တိုင်းရင်းဆေးဦးစီးဋ္ဌာနက အကျင့်ပျက်ခြစား ညွှန်ချုပ် အကြောင်း

ကျနော်တို့ နေပြည်တော် တိုင်းရင်းဆေး ဦးစီးဋ္ဌာနတွင် ညွှန်ကြားရေးမှူးချုပ် ဒေါက်တာအောင်မြင့် အမည်ရ ခွေးသူရမ်း ကြီးလွတ်နေပါသည်။

(၁) ဦးစီးဋ္ဌာနပိုင်မြေကို အထက်ခွင့်ပြုချက်မရဘဲ လက်သိပ်ထိုးရောင်းစားထားခြင်း။

(၂) တိုင်းရင်းဆေး မှတ်ပုံတင်နှင့် လိုင်စင်လျှောက်ထားရာတွင် အခွန်အခ၊ ဒဏ်ကြေးများ တရားဝင်မဟုတ်ဘဲ သူ့အတွက်သိန်းရာပိုင်း၊ ထောင်ပိုင်းရအောင်အာဏာအလွှဲသုံးစားပြု ပြောင်ပြောင်တင်းတင်းကောက်ခံနေခြင်း။

(၃) ရုံးအလုပ်တွင် စိတ်မ၀င်စားဘဲ ရသမျှ ဂွင်ဖန်နေခြင်း။ ရုံးသုံးစရိတ်များ အထက်မှကျလာလျှင် အရာရှိများထံမှ တဦး လျှင် သိန်းဂဏန်းဖြတ်ခုတ်ခြင်း။

(၄) ၀န်ထမ်းအချင်းချင်းကြားသပ်ရှိုသွေးခွဲအုပ်ချုပ်ခြင်းကြောင့်ရုံးတွင်းစည်းလုံးရေး အင်အားပျက်စီး စေခြင်း။

(၅) သူ့ဂွင်ဖန်လုပ်ငန်းများ ကို ပူးပေါင်းမလုပ်ပါက ထိုသူများကို ပညာပြခြင်း၊ နှိပ်ကွပ်ခြင်း၊ နယ်ပြောင်းခြင်း စသည်ဖြင့် ရမ်းကားချင်တိုင်းရမ်းကား အကျင့်ပျက်နေပါသည်။

ထို့ကြောင့် နိုင်ငံတော် သမတနှင့် ကျန်းမာရေး ပြည်ထောင်စုဝန်ကြီးများထံ အကြိမ်ကြိမ်တင်ပြ တိုင်ကြားခဲ့ပါသည်။ သို့ ပါသော်လည်း အဘယ်ကြောင့် မသိပါ။ အရေးယူ စစ်ဆေးခြင်း မရှိသေးပါ။ ထိုတိုင်စာများနှင့် ပက်သက်ပြီး ညွှန်ချုပ် ဒေါက်တာအောင်မြင့်က “ကျန်းမာရေးဝန်ကြီးဋ္ဌာန ၀န်ကြီးက ငါ့သူငယ်ချင်း၊ သမတရုံးဝန်ကြီးက ငါနဲ့ တမြို့တည်းသား၊ မင်းတို့ဘာလုပ်ချင်လဲ၊ မင်းတို့တိုင်စာတွေ ဘာတတ်နိုင်လဲ၊ မင်းတို့ကို ကြမ်းကြမ်းကိုင်မယ်။ ဖြုတ်ပစ်မယ်။ နယ်ရွေ့ ပစ် မယ်” လို့ ကြိမ်းဝါးပြီး ရုံးချုပ်မှာ ထင်တိုင်းကြဲနေပါသည်။

မကြာခင်ကလည်း ရုံးချုပ်မှာ ကွန်ပြူတာများ ပျောက်ပါသည်။သူနှင့်မတည့်သူများကို အမည်နာမ များဖြင့် စွပ်စွဲပြီး ရဲ လက်အပ်ပါသည်။ “ဆေးဆရာလို့လည်း မမြင်နဲ့၊ အရာရှိလို့လည်း မမြင်နဲ့၊ သူခိုးကို သူခိုးလို့မြင်ပြီး ရိုက်စစ်ပါ။ ရိုက်စစ် ခွင့်ပေးတယ်” ဆိုပြီး အနိုင်ကျင့် နှိပ်ကွပ်ပါသည်။ အမှုစစ်ပြီးသွားသောအခါ ရုံးစောင့် နှင့် ပြင်ပလူ များကိုမိပါသည်။ မ တရားစွပ်စွဲခံရသူ အရာရှိနှင့်ဝန်ထမ်းများ နစ်နာလှပါသည်။

