံ စီးပွားရေးလုပ်ငန်းရှင် တစ် ဦး ကလည်း ပြောပြသည်။

တနင်္သာရီတိုင်းအတွင်းသို့ ဆန် တင်သွင်းခွင့်ကို ဦးခင်ဇော်က မန္တလေးအခြေစိုက် အောင်မြင်သူကုမ္ပဏီသို့ တစ်ဦးတည်း လုပ်ပိုင်ခွင့်ပေးခဲ့သည်ဟူသော သက်ဆိုင်ရာသို့ တိုင်ကြားမှုများလည်း ဖြစ်ပေါ်ခဲ့သည်။

ထို့အပြင် ဦးခင်ဇော်သည် ထားဝယ်မြို့ရှိ အစိုးရဧည့်ဂေဟာအား ဟိုတယ်ဆောက်လုပ်ရန်အတွက် သတ္တုတူးဖော်ရေး လုပ် ငန်းများ လုပ်ကိုင်သည့် ကြယ်နီလာ ကုမ္ပဏီကို လုပ်ပိုင်ခွင့်ပေးထားမှုနှင့် ထားဝယ်မြို့ အမှတ်၂ အထက်ကျောင်း ၏ ဘော လုံးကွင်းနေရာကို သိမ်းယူ၍ ဟိုတယ်ဆောက်ရန် စီစဉ်မှုများကိုလည်း ဒေသခံများက ကန့်ကွက်ခံထားကြကြောင်း သိရသည်။

ထားဝယ်ဒေသတွင် လုပ်ငန်းလုပ်ကိုင်လိုသော လုပ်ငန်းရှင်များအနေဖြင့် ဦးခင်ဇော်နှင့် တွေ့ဆုံဆွေးနွေးလိုပါက အနည်းဆုံး ကျပ် သိန်း ၂၀ နှင့် ညီမျှသော ‘ရွှေ’ ပေးရကြောင်း၊ တိုင်းအစိုးရ အဖွဲ့ဝန်ကြီးများကို လုပ်ပိုင်ခွင့်မပေးဘဲ ဦးခင်ဇော် တဦးတည်း က ချုပ်ကိုင်ထားကြောင်း အထက်ပါ တိုင်းဒေသကြီး လွှတ်တော်ကိုယ်စားလှယ် က ရှင်းပြသည်။

တိုင်းအဆင့် နယ်စပ်ရေးရာဝန်ကြီး ဗိုလ်မှူးကြီး ဇော်လွင် ဦးဆောင်၍ တနင်္သာရီတိုင်းအတွင်းရှိ ကျေးရွာ ၅၃ ရွာ အတွက် ဖွံ့ဖြိုးရေးလုပ်ငန်းများလုပ်ကိုင်နေသော မလေးရှားနိုင်ငံ Petronas  ရေနံ ကုမ္ပဏီ၏ ရဲတံခွန် ဒေသ ဖွံ့ဖြိုးရေး လုပ်ငန်းများကိုလည်း ဦးခင်ဇော်က ၎င်း၏ အမိန့်ဖြင့် ဇွန်လက ရပ်နားခိုင်းခဲ့ကြောင်း သိရသည်။

“အခုတော့ ဒီလုပ်ငန်းတွေကို ဗဟိုအစိုးရ ရဲ့ ညွန်ကြားချက်နဲ့ ဆက်လုပ်နေကြပြီ”ဟု လူမှုရေးလုပ်ငန်းများ လုပ်ကိုင်နေသည့် ထားဝယ် ဒေသခံတဦးက ပြောသည်။

ဦးခင်ဇော်သည်၂၀၁၀ ရွေးကောက်ပွဲ၌ ပြည်ထောင်စု ကြံ့ခိုင်ရေးနှင့် ဖြိုးရေးပါတီ ကိုယ်စားပြု၍ မြိတ်ဒေသ မဲဆန္ဒနယ်မှ ရွေးချယ်ခြင်းခံခဲ့ရကာ တိုင်းဒေသကြီး လွတ်တော် ကိုယ်စားလှယ်မှ ၀န်ကြီးချုပ် ဖြစ်လာခဲ့သည်။
Source: ဧရာဝတီ

