နိုင်ငံကူး လက်မှတ်များ စနစ်တကျ ထုတ်ပေးနေသော်လည်း ပွဲစားများ ရှိနေဆဲ

ကိုရီးယားနိုင်ငံသို့ နိုင်ငံတော် အစိုးရ၏ စီစဉ်ပေးမှုဖြင့် ကိုရီးယား ဘာသာစကား သင်တန်းတက်၍ စာမေးပွဲဖြေဆိုကာ သွားရောက် အလုပ် လုပ်ကိုင်ရန် စီစဉ်နေကြသူများ၏ ပြောဆိုချက်အရ နိုင်ငံကူး လက်မှတ်ပွဲစားများ လုပ်စားနေကြဆဲဟု သိရသည်။ ကိုရီးယား ဘာသာစကား သင်တန်းတက်နေသူ တစ်ဦးမှ “ကျွန်တော်တို့ သင်တန်းမှာ နယ်ကလာတဲ့သူတွေ များတယ်။ ကျွန်တော်တို့လည်း မုံရွာဘက်က လာတာပါ။ အခုသင်တန်းထဲမှာ ပြောနေကြတာက Passport စာအုပ်အတွက် အပြီးအစီး၊ လက်မှတ်တောင် ထိုးစရာမလိုဘူး ခုနစ်သောင်းလို့ ပြောနေကြတယ်။ ကျွန်တော်ကတော့ စာအုပ်ရပြီပြီ။ ကိုယ်တိုင်ပဲ လုပ်ပါတယ်။ ကျွန်တော် ပုံစံ ၁၇ လုပ်တုန်းကလည်း ပိုက်ဆံမပေးရဘူး။ စာအုပ်ရပြီးတဲ့ အထိ စားစရိတ်၊ ခရီးစရိတ် အပါအဝင် ၄၅၀၀၀ ဝန်းကျင်ပဲ ကုန်တယ်”ဟု ပြောပြခဲ့သည်။

အေဂျင်စီတစ်ခုတွင် ဝန်ထမ်းအဖြစ် လုပ်ကိုင်ခဲ့ဖူးသူ တစ်ယောက်က “၂၀၀၇-၂၀၀၈ လောက်မှာ Passport အတွက် ကျွန်တော်လုပ်ခဲ့တဲ့ ကုမ္ပဏီက တစ်သိန်းယူတယ်။ ကုန်တာက ငါးသောင်းလောက်ပဲ။ အဲဒီအချိန်တုန်းက ပွဲစားတွေ အရမ်းခြေရှုပ်တယ်။ အခုပြည်ထဲရေးရုံးကို ရောက်သွားတော့ ရုံးထဲလဲ ဝင်လို့မရကြဘူး။ တစ်ခါတလေ ပွဲစားတွေကို လိုက်ဖမ်းတယ်”။ “အမှန်တကယ်ကတော့ Passport လျှောက်ထားသူတွေရဲ့ အားနည်းချက်ပါ။ တချို့က မေးရမြန်းရမှာ ကြောက်ကြတယ်။ ရုံးထဲဝင်ရမှာ စကားပြောရမှာ မရဲကြဘူး။ အဲဒီတော့ ပွဲစားလုပ်တဲ့သူတွေက လူကြည့်ပြီး မနူးမနပ်တွေဆိုရင် ရိုက်စား လုပ်သွားတာပေါ့။ အခုက အရင်လို တစ်လလည်း စောင့်စရာမလိုဘူး။ အဲဒါကတောင် ပွဲစားအပ်ပြီး လုပ်နေကြသေးတယ်”ဟု ကိုရီးယား ဘာသာစကား သင်တန်းတက်နေသူမှ ပြောသည်။ ယခုအခါတွင် နိုင်ငံကူး လက်မှတ်များကို စနစ်တကျ ထုတ်ပေးနေရာ တိုင်းရင်းသား၊ ဒေသခံအချို့သည် ပွဲစားအပ်၍ အလိမ်ခံရမှုများ ရှိနေခြင်းသည် Passport လျှောက်ထားသူ ကာယကံရှင်များ၏ အားနည်းချက်သာ ဖြစ်ကြောင်း နီးစပ်သော အသိုင်းအဝိုင်းမှ သိရသည်။

Source: Forward Mail

Posted in: ၀၃။ မြန်မာ့ သတင်း