ညွှန်ချုပ် ဒေါက်တာအောင်မြင့်၏ နိုင်ငံတော်၊ ပြည်သူလူထု နှင့် မိမိဝန်ထမ်းများအပေါ် အကျင့်ပျက် ကိုယ်ကျိုးရှာ အဂတိ လိုက်စား အာဏာအလွဲသုံးစားပြုနေပုံ အချို့ကို ဖေါ်ပြပါမည်။

(၁) ရန်ကုန်တိုင်း၊ တောင်ဒဂုံမြို့သစ်၊ မြေတိုင်းရပ်ကွက်အမှတ် ၆၄ ရုံးအကွက်၊ မြေကွက်အမှတ် ၁၁၂ (က) ဖြင့် ပေ ၆၀၊ ပေ ၂၀၀ အကျယ်အ၀န်းရှိ တိုင်းရင်းဆေးဦးစီးဋ္ဌာန နှင့် တိုင်းရင်းဆေးဆရာအသင်းပူးတွဲ အမည်ပေါက် မြေတကွက်ရှိပါ သည်။ စီးပွားရေးကွက်ကွင်းနေရာ အလွန်ကောင်းပြီး ကျပ်သိန်း ၃၀၀၀၊ ၄၀၀၀ တန်ဘိုးရှိပါသည်။ ထိုမြေကွက်ကို ဦးခင် တိုး၊ မှတ်ပုံတင်အမှတ် ၁၂/ဒကန(နိုင်) ၀၂၂၆၃၈၊ လိပ်စာ၊ အမှတ် ၉၇၊ လှည်းတန်းလမ်း၊ ကမာရွတ်အား ကျပ်သိန်း တထောင တည်းဖြင့် လက်သိပ်ထိုးရောင်းချခဲ့ပါသည်။ 

မည်သည့်အထက်အမန့်မျှ မယူဘဲ ဦးစီးဋ္ဌာန၊ ညွှန်ချုပ်ရုံးခန်းတွင် စရံပေး အရောင်းအ၀ယ်စာချုပ်ကို ညွှန်ချုပ် ဒေါက်တာအောင်မြင့်ကိုယ်တိုင် လက်မှတ်ထိုးရောင်းချခဲ့ပါသည်။ ကျပ်သိန်း ငါးရာ လာဘ်ယူခဲ့သည်ဟု သိရသည်။ ထိုသို့လက်မှတ်ရေးထိုးပွဲတွင် ဆေးဆရာအသင်းမှ ဦးမောင်ဉာဏ်နှင့် ဦးဖြေ (ပဲခူး) တို့ ရှိကြသည်။

(၂) တိုင်းရင်းဆေး မှတ်ပုံတင်/လိုင်စင် လျှောက်ထားရာတွင်လည်း နည်းမျိုးစုံဖြင့် ကိုယ်ကျိုးရှာ   ခြစားနေသည်။ စွပ်စွဲ ချက်အမျိုးမျိုးဖြင့် ဒဏ်ကြေးရိုက်သည်။ စာလုံးပေါင်း တစ်လုံးမှားလျှင် တစ်သောင်းကျပ်၊ မှတ်ပုံတင်/လိုင်စင် နောက်ကျ ထုတ်လျှင် နောက်ကျကြေး တစ်လလျှင် နှစ်သောင်းကျပ်၊ ဓာတ်ခွဲကြေး ဆေးတစ်မျိုးလျှင် နှစ်သောင်းကျပ်၊ လိုင်စင်ရက် စွဲညှိရန် တလလျှင် နှစ်သောင်းကျပ် စသည်ဖြင့် အမျိုးမျိုး ငွေကောက်ခံရာ လုပ်ငန်းရှင် တစ်ဦးတဦးလျှင် ကျပ် လေး ငါး သောင်းမှ ရှစ်သိန်း၊ ကိုးသိန်း အထိ ငွေပေးသွင်းနေရပါသည်။ ဒဏ်မရိုက်ခံရသောသူ မရှိပါ။

ငွေလက်ခံပြီး အပြည့်အစုံ ဘောက်ချာမဖြတ်ပါ။ လေးထောင်၊ ငါးထောင်ဘိုးထိသာ ဘောက်ချာ ဖြတ်ပါသည်။ ဘောက် ချာမဖြတ်သော ပိုငွေများကို ဆေးဝါးဋ္ဌာန ဒုညွှန်မှူး ဦးထွန်းမြင့်က အပတ်စဉ် ညွှန်ချုပ်ထံ ပို့ရပါသည်။ ရက်တစ်ပတ် တပတ်လျှင် ကျပ်ငွေ သိန်း သုံး၊ လေး၊ ငါးဆယ် ပို့ရသည်။ ထိုရငွေများကို တရားဝင် အစိုးရငွေစာရင်း၊ ဘဏ်စာရင်းများ တွင် မသွင်းပါ။ 