Read more »

Posted in: ၀၃။ မြန်မာ့ သတင်း

မြန်မာအစိုးရ ဆီးရီးယားနှင့် မတူ၊ သဘောထားကြီးဟု အမေရိကန်ပြော

လုပ်ဆောင်စရာများစွာ ရှိနေသေးသည့်တိုင် မြန်မာအစိုးရ အဖွဲ့သည် ပြုပြင်ပြောင်းလဲရေး သမားများနှင့် သဘောထားကြီးသူများ ဖြစ်ကြောင်း အမေရိကန် သမ္မတ အိုဘားမား အစိုးရက အသိအမှတ်ပြု ပြောဆိုလိုက်သည်။

စက်တင်ဘာလ ၃ ရက်နေ့က စိမ်းလဲ့ကန်သာ ဧည့်ဂေဟာတွင် ဒေါ်အောင်ဆန်းစုကြည်နှင့် အစိုးရဝန်ကြီး ဦးအောင်ကြည်တို့ တွေ့ဆုံဆွေးနွေးပြီးနောက် သတင်းစာ ရှင်းလင်းပွဲ လုပ်နေစဉ် (ဓာတ်ပုံ - AP)

“မြန်မာအစိုးရဟာ ပြုပြင်ပြောင်းလဲရေးသမားတွေ၊ စိတ်သဘောထား ကြီးကြီးထားသူတွေ ပိုမိုပါဝင်လာပြီး ကျမတို့နဲ့ အလုပ်တွဲလုပ်နိုင်တဲ့အတွက် ကျေနပ်ဝမ်းမြောက်စရာ ဖြစ်ပါတယ်။ တကယ်လို့သာ ဆီးရီးယားနိုင်ငံလို အခြေအနေမျိုးသာဆိုရင် တမျိုးတမည်ဖြစ်ကုန်မှာပါ” ဟု အမေရိကန်နိုင်ငံခြားရေးဝန်ကြီးဌာနမှ ပြောခွင့်ရ အမျိုးသမီး ဗစ်တိုးရီးယား နုလန်းက ပုံမှန်သတင်းစာ ရှင်းလင်းပွဲတွင် ပြောသည်။

ဆီးရီးယားနိုင်ငံတွင် သမ္မတ ဘာရှားအာဆတ်က လူထုအုံကြွမှုကို အကြမ်းဖက်နှိမ်နင်းနေပြီး သေဆုံးသူပေါင်း ၂၆၀၀ ကျော် ရှိနေပြီဖြစ်ကြောင်း၊ သမ္မတ ဘာရှားအာဆတ်အစိုးရက နိုင်ငံတကာ၏ ပြစ်တင်ဝေဖန်မှုများကို လျစ်လျူရှုလျက်ရှိကြောင်း သတင်းများအရ သိရသည်။

“မြန်မာပြည်မှာ ပြောင်းလဲလာတဲ့ ပထမဆုံးတချက်ကတော့ အတိုက်အခံတွေနဲ့ လက်တွဲလုပ်ဆောင်ဖို့ ဆန္ဒရှိနေတဲ့ အစိုးရခေါင်းဆောင်တွေ တက်လာတာပါပဲ” ဟု ဗစ်တိုးရီးယား နုလန်းက သတင်းထောက်များ၏ အမေးကို ဖြေကြားသည်။

သို့သော် မြန်မာပြည်တွင် ဆက်လက်လုပ်ဆောင်စရာ များစွာ ကျန်နေဆဲဖြစ်ကြောင်း၊ အစိုးရသစ်သည် ယခင်စစ်အစိုးနှင့်စာလျှင် ဒေါ်အောင်ဆန်းစုကြည်၊ လူမှုအဖွဲ့အစည်းများနှင့် ထိတွေ့လုပ်ဆောင်ရန် ပိုမိုအခြေအနေ ပေးလာကြောင်း၊ ပြည်သူများက သဘောမတူသောကြောင့် မြစ်ဆုံဆည် စီမံကိန်း ဆိုင်းငံ့ထားလိုက်ခြင်းကဲ့သို့သော အစိုးရ၏ လုပ်ဆောင်မှုကို အားပေးကြောင်း ဆက်လက်ပြောသည်။

