14:30
Unknown
 |
| photo: the nation |
ရေကြီးမှုကြောင့် စက်ရုံများ ပိတ်ထားခဲ့ရသဖြင့် ထောင်ပေါင်း များစွာသော မြန်မာရွှေ့ပြောင်း အလုပ်သမားများ အနေဖြင့် အလုပ်လက်မဲ့ ဖြစ်ခြင်း၊ အခြား ရေဘေး ဒုက္ခသည်များကဲ့သို့ အကူအညီ မရရှိခြင်းတို့ကြောင့် မြန်မာပြည်သို့ ပြန်သွားခဲ့ ကြသည်။
ထိုင်းအစိုးရ အနေဖြင့် ရွှေ့ပြောင်း အလုပ်သမားများအား အကူအညီ ပေးသည့် လုပ်ငန်းများ နှေးကွေးမှု၊ အလုပ်သမား အခွင့်အရေး ချိုးဖေါက်မှုများကို (၂၅၊၁၀၊၂၀၁၁) ရက်နေ့တွင် ထုတ်ပြန်သည့် ထိုင်းနိုင်ငံ ရှေ့နေများ ကောင်စီ၏ ကြေညာချက်တွင် ပြင်းထန်စွာ ဝေဖန်ထားသည်။
နေးရှင်းသတင်းစာ၏ အဆိုအရ ထိုင်းအလုပ်သမား ဝန်ကြီးဋ္ဌာန အနေဖြင့် ရေဘေးဒုက္ခသည် မြန်မာရွှေ့ပြောင်း အလုပ်သမားများအတွက် ယာယီ ကယ်ဆယ်ရေးစခန်း ဖွင့်လှစ်ပေးခြင်းသည် ထိုင်းနိုင်ငံ ရှေ့နေများ ကောင်စီ၏ တွန်းအား တစ်ခုကြောင့် ဖြစ်သည်ဟု ဖေါ်ပြထားသည်။
ထိုင်းနိုင်ငံအတွင်း မှတ်ပုံတင်ထားသည့် ရွှေ့ပြောင်း အလုပ်သမားများအား မိမိတို့ နိုင်ငံသို့ ပြန်ခြင်းထက် ထိုင်းနိုင်ငံအတွင်း ရပ်တည်နိုင်အောင် ဆောင်ရွက်ပေးပြီး လုပ်ငန်းသစ်များ ရှာဖွေပေးမည်ဟု ထိုင်းအစိုးရ တာဝန်ရှိသူ တစ်ဦး၏ ပြောကြားချက်ကို နေးရှင်း သတင်းစာက ကိုးကားထားသည်။
“ထိုင်းအစိုးရ အနေနဲ့ အခုလို မြန်မာရေးဘေး ဒုက္ခသည်တွေအတွက် ကယ်ဆယ်ရေး စခန်း ဖွင့်ပေးပြီး အလုပ်အကိုင် ရှာဖွေပေးမယ်ဆိုတာ ကျနော်တို့ အနေနဲ့ ကြိုဆိုပါတယ်။ မြန်မာပြည်ကို ပြန်သွားတဲ့ အလုပ်သမားတွေ အနေနဲ့ မြန်မာနိုင်ငံတွင်းမှာ ရှိတဲ့ ဂိတ်တွေမှာ ဂိတ်ကြေးတွေ ပေးနေရတယ်ဆိုတော့ သူတို့အနေနဲ့ ယာယီစခန်းတွေမှာ ခဏနေပြီး၊ အလုပ်အကိုင် ရှာဖွေကြတာ ပိုပြီးကောင်းမယ်လို့ ထင်ပါတယ်”ဟု ထိုင်းနိုင်ငံတောင်ပိုင်း၊ ဖန်ငဒေသ အခြေစိုက် ပညာရေးနှင့် ဖွံ့ဖြိုးတိုးတက် ရေးဖောင်ဒေးရှင်း၏ အမှုဆောင် ဒါရိုက်တာ ဦးထူးချစ်က ပြောသည်။
ရွှေ့ပြောင်း အလုပ်သမား ရေဘေး ကယ်ဆယ်ရေးကို လုပ်ကိုင်နေသည့် ကွန်ယက်အဖွဲ့နှင့် ထိုင်းအစိုးရ တာဝန် ရှိသူများသည် (၂၆၊၁၀၊၂၀၁၁)နေ့က ယာယီ ကယ်ဆယ်ရေးစခန်း၌ အစည်းအဝေး ပြုလုပ်ခဲ့ပြီး အရေးပေါ် လိုအပ်ချက်များ၊ အနာဂတ်တွင် ကူညီ ဆောင်ရွက်ပေးသင့်သည့် အကြောင်းအရာများကို ဆွေးနွေးခဲ့သည်။
ထိုင်းနိုင်ငံတွင် ယခုကြုံတွေ့ နေရသည့် သဘာဝ ဘေးအန္တရာယ်သည် နှစ်ပေါင်း (၇၀)အတွင်း အဆိုးရွားဆုံး ဖြစ်ပြီး၊ ခန့်မှန်းခြေ စာရင်းများအရ ထိုင်းအလုပ်သမား လေးသိန်းကျော်နှင့် ရွှေ့ပြောင်း အလုပ်သမား နှစ်သိန်းကျော် ရေဘေးဒဏ် ခံနေကြရသည်ဟု သိရသည်။
Ref: GHR
Posted in: ၀၄။ ထိုင်းသတင်း
0 comments:
Post a Comment