ဋ္ဌာနအီးစီမှာလည်း အသိပေးဖေါ်ပြခြင်း မရှိပါ။ သူ၏ကိုယ်ကျိုးအတွက် ရယူပါသည်။ တလ တစ်လလျှင် ကျပ်သိန်းရာပိုင်း ရရှိနေသည်။ နိုင်ငံတော်နှင့်ပြည်သူလူထုအပေါ် ထိုသို့အကျင့်ပျက် ခြစားနေသည်မှာ နှစ်ချီနေပြီ ဖြစ်ပါ သည်။ ငွေလက်ခံပေးရသော ၀န်ထမ်းငယ်များလည်း တာဝန်ကို မငြင်းဝန့်ပါ။ အလုပ်ပြုတ်မှာကို အမြဲတန်း စိုးရိမ်ပူပန် နေရပါသည်။

(၃) ဋ္ဌာနတွင်း အသုံးစရိတ်ရံပုံငွေ များကိုလည်း ရသမျှ ဂွင်ရိုက်နေသည်။ ဥပမာ… မော်တော်ယာဉ်ပြုပြင်စားရိတ် ထုတ် မပေးပါ။လစာနည်းအောက်ခြေ မော်တော်ယာဉ်ဝန်ထမ်းများ စိုက်ထုတ်ထားငွေပြန်မရပါ။ ရုံးဝန်ထမ်းများလည်း ကား ပျက်များဖြင့် နေ့စဉ် တထိတ်ထိတ် ရုံးဆင်း ရုံးတက်ပြုနေရသည်။ ညွှန်မှုး ဒေါက်တာစိန်ဝင်း အယ်ပီအာ ခံစားစဉ် ရရှိ သော ကြိုတင်စိုက်ထုတ်ထားငွေ ကျပ် ရှစ်သိန်းကို  မပေးဘဲ ခိုးယူထားသည်။ ရုံးအရာရှိများအတွက် ခွင့်ပြုရငွေမှလည်း တဦးလျှင် နှစ်သိန်းကျပ် ဖြတ်ခုတ်၏။

(၄) နေပြည်တော်၊ ပရဆေးဥယျာဉ်တွင် အငှားချထားသော စားသောက်ဆိုင်များ ရှိသည်။ ဆိုင်ခန်း တဆိုင်လျှင် အခန်း ငှားခ တလ ကျပ် တသိန်းငါးသောင်း ရရှိသည်။ သို့သော် နိုင်ငံတော်သို့ ကျပ်ခြောက်သောင်း သာပေးသွင်းသည်။ ကျန်ရှိ သော ကျပ်ကိုးသောင်းကို ဒေါက်တာအောင်မြင့်က ရယူသည်။ ဆိုင်ခန်းအငှားစာချုပ် နှင့် ငွေလက်ခံဘောက်ချာ နှစ်မျိုး ထားရှိပါသည်။ ထိုသို့လုပ်နေသည်မှာ (နှစ်) နှစ်ခန့်ရှိ ပြီဖြစ်ပါသည်။

(၅) ညွှန်ချုပ် ဒေါက်တာအောင်မြင့်၏ ကိုယ်ကျိုးရှာလုပ်ငန်းများတွင် မပူးပေါင်းသော ၀န်ထမ်းများကို အမျိုးမျိုးနှိပ်ကွပ်ပါ သည်။ နေရာပြောင်းပစ်သည်။ နယ်ရွေ့ပစ်သည်။ထိုအရာတို့သည် ၀န်ထမ်းကောင်းများ နေ့စဉ်ခံစားနေရသော ပြဿနာ ကြီး ဖြစ်ပါသည်။ ပေါ်ပေါ်ထင်ထင်လည်း မတိုင်ရဲပါ။ ကြီးစွာသော စိတ်ဆင်းရဲမှုများ ဖြစ်ပါသည်။

ထို့ကြောင့် အထက်သို့လိမ်ညာပြီး အကျင့်ပျက်ခြစား အာဏာအလွှဲသုံးစားပြုနေသူ၊ ကိုယ်ကျိုးအတွက် လက်အောက်ဝန် ထမ်းများအား ဖျက်ဆီးအနိုင်ကျင့်နေသူ ညွှန်ကြားရေးမှူးချုပ် ဒေါက်တာအောင်မြင့် ရန်မှ ကယ်တင်ပေးကြပါရန် အထက် သို့ တိုင်ကြားတင်ပြပါသည်။

ဘအေး
တိုင်းရင်းဆေး

Ref: နေ့သစ်

Posted in: ၀၃။ မြန်မာ့ သတင်း