နယူးယောက်တွင် အမေရိကန် နိုင်ငံခြားရေးဝန်ကြီးသည် တရုတ်နိုင်ငံခြားရေးဝန်ကြီး ယန်းနှင့် အိန္ဒိယနိုင်ငံခြားရေးဝန်ကြီး ခရစ်ရှနာတို့နှင့်လည်း မြန်မာ့အရေး ပြောဆိုဆွေးနွေးခဲ့ကြောင်းလည်း ဗစ်တိုးရီးယား နုလန်းကဆိုသည်။

ရပ်ဆိုင်းလိုက်သော မြစ်ဆုံဆည် စီမံကိန်းနှင့် ပတ်သက်၍ မကြာသေးမီကလည်း အထက်လွှတ်တော်အမတ် ဂျွန်မက်ကိန်းက မြန်မာအစိုးရကို ချီးကျူးပြောဆိုခဲ့သေးသည်။

မြန်မာပြည်ဆိုင်ရာ အမေရိကန် အထူးကိုယ်စားလှယ် ဒဲရက် မစ်ချယ်က နယူးယောက်တိုင်းမ်သတင်းစာသို့ “မြန်မာအစိုးရက လုပ်ကိုင်ဆောင်ရွက်လာရင် ကျနော်တို့ဘက်ကလည်း ပြန်လည် တုန့်ပြန် လုပ်ဆောင်မှာပါ။ ပြုပြင်ပြောင်းလဲရေးကို သူတို့က ခြေတလှမ်းလှမ်းရင် ကျနော်တို့ဘက်ကလည်း ထောက်ခံအားပေးပါမယ်” ပြောထားသည်။

မစ္စတာ ဒဲရက် မစ်ချယ်သည် ပြီးခဲ့သည့်လက မြန်မာနိုင်ငံသို့ ၅ ရက်ကြာ သွားရောက်လည်ပတ်ခဲ့ပြီး ပြီးခဲ့သည့် သီတင်းပတ် အတွင်းကလည်း နယူးယောက်တွင် မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်နှင့် တွေ့ဆုံဆွေးနွေးခဲ့သေးသည်။
Source: ဧရာဝတီ

Read more »

Posted in: ၀၃။ မြန်မာ့ သတင်း

ထိုင်းဝန်ကြီးချုပ် ခရီးစဉ်အတွင်း ကုန်သွယ်ရေးနှင့် ရင်းနှီးမြှုပ်နှံရေး ဆွေးနွေး

ချင်းမိုင် (မဇ္ဈိမ) ။       ။ ထိုင်းနိုင်ငံဝန်ကြီးချုပ် မစ္စယင်လပ်ရှင်နာဝါထရာသည် သမ္မတ ဦးသိန်းစိန် အပါအဝင်
ထိပ်တန်း ဝန်ကြီးများနှင့် နှစ်နိုင်ငံကုန်သွယ်မှုနှင့် ရင်းနှီးမြှုပ်နှံမှု တိုးမြှင့်ရေး ကိစ္စများကို အဓိကထား တွေ့ဆုံ
ဆွေးနွေးပြီးနောက် ဗုဒ္ဓဟူးနေ့ ခရီးစဉ်ကို အဆုံးသတ် လိုက်သည်။

ဇူလိုင်လရွေးကောက်ပွဲမှ ရွေးချယ်ခံရကာ ပထမဆုံး အမျိုးသမီး ဝန်ကြီးချုပ်အဖြစ် စတင်တာဝန် ထမ်းဆောင်အပြီးနှစ်လခန့် အကြာတွင် ယခုခရီးစဉ်ဖြစ်ပေါ်လာသည့် ပြုပြင်ပြောင်းလဲရေး လုပ်ငန်းများ စတင်နေသည့် မြန်မာခရီးစဉ် အတွင်း အစိုးရဘက် တဘက်တည်းနှင့်သာ တွေခဲ့ပြီး အတိုက်အခံ ခေါင်းဆောင် ဒေါ်အောင်ဆန်းစုကြည်နှင့်တွေ့ဆုံခဲ့ခြင်း မရှိပေ။

ဒေါ်အောင်ဆန်းစုကြည်နှင့် တွေ့ဆုံမှုမရှိခဲ့ခြင်းသည် မြန်မာနိုင်ငံ ပြောင်းလဲရေး လုပ်ငန်းစဉ်အတွင်း ထိုင်းနိုင်ငံ၏ အခန်းကဏ္ဍကို မှေးမှိန်ပျောက်ကွယ်စေသည်ဟု ထိုင်းနိုင်ငံ ကြာသာပတေးထုတ် နေရှင်းသတင်းစာတွင်ဆောင်းပါးရှင် Supalak Ganjanakhundee သုံးသပ်ထားသည်။

ထိုင်းနိုင်ငံဝန်ကြီးချုပ် မစ္စယင်လပ် ရှင်နာဝါထရာနှင့် သမ္မတ ဦးသိန်းစိန် အားတွေ့မြင်ရစဉ် (Photo::provided by Thai Government House)

“ဝန်ကြီးချုပ် (မစ္စယင်လတ်) က ဒေါ်အောင်ဆန်းစုကြည်နဲ့ မတွေ့ဆုံခဲ့တဲ့အတွက် မြန်မာနိုင်ငံ ပြုပြင်ပြောင်းလဲရေးကနေတဆင့် ဒေသဆိုင်ရာနိုင်ငံရေး ပြုပြင်ပြောင်းလဲမှုအထိ ထိုင်းနိုင်ငံက ဦးဆောင်နိုင်ဖို့ဆိုတဲ့ တန်ဘိုးကြီးတဲ့ အခွင့်အလမ်းတခုကို လက်လွတ်လိုက်ရတာပါပဲ” ဟု သုံးသပ်ထားသည်။

မိတ်ဆက်ခရီးစဉ်ဟု ထိုင်းဘက်က ရည်ညွှန်းပြီး မွန်းလွဲ ၂ နာရီခွဲတွင် နေပြည်တော်သို့ ရောက်ရှိခဲ့သည့်
မစ္စယင်လပ်ကို သမ္မတဦးသိန်းစိန်က နေပြည်တော် သူ၏ ရုံးတွင် အခန်းအနားဖြင့် ဂုဏ်ပြု ကြိုဆိုခဲ့ကြောင်း ကြာသပတေးထုတ် နိုင်ငံပိုင်သတင်းစာများက ဖော်ပြကြသည်။

ဦးသိန်းစိန် ဦးဆောင်သည့် ဆောက်လုပ်ရေး၊ ကာကွယ်ရေး၊ စီမံ/စီးပွား၊ ပို့ဆောင်ရေး၊ စွမ်းအင်၊ စီးပွား/ ကူးသန်းပြည်ထောင်စုဝန်ကြီးများ၊ ဒုဝန်ကြီးများနှင့် မစ္စယင်းလပ်ဦးဆောင်သည့် ထိုင်း ကိုယ်စားလှယ်အဖွဲ့တို့ ညနေ ၄ နာရီ မိနစ် ၅ဝတွင် တွေ့ဆုံကြစဉ် နယ်စပ်ကုန်သွယ်ရေး၊ ရင်းနှီး မြှုပ်နှံမှု၊ ထိုင်းနိုင်ငံရှိ မြန်မာ အလုပ်သမားများ ကိစ္စ၊ မူးယစ်ဆေးဝါး တိုက်ဖျက်ရေးကိစ္စများ ဆွေးနွေးကြသည်။

မစ္စယင်လပ်သည် ထိုင်းအစိုးရကိုယ်စား မိုးလေဝါသနှင့် ဇလဗေဒဆိုင်ရာ ကိရိယာများကို လွှဲပြောင်းသည့် အထိမ်း အမှတ် ဆိုင်းဘုတ်ပေးအပ်ပြီး နှစ်နိုင်ငံ နိုင်ငံခြားရေး ဝန်ကြီးများအကြား ကရင်ပြည်နယ် သင်္ကန်းညီနောင်မှကော့ကရိတ်အထိ လမ်းဖောက်လုပ်ရန် သဘောတူခဲ့ကြသည်။

နေးရှင်းသတင်းစာ ဆောင်းပါးရှင် Supalak Ganjanakhundee ကမူ ဒေသတွင်းအင်အားကြီး အိန္ဒိယ၊ တရုတ်နိုင်ငံနှစ်နိုင်ငံအကြား နယ်စပ်ချင်း ဆက်စပ်နေပြီး ကမ္ဘာ့မဟာဗျူဟာ ပထဝီအနေအထားတွင် တည်ရှိနေသည့် မြန်မာနိုင်ငံကို စီးပွားရေး အကျိုးအမြတ်တခုထဲဖြင့် စဉ်းစားမဆက်ဆံသင့်ကြောင်း ဆောင်းပါးရှင်က ဝေဖန်ထားသည်။

မြန်မာနိုင်ငံ နိုင်ငံရေးနှင့် စီးပွားရေး ပြုပြင်ရေးလုပ်ငန်းစဉ်များကို နိုင်ငံတကာအသိုင်းအဝန်းမှ သတိထား စောင့်ကြည့်နေကြပြီး ကုလသမဂ္ဂ၊ အမေရိကန်၊ ဥရောပသမဂ္ဂ တို့ကလည်း သူတို့၏ ထိပ်တန်း ကိုယ်စားလှယ်များကိုဒေါ်အောင်ဆန်းစုကြည်နှင့် တွေ့ဆုံဆွေးနွေးပြီး အနာဂတ်ပုံစံသစ်ကို သိရှိနိုင်ရန် ကြိုးပမ်းနေကြသည်ကိုလည်း သတိချပ်မိစေရန် ထောက်ပြထားသေးသည်။

ဒေါ်အောင်ဆန်းစုကြည်နှင့် မတွေ့ဆုံခဲ့သည့် မစ္စယင်လပ်သည် ဒေါ်အောင်ဆန်းစုကြည်နှင့် ဘောလုံးပွဲ အတူ
ကြည့်ခဲ့သော ဗိုလ်ချုပ်များနှင့် နီးစပ်သူ ထိပ်တန်း စီးပွားရေးလုပ်ငန်းရှင် ဦးဇော်ဇော်နှင့်မူ တွေ့ဆုံခဲ့သည်။

စီမံ/ စီးပွားရေး ဝန်ကြီးဌာန၏ ၂ဝ၁၁ ဇွန်လ စာရင်းအရ ထိုင်းနိုင်ငံသည် မြန်မာနိုင်ငံအတွင်း နိုင်ငံခြားရင်းနှီးမြှုပ်နှံမှု အမေရိကန် ဒေါ်လာ ၂.၄၉ ဘီလီယံဖြင့် ဒုတိယ အများဆုံး နိုင်ငံဖြစ်သည်။ တရုတ်နိုင်ငံက ၁၃ ဘီလီယံဖြင့် အများဆုံးဖြစ်သည်။

ထိုင်းနိုင်ငံသည် မြန်မာနိုင်ငံ မုတ္တမပင်လယ်ကွေ့ ရတနာနှင့် ရဲတံခွန်လုပ်ကွက်မှ သဘာဝဓာတ်ငွေ့များကို ၁၉၉၈ ခုမှစ၍ ဝယ်ယူနေသည်။ အရှေ့အလယ်ပိုင်းနှင့် ဥရောပမှ ကုန်စည်များတင်သွင်း ရန် ရည်ရွယ်ပြီး ခန့်မှန်း အမေရိကန်ဒေါ်လာ ၁၃ ဘီလျံ ကုန်ကျခံ တည်ဆောက်မည့် ထားဝယ် ရေနက်ဆိပ်ကမ်းနှင့် အထူးစီးပွားရေးဇုန် စီမံကိန်းကို BOT စာချုပ်အရ ထိုင်းက နှစ်ပေါင်း ၆ဝ စီမံ ခွင့်ရမည်ဖြစ်သည်။

အပြန်အလှန်အားဖြင့် ထိုင်းနိုင်ငံက ၂ဝ၁၄ တွင် မြန်မာနိုင်ငံက အာဆီယံ အလှည့်ကျ ဥက္ကဋ္ဌနေရာ ရယူရေး
ထောက်ခံထားသော်လည်း လက်ရှိ အလှည့်ကျ အင်ဒိုနီးရှား နိုင်ငံခြားရေးဝန်ကြီး မာတီ နာတလီဂါဝါ Marty Natalegawa ကမူ မကြာမီ ဒေါ်အောင်ဆန်းစုကြည်နှင့် သွားတွေ့ပြီး သဘောထားမေးမြန်းမည်ဟု သိရသည်။

၂ဝ၁၁ ခု ဇူလိုင် ၃ ရက် အောက်လွှတ် တော် ရွေးကောက်ပွဲတွင် ဖူးရာ့ထိုင်းပါတီခေါင်းဆောင် မစ္စ ယင်လပ် ရှင်နာဝါထရာသည် ပြိုင်ဘက် ဒီမိုကရက်တစ်ပါတီ ဥက္ကဋ္ဌ မစ္စတာ အဖိဆစ် ဝေ့ခ်ျချာချီဝကို မဲ ၁ဝဝ ကျော်ဖြင့် အနိုင်ရခဲ့သည်။

ထိုင်းနိုင်ငံမြောက်ပိုင်း ချင်းမိုင်ပြည်နယ်ဇာတိ အသက် ၄၄ နှစ်အရွယ် မစ္စယင်လပ်သည် အမေရိကန် ကင်တပ် ကီပြည်နယ် တက္ကသိုလ်မှ ပြည်သူ့ရေးရာစီမံခန့်ခွဲမှု မဟာဘွဲ့၊ ချင်းမိုင် တက္ကသိုလ်မှ နိုင်ငံရေးသိပ္ပံဘွဲ့များ ရရှိထားသော်လည်း သူ၏ အကို ဝန်ကြီးချုပ်ဟောင်း မစ္စတာတပ်ဆင် ၏ အရှိန်ဖြင့် ဝန်ကြီးချုပ်ဖြစ်လာသည်ဟု စွပ်စွဲခံရပြီးနိုင်ငံရေးအတွေ့အကြုံနည်းသည်ဟု ဝေဖန်မှုများ ရှိနေသည်။

မြန်မာ့အရေးဆောင်ရွက်သည့် အာဆီယံ ပါလီမန် အမတ်များအဖွဲ့ AIPMC အင်ဒိုနီးရှားရုံးမှ ဦးဆောင်ညွှန်ကြာရေးမှူး အာဂွန်း ပူထရီက မြန်မာပြုပြင်ပြောင်းလဲရေး ကို ထောက်ခံကြောင်း ပြသသည့်အနေဖြင့် ထိုင်းနိုင်ငံက မစ္စယင်းလပ် သည် ဒေါ်အောင်ဆန်းစုကြည်နှင့် တွေ့ဆုံသင့် ကြောင်းပြောသည်။

“မြန်မာနိုင်ငံရဲ့ ပြုပြင်ပြောင်းလဲမှုဖြစ်စဉ်မှာ ထိုင်းနိုင်ငံရဲ့ အခန်းကဏ္ဍကို ကျဆင်းစေမှာဖြစ်ပြီး ထိုင်းအစိုးရနဲ့ မြန်မာ လူထုအကြားပိုပြီး ကင်းကွာစေမှာဖြစ်ပါတယ်” ဟု သုံးသပ်ပြောဆိုသည်။

မြန်မာ- ထိုင်းနှစ်ဘက် နိုင်ငံခြားရေးဝန်ကြီးများ သဘောတူခဲ့သည့် ကရင်ပြည်နယ် သင်္ကန်းညီနောင်- ကော့ကရိတ် လမ်းသည် ၂ဝဝ၂ ခုတွင် အိန္ဒိယ၊ ထိုင်း၊ မြန်မာ သုံးနိုင်ငံ သဘောတူထားသည့် အိန္ဒိယ အရှေ့မြောက် မိုးရေးမှ
မြန်မာနိုင်ငံ ပုဂံမြို့ကိုဖြတ်၍ ထိုင်းနိုင်ငံ မဲဆောက်သို့ သွယ်တန်းမည့် အမြန်လမ်းမကြီး၏ အစိတ်အပိုင်းတခု
ဖြစ်သည်။

Read more »

Posted in: ၀၃။ မြန်မာ့ သတင်း